Moetlo oa Lelapa la Bokreste

Thuto ena e fana ka tsela eo Bokreste bo talimang ntšetso-pele ea motho ka mekhahlelo ea bophelo ‘me e sebelisa melaoana ea mangolo mabapi le maikarabello le likamano tsa lelapa.

PDF ea sena e fumaneha mona, hape le sehlomathisong ho app ea mehala kapa ho “Additional Files” websaeteng.

Tlhaloso ka Thupelo

Thupelo ena e ruta melao-motheo ea Molimo ka mekhahlelo ea bophelo le likamano tsa lelapa, ka ho khetholoha lenyalo le kholiso ea ngoana. Ka boithuto bona, baithuti ba tla hlomelloa ho hlompha Molimo mothating oo ba leng ho oona oa bophelo le likamanong tsa bona. Ba tla lokisetsoa ho ruta ba bang melao ea Bibele le phethahatso ea melao eo. Baithuti ba tla khothaletsoa ho sebetsa le kereke ea lehae e le ho tlisa tšusumetso ea khalalelo malapeng a motse le tikoloho ea bona.

Ka hara ntho tse ling, baithuti ba tla ithuta ho etsa bana le bacha, lelapa la borutuoa. Thuto 12, kabelo ea 3, e laela batsoali ba etsang thuto ena ho rala nako ea kopano borapeling ba letsatsi le letsatsi bakeng sa malapa a bona. Shepherds Global Classroom e hlahisitse buka ea lelapa la borutuoa, Lisebelisoa tsa Thuto ea Lelapa, eo batsoali ba ka thabelang ho e sebelisa ka nako eo ba kopaneng borapeling ba lelapa. Buka ena e fumaneha ho www.shepherdsglobal.org

Tlhaloso le Tataiso ho Baetapele ba Sehlopha

Lipotso tse ka buisanoang le liketsahalo tsa ka hara sehlopha li bonahatsoa ka ►. Bakeng sa lipotso tse ka buisanoang, moetapele oa sehlopha a ka botsa potso ‘me a fana ka nako ho baithuti ho buisana ka karabo. Haeba ho araba moithuti ea tšoanang, pele kamehla, kapa baithuti ba bang ba sa arabe, moetapele a ka lebisa potso ho e mong oa bona: “Mpho, u ka araba potso ee joang?”

Thuto ka ‘ngoe e fela ho e-na le lipotso tse ‘maloa tsa boikhethelo tse ka buisanoang. Moetapele oa sehlopha a ka ikhethela lipotso tseo a ka bang le puisano le sehlopha ka tsona.

Tšebeliso ea mangolo e ngata ka hare ho thuto ena. Liratsoana tse lokelang ho balloa sehlopha li bonahalitsoe ka marungoana. Motho ka mong ka sehlopheng a shebe lengolo ha moithuti e mong a ntse a balla sehlopha. Ka nako tse ling, mangolo a hlalosang taba eo ho ntseng ho buuoa ka eona ka tsela ea masakana. Mohlala: (Baefese 6:1). Qotso ena ea lengolo e tšehetsa lipolelo tse hlahang molaetseng. Ha se ka mehla ho hlokahalang hore ho baloe mangolo ka tsela e nang le masakana.

Puisano e khutšoanyane ea lihlooho tse peli ke tse ikhethang li kenyelelitsoe qetellong ea thupelo ena. Lihlooho tsena ha li ea hokahanngoa ka kotloloho le lithuto life kapa life, ‘me hase lithuto tse ikemetseng ka botsona. Leha ho le joalo, ke lihlooho tse bohlokoa ho ka utloisiseha chalimong eo Mokreste a bonang litaba ka eona. Sehlopha se lokela ho ithuta le ho buisana ka Sehlomathiso sa A se tlang kamor’a thuto ea 3 hape le ho ithuta Sehlomathiso sa B se latelang Thuto ea 10. Likhopotso li fanoe qetellong ea thuto tseo ka bobeli.

Thuto ka ‘ngoe e qetelloa ka mesebetsi e lokelang ho etsoa ke baithuti. Mesebetsi ona o lokela o be o felletse ‘me o nehelanoe pele ho nako ea thuto e hlahlamang. Haeba moithuti a sa qeta mosebetsi, a ka o etsa hamorao. Leha ho le joalo, moetapele o lokela ho khothaletsa baithuti ho boloka lehlelo e le hore ba ithute haholo ka sehlopheng. Ha ba se ba qetile mesebetsi oa thuto ka ‘ngoe, baithuti ba lokela ho bala thuto e hlahlamang e le ho itokisetsa thuto e latelang.

Haeba baithuti ba batla ho fumana lengolo ho tsoa Shepherds Global Classroom ba lokela ba be teng mekhahlelong ea lihlopha le ho qetela mesebetsi. Foromo e fanoe qetellong ea thupelo bakeng sa ho ngola mesebetsi e phethetsoeng.

Litšupiso tsa Bibele bukeng ena li nkiloe ho Contemporary Southern Sotho Bible (City Bible Foundation) Copyright © 2024, e fumanehang ho https://www.bible.com/bible/3845/GEN.1_1.CSOB24. Ka kōpo, sebelisa phetolelo efe kapa efe ea Bibele e fumanehang ho bala litemana tsa Bibele thutong ena.