[1]► Omuyizi alina kusoma Matayo 18:2-6, 10-14 eri ekibiina. Kulabula ki kwe tulaba mu nnyiriri zino? Wandinnyonnyodde otya omugaso Katonda gwalaba mu baana?

Ebiseera ebimu abantu bagamba nti abaana baamugaso kubanga gwe mulembe oguddako, ekkanisa ey’omumaaso, era abakulembeze ab’omumaaso. Ebyo byonna bituufu; naye ekisooka mu byonna, abaana bamugaso kubanga bantu. Ebiseera ebimu abantu abakulu bafaanana okwerabira nti abaana bantu abalina emmeeme ezibeerera n’obusobozi obutamanyiddwa.

Katonda yawa abantu ba Isiraeri ey’edda endagaano. Yasuubiza okubawa omukisa n’okubalabirira. Yabawa ebyetaagisa okumugondera.

Katonda yayagala endagaano ebeere ya mirembe gyonna. Yabagamba nti, “ebigambo bino bye nkulagira tobyerabiranga; onoobikuuma mu mutima gwo, era onoonyiikiranga okubiyigiriza abaana bo” (Ekyamateeka Olwokubiri 6:6-7).

Okukuza abaana nga bagoberera okwagala kwa Katonda kyali kikulu mu ndagaano eno, kubanga emikisa mingi egya Katonda gyaliko obukwakkulizo era nga gisinziira ku bantu okugenda mu maaso nga bagondera Katonda. Singa omulembe oguddako gwalondangawo obutaba mwesigwa okugondera Katonda, awo baafirwanga emiganyulo egy’okukolagana naye. Ekyo kyali kitegeeza nti okuuyigiriza abaana n’obwegendereza kwali kwetaagisa.

► Olowooza Isiraeri yandikoze etya okukakasa nti abaana baabwe bakola okusalawo okugoberera Katonda?

Katonda yabawa endagiriro okutendeka abaana baabwe.

Era munaabiyigirizanga abaana bammwe, nga mubinyumyako, bwe munaatuulanga mu nnyumba zammwe ne bwe munaabanga mutambula mu ŋŋendo zammwe, bwe munaabanga mugenda okwebaka, era ne bwe munaabanga mugolokose. Era munaabiwandiikanga ku myango gy'ennyumba zammwe ne ku nzigi zammwe (Ekyamateeka Olwokubiri 11:19-20).

Katonda yali agezaako kutegeeza ki? Baalina okunyiikira okusomesa, buli kaseera, era obutalekera, si lumu nalumu. Baalina okubeera nga batimbye amateeka mu bifo ebirabika okubajjukizanga. Baalina okulaba ebyawandiikibwa buli wantu. Tebaalina kwerabira oba obutafaayo eri amateeka ga Katonda.

Okusomesa bulijjo kyali kitegeeza nti tebajja kubeera nakutonatona oba ebinyumu oba enneeyisa ekontana namateeka ga Katonda.

Kale, ennyiriri zino zissa essira ku bazadde okubeera n’obuvunaanyizibwa okusomesa abaana baabwe obulungi bwa Katonda buli kaseera era obutalekera awo n’okubakuuma eri enjigiriza nebyokulabirako ebitajja kukola nga bwe kisaanidde.

► Ekiragiro kino kyaweebwa abazadde. Biki bye tulina okukolako mu buweereza bwe kkanisa?

Ekisooka, tumanyi nti okutendeka abaana kye kisooka okubeera obuvunaanyizibwa bwa bazadde. Ekkanisa erina okuyigiriza abazadde engeri y’okuyigiriza abaana baabwe. Tetulina kukitwala nti abaana balina okuyigirizibwa mu kkanisa yokka olw’okuba nti abazadde tebasobola kukikola.

Eky’okubiri, ekkanisa erina okuweereza eri abaana nga esinziira ku maka nga bwesobola. Yamba abaana nga oyamba abazadde baabwe. Nga tubuulira enjiri, ekkanisa erina okugezaako okusikiriza amaka okujja mu kkanisa.

