Amit alilelewa katika familia ya Uhindu na alishiriki katika taratibu zote za kidini. Akiwa mtoto aliomba kila siku. Alikuwa amedhamiria lakini alisikia utupu wa kiroho. Amit alisoma maandiko ya Kihindu ili kujitahidi kuelewa dini yake vema. Aliambiwa kwamba haijalishi ni Imani gani kwa sababu dini zote zinatupeleka kwa Mungu. Alitaka kutafuta ukweli halisi ambao utamwongoza Yeye kwa Mungu, lakini alijiuliza kama kweli hiyo kweli ipo.

► Soma Isaya 46 kwa pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Ni tofauti gani ambayo kifungu hiki cha andiko kinatoa kati ya Mungu na sanamu? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

[1]Utangulizi kwa Uhindu

Dini ya Uhindu ilianza huko India mapema sana kabla historia yeyote haijabaini. Uhindu hauna mwanzilishi wa kibinafsi na utaratibu ambao ni kwa kila mfuasi. Kuna Wahindu, zaidi ya Bilioni moja[2] lakini wana Imani zinazotofautiana sana. Wahindu wengi hujishughulisha na baadhi tu ya taratibu za dini ya Kihindu.

Wahindu wanaamini kwamba dini yao inatokana na maandishi ya kale ya kihindi yanayoitwa Vedas. Vedas imeundwa kwa mamia ya matoleo.

Hakuna tamko la mafundisho ambayo yanawakilisha Imani ya kiujumla kwa wote ya Uhindu kuhusu Mungu. Wahindu wengi wanaamini juu ya miungu wengi ambao ni nafsi na wanatenda vyote viwili ubaya na wema. Wahindu wanatumia sanamu au vinyago vingi kuwakilisha miungu na roho ambazo wanaziabudu.

Yesu alisema tunapaswa kumuabudu Mungu mmoja wa Kweli, ona Luka 4:8.

Baadhi ya Wahindu wanamuabudu mungu mmoja kama mkuu. Baadhi ya Wahindu wanamwita mungu mkuu Shiva; Wahindu wengine wana majina mengine yanayomwelezea [3]mungu wao mkuu. Shiva ana mke na watoto. Shiva anafanya yote mema na maovu. Baadhi wanamwita Shiva muumbaji, lakini hawamaanishi kwamba ulimwengu uliumbwa wakati fulani mahususi.

Hata wakati Wahindu wanazungumza kuhusu mungu wao mkuu, hawamaanishi sawasawa na kile ambacho Wakristo wanamaanisha wanapomrejelea Mungu. Wakristo wanaamini kwamba Mungu ndiye uhalisia mkuu na muumbaji binafsi wa ulimwengu. Wahindu wanasema kwamba wanaamini katika mungu mmoja, lakini si mungu ambaye anazungumza na kufukiri, ispokuwa kupitia miungu tofauti tofauti ambao wamechukua namna ya kimwili.

Nabii Yeremia alisema kwamba Mungu aliumba kwa nguvu zake, na miungu yote ya uongo inaangamia, ona Yeremia 10:9-12. Mungu anawasiliana na watu na anatuambia sisi Yeye ni nani, ona Isaya 46:9-10.

Wahindu wanaamini kwamba kuna uhalisia mkuu usio na nafsi ambao ulitengeneza dunia. Baadi ya Wahindu wanaitwa uhalisia huu Brahman. Wanaamini kwamba kila kitu kinaishi kama sehemu ya Brahman. Wanaamini kwamba Brahman ni nafsi au kitu muhimu katika kila kitu kinachoishi. Wanaweza kusema kwamba wanaamini juu ya mungu mmoja, lakini wanamaanisha ni kwamba kila kitu kinachoishi ni kimoja, na ni mungu.

Mwanzo 1 inasema kwamba Mungu aliumba kila kitu kwa agizo lake. Yeye ni tofauti na vitu alivyoviumba, ona Mwanzo 1:1.

Wahindu wanaamini kwamba kiongozi yeyote mkubwa anayewafaidisha watu baadaye anaweza kuwa mungu. Kila mtu ni udhihirisho wa Brahman, lakini mungu ni nafsi ambayo inamdhihirisha Brahman Zaidi kuliko wengine.

[4]

► Nini ni baadhi ya tofauti kati ya dhana ya Ukristo na Uhindu kuhusu Mungu?

Wahindu wanadai kuwa wavumilivu kuliko dini zingine. Wana msemo unasema kwamba “Kweli zote ni moja.” Wanasema kwamba zipo njia nyingi kufikia lengo, hata kama dini tofauti tofauti zina dhana tofauti tofauti ya Maisha ambayo mtu anapaswa aishi na lengo ambalo anatakiwa kujaribu kulifikia. Hawamaanishi kwamba “kweli zote ni moja” katika namna ambayo dini nyingine mbalimbali zinaelekeana au zinategemeana kidhana. Wanamaanisha kwamba kweli zote ni maonesho ya kweli kuu ambayo haiwezi kuwekwa katika maelezo.

