Lesson 18: Pag-unawa sa Katolisismong Romano

Noong siya ay bata pa, idinalangin ni Anna sa Dios na akayin siya sa isang iglesya kung saan mararamdaman niya ang pagtanggap sa kanya. Bilang isang kabataang may hustong edad bumisita siya sa isang simbahang Katoliko para sa misa. Marami sa mga kaugalian ng Katolikong Romano ay tila di pangkaraniwan para sa kanya. Nagustuhan niya ang katotohanan na sila ay nagsasagawa ng parehong kaugalian sa pagsamba sa buong mundo. Nagsimula siyang makaramdan na isang kahanga-hangang himala na ang misa ay nagiging ang katawan at dugo ni Hesus sa lahat ng panahon, upang ang mga tao ay makaugnayan ni Hesus.

Sama-samang basahin nang malakas ang Tito 2. Pasulatin ang bawat mag-aaral ng isang parapo na nagbibigay-buod sa talata na ito ng Kasulatan. Ano ang sinasabi ng talata na ito tungkol sa pamumuhay Kristiyano? Pasulatin ang bawat mag-aaral ng isang listahan ng mga pahayag. Bilang isang grupo, talakayin kung ano ang inyong isinulat.

[1]Ang Pinagmulan ng Romano Katoliko

Ang buong-mundong tagapanguna ng Katolikong Romano ay tinatawag na papa. Ang kanilang pangunahing punong tanggapan ay nasa Roma.

Ang salitang Katoliko ay nangangahulugang “unibersal” o “kumpleto.” Inaangkin ng Simbahan ng Katolikong Romano na sila ang kumpletong iglesya ng Dios at ang lahat ng ibang iglesya ay mali.

Inaangkin ng mga Katoliko na sila ang orihinal na iglesyang itinatag ni Kristo. Inaangkin nila na ang unang papa ay si Pedro, at si Pedro ay laging mayroong kahalili bilang papa sa iglesyang Katoliko. Naniniwala sila na ang kanilang grupo ng mga tagapanguna na tinatawag na “Cardinal” ang mga kahalili ng mga apostol at mayroong parehong awtoridad tulad ng mga orihinal na mga apostol. Bilang paghahambing dito, karamihan sa mga ebanghelikong iglesya ay naniniwala na ang mga apostol ay nasa unang henerasyon lamang ng iglesya at ang kanilang awtoridad ngayon ay dumarating sa pamamagitan ng kanilang mga isinulat sa Kasulatan.

Ang Katolikong Romanong ay katulad ng Eastern Orthodoxy sa mga paniniwala at mga seremonyang pangrelihiyon.

Impluwensiya

[2]Ang Simbahan ng Katolikong Romano ay isang organisasyong pangbuong mundo. Mayroong mahigit sa isang bilyong miyembro ang Katoliko. Karamihan sa mga populasyon ng maraming bansa ay Katoliko. Sa mga bansang iyon, ang relihiyong Katoliko ay bahagi ng kanilang kultura. Mayroong milyong tao ang nagsasabi na sila ay Katoliko ngunit paminsan-minsan lamang nakikilahok sa mga gawaing pangrelihiyon.

Ang simbahang Katoliko ay napakayaman at makapangyarihan sa pulitika. Sa mga unang siglo, maraming beses na gumamit ang simbahan ng mga hukbo upang pwersahin ang mga bansa upang magpasakop sa simbahan. Sa mga bansang kontrolado ng Katolisismo, maraming tao ang pinahirapan at pinatay dahil hindi sila sumang-ayon sa mga doktrina ng Katoliko.

►Ang tanong na ito ang nagpapakilala sa susunod na seksiyon. Ano ang mga relihiyosong gawain ng Katolikong Romano ang nakita ninyo?

Mga Paniniwala ng Katolikong Romano

Ang istilo ng pagsamba ng Katolisismo ay napakapormal. Marami silang malalaking katedral sa buong mundo na kilala dahil sa kanilang magagandang arkitektura. Napapalamutian ang mga katedral ng mga larawan at estatwa ng mga santo mula sa kasaysayan. Madalas na may espesyal na damit ang mga pari. Ang mga gawaing pagsamba ay karamihang ginagawa ng mga pari, na may kaunting pakikilahok mula sa kongregasyon.

Ang mga tao sa maraming kultura ay nagiging Katoliko habang patuloy na ginagawa ang mga gawaing pangrelihiyon ng kanilang nakaraang relihiyon. Ang mga dios-diosan ay binibigyan ng mga pangalan ng mga santong Katoliko. Ang mga seremonya ng Katolisismo ay kahalo ng mga seremonya ng mga sumasamba sa dios-diosan o relihiyong animistiko.

Ang simbahang Katoliko ay naniniwala sa pangunahing doktrinang Kristiyano tulad ng Trinidad at ang pagiging Dios, kamatayan, paglilibing, at muling pagkabuhay ng katawan ni Kristo.

