Waligonga mlango wa Samweli na wakampatia nakala ya gazeti la Awake. Wageni walikuwa mwanamke na Watoto wake wawili. Walikuwa wamevaa vizuri na walikua na hali ya urafiki. Andiko la gazeti lilihusu namna ya kuwasaidia Watoto kufanya vizuri shuleni. Mwanamke alisoma mstari katika Biblia, akatoa mafafanuzi juu yake, na kisha akamuuliza Samweli endapo angekuwa na shahuku ya kutembelewa kwa ajili ya kujifunza Biblia. Samweli alisema angefikiria kuhusu hilo.

► Soma Waebrania 1 kwa pamoja kwa sauti. Kila mwanafunzi anapaswa aandike kifungu cha maneno ambacho kinafupisha kifungu hiki cha andiko. Kifungu hiki cha andiko kinasema nini kuhusiana na Yesu? Kila mwanafunzi anapaswa aandike orodha ya maelezo. Kama kundi, jadilini kile mlichoandika.

Historia

Charles Russell alianzisha Chama cha Tracts cha Mnara wa Mlinzi wa Sayuni mnamo mwaka 1881 ili kuchapisha na kusambaza mafundisho ya kipekee. Taasisi ilibadilisha jina na kuwa Mashahidi wa Yehova mnamo mwaka 1931.

Russell aliandika seti ya matoleo sita ya kujifunza maandiko. Alisema kwamba watu watakuwa vizuri sana kwa kusoma vitabu vyake pasipo Biblia kuliko kusoma Biblia pasipo vitabu vyake. Alisema kwamba mtu aliacha kusoma vitabu vyake na kusoma Biblia tu, atakuwa gizani kwa miaka miwili, lakini akisoma vitabu vyake pasipo Biblia, atakuwa nuruni.

Biblia inasema kwamba Neno la Mungu ni nuru na linatuongoza sisi, ona Zaburi 119:105. Roho Mtakatifu anawafundisha wafuasi wa Kristo hata kama hatuna waalimu wa kimwili, ona 1 Yohana 2:27.

Mafundisho ya Mashahidi wa Yehova yamebadilika mara nyingi.

Viongozi wa Mashahidi wa Yehova wametoa nabii nyingi ambazo hazijatimia. Kwa mfano, kiongozi wa pili, Rutherford, alitabiri kwamba Abrahamu, Isaka, na Yakobo watafufuliwa na mwaka 1925 na kuishi katika nyumba ya kifahari ambayo ameandaa kwa ajili yao. Hawakuja, lakini aliishi kwenye nyumba peke yake.

Biblia inasema kwamba endapo unaabii wa mtu usipotimia, hapaswi kuaminiwa kama nabii, ona Kumbukumbu la Torati 18:22.

Mashahidi wa Yehova wanaamini kwamba makanisa mengine yote ni ya Kishetani, na kwamba hakuna wokovu ispokuwa kupitia taasisi yao.

Yesu aliwaambia wanafunzi kwamba watumisho wote wa Mungu hawatakuwa katika taasisi moja, ona Luka 9:49-50. Wokovu unapatikana kwa Yesu tu, na si kwa taasisi yeyote, ona Matendo ya Mitume 4:10, 12.

► Ni mambo gani baadhi ambayo tayari unaweza kuyaona ambayo yanaonesha kwamba Mashahidi wa Yehova si Ukristo wa kibiblia?

Ushawishi wa Sasa

Mashahidi wa Yehova wanadai kwamba wana kazi katika nchi 239 na wanachapisha katika lugha zaidi ya 900. Wamechapisha karibu bilioni 40 za vipande vya machapisho.[1] Wana makusanyiko karibu 118,000, na washirikia walio hai zaidi ya milioni 8.[2]

Makao makuu ya Mashahidi wa Yehova yapo huko Brooklyn, New York.

Mafundisho Magumu ya Mashahidi wa Yehova

Mashahidi wa Yehova hawashiriki katika uchaguzi wa serikali au kushikilia ofisi yeyote serikalini, kwa sababu wanaamini wao wametengwa kutoka katika ufalme wa dunia hii.

Katika Biblia, watu kama Nehemia, Modekai, na Danieli walimtumikia Mungu lakini pia walizifanyia kazi serikali za mataifa mengine, ona Nehemia 1:11-2:1; Esta 8:2, Esta 10:3; na Danieli 6:1-3.

