Sara alitembelea duka la Voodoo ili kuuliza maswali. Mtu huyo alisema kwamba Voodoo haikinzani na Ukatoliki na kwamba mtu anaweza kuwa Mkatoliki na akafanya Voodoo pia. Alisema kwamba roho zinawasaidia watu, lakini watu wanatakiwa kuzilipa roho kwa kuziruhusu roho hizo ziwapagae au ziwavae.

► Soma Zaburi 145 pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Kifungu hiki cha Maandiko kinasema nini kuhusiana na nguvu na wema wa Mungu? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

[1]Utangulizi kuhusu Voodoo

Voodoo inatokana na Dini za Asili za Afrika lakini Imani na matendo kutoka dini hizo yamechanganywa na mambo tofauti kutoka vyanzo vingine. Wengi wanajishughulisha na mambo siku za leo wanapendelea kutumia neno Vodun.

Kulingana na Voodoo, kuna Mungu, lakini watu hawawezi kumfikia kwa ajili ya masaada. Badala yake, watu wanaweza kuingiliana na roho ambazo inahusika katika ulimwengu.

Biblia iantuambia kwamba Mungu yu karibu sana na kila mmoja wetu, na kwamba tunaweza kumpata, ona Matendo ya Mitume 17:27.

► Ni dini gani nyingine zinafanya kama hivi?

Wale wanaojishughulisha na Voodoo kimsingi wanamuabudu Shetani na roho chafu. Wengi wanaweka wazi kwamba wanamtumikia.

Mara nyingi shughuli za Voodoo hazitambuliwi na watu wa nje kwa sababu mara nyingi zinatumia taratibu mbalimbali za kiibada, picha, na majina kutoka Kanisa la Romani Katoliki. Waabudu Voodoo pia wanatumia misalaba na alama nyingine za Kikristo. Takwimu za Voodoo ni ngumu kuzipata kwa sababu wengi wanaojihusisha na Voodoo wanajihusiha pia na dini nyingine ikiwemo Ukristo.

Ni ngumu kumtumikia Mungu na roho nyingine pia, ona 1 Wakorintho 10:20-22.

[2]Wakati mwingine watu wanaojiita Wakristo lakini ambao hawajaongoka kweli hawaoni mgongano uliopo kati ya Voodoo na Ukristo. Mtu anayehudhuria kanisani anaweza pia kwenda kwa mganga wa Voodoo ili apate msaada kwa tatizo fulani. Mfanyabiashara anaweza kuomba uchawi ili umsaidie kuuza bidhaa zaidi. Mzazi anaweza kwenda kutafuta msaada kwa ajili ya mtoto mgonjwa.

► Ni kwa nini inawezekana muabudu Voodoo akawa pia Mkristo?

Mwabudu Voodoo huingiliana na roho kwa kutumia madhabahu, sadaka, kucheza, na sherehe za kidini. Pia wanawaomba mababu.

Roho (loa) zimegawanywa katika nchi tano, na familia nyingi za watu wenye majina ya ukoo yanayofanana. Roho fulani au familia ya roho fulani zinahusika na Nyanja fulani ya Maisha, kama kilimo, jeshi la ulinzi, au mapenzi. Hii inafanana na jinsi Romani Katoliki imegawanha watakatifu katika nyanja mbalimbali za Maisha.

Makuhani wa kike na wa kiume katika dini wanaongoza ibada na matukio na wanaweza kuajiriwa kufanya uchawi au kuzuia na kulinda na uchawi. Wanaweza kuwa na kundi ambalo linaongoza katika ibada mara kwa mara na kutoa huduma ya kiroho. Kuna washirikina wengine wanaitwa bokor ambao wanaweza kuwa au wasiwe makuhani, na ambao wanahusika sana na uchawi. Kwa mfano, bokor anaweza kuajiriwa kuleta laana juu ya mtu mwingine.

[3]

Ofisi ya Mganga wa Kienyeji

Mtu aliyeitwa Simoni alikuwa mchawi nwenye nguvu, lakini nguvu za Mungu zilikuwa zaidi, ona Matendo ya Mitume 8:9-13.

Dini ya Voodoo haina utawala wala mamlaka maalumu. Kila kuhani mwanaume au mwanamke ana desturi yake. Kila mwabudu Voodoo yupo katika familia ya Voodoo.

Kama Mkristo, tupo katika familia ya kiroho, Pamoja na kaka na dada ambao wanashiriki uzima pamoja na sisi na kusaidiana katika mambo ya kawaida, ona Yakobo 2:15-16 na Wagalatia 6:10.

Mara nyingi ibada za Voodoo hufanyika siku ya Ijumaa au Jumamosi usiku. Ibada ya Voodoo inajumuisha kusoma mistari kwa heshima ya roho mbalimbali ambazo zinahusiana na familia, nyimbo nyingi, na maombi. Wanaoabudu hutumia ngoma, matari, na filimbi katika ibada zao ambazo zinaweza kuchukua usiku mzima. Wakati wa ibada ya Voodoo, roho huwavaa waabudu mbalimbali, zinaongea na kutenda kupitia wao. kupagawa na roho ni lengo muhimu katika ibada ya Voodoo. Inaaminika kwamba baraka maalumu sana huja kwa familia za wale ambao wamepagawa kwa namna hii. Wakati mwingine roho hutoa ushauri au laana.

