► Omuyizi alina okusoma Matayo 28:18-20 eri ekibiina.

Abantu abamu bakkiriza nti ekiragiro kino kyali kya batume bokka.

► Kino ekiragiro kyali kya bantu abo bokka abaakiwulira ku lunaku olwo? Nnyonnyola ekyokuddamu kyo.

William Carey yaliwo mu 1761-1834. Yali abeera mu Bungereza. Yali mukozi wa ngatto eyali ayagala ennyo okubunyisa enjiri. Ekkanisa mwe yali yali tefaayo nnyo ku mulimu gw’okubunyisa enjiri mu nsi ndala. Baali bakkiriza nti Katonda yali amaze okusalawo ani gwajja okulokola, era nti yali teyesigamye ku kuyambibwako bantu.

Mu lukuŋŋaana lwabasumba, Carey yaleeta omutwe ogwokwogerako: yabuuza oba okutumibwa Okukulu mulimu gwa kkanisa okutuusa ku nkomerero yensi, okuva okusuubiza Yesu kwe yawa mu kutuma Okukulu kwali nti yali wa kubeera nabo okutuusa enkomererro yensi. Omukulembeze w’olukuŋŋaana yamugamba nti, “Tuula, muvubuka. Oli mukyamufu [kukyamukirira]. Katonda bwayagala okukyusa abamawanga, ajja kukikola awatali buyambi bwo oba obwange.”

Tukimanyi nti ekiragiro kiweereddwa ekkanisa okutuusa ku nkomerero yensi. Yesu yasuubiza okubeera nabo abatwala enjiri, nokutuuka ku nkomerero, ekiraga nti obuvunaanyizibwa obw’omulimu bwa kkanisa okuyita mu mirembe gyonna. Abatume baali si bakumaliriza mulimu mu kiseera kye baamala mu bulamu, nayeYesu yagamba nti enjiri ejja kubuulirwa mu nsi yonna (Matayo 24:14).

Kale obuvunaanyizibwa bw’okubuulira enjiri busikirwa buli mulembe.

► Tuuulira nate ebiri mu Matayo 28:18-20. Kiki ddala ekiragiddwa?

Ekiragiro kyennyini ekya Yesu kyali nti ekkanisa egende buli wantu okufuula abayigirizwa ku lulwe.

Ekiragiro kitwaliramu okubuulira enjiri kubanga omuntu tasobola kubeera muyigirizwaokutuusa nga akyuse.

Ekiragiro kitegeeza nti ekkanisa eteekwa okuteeka ku mwanjo okubuulira enjiri n’okuyigiriza n’okubaako nekyekola mu kwagala; bwe kitaba bwekityo, eba, eba tetuukiriza ekyo ekigibeesaawo.

Ebigambo “b'amawanga gonna” (buli bantu ab’olulimi olumu) kiraga nti omulimu gw’okutumibwa mu mawanga amalala gulagiddwa, okuva nga abamawanga ago bwe batalina njiri okutuusa nga ereeteddwa gye bali. Tewandibadde kika kyonna kya bantu ekyandisosoddwa.

[1]Ekiragiro si kya kubuulira bubuliizi njiri. Okuyita mu kusomesa kyetaagisa kubanga tuteekwa okusomesa abakyuse byonna Yesu bye yalagira.

Omusomesa ateekwa okubeera n’okumalirira okujjuvu okugondera ebiragiro bya Kristo kubanga ateekwa okubeera ekyokulabirako ekirungi, ngalaga abakyuse engeri yokubeera mu bulamu obw’okugondera Kristo.

Omuntu akyuse ateekwa okumalirira okugondera ne Kristo, kubanga okuyiga ebiragiro bya Kristo tekimala awatali kugonda nga bwayiga. Singa abeera tagondera ebyo bye yayiga , aba awakanya omulimu gw’obuyigiriza. Omutendera obuyigirizwa mwe buyita si gwakuyiga buyizi kyokka, naye n’okuzimba empisa.

Nga ojjeeko omulimu omukulu, waliwo ebiwandiikiddwa bingi mu Baibuli ebiraga nti okubuulira Katonda kyayagaza ekkanisa okuteeka ku mwanjo.

Omukulembeze w’ekibiina wetegereze: Abayizi bajja kunoonya ennyiriri ezijuliziddwa wammanga bazisome bogere buli kyawandiikibwa engeri gye kiraga nti okubuulira enjiri ebyawandiikibwa bikiteeka ku mwanjo. Bayambe nebyo ebiweereddwa ebikyogerako.

Matayo 9:36-38. Yesu yayagala abayigirizwa be okugabana okusaasira kwe eri abaabula n’okusaba Katonda asindike abakozimu makungula ag’omwoyo.

Ebikolwa by’Abatume 4:29. Ekkanisa bwe yasooka okuyigganyizibwa, kyebasooka okulowoozaako si kekabi akomubiri, naye okuba nti enjiri eziyizibwa. Baasabanga nti wadde nga okuyigganyizibwa wekuli Ekigambo kya Katonda kibeere nga kibuna wonna.

