Lumaki si James sa isang pamilyang Taoismo sa Malaysia. Ang kanyang pamilya ay may mga dios-diosan at isang altar para sa pagsamba sa mga ninuno. Takot si James sa mga dios-diosan, ngunit nag-aalay siya sa kanila dahil natatakot siya na paparusahan nila siya kung hindi siya nag-aalay. Narinig na niya ang tungkol kay Hesus, ngunit iniisip niya na si Hesus ay dios para sa mga taga Kanluran lamang.

Sama-samang basahin nang malakas ang Awit 16. Pasulatin ang bawat mag-aaral ng isang parapo na nagbubuod sa talata ng Kasulatan. Ano ang sinasabi ng talata na ito sa ginagawa ng Dios para sa kanyang bayan? Pagawain ang bawat mag-aaral ng isang listahan ng mga pahayag. Bilang isang grupo, talakayin ang inyong isinulat.

 Introduksiyon sa Taoismo

Ang Taoismo ay maaaring sinimulan ng isang aklat na may pamagat na Tao TeChing na isinulat ng isang lalaki mula sa China na nagngangalang Laozi sa isang panahon bago 350 B.C. Hindi natitiyak kung si Laozi ay isang indibidwal o kung ang mga nasulat ay kinolekta mula sa ilang manunulat. Ang mga isinulat ng isang lalaking nagngangalang Zhuangzi ay nakaimpluwensiya rin sa relihiyon.[1] 

Ang Taoismo ay tinatawag ring Daoismo.

Ang koleksiyon ng mga kasulatan para sa Taoismo ay binubuo ng mahigit sa 1,000 na aklat. Ang koleksiyon ay tinatawag na Tao Zang.

Ang mga ginagawa at konsepto ng Taoismo ay naimpluwensiyahan ng Confucianismo at mga aspeto ng lokal na relihiyon at kulturang Chinese. Malaki ang pagkakaiba-iba ng mga ginagawa ng Taoismo sa iba’t-ibang lugar.

[9]

[10]

Mahirap tantiyahin ang bilang ng mga Taoist dahil maraming tao ang indibidwal na nagsasagawa nito at dahil ito ay nakahalo sa iba’t-ibang uri ng relihiyon. Tinataya na mayroong 400 milyon na Taoist sa Tsina. Umiiral ang Taoismo sa mga populasyong Tsino sa iba’t-ibang bahagi ng mundo, katulad ng Singapore at Taiwan. Marami rin ang nasa Vietnam at Korea.

Maraming iba’t-ibang paaralan at monasteryo para sa Taoismo ang umiiral, nguni’t hindi nagkakaisa sa isang organisasyon. Ang mga Taoist ay nagsasagawa ng mga ritwal na naglalayon na impluwensiyahan ang mga dios at espiritu. Maraming monasteryong Taoist ang humihingi sa kanilang mga monghe na maging vegetarian(ang pagkain lamang ng gulay). Kabilang sa mga ritwal ang pagsasakripisyo ng baboy, bibe o prutas. Kung minsan nagsusunog sila ng espesyal na papel na may larawan, na ang ideya ay ang anumang bagay na nasa larawan ay nagiging isang tunay na bagay sa mundong espirituwal, lumilikha ng isang bagay na magagamit ng mga espiritu.[2]

►Paano dapat makisangkot ang isang Kristiyano sa mundo ng espiritu?

Iba’t-ibang grupo ng mga Taoist ang naniniwala sa iba’t-ibang pantheons ng mga dios-diosan. Naniniwala sila sa interaksiyon sa mga dios, espiritu, at mga ninuno.[3] Nagsasagawa sila ng panghuhula at iba’t-ibang anyo ng pakikipag-ugnay sa espiritu o mas kilala na divination. May mga naniniwala sa mga medium, isang tao na sa pamamagitan nila ay nakikipag-ugnayan ang mga espiritu. Sa Tsina at iba pang lugar kung saan maraming Taoist, mayroon silang ilang parada taon-taon. Ang mga nakikilahok ay nagsusuot ng mga damit na kumakatawan sa iba’t-ibang dios o espiritu.

