Yoweeri ayagala okwogera ku biseera ebyasooka ebyekkanisa ye. “Twatandika okukuŋŋaana mu kibangirizi, nga tuyita buli omu gwetwalabanga. Obudde obw’obunnyogovu, twasisinkana ku bbaasi enkadde. Tetwalina biyigo. Oluvannyuma, twasisinkana mu kifo kyessomero, twazzaako okupangisa ekifo mu kizimbe kyekkanisa enkadde.”

Ekkanisa ya Yoweeri yali ekula okuyita mu myaka egyo. Abantu abaali bewaddeyo eri ekkanisa eyo baali tebasikiriziddwa kizimbe. Baasikirizibwa kibiina kya bantu.

Mu ssomo lino, bwe twogera ku ngeri ekkanisa gyetegekebwamu, tuba tetwogera ku kizimbe. Amakanisa mangi agamaanyi galina emboozi ku ngeri gye gatandikamu mu mbeera enzibu.

Amakanisa agamu bagamba nti tebasobola kusiiriza bantu kubanga ekizimbe kyabwe si kirungi kimala. Amazima gali nti waliwo kintu kirala kye batalina ekyomugaso okusinga ekizimbe.

Abakkiriza wonna bayita bantu okukyalira amakanisa gaaabwe. Basuubira nti abagenyi baggya kwagala ekkanisa beyongere okujjanga. Basuubira nti abagenyi bajja kukkiriza enjiri.

► Bwoyita omuntu okujja mu kkanisa, okuyita okwo kutegeeza ki? Kiki kyoba ogaba?

Tuba tetubasaba kwetaba mu bikolebwa ekkanisa, nga kiringa ekinaakola ku kyetaago oba okutuukiriza omulimu. Tetukkiriza nti okuteeka mu nkola emikolo gye ddiini kikolera omuntu atalina kukkiriza.

Tetusuubira nti bategeera okusinza Katonda nga tebannaba kukyuka.

Tusuubira nti bajja kwagala omukwano abantu gwe babalaga era baagale okwongera okubeera nabo.

Tusuubira bajja kukkiriza enjiri.

Amakanisa agamu gakola enteekateeka okuba nga zisikiriza abantu abatayagala bya mwoyo. Basuubira nti singa abantu banyumirwa entegeka zino, bajja kwongera okujja. Ekizibu kiri nti singa okusanyusibwa kuwangula, kusikiriza ekibiina kya bantu abatalina kwagala kutuufu. Ekkanisa efuuka yabantu abatabuletabule nga mulimu abantu bangi abatalina kwagala mu kusinza naye nga banyumirwa okusanyusibwa. Abakulembera okusinza nabayimbi bafuuka aboolesa obwolesa. Ku nkomerero, abakulembera okusinza bazimbibwa abatali ku byakusinza. Okusinza kufuuka okwonoonefu.

► Lowooza ku kibuuzo kino nate. Bwoyita omuntu okujja mu kkanisa, kiki kyoba omuyitira okumuwa? Kiki kye wanditeekeddwa okumuwa?

Lowooza kunkyukakyuka enene ebeerawo omuntu nga akyuse. Aleka eddiini gyabaddemu, ekisobola n’okumwawukanya ku beŋŋanda nemikwano. Yeenenya ebibi bye, ekitegeeza okuleka ebintu ebisinga bye yalowooza nti asobola okunyumirwa. Awaayo obulamu bwe okufugibwa Katonda.

Olw’enkyukakyuka eyamaanyi ebeerawo mu kukyuka, omuntu tatera kukkiriza kukyuka awatali kulowooza ku bantu bagenda okuleka nabo bagenda okwegattako. Singa omuntu abeera asikiriziddwa obujulizi bw’omukkiriza aba ayagala okulaba abantu abakkiriza omukkiriza ono baalimu. Ayagala alabe ddala okukkiriza bakubeeramu batya. Akitwala nti obubaka bwawulira bwamala dda okukola ekibiina kya bakkiriza kyajja okwegattako singa abeera akyuse. abeera nga abuuza nti, “Ekibiina kya bantu abakkiriza obubaka buno n’okubutambulira baliwa? Kijja kubeera kitya nze bwe nnabeera mu kibiina ekyo?”

