(1) ਵਿਦਿਆਰਥੀ ਹੇਠਾਂ ਦੱਸੀਆਂ ਗੱਲਾਂ ਦੀ ਵਿਆਖਿਆ ਕਰ ਪਾਉਣਗੇ:

• ਯਿਸੂ ਦੇ ਮਸੀਹ ਹੋਣ ਦਾ ਕੀ ਅਰਥ ਹੈ।

• “ਪ੍ਰਭੁ ਯਿਸੂ ਮਸੀਹ ਦੀ” ਵਾਕ ਦੇ ਵਿੱਚ ਵਿਸ਼ਵਾਸ ਕਥਨ

• ਯਿਸੂ ਦੀ ਮਨੁੱਖਤਾਈ ਦਾ ਪ੍ਰਮਾਣ ਅਤੇ ਮਹੱਤਵ।

• ਯਿਸੂ ਦੀ ਈਸ਼ਵਰਤਾਈ ਦਾ ਪ੍ਰਮਾਣ ਅਤੇ ਮਹੱਤਵ।

• ਪਾਪਾਂ ਦੀ ਮਾਫ਼ੀ ਦੇ ਲਈ ਯਿਸੂ ਦੀ ਮੌਤ ਦਾ ਕਾਫੀ ਹੋਣਾ।

• ਮਸੀਹੀ ਵਿਸ਼ਵਾਸ ਦੇ ਲਈ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਣ ਦਾ ਮਹੱਤਵ।

• ਮਸੀਹ ਦੇ ਬਾਰੇ ਮਸੀਹੀ ਵਿਸ਼ਵਾਸਾਂ ਦਾ ਇੱਕ ਬਿਆਨ।

(2) ਵਿਦਿਆਰਥੀ ਸਿੱਖਣਗੇ ਕਿ ਦੂਸਰੇ ਧਰਮਾਂ ਦੇ ਲੋਕ ਮਸੀਹ ਦੇ ਬਾਰੇ ਕੀ ਕਹਿੰਦੇ ਹਨ।

► ਪਰਕਾਸ਼ ਦੀ ਪੋਥੀ 5:11-14 ਨੂੰ ਮਿਲ ਕੇ ਪੜ੍ਹੋ। ਇਹ ਵਚਨ ਸਾਨੂੰ ਯਿਸੂ ਦੇ ਬਾਰੇ ਕੀ ਦੱਸਦਾ ਹੈ?

ਬਾਈਬਲ ਭਵਿੱਖ ਬਾਣੀ ਕਰਦੀ ਹੈ ਕਿ ਅੰਤ ਦੇ ਦਿਨਾਂ ਵਿੱਚ ਝੂਠੇ ਮਸੀਹ ਅਤੇ ਝੂਠੇ ਨਬੀ ਬਹੁਤ ਸਾਰੇ ਲੋਕਾਂ ਨੂੰ ਧੋਖਾ ਦੇਣਗੇ। ਬਹੁਤ ਸਾਰੇ ਲੋਕ ਆਪਣਾ ਵਿਸ਼ਵਾਸ ਕਾਲਪਨਿਕ ਅਤੇ ਝੂਠੇ ਮਸੀਹਾਂ ਤੇ ਲਿਆ ਰਹੇ ਹਨ ਜੋ ਉਨ੍ਹਾਂ ਨੂੰ ਬਚਾ ਨਹੀਂ ਸਕਦੇ। ਤੁਸੀਂ ਦੋ ਅਜਿਹੇ ਮਸੀਹਾਂ ਦੇ ਨਾਲ ਮਿਲੋਗੇ ਜਿੰਨ੍ਹਾਂ ਦੀ ਜਾਣ-ਪਛਾਣ ਤੁਹਾਨੂੰ ਮੋਰਮੋਨਜ਼ ਅਤੇ ਯਹੋਵਾਹ ਵਿਟਨੈਸ ਦੇ ਦੁਆਰਾ ਕਰਾਈ ਜਾਂਦੀ ਹੈ।

ਮੋਰਮੋਨਜ਼ ਦਾ ਯਿਸੂ

ਜੇਕਰ ਕੋਈ ਮੋਰਮੋਨ ਕਦੇ ਤੁਹਾਡਾ ਦਰਵਾਜਾ ਖੜਕਾਏ, ਤਾਂ ਉਹ ਅਜਿਹੇ ਯਿਸੂ ਨੂੰ ਲਿਆਏਗਾ ਜੋ ਲੂਸੀਫ਼ਰ ਦਾ ਆਤਮਿਕ ਭਰਾ ਹੈ। ਮੋਰਮੋਨਜ਼ ਸਿਖਾਉਂਦੇ ਹਨ ਕਿ ਯਿਸੂ ਉਨ੍ਹਾਂ ਲੱਖਾਂ ਆਤਮਿਕ ਬੱਚਿਆਂ ਦੇ ਵਿੱਚੋਂ ਇੱਕ ਹੈ ਜਿਸਨੂੰ ਸਾਡੇ “ਆਤਮਿਕ ਪਿਤਾ” ਅਤੇ “ਆਤਮਿਕ ਮਾਤਾ” ਨੇ ਬ੍ਰਹਿਮੰਡ ਦੇ ਵਿੱਚ ਲਿਆਂਦਾ ਹੈ। ਮੋਰਮੋਨਜ਼ ਦੇ ਅਨੁਸਾਰ ਜਦੋਂ ਯਿਸੂ ਇਸ ਸੰਸਾਰ ਤੇ ਸੀ ਤਾਂ ਉਸਦੀਆਂ ਬਹੁਤ ਸਾਰੀਆਂ ਪਤਨੀਆਂ ਸਨ। ਜਿੰਨ੍ਹਾਂ ਦੇ ਵਿੱਚੋਂ ਮਰੀਅਮ ਮਗਦਲੀਨੀ ਇੱਕ ਹੈ। ਉਸਦੀ ਮੌਤ ਅਤੇ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਣ ਤੋਂ ਬਾਅਦ ਉਹ ਸਥਾਨਕ ਅਮਰੀਕੀਆਂ ਨੂੰ ਪ੍ਰਚਾਰ ਕਰਨ ਦੇ ਲਈ ਅਮਰੀਕਾ ਦੇ ਵਿੱਚ ਗਿਆ।

ਯਹੋਵਾਹ ਵਿਟਨੈਸ ਦਾ ਯਿਸੂ

ਯਹੋਵਾਹ ਵਿਟਨੈਸ ਦੇ ਲੋਕ ਤੁਹਾਨੂੰ ਕਹਿਣਗੇ ਕਿ ਯਿਸੂ ਮਹਾਂ-ਦੂਤ ਮੀਕਾਏਲ ਹੈ, ਉਹ ਸਭ ਤੋਂ ਪਹਿਲਾਂ ਰਚਿਆ ਹੋਇਆ ਪ੍ਰਾਣੀ ਹੈ, ਜੋ ਮਨੁੱਖ ਬਣਿਆ ਅਤੇ ਸਲੀਬ ਦੀ ਜਗ੍ਹਾਂ ਇੱਕ ਸਿੱਧੀ ਲੱਕੜ ਤੇ ਮਰਿਆ। ਉਹ ਇੱਕ ਆਤਮਿਕ ਪ੍ਰਾਣੀ ਵੱਜੋਂ ਜਿਉਂਦਾ ਕੀਤਾ ਗਿਆ, ਫਿਰ ਤੋਂ ਮਹਾਂ-ਦੂਤ ਮੀਕਾਏਲ ਬਣ ਗਿਆ, ਜਦਕਿ ਉਸਦਾ ਸਰੀਰ ਗੈਸਾਂ ਦੇ ਵਿੱਚ ਘੁਲ ਗਿਆ।

ਮੈਨੂੰ ਯਕੀਨ ਹੈ ਕਿ ਤੁਸੀਂ ਸਮਝ ਗਏ ਹੋ ਕਿ ਇੰਨ੍ਹਾਂ ਝੂਠੇ ਵਿਸ਼ਵਾਸੀਆਂ ਦੇ ਕੋਲ ਬਾਈਬਲ ਦੇ ਯਿਸੂ ਨਾਲੋਂ ਅਲੱਗ ਹੀ ਯਿਸੂ ਹੈ, ਪਰ ਕੀ ਤੁਸੀਂ ਸੱਚੇ, ਬਾਈਬਲ ਆਧਾਰਿਤ ਯਿਸੂ ਦਾ ਵਰਣਨ ਕਰ ਸਕਦੇ ਹੋ? ਲੱਖਾਂ ਲੋਕਾਂ ਦੇ ਕੋਲ ਯਿਸੂ ਦੇ ਬਾਰੇ ਗ਼ਲਤ ਦਿਮਾਗੀ ਧਾਰਨਾ ਹੈ, ਇੱਕ ਅਜਿਹਾ ਯਿਸੂ ਜੋ ਉਨ੍ਹਾਂ ਨੂੰ ਬਚਾ ਨਹੀਂ ਸਕਦਾ।

