► Kitegeeza ki okubeera omuyigirizwa wa Yesu?

Abantu abamu balowooza nti Omukristaayo ye muntu yenna omulungi. Abalala balowooza nti okubeera Omukristaayo kitegeeza kukkiriza mu bintu ebimu. Bangi ku bantu bano, bye bakkiriza tebikola njawulo nnene mu bulamu bwabwe.

Abalala bali kumpi namazima. Bamanyi nti wateekwa okubaawo ekiseeera ekyokukyuka, omuntu bwafuuka Omukristaayo. Bamanyi nti kino kyatuukawo omuntu mu kiseera ekimu bwe yakkiriza nti yasonyiyibwa. Bangi bakkiriza nti omuntu akyukidde ddala alina obukakafu okugenda mu ggulu si nsonga akola ki oluvannyuma lw’okukyuka.

Kituufu nti okukyuka kutekwa kubeeera kwa ddala. Kituufu nti okusonyiyibwa kuweebwa lwa kisa okuyita mu kukkiriza. Kituufu nti Omukristaayo omutuufu abeerawo mu kugondera Katonda. Naye ebyo si bye byonna ebitegeeeza okubeeera omuyigirizwa wa Yesu.

Tusobola okutegeera kiki ekibeerawo ekiseera ekyokukkiriza bwe kifuuliwa engeri yokka ey’okubeera Omukristaayo—kitutwala ku antinomianism, (Okubeera ab’eddembe Eri Amateeka gonna Olw’ekisa kya Katonda), okuyigiriza nti amateeka ga Katonda tegakyakola ku Mukristaayo. Mu kifo kyokubeera ekisa ekyobwerere, kifuuka kisa kyakuteebereza ekifaanana ekuwolereza ekibi.

Amakanisa agalaanga ekisa ekitali kituufu balina bamemba abajja mu kkanisa naye nga bali mu kibi ekyolwatu. Abasumba baabwe bali bulungi okusinga ekisibo naye nabo bayinza okubeera nemize egy’ekibi. Bagamba nti tekyetaagisa kubeera nga ogondera Katonda mu bujjuvu olwokuba tulokoka lwa kisa. Baleka dda omulimu Yesu gwe yawa ekkanisa, ogwokuleeta abantu eri okugondera ebiragiro bya Kristo. Omulimu ogw’enjawulo ogw’ekkanisa kwe kufuula abatakkiriza abasinza Katonda abatukuvu, era ekkanisa terina nsonga ndala esinga obulungi lwaki ebeerawo.

Ne kkanisa ezikuuma obwetaavu obw’okugondera Katonda zirina abantu abamu nga bali mu nsobi endala. Bafaananyiriza obulamu bwabwe eri ebisaanyizo bye bakkiriza nti bituufu, naye tebalina mutima nga gwa Kristo. Balina ettima ate tebasonyiwa. Tebasobola kwetowaza kwetonda. Baanguyiriza okusalira abalala omusango. Balina obwesige mu bantu batono. Bafaanana obutabuusabuusa butuufu bwabwe. Balina ekyokuddamu eri buli nsonga, era tebassaamu kitiibwa abo abatakkiriziganya nabo. Tebalina kwagala kwonna okuwangula abo abaabula, naye bettanira nnyo okulwanirira endowooza zaabwe. Bamativu, era tebateekateeka kukyuka.

Abantu bano ddala bamanyi Yesu era baagala okumufaanana?

Okubeeera Omukristaayo kitegeeza kubeera muyigirizwa wa Yesu.

[1]Kitegeeza ki okubeera omuyigirizwa? Okugondera Kristo? Mazima ddala kitegeeza wakiri bwe kityo. Mu mulimu omukulu, Yesu bwe yagamba abatume okugenda mu nsi yonna nga bafuula abayigirizwa, yabalagira okuyigiriza abayigirizwa bano abapya okugondera byonna bye yabalagira (Matayo 28:19-20). Okugondera ebiragiro bya Yesu si kye kyonna kye kitegeeza okubeera omuyigirizwa.

Abayigirizwa ba bayigiriza Abayudaaya baagabananga obulamu nabo, nga tebayigabuyizi bye bayiriza byokka, naye ne ngeri gye beyisaamu. Baayiga endowooza yaabwe ne bye bakulembeza.

