Ethan alikuwa katika dini ya Romani Katoliki, lakini aliacha kuenda kanisani alipokuwa mtu mzima. Aliishi kwa starehe kwa miaka mingi, lakini alianza kuhisi kuwa anahitaji kujua kusudi la maisha yake haraka. Rafiki yake alimfundisha kutumia dawa za kulevya, na Ethan alihisi kuwa amepata taswira mpya ya ulimwengu na yeye mwenyewe. Alianza pia kusikia sauti zikimpatia muelekeo.

► Soma Zaburi 19 pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Kifungu hiki kinatuonesha nini kuhusu matokeo ya kweli ya Mungu? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

Utangulizi wa dini ya New Age

Dini ya New Age ina makundi, mashirika na watu mbalimbali. Wafuasi wa dini ya New Age hawajaungana chini ya jina fulani au kauli ya Imani. Baadhi yao huonekana kuwa watu wa kidini, na wengine huonekana kuwa kundi la kisayansi badala ya kidini. Si wote husema kuwa ni sehemu ya dini ya New Age, lakini wote hushiriki sifa fulani.

 [1]

Stonehenge, kumbukumbu ya jiwe la kale huko Uingereza, ni eneo la shughuli za dini mbalimbali.

Wafuasi wa New Age huamini katika uwezo wa binadamu kutatua matatizo yote. Wanaamini kuwa mtu anaweza kuwa kiumbe chenye nguvu mbali zaidi ya inavyozingatiwa kuwa kawaida. Huamini kuwa majibu yote yapo ndani yetu. Huamini kuwa lengo la elimu si kutuambia nini ni kweli ila kutuonesha namna ya kufungua uwezo wetu binafsi.

Biblia inasema moyo huwa mdanganyifu na mwovu hadi utakapobadilishwa na Mungu. Mtu hawezi kupata majibu ya maisha. Matatizo yamo ndani, ona Yeremia 17:9.

► Ni mafundisho yapi ya Kikristo dini ya New Age inayapuuza?

Kufungua uwezo wa kibinadamu, wafuasi wa New Age hutafuta hekima za zamani katika dini ya kipagani na vitendo vya kichawi. Hufanya unajimu, mawasiliano ya kipepo na uaguzi wa kila namna Wafuasi wa New Age huingiliana na ulimwengu usioonekana kwa kutumia namna yeyote ya uchawi. Hujaribu kuwasiliana na roho na watu walioishi zamani. Wanafanya matendo ya kuwasiliana na roho kupitia upitishaji wa roho, ambapo roho ya mtu aliyeishi zamani huvaa mwili wa mtu anayeishi na kuchukua sauti yake kwa muda

Watu humkataa Mungu na tafuta vyanzo vingine vya msaada katika ulimwengu usioonekana kwa sababu hawataki kutubu dhambi. Mtu anayehitaji muongozo na nguvu lazima amtafute Mungu, tazama Isaya 8:19.

[2]Hawaamini kuwa dini yoyote ina ukweli wote. Huamini kuwa dini zote kimsingi ziko sawa, lakini zina Imani na mazoea tofauti ambayo yanasaidia. Hata kama Imani fulani zinapingana, huamini kuwa zote ni za kweli, hufikiri kuwa wote huweza kuwa kweli katika namna isiyo ya busara. Hukataa madai yoyote kuwa fundisho ni kweli kabisa. Hawaamini kuwa fundisho lolote laweza kuwa kweli kwa maana kwamba mafundisho yanayokinzana yaweza kuwa uongo. Wafuasi wa New Age huweza vumilia kundi lolote la dini isipokuwa wale ambao hudai kuwa na kweli ambayo kila mtu ni lazima aamini. Hukataa Ukristo kwa sababu unadai kuwa sahihi na husema kuwa dini nyingine si sahihi.

Biblia inanena wazi hukumu juu ya wale wasiotenganisha maovu na wema na kukataa kiwango cha wema na ubaya, ona Isaya 5:20.

► Ni dini gani nyingine ambazo wafuasi wa New Age wasingependa?

Wafuasi wa New Age hukubali ulimwengu usioonekana bila kanuni yoyote ya kutenganisha kati ya nguvu nzuri na nguvu mbaya. Huamini kuwa ushirikiano wowote wa kiroho ni mzuri.