Hawatumikii jeshi na wanaamini kwamba vita haijawahi kuwa sahihi.

Hawasheherekei sikukuu yeyote, ama ni sikukuu ya kitaifa, sikukuu za kikristo, au kumbukizi za kuzaliwa, kwa sababu wanaamini kwamba sherehe zote zinafuata taratibu za kipagani.

Hawakubali kuongezewa damu, hata kama ni kuokoa maisha, kwa sababu maandiko yanayokataza kula damu.

Hawatoi fungu la kumi, na wachungaji wao hawalipwi mshahara.

Mashahidi wa Yehova hawaamini kwamba mtu anaweza akaokolewa mara moja baada ya kuweka Imani yake kwa Kristo. Wanaamini ni lazima ajiunge na taasisi yao, ajifunze mafundisho yao, na aanze kutendea kazi matakwa yao. Wokovu ni mchakato, na wakati mtu anapojua kwamba ameokoka, hana uhakika.

Katika Agano Jipya, watu walikuwa Wakristo wakati walipotubu na kuweka Imani yao kwa Kristo, ona Matendo ya Mitume 2:41 na Matendo ya Mitume 8:26-39. Hii inawezekana kwa sababu tunaokolewa kwa neema na sio kwa matendo.

Kila mshirika anatakiwa kurejesha ripoti ya kila mwezi ya kazi ya ushuhudiaji. Mshirika ambaye haleti ripoti ya ushuhudiaji anaondolewa kutoka katoka orodha ya washirika hai na anachukuliwa kuwa hajaokoka.

[3]Biblia inasema kwamba huko mbinguni Mungu anaorodha ya wale ambao wameokolewa, ona Luka 10:20 na Ufunuo 21:27. Orodha hiyo haimilikiwi na taasisi yeyote.

► Kulingana na Mashahidi wa Yehova, ni kwa namna gani mtu anaokolewa?

Mashahidi wa Yehova hawaukubali msalaba kama alama ya Ukristo, na wanaamini kwamba Yesu alikufa juu ya mti.

Wanasema kwamba fundisho la Utatu Mtakatifu linapaswa kukataliwa kwa sababu haliingii akilini na haiwezekani kulielewa, kana kwamba hakutakiwi kuwa na chochote katika asili ya Mungu ambayo ni zaidi ya uelewa wetu.

Mashahidi wa Yehova wanaamini kwamba Roho Mtakatifu sio Mungu, lakini ni nguvu isiyo ya kinafsi ambayo inatoka kwa Mungu, ikilinganishwa na nguvu ya umeme.

Wanadai wanaamini katika ufufuo wa kimwili wa Yesu, lakini wanaamni kwamba ni roho yake tu ndio iliyofufuka, na si mwili wake.

► Kwa nini mafundiho haya yaitwe “mafundisho magumu”?

Upotofu mkubwa na mbaya zaidi wa mafundisho ya Mashahidi wa Yehova ni kukana uungu wa Kristo na Roho Mtakatifu.

Mashahidi wa Yehova wanadai kuwa wao ni Wakristo wa Kweli. Wanadai kwamba makanisa yote ni ya uongo. Lakini kama mtu ataelewa na kuamini mafundisho yote ya Mashahidi wa Yehova, hatakuwa anaamini injili ya kibiblia na hivyo si mkristo.

Mbinu za Mashahidi wa Yehova

Mtu anapokuwa na shahuku ya kujiunga na mashahidi anapaswa kupitia Kujifunza Biblia kwa miezi kadhaa. Anapaswa kufanya mabadiliko katika maisha yake na kufuata kile ambacho anajifunza. Kisha anabatizwa na kuwa “mtoa machapisho,” na anatakiwa kugawa machapisho kutoka katika taasisi.

Kwa wastani, mtoaji wa machapicho anatumia masaa 10,000 kabla hajampata mtu mmoja mpya.[4]

Kila mshirika ananunua machapisho kutoka katika taasisi ili kuyasambaza.

Hawaiti mikusanyiko yao makanisa. Wanaamini kwamba makanisa ni ya Kishetani. Wanayaita majengo ya “Jumba la Ufalme.”

Agano Jipya liliandikwa kwa makanisa, ona Ufunuo 1:4 na 1 Wakorintho 14:33.

