[1]Mark alikuwa Mromani Katoliki na aliwahi kuwa padre lakini aliacha upadre. Siku moja alikuwa anaaza kazi mpya. Wakati mtu yule alipokuwa namuonesha namna ya kufanya kazi, Mark aligundua kwamba alikuwa mafuasi wa Iglesia ni Cristo. Mark akasema, “Mimi namshikilia Yesu; Yeye ni Mungu wangu.” Yule mtu akamwambia kwamba Yesu sio Mungu, na kwamba mchungaji wake anaweza kuthibitisha kutoka katika Biblia kwamba Yesu alikuwa mpatanishi tu. walimuonesha Mark maandiko mengi, na akachanganyikiwa. Walimshawishi kwamba Yesu sio Mungu.

► Soma Ufunuo 1 kwa pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Kifungu hiki cha maandiko kinastuambia nini kuhusu Kristo? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

Chanzo na Ushawishi

Jina la taasisi hii inatafsiriwa “Kanisa la Kristo.” Kuna taasisi nyingine pia wanatumia maneno hayo hayo katika majina yao.

Iglesia ni Cristo ilianzishwa huko Ufilipino mwaka 1914 na Felix Manalo, mshirika wa awali wa Usabato. Wakati wa kifo chake, mtoto wake alikuwa kiongozi, kisha mjukuu akafuata baada yake.

Iglesia ina mikusanyiko 7,000 katika nchi 164.[1] Mengi yapo huko Ufilipino. Ni taasisi kubwa sana inayojitangaza kuwa ya Kikristo huko Ufilipino ispokuwa kanisa la Romani Katoliki.

Iglesia ni Cristo linafanya kazi ili kuboresha jamii. Imani potofu hujihusisha sana na siasa na kuwaambia washirika au wafuasi wao nani wa kumpigia kura katika uchaguzi. Viongozi wa kisiasa hutafuta idhini au kukubalika kutoka kwa viongozi wa dini. Iglesia iliunga mkono uongozi wa Marcos huko Ufilipino.

[2]

Iglesia ni taasisi au shirika tajiri sana na linasisitiza kuhusu majengo ya kanisa yaliyojengwa kwa ubunifu mkubwa. Iglesia wamejenga kanisa kubwa sana ulimwenguni lenye ukumbi mkubwa sana ndani kwa ajili ya vikao na ibada. Ingawaje wengi wa washirika wao ni masikini, viongozi wao wengi ni wana taaluma kama vile madaktari na wanasheria.

Iglesia wanamiliki vituo vya redio. Wanachapisha gazeti la kila mwezi, Pasugo: God’s Message. Mara zote Gazeti kinashambulia Uromani Katoliki na makanisa ya kiinjili.

Waongofu wengi wa Iglesia ni wa Romani Katoliki ambao tayari wameamini kuwa Biblia ni kweli lakini hawakuwa na ufahamu mzuri na sawasawa wa Biblia. Washirika wa Iglesia wanawaonesha mistari ya Biblia ili kuwashawishi kuacha mafundisho waliyofundishwa.

Iglesia wana mikusanyiko mikubwa kwenye miji mikubwa duniani. Waongofu wengi wa Iglesia nje ya Ufilipino ni Wafilipino ambao wamehamia kwenda kwenye nchi hizo.

► Kwa nini waongofu wengi wa Iglesia wanatoka kanisa la Romani Katoliki?

Fundisho la Kanisa na Upatanisho

Mafundisho muhimu sana ya Iglesia ni kwamba lenyewe ni kanisa la kweli, lililorejeshwa na Felix Manalo. Fundisho hili linasisitizwa kiasi kwamba injili ya Iglesia inaonekana inajumuisha fundisho la kanisa lao na chanzo chake.

Wafuasi wa Iglesia wanaamini kwamba Felix Manalo alikuwa mtunishi wa mwiho wa Mungu. Pia waliamini kwamba Manalo ametajwa mahususi kabisa mara kadhaa katika unabii wa kibiblia, kama vile Isaya 41:9-10, Isaya 43:5-7, Isaya 46:11, na Ufunuo 7:2-3.

