ବ୍ୟବହାରିକ ଖ୍ରୀଷ୍ଟିଆନ ଜୀବନଯାପନ

ଏହି ପାଠ୍ୟକ୍ରମ ଟଙ୍କାର ବ୍ୟବହାର, ସମ୍ପର୍କଗୁଡ଼ିକ, ପରିବେଶ, ସରକାର ସହିତ ସମ୍ପର୍କ, ମାନବୀୟ ଅଧିକାର ଏବଂ ଅନ୍ୟ ବ୍ୟବହାରିକ ଜୀବନର କ୍ଷେତ୍ରଗୁଡ଼ିକରେ ଶାସ୍ତ୍ରୀୟ ସିଦ୍ଧାନ୍ତଗୁଡ଼ିକୁ ପ୍ରୟୋଗ କରେ ।

ଯଦି ଆପଣ ଦଳରେ ପଢ଼ିଛନ୍ତି, ତେବେ ଆପଣ ପାଳି ପାଳି କରି ଏହି ବିଷୟକୁ ପାଠ କରିପାରିବେ । ଯେକୌଣସି ଶ୍ରେଣୀର ଆଲୋଚନା ନିମନ୍ତେ ଆପଣ ସମୟ ସମୟରେ କ୍ଲାସ୍‌ ବନ୍ଦ କରିପାରିବେ । ଶ୍ରେଣୀ ନେତା ଭାବରେ ଆପଣ ଆଲୋଚନା ଚାଲୁ ରଖିବେ, ଯେଉଁ ବିଷୟରୁ ପାଠ କରାଗଲା । ପ୍ରତ୍ୟେକ ଆଲୋଚନା ପାଇଁ ଏକ ସମୟସୀମା ନିର୍ଦ୍ଧାରଣ କରିବା ଉଚିତ ।

ପ୍ରଶ୍ନ ଆଲୋଚନା ଏବଂ ଶ୍ରେଣୀ କାର୍ଯ୍ୟକ୍ରମ ବିନ୍ଦୁ ଦେଇ ଚିହ୍ନିତ ହୋଇଛି ► । ପ୍ରଶ୍ନ ଆଲୋଚନା ପାଇଁ ଶ୍ରେଣୀ ନେତା ପ୍ରଶ୍ନ ପଚାରିବେ ଏବଂ ଉତ୍ତର ଆଲୋଚନା ପାଇଁ ଛାତ୍ରମାନଙ୍କୁ ସମୟ ଦେବେ । ଯଦି ସେହି ସମାନ ଛାତ୍ର ପ୍ରଥମରେ ଉତ୍ତର ଦେଉଛନ୍ତି କିମ୍ବା କୌଣସି ଛାତ୍ର କିଛି କହୁ ନାହାନ୍ତି, ନେତା ସେହି ପ୍ରଶ୍ନକୁ ଅନ୍ୟ କାହାକୁ ପଚାରି ପାରନ୍ତି ।

ପାଠ୍ୟକ୍ରମର ଅଧିକାଂଶ ଶାସ୍ତ୍ରାଂଶ ବ୍ୟବହୃତ ହୋଇଛି । ଯେଉଁ ପାରାଗ୍ରାଫ୍‌ଗୁଡ଼ିକ ଉଚ୍ଚ ସ୍ୱରରେ ପାଠ କରାଯିବ ସେଗୁଡ଼ିକ ବିନ୍ଦୁ ଦେଇ ଚିହ୍ନିତ କରାଯାଇଛି ► । ଦଳ ପାଇଁ ଜଣେ ଛାତ୍ରଙ୍କୁ ଏହା ପାଠ କରିବାକୁ କୁହନ୍ତୁ । ଅନ୍ୟ ସମୟରେ, ଶାସ୍ତ୍ରର ସୂଚନା ବନ୍ଧନୀ ମଧ୍ୟରେ ଦିଆଯାଇଛି । ଉଦାହରଣ ସ୍ୱରୂପ : (୧ କରିନ୍ଥୀୟ ୧୨:୧୫) । ସେହି ସନ୍ଦର୍ଭଗୁଡ଼ିକ ପାଠରେ ଥିବା ବକ୍ତବ୍ୟ ପାଇଁ ସମର୍ଥନ କରେ । ବନ୍ଧନୀ ମଧ୍ୟରେ ଥିବା ପାରାଗୁଡ଼ିକ ପାଠ କରିବା ସର୍ବଦା ଆବଶ୍ୟକ ନୁହେଁ ।