ਤੁਹਾਡੇ ਲਈ ਇਹ ਜਰੂਰੀ ਹੈ ਕਿ ਤੁਸੀਂ ਦੇ ਬਾਰੇ ਆਪਣੇ ਵਿਸ਼ਵਾਸ ਦੇ ਵਿੱਚ ਪੱਕੇ ਹੋ ਜਾਉ ਤਾਂ ਕਿ ਤੁਸੀਂ ਧੋਖਾ ਨਾ ਖਾਉ, ਅਤੇ ਤਾਂ ਕਿ ਤੁਸੀਂ ਹੋਰਾਂ ਨੂੰ ਉਸਦੀ ਜਾਣ-ਪਛਾਣ ਕਰਵਾ ਸਕੋ।

ਕਲਾਸ ਦੇ ਆਗੂ ਲਈ ਸੂਚਨਾ: ਇਸ ਜਾਣਕਾਰੀ ਦੇ ਲਈ ਕੀ ਦੂਸਰੇ ਧਰਮ ਮਸੀਹ ਦੇ ਬਾਰੇ ਕੀ ਸਿਖਾਉਂਦੇ ਹਨ, ਪਾਠ ਦੇ ਅੰਤ ਵਿੱਚ ਉਸ ਭਾਗ ਨੂੰ ਵੇਖੋ “ਦੂਸਰੇ ਧਰਮ ਕੀ ਕਹਿੰਦੇ ਹਨ।”

ਯਿਸੂ ਮਸੀਹ

► ਮਸੀਹ ਦੇ ਬਾਰੇ ਕੁਝ ਬਾਈਬਲ ਦੀਆਂ ਭਵਿੱਖਬਾਣੀਆਂ ਕਿਹੜੀਆਂ ਹਨ?

ਚਾਰੇ ਸ਼ੁਭਸਮਾਚਾਰ ਯਿਸੂ ਨੂੰ ਇਸਰਾਏਲ ਦੀ ਆਸ ਵਾਲੇ ਮਸੀਹ ਦੇ ਵੱਜੋਂ ਪ੍ਰਸਤੁਤ ਕਰਦੇ ਹਨ। ਮਸੀਹ ਦੇ ਬਾਰੇ ਬਹੁਤ ਸਾਰੀਆਂ ਗੱਲਾਂ ਦੀ ਭਵਿੱਖਬਾਣੀ ਕੀਤੀ ਗਈ ਸੀ। ਉਹ ਰਾਜਾ ਦਾਊਦ ਦੀ ਸੰਤਾਨ ਹੋਵੇਗਾ ਅਤੇ ਇਸ ਲਈ ਉਹ ਰਾਜਾ ਬਣਨ ਦੇ ਯੋਗ ਹੋਵੇਗਾ। ਉਹ ਆਪਣੇ ਲੋਕਾਂ ਨੂੰ ਬੰਧਨ ਅਤੇ ਅੱਤਿਆਚਾਰ ਤੋਂ ਬਚਾਏਗਾ। ਉਹ ਆਪਣੇ ਮਿਸ਼ਨ ਨੂੰ ਪੂਰਾ ਕਰਨ ਦੇ ਲਈ ਪਰਮੇਸ਼ੁਰ ਦੇ ਦੁਆਰਾ ਖਾਸ ਤੌਰ ਤੇ ਮਸਹ ਕੀਤਾ ਜਾਵੇਗਾ। ਮਸੀਹ ਸ਼ਬਦ ਦਾ ਅਰਥ ਹੈ “ਮਸਹ ਕੀਤਾ ਹੋਇਆ” ਜੋ ਕਿ ਇਸਰਾਏਲ ਦੇ ਰਾਜਿਆਂ ਦੇ ਲਈ ਸਿਰਲੇਖ ਸੀ।

ਨਵੇਂ ਨੇਮ ਦੇ ਲਿਖੇ ਜਾਣ ਤੱਕ ਪੁਰਾਣੇ ਨੇਮ ਦੇ ਵਿੱਚ ਮਸੀਹ ਦੇ ਬਾਰੇ ਕੁਝ ਬਹੁਤ ਮਹੱਤਵਪੂਰਨ ਵੇਰਵਿਆਂ ਦੀ ਸਪੱਸ਼ਟਤਾ ਨਾਲ ਵਿਆਖਿਆ ਨਹੀਂ ਕੀਤੀ ਗਈ ਸੀ। ਉਸਦੀ ਪ੍ਰਾਥਮਿਕਤਾ ਆਪਣੇ ਲੋਕਾਂ ਨੂੰ ਪਾਪ ਤੋਂ ਬਚਾਉਣਾ ਸੀ। (ਪੜ੍ਹੋ ਮੱਤੀ 1:21; ਲੂਕਾ 1:74-75)। ਉਸਦਾ ਰਾਜ ਧਰਤੀ ਆਧਾਰਿਤ ਨਹੀਂ ਸੀ, ਪਰ ਇਹ ਆਤਮਿਕ ਅਤੇ ਸਵਰਗੀ ਸੀ (ਪੜ੍ਹੋ ਯੂਹੰਨਾ 18:36), ਹਾਲਾਂਕਿ ਅੰਤ ਦੇ ਵਿੱਚ ਉਸਦਾ ਰਾਜ ਸਾਰੀ ਧਰਤੀ ਤੇ ਹੋਵੇਗਾ (ਫ਼ਿਲਿੱਪੀਆਂ ਨੂੰ 2:10-11; ਪਰਕਾਸ਼ ਦੀ ਪੋਥੀ 19:11-16; ਪਰਕਾਸ਼ ਦੀ ਪੋਥੀ 20:6)।

ਮਸੀਹ ਇੱਕ ਇਬਰਾਨੀ ਸ਼ਬਦ ਹੈ। ਯੂਨਾਨੀ ਦੇ ਵਿੱਚ ਇਸਨੂੰ ਕ੍ਰਿਸਟੋਸ ਕਿਹਾ ਜਾਂਦਾ ਹੈ, ਜਿੱਥੋਂ ਸਾਨੂੰ ਕ੍ਰਾਈਸਟ ਸ਼ਬਦ ਮਿਲਦਾ ਹੈ। “ਯਿਸੂ ਮਸੀਹ” ਸ਼ਬਦਾਂ ਤੋਂ ਭਾਵ ਹੈ ਕਿ ਯਿਸੂ ਹੀ ਮਸੀਹ ਹੈ।

ਯਿਸੂ ਪ੍ਰਭੂ ਹੈ

[1]ਅਰੰਭਿਕ ਕਲੀਸਿਆ ਪ੍ਰਭੂ ਸ਼ਬਦ ਦਾ ਉਪਯੋਗ ਇਸ ਭਾਵ ਦੇ ਨਾਲ ਕਰਦੀ ਸੀ ਕਿ ਯਿਸੂਉਹ ਵੱਡਾ ਅਧਿਕਾਰ ਹੈ ਜਿਸਦੇ ਅਧੀਨ ਸਾਨੂੰ ਹੋਣਾ ਚਾਹੀਦਾ ਹੈ। ਜਦੋਂ ਉਹ ਕਹਿੰਦੇ ਸਨ “ਯਿਸੂ ਪ੍ਰਭੁ ਹੈ” ਤਾਂ ਉਹ ਕਹਿ ਰਹੇ ਸਨ ਕਿ ਉਹ ਸਭਨਾਂ ਦਾ ਪ੍ਰਭੂ ਹੈ, ਜੋ ਕਿ ਰਚਨਹਾਰਾ ਅਤੇ ਬ੍ਰਹਿਮੰਡ ਦਾ ਪਰਮੇਸ਼ੁਰ ਹੈ। ਵਿਸ਼ਵਾਸ ਦਾ ਇਹ ਕਥਨ ਮਸੀਹੀਆਂ ਨੂੰ ਵੱਖਰੇ ਕਰਦਾ ਸੀ, ਕਿਉਂਕਿ ਸਿਰਫ਼ ਮਸੀਹੀ ਲੋਕ ਹੀ ਇਹ ਵਿਸ਼ਵਾਸ ਕਰਦੇ ਸਨ ਕਿ ਮਨੁੱਖ ਯਿਸੂ ਜੋ ਧਰਤੀ ਤੇ ਸੀ ਉਹ ਸਭਨਾਂ ਦਾ ਪਰਮੇਸ਼ੁਰ ਵੀ ਸੀ।

