ఈ చేతిపుస్తకము ప్రధానంగా తర్ఫీదుదారులు, పాలకులు, మరియు స్థానిక బోధకుల కోసం ఒక సూచిక మార్గదర్శకంగా ఉపయోగపడుతుంది. కొన్నిసార్లు, తర్ఫీదుదారులు ఈ చేతిపుస్తకమును ఒక కోర్సుగా ఉపయోగించి, స్థానిక సంస్థల బోధకులను మరియు పాలకులను తర్ఫీదు చేయవచ్చు. మరికొన్నిసార్లు, వ్యక్తిగత అంశాలను ఒక నిర్దిష్ట విషయంపై తర్ఫీదు చేయుటకు లేదా Shepherds Global Classroom ను పరిచయం చేయుటకు ఉపయోగించవచ్చు.

తర్ఫీదు కొరకు ఈ చేతిపుస్తకమును ఉపయోగించడం

ఈ చేతిపుస్తకము ప్రధానంగా తర్ఫీదుదారులు, పాలకులు, మరియు స్థానిక బోధకుల కోసం ఒక సూచిక మార్గదర్శకంగా ఉపయోగపడుతుంది. కొన్నిసార్లు, తర్ఫీదుదారులు ఈ చేతిపుస్తకమును ఒక కోర్సుగా ఉపయోగించి, స్థానిక సంస్థల బోధకులను మరియు పాలకులను తర్ఫీదు చేయవచ్చు. మరికొన్నిసార్లు, వ్యక్తిగత అంశాలను ఒక నిర్దిష్ట విషయంపై తర్ఫీదు చేయుటకు లేదా Shepherds Global Classroom ను పరిచయం చేయుటకు ఉపయోగించవచ్చు.

ఒక తర్ఫీదు కార్యక్రమంలో మొత్తం చేతిపుస్తకాన్ని బోధించడానికి సుమారు ఆరు గంటలు పడుతుంది. తర్ఫీదుదారులు సంభాషణ కోసం తరచుగా ఆగాలి.

తర్ఫీదుపొందువారికి బైబిళ్లు, వ్రాయు సామగ్రి, మరియు ఈ చేతిపుస్తకముయొక్క కాపీ ఉండాలి.

విద్యార్థులు పరిశీలించేందుకు తర్ఫీదుదారులు విభిన్న SGC కోర్సులను తీసుకురావాలి. విద్యార్థులు తమ మధ్యలో ముగ్గురుగా బృందాలుగా ఏర్పడి బోధనను అభ్యాసం చేయడానికి, తరగతిలో ఒక్కో కోర్సుకు కనీసం మూడు కాపీలు ఉండాలి.

తర్ఫీదుదారులు 6వ అధ్యాయాన్ని బోధించిన తరువాత, విద్యార్థులు SGC కోర్సులను పరిశీలించాలి. వారు కోర్సుల ముందు భాగంలో ఇచ్చిన వివిధ సూచనలను చూడాలి. విద్యార్థులు ఆ సూచనలను చర్చించి, అవి పూర్తిగా గ్రహించబడేలా చూసుకోవాలి.

ప్రదర్శన మరియు అభ్యాసం తర్ఫీదులో కీలకమైనవి. తర్ఫీదుదారుడు కోర్సులలోని మూడు పాఠాలను బోధించి బోధనా విధానాన్ని ప్రదర్శించవచ్చు. ప్రతి పాఠం వేర్వేరు కోర్సుల నుండి తీసుకున్నట్లయితే, ప్రదర్శన మరింత సమర్థవంతంగా ఉంటుంది. ఒకరి కంటే ఎక్కువ మంది తర్ఫీదుదారులు లేదా అనుభవం ఉన్న విద్యార్థులు అందుబాటులో ఉన్నట్లయితే, వారు వివిధ శైలులను ప్రదర్శించేందుకు పాఠాలను బోధించవచ్చు.

ప్రదర్శనను గమనించిన తరువాత, ఈ కోర్సులోని విద్యార్థి బోధనను అభ్యాసం చేయాలి.

కనీస అభ్యాసాన్ని ఈ విధంగా నిర్వహించవచ్చు: విద్యార్థులను ముగ్గురుగా బృందాలుగా విభజించాలి. బృందంలోని ఒక్కో విద్యార్థి 30 నిమిషాల లోపున మిగిలిన ఇద్దరికి ఒక పాఠాన్ని బోధించాలి. 90 నిమిషాల వ్యవధిలో ముగ్గురు విద్యార్థులలో ఒక్కొక్కరు బోధనను అభ్యాసం చేయడంతో పాటు, ఇతర విద్యార్థుల బోధనను గమనించి అభ్యసించాలి.

ఉత్తమమైన తర్ఫీదు విధానం అనేది విద్యార్థుల అభ్యాసానికి, బోధకుడు మరియు ఇతర విద్యార్థుల నుంచి ప్రతిస్పందన పొందేందుకు ఒక అదనపు తర్ఫీదు దినాన్ని కేటాయించడం. అవసరమైతే, ఈ అభ్యాస దినాన్ని తరువాతి తేదీకి ప్రణాళిక చేయవచ్చు. అదనపు సమయం విద్యార్థులకు మెరుగైన సిద్ధతను కల్పిస్తుంది.