ਯਿਸੂ ਦਾ ਜੀਵਨ ਅਤੇ ਸੇਵਕਾਈ

ਇਹ ਕੋਰਸ 21 ਵੀਂ ਸਦੀ ਵਿਚ ਸੇਵਕਾਈ ਅਤੇ ਅਗਵਾਈ ਦੇ ਨਮੂਨੇ ਵਜੋਂ ਯਿਸੂ ਦੇ ਜੀਵਨ ਦਾ ਅਧਿਐਨ ਕਰਦਾ ਹੈI 

ਇਹ ਕੋਰਸ ਅੱਜ ਦੀ ਸੇਵਕਾਈ ਦੇ ਨਮੂਨੇ ਵੱਜੋਂ ਯਿਸੂ ਦੇ ਜੀਵਨ ਅਤੇ ਸੇਵਕਾਈ ਦਾ ਅਧਿਐਨ ਕਰਦਾ ਹੈ। ਇਹ ਸ਼ੁਭਸਮਾਚਾਰਾਂ ਦਾ ਵਿਖਿਆਤਮਕ ਅਧਿਐਨ ਨਹੀਂ ਹੈ। ਇਸਦੀ ਬਜਾਏ ਇਹ ਕੋਰਸ ਅੱਜ ਦੀ ਸੇਵਕਾਈ ਦੇ ਲਈ ਸਬਕ ਲੈਣ ਲਈ ਯਿਸੂ ਦੇ ਸੇਵਕਾਈ ਦੇ ਕੁਝ ਚੁਣੇ ਹੋਏ ਪਹਿਲੂਆਂ ਨੂੰ ਵੇਖਦਾ ਹੈ। ਜੇਕਰ ਤੁਸੀਂ ਯਿਸੂ ਦੇ ਸੰਪੂਰਨ ਜੀਵਨ ਦਾ ਅਧਿਐਨ ਕਰਨਾ ਚਾਹੁੰਦੇ ਹੋ ਤਾਂ ਇਸ ਪੁਸਤਕ ਦੇ ਪਿੱਛਲੇ ਪਾਸੇ ਸਿਫ਼ਾਰਿਸ਼ ਕੀਤੇ ਹੋਏ ਸ੍ਰੋਤ ਵੇਖੋ।

ਜੇਕਰ ਤੁਸੀਂ ਇਸਦਾ ਅਧਿਐਨ ਇੱਕ ਸਮੂਹ ਦੇ ਤੌਰ ਤੇ ਕਰਦੇ ਹੋ ਤਾਂ ਤੁਸੀਂ ਵਾਰੀ ਸਿਰ ਪੜ ਸਕਦੇ ਹੋ। ਤੁਹਾਨੂੰ ਸਮੇਂ-ਸਮੇਂ ਕਲਾਸ ਦੀ ਚਰਚਾ ਦੇ ਲਈ ਰੁਕਣਾ ਚਾਹੀਦਾ ਹੈ। ਇੱਕ ਕਲਾਸ ਦੇ ਆਗੂ ਦੇ ਰੂਪ ਵਿੱਚ ਤੁਸੀਂ ਇਸ ਗੱਲ ਦੇ ਲਈ ਜਿੰਮੇਵਾਰ ਹੋ ਕਿ ਚਰਚਾ ਅਧਿਐਨ ਸਮੱਗਰੀ ਤੋਂ ਭਟਕ ਨਾ ਜਾਏ। ਹਰੇਕ ਚਰਚਾ ਦੇ ਲਈ ਇੱਕ ਸਮੇਂ ਸੀਮਾ ਨੂੰ ਨਿਰਧਾਰਿਤ ਕਰਨਾ ਚੰਗਾ ਸੁਝਾਅ ਹੈ।

ਚਰਚਾ ਦੇ ਪ੍ਰਸ਼ਨ ਅਤੇ ਕਲਾਸ ਦੀਆਂ ਕਿਰਿਆਵਾਂ ਦੇ ਲਈ ਇਹ  ► ਚਿੰਨ੍ਹ ਦਿੱਤਾ ਹੋਇਆ ਹੈ। ਜਦੋਂ ਵੀ ਤੁਸੀਂ ਇੰਨਾਂ ਵਿੱਚੋਂ ਕਿਸੇ ਇੱਕ ਤੇ ਆਉ, ਤਾਂ ਇਸ ਤੋਂ ਅੱਗੇ ਆਉਣ ਵਾਲਾ/ਵਾਲੇ ਪ੍ਰਸ਼ਨ ਪੁੱਛੋ ਅਤੇ ਵਿਦਿਆਰਥੀਆਂ ਨੂੰ ਉੱਤਰ ਦੀ ਚਰਚਾ ਕਰਨ ਦਿਉ। ਕ੍ਰਿਪਾ ਅਰਥ ਪੂਰਨ ਚਰਚਾ ਦੇ ਲਈ ਸਮਾਂ ਲਵੋ। ਇਸਦੇ ਬਿਨਾਂ ਵਿਦਿਆਰਥੀ ਅੱਜ ਦੀ ਸੇਵਕਾਈ ਨੂੰ ਯਿਸੂ ਦੀ ਸੇਵਕਾਈ ਦੇ ਨਾਲ਼ ਜੋੜਣ ਦੇ ਵਿੱਚ ਅਸਫਲ ਹੋ ਜਾਣਗੇ।