Mtume Paulo anasema wajibu wa msingi wa mchungaji ni kufundisha fundisho la kweli, ona Tito 1:9. Dini zote si sasawasa, ona 1 Timotheo 1:3-6.

Wakristo wanaamini kwamba hata kama Mungu ni mkuu kuliko tunavyoweza kuelewa, amefunua baadhi ya maelezo ya kweli kuhusiana na Yeye. Endapo dini inakinzana na kweli ambayo Mungu ameifunua kuhusiana na Yeye, dini hiyo si sahihi.

Baadhi ya Wahindu wanaamini kwamba Yesu alikuwa mtu ambaye alitendea kazi kanuni za Uhindu na alikuwa mwalimu mkuu kama wengine ambao wameishi katika nyakati nyingine. Hawaamini kwamba Yeye ni mwana pekee wa Mungu.

Wahindu wanaamini katika mzunguko usiokoma wa muda, usio na mwanzo, usio na mwisho, na hakuna matukio yanayobadilisha mambo kwa namna ya kudumu,

Wahindu juu ya kuzaliwa tena na tena au umwilisho. Wanaamini katika kuzaliwa tena kwa nafsi ya msingi ya mtu binafsi katika namna nyingine ya Maisha, mara nyingi.

Biblia inasema kwamba watu wanakufa mara moja na kwenda katika hukumu mbele za Mungu, ona Waebrania 9:27.

[5] Wahindu wanaamini juu ya karma. Kulingana na dhana ya karma, mtu anapokea matokeo mazuri au mabaya kwa ajili ya matendo yake katika Maisha haya na yajayo. Karma ni sheria ya asili ya ulimwengu, na si katika msingi uliowekwa na mungu yeyote, na haudhibitiwi na mungu yeyote.

Wakristo wanatii sheria za Mungu na wana mahusiano ya kibinafsi na Mungu, ona Yohana 14:15. Biblia inatuambia kwamba kristo atawahukumu watu wote kwa viwango vyake vya haki, ona Matendo ya Mitume 17:31, 2 Wakorintho 5:10, Yakobo 4:12.

Mtu ni mwenye hatia endapo anafanya kitu ambacho ni hatari kwake au kwa wengine. Anaweza kuweka uwiano wa matendo mabaya kwa matendo mema ili kupata matokeo mazuri. Lakini, hakuna msamaha.

Lengo kuu la Uhindu ni kutafuta kuachiliwa kutoka katika mzunguko wa kuzaliwa tena na tena katika hali ya milele inayoitwa nirvana. Baadhi ya Uhindu unafafanua hali hii kama nafsi kuishi katika hali ya umilele, wakati wengine wanaona kuwa ni hali ya kufyozwa ndani ya Brahman, kama tone la maji linavyodondoka baharini. Wahindu wengi wanaamini kwamba mtu hukoma kuishi kama mtu mwenye ufahamu anapofonzwa ndani ya Brahman.

Lengo la Wakristo ni kuishi milele katika mahusiano ya kibinafsi na Mungu huko mbinguni, ona Ufunuo 21:3.

► Ni tofauti gani kati ya dhana ya Uhindu ya nirvana na dhana ya ukristo ya mbinguni?

Mtindo wa Maisha wa Kihindu

Kutokana na Imani ya Uhindu, wale walioukana ulimwengu hawatakiwi kutengeneza, kuandaa, au kutunza vyakula. Wanapaswa kuomba omba chakula chao kila siku. Baadhi yao huwategemea ndugu zao; wengine huenda nyumba kwa nyumba kuomba omba. Mfano mzuri wa mfuasi wa Uhindu hafanyi kazi ili kujihudumia wenyewe.

Biblia inasema kwamba mtu hapaswi kutegemea wengine na akakataa kufanya kazi, ona 2 Wathesalonike 3:10.

Wahindu wengi ni wala mboga mboga. Miongozi mwa wale wanaokula nyama, wengi wao hawali ngo’ombe kwa sababu ng’ombe anataukuzwa. Mara nyingi chakula kinatolewa sadaka kwa sanamu kabla hakijaliwa, hata kama ni nyumbani.

Biblia inasema kwamba nyama zote zinaweza kuliwa, ona 1 Timotheo 4:3-4.

Wahindu wana mahekalu yanayojieleza na yenye muundo mzuri, mavazi, na mapambo binafsi yenye umuhimu wa kidini.

Wahindu wanaamini kwamba wanatakiwa kujali kila namna ya uhai. Wanaamini kwamba mtu anapaswa amjali mbwa anayeteseka katika namna ambayo atamjali kijana wake. Wanaamini kwamba hakuna mahusiano yatakayomfanya mtu kuwa na hisia kuhusiana na hitaji la mwingine. Wanaamini kwamba kumjali mtu mwingine kwa sababu ya mahusiano ni dhamira isiyo sahihi. Wanaamini kwamba Brahman hana hisia juu ya kitu chochote, hana huzuni na hana furaha. Mhindu anapaswa kujaribu kufikia hatua hiyo.

