یہ کورس خاص طور پر خدمت میں مسیحی راہنماؤں کے لیے تیار کیا گیا ہے، لیکن یہ ایسے اصول استعمال کرتا ہے جو کسی بھی قیادت کے کردار پر لاگو ہوتے ہیں۔ یہ دکھاتا ہے کہ  اعتماد قیادت کی بنیاد کیوں ہے۔ ایک ممکنہ راہنما سیکھے گا کہ وہ اپنی صلاحیتوں اور کردار کو کیسے ترقی دے اور رسمی عہدہ سنبھالنے سے پہلے اپنے اثر و رسوخ کو کیسے بڑھائے۔ راہنما یہ سیکھیں گے کہ وہ اپنی تنظیموں کی کس طرح راہنمائی کریں تاکہ اقدار کو دریافت کریں، مقصد کی پہچان ، رویّا کو  بانٹنا، اہداف کا تعین، حکمت عملی بنائیں، عملی اقدامات کریں، اور کامیابی کا تجربہ حاصل کریں۔

بحث کے سوالات اور جماعتی سرگرمیوں کو ◄ کے نشان سے ظاہر کیا گیا ہے۔ بحث کے سوالات کے لیے، جماعت کے راہنما کو سوال پوچھنا چاہیے اور طالب علموں کو جواب پر گفتگو کرنے کا وقت دینا چاہیے۔ اگر ایک ہی طالب علم ہمیشہ پہلے جواب دیتا ہے، یا کچھ طالب علم بات نہیں کرتے، تو راہنما مخصوص طالب علم سے سوال پوچھ سکتا ہے: "ساجد ، تم اس سوال کا کیا جواب دو گے؟"

اس کورس میں  زیادہ حوالہ جات  استعمال ہوئے ہیں۔ وہ حوالہ جات جنہیں جماعت میں بلند آواز سے پڑھا جانا چاہیے، اُنہیں تیر کے نشان سے ظاہر کیا گیا ہے۔ دیگر مقامات پر صحیفے کے حوالے جملے کے درمیان قوسین میں دیے گئے ہیں، مثلاً: (1 کرنتھیوں 12: 15)۔ یہ حوالے متن میں دی گئی باتوں کی تائید کرتے ہیں۔ ان قوسین والے حوالہ جات کو ہمیشہ پڑھنا ضروری نہیں۔

کچھ صفحات پر تاریخ کے راہنماؤں کے اقوال شامل کیے گئے ہیں۔ جب جماعت کسی قول تک پہنچے، تو راہنما کسی طالب علم سے کہہ سکتا ہے کہ وہ اس قول کو پڑھے اور اُس کی وضاحت کرے۔ ہمیں لازمی نہیں کہ اُن تمام باتوں سے اتفاق کریں جو ان راہنماؤں نے کیں یا سکھائیں، لیکن ہم ان کی مثالوں سے سیکھ سکتے ہیں۔

ہر سبق کا اختتام اسائنمنٹس پر ہوتا ہے۔ یہ اسائنمنٹس اگلے سبق سے پہلے مکمل کر کے رپورٹ کی جائیں۔ اگر کوئی طالب علم اسائنمنٹ مکمل نہ کرے تو وہ بعد میں کر سکتا ہے۔ تاہم، راہنما کو طالب علموں کو وقت پر کام مکمل کرنے کی ترغیب دینی چاہیے تاکہ وہ جماعت سے زیادہ فائدہ اُٹھا سکیں۔ ہر سبق کا تیسرا اسائنمنٹ اُس سبق کے مخصوص نکات کو زبانی یاد کرنے کا ہوتا ہے۔

ہر جماعتی سیشن کے آغاز پر:

• جماعت کا راہنما پچھلے سبق کے تحریری اسائنمنٹس جمع کرے۔ راہنما اسائنمنٹ 1 میں لکھے گئے کچھ پیراگراف کو جماعتی بحث کے لیے منتخب کر سکتا ہے۔
• ہر طالب علم کو پچھلے سبق کے اسائنمنٹ 3 کا مواد زبانی لکھنا چاہیے۔ اس کے بعد جماعت کو چاہیے کہ وہ اِن یاد کیے گئے بیانات پر مختصر بات چیت کرے تاکہ ہر کوئی اُن کی اہمیت کو سمجھے۔

اگر طالب علم Shepherds Global Classroom کی طرف سے سرٹیفیکیٹ حاصل کرنا چاہے تو اُسے جماعتوں میں شرکت کرنی ہوگی اور تمام اسائنمنٹس مکمل کرنی ہوں گی۔ کورس کے آخر میں ایک فارم دیا گیا ہے جس پر مکمل شدہ اسائنمنٹس کو درج کیا جا سکتا ہے۔

اس کورس کا ایک مقصد طالب علموں کو استاد بننے کے لیے تیار کرنا بھی ہے۔ جماعت کے راہنما کو چاہیے کہ طالب علموں کو تعلیم دینے کی مہارتیں سیکھنے کے مواقع دے۔ مثلاً، راہنما وقتاً فوقتاً کسی طالب علم کو سبق کا ایک مختصر حصہ جماعت کو سکھانے دے سکتا ہے۔

سبق نمبر 17 کے بعد ایک خطبہ شامل ہے۔ قیادت کے بارے میں یہ خطبہ کورس کے کسی بھی مرحلے پر استعمال کیا جا سکتا ہے اور کلیسیاؤں میں سنایا یا قیادت کی ٹیموں کو سکھایا جا سکتا ہے۔