► Omuntu asobola okwejjeerezebwa nga tawulidde njiri? Omulimu gw’okubuulira enjiri gwetaagisa?

Mu byawandiikibwa tulaba ebyokulabirako ebyabo abaatukibwangao olw’ekisa kya Katonda awatali nkwaatagana okuva mu Isiraeri oba ekkanisa. Yobu yali mutereevu era nagaana okukola obubi nga ne Musa tannabaawo era nga Ebyawandiikibwa tebinnawandiikibwa. Balamu yali mu nkolagana ne Katonda era yali amanyiddwa nga omulabi eyafunanga obubaka okuva eri Katonda nga tagenze mukwolesebwa. Abimeleki yakola obuuukirivu okusinga Ibulayimu oluvannyuma lwa Ibulayimu okulowooza, “Mazima Okutya Mukama tekuli mu kifo kino .” Abaruumi 1:21-32 wannyonnyola bannamawanga abaali mu mbeera embi ennyo; Si kuba nti baali tebamanyi Katonda, naye lwakugaana ekyo kya baali bamanyi.[1]

“Omukwano gwa Mukama guli mw'abo abamutya, Era anaabalaganga endagaano ye” (Zabbuli 25:14). Endagaano yengeri Katonda gyakolaganamu n’omuntu, eyetaagisa akawaayiro ak’ekisa okuva nga bonna lwe bayonoona. Singa omuntu assaamu Katonda ekitiibwa mu bujjuvu, Katonda ajja kumulaga ekkubo erimutuusa mu nkolagana naye.

Baibuli egamba nti obulokozi tebuli mu linnya lyonna okujjako Yesu (Ebikolwa by’Abatume 4:12). Wabula, abantu abaalokolebwa mu Ndagaano Enkadde, tebaamanya linnya lya Yesu. Baateeka okukkiriza kwabwe mu kisuubizo kya Katonda okubawa obununuzi n’ekisonyiwo, era yakigaba okuyita mu Yesu. Mu ngeri yeemu, abantu abatannawulira ku linnya lya Yesu basobola okwesiga Katonda okufuna obulokozi bwagaba okuyita mu Yesu.

Kati, kitegeza ki okuba nti obulokozi tebusobola kuyita mu linnya ddala lyonna? Kitegeeza nti tewali kkubo ddala lyonna ery’obulokozi. Omuntu tasobola kulokolebwa mu ngeri endala yonna ey’obununuzi. Era kitegeeza nti omuntu amanyi bikwata ku Yesu tateekwa kumugaana, kubanga okumuganna kuba kugaana bulokozi oba okunoonya engeri endala ey’obulokozi.

“Waliwo omusana ogw'amazima ogwakira buli muntu, nga gujja mu nsi” (Yokaana 1:9). Omwoyo Omutukuvu aleeta omusana gwa Yesu neri abo abatamuwulirangako.

Abantu banggi bafunye okwolesebwa oba okubikkulirwa okulala okwenjawulo okwabaleeta eri Katonda nga tebannawulira njiri okuva eri omuntu eyatumibwa. Eky’okulabirako, mu biseera bino Abasiraamu bangi bakyuka olw’okufuna obubaka okuva eri Katonda.

► Wali owulidde ku muntu nga yafuna obubaka obwenjawulo okuva eri Katonda nga tannaba kutegeerera ddala njiri?

[2]Awo, tulaba nti kisoboka omuntu okuzuula Katonda n’okulokoka nalokoka awatali kuwulira njiri nga eyisiddwa mu bantu abatumiddwa. Kyokka, Baibuli ennyonnyola enjiri nga obubaka buli muntu bwe yetaaga okuwulira amangu.

Ekitabo kya Abaruumi kinnyonnyola enjiri nga bwe yetaagibwa mu bwangu. Omutume yagamba nti ge maanyi ga Katonda agalokola (Abaruumi 1:16). Yagamba nti avunaanyizibwa eri buli muntu yenna, okubatwalira enjiri (Abaruumi 1:14). Akakasa amazima nti twejjeerezebwa Katonda lwakukkiriza bukkiriza kisuubizo kye eky’okusonyiwa (Abaruumi 3:26, Abaruumi 5:1).

Awo newajja ekyobwetavu obwamangu. Yagamba nti, “Era balikkiriza batya gwe batannawulirako? Era baliwulira batya awatali abuulira?” (Abaruumi 10:14). Yagamba nti, “okukkiriza kuva mw'ekyo ekiwuliddwa, n'ekiwuliddwa kiva mu kubuulira Kristo” (Abaruumi 10:17). Katonda akozesa enjiri okutondawo okukkiriza okulokola mu bagiwuliriza. Okubuulira enjiri ye nkola ya Katonda eyabulijjo ey’okulokolamu abaabula.