“ਪ੍ਰਭੂ ਯਿਸੂ ਮਸੀਹ” ਸ਼ਬਦ ਬਹੁਤ ਵੱਡਾ ਬਿਆਨ ਬਣਾਉਂਦੇ ਹਨ। ਉਹ ਕਹਿ ਰਹੇ ਹਨ ਕਿ ਯਿਸੂ ਮਸੀਹ ਹੈ ਅਤੇ ਉਹ ਪਰਮੇਸ਼ੁਰ ਵੀ ਹੈ। ਇਹ ਤਿੰਨੇ ਸ਼ਬਦ ਫ਼ਿਲਿੱਪੀਆਂ ਨੂੰ 2:10-11 ਦੇ ਵਿੱਚ ਪਾਏ ਜਾਂਦੇ ਹਨ। ਉਹ ਵਚਨ ਸਾਨੂੰ ਦੱਸਦੇ ਹਨ ਕਿ ਇੱਕ ਅਜਿਹਾ ਸਮਾਂ ਆਏਗਾ ਜਦੋਂ ਸੰਸਾਰ ਦੇ ਵਿੱਚ ਹਰੇਕ ਨੂੰ ਇਕਰਾਰ ਕਰਨਾ ਪਵੇਗਾ ਜੋ ਯਿਸੂ ਮਸੀਹ ਪ੍ਰਭੁ ਹੈ ।

ਤਿੰਨ ਖਾਸ ਦਿਨ

ਮਸੀਹ ਦੇ ਬਾਰੇ ਸਾਡੇ ਮੁੱਢਲੇ ਵਿਸ਼ਵਾਸਾਂ ਨੂੰ ਤਿੰਨ ਸ਼੍ਰੇਣੀਆਂ ਵਿੱਚ ਵੰਡਿਆਂ ਜਾ ਸਕਦਾ ਹੈ, ਜੋ ਤਿੰਨ ਖਾਸ ਦਿਨਾਂ ਦੇ ਨਾਲ ਜੁੜੇ ਹੋਏ ਹਨ।

ਕ੍ਰਿਸਮਸ ਦੇ ਸਮੇਂ ਯਿਸੂ ਦਾ ਕੁਆਰੀ ਦੀ ਕੁੱਖੋਂ ਪੈਦਾ ਹੋਣ ਨੂੰ ਮਨਾਇਆ ਜਾਂਦਾ ਹੈ, ਕਿਉਂਕਿ ਯਿਸੂ ਪਵਿੱਤਰ ਆਤਮਾ ਦੇ ਦੁਆਰਾ ਕੁੱਖ ਵਿੱਚ ਆਏ ਸਨ (ਪੜ੍ਹੋ ਲੂਕਾ 1:34-35।) ਭਾਵੇਂ ਕਿ ਯਿਸੂ ਮਨੁੱਖ ਸੀ ਕਿਉਂਕਿ ਉਹ ਇੱਕ ਔਰਤ ਤੋਂ ਪੈਦਾ ਹੋਇਆ ਸੀ, ਪਰ ਉਹ ਪਰਮੇਸ਼ੁਰ ਵੀ ਸੀ, ਸੰਸਾਰ ਦਾ ਰਚਨਹਾਰਾ ਇਸਦੇ ਵਿੱਚ ਦਾਖਿਲ ਹੋਇਆ। ਇਹ ਅਦਭੁੱਤ ਹੈ ਪਰ ਸੱਚਾ ਹੈ: ਜਦੋਂ ਯਿਸੂ ਛੋਟਾ ਬੱਚਾ ਸੀ, ਤਾਂ ਉਸਦੀ ਮਾਤਾ ਮਰੀਅਮ ਨੇ ਅਜਿਹੇ ਬਾਲਕ ਨੂੰ ਚੁੱਕਿਆ ਜਿਸਨੇ ਉਸਦੀ ਰਚਨਾ ਕੀਤੀ ਸੀ।

ਪਰਮੇਸ਼ੁਰ ਦੇ ਪੁੱਤਰ ਸ਼ਬਸ ਵਿਸ਼ਵਾਸੀਆਂ ਅਤੇ ਸਵਰਗਦੂਤਾਂ ਦੇ ਲਈ ਉਪਯੋਗ ਕੀਤਾ ਹੈ (ਯੂਹੰਨਾ 1:12; ਅੱਯੂਬ 1:6), ਪਰ ਯਿਸੂ ਇੱਕ ਅਨੌਖੇ ਤਰੀਕੇ ਦੇ ਨਾਲ ਪੁੱਤਰ ਹੈ (ਯੂਹੰਨਾ 3:16)। ਉਹ ਇੱਕ ਮਾਤਰ ਅਜਿਹਾ ਵਿਅਕਤੀਤਵ ਹੈ ਜਿਸਦੇ ਵਿੱਚ ਪਿਤਾ ਦਾ ਸੰਪੂਰਨ ਸੁਭਾਅ ਹੈ। ਉਹ ਪਿਤਾ ਦਾ ਅਜਿਹਾ ਸੰਪੂਰਨ ਸਰੂਪ ਹੈ ਕਿ ਉਹ ਪਿਤਾ ਦੇ ਹੀ ਤਰ੍ਹਾਂ ਪਰਮੇਸ਼ੁਰ ਹੈ (ਪੜ੍ਹੋ ਇਬਰਾਨੀਆਂ ਨੂੰ 1:2-3।)

ਯਿਸੂ ਦੇ ਵਿਅਕਤੀਤਵ ਦੇ ਵਿੱਚ ਪਰਮੇਸ਼ੁਰ ਅਤੇ ਮਨੁੱਖ ਦੋਨਾਂ ਦਾ ਸੁਭਾਅ ਪਾਇਆ ਜਾਂਦਾ ਹੈ। ਇਸਨੂੰ ਦੇਹਧਾਰੀ ਹੋਣਾ ਕਿਹਾ ਜਾਂਦਾ ਹੈ, ਜਿਸ ਤੋਂ ਭਾਵ ਹੈ ਕਿ ਪਰਮੇਸ਼ੁਰ ਮਨੁੱਖੀ ਸਰੀਰ ਧਾਰਨ ਕਰਦਾ ਹੈ, ਮਨੁੱਖ ਬਣਦਾ ਹੈ। ਸਿਰਫ਼ ਯਿਸੂ ਹੀ ਸਾਡਾ ਮੁਕਤੀਦਾਤਾ ਹੋ ਸਕਦਾ ਸੀ ਕਿਉਂਕਿ ਬ੍ਰਹਿਮੰਡ ਉਹ ਇੱਕ ਮਾਤਰ ਅਜਿਹਾ ਵਿਅਕਤੀ ਜੋ ਪਰਮੇਸ਼ੁਰ ਅਤੇ ਮਨੁੱਖ ਦੋਵੇਂ ਹੈ।

ਯਿਸੂ ਇੱਕ ਮਨੁੱਖ ਹੈ

ਨਵੇਂ ਨੇਮ ਦੇ ਯਿਸੂ ਦੀ ਮਨੁੱਖ ਦੇ ਵੱਜੋਂ ਪਹਿਚਾਣ ਕਰਨੀ ਔਖੀ ਨਹੀਂ ਹੈ। ਉਹ ਮਾਂ ਦੀ ਕੁੱਖ ਵਿੱਚ ਆਇਆ, ਪਲਿਆ, ਸਿੱਖਿਆ ਪਾਈ ਅਤੇ ਇੱਕ ਵਿਅਕਤੀ ਦੀ ਤਰ੍ਹਾਂ ਵੱਡਾ ਹੋਇਆ (ਪੜ੍ਹੋ ਲੂਕਾ 2:52)। ਉਸਨੂੰ ਥਕਾਵਟ ਹੋਈ, ਉਹ ਸੁੱਤਾ, ਪਰਤਾਇਆ ਗਿਆ ਅਤੇ ਪਾਪ ਤੋਂ ਇਲਾਵਾ ਲਗਭਗ ਉਹ ਸਭ ਕੁਝ ਕੀਤਾ ਜੋ ਮਨੁੱਖ ਕਰਦੇ ਹਨ (ਇਬਰਾਨੀਆਂ ਨੂੰ 4:14-15)। ਇੱਥੋਂ ਤੱਕ ਕਿ ਉਹ ਮਰਿਆ ਵੀ। ਉਹ ਸਾਡੇ ਜਿਹਾ ਇੱਕ ਬਣ ਕੇ ਸੱਚਮੁੱਚ ਮਨੁੱਖਜਾਤੀ ਦੇ ਨਾਲ ਇੱਕ ਹੋਇਆ (ਪੜ੍ਹੋ ਯੂਹੰਨਾ 1:14)।

► ਇਹ ਮਹੱਤਵਪੂਰਨ ਕਿਉਂ ਹੈ ਕਿ ਯਿਸੂ ਇੱਕ ਮਨੁੱਖ ਹੈ?

