► Tuteekeddwa okusabira abatakkiriza? Wa mu Baibuli awatugamba nti tusabire abatakkiriza?

Si kyangu okusanga olunyiriri mu Baibuli olwogera obutereevu nti tulina okusabira abatakkiriza okukyuka. Ennyiriri ze tusangamu zezo ezitugamba okusaba enjiri ebune wonna (2 Abasessaloniika 3:1, Abaefeso 6:19, Abakkolosaayi 4:4, Ebikolwa by’Abatume 4:29).

Tumanyi nti tulina okusabira abonoonyi bakyuke nga bwe tusabira ne njiri okubuulirwa. Tugambibwa okusabira buli muntu, omuli okusaba nti abatakkiriza basobole okukyuka (1 Timoseewo 2:1). Tugambibwa okugezaako okuleeta abantu eri okwenenya (2 Timoseewo 2:25), era kiba kisaanidde okusaba okuyambibwa Katonda mu mulimmu ogwo.

Ekkanisa bwebeera nga ekola bulungi, okubuulira enjiri kufaanana okwekolako mu ngeri ayabulijjo. Mu mulembe ogwasooka ogw’ekkanisa ogunnyonnyolwa mu kitabo Ebikolwa by’Abatume, kirabika nga buli omu bwe yali asaasaanya enjiri.

► Omuyizi alina kusoma Ebikolwa by’Abatume 2:46-47 eri ekibiina.

Nga bwe kirabika okubeera, obumu bwekanisa bwali bwa maanyi nga bulamu okuba nti bwali buleeta buleesi abantu eri ekkanisa. Kino kitulaga nti singa ekkanisa eba tesikiriza bantu bapya, obumu bwabwe tebubeera bwamaanyi nga bwe bwandibadde.

► Omuyizi alina kusoma Ebikolwa by’Abatume 5:42 eri ekibiina.

Abatume nabalala bafuna omukisa ogw’enjiri buli wamu era ekiseera kyonna. Amakanisa agamu gabadde tegabuulira njiri, era tebeekakasa ngeri yakutandikamu. Tebamanyi ngeri yakufunamu mukisa gwa kubuulira njiri.

► Omuyizi alina okusoma Ebikolwa by’Abatume 8:1-4 eri ekibiina.

Olw’okuyigganyizibwa, abantu bangi baava e Yerusaalemi ne bagenda okubeera mu bifo ebirala. Bagabananga enjiri mu bifo yonna gye baalaganga. Eri bo, okugabana enjiri kyali kitundu ku bulamu Obukristaayo.

Olina okwewala enkaayana ezikwata ku makanisa amalala mu maaso gabatakkiriza. Togezaako kukolokota makanisa malala nga ogabana enjiri. Abatakkiriza tebalina kwawula kwa mwoyo okuba nga batuuka ku kusalawo okutuufu mu nkaayana zeddiina. Abantu bangi mu nsi bagamaba nti obukuubagano mu Makanisa ye nsonga lwaki tebakkiririza mu Bukristaayo.

Singa abamu balemerako okubuuza ku njawukana mu njigiriza, bawe eby’okuddamu ebiri mu Baibuli, naye gezaako okumukomyawo ku ekyo ekikulembera, enjiri. Osobola okwogera nti, “Ebibuuzo bwe bityo bikulu, naye ekintu ekisinga obululu kwe kulokoka n’okubeera mu nkolagana ne Katonda.” Bwe bakubuulira ku Mukristaayo gwe bamanyi, oba olyawo waluganda lwabwe oba musumba, togezaako kwogera bintu bikolokota njigiriza ya muntu oyo.

Bwoba wetaaga okunnyonnyola lwaki ekkanisa yo yanjawulo ku ndala, Osobola okugamba, “Kikulu nnyo omuntu okuba nga yeenenya ebibi, okusonyiyibwa, n’okubeera ngotambulira mu kugondera Katonda. Ekkanisa yaffe essa esira ku kukulembeza ekyo, awo tubeera banjawulo ku makanisa amalala agassa essira ku kintu ekirala.”