Abaana abamu abava mu maka agatali Makristaayo bajja mu kkanisa ne batandika okugoberera Kristo. Ekyo bwe kibeera bwe kityo, ekkanisa erina okugezaako okubuulira amaka ago. Abazadde bwe bagaana okukkiriza, ekkanisa erina okubeera amaka ag’omwoyo eri abaana. Bamemba mu kkanisa balina okubeera nga aboluganda ba baana bano abakulu ababalaga okufaayo okw’omwoyo.

► Osobola kugeraageranya otya obuwangu bw’obuweereza bwa baana mu kkanis emu?

Obuweereza bwo eri abaana buba tebukola bulungi wadde nga...

• Abasomesa nga balina obusobozi obwamaanyi.

• Omuwendo gwa baana nabasomesa yeyongera.

• Abaana bayiga ebya Baibuli.

• Abasomesa bakozesa ebyokuyiga ebiri ku mulembe.

• Abaana banyumirwa obuweereza.

Ebisaanyizo ebyo birina okubeerawo singa obuweereza eri abaana buba bwa kutuuka ku buwanguzi. Obuweereza bwe buba nga tebubirina, wajja kubeerawo ebizibu. Wabula, kisoboka obuweereza okubeerako ne bimu ku bisaanyizo bino, oba byonna, naye ne bubeera nga bulemwa.

Obuweereza bwo eri abaana buba buwanguzi singa...

• Abaana bwe bakyuka ne babeera n’obukakafu obw’obulokozi.

• Abaana baba nga bagenda bakula mu mwoyo.

• Abaana bwe bagenda nga bakula, bagoberera ennono z’Obukristaayo.

Obuweereza bwo tebutuuse ku buwanguzi n’omwana...

• Si mugoberezi wa Kristo.

• Alondawo okugoberera ab’okulabirako abensi.

• Bwagoberera ebinyumu ebibi ne mikwano emibi nga bwagenda akula.

• Bwagaana okwagala kwa Katonda eri obulamu bwe nagoberera ye byayagala.

Okutereeza obulamu okukwatagana namazima ga Katonda guba mulimu gwa buyigirizwa. Kubeera kuzimba muntu okumufuula omukulu mu kugoberera Yesu. Ekiseera ekyokukyuka tekigatta butereevu amazima ga Katonda okuyita mukulowooza kwomuntu kwonna, endowooza ze, byateebereza, ne ngeri gyatambuzaamu obulamu. Okukwasaganya amazima kitwala ekiseera. Ogwo gwe mulimu gwennyini ogw’obuyigirizwa.

► Kiki kyolowooza kye wetaaga okusooka mu buweereza bwa baana?

Obuweeereza bwa baana bukola mangu ekibiina kyabantu nga mwotwalidde abaana nabantu abakulu abakirimu. Ekibiina ekyo kirina abakulembeze mu butonde, abantu abakyusa abalala ne mbeera zaabwe ez’obuntu, ewadde nga tebali mu bifo ebitongole. Mu bantu abakulu ne mu baana mulimu abakulembeze mu butonde bwabwe.

Ekyetaagisa ekisooka eri obuweereza ye mbeera ey’Obukristaayo nga eraga embeera ey’omwoyo. Mu mbeera eyo mwosobola okukuliza abakristaayo abakyali abato mu ndowooza yaabwe, mu mubiri, mu mwoyo, and ne nkolagana nabalala.

Ekyo kitegeeza nti abantu abakulu bateekwa okubeera abantu nga kyakulabirako eky’omwoyo. Tosobola kukozsa bantu mu buweereza bwa baana abatali bakkiriza bamalirivu. Tosobola kukozesa baana abakyusa abantu abalala okugaana obubaka bwo.

Obuweereza bwo eri abaana bumaze okuba nga bulemwa...

• Abantu abakulu abayamba mu buweereza buno bakikola lwakubeera na busobozi obw’enjawulo oba ensonga endala, naye nga byakulabirako kirungi mu by’omwoyo.

• Abaana abatalina kwagala bintu bya by’omwyo bamaamira emboozi ne nkolagana yonna eyekibiina.

• Ebikolebwa byonna eby’omwoyo bikulemberwa bantu bakulu bokka awatali baana kubyenyigiramu nnyo.

