► Kwanini migogoro ya kidini inatokea? Je migogoro ya kidini ni ya lazima, au inaweza kuepukika?

► Baada ya majadiliano mafupi kuhusu maswali haya, darasa litapaswa kutazama maandiko rejea yafuatayo: 1 Timotheo 3:15, Yuda 1:3; Mathayo 16:6, 12; Tito 1:9; na 1 Petro 3:15. Jadili kwa ufupi ni nini maandiko haya yana ashiria nini katika migogoro ya kidini.

Yesu alimwambia mwanamke msamaria kisimani kwamba tatizo la kuabudu kwa wasamaria lilikuwa kwamba hawakujua nani wanayemwabudu (Yohana 4:22). Ufahamu wa mwanadamu kwa Mungu ni sifa ya muhimu sana na hakika ndiyo msingi wa dini zake zote. Hakuna kosa lingine lililo dhahiri kuliko kutokuwa sahihi juu ya namna Mungu alivyo.

Inawezekana kabisa kumwabudu pasipo kuamini kitu chochote kuhusu Yeye. Kama mtu anaufahamu usio sahihi kuhusu Mungu, ataheshimu sifa ambazo Mungu hana na atashindwa kuheshimu sifa ambazo Mungu yuko nazo. Tabia binafsi za Mwenye kuabudu zitabadilika kuendana na tabia ambazo yeye anafikiri kwamba Mungu anazo.

Mtu hawezi kuweka Imani yake kwa Yesu kwa ajili ya wokovu pasipo kuamini kuamini kitu kuhusu Yesu. Kama mtu ataamini vitu visivyo sahihi kuhusu Yesu, akawa na fundisho lisilounga mkono Injili. Anaweza akaamini Injili ya uongo ambayo haiwezi kumwokoa yeye.

Kanisa lina wajibu wa kusimamia kweli. Mtume Paulo amesema kwamba kanisa ni nguzo na msingi wa kweli (1 Timotheo 3:15). Ili kusimamia kweli, Kanisa lina wajibu wa kuuelezea na kuutetea. Mtume Yuda anatuambia sisi kwamba wakati watu wanafundisha mafundisho potofu, sisi tunapaswa tu “mwishindanie imani waliyokabidhiwa watakatifu mara moja tu” (Yuda 1:3).

Fundisho potofu ni kama ugonjwa ambao unasambaza madhara yake (2 Timotheo 2:17). Fundisho potofu linafananishwa na chachu, ambayo hatua kwa hatua inaathiri donge la mkate (Mathayo 16:6).

Mungu anawaita wachungaji kuwa viongozi katika kutetea kweli. Paulo alimwambia Tito kwamba mchungaji anatakiwa kufundisha Neno kama lilivyofundishwa na pia kuwakemea wale wanaolipinga (Tito 1:9). Na pia akasema kwamba kwa sababu ya wapotoshaji, jumuiya nzima iliondolewa kutoka kwenye kweli (Tito 1:10-11).

Kozi hii sio kuhusu mafundisho ambayo yanagawa makanisa tofauti ya Kikristo kwenye makundi kama vile Wamethodist, Wabaptisti, au wapentekoste. Makanisa haya kiujumla yanakubali juu ya mafundisho muhimu ya kibiblia yaliyomo ndani ya Kijitabu cha Mkononi cha Fundisho nyuma ya Kozi hii. Badala yake, Kozi hii inatazama katika makundi ya kidini ambayo yanakana mafundisho ambayo ni msingi wa Imani ya Kikristo.

Katika somo hili tutajifunza njia nane muhimu ambazo wakristo wanapaswa kujiandaa kwazo kwa ajili ya kukabiliana na migogoro ya kidini.

Ni lazima wawe na:

1. Uzoefu binafsi katika Wokovu.

2. Kuwa imara katika fundisho la Kibiblia.

3. Kufahamu hatari ya makosa.

4. Kufahamu washirika wa Imani potofu.

5. Kufahamu asili ya dini za uongo.

6. Shirikisha Injili.

7. Kulionesha Kanisa kwa kielelezo.

8. Kutegemea Roho Mtakatifu.

► Kwa nini ni muhimu kwa mtu kuokoka kabla hajaingia katika mabishano ya Kidini?

