Daniel alikuwa mshindi wa ndondi za uzito mkubwa. Alipotembelea Uturuki alisikia wito wa kiislamu wa kusali, na alivutiwa sana. Alianza kuusoma Uislamu na akahisi kwamba ilikuwa dini sahihi kwake. Alidai kuwa Mkristo hapo kabla lakini alishawishika kwamba kulikuwa na makosa katika Biblia.

► Soma 1 Yohana 1 kwa pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Kifungu hiki kinasema nini kuhusiana na mahusiano ya mwamini na Mungu? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

Chanzo cha Uislamu

Uislamu ni dini ya pili kwa ukumbwa ulimwenguni, ikiwa na takribani wafuasi milioni 1.9.[1] Entire nations are ruled by the principles of Islam. Neno Uislamu linamaanisha “Kujitiisha,” likilejerea kujitiisha kwa Allah. Mfuasi wa Uislamu anaitwa Muislamu. Neno Muislamu linamaana “anayejitiisha.” Waislamu wanajiita “waamini,” na wanawaita watu ambao sio Wislamu “Mkafiri” (wasioamini).

Muhammad alikuwa mwanzilishi wa Uislamu. Aliishi mwaka 570-632 B.K.

Muhammad Alidai kupata mafunuo. Watu wengi waliandika kuhusiana na mafunuo yake, na haya yalikusanywa ili kutengeneza Qur’an miaka mingi baada ya kufa kwake. Qur’an imegawanya katika sehemu zinazoitwa Sura.

► Ni kwa namna gani chanzo cha Qur’an ni tofauti na chanzo cha Biblia?

Dini ya Muhammad ilikuwa tofauti na dini nyingine nyingi zilizokuwa zinamzunguka kwa sababu ilikuwa iliyoamini mungu mmoja na ilikuwa kinyume cha ibada ya sanamu. Alifahamu kuhusiana na Uyudaizimu na Ukristo, lakini alizikataa zote.

Muhammad alitokea katika familia maskini, lakini alimuoa mjane Tajiri, alipokufa, alioa wanawake wengine 12 zaidi. Kulingana na Qur’an, wanaume wanaruhusiwa kuoa hadi wake wanne.

Muhammad alipopata wafuasi wa kutosha, aliuteka mji wa Medina, kwa sasa upo nchini Saudi Arabia. Baada ya vita kadhaa, aliudhibiti mji wa Mecca, na akahamia kule. Yeye na wafuasi wake wakavamia na kuyashinda maeneo kadhaa yaliyowazunguka. Hatimaye walizishinda nchi kadhaa na wakawalazimisha watu kuwa Waislamu.

Waislamu wengi leo si wakorofi. Wanajaribu kuishi kwa amani na majirani zao ambao si Waislamu. Hata hivyo, kuna agizo la ukorofi Qur’an. Qur’an inawaagiza Waislamu kuwashambulia na kuwaua maabudu sanamu.[2] Qur’an inasema kwamba watu ambao wanafanya vita kinyume na Uislamu wanapaswa wauawe au mikono na miguu yao ikatwe.[3] Waislamu wa itikadi kali wanayachukua maagizo hayo kwa umakini mkubwa. Muhammad aliharibu vijiji vya kiyahudi, aliwaua wanaume na kuziuza familia zao katika utumwa.

► Ni kwa namna gani Uislamu ulienea tofauti na Ukristo?

Imani za Uislamu

[4]Imani ya Uislamu inayorudiwa rudiwa sana inaitwa shahada is: “Hakuna Mungu ispokuwa Allah, na Muhammad ni mtume wake.”

Waislamu wanaamini kwamba Allah ndiye mungu pekee, muumba wa ulimwengu. Wanaamini kwamba ndiye aliyetoa mafunuo ya kibiblia kwa watu kama vile Nuhu, Abrahamu, na Musa.

Waislamu hawaamini katika Utatu Mtakatifu wa Mungu au kwamba Mungu kufanyika mwili inawezekana.

► Ni kwa namna gani mtazamo wa Muislamu kwa Muhammad ni tofauti na mtazamo wa Mkristo kwa Kristo?

[5]Wasilamu wanaamini kwamba Yesu alikuwa nabii kutoka kwa Mungu na alitenda miujiza, alikuwa Masihi, na hakuwa na dhambi. Hawaamini kwamba alikufa msalabani , bali alichukuliwa na Allah wakati Wayahudi wanataka kumuua.[6] Hawaamini alikuwa mwana wa Mungu au ni Mungu aliyevaa mwili.[7] Hawaamini ni Mwokozi wa ulimwengu.