Inaangkin ng Simbahang Katoliko na ang simbahan ang may awtoridad upang ipaliwanag ang kahulugan ng Biblia, kahit na ang kanilang pagpapakahulugan ay tila naiiba sa sinasabi ng Biblia. Isinasama rin nila ang ibang mga isinulat sa kanilang Biblia (bilang Kasulatan) na hindi kasama sa Biblia ng ibang mga iglesya.

► Ano ang wastong pananaw sa awtoridad ng simbahan kaugnay sa Biblia?

Naniniwala ang mga Katoliko na ang papa ang kinatawan ni Kristo sa mundo. Naniniwala sila na kapag siya ay gumagawa ng mga opisyal na pagpapasya tungkol sa relihiyon, hindi siya maaaring magkamali. Ang awtoridad na ito ay nagmumula sa kanilang tradisyon at hindi mula sa Biblia. Maraming papa sa nakalipas na panahon ang naging masasamang tao, nagkasala maging ng pagpatay.

Ang Eastern Orthodoxy at ang Katolikong Romano ay kapwa pumipili ng mga tao sa kasaysayan upang kilalanin bilang mga santo. Marami sa mga santo ang may kalagayan sa simbahan na katulad ng mga dios. Nagdarasal ang mga tao sa kanila para humingi ng tulong. May mga tiyak na santo na ipinapalagay na interesado sa tiyak na aspeto ng buhay o sa mga tiyak na trabaho, kaya’t ang mga mandaragat, mga magsasaka, at mga guro ay may espesyal na santo, na tinatawag na santong patron, na kanilang dinadalanginan. Sa ilang mga lugar, ang mga santo ay pumapalit sa lugar ng isang paganong kalipunan ng mga dios-diosan. Itinuturing ng mga tao na ang Dios at maging si Kristo ay malayo at walang pakialam tungkol sa kanila, kung kaya’t sa halip ay sa mga santo sila nananalangin.[3] Ang mga larawan at estatwa ng mga santo ay ibinibigay sa mga iglesya para dasalan ng mga tao.[4]

Ang mga bagay, na tinatawag na “relikaryo,” na ginamit ng mga santo ay itinatago sa mga simbahan para parangalan. Kung minsan, ang mga natira sa katawan tulad ng ngipin o buto ay itinatago sa simbahan. Pumupunta ang mga tao upang lumuhod at manalangin sa mga santo na kinakatawan ng mga buto.

Hindi pinahihintulutang mag-asawa ang mga paring Katolikong Romano.

Si Maria (ang ina ni Hesus) ay espesyal na pinararangalan. Ang doktrina ng Immaculate Conception/Ipinaglihi ng Walang Sala ay nagtuturo na si Maria ay isinilang nang walang makasalanang kalikasan at hindi kailanman nagkasala. Maraming Katoliko ang nagdadasal kay Maria nang higit pa sa Dios. Ang pakiramdam nila pakikinggan ni Hesus si Maria at maiimpluwensiyahan niya si Hesus. Si Maria ay naging isang tagapamagitan sa pagitan ng sumasamba at ni Kristo.[5]

►Ano ang tamang pananaw ng Kristiyano kay Maria?

Naniniwala ang mga Katoliko na walang kaligtasan sa labas ng iglesya Katolika. Naniniwala sila na ang isang tao ay hindi maaaring magkaroon ng katiyakan na siya ay ligtas, subalit dapat matapat na sundin ang mga direksiyon ng pari at umasa sa kaligtasan.

[6]Ang Katolisismo at Eastern Orthodoxy ay kapwa nagtuturo ng doktrina ng transubstantiation. Ito ang paniniwala na sa panahon ng komunyon, ang tinapay at ang alak ay nagbabagong anyo at nagiging literal na katawan at dugo ni Hesus, kung kaya’t ang sumasamba ay matatanggap ang mga ito para sa kaligtasan. Samakatuwid, naniniwala sila na ang tinapay at alak ay dapat sambahin.

Hindi naniniwala ang mga Katoliko na ang isang tao ay makatatanggap ng pagpapawalang-sala sa pamamagitan ng pananampalataya nang wala ang mga sakramento ng simbahan.

Hindi nangangaral ng mensahe ng ebanghelyo ang mga Katoliko na ang isang makasalanan ay maaaring magsisi sa kanyang mga kasalanan, ilagak ang kanyang pananampalataya kay Kristo, at tumanggap kaagad nang katiyakan ng kaligtasan.

Mula sa milyon na bilang ng mga miyembro ng Katoliko, karamihan ay patuloy na namumuhay sa hayag na kasalanan.[7] Inaasahan nila na sila ay mananatiling Katoliko hanggang sa sila ay mamatay, pagkatapos ay gugulin ang ilang panahon sa purgatoryo, at pagkatapos ay pupunta sa langit.

