Ekkanisa kye yetaaga leero si byuma bingi oba ekisinga , si nteekateeka mpya oba enkola ennyingi endala, naye abantu Omwoyo Omutukuvu baasobola okukozesa—abantu abasabi, abantu abaamanyi mu kusaba. Omwoyo Omutukuvu takulukutira mu nkola, naye ayita mu bantu. Tajja ku byuma, naye ku bantu.Tafuka mafuta ku ntegeka, naye abantu—abantu abasabi.[1]

► E. M. Bounds yali agezaako kutereeza nsobi ki mu biwandiikiddwa waggulu?

Ekikolwa ekyokusaba kiba kyogera kwesigama ku Katonda. Omuntu atafuna budde kkusaba alowooza nti omulimu gwe gwe mukulu okusinga omulimu gwa Katonda kye gwandikoze mu kwanukula essaala ze.

Olw’okuba nti twesigama ku Mwoyo Omutukuvu, okusaba kwa mugaso gye tuli. Pawulo yasaba abantu okusaba enjiri ebeere nga ebuna wonna (2 Abasessaloniika 3:1, Abakkolosaayi 4:3, Abaefeso 6:19).

[1]► Tumanyi nti okusaba kwa mugaso eri omukkiriza. Nsonga ki ezimu ezifuula okusaba okwenjawulo eri omuntu abuulira enjiri?

Okusaba kwa mugaso eri omubuulizi w’enjiri kubanga:

1. Omubuulizi w’enjiri ateekwa okubeera omulamu mu mwoyo. Okusaba gwe mukka omuntu gwassa. Omubuulizi w’enjiri akulembera abalala mu nkolagana ne Katonda ye gyatambuliramu.

2. Omubuulizi w’enjiri tasobola kuwangaaza kwagala kutuufu okuweereza awatali kutwala budde ne Katonda mu kusaba. Awatali kusaba, omuntu agezaako okubuulira enjiri ajja kubeera nendowooza enkyamu (oba olyawo okunoonya okwekulaakulanya oba okunyumirwa okuwakana).

3. Omubuulizi w’enjiri ateekwa okwesigama ku Mwoyo Omutukuvu okulumiriza omwonoonyi n’okumuleetera okwagala okusonyiyibwa. Okubuulira enjiri si kufuba kwa muntu yekka. Omubuulizi w’enjiri yesigama ku maanyi ag’Omwoyo Omutukuvu. Ebirowoozo by’omuntu byokka tebisobola kuleetera mwonoonyi kukkiriza musango gwe nokwagla okunoonya Katonda (Yokaana 16:8, Yokaana 6:24).

4. Omubuulizi w’enjiri yeesigama ku Katonda okufuka amafuta ku byawandiikibwa byakozesa (Abaruumi 1:16, Isaaya 55:11).

5. Omubuulizi w’enjiri yetaaga okuluŋŋamya kwa Katonda mu kuweereza kwe (Ebikolwa by’Abatume 11:12).

Obulamu Obusabi Obw’omuntu

Buli mukkiriza alina okubeera omwesigwa mu kusaba okwa buli lunaku, era omugaso gweyongera eri omuntu ayagala okubuulira enjiri egasa.

Alina okufuna ekiseera eky’enjawulo buli lunaku kyamala ngali yekka ne Katonda. Bwe kiba kisoboka, alina kubeera mu kifo yekka. Ayinza okwetaaga okugolokoka ku makya okusobola okusaba nga tewali bimuteganya nga ebikolebwa mu lunaku tebinnatandika. Bwaba tasobola kufuna kiseera kya njawulo ekyokusaba nga bukyali, akyasobola olkufuna era eddakiika entono mu ntandikwa yolunaku nayogera ne Katonda.

Alina okusoma ebyawandiikibwa buli lunaku n’okubyefumiitirizaako,Ngasaba Katonda okutuukiriza amazima agabirimu mu bulamu bwe.

[1]Olukalala Lw’ebyokusabira

Kiba kirungi okukola olukalala lwebintu byolina okusabira. Mu ngeri endala, oba olyawo tetujjukira ebintu ebimu ku ebikulu bye tulina okusabira. Tulina okusabira enjiri ebune mu nsi yonna, okusingira ddala mu nsi ezo abagoberezi ba Kristo gye bayigganyizibwa. Tulina okusabira enjiri okututumuka munsi mwe tuli. Tulina okusabira Ekkanisa yaffe ey’omu kitundu okutuukiriza omulimu gwa Katonda mu bantu baffe. Tulina okusaba Katonda okutuyamba mu buntu okusobola okugana enjiri obulungi.

Olukalala era luyamba omuntu okusaba mu nga tasobola kulowooza bulungi mu kiseera ekizibu.

Tekyetaagisa kukozesa lukalala lwa kusaba buli kiseera. Ebiseera ebimu owulira obwetaavu okusabira ebintu ebimu, era osobola okubijjukira awatali lukakala.

