Lumaki si Elliot bilang isang Katolikong Romano, ngunit umalis sa simbahan nang siya ay magkaedad. Namuhay siya sa kalayawan sa maraming taon, ngunit nagsimulang makaramdam na kailangang-kailangan niya na makatagpo ng layunin sa buhay. Isang kaibigan ang nag-akay sa kanya sa paggamit ng masamang gamot, at pakiramdam ni Elliot nagkaroon siya ng bagong pananaw sa sanlibutan at sa kanyang sarili. Nagsimula rin siyang makarinig ng mga tinig na nagbibigay sa kanya ng mga direksiyon.

Sama-samang basahin nang malakas ang Awit 19. Pasulatin ang bawat mag-aaral na isang parapo na nagbubuod sa talata na ito ng kasulatan. Ano ang ipinapakita sa atin ng talata na ito tungkol sa mga epekto ng katotohanan ng Dios? Pasulatin ang bawat mag-aaral ng listahan ng mga pahayag. Bilang isang grupo, talakayin ang inyong isinulat.

Introduksiyon sa New Age Religion[1]

[2]Ang New Age Religion ay mayroong iba’t-ibang grupo, organisasyon, at mga indibidwal. Hindi sila nagkakaisa sa ilalim ng isang partikular na pangalan o pahayag ng mga paniniwala. Ang ilan ay tila napakarelihiyoso, ang iba ay tila siyentipiko sa halip na relihiyoso. Hindi lahat sa kanila ay nagsasabi na sila ay bahagi ng New Age Religion, ngunit magkakapareho sila sa ilang mga katangian.

Ang mga tagasunod ng New Age ay naniniwala sa posibilidad ng tao’y makalulutas ng lahat ng suliranin. Naniniwala sila na ang isang tao ay maaaring umunlad at maging isang nilalang na may kapangyarihang malayong higit sa kung ano ang itinuturing na normal sa kasalukuyan. Naniniwala sila na lahat ng sagot ay nasa ating kalooban.[3] Naniniwala sila na ang layunin ng edukasyon ay hindi para sabihin sa atin kung ano ang totoo kundi upang ipakita sa atin kung paano bubuksan ang ating sariling potensiyal.

► Anong doktrinang Kristiyano tungkol sa tao ang winawalang-halaga ng New Age?

[4]Upang mabuksan ang potensiyal ng tao, tinitingnan ng New Age ang sinaunang karunungan sa mga paganong relihiyon at gawaing kulto. Nagsasagawa sila ng astrolohiya, espiritismo, at lahat ng uri ng pagsangguni sa mga espiritu at panghuhula. Sinisikap nilang makipag-ugnayan sa mga espiritu at mga tao na nabuhay sa nakalipas na panahon. Nagsasagawa sila ng channeling, kapag ang espiritu ng isang taong nabuhay sa nakalipas ay pansamantalang pumapasok sa katawan at tinig ng isang taong nabubuhay.[5]

Hindi sila naniniwala na ang alinmang relihiyon ay nagtataglay ng lahat ng katotohanan. Naniniwala sila na lahat ng relihiyon ay sa katotohanan ay pare-pareho, ngunit mayroong iba’t-ibang paniniwala at gawain na nakatutulong. Kahit na ang ilan sa mga paniniwala ay sumasalungat sa iba, iniisip nila na ito ay kapwa maaaring totoo sa isang hindi makatwirang paraan. Tinatanggihan nila ang pagsasabi na ang isang doktrina ay walang pasubaling totoo. Hindi sila naniniwala na ang alinmang doktrina ay magiging totoo sa kahulugan na ang magkakasalungat na doktrina ay magiging mali. Kinamumuhian nila ang Kristiyanismo dahil inaangkin nila na ito ang tama at ang ibang relihiyon ay mali.[6] Tinatanggap nila ang alinmang grupong pangrelihiyon na hindi nag-aangkin na nasa kanila ang katotohanan na dapat paniwalaan ng lahat.

►Anong ibang relihiyon ang hindi magugustuhan ng New Age?

Tinatanggap nila ang supernatural nang walang anumang prinsipyo sa pagbubukod sa pagitan ng mabuting kapangyarihan at masamang kapangyarihan. Sila ay may tendensiya na maniwala na ang anumang pakikipag-ugnay sa espiritu ay mabuti.[7]

Hindi ibinubukod ng mga tagasunod ng New Age ang kanilang sarili mula sa ibang relihiyon. Iniisip nila na maraming relihiyon ang nakikibahagi sa karamihan ng kanilang mga paniniwala, espesyal ang mga silanganing relihiyon, mga relihiyon tulad ng Buddhismo, Hinduismo, at Taoismo. Gusto rin nila ang mga relihiyong animist religion, ang mga naniniwala na ang lahat ng bagay at buong sanlibutan ay may sariling kaluluwa, na nakikipag-ugnayan sa mga espiritu sa kalikasan (inilarawan ang animismo sa Leksiyon 15).