Waislamu wanaamini kwamba Biblia ilitoka kwa Mungu, lakini wanaamini kwamba kama kuna mgongano kati ya Biblia na kitabu chao kitakatifu Qur’an, Qur’an ndio msemaji wa mwisho kwa sababu ndio ufunuo wa mwisho. Wanaamini kwamba ufunuo wa mwisho unaweza kukinzana na ule wa kwanza.[8]

Biblia inasema kwamba Neno la Mungu halitapita kamwe bali linasimama daima milele, ona Isaya 40:8 na 1 Petro 1:25.

Wasilamu wanaamini kwamba wokovu unapatikana kwa kutimiza matakwa fulani yanayoitwa Nguzo tano kuu za Uislamu. nguzo tano kuu za Uislamu ni:

1. Shahada: Kuitaja kwa uaminifu Imani ya Kiislamu

2. Salat: Kufanya taratibu za ibada mara tano kila siku

3. Zakat: kutoa sadaka kwa maskini

4. Sawm: kufunga wakati wa mwezi wa Ramadan

5. Hajj: kwenda kuhiji Mecca mara moja katika maisha

Mafundisho Magumu ya Uislamu

Ili kuona aina ya maisha ambayo Wasilamu wanaamini, tunaweza kuangalia nchi ambazo zinaongozwa na sheria za Kiislamu. Sheria za Kiislamu zinaitwa Sharia. Nchi nyingi za Kiarabu zinafuata Sharia kwa kiwango kadhaa. Sheria za Kiislamu haziruhusu uhuru wa kuzungumza, uuhuru wa kuabudu, uhuru wa mikusanyiko, uhuru wa vyombo vya Habari kama ulimwengu wa magharibi unavyoelewa na kutenda kuhusiana na uhuru kama huo.[9]

Katika baadhi jamii za Kiislamu mtu anaweza kuuawa kwa sababu ya kuokoka au kuwa Mkristo au juhudi za kufanya uinjilisti. Hata hivyo, mtu anaweza kuuawa kwa sababu ya kundi fulani la watu na sio kwa sababu ni kitendo cha kiofisi cha nchi.

[10]Kulingana na Sharia, mwanaume anaweza kumpa talaka mwanamke mara moja kwa sababu yeyote. Mwanamke hawezi kutoa talaka pasipo makubaliano na mume wake. Wanaume wanaruhusiwa kuwapiga wake zao, kulingana na Qur’an.[11] Mwanaume anaweza kuoa hadi wake wanne.[12] Mwanamke anaweza kuuawa na ndugu zake kana hafuati matakwa ya Kiislamu. Katika baadhi ya nchi wanawake hawaruhusiwi kuendesha magari, kwenda shule, au kuonekana hadharani pasipo kufunika nyuso zao. Mwanamke anaweza kupigwa hadharani kama atavunja sheria.

Wakristo wanaitwa kuwa wapole kwa wake zao, ona 1 Petro 3:7. Mwanaume anapaswa kumpenda mke wake akama anavyojipenda mwenyewe, ona Waefeso 5:28-29.

Waislamu wanaamini kwamba mema na mabaya yanakuja tu kutoka katika mapenzi ya Allah. Allah anaweza kubadilisha lile lililo jema kama atachagua, kwa sababu mapenzi yake ndilo analolijali kuliko tabia ya kutobadilika.

Biblia inatuambia sisi kwamba Mungu ni mwena na ni chanzo cha kila kitu chema. Mungu habadiliki, ona Yakobo 1:17.

Qur’an haisemi kwamba watu waliumbwa kwa mfano wa Allah. Allah anasemekana kuwa mbali sana na hawezi kufahamika na yuko tofauti sana.

Wanadamu wameumbwa kwa sura na mfano wa Mungu. Kwa hivyo, tunaweza kuelewa baadhi ya vitu kuhusiana na asili ya Mungu na tunaweza kuwa na mahusiano na Yeye, ona Mwanzo 1:27.

Waislamu hawategemei kuwa na mahusiano binafsi na Allah. Allah anaitwa “mwenye upendo wote,” lakini vinginevyo haisemwi katika Qur’an kwamba anawapenda watu. Qur’an mara nyingi inataja kwamba Allah husamehe na mwenye rehema kwa wale wanaokuwa waamini wa Uislamu. Watu wanapaswa kutubu na kuomba kwamba waepushwe na hukumu wakiwa na matumaini kwamba Allah ni mwenye rehema, lakini hakuna uzoefu wa wokovu au uthibitisho wa msamaha.

Biblia inatuhaidi sisi kwamba Mungu humsamehe mtu ambaye atakiri na kuamini, ona 1 Yohana 1:9.

► Ni kwa namna gani mahusiano ya Wakristo na Mungu ni tofauti na mahusiano ya Waislamu na Allah?