► Bintu ki ebirala ebirina okubeera ku lukalala?

Olukalala lwa Mannya Agokusabira

Kola olukalal lwa bantu 10 bomanyi abetaaga okulokoka. Bano balina okubeera abantu bomanyi era botera okusisinkana. Weweeyo okubasabira bulijjo. Yogera nabo singa Katonda akuggulirawo omukisa; bwe wataba mukisa gwa kwogera nabo, genda mu maaso n’okusaba. Abantu bangi abakoze bwe batyo bawadde obujulizi mu mwaka gumu nga abamu ku bantu abali kulukala lwabwe balokose.

Basabi Bannaffe

Kiba kirungi omukkiriza okubeera ne mukwano gwe gwasaba naye. Balina okugabana ebyetaago n’obuwanaguzi. Basobola okusisinkana buli wiiki, oba okusingawo.

Omwami n’omukyala basobola okusaba mu ngeri eno; naye kiba kirungi singa omwami afuna omusajja omulala gwasaba naye, omukyala naye nabeera nomukazi omulala gwasaba naye nga munne.

► Biki bamemba bekibiina bye baayitamu nga basaba ne bannaabwe?

Okusaba kw’okutambula

Okusaba okw’okutambula kusobola okukolebwa obuweereza bwe buwulira obuvunaanyizibwa eri abantu abalilaanye awo. Ekibinja oba omuntu omu atambula okuyita mu kitundu ngasabira ebyetaago byakyo. Okusaba kusobola okubeera mu kasirise. Basobola okwogera nabantu be basisinkana, naye ekigendererwa ekisooka kusaba. Okusaba okw’okutambula kusobola okukolebwa ku ntandikwa yobuweereza mu kitundu.

Ekitebe Kyokusaba

Amakanisa agamu gazimbye ekitebe ekyokusaba ekyekiseera mukifo ekya lukale abantu abangi webayita. “Baateekawo ekipanda ekigamba nti,” Ekitebe Ky’okusaba era nga bewaayo okusaba nabantu abayitawo. Bababuuza nti, “Olina ekyetaago kyewandyagadde nkusabireko?” Balaga okufaayo ku byetaago era tebadda mu kuwakana. Batera okubeera n’omukisa okugabana enjiri.

► Kifo ki mu kitundu kyo ekyandibadde ekirungi okuteekamu ekitebe ky’okusaba?

Okusaba Yesu kwe yasaba nabatume kutulaga ebintu byetulina okusaba, kubanga tumanyi nti yasaba mu kwagala kwa Katonda. Eby’okulabirako bisatu biibino wammanga.

Essaala ya Mukama waffe: Mu Matayo 6:9-13, Yesu yawa abayigirizwa be essaala ey’okulabirako. Tulina okusaba ebigambo bino, naye era tulina okusaba ebyawamu nga tukulembeza bino.

Pawulo okusabira Abaefeso: Mu Abaefeso 3:14-19, Pawulo yasaba abayigirizwa okuba nga banywezebwa mu mwoyo. Tulina okusaba essaala emu eyo nokusabira abalala.

Essaala Eyamakungula: Mu Matayo 9:36-38, Yesu yayagala abayigirizwa be okugabana okusaasira kwe eri abaabula nokusaba Katonda asindike abakozi mu makungula ag’omwoyo.

Okusiiba kitegeeza okubeera nga tutunuulira eby’omwoyo ebitaggwawo, nga tuva ku byomubiri ebyekiseera. Kulaga nti ebintu byomwoyo ebitaggwawo byamugaso gye tuli okusinga ebintu ebyomubiri ebyekiseera. Eno yengeri ey’okuzzaamu amaanyi okukkiriza kwaffe.

► Okusiiba kwaawukana kutya nomuntu okwelumya enjala yekka nga agenerera okubuzabuza Katonda abeeko ne kyamukolera?

Bino bye byokulabirako mu Byawandiikivwa ebyebiseera omuntu bwe yamaliriranga Katonda abeeko ne kyamukolera mu bulamu bwe, yasiibanga. Ebyokulabirako bino birondeddwa okuva mu byawandiikibwa ebingi ebijuliziddwa okulaga nti Baibuli etera okwogera obulungi ku kusiiba. Mu byawandiikibwa, kutera okwogerwako emirundi egisinga nga ekimu ku kunnyonnyola lwaki Katonda yenyiramu nakola ku nsonga ezaasiibyanga abantu.

► Omuyizi alina okusoma ekimu ku byawandiikibwa bino wammanga ebikwata ku kusiiba era ekibiina kirina okwogera ku mbeera ennyonnyoddwa mu byawandiikibwa.

Yesu yagamba nti abayigirizwa baali bakusiiba nga takyali nabo (Matayo 9:15, Lukka 5:33-35). Yababuulira ku kusiiba okutuufu. Yagamba nti okusiiba tekwali kwa kweraga eri abantu abalala okulaba.

