Ыйык китеп боюнча жакшы кабар таратуу жана Шакиртчилик

Бул сабак Ыйык Китеп принциптери боюнча тандалып, Жакшы Кабар ыкмалары жана Жакшы Кабар айтуу формалары жөнүндө баяндалат. Ошондой эле жаңы кабыл алгандарга шакирт сабактарын үйрөтөт.

Курска киришүү

Бул курс жыйынга миссиясын аткарууга жардам берген курал катары иштелип чыккан; ал жакшы кабар таратуу жыйындын миссиясы экенин жана аны жакшы кабардын маңызы түзүш керектигин көрсөтүп, жергиликтүү жыйындын алдыңкы орунда турганына басым кылат.

Жакшы кабардын негиздерин түшүндүрүп жатып, күнөөкөрдү чындап Кудайга кайрылууга жана машайакчылык жашоого алып барбаган кээ бир заманбап ыкмалардын каталарын оңдоп кетүүгө аракет кылалы.

Студент өзүнүн кызматын өнүктүүрүүгө даярдалып жабдууланат.

Көбүнчө сабактарды ар түрлүү топтор үчүн өзүнчө тема катары өтсө болот: мисалы, жакшы кабарды кантип таратуу керектигин үйрөтсө болот.

Китептин аягындагы шакиртчилик боюнча 12 сабакты студенттер жаңы кайрылгандардын тобу үчүн колдонсо болот; 26 сабактан турган (анын ичинде бул 12 сабак) сабактардын жыйнагын Шеппердс Глобал Мектебинен алса болот.

Курсту алып баруучулар үчүн түшүндүрмөлөр жана көрсөтмөлөр

Курсту алып баруучуларга сабактардын өзгөчө бөлүктөрү үчүн көрсөтмөлөр бар. Алар жантык тамга менен берилген.

Багыт белгиси ► талкуулоо суроосун билдирет. Курсту алып баруучу суроону узатып, студенттерге жооп берүүгө мүмкүнчүлүк бериши керек. Талкуулоо учурунда суроого так жооп берүүнүн зарылчылыгы деле жок. Жооп сабактын өзүндө бар. Эгер бир эле студент дайыма жооп бере берсе же кээ бир студенттер сүйлөбөсө, алып баруучу бирөөнө суроо узатып: «Айбек, бул суроого кандай жооп берет элең?» – десе болот.

Ар бир сабак тапшырмалар менен аяктайт. Тапшырмалар кийинки сабакка чейин аткарылып тапшырылышы керек. Эгер студент тапшырмасын аткарып бүтпөй калса, аны кийинчерээк бүтүрсө болот. Бирок сабакта көбүрөөк нерсе үйрөнө алуу үчүн, алып баруучу тапшырмаларды убагында аткарууга үндөш керек.

Студеннттер жазуу түрүндөгү тапшырмаларды аткарышат. Адатта курсту алып баруучу жазуу түрүндөгү тапшырмаларды сабактын башында жыйнап алышы керек. (Эки тапшырманы (6-сабак, 1-тапшырма жана 14-сабак, 1-тапшырма) кайтарып көрсөтпөй эле, оозеки тапшырса болот.)

Студенттер курста үйрөнгөн ыкмаларды колдонуп, көп адамдарга жакшы кабар айтып беришет. Айтып берген сайын алар өздөрүнүн тажырыйбасы менен бөлүшүп, жакшы кабарды кантип тааныштырганын айтып беришет. Алар улуулар үчүн жакшы кабар тууралуу насаат, ал эми балдар үчүн сабак даярдашат. Студенттер жоопторду эч нерсени карабай, эч ким менен сүйлөшпөй туруп бергидей болушу керек. Сабакты алып баруучуга жооптордун тизмеги берилген эмес, анткени бардык жоопторду оңой эле сабактын өзүнөн тапса болот.

13-сабакта жакшы кабар баракчаларын таратуу боюнча көрсөтмөлөр бар. Эгер мүмкүн болсо ошол көрсөтмөлөрдү сабакка ала келиңиз.

Эгер студент Shepherds Global Classroom уюмунан сертификат алгысы келсе, курстун сабактарына катышып, тапшырмаларды аткарып бүтүрүшү керек. Курстун акырында тапшырмалардын аткарылганын белгилей турган форма берилет.