Yesu bwe yayita abayigirizwa, ngagamba nti “ojje, ongoberere,”[2] ekyo kyeyali ategeeza. Akyayita abayigirizwa okuyita mu njiri.

Omuntu afuuka atya omuyigirizwa?

Ekisooka, oteekwa okumukkiririzaamu–okujjako nga omukkiririzaamu tolina nsonga lwaki omugoberera.

Oteekwa okukyuka nova kyobadde olaga. Tewali atandika nga omugoberezi wa Yesu – tutandika nga tugoberera makubo gaffe. Oteekwa okusalawo okugoberera Yesu mu kifo kyamukubo go ggwe. Ekyo kitegeeza nti olaba nti waliwo ekikyamu namakubo go ggwe. Okugoberera kutandika na kwenenya – tosobola kumugoberera nga tonakuwalidde bibi byo. Bwoba tonakuwalidde bibi kimala okuba nga obireka, okyatambulira mu makubo go ggwe.

Akusonyiwa notandika enkolagana naye. Otandikaokwongera okumumanya okusingawo era oyagala okubeera nga ye.

► Omuyizi alina okusoma Matayo 16:21-25 eri ekibiina.

Mu kwogera kuno nabayigirizwa be, Yesu yannyonnyola okufa kwe okwali kugenda okubaawo. Ebigambo bya Yesu byakanga Peetero. Peetero teyalaba kubonaabona nakufa nga ebisaanidde Yesu nakatono. Yatandika okuwakana ne Yesu, nga agezaako okumukubiriza okugaana ekirowoozo eky’okufa.

Yesu yanenya Peetero nagamba nti yali tategeera bintu bya Katonda. Yesu yagamba nti omuntu okubeera omuyigirizwa we ateekwa kwefiiriza yekka, yetikke omusalaba gwe amugoberere. Kino kyali kitegeeza nti omuntu alina okukkiriza okufa ku ye yennyini. Okunenya kwali ku mbeera z’obutonde ezobuntu ezokwekkusa, okwegulumiza, n’okwewozaako—ebintu ebiremesa obuyigirizwa obwamazima.

► Lwaki okwerowoozaako okwomuntu kulemesa obuyigirizwa?

Abayigirizwa tebaalaba kubonaabona na kufa nga ebibasaanira okubatuukako. Baali tebannaba kutegeera mu bujjuvu kiki kyekitegeeza okugoberera Yesu. Tolina kyosasula okusonyiyibwa , naye okugoberera Kristo kikutwalako byonna. Okumugoberera kivaamu okwekebera mu mutima buli kiseera, okukakkana, n’okukyuka.

► Nnyonnyola ebigambo, “Kiggya kukutwalako byonna okugobera Kristo.”

Okwetikka omusalaba kwe kuwambatira okufa olwobulamu obutaggwawo nga oli ne Katonda. Kuba kufa ku kibi, okufa ku kubeera nga wetwala wekka. Si kwewaayo kwa kungulu kyokka, naye kugendera ddala ne mu mutima. Buba bwetowaze Yesu bwe yayogerako nga ekyetaago ekyokuyingira mu bwakabaka bwe.

Okufaanana abayigirizwa abaasooka, abantu bangi leero tebategeera kye kitegeeza okubeera omuyigirizwa. Amakanisa gagaba ekisa eri abo abateenenyezza. Ekyo tekitandika bantu bakyufu abali mu kkubo ettuufu oba okubateekateeka olw’ekyo ekigenda okujja. Kino kyanjawulo nnyo ku Bukristaayo obwa ddala okuba nga ekkubo si lyerimu.

Dietrich Bonhoeffer yali musumba Omugyamani eyattibwa obufuzi bwa Adolph Hitler. Yawandiika ebigambo bino mu kitabo kye The Cost of Discipleship.(Omuwendo Gw’obuyigirizwa)

Ekisa eky’omuwendo kya bugagga ekikwekeddwa mu nnimiro; olw’ekyobuggagga ekyo omuntu ajja kugenda ne ssanyu atunde byonna byalina okugula ennimiro eyo. Kyamuwendo ekigula obuwanana omuguzi ajja kutunda byonna byalina okukigula. Bwe bufuzi bwa Kristo obwobwakabaka, omuntu mwagenda okujjamu eriiso lye ku lwobwo singa limureetera okwesittala; kwe kuyita kwa Yesu Kristo okuleetera omuyigirizwa oluleka obutimba bwe nagoberera... ekisa bwe kityo kyamuwendo kubanga kituyita okugoberera.