Kama mtu atakuwa yeye binafsi bado hajapata uzoefu wa Neema ya Mungu,

1. Atakosa ufahamu wa kiroho wa kweli.

2. Hatokuwa na nguvu na hekima ya Roho Mtakatifu katika jitihada zake.

3. Atakuwa na nia mbaya katika migogoro ya kidini.

Kufahamu mafundisho ya msingi ya Ukristo yanawezesha muumini kusimama imara katika Imani, hata kama atakutana na mafundisho potofu (Waefeso 4:14). Kujifunza fundisho la Kibiblia pia kuna mwandaa Muumini kuweza kuwa vizuri katika kuwahimiza wengine kwa kukosoa fundisho potofu na kuuelezea ukweli. Hii ndio sababu kwa nini, fundisho potofu limeelezewa kote ndani ya kozi hii, imeonekana katika utofauti na Neno la Mungu. Unapotumia maandiko na mafundisho yaliyofundishwa kwenye Kijitabu cha Mkononi cha Fundisho kukanusha upotoshaji wa walimu wa uongo, Imani yako itaimarishwa.

Kila mwamini anapaswa kusoma na kujifunza maneno yote ya Mungu (2 Timotheo 3:15-17). Ni upanga ambao Mungu ameutoa kwa ajili ya ushindi wa kiroho (Waefeso 6:17).

Utaratibu wa kusoma mafundisho ya Imani ya Kikristo pia ni njia muhimu ya kuimarishwa kiroho. Misingi ya Imani ya Kikristo ni kozi ya kwanza ya kimafundisho ya kikanuni inayotolewa na Shepherds Global Classroom, lakini pia kozi zingine pia zinapatikana.

Ni muhimu kwa muumini mpya kuimarishwa katika fundisho sahihi, lakini pia wafuasi wa Yesu waliojidhatiti wanaendelea kufuatilia ukuaji katika Kweli ya Mungu kupitia Maisha yao (Wafilipi 1:9).

Lazima tujiandae kuhoji dhidi ya makosa ya kidini. Makosa ya kidini yana matokeo dhahiri kwa sababu:

(1) Sio kila Dini inakwambia kuamini katika Mungu na Kwenda Mbinguni.

Baadhi ya Dini haziamini katika Mungu mkuu ambaye ni nafsi (Ubudha). Mamilioni ya watu wa Dini hawaamini wanaweza Kwenda mbinguni ambapo wataendelea kuwa kama watu (Wabudha na zaidi Wahindu).

(2) Baadhi ya Dini huzalisha tabia mbaya na vitendo vya Kishetani.

Dini wakati mwingine imethibitisha vitendo viovu vya mwanadamu, kama vile Hitla kuwaua mamilioni ya wayahudi. Dini kuchochea magaidi wa Kiislamu kuwaua maelfu ya watu.

(3) Maoni ya kidini sio jambo la jaribio binafsi.

Mtu hapaswi kuchagua maoni ya dini yake kama vile anachagua pipi aipendayo. Kila dini inadai kufafanua uhalisia. Kama watu ni halisi, na kama ulimwengu ni halisi, na kama Mungu ni halisi, basi baadhi ya dini hazipo sahihi katika namna zinavyoelezea uhalisia. Kwa mfano, kama kuna Mungu mkuu ambaye atauhukumu ulimwengu, basi watu wanaoabudu mapepo na kuruhusu mapepo kuongoza maisha yao (animism na Voodoo) hawatakuwa wameandaliwa kwa hukumu. Mtu hapaswi kuchagua tu dini anayopendelea, bali ile ambayo inaendana na uhalisia.

(4) Ni jambo la muhimu namna gani kwamba mtu anamfafanua Mungu.

Kama mtu anazungumza kuhusu kitu fulani ambacho sio halisi, haijalishi anakifafanua namna gani. Lakini kama Mungu ni halisi, baadhi ya Mawazo kumuhusu yeye ni sahihi, na baadhi si sahihi. Kama tu vile ambavyo itakuwa si sahihi kwa baadhi ya taarifa zitengenezwa kuhusu wewe, baadhi ya taarifa si sahihi kumuhusu Mungu, kwa sababu yeye ni halisi. Kwa sababu Yesu ni Mungu na imepaswa aabudiwe, itakuwa ni kosa la kutisha kusema kwamba yeye ni mtu tu, kama dini nyingi zifanyavyo.

(5) Hatima ya umilele wa mtu inategemea Ukweli

Wakati ambapo watu wanatumainia kitu fulani kwa ajili ya wokovu ambalo kiuhalisia haliwezi kuwaokoa, ni lazima sisi tujaribu kubadirisha fikra zao kabla hawajapotea moja kwa moja.