ਪੂਰੇ ਕੋਰਸ ਦੇ ਦੌਰਾਨ ਪਵਿੱਤਰ ਵਚਨਾਂ ਦੇ ਬਹੁਤ ਸਾਰੇ ਹਵਾਲੇ ਦਿੱਤੇ ਗਏ ਹਨ ਜੋ ਮੁੱਖ ਲਿਖਤ ਅਤੇ ਹੇਠਾਂ ਦਿੱਤੀ ਜਾਣਕਾਰੀ ਦੋਨਾਂ ਦੇ ਵਿੱਚ ਪਾਏ ਜਾਂਦੇ ਹਨ। ਜਿੰਨ੍ਹਾਂ ਹਿੱਸਿਆਂ ਦੇ ਵਿੱਚ ਬੁਲੇਟ ਪੌਇੰਟ ► ਦਿੱਤੇ ਗਏ ਹਨ ਉਹ ਕਲਾਸ ਦੇ ਵਿੱਚ ਉੱਚੀ ਆਵਾਜ ਵਿੱਚ ਪੜੇ ਜਾਣੇ ਚਾਹੀਦੇ ਹਨ। ਵਿਦਿਆਰਥੀਆਂ ਨੂੰ ਲੰਬੇ ਹਿੱਸੇ ਕਲਾਸ ਤੋਂ ਪਹਿਲਾਂ ਪੜਣੇ ਚਾਹੀਦੇ ਹਨ। ਛੋਟੇ ਭਾਗ ਕਲਾਸ ਵਿੱਚ ਪੜੇ ਜਾ ਸਕਦੇ ਹਨ।

ਜਿੰਨ੍ਹਾਂ ਭਾਗਾਂ ਨੂਂ “ਇੱਕ ਨੇੜੇ ਦੀ ਝਾਤ” ਕਿਹਾ ਗਿਆ ਹੈ ਉਹ ਸਬਕ ਦੀ ਚਰਚਾ ਦੇ ਲਈ ਖਾਸ ਵਿਸ਼ਿਆਂ ਤੇ ਧਿਆਨ ਲਗਾਉਂਦੇ ਹਨ। 

ਹਰੇਕ ਸਬਕ ਦੇ ਵਿੱਚ ਇੱਕ ਜਾਂ ਅਸਾਇਨਮੈਂਟ ਹੋਣਗੇ। ਜੇਕਰ ਵਿਦਿਆਰਥੀ Shepherds Global Classroom ਤੋਂ ਸਰਟੀਫੀਕੇਟ ਲੈਣਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਕਲਾਸ ਵਿੱਚ ਭਾਗ ਲੈਣਾ ਪਵੇਗਾ ਅਤੇ ਅਸਾਇਨਮੈਂਟ ਪੂਰੇ ਕਰਨੇ ਪੈਣਗੇ। ਕੋਰਸ ਦੇ ਅੰਤ ਵਿੱਚ ਇੱਕ ਫਾਰਮ ਦਿੱਤਾ ਗਿਆ ਹੈ ਜਿੱਥੇ ਪੂਰੇ ਕੀਤੇ ਅਸਾਇਨਮੈਂਟਾਂ ਦੀ ਜਾਣਕਾਰੀ ਦਰਜ ਕੀਤੀ ਜਾ ਸਕਦੀ ਹੈ।  

ਇਸ ਕੋਰਸ ਦਾ ਇੱਕ ਉਦੇਸ਼ ਵਿਦਿਆਰਥੀਆਂ ਨੂੰ ਸਿੱਖਿਅਕ ਬਣਨ ਦੇ ਲਈ ਤਿਆਰ ਕਰਨਾ ਹੈ। ਕਲਾਸ ਦੇ ਆਗੂ ਨੂੰ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਸਿਖਾਉਣ ਦੇ ਹੁਨਰ ਵਿੱਚ ਅੱਗੇ ਵਧਣ ਦੇ ਮੌਕੇ ਦੇਣੇ ਚਾਹੀਦੇ ਹਨ। ਉਦਾਹਰਨ ਦੇ ਵੱਜੋਂ, ਕਲਾਸ ਦੇ ਆਗੂ ਨੂੰ ਕਦੇ-ਕਦੇ ਕਿਸੇ ਵਿਦਿਆਰਥੀ ਨੂੰ ਇੱਕ ਛੋਟਾ ਭਾਗ ਸਿਖਾਉਣ ਦਾ ਮੌਕਾ ਦੇਣਾ ਚਾਹੀਦਾ ਹੈ।