Faida za Uislamu mara nyingi ni kwa wanaume, na Qur’an hushughulikia jambo katika mtazamo wa wanaume. Wanawake ni miliki ya wanaume. Paradiso ya Kiislamu baada ya kifo ni kwa ajili ya wanaume, wanawake wakitolewa kule kwa ajili ya starehe.[13]

► Sasa rudi nyuma na soma kila andiko na neno mlalo na lililokolezwa.

Haitoshi tu kuthibitisha mafundisho ya Kikristo kutoka kwenye Biblia, kwa sababu Waislamu wanaamini kwamba Qur’an ni mbadala wa Biblia kama mamlaka ya mwisho

Tunaweza kukubaliana na baadhi ya mafundisho ya muhimu ya Kiimani ya Kiislamu. Wakristo hukubaliana kuna Mungu aliyeumba Ulimwengu. Wakristo wanakubali kwamba kuna hukumu ya mwisho, na kwamba kila mtu atapelekwa ama jehanamu ama mbinguni.

Kweli nyingine muhimu zinapaswa zioneshwe katika Biblia. Waislamu wanaamini kwamba Biblia imetoka kwa Mungu lakini inazidiwa na Qur’an. Hata hivyo, unaweza ukajenga hoja kwamba kuna kweli nyingine ni za msingi kiasi kwamba hazibadiliki. Pia, kweli za kihistoria hazibadiliki.

Mungu aliwaumba wanadamu kwa mfano wake (Mwanzo 1:27). Anawapenda na anataka kuwa katika mahusiano na wao.

Wakristo wanakubaliana na Uislamu kwamba Yesu ni Masihi na hakuwa na dhambi. Onesha kwamba alihaidi kutoa uzima wa milele kwa wale wanaomwamini (Yohana 10:28), aliahidi kuwafufua wafu kwa sauti yake (Yohana 5:28-29), na alisema ya kwamba hakuna awezaye kuja kwa Baba ispokuwa kwa Yeye (Yohana 14:6).

Onesha kutoka katika Maandiko kwamba alikuwa zaidi ya mtu asiyekuwa na dhambi; Ona Kijitabu cha Mkononi cha Fundisho juu ya

(5) Yesu ni Mungu.

Asingeweza kuwa mtu mwema na nabii wa Mungu kama madai yake kuhusiana na Yeye yasingelikuwa kweli. Uislamu unafundisha kwamba Yesu alikuwa nabii wa Mungu, lakini ama alitakiwa kuwa kama alivyodai kuwa na kuweza kutoa uzima wa milele, au alikuwa mtu mwovu na mbinafsi aliyewafanya watu waweke tumaini kwake.

Yesu alikuja kuonesha upendo wa Mungu. Alionesha kwamba Mungu anampenda kila mtu, wakiwemo wanawake na watu wa tabaka la chini. Watu hawajatengwa na Mungu kwa sababu ya jinsia au tabaka la kijamii. Watu wanatengwa na Mungu kwa sababu ya dhambi zao, na Mungu ametoa msamaha. Mungu anamkaribisha mwenye dhambi ili asamehewe na kuingia katika mahusiano na Yeye.

Jalal aliishi huko Saudia Arabia. Akiwa mvulana alikuwa mwaminifu kwa dini ya Kiislamu. Alikariri sehemu kubwa ya Qur’an na alisaidia katika msikiti. Alipokuwa na miaka 16, alitaka kujiunga na vita takatifu ili apigane kwa ajili ya Uislamu, lakini wazazi wake walisema alikuwa mdogo sana. Baadae alipata kazi na akawa na shughuli nyingi na akaanza kukupuuza dini. Aliingia katika shida na alitaka kuomba ilia pate msaada, lakini aliogopa kwamba Allah alikuwa amemkasirikia kwa sababu ya kuipuuza dini. Alimuomba Yesu ili apate msaada, na tatizo likatatuliwa siku mbili baadae. Alipata ndoto na alimuona Yesu akiwaonesha watu njia ya kwenda mbinguni. Aliweka Imani yake katika Kristo kwa ajili ya wokovu. Jalal anasema, “ninasikia upendo ndani ya moyo wangu, na nina furaha kumfahamu Yesu. Nilipokuwa Muislamu, sikuweza kufikiri kwamba Wakristo walikuwa sawa. Baada ya hapo, nimegundua ni kwa kiasi gani Mungu ananipenda, na nikawa Mkristo. Ndio, ananipenda, anakupenda, anaupenda ulimwengu wote. Yesu Kristo anatupenda sisi, na bado anatupenda. Na usisahau siku za mwisho hakuna anayeweza kukuokoa, ni Yesu Kristo tu.”

► Sasa soma 1 Yohana 1 tena. Kila mwanafunzi aandike kifungu cha maneno kinachoelezea ujumbe wa kifungu hiki cha andiko kwa mfuasi wa Uislamu. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.