► Pitia orodha ya sababu tano za namna ambavyo makosa ya kidini yana matokeo makubwa. Ona kama ni sababu ngapi unaweza ukazikumbuka pasipo kutazamia kitabu.

Nyumba ya mtu Tajiri ilikuwa inaungua. Ndani yake kulikuwa na vitu vingi vya thamani ambavyo alihitaji kuviokoa. Watu walipokuja kusaidia, walihofia kuingia ndani ya nyumba iliyokuwa ikiungua. Mmiliki wa nyumba kwa haraka aliwapatia makoti ya plastiki ya kuzuia mvua. Akawaambia makoti yalikuwa yameundwa maaalumu kwa ajili ya kuwalinda wao dhidi ya moto. Kwa kumwamini, wakaingia ndani ya jengo na kujaribu kutoa nje vitu alivyovitaka. Baadhi yao walifariki kwa sababu makoti hayakuweza kuwalinda. Imani yao haikuweza kuwalinda kwa sababu waliamini kitu ambacho hakikuwa cha kweli.

Mungu ni halisi, na mbingu na kuzimu ni halisi. Kutakuwa na hukumu ya mwisho juu ya dhambi zote, na kila mtu atakwenda mbinguni au kuzimu milele. Kama mtu ana dini ambayo inamsababisha atumainie vitu visivyo sahihi, matokeo yake yatakuwa mabaya na ya milele. Dini yake haitamwokoa kama sio ya kweli. Na ndio maana ni lazima pawepo na mahojiano ya kidini.

Ni muhimu kufahamu ni kwa jinsi gani washirika wa Imani potofu wanafikiri na kujisikia. Kama tutadharau mahitaji yao, tunaweza kushindwa kuwapatia Injili katika namna ambayo itavuta umakini wao.

Fikiri kuhusu namna ambavyo kwa mara ya kwanza ulikuja Kanisani. Pengine sio kwa sababu mtu fulani alikushinda katika mahojiano. Kwa hiyo, tusifikiri kwamba tutambadirisha mtu aliye naswa kwenye Imani potofu kwa kumshinda kwenye mahojiano pekee.

Sababu ni muhimu sana kama njia ya kuthibitisha Ukweli, lakini sababu pekee haibadirishi kujidhatiti kwa mtu.

Kipengele hiki kinatoa sababu za watu ambao wamechagua kujiunga na dini za Imani potofu. Sababu hizi sio lazima zimuelezee mtu ambaye dini yake ni sehemu ya utamaduni wake.

► Unajua nini kuhusu watu ambao wamejiunga na Imani potofu? Ni sifa zipi ambazo mara nyingi huwa nazo?

(1) Washirika wa Imani potofu wanaamini viongozi wao ndio vyanzo pekee vya Ukweli.

Yeye anaweza kufikiri kwamba anapata Imani yake kutoka kwenye mafundisho ya mwanzilishi na maandiko ya Imani potofu, lakini anayatafsiri hayo kulingana na kile viongozi wanamwambia. Hivyo ndivyo ambavyo anaweza kupuuzia mikanganyiko katika maandiko ya Imani potofu na mafunuo.

Viongozi wa Imani potofu wanafundisha mafundisho ya kipekee ambayo hayapatikani sehemu nyingine kwa kusudi la kubakia kuwa chanzo pekee cha ukweli kwa washirika wao. Wanatoa mamlaka ya mwisho, iwe kwa maandishi au kwa kuishi, ambayo inachukua nafasi ya Biblia katika utendaji, hata kama wanadai kuamini Biblia.

(2) Washirika wa Imani potofu hawaliamini kanika la Kikristo kiujumla.

Washirika wa Imani potofu wamefundishwa kwamba makanisa ya kikristo ni maasi, hayana ukweli, na hayana baraka za Mungu. Viongozi wa Imani potofu mara kwa mara wameyadhihaki makanisa ya Kikristo. Kinyume chake, makanisa halisi ya kikristo yanatambua kwamba makanisa mengine pia yana ukweli kwamba ni muhimu kwa mtu kumjua Mungu na kufika mbinguni.

Baadhi ya viongozi wa Imani potofu wameendeleza utoaji wa mafunuo mapya, ili kwamba waamini ndiyo chanzo cha ukweli.