Ang nakikilahok ay itinuturing na nilulukuban ng dios-diosan o espiritu na kinakatawan niya.[4]

Ang dios na namamahala sa mundo ay tinatawag na Yu-huang, ang Jade Emperor. Ayon sa alamat siya ay isang lalaking isinilang sa isang emperador, na lumaki bilang dios, na siyang kalagayan niya ngayon. Namamahala siya sa lahat ng ibang dios at espiritu. Bagaman si Yu-huang ay ang namamahalang dios, sa itaas niya ay may isa pang dios, hindi nakikilahok sa mundo, na may absolute na katangian. Si Yuan-shih T’ien-tsun ay tinatawag na ang Unang Prinsipal, at pinaniniwalaang walang pinagmulan o katapusan, na umiiral bago pa man ang anumang iba pa. Pinaniniwalaan na siya ay umiiral sa kanyang sarili, walang limitasyon, hindi nagbabago, hindi nakikita, taglay ang lahat ng katangian, nasa lahat ng lugar, at ang pinagmumulan ng lahat ng katotohanan.

► Ano ang nawawala sa konsepto ng Taoist tungkol sa Dios?

Ang Tao ay ang salita ng Taoist para sa reyalidad na ibinibilang at sinusuportahan ang lahat ng umiiral. Ang terminong Tao ay isinasalin din bilang “ang daan” dahil ito ay tumutukoy sa paraan na ang mga bagay ay tinutustusan at muling hinuhubog.[5]

Naniniwala ang mga Taoists na ang Tao ay hindi maaaring ipaliwanag o maunawaan. Sinasabi nila na ang Tao ay hindi anumang bagay na maaaring sabihin tungkol sa Tao.[6]

► Paano naiiba ang teolohiya ng Kristiyano mula sa mga pangungusap ng Taoist tungkol sa Tao? Mauunawaan ba natin ang Dios?

Naniniwala ang mga Taoist na ang lahat ng salungat ay guni-guni lamang o simpleng maling aspeto ng reyalidad. Ang layunin ng Taoist ay dalhin ang kanyang sarili na naaayon sa mga elemento ng sanlibutan. Ang kanyang layunin ay pabutihin ang kanyang kalusugan at pahabain ang kanyang buhay. Ang taoist ay naniniwala na ang isang tao ay maaaring maging imortal kung siya ay perpektong aangkop sa mga elemento ng sanlibutan. [7]  

Ang “Yin at Yang” na diagram ay naglalarawan sa konsepto ng Taoist na ang lahat ng magkakasalungat katulad ng mabuti at masama ay tunay na magkaiba panig ng reyalidad.

Naniniwala ang Taoist na mayroon nang nakatupad nito at dapat sambahin bilang dios.[8] Naniniwala ang mga Taoist na si Hesus ay isang taong espiritual na nakahihigit sa iba at ipinakita ang daan para sa mga tao upang maging dios.

Katulad ng mga Buddhists at Hindu, naniniwala ang mga Taoist sa walang katapusang cycles ng panahon, na walang simula, walang katapusan at walang pangyayari na permanenteng bumabago sa mga bagay. Hindi katulad ng Hinduismo at Buddhismo, hindi naniniwala ang Taoist sa sistema ng pagkakatawang-tao, karma at nirvana.

Ngayon bumalik sa naunang materyal at tingnan ang mga puntos na may marka. Ang bawat isa ay may footnote na may biblikal na katotohanan at reperensiya. Dapat hanapin ng lahat ng mag-aaral ang mga talata at magsalit-salit sa pagbasa sa mga ito sa grupo.

Dahil hindi naniniwala sa Biblia ang mga Taoist, ang paggamit ng mga tekstong patotoo upang pabulaanan ang kanilang mga paniniwala ay hindi makababago sa kanilang pag-iisip. Sa halip, ipahayag ang ebanghelyo ayon sa Biblia sa paraang tinutugunan nito ang kanilang pangangailangan. Ang personal na testimonya ng Kristiyano ng kanyang relasyon sa Dios ay makakatulong upang hipuin ang pangangailangan ng Taoist na makilala ang Dios.

Maaari tayong sumang-ayon sa ilan sa mga ethics ng Toism. Itinuturo nila na dapat mahalin ng mga tao ang kanilang kapwa, maging mahinahon, iwan ang pagiging makasarili, iwasang husgahan ang iba, at huwag maglayong yumaman.