Kuna roho mbaya zinazohusika katika ulimwengu, na zimekwisha hukumiwa adhabu ya milele. Watu wanaozifuata watashiriki hukumu yao ona Mathayo 25:41.

Wafuasi wa New Age hawajitenganishi na dini nyingine. Hufikiri kuwa baadhi ya dini hushiriki Imani zao nyingi, haswa dini za mashariki kama Wabudha, Wahindu na Watao. Pia wanapenda dini za asili, ambazo zinaingiliana na roho katika asili (ona Somo namba 14).

Wafuasi wa New Age hukataa uhalisia wa mauti. Hufikiri kuwa kifo ni pale mtu anapoenda katika hatua nyingine ya uwepo. Baadhi husema kuwa maisha baada ya kifo ni kama sawa na maisha ya asili. Wengi wao huamini katika kuzaliwa upya na kanuni ya Karma, kama ilivyo kwa Wahindu. Badala ya kuona kama kuzaliwa upya ni kitu kibaya, kama Wahindu na Wabudha wanavyofanya, Wafuasi wa New Age hufikiri ni njema kuishi mara nyingi. Baadhi yao hufikiri kuwa wanajua kuwa walikuwa akina nani katika maisha yaliyopita

Dhana ya Mungu kwa wafuasi wa New Age ni ya kishabiki. Hii humaanisha kuwa wafuasi wa New Age huamini ukweli wote ni kiini kimoja, na kuwa kila kitu kwa pamoja ni Mungu. Kila kitu na kila mtu ni sehemu ya Mungu. Hawaamini kuwa Mungu ni mtu anayefikiri au kuongea, na hukataa kuwa Mungu ni muumbaji.

► Mfuasi wa New Age anaomba?

Wafuasi wa New Age huamini kuwa Yesu alikuwa mtu aliyejua jinsi ya kutumia nguvu zake za pekee na kujaribu kuwafundisha wengine kufanya hivyo pia. Huamini kuwa Yesu hakujali kuhusu viwango vya maadili na hakuhukumu maovu ya mtu yeyote.

Wafuasi wa New Age hawaamini katika ukweli kuhusu dhambi, kwa sababu hawaamini katika Mungu alieweka viwango na waamuzi. Huamini kuwa uovu katika ulimwengu ni uhitaji wa maarifa na marekebisho ili kila kitu kiwe katika maelewano. Wafuasi wa New Age huhalalisha kila aina ya upotovu wa dhambi.

[3]Mungu huwakaribisha watu kutafuta suluhu ya kweli –msamaha na usafi, tazama Isaya 1:18.

Wafuasi wa New Agers hukataa dhana ya biblia ya Wokovu. Hawaamini kuwa dhambi ni halisi lakini huamini kuwa suluhu ya matatizo ya binadamu ni maendeleo ya ufahamu wa kiroho na nguvu za kiroho.

Wafuasi wa New Age huamini kuwa utu ni kuingia katika zama mpya ambapo watu wanaoelewa kanuni za zama mpya watabadili jamii yote. Huamini kuwa kutakuwa na Amani na ulinzi kiuchumi kwa kila mtu.

Biblia inatuonya tusitarajie amani na ulinzi katika jamii ambayo haijakabidhiwa kwa Mungu. Tazama, 1 Wathesalonike 5:3.

► Wafuasi wa New Age wanaamini nini mbali na dhana ya wokovu?

Kutambua wawakilishi wa Zama mpya

Kuna vitu vingi vinavyosaidia kutambua kundi, shirika, au mwandishi kama Zama mpya. Baadhi ya mifano ni:

• Ulaji mboga kwa sababu za kidini au ki filosofia

• Njia za kiafya za kifumbo zisizoweza kuelezeka kisayansi.

• Marejeleo ya Karma

• Matumizi ya masharti kuhusu kuishi katika umoja na asili ama ulimwengu.

• Kutafakari kama namna ya uelewa usio na mantiki

• Matumizi ya masharti kuhusu uwezo wa binadamu usio na ukomo

• Aina za ajabu za nguvu na nishati ya kisaikolojia na ajabu

• Mawasiliano na watu waliokufa ama roho

• Matumizi ya vitu mbalimbali kwa ajili ya uaguzi

• Unajimu

• Uchawi na ushirikina

• Ushiriki wa kidini na asili

• Maslahi katika piramidi na fuwele

• Maslahi katika UFOs na viumbe visivyotoka katika dunia

• Imani katika uongozi wa kiroho na viumbe vya juu

• Dhana na mazoea yaliyotokana na dini za Mashariki

► Ni mifano ipi ya vitendo vya New Age umekwisha sikia ama kuona?