Ebikolwa by’Abatume 11:18. Ekkanisa ya Bayudaaya yagulumiza Katonda okuba nti obulokozi bwaweebwa Abamawanga.

Abafiripi 1:18. Pawulo yasanyuka okuba nti Kristo yabuulirwa ne bwe yali mu kkomera ngabonaabona.

Abaefeso 6:19. Pawulo yasaba abantu okusabira enjiri okubuulirwa obulungi.

Abaruumi 10:13-15. Pawulo yakkaatiriza nga ababaka benjiri bwe baali betaagibwa mu bwangu, kubanga obulokozi bwabo abawulira ne bakkiriza.

► Nsonga ki ezimu omukkiriza zeyandisinziddeko okwagala okulaba abantu nga bakyuka?

• Alina okwagala okugoberera ekyokulabirako kya Yesu eyaleka eggulu nabeera omulamu n’okufa ku lw’obulokozi bwabo abaabula.

• Alina okwagala okuba nti Katonda agulumizibwa olw’omujeemu okukyuka nafuuka omuntu asinza Katonda.

• Alina okutunuulira okusaasaana kwenjiri nga obuwanguzi bwa Kristo n’okutangirira kwe ebibi.

• Alina okwagala okwetaba mu mulimu Katonda gwateeka ku mwanjo.

• Alina okubeera nekisa ku abo abaabula abalindiridde okusalirwa omusango ogw’olubeerera ogw’ebibi byabwe.

► Kisoboka omuntu okubeera nensonga enkyamu okwagala okubuulira enjiri? Ensonga ezimu enkyamu zandibadde zitya?

Si kikyamu okwagala obuwanguzi mu buweereza n’okukula kwe kkanisa ey’omu kitundu.

Kyamugaso okuba nti tetusikirizibwa malala mu buwanguzi, okuvuganya namakanisa amalala, oba okwagala okuwakana.

Abakkiriza abamu baayitibwa mu ngeri eyenjawulo n’okuba nga baaweebwa Katonda ebirabo okuba nga babuulira enjiri (Abaefeso 4:11). Abakulembeze bateekwa okujjukira nti si nti abakkiriza bonna balina obukugu okubuulira enjiri mu ngeri yemu. Wabula, buli mukkiriza alina okwewaayo okuyamba ekkanisa okutuukiriza omulimu ogw’okubuulira enjiri n’okubeera omwetegefu okugabana nabalala enjiri.

► Lwaki si abakkiriza bonna nti babuulira njiri?

Omukulembeze w'ekibiina wetegereze: Abayizi balina okukola olukalalaolw’ensonga ze basobola okwogerako nga tebannaba kutunuulira lukalala luno wammanga.

• Obutaba nakwagala nnyo eby’omwoyo

• Obutawulira buvunaanyizibwa nga omuntu obwokubuulira enjiri

• Obutamanya ngeri ki yakutandikamu okwunyumya okw’omwoyo

• Obutamanya ngeri yakubuuliramu njiri

• Okutya okuba nga tosobola kwanukula bibuuzo ebiwakanya byobuulira

• Okusoberwa okuva mu kubeera nga oli wanjawulo ku b’ensi

• Okubuusabuusa nti okufuba kwe kujja kuleetawoo enjawulo

• Okuyigganyizibwa

► Waliwo ensonga yonna ku zino entuufu ekimala?

► Singa omuntu aba talina kyakola kyonna olw’obulokozi bwabaabula, kiki ekyetaagisa okuba ngatandika?

Singa aba talina kuyaayaana kwa mwoyo, aba yetaaga okudda obuggya okw’omwoyo.

Singa omuntu abeera mulamu mu mwoyo, omwesimbu, n’okutegeera obuvunaanyizibwa bwe nga omuntu okwetaba mu kutuukiriza Omulimu Omunene, ebintu bino ebibiri wammanga byalina okuba nga asinga okwetaaga okuba ngatandika.

1. Okukkiriza ‒ Yetaaga okutegeera kiki Katonda kyakola okufuula enjiri okuba eyamaanyi.

2. Okweteekateeka‒Yetaaga okuweebwa okutendekebwa okubuulira enjiri.

[1]► Omuyizi alina okusomera ekibiina Yokaana 4:28-30, 39. Kiki ekyasaanyiza omukazi Omusamaliya okuleeta abantu eri Yesu?

Teyalina kutendekebwa kwonna. Yalina obumanyirivu obw’ekisa n’okulembeza okubuulira abalala ebikwata ku Yesu.

Singa omuntu abeera ne bintu bibiri, okubeera mu kisa n’okwagala okubuulira abalala, aba alina ebisaanyizo ebisinga obukulu eby’omubuulizi wenjiri. Okutendekebwa kulungi; naye omuntu singa aba talina bisaanyizo ebyo ebibiri, tewali kutendekebwa kwonna kusobola kumufuula mubuulizi wanjiri mulungi.

Ekintu ekikulu: kiki kye wetaaga okuba nga otandika?

► Kiki kyokola ekiyamba okusaasaanya enjiri? Oli mumativu nekyo kyokola?

