Shang Hui alikuwa mchungaji huko China. Alianza kusikia watu wanaacha kanisa ili kujiunga na Kanisa la Mungu Mwenyezi. Hata wazazi wake walikuwa wamejiunga. Alipokutana na washirika wa Imani potofu, walisema, “Jina la Mungu lilikuwa ni Yehova, lakini wakati huo alikuwa ni Yesu duniani. Mungu anaweza kutenda jambo jipya tena, na kuwa Kristo mwingine duniani.” Shang alichanganyikiwa kwa mafundisho yao. Alivunjika moyo katika huduma yake kwa sababu Imani potofu ilikuwa inakua kwa haraka.

► Soma 2 Timotheo 3 kwa pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Kifungu hiki cha maandiko kinatuambia nini kuhusu dini potofu ya Kikristo? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

Chanzo na Ushawishi

Jina rasmi la Imani Potofu inayoitwa Eastern Lightning ni Kanisa la Mungu Mwenyezi. Dini ilianzishwa mwaka 1989 huko China. Linakadiriwa kuwa na washirika kati ya 100,000 na 1,000,000.

[1]Eastern Lightning wanaamini kwamba Mungu alijifunua Yeye mwenyewe wakati wa Agano la Kale kama Yehova, kisha akaja duniani kama Yesu, na sasa amekiuja duniani katika mfumo wa mwanamke anayejiita Lightning Deng. Jina lake awali lilikuwa Yang Xiangbin. Deng hajioneshi hadharani, na hajulikani namna gani alivyo au yuko wapi. Kiongozi anayeonekana wa Imani potofu ni Zhao Weishan, ambaye anaweza kuwa mume wa Yang.

Biblia inatuambia tusiamini wakituambia kwamba Masihi amefichika duniani, ona Luka 17:23.

Eastern Lightning wanadai kuwa Biblia sasa imepitwa na wakati, na kwamba ufunuo unahitajika. Imani potofu imechapisha vitabu kadha, vikiwemo, Lightning from the Orient, ambacho wanadai kwamba ni ufunuo kutoka kwa Mungu kuja kwa kristo mwanamke. Kitabu kinazungumza na Wakristo na kinawatishia kwa adhabu iliyoelezewa kwa kina.

Yesu alisema kwamba maneno yake hayatapita kwamwe, ona Marko 13:31.

Eastern Lightning wanafundisha kwamba Jina la Yesu limepitwa na wakati na halina nguvu, na kwamba Deng ndiye kristo kwa sasa.

Yesu alitimiliza unabii wote kuhusiana na Maisha, kifo, na ufufuo wa Masihi. Kwa hiyo, Masihi mwingine haitajiki, ona Luka 24:44, Mathayo 16:16 na Mathayo 24:4-5.

Walitabiri mwisho wa dunia kuwa ni Desemba 21, 2012.

► Ni mambo gani unayoyaona yanayoonesha kwamba taasisi hii si ya Kikristo?

Shughuli na Mkakati

Eastern Lightning mahususi kabisa wanalenga makanisa ya Kikristo, hata kuchagua Wakristo wenye nguvu kabisa. Habari zinaelezwa za watu ambao walikuwa kwenye huduma za kikristo kuacha makanisa na kujiunga nao. Washirika wa Imani potofu wanajifanya kujiunga na makanisa na kisha huwapa wachungaji kiasi kikubwa cha fedha endapo watajiunga. Imani potofu haijishughulishi sana na watu wa dini nyingone au makundi mengine.

Biblia inazunguma juu ya wale ambao wanachukia mema, ona 2 Timotheo 3:3.

Imani potofu hutumia ukahaba ili kuwavuta waongovu wenye nguvu. Watu wanaojiunga hutengwa na wenza wao na wanatakiwa kujihusisha na uasherati na uzinzi.

Wakristo wanatunza utakatifu na wanalinda ahadi na viapo vya ndoa, ona Waefeso 5:3, Waebrania 13:4.

Washirika wa Eastern Lightning wamekuwa wanajulikana kwa kutumia mateso, kuteka, na uuaji ili kukamilisha makusudi yao. Wanawavamia viongozi wa taasisi za Kikristo. Hukataa waongofu wao kuondoka na kuacha ushirika wao.

Biblia inasema kwamba Mkristo anapaswa kuwa mpole, akitii sheria, na si mgomvi, ona see Tito 3:1-2.