• Abaana batono nnyo abaagala okukolera awamu n’okulaga okwagala eby’omwoyo, era bannaabwe abasinga tebabakkiriza kubeetabamu.

Tunuulira ekibiina kyabaana webuuze ebibuuzo bino. Singa omulenzi omupya atandika okujja mu buweereza bwaffe, baana ki mu kibiina abasobola okutandika okumugoberera? Singa omuwala omupya awandiikibwa, yandibadde agoberera ani? Okugoberera okwo kwandibadde kulungi oba kubi?

Ekyetaagisa ekisooka mu buweereza ye mbeera ennungi ey’Obukiristaayo. Obuweereza bwa baana buteekwa okutandika nga ekyetaagisa kino wekiri. Singa obuweereza buba nga bwakifiirwa dda ekyo, butekwa okulaba engeri y’okutandikamu obuggya, bwe kitaba bwe kityo tebujja kutuuka ku kigendererwa kituufu.

Okumanya Katonda kujja okuyita mu nkolagana.

Katonda bwe yayogera ne Yakobo, yeyogerako ye ani. Teyagamba nti, “Nze Katonda wensi,” oba, “Nze Katonda eyatonda ensi;” Wadde nga ebyo byombi byandibadde bituufu. Yagamba nti, “Nze Mukama, Katonda wa Ibulayimu jjajjaawo, era Katonda wa Isaaka.” (Olubereberye 28:13) Katonda yeraga okuyita mu bantu.

Ibulayimu yafuuka omusajja ow’okukkiriza era abalala bakkiriza Katonda olwa Ibulayimu. Omuddu we Elyeza yasabira Mukama we eri Katonda (Olubereberye 24:12).

Waliwo abantu abateekwa okumanya Katonda okusingawo olw’okuba nga ye Katonda wo.

Ebiseera ebimu tukitwala nti obuyigirizwa kwe kugamba obugambi abantu bye betaaga okumanya ne bye balina okukola. Si bwe kiri. Ekisooka, olina okubalaga obulamu bwe betaaga okugoberera. Bwe babeera baagala okubeera nga ggwe bwoli, awo bajja kuwuliriza byobagamba ku ngeri ki eyokukikolamu.

Obuyigirizwa kwe kuwuliziganya okw’obulamu. Engeri y’okutambuza obulamu, okwebigendererwa ne migaso emikulu, biva ku ayigiriza okudda ku muyigirizwa.

Ennono eyokukyusa obulamu okuva ku omu okudda ku mulala egamba nti obuyigiriza bubeerawo omusomesa bwasimba obulamu bwe, ne bigendererwa byabwo ne migaso emikulu, okubiteeka mu muyizi.

Abayizigiriza Abayudaaya mu kyasa ekisooka baategeera nti obuyigirizwa kwali kugaba bulamu. Omuvubuka bwe yayagalanga okubeera omuyigirizwa w’omuyigiriza, yasabanga omuyigiriza okumukkiriza. Singa yamukkirizanga, yatandikanga okugabana obulamu bw’omuyigiriza. Yabeeranga naye ebiseera ebisinga, si kuyiga njigiriza ye yokka naye ne ngeri gyatambuzaamu obulamu.

Yesu yayawukana ku mpisa eyekiseera ekyo nga alonda abantu abataamusaba kubeera bayigirizwa be. Naye, yagoberera empisa ey’okuyigiriza Nga abeera mu bulamu bumu nabo olwekigendererwa eky’okubagabira obulamu bwe.

Oluvannyuma lw’okufa n’okuzuukira kwa Yesu, abamu ku bayigirizwa be baakwatibwa ne batwalibwa mu kkooti yemu eyamusalira omusango. Olukiiko lwabalamuzi olw’okuntikko oba olyawo baalowooza nti ekizibu kyabwe kyali kiwedde okuva Yesu bwe yali amaze okuttibwa. Bakitwala nti bwe banaabakanga kangamu kijja kumala okutiisa n’okusirisa abagoberezi ba Yesu. Bwe baali babuuza abayigirizwa, baakiraba nti baali tebasomye nnyo, baali tebalina buyigirize bwenkana n’obwabo abaali babawozesa. Naye, ebyawandiikibwa bigamba nti Abalamuzi baabetegereza ne bamanya nti baaliko ne Yesu (Ebikolwa by’Abatume 4:13). Yesu yali atadde obulamu bwe mu bo.