Ang Purgatoryo at Mga Indulhensiya

Naniniwala ang mga Romano Katoliko na pagkatapos mamatay, karamihan sa mga tao ay napupunta sa purgatoryo. Sa purgatoryo ang isang tao ay nagdurusa ng kaparusahan para sa mga kasalanan, upang makapunta siya sa langit sa hinaharap. Naniniwala sila na ang kasalanan ay dapat pa ring parusahan kahit na pinatawad na ito.[8] Samakatuwid, maging ang matapat na Katoliko ay dapat umasa na mag-uukol ng ilang panahon sa purgatoryo para sa mga kasalanang kanyang nagawa. Ang mga walang ingat na makasalanan ay umaasa na sila ay mag-uukol ng ilang panahon sa purgatoryo pagkatapos mamatay, pagkatapos ay papayagang pumasok sa langit. Naniniwala sila na ang apoy sa purgatoryo ay nagdudulot ng sobrang sakit na higit pa sa alinmang sakit na naranasan sa buhay.

Naniniwala sila na ang mga Kristiyano ay dapat magdasal sa mga namatay na at mag-alay sa mga simbahan para sa kanila, upang mas maagang patawarin ng Dios ang kanilang mga kasalanan at ialis sila sa purgatoryo.[9]

Ang mga Katoliko ay naniniwala na ang iglesya ay nakapagimpok na ng kayamanan ng ekstrang merito mula kay Kristo at sa mga santo.[10] Maibibigay ng papa ang meritong ito sa mga tao upang makakuha sila ng kapatawaran. Maibibigay ang meritong ito sa mga taong nabubuhay o patay na nasa purgatoryo.

► Paano nakakaapekto ang doktrina ng purgatoryo sa paraan ng pamumuhay ng mga naniniwala dito?

Ang mga katangi-tanging doktrina ng Katolisismo ay hindi nakabatay sa Kasulatan. Ang kanilang doktrina ay batay karamihan sa tradisyon ng simbahan.

Ngayon bumalik at sama-samang basahin ang mga footnotes para sa buong seksiyon tungkol sa Katolikong Romano. Dapat hanapin ng lahat ng mag-aaral ang mga reperensiyang talata mula sa Kasulatan. Magsalit-salit sa pagbasa ng mga iyon sa grupo.

Naniniwala ang mga Katolikong Romano sa mga pundasyong katotohanang Kristiyano ng Trinidad at ang pagiging Dios ni Kristo at ang Banal na Espiritu.

May mga Katoliko na inilagak na ang kanilang pananampalataya kay Kristo para sa kaligtasan, ngunit ang mensahe ng Ebanghelyo ay hindi malinaw sa Katolisismo. Karamihan sa mga Katoliko ay hindi pa nakararanas ng pagsisisi, kapatawaran, at katiyakan ng kaligtasan, at hindi namumuhay sa relasyon sa Dios. Samakatuwid, mahalaga para sa isang Kristiyano na ibahagi ang ebanghelyo. Ang mga mahahalagang aspeto ng Ebanghelyo na nakaligtaan sa Katolisismo ay maaaring patunayan sa mga sumusunod na seksiyon mula sa Handbook ng Doktrina:

(9) Ang kaligtasan ay tanging sa pamamagitan ng pagbabayad-sala ni Kristo.

(10) Tanging ang Dios ang dapat sambahin.

(11) Tinatanggip natin ang kaligtasan sa pamamagitan ng pananampalataya.

(12) Maaari tayong magkaroon ng personal na katiyakan ng kaligtasan.

Dahil idinagdag ng mga Katolikong Romano ang mga tradisyon na itinuturing nilang kinakailangan sa Kristiyanismo, dapat ipakita sa kanila ng Kristiyano ang Kasulatan na binanggit sa Handbook ng Doktrina sa seksiyong ito.

(1) Ang Biblia ay sapat para sa doktrina.

Naging isang pari ng Katolikong Romano si Bartolome pagkatapos ng ilang taon ng pag-aaral. Naglingkod siya bilang punong-pari sa California at makalipas ang ilang panahon ay naglingkod bilang chaplain sa navy. Ang kanyang ina ay naging ebanghelikong Kristiyano. Nakita niya ang isang kahanga-hangang pagbabago sa kanya ng nagkaroon sila ng maraming kwentuhan patungkol sa kanyang pagbabalik-loob. Hinikayat siya nito na dumepende sa Biblia bilang panghuling awtoridad para sa kanyang mga paniniwala. Nagsimula niyang matanto na maraming mahahalagang doktrina ng Katolisismo ay salungat sa Biblia. Umalis siya sa Simbahang Katoliko. Sa paglipas ng panahon naunawaan niya na ang kaligtasan ay sa pamamagitan ng ginawa ni Kristo at hindi sa mga gawa o sa mga sakramento ng simbahan.

Ngayon muling basahin ang Tito 2.

Ang bawat mag-aaral ay dapat sumulat ng isang parapo na nagpapaliwanag sa mensahe ng talata na ito para sa isang Katolikong Romano. Hayaan ang ilan sa mga mag-aaral na ibahagi ang kanilang isinulat.

Tandaan na hanapin ang pagkakataon upang ipahayag ang ebanghelyo sa isang tao mula sa grupong pangrelihiyon na ito. Maghanda na ibahagi sa iyong mga kamag-aral ang tungkol sa pakikipag-usap ninyo. Isulat ang iyong 2-pahinang ulat at isumite iyon sa iyong tagapanguna sa klase.