Kipindi cha utoto wake, Hannah alimuomba Mungu amuongoze kwenye kanisa ambapo angejisikia kukubalika. Kama kijana mdogo alitembelea kanisa Katoliki kwa ajili ya ibada. Desturi nyingi za Romani Katoliki zilionekana ngeni kwake. Alipenda ukweli kuwa walifanya desturi sawa za kuabudu ulimwenguni kote. Alianza kuhisi kuwa ni muujiza wa ajabu kuwa ibada inakuwa mwili na damu ya Yesu kila wakati, ili kwamba watu wawe na ushirika na Yesu.

► Soma Tito 2 pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Ni nini kifungu kinasema kuhusu kuishi Kikristo? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

[1]Asili ya Romani Ukatoliki

Kiongozi wa ulimwengu wa Romani Ukatoliki anaitwa papa. Makao makuu ya kanisa la Romani katoliki ni Rumi.

Istilahi Katoliki inamaanisha “ya kulimwengu” au “kamili.” kanisa la Romani Katoliki linadai kuwa kanisa kamili la Mungu na kwamba makanisa yote siyo ya kweli.

Ukatoliki unadai kuwa ndiyo kanisa la asili lililoanzishwa na Kristo. Wakatoliki wanadai kuwa papa wa kwanza alikuwa Petro, na kwamba mara zote kumekuwa na mrithi wa Petro kama papa wa kanisa la Katoliki. Wanaamini kwamba kundi lao la viongozi linaloitwa “makadinali” ni warithi wa mitume na wana mamlaka sawa na mitume wa asili.

Romani Ukatoliki ni sawa na Uothodox wa Mashariki katika imani na sherehe za kidini.

Ushawishi

Kanisa la Romani Katoliki ni shirika moja ulimwenguni kote. Hadi 2021, kuna zaidi ya washirika bilioni 1.37 ya Katoliki. Idadi ya watu ya mataifa mengi wengi wao ni Waromani. Katika nchi hizo, Katoliki ni sehemu ya tamaduni zao. kuna mamilioni ya watu wanaojiita kuwa Wakatoliki lakini wanashiriki kwa msimu tu katika shughuli za kidini.

Kanisa Katoliki ni tajiri na sana na lina nguvu sana kisiasa. Katika karne za mwanzo, mara nyingi kanisa lilitumia majeshi kuyalazimisha mataifa kunyenyekea kwa kanisa. Katika nchi zinazotawaliwa na Ukatoliki, watu wengi waliteswa na kuuawa kwa sababu hawakukubaliana na mafundisho ya Katoliki.

► Swali hili linatambulisha sehemu inayofuata. Umeona nini kwenye vitendo vya kidini vya Romani Ukatoliki?

Imani za Romani Ukatoliki

[2]Namna ya kuabudu ya Ukatoliki ni rasmi sana. Wakatoliki wana mahekalu mengi makubwa ulimwenguni kote ambayo yanafahamika kwa usanifu mkubwa. Mahekalu yamepambwa kwa picha na sanamu za watakatifu kutoka kwenye historia. kwa kawaida makuhani wana mavazi maalumu. Shughuli za ibada zinafanywa kwa sehemu kubwa na makuhani, kwa ushiriki mdogo kutoka kwenye kusanyiko

Watu wa tamaduni nyingi walikuwa katoliki wakati wakiendelea kutunza matendo ya kidini ya dini zao za zamani. Zamani miungu ya kipagani mara nyingine ilipewa majina ya watakatifu wa Kikatoliki. Sherehe za Kikatoliki zilichanganywa na sherehe za dini ya kuabudu sanamu au dini ya asili.

Imani za kanisa Katoliki zinakubaliana na mafundisho ya msingi ya Kikristo kama vile Utatu Mtakatifu, Uungu, kufa, kuzikwa, na kufufuka kwa mwili wa Kristo, na Uungu wa Roho Mtakatifu

Kanisa Katoliki linadai kuwa kanisa lina mamlaka ya kuelezea Biblia inamaanisha nini, hata kama tafsiri ya kanisa inaonekana kuwa tofauti na kile ambacho Biblia inasema. Wakatoliki wanajumuisha pia maandiko mengine, yanayojulikana kama Apokrifa, katika Biblia yao (kama maandiko) ambayo hayajawekwa katika Biblia na makanisa mengine.

► Je ni nini mtazamo sahihi wa mamlaka ya kanisa katika uhusiano wa Biblia?

Wakatoliki wanaamini kuwa papa ni mwakilishi wa Kristo duniani. Wanaamini kuwa anapofanya maamuzi ya kiofisi kuhusu dini, hawezi kufanya makosa. Mamlaka hii inatoka katika desturi zao na siyo katika Biblia. Mapapa wengi katika kipindi kilichopita wamekuwa watu waovu, wenye hatia na hata wauaji.