Isaya 41:9-10 ni kuhusu mtumishi maalumu wa Mungu aliyepakwa mafuta. Wakristo wanaamini kwamba kifungu hiki kinamrejelea Yesu, Masihi, lakini wafuasi wa Iglesia wanasema kwamba kinamrejelea Felix Manalo. Wanasema kwamba kifungu cha maneno “ncha za nchi” kinamaanisha ni nyakati za mwisho za dunia. Wanaamini Manalo aliutimiza unabii huo kwa sababu alisajili kanisa lake siku ile ile ambayo vita kuu wa kwanza ya dunia ilianza, ambayo ni mwanzo wa nyakati za mwisho za dunia. Maneno ncha za nchi katika Biblia kimsingi zinamaanisha mahali ambapo ni mbali kijiografia.

Katika Isaya 46:11, Mungu anasema atamuita ndege mkali kutoka nchi ya mbali kutoka Mashariki ambaye atatimiza kusudi lake. Wasomo wa Biblia wamekuwa wanaelewa kwamba Mungu atatumia nguvu ya nchi ya kigeni ili kuliadhibu taifa la Israeli, ambayo inakubaliana na alama ya ndege mkali. Iglesia wanaamini kwamba huduma ya Felix Manalo ilitabiriwa na mstari huu.

Wafuasi wa Iglesia wanaamini kwamba kanisa la Kikristo lilikengeuka mara baada ya kifo cha mitume. Wanaamini kwamba makanisa yote ispokuwa la kwao yamekengeuka, na kwamba Manalo alirejesha kile kilichokuwa kimepotea baada ya mitume kufa.

► Ni kwa namna gani unaweza kujibu madai ya Iglesia, kwamba Manalo ametimiliza unabii mahususi wa Biblia? Tazama mistari anayotumia na zingatia matumizi ya muktadha.

Iglesia wana mafundisho ya kipekee kuhusu upatanisho. Yanamsingi katika agizo la Agano la Kale kwamba mtu hapaswi kuadhibiwa kwa ajili ya makosa ya wengine. Waalimu wa Iglesia wanasema kwamba Yesu hakufa kwa ajili ya dhambi za wengine kwa sababu jambo hilo lingeenda kinyume na sheria ya Mungu. Lakini, kwa sababu Biblia inasema kwamba kanisa ni mwili wa Kristo, ikiwa mtu atajiunga na kanisa hatakuwa mtu mwingine, lakini ni sehemu ya Kristo. Kwa hivyo, Yesu hakufa kwa ajili ya mtu mwingine yeyote alipokufa kwa ajili ya wale walio kanisani. Mafundisho haya ya upatanisho yanalifanya kanisa lao kuwa lenye umuhimu wa juu sana kwa ajili ya wokvu, kwa sababu wao ni kanisa pekee la kweli.

► Elezea ni kwa jinsi gani Iglesia wanadai kwamba Yesu alikufa kwa ajili ya washirika wa kanisa lao tu.

Nyimbo nyingi za Iglesia ni kuhusu kanisa. Imani yao kwamba wao ni kanisa pekee la kweli inaonekana katika mfano huu kutoka katika mojawapo ya nyimbo zao unaoitwa “Kweli moja, Imani moja”:

Kweli moja, Imani moja
kanisa Moja, mahali ambapo tunapata neema
tumaini Moja ndani
kanisa moja la kweli la Kristo.[3]

Imani nyingine na Desturi

Viongozi wa Iglesia wana shahuku sana ya kuwabadilisha watu kujiunga na sini yao. Wanasisitiza watu kufanya kazi ya kueneza ujumbe wa kanisa.

Wanaume na wanawake wanakaa pande tofauti za kanisa wakati wa ibada. Milango hufungwa wakati wa kuanza.

Masomo yanayosisitizwa katika nyimbo zao ni kanisa, kuvumilia shida za maisha, na maombi kwa ajili ya msamaha. Wanaomba kwamba Mungu awasaidie kushika amri zake ili wastahili kupokea msamaha.

Viongozi wa Iglesia wanadai kwamba Biblia ni chanzo cha Imani zao. Mtindo wao wa kufundisha ni kutumia mistari mingi katika Biblia yote ambayo inaonekana haina mahusiano. Wanatumia tafsiri mbalimbali za Biblia na wanaweza kunukuu kutoka tafsiri sita tofauti tofauti ujumbe mmoja. Wanamweza kujaribu kujibu kila swali kwa kutumia andiko. Wengi wa washirika wao wanadai kwamba kilichowashawishi kujiunga ni matumizi ya Imani potofu ya maandiko

[4]Iglesia hawaamini Utatu au uungu wa Kristo au Roho Mtakatifu.

