Peter alikuwa njiani kuelekea kanisani alipoona alama kubwa: “Siku ya Hukumu, Mei 21, 2011. Biblia imethibitisha!” Peter alifikiri angefanya nini endapo ujumbe huu ni kweli. Aliona kwamba hakukuwa na sababu ya kupeleka Watoto wake shule, au kumalizia ujenzi wa nyumba yake, au kulipa fedha alizokuwa ameazima. Alifikiri pengine angetoa fedha zake zote ili kusaidia kusambaza ujume.

► Soma Marko 13 kwa pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Ni maonyo gani ambayo Yesu anayatoa katika kifungu hiki? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

Utangulizi kwa Imani Potofu za Kiapokaliptiki

Kuna mamia ya Imani Potofu za Kiapokaliptiki. Zina utofauti mkubwa na zina majina mengi tofauti tofauti. Mara nyingi zimeanzishwa na mtu ambaye hudai kuwa na ufunuo mpya kuhusiana na yajayo. Baadhi yao hudumu muda mchache tu, washirika wachache, na nyingine zinakuwa kubwa. Baadhi ya taasisi ambazo zipo katika sehemu nyingine za kozi hii zina sifa za Imani Potofu za Kiapokaliptiki. Kwa mfano, Mashahidi wa Yehova mara kadhaa wametoa unabii ili kuwahamasisha washirika wao, lakini nabii hazikutimilika.

[1]Kwa nini Imani Potofu za Kiapokaliptiki zipo

Watu wengi wanahisia kwamba ulimwengu umefikia katika nyakati za matatizo ambazo zitabadilisha kila kitu ambacho tumekifahamu kuwa cha kawaida. Matatizo yanaweza kuelezewa katika namna ya uchumi, ikolojia, vita, siasa, au mabadiliko ya kiutamaduni.

Vitabu vingi vya tamthiria na video nyingi zinaelezea mambo ya mwisho ya kufikirika ambayo yanatokea kupitia majanga ya kiulimwengu, au vita vya nyuklia, au kimondo kikubwa kilichoigonga dunia. Katika Habari hizi, watu wengi duniani wameuawa, na watu waliopona wameingia katika wakati ambao maisha ni tofauti sana na kitu chochote walichokifahamu

Kwa sababu ya hofu hii na matarajio, watu wanatafuta majibu kuhusiana na namna ya kukabialiana na wakati ujao. Watu wengine wanatafuta maelezo ya kidini. Wanavutiwa na ujumbe wa Imani potofu ya kiapokaliptiki. Imani potofu ya kiapokaliptiki iinaanzishwa na mtu ambaye anadai kuwa ni nabii akiwa na mafunuo mapya. Imani Potofu za Kiapokaliptiki zinajaribu kukutana na hisia na mahitaji ya watu wa kiroho kwa kuelezea hali ya ulimwengu na kile ambacho tunatakiwa kufanya ili kujiandaa.

Imani potofu ya kiapokaliptiki zimekuwepo miaka yote. Mtume aliyetangazwa anayeitwa Montanus aliishi karne ya pili ya kanisa na alitabiri kuhusiana wa haraka wa ufalme wa Mungu na mwisho wa mfumo wa ulimwengu. Katika historia yote ya kanisa kumekuwa na watu ambao wamedai kufahamu muda ambao Kristo atarudi ili kuanzisha ufalme wake na kuwahukumu waovu. Mamilioni ya watu wamedanganywa na wamevunjika moyo.

► Ni mifano gani ya Imani Potofu za Kiapokaliptiki ambazo umeziona au umezisikia?

Viongozi wa Imani Potofu za Kiapokaliptiki hawaitikii matatizo ya wakati huu katika njia ya Kibiblia, hata kama wanadai kuwa ni Wakristo na wanatumia Biblia. Hapa chini bi baadhi ya sifa za Imani nyingi Potofu za Kiapokaliptiki.

Sifa za Imani potofu ya kiapokaliptiki

(1) Huweka tarehe mahususi kwa ajili ya Utabiri wao

Wanaweza kutabiri ujio wa pili wa Bwana.

Yesu alisema kwamba hakuna mtu anayefahamu kuhusu kurudi kwake, ona Mathayo 24:36.

Wanaweza kutabiri mwisho wa serikali za ulimwengu. Wanaweza kutabiri majanga ambayo yataharibu watu waovu ulimwenguni. Wanaweza kutoa muda mahususi ambapo yatatokea. Yanaposhindwa kutokea, wanasema kwamba utabiri wao ulikuwa unamaanisha kitu kingine. Wanaweza kuweka tarehe nyingine mpya. Mara nyingi wanatoa nabii ndogo ndogo nyingi ambazo pia haitimii.

Biblia inasema kwamba kama utabiri wa mtu usipotimia, hapaswi kuaminiwa kama nabii, ona Kumbukumbu la Torati 18:22.