Wote Uothodox wa Mashariki na Romani Ukatoliki unachagua watu wa kihistoria ili kuwatambua kama watakatifu. Watakatifu walio wengi wana nyadhifa katika kanisa sawa sana zile za miungu. Watu wanaomba kwao msaada. Watakatifu fulani wanapaswa kupendelea vipengele fulani vya maisha au katika kazi fulani, hivyo wavuvi, wakulima, na walimu wana watakatifu maalumu, wanaoitwa watakatifu wasimamizi, ambao wanawaomba. Katika baadhi ya maeneo, watakatifu walichukua nafasi ya miungu ya kipagani. Watu wanamchukulia Mungu na hata Yesu kuwa mbali na hajihusishi nao, kwahiyo wanaomba kwa watakatifu badala yake.

Katika Waebrania 4:16, Mungu anatukaribisha kwenda kwake kwa ujasiri katika maombi. Sisi wenyewe hatuna haki, lakini Yesu ametupa fursa ya kuingia katika uwepo wa Mungu kwa fidia, Waefeso 2:13.

Waromani Katoliki wanashutumiwa kwa kuabudu sanamu kwa sababu wanaomba kwa watakatifu kwa kutumia picha na sanamu zao.

Kutengeneza picha kwa ajili ya maombi na ibada ni kuabudu sanamu. Biblia inakataza kuabudu sanamu, angalia Kutoka 20:4-5 na 1 Yohana 5:21. Wakati mwenye dhambi anapotubu na kuwa katika uhusiano na Mungu anakataa sanamu, angalia 1 Wathesalonike 1:9. Kamwe Biblia haisemi kwamba Mkristo anapaswa kuomba kwa yeyote isipokuwa kwa Mungu au kutumia picha kwa ajili ya ibada.

Vitu ambavyo vilitumika na watakatifu vinatunzwa kanisani kwa ajili ya heshima. Wakati mwingine mabaki ya mwili kama meno au mifupa vinatunzwa kanisani. Watu huja kupiga magoti na kuomba kwa watakatifu wanaowakilishwa na mifupa.

[3]Makuhani wa Katoliki hawaruhusiwi kuoa.

Mariamu (mama wa Yesu) anaheshimiwa sana. Fundisho la kupata mimba bila dhambi ya asili linafundisha kuwa Mariamu alizaliwa bila asili ya dhambi na hakuwahi kutenda dhambi. Wakatoliki wengi wanaomba kwa Mariamu zaidi kuliko kwa Mungu. Wanahisi kuwa Yesu Yesu atamsikiliza Mariamu na atashawishiwa naye. Mariamu amekuwa mpatanishi kati ya mwamini na Kristo.

Kwa mujibu wa 1 Timotheo 2:5, Yesu ndiye mpatanishi pekee kati ya Mungu na mtu. Yesu ana huruma zote, na hatuhitaji yeyote amshawishi ili atujali, angalia Yohana 11:35.

► Je ni mtazamo upi sahihi wa Kikristo kuhusu Mariamu?

Wote Ukatoliki na Uothodox wa Mashariki unafundisha fundisho la kubadilika kwa asili ya mkate na divai. Hii ni imani kwamba wakati wa ushirika, mkate na divai vinabadilika kuwa mwili na damu halisi ya Yesu. Kwahiyo, waumini wanaweza kuvipokea kwa ajili ya wokovu. Kwahiyo wanaamini kuwa mkate na divai ni vitakatifu.

Waromani Katoliki wanaamini kwamba wokovu hautegemei tu upatanisho wa Kristo bali kwa kuwa sehemu ya kanisa Katoliki kupokea ushirika, na kutenda matendo mema.

Wakatoliki hawahubiri ujumbe wa injili kuwa mwenye dhambi anaweza kutubu dhambi zake, kuweka imani yake kwa Kristo, na kupokea uhakika wa wokovu. Badala yake, ni lazima mtu afuate kwa uaminifu maelekezo ya kuhani na tumaini la wokovu.

Wakatoliki wengi wanaendelea kuishi katika dhambi ya wazi. Wanatarajia kuwa wataendelea kubaki Wakatoliki mpaka kufa, kisha wanakaa toharani, kisha wanakwenda mbinguni.

Biblia Inasema kwamba ushahidi wa mtu kuwa ni Mkristo ni kuwa anaishi maisha matakatifu, angalia 1 Yohana 3:7-8.

Toharani na Hati ya Msamaha

Waromani Katoliki wanaami kuwa baada ya kifo mtu anapaswa kutumikia adhabu ya dhambi kabla ya kuingia mbinguni. Hili linaitwa fundisho la toharani. Wanaamini kuwa dhambi ni lazima iwe na adhabu hata kama imesamehewa. Kwahiyo, hata Mkatoliki mwaminifu anategemea kukaa toharani kwa dhambi alizozifanya. Wenye dhambi wasiojali wanategemea kukaa toharani baada ya kifo, kisha wataruhusiwa kuingia mbinguni. Wanaamini kuwa moto wa toharani unasababisha maumivu makubwa kuliko maumivu yoyote waliowahi kuyapitia katika maisha.