Abakkiriza abamu batya okubuulira kubanga batya ebibuuzo ebizibu. Kirungi okusigala nga oyiga, naye ekintu ekikulu kiri nti abakkiriza abasinga tebamanyi ngeri ya kwanukulamu bibuuzo byonna ebizibu. Tewetaaga kumanya bya kuddamu byonna.

Singa omuntu abuuza ekibuuzo kyotasobola kuddamu, osobola okugamba bwoti: “Simanyi kyakuddamu kisinga ku kibuuzo ekyo. Omuntu mu kkanisa yaffe asobola okukuyamba okukiddamu . Naye nzikiriza Baaibuli, era nzikiriza nti ekintu ekisinga obukulu kwe kumanya Katonda nokulokoka. Mmanyi engeri gyosobola okulokokamu.”

Singa omuntu agamba, “Sikkiriza Baibuli,” oba “Sikkiriza mu Katonda,” waliwo engeri bbiri ez’enjawulo zoyinza okutwalamu maaso emboozi eyo. Osobola okumubuuza ensonga lwaki alowooza nga bwalowooza ogezeeko n’okumuwa obukakafu. Engeri endala kwe kumugamba, “Oba olyawo kino wakirowoozaako era notuuka nokukiwa amakulu kyekitegeeza. Naye, wadde nga tokkiriza Baibuli, nga omuntu omugezi wetaaga okumanya obubaka obukulu obwa Baibuli. Nsobola okukulaga obubaka buno?” Bwokola kino osobola okugabana enjiri nga tokaayanye. Katonda asobola okukozesa obubaka okumukolako oluvannyuma.

Bwoba obuulira enjiri, oyinza okusisinkana omuntu ayagala obwagazi okukaayana. Oteekwa okwewala okwonnona ebiseera ebingi nga oli naye. Ne bwoyogera ebintu ebituufu byonna, oba olyawo tajja kukkiriza mazima. Gezaako okugabana ebintu ebikulu eby’enjiri, awo weyongereyo oyogere n’omuntu omulala.

► Omuyizi alina okusoma Tito 1:9-11 eri ekibiiina. Ennyiriri zino kiki kye ziwa nga ensonga okuba nga tulina okulwanirira enjiri?

Ekimu ku busobozi omusumba bwalina okuzimba bwe busobozi okulwanirira amazima ge Kristaayo eri amagezi gensi. Kino tekyogera ku kukaayana okukwata ku njigiriza eza makanisa ag’enjawulo, ensi okuwakanya enjiri.

Ensonga lwaki tuteekwa okulwanirira amazima si kukyusa muntu awakana kyokka, naye n’okuyamba abantu abamuwuliriramu. Abantu bangi tebannaba kusalawo kye balina bakkiriza. Betaaga okuwulira nga amazima ge Kristaayo galwanirirwa.

Abakkiriza abasinga tebafunanga kutendekebwa mu bujjuvu ku ngeri ki ey’okukwatamu okukaayana okwengeri eno. Buli mukkiriza alina okuyiga ennyo nga bwasobola, naye abamu balina ekirabo mu ngeri ey’enjawulo era betegefu okukola omulimu ogwo.

Mu kiseera ekyokukaayana, kiba kikulu okulaga ekigenderwa kyo. Tetugezaako kuwangula mpaka. Tolwanyisa muntu nga omulabe wo. Wetaaga okulaga nto amazima ga mugaso nnyo gyoli kubanga ofaayo ku bantu. Singa aba takkiriza njiri, emmeeme ye ejja kubula. Eyo yensonga lwaki wetaaga okukyusa endowooza ye. Osobola okumugamba ekifaanana bwe kiti, “Njagala omanye Katonda era olokoke, naye ntiddemu kubanga okkiriza ekintu ekitajja kukuleeta eri Katonda.”

Tulina obuwandiike mu biseera bya Baibuli omubulizi w’enjiri nga afuna omukisa ogw’enjawulo okugabana enjiri.