Washirika wa Iglesia mara zote wanashambulia mafundisho ya Uungu wa Kristo katika machapisho yao. Wanafundisha kwamba Yesu alikuwa mtu maalumu lakini hakuwa Mungu. Wanasema kwamba kama mtu anasema kwamba Kristo ni Mungu, basi hamfahamu vizuri Yesu na hajaokoka.

Wanaamini kwamba, wakati wa kufa nafsi inakufa na haitaendelea kuishi ispokuwa Mungu amemfufua au amemuumba tena mtu. Hawaamini juu ya Jehanamu.

Hawaamini kwamba mtu anaokoka kwa kuweka Imani yake kwa Kristo baada ya kusikia injili ikihubiriwa au kusoma Biblia. Wanaamini kwamba wokovu ni mchakato. Kulingana na Iglesia ni Cristo, ni lazima mtu ajiunge na kanisa na kushika matakwa ya kanisa ili aweze kuokoka. Hata hivyo, hawakuhakikishii kwamba mtu anaweza kuokoka kwa kuwa mshirika wa kanisa. Wanaamini mtu anaweza kupoteza wokovu wake endapo hataishi sawasawa. Kwa sababu ya mafundisho haya, washirika wao wengi huishi katika hofu kwamba hawajaokoka.

► Kwa nini Iglesia ni Cristo hawatoi uhakika wa papo kwa papo wa wokovu?

Iglesia ni Cristo wanadai kuwa wao ni Wakristo halisi. Wanadai kwamba makanisa mengine yote ni ya uongo. Lakini endapo mtu atayaelewa na kuyaamini mafundisho yote ya Iglesia, basi haamini katika Injili ya Kimaandiko na yeye si mkristo.

► Kwa sababu Iglesia ni Cristo wanadai wanaamini Biblia, Biblia inaweza kutumika kukanusha mafundisho yao. Tumia mafundisho katika sehemu zifuatazo kutoka katika Kijitabu cha Mkononi cha Fundisho ili kukanusha Imani potofu hii.

(5) Yesu ni Mungu.

(7) Roho Mtakatifu ni Mungu.

(8) Mungu ni Utatu.

(9) Wokovu ni kupitia upatanisho wa Kristo pekee.

(11) Tunapokea wokovu kwa imani.

(12) Tunaweza kuwa na uhakika binafsi wa wokovu.

(13) Wale ambao hawajaokoka wtapata hukumu ya milele.

Unaweza ukaona kwamba mafundhisho ya Iglesia ni Cristo yanafanana sana na mafundisho ya Mashahidi wa Yehova. Washirika wao wanaishi katika hofu kwamba hawajaokoka bado.

Ni muhimu kusisitiza msingi wa injili. Kumbuka kwamba unazungumza na watu ambao wanategemea mafundisho kwamba wataokoka endapo watakuwa katika kanisa sahihi. Sisitiza Maandiko yanayofundisha uthibitisho au uhakikisho binafsi wa wokovu. Waoneshe kwamba, ni hadi pale watakapoweka Imani yao kwa Kristo kwa ajili ya wokovu, ndipo watakapofahamu kwa hakika ya kwamba wameokoka.

Miguel alikuwa mhudumu katika Iglesia ni Cristo. Alipokuwa anazidi kufahamiana na wachungaji wengine katika kanisa, alikatishwa tamaa kwa kugundua kwamba hawakuwa wakiishi kwa viwango vya maisha matakatifu ambayo waliyahubiri. Waliwahubiri watu wao kwamba wanapaswa waishi maisha matakatifu na ya haki. Kwa Miguel ilionekana kwamba kwa kadiri mtu alivyokuwa anaishi maisha machafu, ndivyo alivyokuwa anahubiri kwa nguvu habari za maisha matakatifu ya haki. Miguel alisema kwamba wachungaji walitaka kuondoka katika taasisi lakini hawakujua namna ya kufanya. Walikuwa wanaogopa mateso. Miguel alifanya maamuzi ya kuondoka katika taasisi na akang’ang’ana au akashikilia mafundisho sahihi.

► Sasa soma Ufunuo 1 tena. Kila mwanafunzi anapaswa aandike kifungu cha maneno kinachoelezea ujumbe wa kifungu hiki kwa mfuasi wa Iglesia ni Cristo. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.