[5]Wanajaribu kuthibitisha mafundisho yao kwa watu kwa kutumia Maandiko ambao wanaiamini Biblia pasipo kuifahamu sana. Wamechapisha tafsiri yao ya Biblia inayoitwa The New World Translation, yenye mabadiliko ambayo yanaunga mkono mafundisho yao. Wamebadilisha mistari mingi inayoonesha uungu wa Kristo. Tafsiri hii haikutolewa na wasomi wa kweli wa lugha za Biblia.

Wanasema kwamba Yesu ni mwana wa Mungu na mwokozi wa ulimwengu, na kwamba alifanya wokovu uwezekane. Wanafundisha kwamba Yesu ni kitu cha kwanza kuumbwa na Mungu na alikuwa tu mtu mkamilifu, sio Mungu.

► Katika Wakolosai 1:16-17, tafsiri ya New World Translation imeongeza neno “vingine,” ili kwamba mstari uoneshe kwamba Yesu aliumba vitu vingine vyote, yeye ni kabla ya vitu vingine vyote, na kwa ajili yake vitu vingine vyote vipo. Unafikiri ni kwa nini Mashahidi wa Yehova waliongeza neno hilo?

► Sasa rudi nyuma na soma kila andiko na neno mlalo na lililokolezwa.

► Mafundisho katika orodha ifuatayo yanakanwa au yanakataliwa na Mashahidi wa Yehova. Tazama Kijitabu cha Mkononi cha Fundisho ili kuona umuhimu wa kila fundisho na uthibitisho wake. Hakikisha umeelewa ni kwa jinsi gani mistari rejea inathibitisha fundisho

(5) Yesu ni Mungu.

(6) Yesu alifufuka kimwili kutoka kwa wafu.

(7) Roho mtakatifu ni Mungu

(8) Mungu ni Utatu

(9) Wokovu ni kupitia upatanisho wa Kristo pekee.

(11) Tunapokea wokovu kwa Imani

(12) Tunaweza kuwa na uhakika binafsi wa wokovu

(13) Wale ambao hawajaokoka watapata hukumu ya milele

Usiwatendee Mashahidi wa Yehova kwa ukali. Kwa sababu wanaamini kwamba wanateswa kwa ajili ya kweli, wanategemea wakristo wa kiinjilisti kuwatendea vibaya. Badala yake, waoneshe upendo wa Kristo na kuwajali. Hii pengine ndio njia yenye ufanisi ya kuwaleta kwa Kristo.

Msibishane kuhusiana na mambo madogo, kama kusheherekea sikukuu au kufanya kazi jeshini. Ni muhimu zaidi kuzungumza kuhusiana na misingi ya injili na uthibitisho wa wokovu.

Kipaumbele ni kiushirikisha injili. Mashahidi wa Yehova hawana uthibisho wa wokovu na mahusiano binafsi na Mungu.

Paulo alilelewa kama Shahidi wa Yehova, na ndugu zake wingi bado wapo katika Imani hii potofu. Akiwa mtu mzima alijitenga mbali na taasisi, lakini bado aliamini kwamba walikuwa sahihi. Mke wake alikuwa mkristo, na aliamua kumthibitishia kwamba Mashahidi wa Yehova walikuwa sahihi. Katika kujifunza kwake aligundua kwamba walikuwa wametoa nabii nyingi za uongo. Alianza kusoma Maandiko na akagundua kwamba Yesu ni Mungu, na si malaika kama ambavyo amekuwa akifundishwa. Alisoma mstari ambao Yesu alisema, “Mimi ndimi njia, na kweli, na uzima” (Yohana 14:6), na akatambua kwamba alichokuwa anakihitaji si imani ya kidini, bali mahusiano na Yesu.

► Sasa soma Waebrania 1 tena. Kila mwanafunzi anapaswa aandike kifungu cha maneno kinachoelezea ujumbe wa kifungu hiki kwa Shahidi wa Yehova. Wanafunzi kadhaa wanaweza kushirikisha kile walichokiandika.

Kumbuka kutafuta fursa ya kuwasilisha injili kwa mtu mmoja kutoka katika kundi hili la kidini. Jiandae kushirikisha wanadarasa wenzako kuhusiana na majadiliano mliyokuwa nayo. Andika ripoti ya kurasa 2 na uirudishe kwa kiongozi wako wa darasa.