ਕਿਉਂਕਿ ਯਿਸੂ ਇੱਕ ਮਨੁੱਖ ਹੈ:

1. ਉਸਨੇ ਦੁੱਖ ਝੱਲਿਆ ਅਤੇ ਬਲੀਦਾਨ ਦੇ ਰੂਪ ਵਿੱਚ ਮਰਿਆ (ਅਫ਼ਸੀਆਂ ਨੂੰ 5:2, ਇਬਰਾਨੀਆਂ ਨੂੰ 7:26-27)। ਜੇਕਰ ਉਹ ਮਨੁੱਖ ਨਾ ਹੋ ਕੇ ਸਿਰਫ਼ ਪਰਮੇਸ਼ੁਰ ਹੁੰਦਾ ਤਾਂ ਉਹ ਸਰੀਰਕ ਰੂਪ ਵਿੱਚ ਦੁੱਖ ਝੱਲ ਕੇ ਮਰ ਨਹੀਂ ਸਕਦਾ ਸੀ।

2. ਉਸਦਾ ਧਰਮ ਸਾਨੂੰ ਧਰਮੀ ਬਣਾ ਸਕਦਾ ਹੈ ਅਤੇ ਸਾਨੂੰ ਜੀਵਨ ਦਿੰਦਾ ਹੈ। ਜਦੋਂ ਪਹਿਲੇ ਆਦਮ ਨੇ ਪਾਪ ਕੀਤਾ ਅਤੇ ਪਰਮੇਸ਼ੁਰ ਤੋਂ ਅਲੱਗ ਹੋ ਗਿਆ ਤਾਂ ਉਸਨੇ ਸਾਰੀ ਮਨੁੱਖਤਾ ਦੀ ਪ੍ਰਤੀਨਿਧਤਾ ਕੀਤੀ। ਇਸਦੇ ਨਾਲ ਸਭਨਾਂ ਮਨੁੱਖਾਂ ਦੇ ਵਿੱਚ ਮੌਤ ਆਈ। ਯਿਸੂ ਇੱਕ ਪਾਪ ਰਹਿਤ ਜੀਵਨ ਜੀਵਿਆ ਅਤੇ ਉਸਨੇ ਪਰਮੇਸ਼ੁਰ ਦੀਆਂ ਸਾਰੀਆਂ ਮੰਗਾਂ ਪੂਰੀਆਂ ਕੀਤੀਆਂ। ਉਹ ਉਨ੍ਹਾਂ ਸਭਨਾਂ ਨੂੰ ਸਦੀਪਕ ਜੀਵਨ ਦਿੰਦਾ ਹੈ ਜੋ ਉਸਦੇ ਨਾਲ ਜੁੜਦੇ ਹਨ। ਉਸਨੂੰ ਪਵਿੱਤਰ ਸ਼ਾਸਤਰ ਦੇ ਵਿੱਚ ਆਖਰੀ ਆਦਮ ਕਿਹਾ ਗਿਆ ਹੈ (1 ਕੁਰਿੰਥੀਆਂ ਨੂੰ 15:22, 45-49; ਰੋਮੀਆਂ ਨੂੰ 5:17-19)।

3. ਉਹ ਸਾਡਾ ਜਾਜਕ ਹੋ ਸਕਦਾ ਹੈ ਜੋ ਪਰਮੇਸ਼ੁਰ ਦੇ ਅੱਗੇ ਸਾਡੀ ਪ੍ਰਤੀਨਿਧਤਾ ਕਰਦਾ ਹੈ। ਸਾਡੇ ਵਿਚੌਲੇ ਦੇ ਰੂਪ ਵਿੱਚ, ਉਹ ਸਿਰਫ਼ ਸਾਡੇ ਲਈ ਗੱਲਬਾਤ ਹੀ ਨਹੀਂ ਕਰਦਾ, ਉਹ ਸਾਡੀ ਪ੍ਰਤੀਨਿਧਤਾ ਕਰਦਾ ਹੈ। ਉਸਦੇ ਲਈ ਮਨੁੱਖ ਬਣਨਾ ਜਰੂਰੀ ਸੀ ਸਾਡੇ ਉਹ ਸਾਡੇ ਅਤੇ ਪਰਮੇਸ਼ੁਰ ਦੇ ਵਿਚਾਲੇ ਸੁਲਾਹ ਕਰਵਾ ਸਕੇ (ਪੜ੍ਹੋ ਇਬਰਾਨੀਆਂ ਨੂੰ 2:17।) ਜਾਜਕ ਦੇ ਰੂਪ ਵਿੱਚ ਉਸਦੀ ਭੂਮਿਕਾ ਸਦੀਪਕ ਮੁਕਤੀ ਪ੍ਰਦਾਨ ਕਰਦੀ ਹੈ (ਇਬਰਾਨੀਆਂ ਨੂੰ 5:9, ਇਬਰਾਨੀਆਂ ਨੂੰ 10:5-7)। ਯਿਸੂ ਦੀ ਮਨੁੱਖਤਾ ਸ਼ੁਭਸਮਾਚਾਰ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ (ਪੜ੍ਹੋ ਯੂਹੰਨਾ ਦੀ ਪਹਿਲੀ ਪੱਤ੍ਰੀ 5:1)।

[1]ਕਲਾਸ ਦੇ ਆਗੂ ਲਈ ਸੂਚਨਾ: ਬਾਈਬਲ ਦੇ ਵਿੱਚ ਯਿਸੂ ਦੇ ਮਨੁੱਖ ਹੋਣ ਦੇ ਹੋਰ ਪ੍ਰਮਾਣ ਦੇ ਲਈ ਇਸ ਪਾਠ ਦੇ ਅੰਤ ਵਿੱਚ ਦਿੱਤੇ “ਯਿਸੂ ਦੇ ਬਾਰੇ ਵਚਨ ਦੇ ਸਬੂਤ” ਭਾਗ ਨੂੰ ਵੇਖੋ।

ਯਿਸੂ ਪਰਮੇਸ਼ੁਰ ਹੈ

ਯਿਸੂ ਨੇ ਪਰਮੇਸ਼ੁਰ ਹੋਣ ਦਾ ਦਾਅਵਾ ਕੀਤਾ

ਬਾਈਬਲ ਦਾ ਯਿਸੂ ਇੱਕ ਮਨੁੱਖ ਹੈ ਪਰ ਉਹ ਸਿਰਫ਼ ਮਨੁੱਖ ਨਹੀਂ ਹੈ। ਉਹ ਬ੍ਰਹਿਮੰਡ ਦਾ ਇੱਕ ਅਮਰ (ਅਸੀਮਿਤ) ਪਰਮੇਸ਼ੁਰ ਹੈ। ਯਿਸੂ ਨੇ ਆਪ ਇਸਦਾ ਦਾਅਵਾ ਕੀਤਾ। ਉਸਨੇ ਕਿਹਾ, “ਮੈ ਅਰ ਮੇਰਾ ਪਿਤਾ ਇੱਕੋ ਹਾਂ” (ਯੂਹੰਨਾ 10:30)। ਜਦੋਂ ਉਸਨੇ ਇਹ ਕਿਹਾ, ਤਾਂ ਯਹੂਦੀਆਂ ਨੇ ਉਸਨੂੰ ਪਥਰਾਅ ਕਰਨਾ ਸ਼ੁਰੂ ਕੀਤਾ ਕਿਉਂਕਿ ਉਹ ਸਮਝ ਗਏ ਉਹ ਆਪਣੇ ਆਪ ਨੂੰ ਪਰਮੇਸ਼ੁਰ ਦੇ ਸਮਾਨ ਦੱਸ ਰਿਹਾ ਹੈ। ਕੀ ਯਿਸੂ ਨੇ ਉਨ੍ਹਾਂ ਨੂੰ ਕਿਹਾ, “ਨਹੀਂ, ਤੁਸੀਂ ਮੈਨੂੰ ਗ਼ਲਤ ਸਮਝਿਆ ਹੈ, ਮੈਂ ਅਸਲ ਦੇ ਵਿੱਚ ਪਰਮੇਸ਼ੁਰ ਨਹੀਂ ਹਾਂ!”? ਨਹੀਂ, ਯਿਸੂ ਨੇ ਉਨ੍ਹਾਂ ਦੁਆਰਾ ਆਪਣੇ ਵਚਨਾਂ ਦੇ ਕੱਢੇ ਅਰਥ ਨੂੰ ਸਵੀਕਾਰ ਕੀਤਾ। ਉਸਨੇ ਸਿਖਾਇਆ ਕਿ ਉਹ ਪਿਤਾ ਪਰਮੇਸ਼ੁਰ ਦੇ ਸਮਾਨ ਹੈ।