Kiki kye baalaba ku Yesu ekyali mu bayigirizwa be? Yali nneeyisa ye oba engeri gye yayogerangamu? Oba olyawo; naye waaliwo ekisingawo. Baalaba obugumu obwava mu kuyitibwa okwa Katonda. Baalaba okumalirira okutaddirira eri amazima si nsonga kiki ekibatuukako. Baalaba oussaamun ekitiibwa obuyinza naye ne bagaana okwekkiriranya n’obunnaanfuusi. Mazima emitima gya bannabyabufuzi abo abali benguzi ne bannaddiini bannanfuusi giteekwa okuba nga gyakankana nga bategedde nti ebizibu byabwe bitandika butandisi. Yesu yali akubisizzaamu n’okwongera mu maaso ettutume lye okuyita mu buyigirizwa.

Omusawo omukugu Paul Brand yali yeetegereza abamu ku bayizi be abato abaali byakasoma obusawo nga begezaamu okukebera examining n’okutegeera endwadde eziruma abalwadde mu ddwaliro eriri mu Buyindi. Bwe yali ngatunuulira omu kubo nga akola ku mulwadde mu bukkakamu, yewuunya okulaba engeri amaaso gomusawo ono bwe gaakyukamu. Endabika yamaaso eno yafaananira ddala Ey’omusawo omulala omukugu Pilcher, eyakuguka mu kulongoosa abalwaddde eyasomesa Omusawo omukugu Brand e Bungereza. Omusawo Brand yannyonnyola omusawo omuto eyali ayiga nti yali yeyisizza mu ngeri emwewuunyisa kuba yamanya nti Omusawo omukugu eyamusonmesa Pilcher talinnyangako mu Buyindi, era yali tategeera ngeri ki omusawo ono omuto gye yasobolamu okumugeegenya. Ekyenkomerero, omu ku basawo abato yagamba nti, “Tetumanyi musawo yenna mukugu ayitibwa Pilcher, naye tumanyi Brand, ekyo kyolabe yakikoppa ku ggwe.”[1]

Kyosomesa nga togezaako kusomesa kye kisinga okukola ennyo ku bakiyize. Osomesa nnyo bwoba nga toli mu kiseera kyakusomesa. Nga omuntu omu bwe yagamba, “Oyigiriza kitono mu byoyogera, Oyigiriza nnyo mu ebyo byokola, ate n’oyigiriza okusingawo olw’ekyo kyoli.”

Wegendereze amaanyi agali mu kyokulabirako kyo. Buli kiseera oba osomesa. Oyigiriza okusinga n’obulamu bwo.

Olaga omuyigirizwa engeri yokwanukulamu eri ebizibu bye engeri ggwe yanukulamu ebizibu byo.

Ekisa, okufaayo, nokugumiikiriza bikulu olwokuyamba abaana. Abantu abamu basobola okubeera nekisa kingi, okufaayo, n’okugumiikiriza nabaana okusinga abantu abalala.

Olaga nti omuntu omutwala nga ow’omuwendo bwomuwa ebirowoozo byo byonna. Toyanguyiriza nga oyogera naye. Lowooza ku lulimi omubiri gwo lwe gwogera singa oba nga tomutunuulidde, nga ovaawo nogenda ku kyokukola ekirala, okubaako ne kyokola ekirala nga ayogera naawe, oba okumujjako ebirowoozo nobissa ku muntu omulala.

Wemanyiize empisa ennungi ez’okuwuliriza. Obubonero obwokuwuliriza okulungi mulimu okutunuulira mu maaso butereevu, okuba nga omusizzaako ebirowoozo, sobutafa ku bibuzaabuza, nokwanukula omuntu mu ssanyu oba ebiowoozo ebirala.

