SGC байгууллагаас гэр бүлийн дагалдуулалтад зориулж "Гэр Бүлээрээ Суралцах Зааварчилгаа"-г гаргасан бөгөөд эцэг эхчүүд гэр бүлийн мөргөлийн үеэр ашиглах боломжтой.

Энэ номонд орсон асуулт, хариултууд нь хүүхдүүд болон итгэлд шинээр орсон хүмүүст хэрэгтэй христийн итгэлийн үндсэн сургаалуудыг танилцуулдаг.

"Гэр Бүлээрээ Суралцах Зааварчилгаа" номын энэхүү танилцуулгыг хавсралт хэсэгт эсвэл нэмэлт файлаас тал хуудасны хэмжээтэйгээр үзэх эсвэл хэвлэж авах боломжтой.

Гэр бүлээрээ хамт мөргөлийн цаг хийх төлөвлөгөө

Гэр бүлээрээ хамтдаа мөргөлийн цаг гаргах олон арга зам бий. Гэр бүлийн мөргөлдөө эдгээр зааварчилгааг ашиглаж болох боломжит дарааллыг танилцуулж байна:

1. Магтуу (чуулганы сүлд дуу) дуулах.

2. Элч нарын итгэлийн тунхаг унших.

3. Асуулт, хариултуудын хэсгийг давтах, цээжлэх цаг

4. Библийн нэг бүлэг эсвэл хэсгийг унших (Матай, Марк, Лук, Иохан номуудыг эхнээс нь уншиж эхлээрэй).

5. Хамтдаа залбирах. Залбирахаасаа өмнө гэр бүлийн гишүүдээс юуны талаар залбирахыг хүсэж байгааг нь асуугаарай (Та "Бид чиний төлөө хэрхэн залбирах вэ?" эсвэл "Бид бусдын төлөө хэрхэн залбирах вэ?" гэж хэлж болно.)

6. Эзэний заасан залбирлаар төгсгөх.

Бүх эшлэлийг Ариун Бичээс Нийгэмлэгийн Ариун Библи 2019 хувилбараас ашиглав.