Singa baba basobola okulokolebwa awatali mubaka atumiddwa gye bali, lwaki omubaka wamugaso?

Omuminsane Steve Hight yaddamu ekibuuzo Lwaki abaminsane betaagibwa? bwati:

Eky’okuddamu ekyangu kiri nti abantu, bwe bamala okulaba omusana, bagugaana. Yokaana 1:9 atugamba nti Yesu gwe musana ogwa mazima, awa buli muntu ekitangaala. Pawulo alangiria nti ebitonde byamanyisa Katonda (Abaruumi 1:19-20) era nti, wadde abantu baamanya Katonda, tebaamugulumiza nga Katonda (Abaruumi 1:21). Yokaana alambulula embeera eno bwati: “Guno gwe musango kubanga omusana guzze mu nsi, abantu ne baagala enzikiza okukira omusana” (Yokaana 3:19). Omutima gw’omuntu omubi gwagala kizikiza. Olw’obulimba bwagwo n’obubi (Yeremiya 17:9), omutima omubi guva ku Katonda.

Olwekyo, abaminsane bateekwa okutwala omusana nate! Katonda agaba Omukisa ogw’okubiri asindika ababaka be n’omumuli ogwaka ogw’enjiri okubajja mu kizikiza okudda mu musana (Ebikolwa by’Abatume 26:18).

Yesu bwe yatuma abayigirizwa okubuulira enjiri, yagamba nti singa ekibuga kigaana okukkiriza obubaka, balina okukunkumula enfuufu ku ngatto zaabwe nga bava mu kibuga. Yagamba nti enfuufu bwe bujulizi obubalumiriza mu kusala omusango. Enfuufu okuva ku ngatto zaabwe bwali bukakafu obulaga nti omutume ow’enjiri abaddeko mu kibuga. Abo abagaana enjiri basalirwa omusango ogwamaanyi okusinga abo abatajiwulirangako. Yesu yagamba nti bajja kusalirwa omusango ogwamaanyi okusinga abantu be Sodoma. Kino kitulaga nti enjiri ereetera abantu abagiwulira omukisa ogwamaanyi (Makko 6:11).

Omusumba Eric Himelick yayanukula ekibuuzo Lwaki abaminsane betaagibwa? nannyonnyola bwati:

Tutuma abaminsane kubanga obubaka bw’enjiri bukola nga oyogera mu n’okukolagana nomuntu. Amazima g’enjiri si bye bintu ebitali bya buntu ebikwata ku Katonda oba bokisi zenzikiriza ze ddiini ezirina okukeberwa; gali mu muntu Yesu Kristo. Abaminsane babaka ba Kristo, obubaka bwe, n’okuweereza kwe okw'okutabaganya (2 Abakkolinso 5:20).

Abaminsane betaagibwa kubanga awatali, kubuulira bubaka bwa njiri butereevu mu nkolagana, abantu abasinga bajja kubula. Tetwagala kukkiriza nti abantu babula olw’okuba nti ffe tetukola mulimu gwaffe, naye Abaruumi 10:13-15 akyogera bulungi: “baliwulira batya awatali abuulira?” Amazima agennaku gali nti , tebajja kuwulira. Okutuma n’okuyamba abaminsane kwetaagisa. Okusuubira nti Katonda ajja kutukolera omulimu gwe yatuyitira okukola si kyekyokuddamu. Katonda yatuwa Omulimu Omukulu; era oyo aweebwa ebingi, alyetaagibwako bingi. Tutuma abaminsane nga twanukula ekisa kya Katonda era mu kukkiriza nti Katonda akola omulimu mu nsi ye ngawalulira abantu be eri omutima gwe omugazi.

[1]Enjiri yengeri esinga Katonda gye yakola okulokola abaabula. Ge maanyi ga Katonda agalokola (Abaruumi 1:16). Leka tulowooze ku kibuuzo kino nate: Singa omuntu aba asobola okulokoka awatali kuwulira njiri, lwaki twanditumye abaminsane? Leka tulowooze kubibuuzo ebiringa kino. Singa omuntu aba asobola okulokoka awatali ssaala zange, lwaki nandimusabidde? Singa omuntu aba asobola okulokoka nga tawulidde njiri omulundi ogusukka mu gumu, lwaki twandimubuulidde nate? Singa omuntu aba asobola okulokoka awatali kkanisa, lwaki tubeera namakanisa? Ekyokwanukula ekiriwo kiri nti, “Yee, asobola okulokoka, naye kiyinza obutabeerawo ye kulokoka.” Zino zengeri Katonda ze yateekawo okulokoleramu abantu.