[8]Itinatanggi nila ang katotohanan ng kamatayan. Iniisip nila na ang kamatayan ay simpleng kapag ang isang tao ay lumilipat sa ibang lebel ng pag-iral. May nagsasabi na ang buhay pagkatapos ng kamatayan ay halos pareho ng natural na buhay sa ngayon. Marami sa kanila ang naniniwala sa muling pagkakatawang-tao at sa prinsipyo ng karma, tulad sa Hinduismo. Sa halip na tingnan ang muling pagkakatawang-tao bilang isang masamang bagay, tulad sa Hinduismo at Buddhismo, ang relihiyong New Age ay nag-iisip na mabuti ang mabuhay nang ilang beses. Ang ilan sa kanila ay nag-iisip na kilala nila kung sino sila sa nakaraan nilang buhay.

Ang kanilang pananaw sa Dios ay pantheistic. Ibig sabihin, sila ay naniniwala na ang lahat ng reyalidad ay iisang pinakadiwa, at ang lahat ng bagay kapag pinagsama-sama ay Dios. Ang bawat bagay at bawat tao ay bahagi ng Dios. Hindi sila naniniwala sa isang pinakamakapangyarihang Dios na siyang Manlilikha. Hindi sila naniniwala na ang Dios ay isang persona na nakapag-iisip o nakapagsasalita.

►Mananalangin ba ang isang tagasunod ng New Age?

Ang New Age ay naniniwala na si Hesus ay isang taong nakakaalam kung paano gamitin ang mga espesyal na kapangyarihan at sinikap na ituro sa iba na gawin din ang gayun. Naniniwala sila na hindi iniisip ni Hesus ang tungkol sa pamantayan ng pag-uugali at hindi hinatulan ang maling ginagawa ng sinuman.

Hindi sila naniniwala sa reyalidad ng kasalanan, dahil hindi sila naniniwala sa Dios na nagtatakda ng pamantayan at nagtatakda ng paghatol. Naniniwala sila na ang kasamaan sa mundo ay isa lamang pangangailangan ng kaalaman at pag-aayon dito upang ang lahat ng bagay ay magkaroon ng pagkakatugma. Binibigyang-katwiran ng New Age ang lahat ng klase ng makasalanang kabuktutan.[9]

Tinatanggihan ng New Age ang konsepto ng kaligtasan sa Biblia. Hindi naniniwala ang New Age na tunay ang kasalanan at naniniwala na ang solusyon sa mga suliranin ng tao ay ang pagpapaunlad ng espirituwal na kamalayan at espirituwal na kapangyarihan.

Naniniwala ang New Age na ang sangkatauhan ay pumapasok sa isang espesyal na kapanahunan kung saan ang mga taong nakauunawa sa mga prinsipyo ng New Age ay babago sa buong lipunan. Naniniwala sila na magkakaroon ng kapayapaan at seguridad na pang-ekonomiya para sa lahat.[10]

► Ano ang pinaniniwalaan ng New Age sa halip ng konspeto ng kaligtasan ayon sa Biblia?

[11]Pagkilala sa mga Kinatawan ng New Age

Maraming bagay ang nakakatulong upang tukuyin ang isang grupo, organisasyon, o manunulat bilang New Age. Ang ilang halimbawa ay pagiging vegetarian dahil sa pangrelihiyon o philosophical na kadahilanan, mga pamamaraang mystical sa kalusugan na hindi naman maipaliwanag ayon sa siyensiya, reperensiya sa karma, paggamit ng mga salita tungkol sa pamumuhay na nakikiisa sa kalikasan o sa cosmos, meditation bilang paraan ng non-rational na pag-unawa, paggamit ng mga salita tungkol sa maaaring walang limitasyong kakayahan ng tao, hindi maipaliwanag na klase ng psychological o mystical na enerhiya at lakas, pakikipag-usap sa mga patay o sa mga espiritu, paggamit ng iba’t-ibang bagay para sa divination, astrolohiya, witchcraft at wicca, pangrelihiyong pakikisama sa kalikasan, interes sa mga pyramid at kristal, interest sa UFO at mga nilikhang hindi mula sa mundo, nagtitiwala sa mga gabay na espiritu at mas matataas na nilalang, at mga konsepto at gawaing kinuha mula sa mga relihiyong galing sa Silangan.

► Anong mga halimbawa ng ginagawa ng New Age ang nakita mo na o kaya’y narinig mo?

Ang Tugon bilang Kristiyano

Walang anumang bagay na bago tungkol sa relihiyong New Age. Ang Isaias 47:10-14 ay nakaukol sa isang tiyak na bansa na nagsasagawa ng lahat ng klase ng pangkukulam, at ito ay tulad ng New Age. Humahanap sila ng espesyal na karunungan habang nagsasagawa ng kabuktutan. Sinisikap nilang maging dios. Nag-imbento sila ng maraming paraan ng paglikha ng espirituwal na kapangyarihan.