Bwoba nga ddala oteekwa okwanguwa nga tosobola kuyimirira kuwuliriza, osobola okumunnyonnyola. Ekyo tekijja kubanyiiza singa otera okubawuliriza nga bwe betaaga. Naye singa okutwaliza awamu okola nnyo nga tolina budde bwakumala nabo, nga olowooza nti olina okubaako kyomaliriza, wetaaga okulekera awo olowooze ku mulimu gwo gweguliwa gwoteekeddwa okukola.

► Baana ki abali mu bulamu bwo? Makubo ki mwosobola okubalagira nti baamugaso? Olina emize gyolina okukyusa?

Okubeerawo kwaffe eri Katonda kwa mugaso nnyo okusinga obusobozi bwaffe. Katonda ayagala okubeerawo kwaffe okusinga obusobbozi bwaffe. Katonda agaba obusobozi obwetaagisa okutuukiriza okuyitibwa kwe.

[2]Abavubuka batera obutaba batebenkevu mu bintu bingi. Okuva ku lunaku olumu okutuuka ku luddako basobola okulabika nga abomwoyo ate olulala ne balabika okuba abajeemu, okuva mu kubeera abagabi ne bakodowala, oba okweyisa nga abakulu ate ne beeyisa nga abato. Ekyo tekiri bwe kityo kubanga bannanfuusi. Bakyakula bukuzi, nembeera zaabwe sizankalakkalira.

Abavubuka si batebenkevu, naye bakwetaaga okutebenkera mu kyobasuubiramu. Singa mu nakku zaabwe embi obagamba nti tebalina kye bajja kubeera mu nsi, you oba osizza wansi ebyo bye basuubira okubeera. Tebannaba kumanya kiki kye bagenda okubeera, era okugeraageranya kwo kubareetera okubeera ekyo kye bafuuka.

Yogera nnyo kuntegeka ya Katonda eyenjawulo mu bulamu bwabwe. Bagambe nti Katonda buli omu yamuwa obusobozui obw’enjawulo. Yogera ku kumatira okuli mu kuzuula okwaagala kwa Katonda.

Omuvubuka ngalina obusobozi bw’obukulembeze asobola okubeera ne birowoozo ebirungi naye natasobola kuleka ebirowoozo ebibi. Ekintu kyokukula bwe busobozi okwawula wakati w’ebirowoozo ebirungi ne bibi. Muyambe okuyiga amagezi, naye tomukugira kubeera nabirowoozo.

Ekisinga byonna, jjukira nti Katonda yalina enteekateeka eyabuli muntu esembayo, era akola ekisoboka okugituukiriza. Saba okutegeera osobole okukola ne nteekateeka ya Katonda eyokukulakulana kw’omuyizi. Saba ebyamagero ebyekisa n’obugabirizi mu bulamu bw’omuyizi ebijja okumutereeza mu kkubo ettuufu.

► Bisaanyizo ki ebimu ebyenkola ey’okusomesa ennungi? Bwolaba omuntu ngasomesa, Omanyira ku ki nti musomesa mulungi?

Omusomesa yafuga enkola ey’okusomesa. Waliwo ebintu ebiwerako ku nkola ay’okusomesa omusomesa byalina okutegeka n’obwegendereza.

(1) Emisinde Egy’okuyigiririzaako

Abantu balinga ebibya mwe bateeka ebimuli ebirina emimwa emifunda. Singa oyiwamu amazzi nga oyanguya, amalala gayiika bweru. Bwosomesa nga oyanguyiriza, tebajja kuyiga byosomesa. Omuntu bwagenda ngayiga ebipya, ateekwa okubikwasaganya nebyo byamanyi. Ateekwa n’okulowooza ku ngeri ki bino byayize gye binaakolamu mu bulamu bwe. Olwekyo, waliwo ekkomo ku misinde omuntu gyasobola okuyigirako.

Kisingako okusimba ensonga emu mu ngeri etasobola kwerabirwa okusinga okusomesa ensonga ennyingi zebajja okwerabira. Kiba kisingako bwe bayiga engeri yokuteekera ddala mu nkola endowooza emu okusinga okuwuulira ebint ebingi bye batalabamu na makulu.