Naniniwala sila na ang Tao ay ang pinagmumulan ng lahat ng bagay at matatagpuan sa lahat ng bagay. Naniniwala tayo na ang Dios ang Manlilikha ng lahat at matatagpuan sa lahat ng lugar. Ang pagkakaiba ay ang paniniwala natin na ang Dios ay isang persona na may pag-iisip at layunin, at tayo ay maaaring makipag-ugnayan at magkaroon ng relasyon sa kanya.

Naniniwala sila na ang Tao ay nangangalaga sa lahat ng nilalang. Naniniwala tayo na ang Dios ay kasangkot sa kanyang nilikha at nangangalaga siya dito, ngunit ginagawa niya ito nang may kamalayan, tulad ng isang Ama na nagmamahal sa atin.

Naniniwala ang Taoist na maaaring mayroong dios na may lubusang katangian na nakakaalam sa lahat ng bagay, nasa lahat ng lugar, at nagtataglay ng lahat ng katangian. Ito ay tumutugma sa paniniwala ng Kristiyano tungkol sa Dios, at maibabahagi natin sa kanila na siya ay ang Dios na lumikha sa tao sa kanyang sariling wangis para sa pagkakaroon ng relasyon. Ipaliwanag na ang Dios na hindi natin maabot ay umabot sa atin nang magkatawang-tao si Kristo. Ipaliwanag na tayo ay nahiwalay sa kanya dahil sa kasalanan, ngunit maaaring magkaroon ng relasyon sa kanya dahil kay Hesus.

Naniniwala ang mga Kristiyano na ang walang hanggan, lubusang Dios ay nangusap at ibinigay ang Biblia bilang ang nakasulat na anyo ng kanyang mensahe sa tao. Ialok na ibahagi ang ebanghelyo sa Taoist upang makapagpasya kung paniniwalaan niya o hindi na ito ay isang mensahe mula sa Dios.

Nasa ibaba ang isang espesyal na tala (“Isang Nakakalitong Uri”) kaugnay sa tatlong relihiyon na pinag-aralan natin. May isang dapat bumasa at magpaliwanag sa tala, pagkatapos hayaan ang mga miyembro ng klase na sabihin kung anong mga sanga ng mga relihiyong ito ang narinig na nila.

Maraming sanga ang Hinduismo, Buddhismo at Taoismo na may iba’t-ibang pangalan. Halimbawa, ang Falun Gong ay isang relihiyon na batay sa tatlong ito, ngunit espesyal na galing sa Buddhismo. Tulad ng Falun Gong, ang isang kilusang pangrelihiyon ay maaaring magsimula sa isang indibidwal na tagapagturo na bumabago sa ilang bagay at itinuturo ang kanyang sariling paraan ng pagsasagawa sa relihiyon. Ito ay maaaring madaling mangyari dahil ang mga relihiyong ito ay walang malinaw na pagpapahayag ng kanilang pangunahing pundasyon ng mga paniniwala.

Malaki ang pagkakatulad sa isa’t-isa ng mga tagasunod sa mga sanga ng silanganing mga relihiyon at hindi nila itinuturing ang kanilang sariling sanga bilang ang tanging tunay na relihiyon. Humihiram sila ng mga detalye mula sa ibang grupong pangrelihiyon.

Ang ilang sanga ay nagbibigay-diin sa pisikal na kalusugan o mga paraan ng pagharap sa mga kabigatan ng buhay. Maraming tao ang nagsasagawa ng pangkaisipan at pisikal na pag-eehersisyo para sa praktikal na benepisyo at hindi gaanong nag-iisip tungkol sa mga paniniwalang pangrelihiyon. Maaari rin nilang isipin na ang kanilang ginagawa ay hindi isang relihiyon. Gayunman, ang mga ginagawa ay batay sa teolohiya at cosmology na sumasalungat sa katotohanang biblikal.

Ngayon basahing muli ang Awit 16. Ang bawat mag-aaral ay dapat sumulat ng isang parapo na nagpapaliwanag sa mensahe ng talata na ito para sa Taoist. Hayaan ang ilan sa mga mag-aaral na ibahagi kung ano ang kanilang isinulat.

Tandaan na humanap ng pagkakataon upang ipahayag ang ebanghelyo sa isang nagmula sa grupong pangrelihiyong ito. Maghanda na ibahagi sa iyong mga kamag-aral ang tungkol sa iyong pakikipag-usap. Isulat ang iyong 2-pahinang ulat at isumite iyon sa tagapanguna sa inyong klase.