Miri alikuwa mtoto mdogo katika Kijiji huko Papua New Guinea. Alikuwa na wanasesere wachache wa kuchezea lakini kuna nyakati alichezea fuvu la babu yake. Fuvu lilikuwa limetunzwa ndani ya nyumba kama njia ya kuwaheshimu mababu na pia ili kuzifukuza roho mbaya.

► Soma Zaburi 147 pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Kifungu hiki cha andiko kinasema nini kuhusiana na Mungu kuhusika katika uumbaji? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

[1]Dini ya asili ni mfumo wa Imani ya kidini au mtazamo dunia ambao ni halisi katika tamaduni za asili, na ni msingi wa vitendo vya kidini katika jamii nyingi za asili. Imani nyingi na matendo ya dini za asili yanaweza pia kupatikana miongozi mwa waabudu wa dini nyine kubwa ulimwenguni ikiwemo Uhindu, Ubudha, Uvoodoo, na Uromani katoliki. Watu wengi katika dini ya New Age wanajifunza dini za asili ili kupata njia za kuingiliana na ulimwengu wa roho.

Dini ya Asili wakati mwingine imekuwa inaitwa kuabudu mizimu. Kuabudu Mizimu ni neno linalosisitiza Imani kwamba mambo ya asili yana roho. Hii inajumuisha Wanyama, miti, milima, na mito. Muabudu Mizimu anaamini kwamba ni lazima wazitambue na kuingiiliana na roho hizo ili kufanikiwa kupata chakula, kujenga nyumba, na kubakia mwenye afya.

Waabudu Mizimu wanaamini katika roho ambazo zinakaa katika maeneo fulani fulani, lakini Mungu ana nguvu juu ya kila eneo, ona 1 Wafalme 20:28.

Waabudu Mizimu pia wanaamini juu ya roho kwamba si lazima zivae mwili wa nyama au kukaa mahali. Wanaweza pia kuamini kwamba roho za mababu zao zinahusika katika ulimwengu na katika maisha yao.

Waabudu Mizimu wanaweza wasiite Imani zao dini. Uabudu Mizimu ni halisi kwao. Uabudu Mizimu kwa ujumla hauna Maandiko yenye mamlaka na hawana mafundisho yaliyoandikwa.

[2]► Ni mfanano gani unaouona kati ya dini ya asili na dini zingine ambazo tumekwisha jifunza?

Katika dini za Asili, wanadamu hawatofautiani na ulimwengu, bali ni sehemu yake, wakiwa hawana nafasi maalumu.

Mungu aliweka thamani maalumu kwa wanadamu na akawajali kwa namna maalumu, ona Mathayo 10:31.

Wale wanaoshughulika na dini za asili wana maneno, vitu, au matendo maalumu ili kuingiliana na roho. Taratibu hizi ni tofauti kutoka jamii moja hadi nyingine. Taratibu hizo zinawasaidia wao kuepuka kuzikasirisha roho, na pengine ili kupata mwitikio kutoka kwao. Mtu anaweza kubeba kitu ambacho kinaonekana kina nguvu. Mara nyingi, mwabudu mizimu hawezi kuelezea ni kwanini taratibu fulani inafanywa.

Mungu anataka sisi kuondoa kitu chochote ambacho kinatumika kwa ajili ya kutegemea msaada kutoka kwa roho. Kama tuna vitu hivyo, hatumwamini Mungu kikamilifu, ona Matendo ya Mitume 19:19.

Waabudu Mizimu wanaweza kuamini kwamba kuna njia za mtu kupata nguvu kutoka katika kitu au mtu mwingine. Wanaamini mtu anapaswa kuwa makini ili asiathiriwe na nguvu mbaya kutoka kwa kitu au mahali.[3]

Matendo mengi yanayoitwa ushirikina yanatoka kwenye dhana ya muabudu mizimu. Ushirikinna ni dhana kwamba mtu anapaswa afuate matendo fulani kwa sababu vitu, matendo, au mahali ulani pana nguvu za kiroho. Wakristo sio washirikina, hata kama wanafahamu kwamba nguvu zisizo za kawaida ni halisi, kwa sababu wanaamini nguvu kuu ya Mungu.

► Kwa nini Biblia inatukataza sisi kutumia vitu ambavyo ni sehemu ya ushirikina?

Waabudu Mizimu wanaamini kwamba ulimwengu umejaa hatari za kiroho, na kwamba wanapaswa kuwa makini wasizikasirishe roho za asili au za mababu zao. Maisha yao yanaongozwa na hofu kila wakati. Wakati mwingine watu wanafikiri kwamba jamii za kale zina furaha na hazina mashaka hadi pale ambapo wamisionari walipokuja na kuanzisha mambo ya dini, lakini si kweli. Watu wa jamii za kale ambao hawana injili wanaishi katika utumwa wa hofu ya roho. Injili inakuja kama ujumbe wa ajabu wa ukombozi. Wanajifunza kwamba wanaweza kumtumikia Mungu ambaye anawependa na hawahitaji kuogopa roho.

Biblia inatuambia mara nyingi kwamba hatupaswi kuogopa kwa sababu tunamwamini Mungu, ona Isaya 41:10.

Watu wanaofuata dini za Asili wanaweza kuwa na wataalamu wa dini ambao wanachukuliwa kuwa wabobezi katika kushughulika na mambo ya roho. Kila utamaduni una majina kwa ajili ya wabobezi hao.

[4]Waabudu Mizimu wanaweza kuamini juu ya Mungu mkuu aliyeumba, lakini hawamuombi kwa sababu wanafikiria kwamba haiwezekani kuhusiana Naye. Wanafikiri kwamba wanatakiwa kushughulika na roho zinazowazunguka kwa ajili ya matokeo ya Maisha yao.

Jaribio la kuungana au kushirikiana na roho mara nyingi zimepelekea Waabudu Mizimu kushirikiana au kuungana na mapepo.

► Sasa rudi nyuma na soma kila andiko na neno mlalo na lililokolezwa.

Waabudu Mizimu wengi yatari wameshamwamini Mungu mkuu, lakini hawaamini kwamba wanaweza kumfikia au kwamba ana makusudi kwa ajili yao. Injili inatuambia kwamba Mungu anawapenda na ameonesha upendo wake kwa kumtuma Yesu.

Waabudu Mizimu wengi hufikiri kwamba wamemkosea kiumbe wa kiroho: Mungu, ndugu zao ambao ni miungu, au yeyote yule. Injili inaeleza kwamba Mungu yupo tayari kusamehe dhambi zetu ili kwamba tuje na kuwa na ushirika na Yeye.

Waabudu Mizimu husihi katika hofu ya roho. Tunaweza kuwathibitishia wao kwamba wakimfahamu Mungu, wanakuwa chini ya ulinzi wake na wanaweza kushughulika na Mungu kuliko kushughulika na roho.

Hato alikuwa chifu wa kikabila huko Papua New Guinea. Aliishi akiogopa roho na mababu. Wanakijiji mara zote walikuwa na vita baina yao. Mmisionari alikuja na kuishi katika Kijiji chake. Hato aliona namna ambavyo Mmisionari alimwamini Mungu wakati wa majanga wakati ambapo kijana wa mmisionari alikuwa katika hatari. Hato alifanya maamuzi ya kumtumikia Mungu kuliko roho.

► Sasa soma Zaburi 147 tena. Kila mwanafunzi aandike kifungu cha maneno kinachoelezea ujumbe wa kifungu hiki cha andiko kwa muabudu mizimu. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.