(2) Wana tafsiri mpya ya Maandiko.

Hutoa maana mpya ya vifungu kadhaa vya maandiko ambayo hakuna hata mmoja alifikiria. Maana ni kitu ambacho hakiwezi kuthibitishwa kimaandiko yenyewe. Wanaojisema manabii hudai kwamba tafsiri ilitolewa kwake kwa ufunuo, ambayo hufanya kuwa ufunuo mpya na sio tafsiri. Huku ni kutumia Biblia vibaya kwa sababu wanasema kwamba Biblia inafundisha dhana zao, lakini kimsingi hutegemea mafunuo yao na huongeza maana kwenye Biblia ambayo hakiuwepo hapo kabla. Watu ambao huamini ujumbe ni wale ambao tayari wameshaamua kumwamini nabii. Hawafuati mamlaka ya Biblia bali hufuata mamlaka ya kiongozi wa Imani potofu.

Biblia inasema kwamba maandiko si kwa ajili ya mtu kutoa maana yake mwenyewe. Mungu alivuvia na kudhibiti mchakato wa uandishi ili kwamba imaanishe kile ambacho Mungu alitaka kukisema, ona 2 Petro 1:20-21.

(3) Huitaji matendo yasiyo ya Kikristo.

Huitaji tabia kutoka kwa washirika wao ambazo hazikuwahi kuwa ya Kikristo. Wanaweza kuhitaji kujitenga na jamii na maisha ya kawaida. Wana mtazamo wa chuki kwa wale ambao ni maadui na hata wanaunga mkono machafuko. Wanaweza kutumia nguvu dhidi washirika wao na familia zao. Wanapoingia katika shida kwa sababu ya matendo yao, huita mateso. Wanaamini kwamba Mungu ataingilia kati kimiujiza katika kuitikia Imani yao. Baadhi ya Imani Potofu za Kiapokaliptiki zimeishia katika kujiua.

Tito 3:1-5 inaonesha ukinzani wa tabia ambazo zinatakiwa kuwa za Kikristo na zile za wenye dhambi.

(4) Huwatenga washirika wao na mahusiano mengine

Baadhi ya Imani Potofu za Kiapokaliptiki huwataka washirika wao kutoa kila kitu kwa taasisi. Washirika wanaishi pamoja katika eneo kubwa na wanatengwa na marafiki na ndugu wowote ambao hawako katika Imani potofu. Wanaweza kufundhiswa kwamba walio nje wote ni maadui. Washirika baadae kuvunjika moyo kwa sababu ushirika huwa hauna misingi katika kweli na hauwezi kuwa ushirika wa kweli wa Kikristo.

Yesu aliomba kwamba tumo ulimwenguni lakini sisi ni tofauti na ulimwengu kama yeye alivyo, ona Yohana 17:14-16.

► Swali hili linakuwa utangulizi wa sehemu inayofuata: Ni madhara gani yanatendwa na Imani Potofu za Kiapokaliptiki?

Madhara ya Imani Potofu za Kiapokaliptiki

Imani Potofu za Kiapokaliptiki zina madhara kwa namna kadhaa.

1. Huwavuta watu kutoka Makanisa ya Kikristo kuja katika mafundisho ya uongo.

2. Huwavunja moyo washirika wao na kuwasababisha kupoteza Imani kabisa.

3. Hudai kuwa Wakristo, lakini huwa na tabia zisizo za kikristo ambazo huharibu sifa ya Ukristo.

4. Husababisha watu kutilia shaka maandiko kuhusiana na ufalme wa Mungu na Ujio wa Kristo.

Mwitikio wa Wakristo kuhusiana na Machafuko ya Ulimwengu

[2]Biblia inazungumzia nyakati kama hizi. Maandiko kama kitabu cha Danieli na kitabu cha Ufunuo wa Yohana viliandikwa katika nyakati za yajayo yasiyojulikana, ghasia katika jamii, vita vya kimataifa, na mateso makali. Zilikuwa ni nyakati ambazo zilijaribu Imani ya watu ambao wanamwamini Mungu. Ilionekana kwamba hatuwezi kudhibiti chochote na kwamba kila kitu kizuri kinaweza kuwa kimeharibiwa.

Dhana kuu ya maandiko ya kinaabii ni kwamba Mungu anatawala na hatimaye ataanzisha ufalme wake na kuwalipa wenye haki.[3] Biblia inathibitisha kwamba nyakati hizo zitakuwa ngumu na uovu utaonekana kutawala wa muda. Waamini wanaitwa kushikilia Imani yao katika Mungu na kuishi kwa uaminifu pasipo kuangalia hali ya ulimwengu. Kama vile maandiko hayo yalivyotumika nyakati hizo, ndivyo ambavyo yanatumika pia nyakati zozote wakati ambapo Imani inajaribiwa.