Roho Mtakatifu hutoa maongozi kwa kanisa na anaweza kuaminiwa kwa sababu ni Mungu, ona Matendo ya Mitume 13:2, Matendo ya Mitume 15:28 na Wagalatia 3:5.

► Kwa nini Wakristo hawapaswi kuatafuta msaada kutoka kwa maroho?

Katika sherehe maalumu za Voodoo zipo sadaka za kuku, nguruwe na kunywa na kunyunyiza damu. Kuhani wa kike anaweza kung’ata kichwa cha kuku kutoka kwa kuku. Waabuduo wanaweza kucheze wakiuzunguka moto au kucheza kuzunguka mti. Wanaimba na kuomba kwamba roho ziwapagae. Wanaweka chakula ardhini kwa ajili ya roho. Wanachora michoro ardhini ambayo inatakiwa kudhibiti nguvu. Wanatumia nyoka katika sherehe zao za kidini. Wakati mwingine huvaa mavazi meupe. Wakati mwingine hupaka rangi nyuso zao, kwa kutumia rangi mbalimbali, na hasa hasa nyeupe.

Wakati mwingine nguvu isiyo ya kawaida huoneshwa. Baadhi hudai kwamba wameponywa kwa kutumia roho hizo. Hujaribu huzikimbiza na kuziondoa roho ambazo husababisha magonjwa. Wengine huweza kung’ata mbao inayowaka moto na kushika mkaa wa moto unaowaka katika midomo yao.

Wakati mwingine mwanasesere mdogo anaweza kutumiwa ili kumuwakilisha mtu anayelaaniwa. Pini au visu vinaweza kuchomwa kwenye mwanasere. Watu wamekufa kutokana na laana, lakini wakristo wa kweli wameshuhudia kwamba laana za Voodoo hazikuweza kuwadhuru.

Katika nyumba binafsi ya anayeabudu, anaweza kuwa na madhabahu kwa ajili ya maroho na mababu. Madhabahu zinaweza kuwa na picha na sanamu ya maroho, na mambo ambayo wanayapenda kama vile maua, mishumaa, manukato, au chakula. Mishumaa yenye rangi nyeupe na birauri ya maji inaweza kuwa sadaka rahisi.

Baadhi ya wale wanaojishughulisha na Voodoo huvaa vitu ambavyo vinasadikika kuwalinda kutokana na roho chafu. Pia huwavalisha vitu hivyo Watoto wao.

Wanaamini kwamba baada ya kifo nafsi huvaa baadhi ya Nyanja za asili kama miti.

Baadhi ya wanaoabudu Voodoo wamepagawa na mapepo wakati wote. Wengine huwa katika hali ya kutokuwa na akili sawasawa, wagonvi, na hujidhuru wenyewe.

Mtu alipagawa na mapepo huwa na hofu na akili ambayo haiko sawa, na anajidhuru yeye mwenyewe, Marko 5:2-5.

► Sasa rudi nyuma na soma kila andiko na neno mlalo na lililokolezwa.

Waoabudu Voodoo hawana mahusiano na Mungu na hawana uhakika wa wokovu. Inamaana kwamba wanauhitaji wa kiroho ambao unaweza kufikiwa kwa Injili. Mkristo anaweza kushirikisha injili na ushuhuda wake wa wokovu na inamaanisha nini kwake kuishi katika mahusiano na Mungu.

Waoabudu Voodoo wanaishi katika hofu. Hawamtumikii Mungu ambaye anawapenda. Wanategemea yote mabaya na mema kutoka kwa maroho. Wanapaswa kumlipa kuhani wa Voodoo kwa ajili ya huduma ya kiroho anayoifanya kwa ajili yao. Katika baadhi ya nchi watu wanatumikishwa na viongozi wa Voodoo.

Mtu anayechagua kuzitumikia roho anafanya hivyo kwa sababu anafikiri anahitaji msaada na ulinzi kutoka kwao. Matokeo ni yale yale wanapofuatilia dhambi yeyote; mazuri ambayo mtu anajaribu kuyatafuta yanatoweka, na dhambi inaharibu kila kitu katika Maisha yake, yakiwemo mahusiano ya kifamilia.

Mtu anayekataa injili anataka kuendelea na dhambi na kuyatawala Maisha yake kuliko kumpa Mungu utawala. Hata hivyo, mtu aliye katika mahusiano na roho chafu hupoteza utawala juu yake mwenyewe na yuko katika utumwa.

Injili ni ujumbe wa ukombozi kutoka nguvu za giza. Ni toleo la msamaha. Ni toleo la uhusiano na Mungu ambaye anatupenda na anatujali sisi.

Jacques alikuwa mganga wa Voodoo huko Haiti. Aliwaua watu wengi kwa laana. Aliishi na wake kadhaa. Siku moja mmisionari alimwambia kwamba siku moja roho anazozitumikia zitakuja kumuharibu. Baadae Jacques alimuomba mmisionari aje na kumuombea. Jacques alitubu na akaharibu vifaa vyake vyote vya Voodoo.

► Sasa soma Zaburi 145 tena. Kila mwanafunzi anatakiwa kuandika kifungu cha maneno akielezea ujumbe wa kifungu hiki cha andiko kwa wafuasi wa Voodoo. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.