Omukulembeze W’ekibiina Wetegereze: Mu ntandikwa y’okuyiga kuno, Abayizi balina okuwa lipooti yebyo bye baayiseemu mu kugabana enjiri nga bakozesa enkola gye baayizeeko mu ssomo eriyise. Jjukira nti abayizi betaaga okuzzaamu amaanyi buli omu munne. Buli muntu eyagabana enjiri yakola ekintu ekyomugaso, wadde nga eyawulira teyayanukula ngagikkiriza.

Mu kwetegekera essomo, kakasa nti olina olubaawo, olubaawo olweru, oba olupapula olunene olw’okulagirako ebifaananyi eri ekibiina.

Kye twalaba ne tuwulira, kye tubabuulira nammwe, nammwe mulyoke musse ekimu naffe; era naye okussa ekimu kwaffe kuli ne Kitaffe era n'Omwana we Yesu Kristo (1 Yokaana 1:3).

► Nsonga ki omutume gye yawa okugabana enjiri?

Tumaze okulaba kiki kye kitegeeza okusisinkana Katonda n’okukyuka, okutandika enkolagana naye. Tulina ne nkolagana eyenjawulo nabalala abalina enkolagana ne Katonda. Bwe tugabana enjiri, tuba tuyita abalala okujja okubeera obumu bwe tulina ne Katonda nabalala abamumanyi.

Embuulira y’enjiri eno ya ddala ate nga ejjukirwa. Ekozesa ekifaananyi ekikubiddwa ku lubaawo ekijja okujjukirwa omuntu yenna akiraba. Kisobola okwanjulwa mu ddakiika bbiri, oba okugaziyizibwa okutwaliramu okukyogerako n’okunnyonnyola awuliriza bwabeera anga ayagala.

Tekyetaagisa kubeera mukugu mu kukuba ebifaananyi. Okukuba kyangu, era n’obwangu bwakyo buyamba awuliriza okukijjukira.

Kati tujja kuyita mu mitendera egyokukuba ekifaananyi, nga kinnyonnyolwa ne bigambo ku buli kitundu ekikubiddwa.

Omukulembeze w’ekibiina wetegereze: Laga kyokola abayizi nga balaba. Togezaako kugattako kunnyonnyola kulala mu kyoyigiriza. Kulina kubeera kumpi okusobozesa abayizi okuyiga mu ngeri ennyangu. Abayizi tebalina kugezaako kukoppa kikubiddwa nga bakiraba bwe kiragibwa omulundi ogusooka.

Eky’okukola ekyokubiri, abayizi balina okukuba buli mutendera nga bwokuba ku kintu ekigazi ekimala ekibiina okubeera nga bakiraba bulungi. Togezaako kwongerako kunnyonnyola kulala mu kyokuba. Oluvannyuma lwe kyokukola ekyokubiri, abyinzi balina okugenda mu maaso n’okuyiga okunnyonnyola okuweereddwa mu kitundu ekiddako, oluvannyuma baddeyo emabega okukola ku kibaweereddwa.

Ekitundu 1

“Katonda atonda buli muntu okukolagana naye n’okubeera mu bulamu obw’omukisa. Teyakola bulamu kujjulamu bizibu na kubonaabona.”

[Wandiika ekigambo “Katonda” okube n’omuntu.]

Ekitundu 2

“Omuntu ayawukanye ne Katonda olw’ekibi. Abantu abaasooka baayonooona, era buli muntu okuva olwo yali akoze ekibi ku Katonda.”

[Kuba ekifaananyi kyokwawukana owandiike nekigambo “ekibi.”]

Ekitundu 3

“Katonda mulamuzi owamazima, era abatakkiriza olunaku lumu bajja kusalirwa omusango okugenda mu geyeena emirembe gyonna okujjako nga bafuna okusaasiwa ne bakomawo mu nkolagana ne Katonda.”

[Kuba akasaale owandiike ekigambo “geyeena.”]

Ekitundu 4

“Tewali kyetusobola kukola kitukomyawo eri Katonda oba okutufunira okusaasirwa—si bikolwa ebirungi, okugenda mu kkanisa, emikolo gye ddiini, okuwaayo ssente...”

[Kuba obusaale ku buli kintu ekiri mu lukalala.]

Ekitundu 5

“Embeera yaffe yandibadde yasuubi singa Katonda teyatutemera kkubo kukomawo gyali. Yesu Omwana wa Katonda yafa ku musalaba nga ssaddaaka ffe okubeera nga tusonyibwa. Oluvannyuma lwe nnaku ssatu, yazuukizibwa mu bafu.”

[Kuba ekifaananyi kyomusalaba.]

Ekitundu 6

“Naye tekimala kumanya bumanya kino. Buli muntu ateekwa okulondawo nga ssekinoomu okulokoka nokukomawo eri Katonda. Omuntu ateekwa okwenenya, kitegeeza okunakuwalira ekimala ekibi n’okumalirira okukireka. Omuntu eyeenenya asobola okusonyiyibwa ngasaba ekisonyiwo Katonda mu kusaba.”

[Kuba akasaale owandiike ebigambo “Okwenenya” ne “funa.”]

Ekitundu 7

“Olowooza ggwe oli luddawa mu kifaananyi kino? Waali wabaddewo ekiseera ekyenjawulo mu bulamu bwo bwe weenenya ebibi byo, n’ofuna ekisonyiwo ewa Katonda, notandika okubeerawo ku lwa Katonda; oba okyayawukanye ku Katonda olw’ekibi kyo?”

[Lindirira eky’oddamu. Abantu bangi bajja kukkiriza nti bakyayawukanye ku Katonda.]