► Omuyizi alina okusoma Ebikolwa by’Abatume 8:26-39 eri ekibiina. Omuyizi omulala asobola okusabibwa okufunza olugero eri ekibiina. Omwoyo wa Katonda yali akola atya mu kikolwa kino? Firipo yategeera atya omuisa gw’okubuulira enjiri?

Eky’okulabirako ekirala eky’omubuulizi w’enjiri eyategeera omukisa gw’okubuulira enjiri ye Yesu yennyini.

► Omuyizi alina okusoma Yokaana 4:7-14 eri ekibiina. Omuyizi omulala asobola okusabibwa okufunza olugero.

Emboozi eno wakati wa Yesu n’omukazi Omusamaliya mwalimu emitwe egikwata ku bukuubagano bwa mawanga, obutakwatagana mu ddiini, nebikolebwa mu bulamu. Yesu teyamala biseera bingi ku mitwe egyo, naye yaluŋŋamya emboozi nagitwala ku kyetaago kyomukazi ekyomwoyo.

Bwomanya okuyiga engeri yokubuuliramu enjiri, ojja kunoonya emikisa gyokugigabana nabantu. Ebiseera ebimu ne bimu, omuntu asobola okusaba okumubuulira enjiri, naye emikisa bwe gityo tegitera kulabika.

Abakkiriza abamu bawulira nga ekizibu okugabana enjiri kubanga balowooza nti abantu tebaagala kuwulira njiri. Balowooza nti kizibu okutandika emboozi ekwata ku ddiini.

Enjiri ekwata ku bintu bingi ebyeraliikiriza abantu. Olwekyo, si kizibu okwanjula enjiri mu mboozi.

Mu ssomo, tujja kuzzaako kwogera ku nsonga abantu ze balina okuba nga baagala enjiri.

Abantu balina ebigendererwa eby’enjawulo ezibakkirizisa obulokozi. Ebiseera ebimu bibeera bigendererwa bikyamu, naye waliwo ebigendererwa ebituufu bingi.

► Ensonga yo ey’okukkiriza enjiri yali ki? Leka abayizi abawerako bannyonnyole ensongazaabwe ezabaleetera okukyuka.

Bino byebimu ku bigendererwa ebireetera abantu okwagala obulokozi.

• Okugenda mu ggulu, si mu ggeyeena (oba okutya okusalirwa omusango)

• Okutuukiriza ekigenderwa mu bulamu

• Okubeera nobukakafu, emirembe, ne ddembe obutatya

• Okusonyiyibwa, dembe obutawulira musango (endowooza ennungi)

• Okubeera omulongoofu mu mwoyo ate omujjuvu

• Okussa ekimu ne Katonda (okumanya Katonda)

• Okussa ekimu nabagoberezi ba Kristo

• Okumatira ebyagalibwa eby’omwoyo (essanyu erya namaddala)

• Okunulibwa mu kibi

• Okumanya amazima

Gino gye miganyulo egijja obutereevu egy’okutabagana. Si byansi ebitakwatagana na birungi ebitaggwawo. Omuntu ebintu bino taba nabyo singa aba ayawukanye ne Katonda.

► Tunuulira olukalala luno olowooze ku biriwa eby’omugaso gyoli. Biriwa ku byo ebyakusikiriza nga tonnaba kukyuka? Biriwa ku byo ebyafuuka eby’omugaso nga tonnaba kukyuka?

Atakkiriza asobola okulaga mu mboozi ye nti awulira nga yetaaga ogumu ku miganyulo gino egy’obulokozi. Omubuulizi w’enjiri asobola okukyusa engeri y’okubuulira kwe neba nga eyogera ku kyetaago kino. Gamba, “Ensonga lwaki abantu tebalina ______ eri nti baawukanye ne Katonda. Baibuli etubuulira engeri y’okukomawo mu nkolagana ne Katonda.”