ਜਦੋਂ ਯਿਸੂ ਨੇ ਕਿਹਾ, “ਅਬਰਾਹਾਮ ਦੇ ਹੋਣ ਤੋਂ ਪਹਿਲਾਂ ਮੈਂ ਹਾਂ” (ਯੂਹੰਨਾ 8:58) ਤਾਂ ਉਹ ਕੂਚ 3:14 ਵਾਲਾ ਮੈਂ ਹਾਂ ਹੋਣ ਦਾ ਦਾਅਵਾ ਕਰ ਰਿਹਾ ਸੀ, ਬ੍ਰਹਿਮੰਡ ਦਾ ਸਵੈ-ਮੌਜੂਦ ਪਰਮੇਸ਼ੁਰ। ਯਹੂਦੀਆਂ ਉਸਦੇ ਇਸ ਦਾਅਵੇ ਦੇ ਲਈ ਵੀ ਉਸਨੂੰ ਪਥਰਾਅ ਕਰਨ ਦਾ ਯਤਨ ਕੀਤਾ (ਯੂਹੰਨਾ 8:59)।

ਯਿਸੂ ਨੇ ਇਸ ਧਰਤੀ ਤੇ ਰਹਿੰਦੇ ਹੋਏ ਈਸ਼ਵਰੀ ਕੰਮ ਕੀਤੇ।

ਜਦੋਂ ਯਿਸੂ ਧਰਤੀ ਤੇ ਸੀ ਤਾਂ ਉਸਨੇ ਈਸ਼ਵਰੀ ਕੰਮ ਕੀਤੇ। ਉਸਨੇ ਸਦੀਪਕ ਜੀਵਨ ਦਿੱਤਾ (ਪੜ੍ਹੋ ਯੂਹੰਨਾ 10:28।) ਉਸਨੇ ਪਾਪ ਮਾਫ਼ ਕੀਤੇ (ਮਰਕੁਸ 2:10)। ਇਹ ਅਜਿਹੇ ਕੰਮ ਹਨ ਜੋ ਸਿਰਫ਼ ਪਰਮੇਸ਼ੁਰ ਕਰ ਸਕਦਾ ਹੈ।

ਜਦੋਂ ਯਿਸੂ ਨੇ ਅਧਰੰਗੀ ਦੇ ਪਾਪ ਮਾਫ਼ ਕੀਤੇ, ਤਾਂ ਉਸਨੇ ਇਹ ਸਾਬਿਤ ਕਰਨ ਦੇ ਲਈ ਉਸ ਮਨੁੱਖ ਨੂੰ ਚੰਗਿਆਂ ਕੀਤਾ ਕਿ ਉਸਦੇ ਕੋਲ ਧਰਤੀ ਉੱਤੇ ਪਾਪ ਮਾਫ਼ ਕਰਨ ਦਾ ਇਖ਼ਤਿਆਰ ਹੈ (ਮਰਕੁਸ 2:5, 10-12) । ਇੱਕ ਕੰਮ ਦੂਸਰੇ ਦੇ ਲਈ ਸਬੂਤ ਸੀ, ਜੋ ਇਸ ਗੱਲ਼ ਨੂੰ ਸਪੱਸ਼ਟ ਕਰ ਰਹੇ ਸਨ ਕਿ ਜੇਕਰ ਯਿਸੂ ਸਿਰਫ਼ ਪਰਮੇਸ਼ੁਰ ਦੇ ਦੁਆਰਾ ਸਮਹ ਕੀਤਾ ਹੋਇਆ ਨਬੀ ਹੁੰਦਾ ਤਾਂ ਉਹ ਚੰਗਿਆਈ ਦੇ ਇੰਨੇ ਚਮਤਕਾਰ ਨਹੀਂ ਕਰ ਸਕਦਾ ਸੀ। ਯਿਸੂ ਦੇ ਕੋਲ ਈਸ਼ਵਰੀ ਅਧਿਕਾਰ ਸੀ ਅਤੇ ਉਸਦੇ ਕੋਲ ਮਾਫ਼ ਕਰਨ ਅਤੇ ਚੰਗਿਆਂ ਕਰਨ ਦੀ ਸ਼ਕਤੀ ਸੀ।

ਯਿਸੂ ਨੇ ਅਜਿਹਾ ਕਹਿਣ ਤੋਂ ਬਾਅਦ ਲਾਜ਼ਰ ਨੂੰ ਮੁਰਦਿਆਂ ਵਿੱਚੋਂ ਜਿਉਂਦਾ ਕੀਤਾ ਕਿ “ਕਿਆਮਤ ਅਤੇ ਜੀਉਣ ਮੈਂ ਹਾਂ” (ਯੂਹੰਨਾ 11:25)। ਇਹ ਇੱਕ ਹੋਰ ਈਸ਼ਵਰੀ ਕੰਮ ਸੀ ਜਿਸਦੇ ਨਾਲ ਇੱਕ ਈਸ਼ਵਰੀ ਦਾਅਵਾ ਕੀਤਾ ਗਿਆ। ਸਹੀ ਮਾਇਨੇ ਦੇ ਵਿੱਚ ਸਿਰਫ਼ ਪਰਮੇਸ਼ੁਰ ਹੀ ਕਿਆਮਤ ਹੋਣ ਦਾ ਦਾਅਵਾ ਕਰ ਸਕਦਾ ਹੈ ਕਿਉਂਕਿ ਪਰਮੇਸ਼ੁਰ ਦੀ ਸ਼ਕਤੀ ਹੀ ਕਿਸੇ ਵਿਅਕਤੀ ਨੂੰ ਮੁਰਦਿਆਂ ਵਿੱਚੋਂ ਜਿੰਦਾ ਕਰ ਸਕਦੀ ਹੈ। ਯਿਸੂ ਨੇ ਜੀਵਨ ਦੇਣ ਵਾਲਾ ਹੋਣ ਦਾ ਦਾਅਵਾ ਕੀਤਾ ਅਤੇ ਫਿਰ ਲਾਜ਼ਰ ਨੂੰ ਜੀਵਨ ਦਿੱਤਾ, ਜੋ ਇਹ ਵਿਖਾਉਂਦਾ ਹੈ ਕਿ ਉਹ ਉਹੀ ਹੈ ਜੋ ਹੋਣ ਦਾ ਉਹ ਦਾਅਵਾ ਕਰਦਾ ਹੈ। ਇਸ ਘਟਨਾ ਦੇ ਵਿੱਚ, ਯਿਸੂ ਨੇ ਆਪਣੇ ਆਪ ਨੂੰ ਉਨ੍ਹਾਂ ਸਭਨਾਂ ਨਬੀਆਂ ਅਤੇ ਰਸੂਲਾਂ ਨਾਲੋਂ ਵੱਖਰੇ ਵਿਖਾਇਆ ਜਿੰਨ੍ਹਾਂ ਨੇ ਪਰਮੇਸ਼ੁਰ ਦੀ ਸ਼ਕਤੀ ਦੇ ਦੁਆਰਾ ਲੋਕਾਂ ਨੂੰ ਮੁਰਦਿਆਂ ਵਿੱਚੋਂ ਜਿਉਂਦੇ ਕੀਤਾ ਸੀ। ਉਨ੍ਹਾਂ ਦੇ ਵਿੱਚੋਂ ਕਿਸੇ ਨੇ ਵੀ ਅਜਿਹਾ ਦਾਅਵਾ ਨਹੀਂ ਕੀਤਾ ਕਿ ਉਨ੍ਹਾਂ ਦੇ ਕੋਲ ਚਮਤਕਾਰ ਕਰਨ ਦੀ ਸ਼ਕਤੀ ਹੈ। ਉਸ ਸਿਰਫ਼ ਪਰਮੇਸ਼ੁਰ ਦੇ ਸਾਧਨ ਮਾਤਰ ਸਨ। ਯੂਹੰਨਾ 5:21, ਦੇ ਵਿੱਚ ਯਿਸੂ ਨੇ ਕਿਹਾ ਕਿ ਉਹ ਮੁਰਦਿਆਂ ਨੂੰ ਜਿੰਦਾ ਕਰਦਾ ਹੈ ਜਿਵੇਂ ਪਿਤਾ ਵੀ ਮੁਰਦਿਆਂ ਨੂੰ ਜਿੰਦਾ ਕਰਦਾ ਹੈ।

ਜਦੋਂ ਯਿਸੂ ਨੇ ਚਮਤਕਾਰ ਕੀਤੇ, ਤਾਂ ਉਸਨੇ ਆਪਣੀ ਮਹਿਮਾ ਪ੍ਰਗਟ ਕੀਤੀ (ਯੂਹੰਨਾ 2:11), ਪਿਤਾ ਦੇ ਇੱਕਲੌਤੇ ਪੁੱਤਰ ਦੇ ਸਮਾਨ ਮਹਿਮਾ, ਕ੍ਰਿਪਾ ਅਤੇ ਸਚਿਆਈ ਨਾਲ ਭਰਪੂਰ (ਯੂਹੰਨਾ 1:14)। ਇਹ ਚਮਤਕਾਰ ਪਰਮੇਸ਼ੁਰ ਦੇ ਪੁੱਤਰ ਦੀ ਮਹਿਮਾਮਈ ਸ਼ਕਤੀ ਦੇ ਪ੍ਰਗਟਾਵੇ ਸਨ ਜੋ ਉਸਦੀ ਈਸ਼ਵਰਤਾਈ ਨੂੰ ਸਾਬਿਤ ਕਰਦੇ ਸਨ।