[1]Yesu yabuulira enjiri ey’obwa kabaka era yayogeranga nnyo ku bwakabaka obw’omuggulu. Yabuulira abantu nti obwakabaka obw’omuggulu bubasemberedde kumpi (Lukka 10:9). Abantu abaayingira mu bwakabaka bwa Katonda bakkirizanga obufuzi bwa Katonda, ne batambulira mu mateeka ge, obulamu ne babugabanira wamu. Obwesigwa bwabwe eri Katonda bwabafuula ekibiina kyabakkiriza.

Kubanga abantu betaaga okulaba ekibiina kya bakkiriza ekitondebwawo enjiri, Okubuulira enjiri tekusobola kukolebwaabantu ssekinnoomu nga basendasenda abantu ssekinnoomu kyokka. Ekyo kitegeeza nti ekkanisa ey’omu kitundu ya mugaso. Ekkanisa ey’omu kitundu eteekwa okubeera nga esikiriza nga ekibiina kyabakkiriza.

► Omuntu yandyagadde kulaba ki nga tannaba kwewaayo eri ekibiina ekyabakkiriza?

Ekkanisa erina obutonde obwakolebwa Katonda n’omulimu Katonda gwe yagiwa. Buli kkanisa yamukitundu erina okubeera ennungi nga bwekisoboka ku mutindo gwa Katonda. Tetulina kufuula kkanisa kubeera yanjawulo mu kusikiriza bantu. Tetulina kulaga kkanisa nga eyenjawulom okuva kwekyo kyeri.

Ekkanisa bwe tuukiriza ekigendererwa Katonda kye yagiwa, ejja kusikiriza abantu abatuufu ezimbe ekibiina ekyewaddeyo.

(1) Bamemba baayo balaga nti enkolagana yaabwe ne Katonda ya ddala era ebamatiza. Atali mu kkiriza tabeerana nkolagana ne Katonda. Bwalaba obulamu ne Katonda bwe bufaanana, ajja kuwulira obwetaavu. Bamemba balaga kino nga bajulira essanyu ery’okumanya Katonda n’okubeera mu bulamu obwewaddeyo. Singa memba aba akyatambulira mu kibi nga tali ku kkanisa, aba alaga nti si mumativu ne Katonda.

(2) Ekkanisa eraga enjigiriza nga amazima n’okusinziirwa mu nkolagana ne Katonda. Tusomesa enjigiriza kubanga ntuufu, naye si lwakuba nti ntuufu kyokka. Enjigiriza kye kintu kye twetaaga okumanya kubanga twagala okubeera ne Katonda. Nga obufumbo bwe buli enkolagana ne bisuubizo, enkolagana yaffe ne Katonda erimu ebisuubizo eby’okwewaayo. Enjigiriza ennyonnyola engeri gye tubeeramu mu nkolagana.

(3) Ekkanisa eraga essanyu eriri mu kusinza Katonda. Essanyu eryokusinza si kye kimu nokunyumirwa okusanyusibwa. Abantu abatasinza Katonda omutuufu tebawulira ssany eriva mu kumusinza. Twakolebwa nga tulina kusinza; olwekyo, atali mukkiriza alaba okusinza okwamazima bajja kuwulira obwetaavu.

(4) Bamemba bekkanisa balaga ekigendererwa kyobulamu nga batunuulidde obutaggwawo. Abagoberezi ba Kristo tebateekwa kwewuunya oba obulamu bwabwe bwamakulu. Balina ekikubagizo n’obuvumu mu biseera ebizibu eby’obulamu. Abatali bakkiriza bafubaokuzuula ekigendererwa ekimatiza mu bulamu, era tebamanyi ngeri yakwaŋangamu kufa n’obutaggwawo.

(5) Ekkanisa eraga nti ekulembeza enkolagana, mu kifo kye biruubirirwa eby’okwefaako. Ekkanisa tebuulira njiri oba okufaayo ku bantu baayo ne kigendererwa ekyokuzimba ekitongole. Abantu bensi balagajjalira enkolagana oba okukozesa enkolagana olwebigendererwa ebyabwe.

(6) Obubaka bwekkanisa bumatiza ebyetaago ebyebuziba eby’omwoyo. Omuntu atakkiriza abeera ne njala ey’omwoyo etasobola kukkusibwa na kintu kyonna mu nsi. Okubuulira okusomesa n’okubudaabuda ebyekkanisa birina okukwatagana ne byetaago byennyini ebya bantu.