(3) Mshirika wa Imani potofu hana ufahamu wa historia ya Kanisa na Utamaduni

Washirika wa Imani potofu wana uelewa mdogo wa jinsi gani Kanisa limekabiliana na mambo ya kale. Hawaelewi ni kwa namna gani Biblia ilitunzwa. Hawajui mafundisho yapi ni msingi wa Injili na ni muhimu kwa ukristo. Wanafikiri kwamba Kanisa limekuwa si sahihi juu ya mafundisho mengi kwa Historia yake. Hawawezi kutambua kwamba kwa kuyapinga mafundisho ya msingi wamekuwa sehemu ya dini mpya.

(4) Washirika wa Imani potofu wanatarajia mateso na migogoro.

Kama ukibishana na mshirika wa Imani Potofu, watachukulia kwamba umedanganywa, mjinga, unafuata nia mbaya, na pengine unashikiliwa na shetani.

Washirika wa Imani potofu wanatarajia kuteswa na watu wa dini zingine. Kama mtu atawatenda wao vibaya, hilo linawathibitishia wao kwamba wapo sahihi.

(5) Mshirika wa Imani potofu ana Imani ambazo zinapingana kila moja.

Inafikirika kwamba mshirika wa Imani potofu hutunza Imani yake katika vyumba tofauti. Yeye halinganishi Imani toka kwenye chumba kimoja na chumba kingine. Anashangazwa pale ambapo watu wanapomwonyeshea mwingiliano huo, na yeye hajisikii uhitaji wa kufanya utatuzi.

(6) Mshirika wa Imani potofu alishawishiwa na mazoea zaidi kuliko kufikiri.

Washirika wa Imani potofu wanaonekana kutumia fikra wakati ambapo wana wasilisha mafundisho yao kwa watu wa nje. hata hivyo, kufikiri kwao kumeegemea zaidi kwenye upofu wa kitumaini wa Imani potofu. Fikra zimetengenezwa kuunga mkono kile ambacho wamekwisha kiamini.

Yeye amekubali Imani potofu kwa sababu amejihisi kupendwa na kukubaliwa na washirika, au kwa sababu ya namna alivyojisikia kwenye wakati wao wakuabudu, au kwa sababu ya uzoefu binafsi wa kiroho. Baada ya kuingia kwenye mahusiano na Imani potofu, akaanza kuyapokea mafundisho yao pasipo kuyatathimini. Wakati watu wa nje wanapobishana juu ya mafundisho, yeye anahisi kwamba hawafahamu nini hali gani amekutana nayo. Anafikiri kama angeweza kuwafanya wavuke mabishano na waingie kwenye ile hali, wangeweza kushawishika.

(7) Mshirika wa Imani potofu anaamini injili tofauti.

Kumfanya mtu kuwa mwaminifu, Imani potofu haiwezi kuwa pekee kwenye mafundisho madogo pekee; Lazima iwe na upekee kwenye kitu muhimu. Na ndio maana sasa utofauti wa mafundisho ya Imani potofu yanajumuisha injili tofauti. Mshirka wa Imani potofu anaamini kwamba wokovu ni kupitia Imani potofu pekee.

(8) Mshirika wa Imani potofu hana utosholevu wa Kiroho.

Kwa sababu bado hajaokoka, hana uhakika wa msamaha; hana ushindi dhidi ya nguvu ya dhambi; hana furaha ambayo inayokuja kutokana na kuwa na mahusiano na Mungu; na hana ushirika wa kweli wa kikristo na washirika wenzake wa Imani potofu. Anahitaji kusikia Injili.

► Dini za uongo zinatokea wapi?

Kufikiri kwamba dini ya uongo inatokana na nia ya kupata faida, kutoka kwenye mazoea mabaya, au kutoka kwenye mapepo ni kutokufahamu utata wa kidini. Katika kuitikia dini za uongo, sisi ni lazima tufahamu vipengele vya chimbuko zake.

(1) Mawazo ya kibinadamu

Dini za uongo mara kwa mara zimeanzishwa na kufafanuliwa na watu wenye uwezo mkubwa wa akili ambao wamewaza kuhusu Imani za kidini pasipo ufunuo wa kimungu wala uongozi wa Roho Mtakatifu (1 Wakorintho 2:6-9).