Okumugoberera kwe kufuuka nga ye. Kwe kufa ku kwerowoozaako kubanga yaweerayo ddala okwerowoozako. Si kuleka bulesi okukola ebintu ebimu ebibi, naye okubireka kubanga Yesu yandibirese. Tugezaako okukola Yesu kye yandikoze mu bulongoofu, okusaasira, ekisa n’okusonyiwa.

Tetukola bukozi kituufu nga emitima gyaffe gikiwakanya. Twagala emitima gyaffe okubeera nga ogugwe. Teyakyawa muntu yenna. Waliwo abantu abasalawo okubeera abalabe be, naye teyali mulabe wa muntu yenna. Wadde ku musalaba yasonyiwa.

Abagoberezi be baali tebalina ttima. Baakolanga bulungi abo ababayisa obubi. Basabira omukisa tebakolima. Tebateeka kkomo ku kusonyiwa kwabwe. Baawaayo obuyinza bwabwe nebatandika okuweereza.

Tewali kifo kyakuleka kwewaayo kuno. Oyo agezaako okukuuma emmeeme ye ajja kugifiirwa—oyo awaayo emmeeme ye ajja kugiwonya (Makko 8:35).

► Ngeri ki gyetusobola okuyitamu abantu okujja eri obulokozi netubatekateeka okuyigirizibwa?

Waliwo enkola ey’okuzimba obulamu obw’omwoyo[1] ekituusa omukkiriza ku kukula okw’omwoyo.

Omukkirizza alina okugenda ngakula mu bulamu bwe bwonna, naye waliwo omutendera ogw’obukulu gwatuukako nabeera nga mukulu mu mwoyo. Omutume Pawulo yagamba nti abakkiriza bsajja kutuuka ku kigera nga tebakyabeera baana nate (Abaefeso 4:14).

Okuzimba obulamu obw’omwoyo kikolebwako mu kitundu nga okuyiga. Eyo yensonga lwaki omutume Pawulo yagamba nti ekisaanyizo ekyobutaba mukulu mu mwoyo kwe kuba nti tebaali betegefu kuyiga bintu ebyomutendera ogwa waggulu (1 Abakkolinso 3:1-2. Laba ne Abaebbulaniya 5:12-14.). Yagamba nti ekisaanyizo kyobukulu kya bakkiriza kusimbibwa enjigiriza. Kubanga okuyiga kitundu ku kuzimba obulamu obw’omwoyo, okusomesa kitundu ku mulimu gw’obuyigirizwa.

Okuzimba obulamu obw’omwoyo tekukolebwa kuyiga kyokka.

Omutume Pawulo yagamba nti okukula mu mwoyo kulina kubeera mu bumu obwa Bakristaayo, okumanya Omwana wa Katonda, n’okubeera nga Kristo (Abaefeso 4:13). Okukula kuno kusingawo kukkumanya era tekujja kuva mu kumanya kwokka.

► Omuyizi alina okusoma 2 Peetero 1:2-11 eri ekibiina.

Ennyiriri zino zikwata ku kukula okw’omwoyo. Wetegereze ensonga enkulu mu nnyiriri zino.

Olunyiriri 3: Katonda yateekawo buli kimu ekyetaagisa ffe okubeera nga tutya Katonda era natuyita eri empisa ennungi ez’Obukristaayo.

Olunyiriri 4: Katonda yawa ekisuubizo ekyekisa ekikyusa ekitulokola okuva mu kibi nekituwa embala ya Katonda ey’obutuukirivu.

Ennyiriri 5-7: Tetulina kukoma ku kukkiriza okuwonya, naye tweyongereyo n’okuzimba ebisaanyizo eby’Obukristaayo.

Olunyiriri 8: Ebisaanyizo bino bijja kutuleetera okufuna ebibala eby’omwoyo.