Endapo mtu ataonesha anavutiwa na kujiunga, wanampa zawadi, lakini wanamtishia kwa ukali au vurugu endapo mtu hatajiunga. Washirika wa Imani potofu kusimulia kuhusiana na watu kupata magonjwa ya kufisha kutoka kwa Mungu kwa kukataa kujiunga na Imani potofu. Wanajaribu kuwafanya Wakristo waingie katika uasherati, kisha wanamlaghai au kumtishia ili wapate kitu.

Hekima ya Mungu ni ya amani, ya upole, na safi, Yakobo 3:17.

[2]Washirika wa Imani potofu wanadai kwamba wanasingiziwa kuhusiana na vurugu, lakini Wakristo wengi na Wamisionari huko China wameshuhudia vitendo vyao.

Washirika wanatakiwa watoe kila kitu ka ajili ya Imani potofu. Wanatiwa moyo kuziacha familia zao na kuishi na watu wa imani potofu na kufanya kazi ya kusambaza ujumbe.

Eastern Lightning wameanza kusambaza taasisi yao katika nchi nyingine. Wanaanza kwa kuwapa watu machapisho katika makanisa ya Kichina.

► Ni kwa namna gani matendo ya kanisa la kweli yanakinzana na matendo ya Eastern Lightning?

Imani

[3]Wafuasi wa Eastern Lightning wanatambua kwamba Krsito alikufa kwa ajili ya dhambi zetu, lakini hawamini kwamba mtu anaweza kuokolewa na Kristo pasipo taasisi yao. Ili kuokolewa, mtu anapaswa kuachana na Imani yake kwa Yesu na badala yake amfuate Deng, Kristo mwanamke. Wanakana ufufuo na ujio wa Kristo mara ya pili.

Wanaamini kwamba yeyote ambaye haamini ujumbe wa Deng (Kristo mwanamke) atahukumiwa na Mungu.

Biblia ilitabiri watu ambao watakataa kweli na kujaribu kuligawa kanisa, ona Yuda 1:17-19.

Sasa wajibu wa mtu ni kumfuata Kristo mwanamke, na endapo tu ataikana Imani yake katika Yesu Kristo, achane Biblia yake hadharani, ajiite mwenyewe “mwana wa shetani,” “ameshindwa” kwa kujikabidhi kikamilifu kwa maneno yalizungumzwa ya Kristo mwanamke na kisha anakuwa “mshindi,” ataingia ufalme wa Mungu ambao umeanzishwa duniani na Kristo mwanamke.[4]

► Ni kwa namna gani tunafahamu kwamba Yesu Kristo na Neno la Mungu bado ni muhimu kwa Mkristo?

Kanisa la Mungu Mwenyezi (Eastern Lightning) linadai kuwa ni Ukristo halisi. Linadai kwamba makanisa mengine yote ni ya uongo. Lakini endapo mtu ataelewa na kuamini mafundisho yote ya Eastern Lightning, haamini injili ya kibiblia na sio mkristo.

► Sasa rudi nyuma na soma kila andiko na neno mlalo na lililokolezwa

► Mafundisho katika orodha ifuatayo yanakanwa au yanakataliwa na Eastern Lightning. Tazama Kijitabu cha Mkononi cha Fundisho kuona umuhimu wa kila fundisho na uthibitisho wake. Hakikisha umeelewa ni kwa jinsi gani mistari rejea inathibitisha fundisho

(5) Yesu ni Mungu

(7) Roho mtakatifu ni Mungu

(8) Mungu ni Utatu

(9) Wokovu ni kupitia upatanisho wa Kristo pekee.

(11) Tunapokea wokovu kwa Imani

(12) Tunaweza kuwa na uhakika binafsi wa wokovu

Hata kama mikakati ya vurugu, kutokuwa na maadili, na uongo ya Imani hii potofu inaonekana kama taasisi ya kigaidi, wengi wa wafuasi wake hawafahamu shughuli za viongozi wao. Hasa hasa katika nchi nyingine tofauti na China, watu wanaovutiwa na Imani potofu wanaweza wasiamini mashitaka dhidi yao. Kwa hivyo, ni muhimu kwa Wakristo kuwa na uwezo wa kujibu mafundisho yao.