Kikulu okukakasa nti tetusuubiza ssanyu lya nsi eri omuntu yenna ajja okufuuka Omukristaayo. Omuntu asalawo okugoberera Kristo olwensonga eyo oba olyawo teyeenenyerezza ddala kibi era, olwekyo, tajja kufuna miganyulo gya bulokozi. Ensonga endala eyobutasuubiza ssanyu lya nsi eri nti Baibuli tesuubiza mbeera nnungi eri omukkiriza; mu kifo kyekyo, eranga kuyigganyizibwa (2 Timoseewo 3:12).

Ensonga esingira ddala obukulu omuntu okufuuka omugoberezi wa Kristo eri nti ategeera omusango gwe n’okusala omusango okugenda okujja. Ebintu ebirala ebiri ku lukalala waggulu bisobola okukozesebwa okuyamab omuntu okutegeera nti ayawukanye ne Katonda.

► Miwaatwa ki gyokozesezza okufuna omukisa okugabana enjiri?

► Kyali kirabiseko nga ekizibu eri omuntu yenna ku mmwe okufuna omukisa okugabana enjiri? Olowooza lwaki kiri bwe kityo?

Ebiseera ebimu omukisa gujja mangu. Mu mbeera nga ezo, otandika butandisi okunnyonnyola enjiri. Singa oba oyagadde okubalaga ennyiriri mu byawandiikibwa, osobola okubuuza, “Nyinza okukozesa eddakika ntono okukulaga Baibuli kyegamba ku ngeri gyosobola okufuuka Omukristaayo.” Singa oba oyagala okulaga enkola ey’ekifaananyi eky’olutindo, osobola okubuuza nti, “Nsobola okutwalayo eddakika bbiri okukulaga ekifaananyi ekiraga Baibuli kyegamba nti lye kkubo okumanyira ddala nti oli mulokole?”

Emiwaatwa girabikira mu kunyumya ku bintu ebyenjawulo. Okuggulawo okunyumya kwonna okunnyonnyoddwa wano kusobola okukozesebwa nga okozesa ekifaananyi ekyenkola ey’olutindo oba okwanjula enjiri nga okozesa ebyawandiikibwa ebiri mu nkola ey’oluguudo lwe Ruumi.

► Bameka abawudde abantu nga bemulugunya ku mbeera embi ey’obulamu bwabwe?

Ebiseera ebimu abantu beemulugunya ku mbeera enkalubo mu bulamu bwabwe. Buuza, “Lwaki obulamu buzibuwala nnyo?” Oluvannyuma lw’okwanukula, gamba, “Nyinza okukulagako ekifaananyi ekiraga lwaki obulamu buzibuwala nnyo?” Tandika nga ogamba nti Katonda yagenderera ffe okubeera mu nkolagana naye era teyagenderera bulamu kubeera nga bwe buli. Ensi yayonoonebwa ekibi. Genda mu maaso nga olaga ekifaananyi.

Okukozesa enkola okuva obutereevu mu byawandiikibwa, nga ey’oluguudo lwe Ruumi, osobola okugamba nti, “Baibuli ennyonnyola nti obulamu buzibu kubanga ffenna twayonoona. Ekibi kyaleeta ekikolimo ku nsi.” Genda mu maaso nga okozesa ekifaananyi eky’oluguudo lwe Ruumi.

Singa omuntu afaanana okuba munaddiini, osobola okumubuuza kiki kyakkiriza ekisinga obukulu. Oba osobola okumubuuza, “Kiki kyokkiriza nti yengeri omuntu gyasobola okumanya nti ajja kugenda mu ggulu?” Oluvannyuma olw’okuwulira okyoddamu kye, buuza “Nsobola okutwalyo eddakika bbiri okukulaga ekifaananyi ekiraga Baibuli kyeyogera ku ngeri omuntu gyasobola okugenda mu ggulu?”

► Wali owulidde abantu nga bogera ku mbeera embi eri mu nsi oba ebizibu bye ggwanga? Kino osobola kukikozesa otya nga omukisa okubuulira enjiri?

Singa omuntu aba ayogera ku bizibu bye ggwanga, enjala eri mu nsi oba obwavu, oba akabi akentalo, buuza, “Nkulage ebyawandiikibwa ebimu ebinnyonnyola lwaki ensi eringa bweri?”