Ekigambo kya Katonda kye kyokukozesa Omwoyo Omutukuvu kyakozesa okuleeta abatakkiriza eri Katonda. Baibuli era egamba nti abantu bazaalibwa omulundi ogw’okubiri olw’Ekigambo kya Katonda (1 Peetero 1:23, 25).

Abaminsane basanga kumpi nga tewali muntu noomu eyalokoka nga tannaba kuwulira njiri. Okuba nti Katonda ajja kulokola omuntu omwesimbu awatali njiri kiragaobwenkanya bwe, naye kino tekiwolereza bulagajjavu bwe tulagajjalira engeri gye yateekawo ey’okuyitamu. Mu kutwaliza awamu, abo abatawulira njiri bajja kubula. “Ziba zinsanze, bwe ssibuulira njiri” (1 Abakkolinso 9:16).

► Omuyizi alina okusoma Matayo 9:35-38 eri ekibiina.

Yesu yalina okusaasira kwamaanyi eri ebyetaago byabantu. Yeemalira mu kubuulira n’okuwonya.

Yesu yali asinga kufaayo ku byetaago ebyabantu eby’omwoyo. Yayagala beenenye n’okumanya Katonda. Mu nnyiriri zino, tusoma nti Yesu yatunuulira ebibiina byabantu nabasaasira nnyo olw’ebyetaago byabwe eby’omwoyo. Yalaba nga balinga ng'endiga ezitalina musumba. Era yageraageranya okuweereza ku mulimu ogw’okukungula, era yanyolwa okuba nti abakozi baali batono.

Yesu yawa abayigirizwa be eky’okyusabira. Yabagamba basabe Katonda asindike abakozi mu makungula.

► Lwaki Yesu yagamba abayigirizwa okusaba essaala eno? Mazima kino Katonda ayagala okukikola oba tusaba oba tetusaba, si bwe kiri?

Bwe tusaba Katonda okusindika abakozi, tuba tusaba okusinziira ku kwagala kwa Katonda. Olwa kino, tumanyi nti Katonda ajja kwanukula okusaba kwaffe.

Waliwo ensonga endala lwaki abakkiriza balina okusaba esaala eno. Yesu yayagala abayigirizwa be okugabana okusaasira kwe n’okwenyigira mu mulimu gwe ogw’okubuulira enjiri. Singa baasaba essaala eno buli kiseera, banditandise okufaayo ennyo ku makungula. Bandyagadde okwenyigira mu mulimu n’okusikiriza abalala nabo.

Tuteekwa okwagala okufaayo ku bintu bye bimu Yesu bye yali afaako. Tulina okusaba essaala gye yawa abayigirizwa, esobole okuba nga etukolera kye kimu.

Ekibinja kyaba minsane kyagenda okubuulira mu kkomera. Mwalimu abasibe nkumi na nkumi, abasinga ku bo nga batemu ate nga batuju. Abaminsane baabuulira nga bali wabweru. Okubeetoolola, waateekebwawo abakuumi ne mmundu okubakuuma. Ku nkomerero y’okubuulira enjiri, omubuulizi yabuuza oba waliwo omusibe yenna eyandyagadde okujja mu maaso okufuna Baibuli Endagaano Empya. Abasajja 30 bajja mu maaso.

Oluvannyuma nga wayiseewo wiiki ntono Abaminsane baakyalira ekkomera nate. Nga okuweereza tekunnatandika, omuserikale yabagamba nti a abasajja bonna 30 abatwala Endagaano Empya battibwa basibe bannaabwe. Abaminsane ne babuulira enjiri nate, ku nkomerero era, omulundi omulala, baasalawo okuwa Endagaano Empya omuntu yenna anajja mu maaso. Abasajja 300 bajja mu maaso. Baamanya nti abasajja 30 baafa lwakukkiriza njiri, naye olw’okuba nti enjiri yali egasa gye bali, baali bamalirivu okuwaayo obulamu bwabwe. Baategeera omuwendo gw’obubaka bwe baali bawulidde.

(1) Wandiika sentensi ntono okwanukula ebibuuzo bino. Waliyo omukisa gwonna omuntu atawuliranga njiri okulokoka? Lwaki tulina okutuma abaminsane nababuulizi benjiri?

(2) Soma ekitabo kya Yona. Wetegereze obwetaavu bwomubaka w’enjiri. Katonda yali afa ku ki mu lugero luno? Yona biki bye yali afaako? Wandiika empapula 1-2 ku ebyo bye weetegerezza.