(7) Ekkanisa maka gakukkiriza agaagala n’okufaayo ku bamemba baago. Ebibiina ebyengeri endala bisobola okuyamba ku byetaago ebya bamemba baabyo, naye abagoberezi ba Kristo bokka be basobola okubeera n’obumu obwamazima mu Bukristaayo.

► Makubo ki aga namaddala ekkanisa mwesobola okulagira ebisaanyizo bino? Bintu ki ebimu ekkanisa byerina okutandika okukola okulaga mu ngeri esingawo ebituufu ebyokukulembeza?

Ekkania erina okukakasa nti enteekateeka zaayo nentegeka biyamba okutuukiriza omulimu gwayo ogw’okubuulira enjiri n’obuyigirizwa. Buli kintu kyonna ekkanisa kyekola kirina kukwatagana ne kikulembezebwa kino.

Okwaniriza Abagenyi

Ekkanisa erina okubeera enneetegefu okwaniriza abagenyi okubayamba okuwulira obulungi. Abantu abamu tebamanyidde ebyo ebikolebwa ekkanisa. Bwe bakyalira ekkanisa, tebamanyi kiki kye bazzaako. Tebamanyi kiki kibasuubirwa kukola. Mu ddakika ntono nga bakayingira mu kkanisa, bajja kusanyuka nti balyose ne bajja oba okwejjusa lwaki bazze. Ekkanisa erina okutegeka abantu abetegese okwaniriza abantu.

Ekkanisa terina kusosola bantu lwakuba nti baavu. Ebyambalo ebisuubirwa okwambala mu kkanisa birina okuba nga tebisososla baavu.

Ekkanisa erina okubeera nneetegefu okuweereza eri abaana abajja nga tebalina bazadde. Abantu balina okulondebwa n’okutendekebwa okukola ku baana abajja mu kkanisa.

Omugenyi ayitibwe nokwegatta ku kibiina ekitono oba okukuŋŋaanira awaka gyasobola okuyigira n’okubuuza ebibuuzo. Omugenyi alin aokuyitibwa okubeerawo mu lukuŋaana.

Okugenda okubuulira wabweru

Obuvunaanyizibwa bwekkanisa obusooka kwe kulabirira bamemba abewaddeyo abali mu kibiina. Wabula, ekkanisa eteekwa okuba nga etuuka ku bantu bulijjo abagyetoloodde. Ekkanisa eteekwa okubeera ne bintu byekola abantu abebweru bye balaba nga omulimu ekkanisa gwekola nokuwulira enjiria. Ebimu ku bikolebwa bino bisobola okubeerawo bubeezi. Abakulembeze bajja kwetaaga okutegeka ebikolebwa ebirala nabyo. Bamemba abalina obusobozi balina okuyitibwa n’okutendekebwa mu bikolebwa bino.

Ekkanisa erina okuzuula amakubo ag’okuyambamu ku byetaago byabantu ababetoolodde. Ekikulembera bulijjo kirina kubeera kulaga kwagala kwa Katonda n’okukola ennono za Baibuli.

Obuweereza Obw’omu Bibiina Ebitono

Omuntu bwalokoka talina kuyitibwa mu kusinza kwokka. Yetaaga okuyitibwa amangu ddala mu nkola ey’obuyigirizwa. Kino kisobola okutandika n’okukyalirwa omusumba oba okuyitibwa mu kibiina ekitono ekikuŋŋaana wakati mu wiiki.

Ekkanisa egenda mu maaso etera okubeera nebibiina ebitono obulamu bw’omwoyo gye bukuumirwa. Ebibiina bino bisobola okubeera ekkanisa eza waka, amasomero ga Ssande, oba ebibiina ebyengeri endala yonna. Okuwa embalirira ey’omwoyo n’obulamu obukyufu bitera okubeerawo mu bibiina ebitono. Abakulembeze b’ekkanisa bateekwa okukakasa nti ebibiina ebitono bibeerawo ebituukiriza ebigendererwa bino. Singa emitendera gye kkanisa tegisobozesa bulamu bwa mwoyo kubeerawo, enkyukakyuka ebeera yetaagisa.

