Mga Relihiyon sa Mundo at Mga Kulto

Ipinapaliwanag ng kursong ito ang mga pangunahing paniniwala at kasaysayan ng labingwalong piling kulto at relihiyon, inihahambing ang mga ito sa pangkasaysayang Kristiyanismo at sinusuri ang kanilang mga doktrina at mga isinasagawa na ayon ng Biblia. Ang mag-aaral ay magiging handa na tumugon sa mga pagkakamali ng mga maling relihiyon at mapangangalagaan ang mga Kristiyano mula sa panlilinlang.

Paglalarawan ng Kurso

Ipinapaliwanag ng kursong ito ang mga pangunahing paniniwala at kasaysayan ng labingwalong piling kulto at relihiyon, inihahambing ang mga ito sa pangkasaysayang Kristiyanismo at sinusuri ang kanilang mga doktrina at mga isinasagawa na ayon ng Biblia. Ang mag-aaral ay magiging handa na tumugon sa mga pagkakamali ng mga maling relihiyon at mapangangalagaan ang mga Kristiyano mula sa panlilinlang.

Mga Layunin ng Kurso

(1) Upang tulungan ang mga Kristiyano na maunawaan ang mga pangunahing doktrina ng ilan sa mga pinakamaimpluwensiyang kulto at relihiyon.            

(2) Upang tulungan ang mga Kristiyano na maunawaan kung bakit nakakasama ang ilang tiyak na maling doktrina.

(3) Upang bigyang-kakayahan ang mga pastor na protektahan ang kanilang kongregasyon mula sa impluwensiya ng mga kulto.

(4) Upang sanayin ang mga Kristiyano sa mga tugon ayon sa Biblia para sa mga kamalian ng mga kulto.

(5) Upang bigyan ng mga praktikal na direksiyon sa pag-eebanghelyo sa mga miyembro ng mga kulto.

Mga Paliwanag at mga Direksiyon Para sa mga Tagapanguna sa Klase

Ang ilan sa mga direksiyon ay nakaimprenta sa kabuuan ng bawat leksiyon na italics.

Kapag ang mga Kasulatan ay nakalista sa parenthesis o sa loob ng pangunahing teksto, dapat basahin ng klase ang Kasulatan bago magpatuloy.

Ang mga leksiyon tungkol sa mga grupong pangrelihiyon (Leksiyon 3-20) ay sumusunod sa modelo na inilarawan sa mga sumusunod na direksiyon. Ang unang dalawang leksiyon ay sa mga espesyal na paksa.

Ang mga direksiyong ito ay naglalarawan kung paano matuturuan ang klase ng pinakamataas na antas ng kalidad. Dapat panatilihin ng tagapanguna sa klase ang batayang ito para sa mga mag-aaral na nagnanais na magkaroon ng sertipiko mula sa Shepherds Global Classroom. Para sa ibang klase ng mga grupo na hindi nakatugon sa mga pangangailangang ito, ang guro ay maaari na iangkop ang mga pangangailangan ayon sa kanilang kakayahan, at magbigay ng ibang sertipiko.

Sa aming kalkula ang bawat leksiyon ay gagamit ng dalawang oras upang matapos ng lubusan. Kapag ang grupo ay nagtitipon sa mas maikling oras, ang leksiyon ay maaaring hatiin sa dalawang pagtitipon.

Pagkakasunod-susnod ng mga Gawain ng Grupo

(1) Mga ulat tungkol sa pagbabalik-loob ayon sa Ebanghelyo. Gospel conversation reports (Tinatayang oras: 20 minuto, kung mayroong ilang mga pag-uulat)

Ang mga mag-aaral na nakatapos na ng takdang-aralin na pag-uusap mula sa sinundang leksiyon ay dapat mag-ulat. Dapat nilang sabihin ng simple ang kwento tungkol sa kanilang pag-uusap. Ang ibang mag-aaral ay maaaring magpanukala ng mga gagawin sa hinaharap. Huwag hayaan ang mga mag-aaral na maging sobrang mapanuri sa sinumang nag-uulat.