Wakati Wahindu wanazungumza kuhusiana kumjali kila mtu sawasawa, wanaonekana kana kwamba wana dhana sawa sawa na Wakristo. Kimsingi, si sawa kabisa. Wakristo wanaamini kwamba wanapaswa kuwapenda wengine sawasawa na wanavyojipenda wenyewe. Wahindu wanaamini kwamba haupaswi kujijali mwenyewe au kuwajali wengine.

Kwa Uhindu, kutafakari kunamaanisha kudhibiti kabisa akili yako. Ili kwamba mawazo yasiweze kuja pasipo ruhusa yako. Ibada zao zimetengenezwa kwa namna ya kuweka wazi akili zao. Ndiyo maana wanatumia sauti za kujirudia rudia na maneno na mazoezi. Kusudi la kutafakari ni kutofikiri kuhusu chochote. Yoga ilianza kama mfumo wa Uhindu wa mazoezi kwa ajili ya kusafidha akili.

Wahindu wanaomba kwa miungu kama njia ya kuweka umakini katika akili zao. Endapo Mhindu atapata umakini kamili, hataihitaji miungu na hatahitaji kuomba. Hawaombi moja kwa moja kwa Brahman.

► Sasa rudi nyuma na soma kila andiko na neno mlalo na lililokolezwa.

Kwa sababu Wahindu hawaamini Biblia, kutumia andiko ili kukanusha Imani zao hakutabadilisha akili zao. Badala yake, wasilisha injili kwa namna ambayo inagusa mahitaji yao. Ushuhuda binafsi wa Mkristo wa mahusiano na Mungu utasaidia kumgusa hitaji la Mhindu la kumjua Mungu.

Mungu, muumbaji na mtegemezaji wa ulimwengu, ni nafsi ambayo inafikiri na kuzungumza, tofauti na Brahman wa Uhindu.

Mungu ni mwenye haki na mwenye upendo, hakuna uovu katika asili yake. Anaweza kuaminika, tofauti na miungu ya Kihindu ambayo ina nia za kibinafsi na mgongano katika tabia zao.

Mungu anampenda mwanadamu na alituumba sisi kwa kusudi la kuishi katika mahusiano na Yeye. Ana muundo kwa ajili yetu na ana makusudi kwa ajili ya maisha yetu ili sisi tuishi mbinguni pamoja naye milele. Kila mmoja wetu anaweza kumfahamu Mungu kibinafsi kama Baba.

Watu kibinafsi wanatengwa na Mungu kwa sababu wametenda dhambi dhidi ya mapenzi yake. Kila mmoja atahukumiwa na Mungu kwa dhambi yake. Hii ni tofauti na dhana ya Uhindu ya karma ambayo si nafsi bali ni nguvu inayotenda kazi kama asili.

Yesu alikuja kama Mungu aliyevaa mwili ili kufa kama sadaka ili kwamba dhambi zetu zisamehewe. Kila mtu anaweza kuja katika mahusiano na Mungu katika msamaha kwa msingi wa sadaka ya Yesu.

Kupitia msamaha tunakuja katika mahusiano ya kibinafsi na Mungu ambaye anatupenda sisi na ameahidi kutuasili sisi kama Watoto wake, badala ya kuabudu miungu iliyo mbali na isiyojali ambayo haijaahidi chochote kwetu.

Amit alipokutana na Mkristo, alikwazwa na dhana kwamba kuna njia moja tu ya kufika kwa Mungu. Aliposoma mifano ya Yesu kwenye Biblia, alishangazwa na namna ambavyo inaweza kutendewa kazi katika maisha yake. Alipokuwa anafanya utafiti kuhusiana na usahihi wa Biblia, aliamini kwamba Biblia ilikuwa imetunzwa vizuri kutoka katika maandiko ya halisi ya kwanza. Siku moja aliona mkanda wa video kuhusiana na mateso ya Yesu na alifanya maamuzi ya kuweka Imani yake kwa Kristo. Amit alisema, “Endapo Ukristo ni kama tu moja ya dini nyingi zinazokubalika, basi sadaka niliyoitoa, ikiwemo kupoteza amani ya familia yangu, ni bure. Nilijisikia vizuri katika Imani yangi ya Uhindu na nilifurahia maisha ya maombi; nilijisikia utupu na nilikuwa msumbufu nikiukataa wito wa Mungu kutoka kanisani. Ilikuwa ni kweli na upendo ambao ulinisukuma mimi kumkubali Kristo kama Bwana.”

► Sasa soma Isaya 46 tena. Kila mwanafunzi aandike kifungu cha maneno kinachoelezea ujumbe wa kifungu hiki cha Andiko kwa ajili ya Uhindu. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.