(2) Nia ya faida binafsi

Sio walimu wote wa kidini ni wakweli. Biblia inafundisha kwamba mafundisho potofu yamefundishwa na watu ambao waliharibu ufahamu wao, waliukataa ukweli, na ni wanafki (1 Timotheo 1:5-6, 19, 1 Timotheo 4:2). Baadhi ya viongozi wa kidini wamekuwa matajiri kwa mafundisho yao potofu (2 Petro 2:1-3).

(3) Upofu wa Kiroho

Watu ambao hawapo kwenye mahusiano na Mungu wamepofushwa Kiroho. Si kwamba tu wanakosa mtazamo wa Kiroho, lakini pia mtazamo wao wa kiasili haupo sahihi (2 Wakorintho 4:3-4).

(4) Kuukataa ukweli

Roho mtakatifu ni mwaminifu katika kuuthibitishia ulimwengu wa dhambi, haki, na hukumu (Yohana 16:7-11). Mtu ambaye anaukataa ukweli anafanya uchaguzi kwa hiari, kwa hiyo, ushawishi na maelezo havitoshi kubadili ufahamu wake. Biblia inasema kwamba mtu ambaye anaendelea na makosa ya mafundisho muhimu anapaswa akataliwe kutoka kanisani kwani anatenda dhambi (Tito 3:10-11).

(5) Hali ya kiroho

Dini ya uongo sio ibada isiyo na kitu. Mapepo yanahusika katika ibada ya uongo. Biblia inatuambia kwamba watu wanaoabudu sanamu wanaabudu mapepo (1 Wakorintho 10:20-21). Hii ni kwamba watu walio kwenye dini za uongo wanaweza kuwa na hali hii ya kiroho.

(6) Ufunuo potofu

Mafundisho ya Dini potofu sio yote huanzishwa na mwanadamu. Biblia inatuambia sisi kwamba kuna mafundisho yanayotoka kwa mapepo (1 Timotheo 4:1).

► Kuna kama sababu sita ambazo zinaweza kuichangia kwenye uundwaji wa Dini potofu. Zipi miongoni mwa hizi unaweza kuzikumbuka pasipo kutazama katika kitabu?

Tabia za kiujumla za Imani potofu[1]

• Kundi linaonyesha bidii na kujitoa pasipo kuulizwa kwa uongozi wake wa kibinadamu, na linazingatia mfumo wake wa kiimani na utendaji kama ukweli halisi.

• Swali, mashaka, upinzani vinavunjwa moyo, au kuadhibiwa kabisa.

• Kundi hutumia matendo ya kubadili ufahamu (kama vile kutafakari, kunena kwa lugha na ibada ya kufurahi).

• Viongozi ndio wanaamuru washiriki wawaze vipi, watende, na kuhisi (kwa mfano, washirika lazima wakati mwingine wapate ruhusa kuwa kwenye mahusiano, kuoa au kubadili kazi. Viongozi walishapendekeza nini cha kuvaa, wapi pa kuishi, na kama washirika wanaweza kuwa au kutokuwa na watoto).

• Kundi linadai umaalumu, hadhi tukufu kwa ajili yake, viongozi wake, na washirika wake (Kwa mfano, kiongozi anachukuliwa kama mtu maalumu au Masihi).

• Kiongozi hawajibiki kwa mamlaka zozote.

• Uongozi unashawishi hisia za aibu na/au hatia ili kuwadhibiti washirika.

• Utii kwa uongozi au Kundi unahitaji washirika kukata mahusiano na familia na marafiki, na kwa kiasi kikubwa kubadili malengo binafsi.

• Kundi limeshughulishwa na kuleta washirika wapya.

• Kundi linashughulishwa na kutengeneza pesa.

• Washirika wanatazamiwa kujitolea kupita kiasi kwa kundi na shughuli zinazohusu Kundi.

• Washirika wanatiwa moyo au wanatakiwa kuishi/au kuhusiana na washirika wa Kundi pekee.

Ni vizuri kujifunza tabia maalumu za Imani potofu na jinsi gani tunaweza kukanusha makosa. Hata hivyo, ni muhimu zaidi kushirikisha Injili.

Upatapo nafasi kushirikisha Injili, usipoteze muda kubishana juu ya mambo madogo madogo. Usimchukize mshirika wa Imani potofu kwa kubishana kuhusu ukweli wa kihistora juu ya Imani potofu yake ambayo huwezi kuthibitisha. Lenga kwenye mambo ambayo ni ya muhimu kwa Injili, na usimruhusu akwepe mambo hayo pasipo kujibu.