► Kiki ekyandikuyambye okugabana enjiri n’okweweerayo ddala mu ngeri etuukiridde?

Leka twogere ku muntu wa ngeri ki asobola okukkiriza Omulimu Omukulu.

N’omuntu eyaakakyuka asobola okugabana obujulizi bwe nayogera ebikwata ku mazima agaamuleetera okukyuka.

Wabula, omuntu Katonda gwasobola okukozesa nga omubuulizi w’enjiri ekiseera ekiwanvu waliwo ebisaanyizo bye yetaaga okubeera nabyo.

[1](1) Okukyuka

Omubuulizi w’enjiri ateekwa okubeera omuntu eyakyuka, kubanga

1. Yetaaga okubeera n’obujulizi obw’okuwa.

2. Tasobola kutegeera kukyuka nga tamaze kukufuna.

3. Ateekwa okufuna okukyuka kwempisa okubeerawo mu kukyuka.

Singa omuntu atakyukanga aba akola omulimu ogw’eddiini, aba tategeera kiki kyakola era abeera nebigendererwa ebikyamu.

(2) Okufuba Okutambulira mu Bulamu Obukristaayo

Wadde nga tetuteekwa kusubwa mukisa gwonna okugabana enjiri nabalala, okubuulira enjiri kukola nnyo omuntu bwawulira enjiri okuva eri omuntu gwe yeesiga. Abantu abasinga okukwesiga balina kubeera abo abakumanyi obulungi. Omubuulizi w’enjiri ateekwa okwolesa obulamu obwewaddeyo eri Katonda n’okufuba okugondera Katonda.

(3) Okuba nga Alina Ekkanisa Mwali

Omubuulizi wenjiri yetaaga okuba memba w’ekkanisa eyeewaddeyo kubanga

1. Yetaaga okuba nga asobola okuyita abantu mu maka ag’okukkiriza.

2. Aba yetaaga okuyamba Ekkanisa okuyigiriza abakyuse.

3. Yetaaga embalirira ey’omwoyo.

4. Yetaaga okuwanirirwa n’okuzzibwamu amaanyi okwekkanisa.

Ateekwa okubeera n’obwesige obwa baganda be mu mwoyo ne bannyina. Ateekwa okuwa ekitiibwa obukulembeze n’omulimu gw’ekkanisa.

Singa aba alowooza nti asobola okubeera omukkiriza n’okuweereza awatali kkanisa, aba tategeera kkanisa era aba tategeera kuyitibwa okw’enjiri.

(4) Mwesigwa eri Amazima

Omubuulizi w’enjiri ateekwa okukkiriza nti Ekigambo kya Katonda kye kyobugagga ekyamazima ekirina okugabanibwa nabalala. Baibuli ewa obukwakkulizo bw’obulokozi ne nkolagana ne Katonda. Tetusobola kukyusa mazima okusobozesa obubaka bwaffe okukkirizibwa (1 Abakkolinso 4:1-2).

Olwa Baibuli, tumanyi nti buli muntu ku nkomerero ajja kugenda oba mu ggulu lubeerera oba geyeena lubeerera. Omubuulizi w’enjiri asikirizibwa n’okumatira kwalina.

(5) Ajjude Omwoyo

Omwoyo Omutukuvu awa amaanyi obubaka obw’enjiri. Alumiriza olw’ekibi, agaba okuyayaana okw’omwoyo, era naleetera atali mukkiriza okusobola okwanukula mu kukkiriza.

Omubulizi w’enjiri asobola okukola obulungi bwaba nga akozesebwa Omwoyo Omutukuvu. Olw’ekyo, ateekwa mu bukkakkamu okwesigama ku Katonda. Ateekwa okubeera omusabi. Ateekwa okusaba Katonda okumuluŋŋamya.

Omubuulizi w’enjiri ateekwa okunoonya okujjuzibwa Omwoyo. Waliwo okujjula Omwoyo okutukuza omutima n’okuwa amaanyi olw’okuweereza. Yesu yagamba abatume okusuubira omulimu guno ogw’omwoyo (Ebikolwa by’Abatume 1:4-5). Abatume baafuna okujjuzibwa kuno okw’Omwoyo ku Pentekooti (Ebikolwa by’Abatume 1:8, Ebikolwa by’Abatume 2:4, Ebikolwa by’Abatume 15:8-9).

Waliwo nebiseera Katonda lwafukako amafuta agenjawulo ag’Omwoyo omubuulizi asobole okwaŋŋanga ebisoomoza ebimu (Ebikolwa by’Abatume 13:9-12).

(1) Wandiika ebigambo bitonotono nga binnyonnyola engeri gye wetabamu ngomuntu mu kubuulira enjiri n’okuyigiriza mu myezi 12 egiyise. Olina bigendererwa ki mu maaso? Kiki kyoyagala okufuna mu musomo guno?

(2) Kiki ekikolebwa amakanisa mu kitundu kyo okusaasaanya enjiri? Wetegereze era obuuze ebibuuzo, oluvannyuma owandiike okunnyonnyola kwa mpapula 2-3.