ਯਿਸੂ ਰਚਨਹਾਰਾ ਅਤੇ ਪਾਲਣਹਾਰਾ ਹੈ।

ਯੂਹੰਨਾ ਅਤੇ ਪੌਲੁਸ ਰਸੂਲ ਦੇ ਅਨੁਸਾਰ, ਯਿਸੂ ਨੇ ਸਭ ਕੁਝ ਬਣਾਇਆ ਅਤੇ ਹਰੇਕ ਚੀਜ਼ ਉਸ ਵਿੱਚ ਬਣੀ ਰਹਿੰਦੀ ਹੈ, ਅਤੇ ਸਭ ਕੁਝ ਉਸਦੇ ਲਈ ਹੈ (ਪੜ੍ਹੋ ਯੂਹੰਨਾ 1:3; ਕੁਲੁੱਸੀਆਂ ਨੂੰ 1:17।) ਸੱਚਮੁੱਚ ਇਹ ਗੱਲ ਪਰਮੇਸ਼ੁਰ ਤੋਂ ਕਿਸੇ ਹੋਰ ਲਈ ਨਹੀਂ ਬੋਲੀ ਜਾ ਸਕਦੀ ਸੀ।

► ਸਾਡੇ ਲਈ ਇਹ ਜਾਣਨਾ ਮਹੱਤਵਪੂਰਨ ਕਿਉਂ ਹੈ ਕਿ ਯਿਸੂ ਪਰਮੇਸ਼ੁਰ ਹੈ?

ਕਿਉਂਕਿ ਯਿਸੂ ਪਰਮੇਸ਼ੁਰ ਹੈ ਇਸ ਲਈ,

1. ਉਸਦੀ ਬਲੀਦਾਨੀ ਮੌਤ ਦੀ ਕੀਮਤ ਅਮਰ ਹੈ-ਜੋ ਸਾਰੇ ਸੰਸਾਰ ਦੀ ਮੁਕਤੀ ਦੇ ਲਈ ਕਾਫੀ ਹੈ (ਯੂਹੰਨਾ ਦੀ ਪਹਿਲੀ ਪੱਤ੍ਰੀ 2:2)।

2. ਉਸਦੇ ਕੋਲ ਸਾਨੂੰ ਬਚਾਉਣ ਦੀ ਸ਼ਕਤੀ ਹੈ; ਉਹ ਰਾਹ, ਸਚਿਆਈ ਅਤੇ ਜੀਵਨ ਹੈ (ਯੂਹੰਨਾ 14:6)।

3. ਸਾਨੂੰ ਪਿਤਾ ਦੀ ਹੀ ਤਰ੍ਹਾਂ ਉਸਦੀ ਅਰਾਧਨਾ ਕਰਨੀ ਚਾਹੀਦੀ ਹੈ (ਪੜ੍ਹੋ ਯੂਹੰਨਾ 5:23।)

ਜੇਕਰ ਅਸੀਂ ਯਿਸੂ ਨੂੰ ਪਰਮੇਸ਼ੁਰ ਦੇ ਰੂਪ ਵਿੱਚ ਵੇਖਣ ਦੇ ਵਿੱਚ ਅਸਫਲ ਹੋ ਜਾਂਦੇ ਹਾ, ਤਾਂ ਅਸੀਂ ਪਰਮੇਸ਼ੁਰ ਦੇ ਰੂਪ ਵਿੱਚ ਉਸਦਾ ਆਦਰ ਨਹੀਂ ਕਰਾਂਗੇ। ਜੇਕਰ ਅਸੀਂ ਪਿਤਾ ਅਤੇ ਪੁੱਤਰ ਦੋਵਾਂ ਦਾ ਆਦਰ ਨਹੀਂ ਕਰਦੇ ਤਾਂ ਅਸੀਂ ਬਚਾਏ ਨਹੀਂ ਜਾ ਸਕਦੇ।

ਮਸੀਹਤ ਸਿਰਫ਼ ਯਿਸੂ ਦੀ ਸਿੱਖਿਆ ਅਤੇ ਉਸਦੇ ਕੰਮਾਂ ਦੇ ਆਧਾਰਿਤ ਨਹੀਂ ਹੈ, ਪਰ ਇਹ ਯਿਸੂ ਦੇ ਅਨੌਖੇ ਵਿਅਕਤੀਤਵ ਤੇ ਆਧਾਰਿਤ ਹੈ। ਉਹ ਮੁਕਤੀ ਦੇ ਸੰਦੇਸ਼ ਦਾ ਸਿੱਖਿਅਕ ਮਾਤਰ ਨਹੀਂ ਹੈ। ਉਹ ਆਪ ਮੁਕਤੀਦਾਤਾ ਹੈ, ਅਤੇ ਸਿਰਫ਼ ਉਹ-ਜੋ ਮਨੁੱਖ- ਪਰਮੇਸ਼ੁਰ ਹੈ- ਉਹੀ ਮੁਕਤੀਦਾਤਾ ਹੋ ਸਕਦਾ ਸੀ।

ਕਲਾਸ ਦੇ ਆਗੂ ਲਈ ਸੂਚਨਾ: ਬਾਈਬਲ ਦੇ ਵਿੱਚ ਯਿਸੂ ਦੇ ਪਰਮੇਸ਼ੁਰ ਹੋਣ ਦੇ ਹੋਰ ਪ੍ਰਮਾਣ ਦੇ ਲਈ ਇਸ ਪਾਠ ਦੇ ਅੰਤ ਵਿੱਚ ਦਿੱਤੇ “ਯਿਸੂ ਦੇ ਬਾਰੇ ਵਚਨ ਦੇ ਸਬੂਤ” ਭਾਗ ਨੂੰ ਵੇਖੋ।

ਯਿਸੂ ਇੱਕ ਵਿਅਕਤੀ ਹੈ

ਭਾਵੇਂ ਕਿ ਯਿਸੂ ਦੇ ਵਿੱਚ ਪਰਮੇਸ਼ੁਰ ਅਤੇ ਮਨੁੱਖ ਦਾ ਸਾਰਾ ਸੁਭਾਅ ਹੈ, ਉਹ ਦੋ ਵਿਅਕਤੀਤਵਾਂ ਦਾ ਮਿਸ਼ਰਣ ਨਹੀਂ ਹੈ। ਦੋ ਸੁਭਾਅ ਉਸਦੇ ਅੰਦਰ ਇੱਕ ਵਿਅਕਤੀਤਵ ਨੂੰ ਬਣਾਉਂਦੇ ਹਨ, ਜੋ ਸੰਪੂਰਨ ਅਮਨ ਦੇ ਵਿੱਚ ਹੈ। ਯਿਸੂ ਇੱਕ ਈਸ਼ਵਰੀ ਮਨੁੱਖ ਹੈ ਅਤੇ ਯਿਸੂ ਦੇ ਹਰੇਕ ਕੰਮ ਨੂੰ ਉਸਦੀ ਮਨੁੱਖਤਾ ਅਤੇ ਈਸ਼ਵਰਤਾਈ ਦੇ ਪ੍ਰਕਾਸ਼ ਵਿੱਚ ਵੇਖਿਆ ਜਾਣਾ ਚਾਹੀਦਾ ਹੈ। ਕਲੀਸਿਆ ਨੇ ਹਮੇਸ਼ਾਂ ਸਿਖਾਇਆ ਹੈ ਕਿ ਯਿਸੂ ਦੇ ਵਿੱਚ ਦੋ ਸੁਭਾਵਾਂ ਨੂੰ ਇੱਕ ਦੂਸਰੇ ਤੋਂ ਵੱਖਰਾ ਨਹੀਂ ਕੀਤਾ ਜਾ ਸਕਦਾ, ਪਰ ਫਿਰ ਵੀ ਉਹ ਇਸ ਤਰੀਕੇ ਦੇ ਨਾਲ ਮਿਸ਼ਰਤ ਹਨ, ਫਿਰ ਵੀ ਉਹ ਇਸ ਪ੍ਰਕਾਰ ਮਿਸ਼ਰਤ ਨਹੀਂ ਹਨ ਜਿਸ ਨਾਲ ਕਿਸੇ ਵੀ ਇੱਕ ਦੀ ਕੋਈ ਵਿਸ਼ੇਸ਼ਤਾ ਗੁਆਚ ਸਕੇ।[2]