(2) Okukubaganyiza awamu ebirowoozo

Abantu abasinga betaaga okukubaganya ebirowoozo nababala mu kiseera ekyokuyiga. Betaaga okuba nga babuuza ebibuuzo n’okuddamu kye bayiga mu bigambo byabwe. Singa enkola yomusomesa eba tekkiriza kwogeraganya okuva eri abamuwuliriza, tebajja kuyiga bingi.

Osobola okwanjula omulamwa nekibuuzo, nga “Lwaki kikulu nnyo oku...?” oba “Kintu ki ekisinga obukulu kyomanyi ku ...?” Totwala biseera bingi mu kwanjula nga oyogera, naye kukozese okubaagazisa byogenda okusomesa.

Bwomala okubaako ne byoyogera, osobola okubabuuza ekibuuzo ekinnyonnyola endowooza eyo mu ngeri yaabwe. Ekyokulabirako, “Nsobi ki omuntu mu lugero luno gye yakola...?” oba “Lwaki kikulu gye tuli oku...?” Buuza ebibuuzo ebiteekwa okuddibwamu nokunnyonnyola, mu kifo kye bibuuza ebiddibwamu nti yee oba nedda. Ebibuuzo birina okubeera nga byangu ekimala okuba nti ebisinga bibeera ne byokuddamu ebirungi okuva eri abaana. Bajja ku bikoowa singa eby’okuddamu byabwe bitera okubeera nga si bituufu.

• Tokaka muyizi okugabana ekintu ekimukwatako. Mu kifo kyekyo, gezaako okutondawo embeera gyajja okuwuliriramu emirembe okwogera.

• Tokkiriza bamu bokka okuba nga be bogera. Osobola okubuuza ekibuuzo oyo omusirise: “Kiki kyolowooza, Kalooli?” Olina okuwagira abalala okwetaba mu kwanukula ebibuuzo: “Abalala mwe mulowooza mutya?”

• Tokkiriza bantu mu kibiina kwogera bokka na bokka nga tebafa ku balala.

• Tokkiriza muntu yenna kuvvuunula wadde n’omwana ayogera.

• Gezaako okukakasa buli ekyogerwa nga tonnaba kukikolokota. Bwe kiba kyetaaga kutereeza, gezaako okukitereeza nga bwokinnyonnyola.

(3) Omugaso

Bulijjo webuuze ekibuuzo, Lwaki ekyokuyiga kino kikulu?” Singa oba tomanyi, nabo tebajja kumanya. Kino kijja kukola njawulo ki mu bo? Waliwo ebintu bye balina okuteeka mu nkola mu bulamu bwabwe? Bwoba tolina kyosobola kulowoozaako, nabo tebajja kusobola.

Singa balaba nti omutwe gwa mugaso gye bali, bajja kuwuliriza okusingawo. Okusobola okufuga ekibiina, wemalire ku kufuula omutwe gwosomesa okubeera nga gwagalibwa okusiinga okukuuma empisa.

(4) Obukulu Bw’ekintu

Laga ebiva mu mazima goyigiriza. Kiki ekibeerawo abantu bwe bakimanya ne bakigoberera? Kiki ekibeerawo abant bwe bagaana amazima gano?

Bajjumbize ne miramwa egyamaanyi. Wewale okumala obudde obungi ku nsongsa entono. Bawe obujulizi ku bantu abalal abatambulira mu mazima g’ogabana nabo. Tebajja kijjukira ngeri gyobisengeseemu, naye bajja kujjukira byobanyumirizza.

Banyumize ku bazira. Banoonya abantu bebegomba n’okulabirako. Babuulire ku bazira ab’okukkiriza—si abo bokka abaalaba obulabi ebyagero ebyamaanyi, naye abo abaakola ebintu ebinene olwamaanyi ga Katonda. Bayambe okutegeera nti omulimu gw’ekkanisa okubunyisa enjiri nokufuula abayigirizwa kwe kusomooza okusinga obunene era omulimu ogusinga okumatiza mu nsi.

(5) Ebirabika

Singa kisoboka, kozesa ebifaananyi ebyalangi nga onyumba emboozi. Bwoba nga oyigiriza endowooza, wandiika ebigambo ebikulu ne bigambo ebirala ku lubaawo. Bajja kubijjukira bulungi singa babiraba n’okubiwulira.