“Oli mwetegefu okutwala eddaala lino—okwenenya, okufuna ekisonyiwo, n’okutandika okubeeraawo ku lwa Katonda? Nja kuba musqnyufu okusabakom naawe kati.”

[Saba mu ngeri efaananko nga eno wammmanga.]

“Mukama, manyi ndi mwonoonyi asaanira ekibonerezo ekyolubeerera. Nnakuwalidde ebibi byange era mmaliridde okubireka. Nkusaba onsonyiwe, si kuba nti nsaanidde okusonyiyibwa, naye olw’okuba nti Yesu yanfiirira. Weebale olw’obulokozi. Okuva kati okweyongerayo, nja kubeerawo ku lulwo.”

PDF

Ekitundu 1

Entandikwa y’okwanja esobola okukoppebwa okukola ku awuliriza. Mu kifo “kyobulamu obujjudde ebizibu n’okubonaabona,” omubuulizi w’enjiri asobola okwogera ekintu ekyaddala ekikwatagana n’omuwuliriza byayiseemu.

Ekitundu 2

Kyamugaso omuntu okutegeera nti alina omusango olwekibi nga omuntu era ayawukanye ku Katonda. Tali mu mbeera eyava mu kibi kya Adamu.

Ekitundu 3

Kino kiraga embeera esinga okubeera embi ennyo eyatali mukkiriza.

Ekitundu 4

Ekigendererwa kye kitundu kino kwe kulaga awuliriza nti talina kwesiga kintu kikyamu okulokolebwa. Ekitundu kino kisobola okukozesebwa okusinziira ku byetaago byawuliriza. Omubuulizi w’enjiri alina okwogera ku bintu omuwuliriza byayinza okuba nga yesiga.

Ekitundu 5

Engeri esinga obwangu okunnyonnyola okutangirira kwe kugamba nti “Yesu yafa ku musalaba nga ssaddaaka ffe okubeera nga tusonyiyibwa.” Ekigendererwa kye kitundu kino kwe kuyamba awuliriza okutegeera nti alina kwesigama ku bulokozi Katonda bwawa.

Ekitundu 6

Omubuulizi wenjiri agezaako okuleeta awuliriza eri ekiseera ekyokusalawo. Awuliriza yetaaga okutegeera nti ateekwa okwesalirawo nga ye. Yetaaga okumanya ennyinnyonnyola entuufu ey’ekigambo okwenenya, okuba nga amanya nti okwenenya kusinga ku kwejjusa okuba nga ogamba bugambi nti nsonyiwa. Yetaaga okumanya nti alina okusaba Katonda ekisonyiwo.

Ekitundu 7

Mu kiseera kino, omubuulizi w’enjiri agezaako okukkirizisa awuliririza obwetaavu bwe okulokoka. Okwanja kuno kukoleddwa okuyamba omuntu atannalokoka okutegeera nti si mulokole. Ekibuuzo kyogera n’obwegendereza. Abantu bangi balowooza nti balina okusaba ekisonyiwo buli lunaku nga bwe bagenda mu maaso n’okukola ekibi. Ekibuuzo kibuuzo ekiseera eky’enjawulo omuntu lwa sonyiyibwa obulamu obuggya ne butandika. Alina okutegeera nti bwaba teyayita mu kukyuka, akyayawukanye ku Katonda olw’ekibi kye. Awo omubuulizi w’enjiri omuwa omukisa okusaba naye ol’obulokozi.

Singa awuliriza tategeeera kyetaago kye oba si mwetegefu okwenenya, Omubuulizi w’enjiri tamusindikiriza kusaba. Bwasaba awatali kwenenyeza ddala mu mazima n’okubeera ngakyuka, ayinza okubeera n’obukakafu obw’obulimba oba okukkiriza nti ye tasobola kukyuka. Mu ngeri zombi, ayinza obutasobola kunoonya Katonda oluvannyuma.

Ekifaananyi kisobola okwanjibwa amangu. Singa obeera n’omukisa okugabana enjiri, osobola okubuuza mu ngeri ennyangu bwoti, “Nyinza okutwala yo eddakiika bbiri okukulaga ekifaananyi ekikubiddwa nga kiraga baibuli yeyogerako nga ekkubo eryokukakasa nti ddala walokoka?” Ekyo kireetera omuntu okumanya nti togenda kumala budde bwe buwaanvu. Singa akyagala nayagala okukyogerako, asobola okutwala obudde obusingawo.

Bulijjo, abantu tebatera kwagala kifaananyi bwe kityo. Omuntu atera okusaba okusigaza ekifaananyi oluvannyuma lw’omubuulizi okumaliriza.

Yanja byolaga nate emirundi egiwerako. Wewale okuteekawo ggwe byolowooza okunnyonnyola mu kiseera ng’oyanja ekifaanayi kubanga abayizi bajja kukiyiga mu bwangu singa otwala ekiseera kimpi. Oluvannyuma lwokulaga emirundi egiwerako, abayizi ab’enjawulo nabo bayinza okulaga mu mpalo okwanja eri ekibiina, nga bayizi bannaabwe bwe babayamba okujjukira ebisingawo ku bye balaga. Awo, abayizi basobola okwegabanyamu babiri babiri ne bakola okwanja buli omu eri munne.

(1) Buulira enjiri ng’okozesa ekifaananyi eky’olutindo eri abatakkiriza wakiri basatu. Wandiika ebigambo nga onnyonnyola nga bwekikoze ku buli omu era wetegeke okukyogerako mu kibiina ekiddako.

(2) Mu kwetegekera essomo, soma era ofumiitirize ku Abaruumi 1-3, Abaruumi 5, ne Abaruumi 10.