ਯਿਸੂ ਦੇ ਸੁਭਾਅ ਦੀ ਤੁਲਨਾ ਪਵਿੱਤਰ ਸ਼ਾਸਤਰ ਦੇ ਨਾਲ ਕਰਨਾ ਸਹਾਈ ਹੋ ਸਕਦਾ ਹੈ। ਯਿਸੂ ਦੀ ਤਰ੍ਹਾਂ, ਬਾਈਬਲ ਪੂਰੀ ਤਰ੍ਹਾਂ ਦੇ ਨਾਲ ਈਸ਼ਵਰੀ ਅਤੇ ਮਨੁੱਖੀ ਹੈ। ਇੱਕ ਮਨੁੱਖੀ ਕਿਤਾਬ ਹੋਣ ਦੇ ਨਾਤੇ ਇਸਦੇ ਵਿੱਚ ਕਿਸੇ ਵੀ ਮਨੁੱਖੀ ਪੁਸਤਕ ਦੀ ਵਿਸ਼ੇਸ਼ਤਾ ਹੈ, ਸਿਵਾਏ ਇਸਦੇ ਕਿ ਇਸਦੇ ਵਿੱਚ ਕੋਈ ਵੀ ਗ਼ਲਤੀ ਨਹੀਂ ਹੈ। ਈਸ਼ਵਰੀ ਹੋਣ ਦੇ ਨਾਤੇ, ਇਹ ਅਜਿਹੀਆਂ ਵਿਸ਼ੇਸ਼ਤਾਵਾਂ ਨੂੰ ਵਿਖਾਉਂਦੀ ਹੈ ਜੋ ਕਿਸੇ ਹੋਰ ਪੁਸਤਕ ਦੇ ਵਿੱਚ ਨਹੀਂ ਹਨ। ਇਸੇ ਪ੍ਰਕਾਰ ਯਿਸੂ ਮਨੁੱਖੀ ਅਤੇ ਈਸ਼ਵਰੀ ਦੋਵੇਂ ਯੋਗਤਾਵਾਂ ਨੂੰ ਵਿਖਾਉਂਦਾ ਹੈ। ਇਹ ਤੱਥ ਕਿ ਬਾਈਬਲ ਈਸ਼ਵਰੀ ਵਿਸ਼ੇਸ਼ਤਾਵਾਂ ਨੂੰ ਵਿਖਾਉਂਦੀ ਹੈ ਇਸਦੇ ਨਾਲ ਇਹ ਘੱਟ ਮਨੁੱਖੀ ਨਹੀਂ ਬਣਦੀ ਹੈ। ਇਸੇ ਪ੍ਰਕਾਰ ਜਦੋਂ ਯਿਸੂ ਉਸਦੇ ਈਸ਼ਵਰੀ ਰੂਪ ਵਿੱਚ ਕੰਮ ਕਰਦਾ ਹੈ ਇਸਦੇ ਨਾਲ ਉਹ ਮਨੁੱਖ ਦੇ ਤੌਰ ਤੇ ਕਿਸੇ ਤਰ੍ਹਾਂ ਵੀ ਘੱਟ ਨਹੀਂ ਹੁੰਦਾ। ਅਤੇ ਜਦੋਂ ਯਿਸੂ ਉਸਦੇ ਮਨੁੱਖੀ ਰੂਪ ਵਿੱਚ ਕੰਮ ਕਰਦਾ ਹੈ ਇਸਦੇ ਨਾਲ ਉਹ ਪਰਮੇਸ਼ੁਰ ਦੇ ਤੌਰ ਤੇ ਕਿਸੇ ਤਰ੍ਹਾਂ ਵੀ ਘੱਟ ਨਹੀਂ ਹੁੰਦਾ।

ਧਰਮ ਸਿੱਖਿਆ ਦੀਆਂ ਆਮ ਗ਼ਲਤੀਆਂ

ਮਸੀਹ ਦੇ ਬਾਰੇ ਗੱਲ ਕਰਦੇ ਹੋਏ ਧਰਮ ਸਿੱਖਿਆ ਦੇ ਵਿੱਚ ਲੋਕ ਜੋ ਆਮ ਗ਼ਲਤੀਆਂ ਕਰਦੇ ਹਨ ਉਹ ਹੇਠਾਂ ਦਿੱਤੀਆਂ ਹਨ:

• ਯਿਸੂ ਦੇ ਪਰਮੇਸ਼ੁਰ ਹੋਣ ਦਾ ਇਨਕਾਰ ਕਰਨਾ

• ਯਿਸੂ ਦੇ ਮਨੁੱਖ ਹੋਣ ਦਾ ਇਨਕਾਰ ਕਰਨਾ

• ਯਿਸੂ ਦੀ ਈਸ਼ਵਰਤਾਈ ਜਾਂ ਮਨੁੱਖਤਾਈ ਨੂੰ ਘਟਾਉਣਾ ਜਿਵੇਂ ਉਹ ਮਹੱਤਵਪੂਰਨ ਨਾ ਹੋਣ

• ਮਸੀਹ ਦੇ ਵਿਅਕਤੀਤਵ ਦੀ ਏਕਤਾ ਦਾ ਇਨਕਾਰ ਕਰਨਾ

ਇੰਨਾਂ ਵਿੱਚੋਂ ਕੋਈ ਵੀ ਗ਼ਲਤੀ ਦੇਹ ਧਾਰਨ ਦਾ ਇਨਕਾਰ ਕਰਨਾ ਹੈ। ਦੇਹ ਧਾਰਨ ਕਰਨਾ ਸਾਡੀ ਮੁਕਤੀ ਦੇ ਲਈ ਜਰੂਰੀ ਸੀ, ਇਸ ਕਾਰਨ ਜੇਕਰ ਕੋਈ ਦੇਹ ਧਾਰੀ ਹੋਣ ਦਾ ਇਨਕਾਰ ਕਰਦਾ ਹੈ ਤਾਂ ਉਹ ਝੂਠੇ ਸ਼ੁਭਸਮਾਚਾਰ ਤੇ ਵਿਸ਼ਵਾਸ ਕਰੇਗਾ ਅਤੇ ਮੁਕਤੀ ਦੇ ਝੂਠੇ ਰਾਹ ਤੇ ਹੋਵੇਗਾ।

ਕਲਾਸ ਦੇ ਆਗੂ ਲਈ ਸੂਚਨਾ: ਕਲਾਸ ਦਾ ਇੱਕ ਮੈਂਬਰ ਇਸ ਭਾਗ ਦੀ ਵਿਆਖਿਆ ਕਰ ਸਕਦਾ ਹੈ।

ਯਹੋਵਾਹ ਵਿਟਨੈਸ ਕਹਿੰਦੇ ਹਨ ਕਿ ਯਿਸੂ ਇੱਕ ਮਨੁੱਖ ਸੀ। ਉਹ ਵਿਸ਼ਵਾਸ ਕਰਦੇ ਹਨ ਕਿ ਉਹ ਧਰਤੀ ਦੇ ਰਹਿਣ ਵਾਲਾ ਸਭ ਤੋਂ ਮਹਾਨ ਵਿਅਕਤੀ ਸੀ, ਪਰ ਫਿਰ ਵੀ ਇੱਕ ਮਨੁੱਖ ਹੀ ਸੀ। ਇਸੇ ਕਾਰਨ ਉਹ ਵਿਸ਼ਵਾਸ ਨਹੀਂ ਕਰਦੇ ਕਿ ਉਸਦੀ ਮੌਤ ਸਾਡੀ ਮੁਕਤੀ ਦੇ ਲਈ ਕਾਫੀ ਹੈ। ਉਨ੍ਹਾਂ ਦੇ ਕੋਲ ਕੰਮਾਂ ਦੇ ਦੁਆਰਾ ਮੁਕਤੀ ਦਾ ਸ਼ੁਭਸਮਾਚਾਰ ਹੈ। ਉਹ ਮਸੀਹੀ ਹੋਣ ਦਾ ਦਾਅਵਾ ਕਰਦੇ ਹਨ, ਪਰ ਉਹ ਇੱਕ ਅਲੱਗ ਧਰਮ ਹਨ।

ਮੋਰਮੋਨਜ਼ ਵਿਸ਼ਵਾਸ ਕਰਦੇ ਹਨ ਕਿ ਯਿਸੂ ਮੂਲ ਰੂਪ ਦੇ ਵਿੱਚ ਇੱਕ ਆਤਮਾ ਸੀ ਜਿਸਨੂੰ ਪਰਮੇਸ਼ੁਰ ਨੇ ਰਚਿਆ, ਜੋ ਲੂਸੀਫਰ ਦੇ ਭਰਾ ਦੀ ਤਰ੍ਹਾਂ ਸੀ। ਉਸ ਨੂੰ ਧਰਤੀ ਤੇ ਮਨੁੱਖ ਯਿਸੂ ਸੀ ਤਰ੍ਹਾਂ ਜਨਮ ਲੈਣ ਦੇ ਲਈ ਭੇਜਿਆ ਗਿਆ ਸੀ। ਮੋਰਮੋਨਜ਼ ਯਿਸੂ ਤੇ ਪਰਮੇਸ਼ੁਰ ਦੇ ਵੱਜੋਂ ਵਿਸ਼ਵਾਸ ਨਹੀਂ ਕਰਦੇ।