Olunyiriri 9: Omuntu atazimbibwa mu bisaanyizo bino abateyeeyongera kulokolebwa okuvamu kibi, era aba talaba gyalaga.

Ennyiriri 10-11: Towummulira mu bukakafu obw’obulokozi awatali kukola kuzimba ebisaanyizo mu Bukristaayo. Bijja kukunyweza mu bulokozi era bikuleete mu buwanguzi obwamaanyi mu bwakabaka bwa Katonda obutaggwawo.

Essuula 2 eya 2 Peetero eyogera ku bantu abaagaana okukula mu mwoyo. Baagala bawagazi linnya Bukristaayo. Olw’okuba nga bagaana okweyongera mumaaso mu by’omwoyo, bawolereza ekibi. Bakola enjiriza enkyamu okuwagira empisa zaabwe embi. Enjiriza zaabwe enkyamu zireetera abantu okukyukaabagwa mu maanyi g’ekibi ne bafuukira ddala babi nnyo olkusinga lwe bandibadde singa baali tebafunye kisa ekirokola (2 Peetero 2:18-22).

Ebbaluwa ekomekkereza n’okulabula. Tuteekwa okwewala okubeera nga tuddayo mu kibi olw’enjigiriza enkyamu era, mu kifo kyekyo, beemalira ku kukula mu kisa (2 Peetero 3:17-18).

Yesu yagamba mu Mulimu Omukulu nti omulimu gw’obuyigirizwa kwe kuleetera abantu okumugondera. Kyeraga kyokka, omuntu ayiga ateekwa okugondera amazima gaayiga; bwe kitaba bwekityo, tagenda mu maaso. Ekigendererwa kyokumanya kwe kumulaga engeri yokusanyusaamu Katonda n’okuluŋŋamya mu kukula kwempisa ze. Singa omuntu agenda mu maaso n’okuyiga naye natagenda mu maaaso nakugonda, taba muiygirizwa. Waliwo abantu bangi mu makanisa abamanyi ennyo eddiini, naye nga tebalaga bulamu bwa mukkiriza.

► Omuyizi alina okusoma Abafiripi 1:9-11 eri ekibiina.

Ekkanisa ye Firipi yalimu abakkiriza abalungi ennyo, era ebbaluwa Pawulo gye yabawandiikira era embeera ey’essanyu.

Mu nnyiriri zino, Pawulo annyonnyola okukula mu mwoyo okwa Bafiripi. Okunnyonnyola kukulu kubanga kukwasaganya okumanya, okwawula, okwagala, ne mpisa.

Pawulo yasaba nti okwagala kwabwe kweyongere, era nti okwagala kwabwe kulabikire mu kwawula ekituufu babeere nga balondawo endowooza ne nempisa ezisinga obulungi. Obulamu buno tebwandibaddeko kya kunenyezebwa mu maaso ga Katonda Yesu nga akomyewo. Obulamu bwabwe bwandibaddemu ebibala eby’omwoyo ebyandibadde biweesa Katonda ekitiibwa.

► Nga twesigama ku bye tumaze okuyiga, omuyigirizwa wa Yesu ye ani?

Omuyigirizwa wa Yesu ye mukkiriza abeerawo nga agondera amazima gaayize, nga yeegomba okutegeera obulungi okwagala kwa Katonda, nga yesigama ku maanyi ga Katonda okuzimba empisa z’Obukristaayo ne nneeyisa.

► Kati nga tutegeera okukola obulamu obw’omwoyo, wandinnyonnyodde otya omuntu afuula abalala abayigirizwa?

Ayigiriza amazima ga Baibuli. Abeera kyakulabirako ekyokugondera Yesu. Akubiriza abalala okuyiga, okugonda, n’okukkiriza omulimu gwa Katonda okukolebwa mu bo.

Mu kitundu kye twakamaliriza twasoma netuyiga 2 Peetero 1:2-11. Mu nnyiriri ezo, tuyiga nti Katonda yasuubiza ekisa ekitulokola okuva mu maanyi ag’okwagala ekibi ne gatuwa embala y’obutukuvu. Okumanya okwo kuluŋŋamya okukula kwaffe okw’omwoyo.