Mazungumzo yanapoisha, ni muhimu sana wawe wamesikia ujumbe wa namna ya kuokoka. Mabishano kuhusu mambo mengine hayataweza kuwaokoa hata kama utatoa hoja vizuri kuliko wao.

Wakati unaongea na mshirika wa Imani potofu, ni muhimu kwa mkristo kuonyesha uwazi na kumjali huyo mtu. Mkristo atapaswa kuwa kama mtu ambaye anajali kuhusu rafiki yake. Mkristo atakuwa na hasira katika namna vile tu rafiki anahasira kwa ajili ya mtu aliye umizwa. Kama mshirika wa Imani potofu anakuona wewe kama adui, atakataa kushawishika. Kama mahojiano yataonekana kama mashindano, atakataaa kushindwa.

Mkristo ni lazima aonyeshe upendo, kukubaliwa, wasiwasi wa kweli, na uwazi kwa kweli—kuonesha kwamba kweli anataka kufahamu.

Kanisa la mahali lenye Afya ni ushindi mkuu dhidi ya Imani potofu inayochochewa ndani ya jamii.

Uinjilisti wa washirika wa Imani potofu hauwezi kufanywa kwa watu binafsi kuwashawishi watu binafsi wengine. Kwa kawaida mtu hawezi kubadilisha dini yake pasipo kufikiri juu ya Jamii ya kiimani atakayoiacha na ile atakayoingia. Kama mshirika wa Imani potofu ataanza kuvutiwa na ushuhuda wa Mkristo binafsi, ataitaji kuona jamii ya kiimani ambayo mkristo huyo anaiwakilisha. Ataitaji kuona ni kwa jinsi gani wanaiishi Imani. Ana fikiria kwamba ujumbe anaousikia tayari umeshaunda jamii ya kiimani ambayo ataingia kama atabadilika.

Hii inamaanisha asili ya kanisa la mahali ni muhimu sana. Ili kuvutia mtu ambaye anafikiria kubadili kutoka kwenye jamii tofauti ya kiimani, Kanisa la mahali lazima liwe na sifa fulani.

► Ni tabia zipi za kanisa ambazo zingeweza kuwavutia watu kutoka kwenye imani potofu?

Sifa za kanisa la mahali lenye mvuto

• Washirika wanaonyesha kwamba mahusiano yao na Mungu ni Halisi na yanawatosheleza. (Washirika wa Imani potofu hawana mahusiano na Mungu.)

• Kanisa linawasilisha mafundisho katika namna zote mbili kama maelezo ya ukweli na kama masharti ya kimahusiano na Mungu. (Mafundisho ya Imani potofu yanapingana na kila moja na hayamleti mtu kwa Mungu.)

• Kanisa linaonyesha kwamba lina furahia kumwabudu Mungu. (Kuabudu katika Imani potofu ni katika mwili, na kishetani.)

• Washirika wa kanisa wanaonesha kusudi la maisha katika mtazamo wa umilele. (Imani potofu inadai kufanyia kazi vipaumbele vya umilele. Kanisa lazima lionyeshe jinsi ya kuishi leo kwa kuyapa uthami yaliyo ya milele.)

• Kanisa linaonyesha kipaumbele cha huduma badala ya malengo ya kiulimwengu .(Imani potofu wanaita kwa kujitoa kihuduma, lakini viongozi wao wana malengo ya kiulimwengu.)

• Ujumbe wa Kanisa unatosheleza uhitaji wa ndani wa Kiroho. (Imani potofu haina Injili ambayo inagusa uhitaji wa kiroho.)

• Kanisa ni Familiya ya Imani ambayo inapenda na kujali washirika wake (Linaweza kudai kujali washirika wake lakini lisiweze kuwa na ushirika wa kweli wa Kikristo.)

► Matendo gani maalumu ungetegemea kuyaona kwenye Kanisa ambalo lina sifa zilizo orodheshwa?

Siku zote kumbuka kwamba ni Roho Mtakatifu pekee anaweza kusababisha wenye dhambi kujua hatia zao, kuelewa ukweli, na kumtamani Mungu. Mwinjilisti awezi kuwa mtendaji mzuri isipokuwa tu kama ataongozwa na kupakwa mafuta na Roho Mtakatifu.

► Ni kwa namna gani utaweza kufafanua utofauti kati ya mtu anayemtegemea Roho Mtakatifu na Mtu asiye mtegemea Roho Mtakatifu?