Laga nti embeera yensi eri bwetyo lwakuba nti abatakkiriza baawukanye ne Katonda. Tolaga nti obulokozi bujjawo mbagirawo ebizibu byonna, naye laga nti obulokozi bw’omuntu yentandikwa ya Katonda okumalawo byonna. Olunaku lumu wajja kubeerawo eggulu eriggya nensi empya era ebizibu ebyotebijja kubeerawo eri abo kati abamaze okutabagana ne Katonda.

Ebibuuzo bisobola okukozesebwa okutandika emboozi, awo emboozi neggulawo omukisa ogw’okubuulira enjiri.

Ekibuuzo ekisingira ddala obwangu kwe buuza nti “Oli Mukristaayo?” Abantu abasinga ekyo ekibuuzo tekibanyiiza. Singa omuntu agamba nti, “Nedda,” osobola okubuuza, “Nkubuulire Baibuli kye gamba ku ngeri omuntu gyafuuka Omukristaayo?”

Singa omuntu agamba nti, “Yee, Ndi Mukristaayo,” osobola okugamba nti, “Ekyo kirungi nnyo. Wafuuka otya Omukristaayo?” Singa kyaddamu kibeera kikyamu oba omuntu nalabika ngasobeddwa, Osobola okumubuulira kiki Baibuli kyeyogera ku ngeri omuntu gyafuuka Omukristayo.

Ebibuuzo bye tulabye waggulu bisobola okukozesebwa nga ebibuuzo ebitanndika mu mboozi. Wammanga waliwo ebibuuzo ebirala.

“Kiki kyolowooza okuba ekigendererwa ky’obulamu?” Muleke awe endowooza ye. Kkiriziganya na buli kirungi mu byayogedde. Omale ogambe, “Ekitundu ekisingira ddala okubeera ekikulu mu kigendererwa kyaffe kwe kumanya Katonda. Yatukolanga tulina kubeera mu nkolagana naye. Nkulage Baibuli kyeyogera ku ngeri y’okkujja n’obeera mu nkolagana ne Katonda?”

“Kiki kyolowooza okubeera ekisumuluzo kyessanyu?” Buli kye bateesa , osobola okugamba nti, “Abantu bangi abalina ekyo bafaanana obutaba basanyufu kumala bbanga ddene. Baibuli etugamba nti essanyu liva wa Katonda (Zabbuli 16:11). Nkulage ku kifaananyi ekiraga omuntu engeri gyajjamu okubeera ne nkolagana ne Katonda?”

“Okkiririza mu bulamu oluvannyuma lw’okufa? Olowooza bufaanana butya?” Ate, “Baibuli egamba buli muntu aligenda oba mu ggulu oba mu ggeyeena. Nkulage Baibuuli kyeyogera ku ngeri yokugenda mu ggulu?”

“Olowooza obubakla obukulu obwa Baibuli bwe buliwa?” Kino kikuwa omukisa okulaga ekifaanayi ekiri mu essomo 9.

► Waliwo omuntu eyakozesezza ku nkola ezifaanana zino? Zaakola zitya?

Si buli memba w’ekibiina nti ajja kuwulira emirembe na buli nkola ennyonnyoddwa mu ssomo lino. Kissoboka okuba nti buli nkola tebeera nnungi mu buli buwangwa.

Ekigendererwa ky’essomo kwe kuyamba omuyizi okufuna engeri eyiye ey’okuzimba enkola ye.

Essomo eriddako lirimu endagiriro ey’okugabamu obupapula obuliko obubakabwa Baibuli. Abayizi bajja kwetaaga okumanya wa owokufuna obupapula buno obw’okugaba. Bwe kiba kisoboka, buleete mu kuyiga okuddako.

Nga bwogenda mu maaso nokugabana enjiri mu wiiki eno, gezaako okukozesa ebimu ku bibuuzo bino oba kozesa ebibuuzo ebibyo. Wetegereze bwe bikola obiwandiikeko omuko ogunnyonnyola. Bino beera mwetegefu okubibuulira ekibiina mu lutuula oluddako.