Kitabu cha 2 Wathesalonike kiliandikwa kwa Wakristo ambao walikuwa wanategemea kurudi kwa Yesu na siku ya hukumu ya Mungu kutokea upesi. Walikuwa wanasikia kwa watu ambao walidai kwamba matukio hayo yamekwisha kutokea (2 Wathesalonike 2:2). Walichanganyikiwa kuhusiana na kile walichotakiwa kukifanya.

Mtume Paulo anaelezea baadhi ya matukio ambayo yatatokea muda mfupi kabla ya kurudi kwa Kristo, yakiwemo kutawala kwa mtu anayeitwa “yule mtu wa kuasi” na “mwana wa uharibifu” (2 Wathesalonike 2:3).

Kilicho muhimu zaidi kwetu sisi ni kuona kwamba Paulo anahitimisha maelekezo kwa waamini katika 2 Wathesalonike 2:15-17. Anawaambia wao kusimama na kuendelea kufuata yale ambayo wamekuwa wakifundishwa. Hawakutakiwa kuacha kanuni za msingi za maisha ya Kikristo kwa sababu ya matukio yeyote ambayo yalikuwa yanakuja. Katika mstari wa 17 anaomba kwamba Mungu awasimamishe au awategemeze katika kila kazi njema

Hata kama mwisho wa ulimwengu uko karibu, si wakati wa sisi kuacha misingi ya maisha ya Kikristo. Mambo ambayo wakati wote wamekuwa muhimu yatakuwa muhimu wakati wote hata mwisho. Tunatakiwa tuwahubirie waliopotea, kushikilia mafundisho ya kweli, kuishi Maisha matakatifu, mahusiano na waamini, kuwatendea wengine mema, na kuonesha upendo kwa watu wote.

► Ni mambo gani muhimu ya kukumbuka kama tunataka kuishi nyakati za kiapokaliptiki (nyakati za mwisho)?

► Sasa rudi nyuma na soma kila andiko na neno mlalo na lililokolezwa.

Kipaumbele cha kwanza wakati unazungumza na mfuasi wa Imani potofu ni kuhakikisha kwamba anaelewa injili kwa usahihi. Unaweza ukadhania kwamba mfuasi wa Imani potofu anaamini mafundisho ya Ukristo na ameongeza tu baadhi ya nabii za kipekee, lakini mara nyingi Imani potofu zinaweza kuwa zimeenda kinyume au kukana mafundisho muhimu.

Hatua inayofuata ni muhimu kuonesha ni kwa jinsi gani Imani potofu imekwenda mbali na Ukristo wa Kihistoria. Onesha matendo ambayo yasingelikubaliwa katika Ukristo wa Kihistoria (wa mitume). Onesha matendo ambayo yasingelikubaliwa na watu wa Mungu wa kanisa katika karne zote.

Onesha kwamba Mathayo 24:36 inatueleza sisi kwamba siku ya kuja kwa Kristo haijafunuliwa.

Onesha kwamba tafsiri yao ya nabii za kimaandiko zina msingi katika Imani kwa kiongozi wao tu na si katika kanuni za kawaida za kutafsiri.

Onesha kwamba Kumbukumbu la Torati 18:22 linatuambia sisi kwamba mtu hataaminika kuwa nabii endapo mojawapo ya unabii wake ni wa uongo.

Dorcas alilelewa katika familia ya Mashaidi wa Yehova. Akiwa mtoto aliamini mafundisho ya Jengo la Ufalme yalitoka moja kwa moja kwa Mungu. Siku moja usiku, viongozi waliitisha kikao maalumu. Walitangaza kwamba Har-Magedoni ingetokea mwaka 1975. Hiyo ilikuwa ni miaka saba baadae. Dorcas alilia sana usiku ule kwa hofu kwamba nini kitatokea kwa familia yake Har-Magedoni ikifika. Kwa miaka michache baade familia yake na wengine walifanya kazi kubwa sana kwa ajili ya Imani potofu. Waliamini kwamba si muda mrefu umebakia. Gazeti la Imani potofu lilichapisha picha za Watoto, watu wazima, na wazee wakiharibiwa na Har-Magedoni. Siku ya mwisho ya mwaka 1975, watu wengi walikwenda vitandani mwao kulala wakitegemea mwisho utafika usiku ule. Dorcas aliamka asubuhi iliyofuata na alishangaa kuona kila kitu kilikuwa kama kilivyokuwa. Wazazi wake hawakuongea kuhusiana na unabii tena. Dorcas aliacha kwenda katika mikutano ya Imani potofu tena, lakini hakufahamu ni wapi pa kupata ukweli. Miaka mingi baade Dorcas alikutana na mtu ambaye alimuelezea wokovu, na akaokoka.

► Sasa soma Marko 13 tena. Kila mwanafunzi anapaswa aandike kifungu cha maneno ili kuelezea ujumbe wa kifungu hiki cha maandiko kwa mfuasi wa Imani potofu ya Kiapokaliptiki. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.