Haiwezekani mtu kujihusisha kikamilifu na Imani potofu na kuamini mafundisho yao kuwa ya Kikristo. Kwa hivyo, wana njaa ya kiroho ambayo haijaridhishwa. Kipaumbele cha Mkristo ni kuwashirikisha injili.

Watu wengi wanajiunga na Eastern Lightning kwa sababu ya hofu. Tunapaswa kuhubiri kwamba kuwa mwaminifu kwa Imani ni muhimu kuliko hali yeyote duniani. Pia tunafahamu kwamba ufalme wa Mungu utashinda.

Ukristo tangu enzi za kale hata sasa umekuwa na aina mbalimbali za Imani. Hata hivyo, mafundisho ya msingi kuhusiana na asili ya Mungu na asili ya Kristo yalijengwa na kutetewa katika kipindi chote cha kanisa. Mabaraza ya awali ya kanisa yaliandika matamko ya mafundisho ya Kibiblia, na makanisa yote yanahubiri injili yamezingatia mafundisho haya kuwa ni ya muhimu na lazima. Makanisa ya kibiblia yanaonekana kuwa ya tofauti kutoka moja kwenda lingine, na hawakubaliani katika mambo mengi, lakini wanakubaliana katika mambo ya muhimu na ya msingi sana.

Baadhi ya Imani potofu zinasema kwamba makanisa yote ispokuwa la kwao si sahihi katika mafundisho ya msingi na si ya Kikristo halisi. Hawakubaliani si tu katika mambo madogo madogo bali ni katika mambo ya muhimu sana kwa ajili ya injili. Wanayakataa mambo ambayo yanayotofautisha Ukristo na dini nyingine. Imani potofu ambayo inakana mambo muhimu ya Ukristo ni dini nyingine na haitakiwi kuitwa ya Kikristo.

Wakati Imani potofu inasema kwamba iko sawa na kwamba makanisa mengine yote si sawa, tunahitaji kutambua kile wanachomaanisha. Wanasema kwamba mabaraza yote ya kanisa yaliyowakilisha makanisa yote hayakuwa sahihi. Wanasema kwamba mamilioni ya Wakristo walioishi miaka yote hawakuwa sahihi. Wanasema kwamba wanaume na wanawake wote ulimwenguni kote wanaompenda Mungu, wanaoomba, kumwabudu, wanaoshuhudia neema ya Mungu, wanaoteswa, wanaofuata Biblia, na kushirikisha Injili ni waongo. Imani potofu inasema kwamba hawa ni waongo hata katika kweli ya msingi ambayo inamfanya mtu Mkristo.

Imani potofu wako sawa, Mungu hakuchagua kuliongoza kanisa lake katika kweli ya msingi kwa karne nyingi. Endapo Imani potofu wako sawa, ni ajabu kwamba, watu wa kweli, wanaompenda Mungu kila mahali wanayakataa mafundisho yao. Ni kweli kwamba taasisi za kidini zinaweza kuwa za kiulimwengu, zenye nguvu, na tajiri na zisiwe na shahuku ya injili, lakini wanaompenda Mungu na watu wa kiroho kanisani kila mahali wanashikilia kweli muhimu ya masingi ya Biblia.

Lia alijiunga na Imani potofu ya Eastern Lightning kwa sababu alifikiri ni Wakristo, lakini punde akagundua kwamba hawakuwa wakiamini Biblia au Yesu. Aliamua kuondoka, lakini walimpiga miguu yake na chuma bapa, ili kwamba asiweze kutembea. Walisema kwamba wangemuua endapo angeondoka. Baadae alitoroka kwa msaada wa Mkristo. Kwa sasa yupo kanisani anamtafuta Mungu. Bado ana ulemavu ambao umetokana na majeraha kutoka Eastern Lightning.

► Sasa soma 2 Timotheo 3 tena. Kila mwanafunzi anapaswa aandike kifungu cha maneno kinachoelezea ujumbe wa kifungu hiki cha andiko kwa mfuasi wa Eastern Lightning. Wanafunzi kadhaa wanaweza kushirikisha kile walichokiandika.

Jaribu kutafuta fursa ya kuwasilisha injili kwa mtu mmoja kutoka katika kundi hili la kidini. Imani hii Potofu inaweza isiwepo katika nchi unayojifunzia. Kama sivyo, wasilisha nyenzo kwa mtu mwingine na upate mwitikio wao. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.