Nate bwe musiibanga, temubeeranga nga bannanfuusi, abalina amaaso ag'ennaku; kubanga beeyonoona mu ndabika yaabwe, abantu balyoke babalabe nga basiiba. Mazima mbagamba nti Bamaze okuweebwa empeera yaabwe. Naye ggwe bw'osiibanga, osaabanga amafuta ku mutwe, onaabanga ne mu maaso; abantu balemenga okulaba ng'osiiba, wabula Kitaawo ali mu kyama: kale Kitaawo alaba mu kyama alikuwa empeera (Matayo 6:16-18).

Abakkiriza abamu mu kkanisa eyasooka baasibanga ekijjulo kimu buli Lwakusatu n’olwokutaano, nga ojjeeko ennaku zebaateekateekanga mu mwaka. Martin Luther, John Calvin, John Knox, Jonathan Edwards, Charles Finney, ne D. L. Moody bonna baasiibanga nnyo. John Wesley ne Abamesodi abaasooka baali bamanyiddwa okusiiba. Okudda obuggya okwavangamu ebibala ebiwangaala kwatandikanga nokusaba nokusiiba.

► Bantu ki bomanyi abaafuna ebiva mu kusiiba ebirungi?

Yesu yagamba oabayigirizwa be nti baalemwa okuyamba omuntu eyaliko dayimooni olwobutakkiriza bwabwe. Yagamba nti, “Engeri eno teyinzika kugenda nakirala awatali kusaba na kusiiba” (Makko 9:29). Yategeeza nti okusaba nokusiiba bye tuyitamu okufuna okukkiriza; era, olw’ekyo, ekiwonya obutakkiriza. Teyategeeza nti abayigirizwa balina okutandika okusiiba nga waliwo ekizibu ekiriwo kyokka; yategeeza nti okusaba buli kaseera nokusaba birina okubeera ekitundu ku bulamu bwabwe, okusobola okufuna okukkiriza okwetaagisa okwaŋŋanga ebizibu.

Endowooza okuva mu bigambo bya Yesu nokuva mu lufulube lwe byawandiikibwa eby’okulabirako mu byafaayo byokusiiba, tusobola okukuba ekifaananyi ekyemikisa egiriwo gyetulina mu kifaananyi kya piramidi nga kyawuddwa mu mitendera. Emitendera egyawansi egyemikisa gisobola okufunibwa okuyita mu kukkiriza kwe tutuukako okuyita mu kusaba kwokka. Emitendera egya waggulu egyemikisa gijja kufunibwa nokukkiriza kwokka okutuukibwako okuyita mu kusaba nokusiiba wamu.

• Gatta okusaba okusiiba kuleme kulabika nga ekikolwa ekyokungulu, naye okuzza obuggya eby’omwoyo nokugaziya okukkiriza kwo.

• Siiba nekigendererwa ekyokugulumiza Katonda si lwamalala.

• Bwosaba nokusiiba, noonya okwagala kwa Katonda kwekyo kyosaba.

• Towaanyisa kusiiba na kugonda.

• Tolumya mubiri gwo.

► Mwogere ku kikolwa kyokusaba nokusiiba wamu.

Okusiiba tekukosa bulamu singa kukolebwa mu ngeri entuuufu. Ddala, waliwo emiganyulo mingi egyobulamu egijja nokusiiba bulijjo.

• Nywa amazzi mu kusiiba. Tosiiba mazzi.

• Tandika n’okusiiba olunaku lumu. Mpolampola genda nga oyongeza ekiseera kyosiiba. Mala wiiki nga olya nga bwe kisaanidde wakati w’okusiiba okwolunaku olumu oba okusingawo.

Ebiseera nga osinduukirirwa emmeeme, omutwe okukuluma bibeerawo eri abo abatamanyidde kusiiba. Singa omuntu omulamu obulungi asiiba buli kiseera, tatera kubeera nabubonero obwo oluvanyuma lw’okusiiba emirundi mitono egisooka. Ebintu byolya obutawooma mu kamwa nomukka gwossa oguwunya obubi bijja kubanga omubiri guba gwejjamu obutwa.

Mu kusiiba okwekiseera ekiwanvu, bungi ku bubonero obubi bulekera awo oluvannyuma lwe nnaku ntono.

• Mu kusiiba okuwanvu siibulukuka n’omubisi, ozzeeko emmere eŋŋonvu.

(1) Lowooza ku kiki kyogenda okukola okutandikawo enkola eyiyo ey’okusaba. Londa ekiseera nakiseera kyenkana wa ekyokusabiramu buli lunaku. Lowooza ku uteekawo okusiiba okwa buli kiseera ekigere.

(2) Soma ennyiriri zino ezemirundi ebiri ezikwata ku kusiiba. Buli zimu ziwandiikeko ebigambo ebirungi, nga onnyonnyola embeera nebiva mu kusiiba.