ପ୍ରତ୍ୟେକ ପାଠର ଶେଷରେ ଭାରାର୍ପିତ ଦିଆଯାଇଥିବା କାର୍ଯ୍ୟ ବ୍ୟାଖ୍ୟା କରାଯାଇଛି । ଦିଆଯାଇଥିବା କାର୍ଯ୍ୟ ପାଠର ଶେଷରେ ସମାପ୍ତ ହେବା ଉଚିତ ଏବଂ ପରବର୍ତ୍ତୀ ଶ୍ରେଣୀ ଆରମ୍ଭରେ ଶ୍ରେଣୀ ନେତାଙ୍କୁ ରିପୋର୍ଟ କରିବା ଉଚିତ । ଯଦି ଛାତ୍ର ପାଠକୁ ଏବଂ ଏହାର ଦିଆଯାଇଥିବା କାର୍ଯ୍ୟ ଶେଷ କରି ନାହିଁ, ସେ ପରବର୍ତ୍ତି ସମୟରେ ତାହା ସମାପ୍ତ କରିପାରିବ । ତଥାପି, ନେତା ଛାତ୍ରମାନଙ୍କୁ ସମୟ ସାରଣୀ ପାଳନ କରିବାକୁ ଉତ୍ସାହିତ କରିବା ଉଚିତ ଯାହା ଦ୍ୱାରା ସେମାନେ ଶ୍ରେଣୀରୁ ଅଧିକ ଶିଖିପାରିବେ । ଛାତ୍ରଟି ସମାପ୍ତ କରିଥିବା ଦିଆଯାଇଥିବା କାର୍ଯ୍ୟଗୁଡ଼ିକୁ ରୋକର୍ଡ଼ କରିବା ପାଇଁ ପାଠ୍ୟକ୍ରମର ପଛ ପଟେ ଏକ ଚାର୍ଟ ଦିଆଯାଇଛି ।

ଏହି ପାଠ୍ୟକ୍ରମର ଏକ ଉଦ୍ଦେଶ୍ୟ ହେଉଛି ଛାତ୍ରମାନଙ୍କୁ ଶିକ୍ଷକ ହେବା ପାଇଁ ପ୍ରସ୍ତୁତ କରିବା । ଶ୍ରେଣୀ ନେତା ଛାତ୍ରଛାତ୍ରୀମାନଙ୍କୁ ସେମାନଙ୍କର ଶିକ୍ଷା ଦାନ ଦକ୍ଷତା ବିକାଶ କରିବା ପାଇଁ ସୁଯୋଗ ଦେବା ଉଚିତ । ଉଦାହରଣ ସ୍ୱରୂପ, ଶ୍ରେଣୀ ନେତା ବେଳେବେଳେ ଛାତ୍ରଙ୍କୁ ପାଠର ଏକ ଛୋଟ ଅଂଶ ଶ୍ରେଣୀକୁ ପଢ଼ାଇବାକୁ ଦେବା ଉଚିତ ।

ପ୍ରତ୍ୟେକ ପାଠର ଶେଷରେ ଦଳଗତ ଆଲୋଚନା ନିମନ୍ତେ ନିର୍ଦ୍ଦେଶାବଳୀ ସହିତ ଏକ ବିଭାଗ ଅଛି । ଏହି ଆଲୋଚନା ପାଇଁ ଶ୍ରେଣୀ ନେତା ସମୟ ନିର୍ଦ୍ଧାରଣ କରିବେ । ଏହି ବିଷୟବସ୍ତୁ ସମାପ୍ତ କରିବା ପର୍ଯ୍ୟନ୍ତ ଅନେକ ପାଠରେ ବହୁତ ଆଲୋଚନାର ବିଷୟ ଥାଇପାରେ ।

ପ୍ରତ୍ୟେକ ପାଠର ଶେଷରେ ଏକ ଛୋଟ ପ୍ରାର୍ଥନା ମଧ୍ୟ ରହିଛି : ଛାତ୍ରମାନଙ୍କ ଜୀବନରେ ସତ୍ୟର ପ୍ରୟୋଗ ନିମନ୍ତେ ଈଶ୍ୱରଙ୍କ ନିକଟରେ ପ୍ରାର୍ଥନା କରିବା । ସେହି ପ୍ରାର୍ଥନାର ଅଂଶକୁ ପାଠ କରିବା ପାଇଁ ଶ୍ରେଣୀ ନେତା ଜଣେ ଛାତ୍ରଙ୍କୁ କହିପାରିବେ ।

Shepherds Global Classroomଠାରୁ ଯଦି ଜଣେ ଛାତ୍ର ସାର୍ଟିଫିକେଟ୍‌ ପାଇବାକୁ ଇଚ୍ଛା କରନ୍ତି, ସେ କ୍ଲାସ୍‌ରେ ଉପସ୍ଥିତ ରହିବେ ଏବଂ ଦିଆଯାଇଥିବା କାର୍ଯ୍ୟ ସମାପ୍ତ କରିବେ । ପାଠ୍ୟକ୍ରମର ଶେଷରେ ସମାପ୍ତ ହୋଇଥିବା ଦିଆଯାଇଥିବା କାର୍ଯ୍ୟ ରେକର୍ଡ଼ କରିବା ପାଇଁ ଏକ ଫର୍ମ ପ୍ରଦାନ କରାଯାଇଛି ।

ଏହାରେ ଉଲ୍ଲେଖିତ ସମସ୍ତ ଶାସ୍ତ୍ର ଅଂଶ 'ପବିତ୍ର ବାଇବଲ (Re-edited)' ଓଡ଼ିଆ ଅନୁବାଦରୁ ନିଆଯାଇଛି, ଯାହା ବାଇବଲ ସୋସାଇଟି ଅଫ୍ ଇଣ୍ଡିଆ ଦ୍ୱାରା ପ୍ରସ୍ତୁତ।