Mahahalagang Punto ng Ebanghelyo
Ang mga sumusunod na punto ay mahalaga sa ebanghelyo. Posible para sa isang tao na maligtas nang hindi lubos na nauunawaan ang mga ito. Gayunpaman, ang pagtanggi sa alinman sa mga puntong ito ay nag-aalis ng pundasyon ng ebanghelyo. Ang isang tao o organisasyon na tumatanggi sa alinman sa mga mahahalagang puntong ito ay may posibilidad na bumuo ng isa pang ebanghelyo, ang pagtitiwala sa isang maling paraan ng kaligtasan.
Kapag ibinahagi mo ang ebanghelyo sa isang tao, ang ilang mga punto ay magiging lalong mahalaga dahil sa mga pagkakamali na pinaniniwalaan na niya. Halimbawa, kung naniniwala siya na ang kaligtasan ay sa pamamagitan lamang ng isang partikular na organisasyon, maniniwala siya na ang mga kinakailangan sa pagiging miyembro ng organisasyon ay kinakailangan para sa kaligtasan. Kailangan niyang malaman na ang isang tao ay indibidwal na tumatanggap ng kapatawaran at napupunta sa direktang kaugnayan sa Dios.
(1) Nilikha ng Dios ang tao ayon sa kanyang sariling larawan upang magkaroon siya ng kaugnayan sa kanya (Genesis 1:27, Gawa 17:24-28).
Ang katotohanang ito ay nagpapakita ng layunin ng ating pag-iral at ang layunin ng kaligtasan. Ang katotohanang ito ay sinasalungat ng mga relihiyon na hindi naniniwala sa isang Dios na may personalidad na nagmamahal sa lahat ng tao. Ang katotohanang ito ay nagpapakita ng tunay na problema sa mundo; ang mga tao ay walang kaugnayan sa Dios.
►Paano kung hindi naniniwala ang isang tao na mahal siya ng Dios?
(2) Ang mga unang tao ay nagkasala at nahiwalay sa Dios (Genesis 3:3-6, Isaias 59:2).
Ipinapakita nito ang pinagmulan ng kasalanan at ang dahilan ng kalagayan ng mundo. Ang mundo ay may pagdurusa at kalungkutan dahil sa kasalanan. Mayroon pa ring kagalakan at layunin dahil sa disenyo ng Dios, ngunit ang mundo ay hindi tulad ng plano ng Dios na mangyari.
►Paano kung ang isang tao ay hindi naniniwala na ang kasalanan ang tunay na problema sa sanlibutan?
(3) Bawat isa sa atin ay nakagawa ng kasalanan laban sa Dios (Roma 3:10, 23).
Ang bawat tao ay nagkasala ng sadyang kasalanan laban sa Dios. Walang tao na laging gumagawa ng tama.
►Paano kung iniisip ng isang tao na kaya niyang bigyang katwiran ang mga bagay na ginawa niya?
(4) Bawat makasalanan na hindi nakatagpo ng awa ay hahatulan ng Dios at hahatulan sa walang hanggang kaparusahan (Hebreo 9:27, Roma 14:12, Pahayag 20:12).
Ipinapakita nito ang kaseryosohan at pagmamadali sa pangangailangan ng makasalanan na magkaroon ng kaligtasan.
►Paano kung ang isang tao ay hindi naniniwala na mayroong isang matuwid na Dios na nagagalit sa kanyang mga kasalanan?
(5) Ang isang tao ay hindi maaaring gumawa ng anuman upang bayaran ang mga kasalanan na kanyang ginawa laban sa Dios (Roma 3:20, Efeso 2:4-9).
Ang mabubuting gawa at mga kaloob ay hindi maaaring magbayad para sa kasalanan dahil ang kasalanan ay laban sa isang walang hanggang Dios at dahil ang lahat ay pag-aari na niya.
►Paano kung naniniwala ang isang tao na dapat niyang gawin ang kanyang sarili na karapat-dapat sa kapatawaran?
(6) Dapat mayroong batayan para sa agpapatawad dahil ang kasalanan ay malubha at ang Dios ay makatarungan (Roma 3:25-26).
Nais ng Dios na magpatawad, ngunit kung siya ay magpapatawad nang walang batayan, ang kasalanan ay tila walang halaga, at ang Dios ay tila hindi makatarungan.
►Bakit kailangan ang kamatayan ni Kristo?