Yesu aliteseka ili tusiadhibiwe kwa ajili ya dhambi, angalia Isaya 53:5. Wakatoliki wanakataa kuwa sadaka ya Kristo ilitosha kwa sisi kusamehewa na siyo kutoadhibiwa kwa dhambi.

Wanaamini kuwa Wakristo wanapaswa kuwaombea watu waliokufa na kutoa sadaka kanisani kwa ajili yao, hivyo Mungu atawasamehe dhambi zao mara na kuwatoa toharani.

Hakuna mahali popote ambapo Biblia inatwambia kuwa tuwaombee wafu. Badala yake, inamaanisha kuwa hakuna kinachoweza kufanyika kwa wenye dhambi ambao wamekufa bila wokovu, angalia Luka 16:23-26.

Wakatoliki wanaamini kuwa kanisa lina malimbikizi ya haki za ziada kutoka kwa Kristo na watakatifu. Papa anaweza kuwapa watu haki hii kwa kuwasaidia kupata msamaha. Haki hii wanaweza kupewa walio hai au waliokufa ambao wako toharani.

Wazo kuwa haki kutoka kwa watakatifu inaongezeka kwenye haki kutoka kwa Kristo kuwasaidia watenda dhambi ni fundisho la hatari sana. Matendo ya wanadamu hayaleti haki yoyote kwa ajili ya msamaha, angalia Waefeso 2:8-9. Mwamini anasamehewa kabisa kwa msingi wa neema, na siyo kwa matendo ya mtu yeyote, angalia Warumi 4:5-8.

► Ni kwa namna gani fundisho la toharani linaathiri mtindo wa maisha ya wale wpte wanaoliamini?

Fundisho la kipekee la Ukatoliki halitegemei andiko. Fundisho lao limejikita hasa kwenye desturi za kanisa

► Sasa rudi nyuma na soma kila andiko na neno mlalo na lililokolezwa.

Waromani Katoliki wanaamini msingi wa kweli za Kikristo za Utatu Mtakatifu na uungu wa Kristo na Roho Mtakatifu.

Kuna Wakatoliki wengi ambao wameweka imani yao katika Kristo kwa ajili ya wokovu, lakini ujumbe wa injili hauko wazi katika Ukatoliki. Wakatoliki wengi hawajapata toba, msamaha, na uhakika wa wokovu, na hawaishi katika uhusiano na Mungu. Kwahiyo, ni muhimu kwa Mkristo kushirikisha injili. Mambo ya msingi ya Injili ambayo yanakataliwa katika Ukatoliki yanaweza kuthibitishwa kwa sehemu zifuatazo kutoka kwenye Kijitabu cha Mkononi cha Fundisho:

(9) Wokovu ni kupitia upatanisho wa Kristo pekee.

(10) Mungu Pekee ndiye anayepaswa Kuabudiwa.

(11) Tunapokea wokovu kwa Imani.

(12) Tunaweza kuwa na uhakika binafsi wa wokovu.

Kwa sababu Waromani Katoliki wameongeza tamaduni ambazo wanazichukulia kuwa za muhimu katika Ukristo, Mkristo anapaswa kuwaonesha maandiko yaliyonukuliwa katika Kijitabu cha Mkononi cha Fundisho katika sehemu

(1) Biblia inajitosheleza kwa mafundisho.

Bartholomayo alifanyika kuwa kuhani wa Romani Katoliki baada ya miaka kadhaa ya kusoma. Alitumikia kama kuhani wa parishi katika California na baadaye alitumikia kama padre wa jeshi la maji. Mama yake alikuja kuwa Mkristo wa kiinjilisti. Aliona badiliko la ajabu kwake na alikuwa na mzungumzo mengi pamoja naye kuhusu kubadilishwa kwake. Alimsihi kutegemea Biblia kama mamlaka ya mwisho ya imani yake. Alianza kugundua kuwa mafundisho mengi ya muhimu ya Ukatoliki yako tofauti na Biblia. Aliondoka katika kanisa la Romani Katoliki. Hatimaye alielewa kuwa wokovu unatokana na kazi ya Kristo na siyo kwa kazi zetu au kwa sakramenti za kanisa.

► Sasa soma tena Tito 2. Kila mwanafunzi anapaswa kuandika kifungu cha maneno kinachoelezea ujumbe ambao kifungu hiki kinao kwa ajili ya Romani Katoliki. Wanafunzi kadhaa wanaweza kushirikisha kile walichokiandika.

Kumbuka kutafuta nafasi ya kufikisha Injili kwa mtu kutoka kundi hili la kidini. Jiandae kuwashiriksha wanadarasa wako kuhusu mazungumzo ambayo mmekuwa nayo. Andika ripoti yako yenye kurasa 2 zilizoandikwa na uikusanye kwa kiongozi wako wa darasa.