(2) Oras ng Pagbabalik-Aral ng Klase (Tinatayang Oras: 5-10 minuto)

Dapat itanong ng tagapanguna sa klase ang mga tanong sa pagbabalik-aral para sa sinundang leksiyon, pagkatapos ay ilan pang tanong na pagbabalik-aral mula sa ibang leksiyon na napag-aralan na. Ang layunin ay makapagtatag sa mga mag-aaral ng pangmatagalang pagsasa-ulo at pagwawasto ng mga maling pag-kakaunawa na maaaring mayroon sila. Nakatutulong ang mga tanong sa pagbabalik-aral upang maalala nila ang pinakamahahalagang katotohanan. Maaaring gawing napaka-epektibo ng tagapagturo ang kurso sa paggamit ng mga tanong sa pagbabalik-aral. Matatagpuan ang mga tanong sa pagbabalik-aral sa dulo ng kursong ito.

(3) Unang Paghaharap

Dapat may isang bumasa ng parapo na pinamagatang “Unang Paghaharap.” Dapat itong gawin nang walang maraming komento o talakayan. Ang mga kwento ay karamihang walang konklusyon upang maging mausisa tungkol sa grupong pinag-uusapan. Sa ilang bihirang kaso, ang testimonya sa dulo ng leksiyon ay tungkol sa parehong tao na binanggit sa Unang Paghaharap.

(4) Pag-aaral sa Kasulatan – Unang Bahagi (Tinatayang Oras: 15 minuto)

Sama-samang basahin nang malakas ang nakatakdang talata. Ilang mag-aaral ang maaaring magsalit-salit sa pagbasa sa mga talata. Pagkatapos magkaroon ng ilang minuto ng katahimikan para sa mga mag-aaral upang sumulat ng buod na parapo at isang listahan ng mga pangungusap (espesipikong mga tagubilin ay nasa bawat leksiyon). Pagkatapos nilang sumulat, hayaan ang ilang mag-aaral na sabihin kung ano ang kanilang isinulat upang ang bawat isa ay matuto rin mula sa iba.

(5) Pag-aaral tungkol sa Grupong Pangrelihiyon. (Tinatayang Oras: 20 minuto)

Pag-aralan ang impormasyong ibinigay tungkol sa grupong pangrelihiyon. Ang tagapanguna o ibang tao sa grupo ay maaaring basahin at ipaliwanag ang materyal sa grupo. Ang ibang mag-aaral ay maaaring basahin at ipaliwanag ang mga quotations sa mga margin. Sa panahong ito ng pag-aaral, kinakailangang hanapin ang talata sa Kasulatan na nasa footnotes.

Ang simbolong ► ay nagpapahiwatig ng tanong para sa pagtatalakayan. Dapat itong itanong ng tagapanguna sa klase at bigyan ang mga mag-aaral ng panahon upang talakayin ang sagot. Mayroong ilang ganito sa bawat leksiyon. (Tinatayang Oras: 10 minuto).

(6) Pagbasa ng mga Kasulatang May Footnote (Tinatayang Oras: 10 minuto)

Ngayon balikan ang naunang materyal at basahin ang bawat may footnote na katotohanan at reperensiyang Biblikal. Dapat hanapin ng lahat ng mag-aaral ang mga talata at magkaroon ng kanya-kanyang pagkakataon sa pagbasa nito sa grupo.

(7) Paggamit ng Handbook ng mga Doktrina (Tinatayang Oras:20 minuto)

Ang Handbook ng Mga Doktrina ay isang seksiyon ng materyal sa kursong ito na nakaimprenta sa dulo ng mga leksiyon. Sa puntong ito sa leksiyon, tingnan ang mga paksa ng Handbook ng Doktrina na nakalista sa ilalim ng leksiyong ito. Dapat sama-samang basahin ng mga mag-aaral ang Kasulatan at tiyaking nauunawaan nila kung paano pinatutunayan ng talata ang isang punto. Dapat ipakita ng bawat mag-aaral na kaya niyang patunayan ang isang punto mula sa Kasulatan. May ilang punto na ginamit sa ilang leksiyon. Hindi kinakailangang ulitin ang paggamit ng parehong mga punto kung tila natututuhan naman itong mabuti ng mga mag-aaral.