(7) Si Hesus, ang Anak ng Dios, ay namuhay ng sakdal na buhay at namatay bilang isang handog upang tayo ay mapatawad, maging matuwid sa harap ng isang banal n Dios, at magkaroon ng buhay na walang hanggan (Juan 3:16, Roma 5:8-9).
Dahil si Hesus ay ang Anak ng Dios, ang kanyang handog ay may walang katapusang halaga at nagbibigay ng batayan para sa kapatawaran ng sinuman sa mundo. Kung siya ay tao lamang, ang kanyang handog ay may limitadong halaga. Kung siya ay hindi Dios, hindi niya magagawang iligtas tayo ng lubusan, at kailangan nating maghanap ng ibang paraan ng kaligtasan.
►Bakit itinuturo ng ilang relihiyon na ang mga tao ay dapat maligtas sa pamamagitan ng mga gawa?
(8) Si Hesus ay pisikal na bumangon mula sa mga patay, na pinatutunayan ang kanyang pagkakakilanlan bilang Anak ng Dios at ipinakita ang kanyang kaangyarihan na magbigay ng buhay na walang hanggan (Juan 11:25-26, 20:24-28, Roma 1:4, Pahayag 1:18).
Ang mga kultong tumatanggi sa muling pagkabuhay ni Hesus ay karaniwang itinatanggi din ang kanyang pagka-Dios at ang kasapatan ng kanyang handog para sa kaligtasan. Pagkatapos ay nag-imbento sila ng ibang paraan ng kaligtasan.
►Ano ang mga bagay na alam natin dahil nabuhay si Hesus mula sa mga patay?
(9) Ang handog ni Hesus ay sapat para sa kaligtasan (Efeso 2:8-10, 1 Juan 2:2).
Ang kaligtasan ay sa pamamagitan ng biyaya, sa pamamagitan ng pananampalataya, kay Kristo Hesus lamang, at hindi sa pamamagitan ng mabubuting gawa. Maraming relihiyon ang nagtuturo na ang isang tao ay maaaring bahagyang makamit ang kanyang kaligtasan. Inilalagay nito ang mga tao sa ilalim ng kontrol ng isang relihiyosong organisasyon na nagsasabi sa kanila kung ano ang gagawin upang maligtas.
►Bakit iniisip ng ilang tao na hindi sila maliligtas kung wala ang kanilang relihiyosong organisasyon?
(10) Iniligtas ng Dios ang bawat tao na umamin na siya ay makasalanan, nagsisi sa kanyang kasalanan, at naniniwala sa ebanghelyo (Marcos 1:15, 1 Juan 1:9).
Walang organisasyon ng tao ang may karapatang magdagdag sa mga kinakailangan para sa kaligtasan o mag-alok ng ibang paraan ng kaligtasan.
►Anong uri ng tao ang may karapatang maniwala na siya ay naligtas?
(11) Repentance means that a person is sorry for his sins and willing to quit his sins (Isaiah 55:7, Ezekiel 18:30, 33:9-16, Matthew 3:8).
Ang pagsisisi ay hindi nangangahulugan na ang isang tao ay kailangang gawing perpekto ang kanyang buhay bago siya tanggapin ng Dios. Ang Dios lamang ang makapagliligtas sa makasalanan mula sa kapangyarihan ng kanyang mga kasalanan. Ang pagsisisi ay nangangahulugan na ang isang tao ay sapat na nagsisi para sa kanyang mga kasalanan na handa niyang talikuran ang mga ito. Kung ang isang tao ay hindi handang talikuran ang kanyang mga kasalanan, hindi siya maliligtas.
►Bakit hindi mapapatawad ang isang tao nang walang pagsisisi?
(12) Ang isang nagsisisi, makasalanang nanampalataya ay tumatanggap ng kaligtasan kapag hiniling niya sa Dios na iligtas siya (Roma 10:13, Gawa 2:21).
Ang bawat tao ay may paraan makatanggap nang awa ng Dios dahil kay Hesus. Walang institusyon o samahan ng mga tao ang kailangan para makatanggap ang isang tao ng kapatawaran ng Dios. Ang isang tao ay tumatanggap nito ng indibidwal at nagsisimula ang isang direktang kaugnayan sa Dios.
►Paano natin malalaman na ang isang ta ay maaaring maging Kristiyano sa isang sandaling panahon?