Obwa Memba Obulabika

Abantu abaagala okwewaayo eri Ekkanisa betaaga okumanyira ddala okwewaayo kye kutegeeza. Amakanisa agamu gagamba obutabeera nankola yakulaga bamemba, naye buli kkanisa erina engeri y’okumanya bamemba baayo be baani. Buli muntu yetaaga okumanya bantu ki abakola ekkanisa.

Buli muntu alina okumanya kwewaayo kwa ngeri ki okwetaagisa okubeera memba. Ebyetaagisa okufuuka memba nokunnyonnyola emitendera gyabyo birina okukubibwa mu kyapa.

Omuntu akyuse bwa nga mwetgefu okwewaayo eri Ekkanisa alina okubeera ngasobola okuyamba ekkanisa amangu ago. Ekyo tekitegeeza nti alina okuweebwa ekifo oba obuvunaanyizibwa bwobukulembeze. Kiba kikulu gyali okumanya nti afuuse kitundu ku kkanisa .

Okwanukula Amangu abakyufu Abaggya

Obuyigirizwa butandikira mu kukyuka. Omukyufu omuggya alina ebyetaago ebiwerako. Okutwala mu maaso enkolagana ne Katonda gye yakatandika, yetaaga okumanya okusaba nokusoma baibuli. Era yetaaga ne mikwano emiggya kubanga ajja kufiirwa mikwano gye emikaddde mingi. Yetaaga okuluŋŋamizibwa mu nsonga nnyingi ez’okutambuza obulamu.

Ekkanisa eteekwa Okutandika okuyigiriza omupya akyuse amangu ddala. Amangu ago tekitegeeza Ssande eddako. Kitegeeza bwasitula omutwe gwe nga yakamala okusaba olw’okulokoka. Omuntu omu ateekwa okutwala obuvunaanyizibwa obwokutuukiriranga buli lunaku omukyufu omupya wakiri mu wiiki esooka. Alina okusisinkana abakkiriza abalala abawerako mu kkanisa ey’omu kitundu. Alina okuweebwa omukisa okwogera ku nkyukakyuka mu bulamu bwe nokubuuza ebibuuzo.

Omuntu eyakalokoka alina okuyitibwa okwegatta ku kibiina ekitono gyasobola okubuuliza ebibuuzo nokuzzibwamu amaanyi. Bwe kiba kisoboka, alina okwanjulwa eri banne abalala mu kibiina mu nnaku nga tannaba kutandika kukuŋŋaana nabo. Abamu ku bamemba basobola okumukubira ku ssimu nga okukuŋŋaana tekunnabaawo basobole okumumanya nokumwaniriza mu kibiina. Kino kimuleetetera okuwulira nti alina abantu baalimu.

Eyakalokoka alina okwegatta ku kibiina ku mulundi oguddako okusisinkana. Amasomo galina okusomebwa mu kwetoloola omupya asobola okufuna watandikira ku ntandikwa. Mu ngeri eno omupya afuna ekibiina ekimuwanirira amangu ago. Bamemba bamaliriza omusomo kinnoomu okusinziira webaatandikira.

Okufaayo ku Byetaago

Ekkanisa erina okufaayo ku byetaago ebya ssente ebya bantu abali mu kkanisa. Ebyetaago ebisinga birina kubeera nga bikolebwako bamemba bokka na bokka awatali bakulembeze ba kkanisa. Singa Bamemba abasinga tebawulira buvunaanyizibwa kuyamba balala, ekkanisa ebeera tennaba kukula.

Ekkanisa erina okubeera na Badiinkoni abakakasa nti ebyetaago bitegeerwa nebikolebwako. Ekkanisa mu kitabo Ebikolwa by’Abatume baalonda abadiinkoni olw’ekigenderwa kino.

Okufaayo ku byetaago kyetaagisa mu mulimu gw’okubuulira enjiri. Abantu bateekwa okutegeera nti ekkanisa maka ga kukkiriza bamemba mwe bafiirayo buli omu ku munne.

Lowooza ku kkanisa ekola ebintu byonna ebinnyonnyoddwa mu ssomo lino. Wandiika ku muntu gwotebeereza akyalira ekkanisa, eyakyuka, nafuuka memba eyeewaddeyo eri ekkanisa. Nnyonnyola kino kyonna engeri gye kibeerawo.