Abantu abamu balowooza nti kizibu okubeerawo awatali kujeemera Katonda. Bakkiriza nti kizibu omuntu okubeera n’omutima omulongoofu. Endowooza zino zibataataganya okutegeera obuyigirizwa.

Obuyigirizwa kitegeeza okubeera nga oyiga n’okugondera ebiragiro bya Kristo. Singa tuba tetukkiriza nti okugondera ddala kisoboka, tufuna engeri endala ey’okugeraageranya embeera ey’omwoyo.

John Wesley yali akkiriza nti tewali muntu asobola kutuukiriza mateeka ga Katonda awatali kisa kisobozesa, naye yali akkiriza nti ekisa ekisobozesa kiweebwa buli muntu. Wesley yali akkiriza nti buli mwonoonyi alina obusobozi, si mu butonde naye olw’ekisa ekimusobozesa, okusobola okukkiriza enjiri gye muwa. Era yali akkiriza nti buli mugoberezi wa Kristo aweebwa ekisa okubeera mu bulamu obugondera Katonda.

Okuva mu njigiriza ya Wesley mwe muva ennono y’okuvvuunula Baibuli eyandiyitiddwa “Ennono Yokusuubiza.” Abagoberezi ba Wesley bakkiriza nti buli kyonna Katonda kyalagira, ajja kusobozesa abantu be okukituukiriza. Kino kitegeeza nti buli kiragiro mu byawandiikibwa kisobola okutunuulirwa nga ekisuubizo ekyekisa.

Emiko gino wammanga gya Wesley nga annyonnyola ennono eno.[1]

Ekintu kye basinga okuwakanya kiri nti tewali kusuubiza kwakyo [okutuukirira mu Bukristaayo] mu Kigambo kya Katonda. Naye waliwo ekisuubizo ekitegeerekeka obulungi nti ffenna tujja kwagala Mukama Katonda waffe nemitima gyaffe gyonna. Tusoma nti, “Mukama Katonda wo aligonza omutima gwo n'ogw'ezadde lyo omwagalenga n'omutima gwo gwonna, n'emmeeme yo yonna” (Ekyamateeka Olwokubiri 30:6). Ekigambo kya Mukama waffe nakyo kitegeererkeka mu ngeri yeemu, nakyo kisuubizo, wadde nga kiri mu ngeri ya kiragiro: “Yagalanga Mukama Katonda wo n'omutima gwo gwonna, n'obulamu bwo bwonna, n'amagezi go gonna” (Matayo 22:37). Tewali bigambo bisobola kubeera byamaanyi kusinga bino; tewali kisuubizo kisobola kubeeera kya ddala. Mu ngeri yeemu, “Yagalanga muliraanwa wo nga bwe weeyagala wekka” (Matayo 22:39), kisuubizo kya ddala nga bwe kiri ekiragiro ekya ddala.

Era ekiragiro ekyo ekitakoma ekifuga mu mulembe gwonna ogw’enjiri, “Nditeeka amateeka gange mu birowoozo byabwe,Era ndigawandiika ku mutima gwabwe,” (Abaebbulaniya 8:10) afuula ebiragiro byonna okubeera ebisuubizo; nga kino mwokitwalidde, “Mmwe mubeemu okulowooza okwo, okwali mu Kristo Yesu” (Abafiripi 2:5). Ekiragiro kino kyenkanankana ne kisuubizo, era kituwa ensonga ey’okusuubira nti ajja kukola mu ffe kyatwagaaza okubeera.

Ekiragiro kya Katonda ekyaweebwa Peetero, “Naye ng'oyo eyabayita bw'ali omutukuvu era nammwe mubeerenga batukuvu mu mpisa zonna,” (1 Peetero 1:15) kitegeeza ekisuuubizo nti tujja kubeera batukuvu, singa tetubeere abatali bamalirivu. Tewali kisobola kubulawo ku ludda lwa Katonda. Nga bwe yatuyitira obutukuvu, awatali kubuusabuusa ye mumalirivu, n’okubeera nga asobola, okukola obutuukirivu buno mu ffe. Kubanga tasobola kujerega bitonde bye ebiteesobola, nga atuyita okutuwa kyatagaba. Okuba nga atuyitira obutukuvu tekigaanika; olw’ekyo, ajja kukituwa singa tetubeera bajeemu eri okuyita okweggulu.