(8) Pag-eebanghelyo (Tinatayang Oras: 10 minuto)

Nagbibigay ang seksiyong ito ng ilang praktikal na bagay na dapat tandaan kapag nakikipag-usap sa mga miyembro ng partikular na grupong pangrelihiyon. Sa ilang leksiyon ang seksiyong ito ay isinama sa seksiyon ng “Paggamit ng Handbook ng Doktrina.”

(9) Isang Patotoo

May isang dapat bumasa sa seksiyon ng materyal na may titulong “Isang Patotoo.” Ang lahat ng mga patotoo ay tunay na pangyayari, bagaman kung minsan ang mga pangalan ay binago.  

(10) Pag-aaral sa Kasulatan - Ikalawang Bahagi (Tinatayang Oras: 20 minuto)

Sa katapusan ng sesyon ng pag-aaral, basahin uli ang nakatakdang talata sa Kasulatan. Maghintay ng ilang minuto para sa bawat mag-aaral upang sumulat ng parapo na nagpapaliwanag sa mensahe ng talata para sa isang miyembro ng grupong pangrelihiyon na kanilang pinag-aralan. Hayaan ang ilan sa mga mag-aaral na ibahagi sa grupo kung ano ang kanilang isinulat.

(11) Takdang-Aralin

Laging tapusin ang oras ng leksiyon sa pagpapaalala sa mga mag-aaral na magtakda ng pagkakataon para sa pagpapahayag ng ebanghelyo. Dapat magkaroon ng pakikipag-usap ang mag-aaral sa isang miyembro ng grupong pangrelihiyon na pinag-aaralan, kung maaari. Dapat niyang sikapin na ipahayag ang ebanghelyo at ibang katotohanang Kristiyano. Kung hindi posible sa kanya na makakita ng miyembro ng partikular na grupong pangrelihiyon, dapat siyang humanap ng isang maaaring interesado na marinig ang materyal. Dapat niyang ilarawan ang pangunahing paniniwala ng relihiyon, at pagkatapos ay magbigay ng pagtugon na ayon sa Biblia. Dapat siyang maghanda na sabihin sa klase ang tungkol sa pag-uusap na ito.

Ang bawat mag-aaral ay dapat mag-ulat ng mga pag-uusap tungkol sa sampung iba’t-ibang relihiyon sa kabuuan ng kurso. Ang nakasulat na ulat ng bawat pag-uusap ay dapat maglarawan ng mga katangian ng relihiyon na mahalagang malaman ng isang nag-eebanghelyo. Sa ulat, dapat ipaliwanag ng mag-aaral kung ano ang ipinahayag niya sa pag-uusap, at kung paano tumugon ang kanyang kinausap. Ang ulat ng bawat pag-uusap ay dapat 2 pahina ang haba. Dapat ipaliwanag ng tagapagturo ang takdang-araling ito ng ilang beses sa panahon ng unang ilang leksiyon. Ang mabubuting ulat ng mga mag-aaral ay maaaring ipakita sa grupo bilang mga halimbawa.

Ang sampung pag-uusap at pagsulat ng mga takdang-aralin ang mga pangunahing takdang-aralin sa kursong ito. Isang form ang nakaimprenta malapit sa dulo ng aklat na ito para magamit ng tagapagturo para makagawa ng mga record.

(12) Mga Inirerekomendang Pagkukunan

Kung nais ng mga mag-aaral na mas marami pa ang matutunan tungkol sa alinmang grupong pangrelihiyon ay dapat tingnan ang mga Inirerekomendang Pagkukunan malapit sa likod ng aklat upang makita ang pagkukunan na mayroon tayo.