(6) Ekikolwa

Abantu bayiga nga bateeka mu nkola. Abaana basobola okuyiga nga baliko ekintu kye bakola oba okubaako ekintu kye bazzanyamu omuzannyo. Omusomesa ayinza n’obalagirira okuzannya omuzannyo gwa Baibuli nga bwaguyigiriza. Kino kitwala obudde, olw’ekyo oyinza obutasobola kuzannya mboozi yonna ne ggwayo, naye olina okufuna engeri gyotekamu ebikola buli kiseera.

► Bamemba abamu basobola okwogera ku masomo agaakaggwa oba okubuulira kwe bayogerako ne bannyonnyola engeri gye bandikozesezza engeri zino ezenkola ey’okubuulira mu ngeri esinga. Abamu bandisobodde okunnyonnyola kiki kye bakola okuteeka mu nkola bino byonna.

Buli lupapula olw’ekitabo ekitaliimu bigambo lwa langi ndala olukiikirira ekitundu ku njiri.

Wammanga kwe kufunza okw’obubaka obugendera ku buli lupapula. Bwokozesa ekitabo ekitaliimu bigambo, olina okwongera ku lkunnyonnyola omwana omuleke okubuuza eibuuzo.[1]

Wetegereze: Abantu abamu basoosa lupapula oluli mu langi ya zaabu, ne bazzaako oluddugavu, ne beyongerayo ne ntegeka bweti.

Ekiddugavu: Ekiddugavu kitujjukiza ekibi, ebintu ebibi bye tuba tukoze. Baibuli egamba nti buli muntu yayonoona. Olwekibi, tuli mu buzibu ne Katonda. (Mu kaseera kano, olina okusaba omwana akkirize nti mwonoonyi.)

Ekimyufu: Amawulire amalungi gali nti Yesu, Omwana wa Katonda, eyafa kulwaffe tusobole okusonyibwa. Ekimyufu kiri mu kifo ky’omusaayi gwa Yesu. Yesu yafa, naye yazuukira mu bafu era atuteekerateekera eggulu.

Ekyeru: Katonda bwatusonyiwa atutukuzamu mitima gyaffe. Ajjawo ebibi byonna bye twakola. Osobola okwegayirira nosaba Katonda okukusonyiwa. Katonda mwetegefu okukusonyiwa Singa onakuwala olw’ebibi byo.

Zaabu: Zaabu akiikirira eggulu, ekifo Katonda gyatuteekerateekera. Obulamu bwaffe wano kunsi bwe buggwawo, tujja kubeera ne Katonda mu ggulu etali nnaku, kulumwa, oba ekibi.

Kiragala: Bwosonyiyibwa, obeera mwana wa Katonda. Ojja kukula munkolagana yo naye. Kiragala ategeeza ojja kuyiga ebisingawo ku Katonda era oyige engeri gyayagala obeeremu. Olina okusoma Baibuli yo, saba buli lunaku, nawuliriza abalala abamanyi engeri yokubeera okumpi ne Katonda.

(1) Ddamu otunuulire ebiri mu ssomo lino wansi w’omutwwe “Ennono Y’empuliziganya Mu Bulamu.” Lowooza ku nkolaganayo nabaana, si mu kusomesa kwokka, naye buli lwobasisinkana. Kiki kyewetaaga okukyusa? Yogerako n’omuntu akumanyi obulungi. Mulage ebiri mu ssomo omunnyonnyole engeri gyewegeraageranyamu. Babuuze endowooza yabwe ey’obwesimbu. Wetaaga okubabuulira nti wakola ku kyokukolako kino, naye osobola okusalawo oba obannyonnyola okugenda ewala kukwegeraageranya kwo oba nedda.

(2) Tegeka essomo oba okubuulira okwa baana. Bikole bulungi nobwegendereza okozese ebintu omukaaga ebyenkola yokubuulira. Beera mwetegefu okunnyonnyola engeri gye wabikolamu.

(3) Noonya engeri yokugula oba okukola ekitabo ekitaliimu bigambo. Yiga engeri yokwanjula era era okyanjule eri abantu wakiri basatu. Wandiika omuko nga onnyonnyola buli kyokoze.