Ipinagbabawal ng Biblia ang lahat ng uri ng mahika at pangkukulam, hindi dahil ito ay hindi totoo, kundi dahil ito ay masama at sumasalungat sa kapangyarihan ng Dios. (Levitico 19:26, 31, 20:6, Deuteronomio 18:9-12). Inutusan ng Dios ang bansang Israel na patayin ang mga mangkukulam (Exodo 22:18, Levitico 20:27). Ang mga Kristiyano sa kasalukuyan ay walang responsibilidad ng pagbitay o pagpatay na sinuman, ngunit ang utos ay nagpapakita ng lubos na paghatol ng Dios sa kasalanang iyon. Sa Bagong Tipan, kapag ang mga tao ay nagbabalik-loob sinisira nila ang kanilang mga aklat ng mahika (Mga Gawa 19:19).

Tinatanggihan ng mga tao ang Dios nguni’t humahanap pa rin ng espirituwal na kapangyarihan. Higit doon ang kapangyarihan ng Dios at ginagamit niya ang kanyang kapangyarihan para doon sa mga sumasampalataya sa kanya ngunit hindi niya inilalagay ang kanyang kapangyarihan sa kontrol ng tao. Ang isang taong humahanap ng kapangyarihan at kaalaman sa pamamagitan ng pamamaraang mahika ay pagsisikap na hanapin ito habang tinatanggihan ang Dios. Ang interaksiyon sa mga espiritu at ang paghanap ng kapangyarihan ay nagdadala sa isang tao sa mas malalim na kasamaan.

Ngayon bumalik at sama-samang basahin ang mga footnotes para sa buong seksiyon sa relihiyong New Age. Dapat hanapin ng lahat ng mag-aaral ang mga reperensiyang talata ng Kasulatan at magsalit-salit sa pagbasa nito sa grupo.

Prayoridad na ibahagi ang ebanghelyo sa isang tagasunod ng New Age. Huwag kayong makikipagtalo na siyang pipigil sa inyo sa pagbabahagi ng ebanghelyo. Maaari niyang isipin na siya ay pamilyar sa mga iglesya, at tinanggihan niya ang iglesya, ngunit maaaring hindi niya lubusang nauunawaan kung ano ang ebanghelyo.

Ipinakita ni Hesus ang dakilang kapangyarihang magpagaling, magpropesiya, at alamin ng katotohanan. Mas higit siya sa sinumang tagapanguna ng New Age. Hindi siya isang halimbawa ng isang taong pinaunlad ang sarili at gumamit ng mga espirituwal na kapangyarihan mula sa kalikasan. Nagpasakop si Hesus sa Ama at naniwala sa lubos na katotohanan. Di siya nakakasundo ng mga tumatanggi sa katotohanan ng awtoridad ng Dios, kasalanan at paghuhukom.

Naniniwala ang mga Kristiyano sa isang bagong panahon na darating kasama ng kaharian ng Dios. Ito ang magiging katapusan ng lahat ng paghihirap, at magdadala ng kapayapaan at kaunlaran. Tanging iyon lamang may tamang relasyon sa Dios ang makakapasok sa bagong panahon.

Sinikap ni Elliot na sundin ang mga tinig na kanyang naririnig. Sinabi nila sa kaniya na siya si Kristo, ang Anak ng Dios, ngunit nilabanan niya ang panlilinlang. Kung minsan nakararamdam siya ng supernatural na kapangyarihan at karunungan. Ang ilan sa kanyang mga kaibigan ang nagsabi na walang pagsasalungatan sa pagitan ng paniniwala kay Hesus at paniniwala kay Buddha o iba pa. Nagsimula siyang makaramdam na ang bagay na nagbigay sa kanya ng kapangyarihan ay nagsisikap na angkinin siya. Nakatagpo siya ng isang grupo ng Kristiyano na naging mga kaibigan niya. Nagsimula na maunawaan niya na hindi niya pwedeng pagtiwalaan ang lahat ng mga tinig na kanyang naririnig. Kung minsan nagsasalita ang Dios sa kanya, ngunit kung minsan ang masasamang espiritu ay nagsisikap na dalhin siya sa maling direksiyon. Natutuhan niyang subukin ang mga ideya sa solidong katotohanan. Natagpuan niya na ang tunay na relasyon kay Kristo ay mas nakasisiya kaysa lahat ng mga karanasan na pinagdaanan na niya.

Ngayon ay muling basahin ang Awit 19. Ang bawat mag-aaral ay dapat sumulat ng isang parapo na nagpapaliwanag sa mensahe ng talata na ito para sa isang tagasunod ng New Age. Hayaan ibahagi ng ilan sa mga mag-aaral ang kanilang isinulat.

Tandaan na humanap ng pagkakataon na ipahayag ang ebanghelyo sa isang nagmula sa grupong pangrelihiyon na ito. Maghanda na ibahagi sa inyong mga kamag-aral ang tungkol sa inyong pakikipag-usap.