Mwitikio wa Wakristo

[4]Hakuna jipya kuhusu dini ya New Age religion. Isaya 47:10-14 imeelekezwa kwa taifa mahususi ambalo linatenda kila aina ya uchawi, na husikika kuwa New Age. Watu walitafuta hekima ya kipekee wakati wakitenda uovu. Wakijaribu kuwa miungu. Waliingiza mbinu nyingi za kutengeneza nguvu za kiroho.

Biblia inakataza kila aina ya uchawi na ushirikina, si kwa sababu si halisi, lakini kwa sababu ni uovu na unapingana na nguvu za Mungu (Mambo ya Walawi 19:26, 31, Mambo ya Walawi 20:6, Kumbukumbu la Torati 18:9-12). Mungu aliamuru taifa la Israeli kuwaua wachawi (Kutoka 22:18, Mambo ya Walawi 20:27). Wkristo leo hawana jukumu la kumuua yeyote, lakini amri inaonesha hukumu thabiti ya Mungu juu ya dhambi hiyo. Katika agano jipya, watu walipobadilishwa kuwa Wakristo, waliharibu vitabu vyao vya uchawi (Matendo ya Mitume 19:19).

Watu humkataa Mungu lakini bado hutafuta nguzu za kiroho. Nguvu za Mungu ni kubwa kwa wale wanaomuamini, na hutumia nguvu zake kwa wale wanaomuamini, lakini haachi nguvu zake chini ya udhibiti wa watu. Mtu anayetafuta nguvu na maarifa kupitia mbinu za kichawi anajaribu kutafuta huku akimkataa Mungu. Muingiliano na roho na utafutaji wa nguvu humpelekea mtu katika uovu wa kina.

► Sasa rudi nyuma na soma kila andiko na neno mlalo na lililokolezwa.

Ni kipaumbele kushiriki injili pamoja na mfuasi wa New Age. Usikamatwe katika mabishano ambayo yatakuzuia kushiriki injili. Anaweza fikiri kuwa ana mazoea na makanisa, lakini anaweza asielewe kiuhalisia injili ni nini.

Yesu alidhihirisha nguvu kubwa kuponya, kutabiri na kutambua kweli. Alikuwa mkuu kuliko kiongozi yeyote wa New Age. Si mfano wa mtu aliejiendeleza mwenyewe na kutumia nguvu za kiroho kutoka katika asili. Yesu aliwasilishwa kwa Baba na aliamini katika ukweli mtupu. Hakukubaliana na wale wasioamini ukweli wa mamlaka ya Mungu, dhambi, na hukumu.

Wakristo huamini katika zama mpya zinazokuja na ufalme wa Mungu. Itakuwa mwisho wa mateso, na zitaleta Amani na mafanikio. Wale tu walio katika uhusiano sahihi na Mungu wanaweza ingia katika zama hizo mpya.

Ethan alijaribu kufuata sauti alizosikia. Zilimwambia kuwa yeye ni Kristo, mwana wa Mungu, lakini alikataa udanganyifu huu. Mara kadhaa alihisi nguvu na maarifa yasiyo ya kawaida. Baadhi ya rafiki zake walimwambia hakuna ugomvi kati ya kumwamini Yesu na kuamini katika Budha au kitu kingine. Alianza kuhisi kuwa kitu kilichompa nguvu kilijaribu kumpagaa. Alikutana na kundi la Wakristo ambao walikuwa marafiki zake. Alianza kuelewa kuwa asingeamini sauti zote alizokuwa akisikia. Mara nyingine Mungu alikuwa akizungumza naye, lakini mara kadhaa roho chafu zilikuwa zikijaribu kumpeleka katika uelekeo usio sahihi. Alijifunza kujaribu mawazo yake kwa ukweli thabithi. Aligundua kuwa uhusiano halisi na Kristo ulikuwa unaridhisha zaidi ya uzoefu aliowahi kuwa nao.

► Sasa soma Zaburi 19 tena. Kila mwanafunzi anapaswa kuandika kifungu cha maneno kinachoelezea ujumbe wa kifungu hiki cha maandiko kwa mfuasi wa New Age. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.