“Naye yatusuubiza okutulokola mu kibi nga tukyali mu mubiri?” Tewalikubuusabuusa bwe kiri. Kuba ekisuubizo kiragibwa mu buli kiragiro kya Katonda, nga mulimu, “Yagalanga Mukama Katonda wo n'omutima gwo gwonna, n'obulamu bwo bwonna, n'amagezi go gonna” (Matayo 22:37).

Tulina okubeera n’okusuubira ekisa kya Katonda okusinziira ku ngeri gye tulabamu Empisa ya Katonda. Tusuubira nti buli Katonda kyalagira ajja kukisobozesa, okuva nga ebiragiro bye bwe biri ebyamazima era nga tebisobola kutuukirizibwa ngeri ndala yonna.

Tusobola okutwala ebyawndiikibwa byonna nga ebikulu. Tetuteekwa kukyamya amakulu agalabikirawo aga Bibibuli byegamba. Ennono y’okusuubiza eweesa Katonda ekitiibwa, kubanga esuubira nti Katonda alina obuyinza n’obumalirivu okukola mu mukkiriza obutuukirivu Katonda bwa muyitira. Okulabula, ebisuubizo, n’okusabira mu byawandiikibwa tebiteekwa butafiibwako. Enjiriza ennungi esinga kukakasibwa engeri gyekozesaamu ebyawandiikibwa.

Lwaki Katonda tatukuza mmeeme nga ekyali mu mubiri? Tasobola kukutukuza nga okyali mu nnumba eno, ne bwobwera wabweru mu kyangaala? Ebisenge byamatofaali oba amayinja bisobola okumuziyiza? Newakubadde ebisenge byomubiri n’omusaayi tebisobola kumuziyiza nakatono okukutukuza wenna. Asobola okukulokola mu bibi ebiri mu mubiri nebyo ebiri wabweru womubiri. “Naye yatusuubiza okutulokola mu bibi byaffe nga tukyali mu mubiri?” Awatali kubuusabuusa bwe kiri. Kuba ekisuubizo kirabikira mu buli tteeka lya Katonda, nga mwe muli, “Yagalanga Mukama Katonda wo n'omutima gwo gwonna, n'obulamu bwo bwonna, n'amagezi go gonna” (Matayo 22:37). Kino ne kiragiro ekirala kyonna, kiweebwa si bafu, naye abalamu. Kiragibwa mu bigambo ebyogeddwa waggulu, nti tulina okutambulira “Mu butukuvu ne mu butuukirivu mu maaso ge ennaku zaffe zonna” (Lukka 1:73-75).[1]

[2]Abantu bangi bagamba okubeera Abakristaayo naye ne batatuuka ku buwanguzi ku kukemembwa. Bakula mu magezi ne mu bukugu mu kuweereza naye si mu kintu ekisingira ddala obukulu.

Baibuli eyigiriza bulungi nti omutindo gwa Katonda eri omukkiriza kwe kuba nti awangula ekibi n’okubeera n’omutima omutukuvu (Tito 2:11-12, Ebikolwa by’Abatume 15:9, 1 Yokaana 3:2-10, 1 Yokaana 5:1-4). Singa omuntu ategeera nti tali ekyo Katonda kyayagala abeere, ateekwa amangu ago okusalawo okunoonya omulimu gw’Omwoyo ogukyusa era oguwa amaanyi.

Omuntu ali mu buweereza obw’obuyigirizwa ateekwa okukuuma byakulembeza okubeera nga bitegeerekeka. Obuwanguzo ku kibi kye kikulembera ekisooka. Omuntu bwaba nga agwa mu kibi, omuyigiriza ateekwa okumukulembera okwenenya nobuwanguzi ekintu ekirala kyonna nga tekinnaba kumalirizibwa.

Wandiika emiko mitono ku buli kibuuzo wammanga:

• Omuntu yandisuubidde ki singa aba ayagala okubeera omyigirizwa wa Yesu?

• Osobola kunnyonnyola otya entabiro yamazima Peetero ge yayogerako ku kukula okw’omwoyo?

• “Ennono Yokusuubiza” kye ki?

Byowandiise birina okubeera ku mpapula nga bbiri.