ਮੁਸਲਿਮ ਵਿਸ਼ਵਾਸ ਕਰਦੇ ਹਨ ਕਿ ਯਿਸੂ ਪਰਮੇਸ਼ੁਰ ਦੇ ਦੁਆਰਾ ਭੇਜਿਆ ਹੋਇਆ ਇੱਕ ਨਬੀ ਸੀ। ਉਹ ਉਸਦੇ ਪਰਮੇਸ਼ੁਰ ਹੋਣ ਤੇ ਅਤੇ ਤ੍ਰਿਏਕਤਾ ਤੇ ਵਿਸ਼ਵਾਸ ਨਹੀਂ ਕਰਦੇ। ਉਹ ਇਸ ਗੱਲ ਤੇ ਵਿਸ਼ਵਾਸ ਨਹੀਂ ਕਰਦੇ ਕਿ ਉਸਨੂੰ ਸਲੀਬ ਦਿੱਤਾ ਗਿਆ ਜਾਂ ਉਹ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਿਆ।

ਹਿੰਦੂ ਅਤੇ ਬੁੱਧ ਧਰਮ ਦੇ ਮੰਨਣ ਵਾਲੇ ਵਿਸ਼ਵਾਸ ਕਰਦੇ ਹਨ ਕਿ ਯਿਸੂ ਇੱਕ ਪਵਿੱਤਰ ਪੁਰਸ਼ ਸੀ ਜਿਸਨੇ ਚਮਤਕਾਰ ਕੀਤੇ। ਉਹ ਉਨ੍ਹਾਂ ਦੇ ਧਰਮਾਂ ਦੇ ਲਈ ਮਹੱਤਵਪੂਰਨ ਨਹੀਂ ਹੈ। ਉਹ ਯਿਸੂ ਦੇ ਪਰਮੇਸ਼ੁਰ ਹੋਣ ਨੂੰ ਨਹੀਂ ਮੰਨਦੇ ਜੋ ਰਚਨਹਾਰਾ ਅਤੇ ਪ੍ਰਭੂ ਹੈ, ਇਸ ਲਈ ਉਹ ਵਿਸ਼ਵਾਸ ਨਹੀਂ ਕਰਦੇ ਕਿ ਯਿਸੂ ਦੇਹਧਾਰੀ ਪਰਮੇਸ਼ੁਰ ਹੈ।

ਗੁੱਡ ਫਰਾਈਡੇ ਉਹ ਦਿਨ ਹੈ ਜਦੋਂ ਯਿਸੂ ਨੂੰ ਸਲੀਬ ਤੇ ਚੜ੍ਹਾਇਆ ਗਿਆ ਸੀ। ਇਸ ਭਿਆਨਕ ਅਤੇ ਅਦਭੁੱਤ ਦਿਨ, ਯਿਸੂ ਨੇ ਸਲੀਬ ਤੇ ਸਾਡੇ ਪਾਪ ਚੁੱਕ ਲਏ। ਉਹ ਸਾਡੇ ਪਾਪਾਂ ਦੇ ਲਈ ਇੱਕ ਬਲੀਦਾਨ ਵੱਜੋਂ ਮਰਿਆ ਤਾਂ ਕਿ ਅਸੀਂ ਮਾਫ਼ ਕੀਤੇ ਜਾਈਏ।

ਇੱਕ ਬਲੀਦਾਨ ਜਰੂਰੀ ਸੀ

ਇੱਕ ਬਲੀਦਾਨ ਕਰਨਾ ਜਰੂਰੀ ਸੀ ਤਾਂ ਕਿ ਪਰਮੇਸ਼ੁਰ ਸਾਨੂੰ ਮਾਫ਼ ਵੀ ਕਰ ਦਿੰਦਾ ਅਤੇ ਫਿਰ ਵੀ ਧਰਮੀ ਅਤੇ ਪਵਿੱਤਰ ਬਣਿਆ ਰਹਿੰਦਾ। ਇਹ ਸਿਧਾਂਤ ਪੁਰਾਣੇ ਨੇਮ ਦੇ ਵਿੱਚ ਸਿਖਾਇਆ ਗਿਆ ਜਿੰਨ੍ਹਾਂ ਬਲੀਦਾਨਾਂ ਦੀ ਪਰਮੇਸ਼ੁਰ ਮੰਗ ਕਰਦਾ ਸੀ (ਇਬਰਾਨੀਆਂ ਨੂੰ 9:22)। ਜੇਕਰ ਪਰਮੇਸ਼ੁਰ ਬਿਨਾਂ ਕਿਸੇ ਆਧਾਰ ਦੇ ਮਾਫ਼ ਕਰ ਦਿੰਦਾ, ਤਾਂ ਇਸਦਾ ਅਰਥ ਇਹ ਹੋਣਾ ਸੀ ਕਿ ਉਹ ਧਰਮੀ ਨਹੀਂ ਹੈ ਅਤੇ ਪਾਪ ਜਿਆਦਾ ਗੰਭੀਰ ਨਹੀਂ ਹੈ। ਪਰ ਕੋਈ ਵੀ ਯਿਸੂ ਦੀ ਸਲੀਬੀ ਮੌਤ ਦੇ ਵੱਲ ਵੇਖ ਕੇ ਇਹ ਨਹੀਂ ਕਹਿ ਸਕਦਾ ਸੀ ਕਿ ਪਾਪ ਗੰਭੀਰ ਨਹੀਂ ਹੈ। ਉਸਦੇ ਬਲੀਦਾਨ ਦੇ ਸਾਡੀ ਮਾਫ਼ੀ ਦੇ ਲਈ ਆਧਾਰ ਪ੍ਰਦਾਨ ਕੀਤਾ।

ਸਿਰਫ਼ ਯਿਸੂ ਹੀ ਇੱਕ ਸਿੱਧ ਬਲੀਦਾਨ ਹੋ ਸਕਦਾ ਸੀ

► ਸਿਰਫ਼ ਯਿਸੂ ਹੀ ਅਜਿਹਾ ਵਿਅਕਤੀ ਕਿਉਂ ਹੈ ਜੋ ਸਾਡੇ ਪਾਪਾਂ ਦੇ ਲਈ ਬਲੀਦਾਨ ਹੋ ਸਕਦਾ ਸੀ?

ਪਰਮੇਸ਼ੁਰ ਦੇ ਨਿਆਂ ਅਤੇ ਪਾਪ ਦੀ ਗੰਭੀਰਤਾ ਦੇ ਲਈ ਕਿਸੇ ਵੀ ਰਚੇ ਹੋਏ ਪ੍ਰਾਣੀ ਨਾਲੋਂ ਕਿਸੇ ਮਹਾਨ ਬਲੀਦਾਨ ਦੀ ਮੰਗ ਸੀ। (ਪੜ੍ਹੋ ਇਬਰਾਨੀਆਂ ਨੂੰ 10:4)। ਅਸੀਂ ਇੱਕ ਅਮਰ ਪਰਮੇਸ਼ੁਰ ਦੇ ਵਿਰੁੱਧ ਪਾਪ ਕੀਤਾ ਹੈ, ਜੋ ਸਾਡੇ ਤੇ ਅਮਰ ਦੋਸ਼ ਨੂੰ ਲਿਆਉਂਦਾ ਹੈ। ਇਸ ਕਾਰਨ ਸਿਰਫ਼ ਯਿਸੂ ਹੀ ਇਸਦੇ ਲਈ ਬਲੀਦਾਨ ਹੋ ਸਕਦਾ ਸੀ। ਉਹ ਇਸ ਲਈ ਯੋਗ ਸੀ ਕਿਉਂਕਿ ਉਹ ਪਰਮੇਸ਼ੁਰ ਹੈ ਅਤੇ ਉਹ ਮਨੁੱਖ ਵੀ ਹੈ। ਉਸਦੀ ਈਸ਼ਵਰਤਾਈ ਦੇ ਕਾਰਨ, ਉਹ ਪਾਪ ਰਹਿਤ ਸੀ ਅਤੇ ਉਸਦੇ ਬਲੀਦਾਨ ਦੀ ਅਮਰ ਕੀਮਤ ਸੀ। ਉਸਦੀ ਮਨੁੱਖਤਾਈ ਦੇ ਕਾਰਨ ਉਹ ਸਾਡੀ ਪ੍ਰਤੀਨਿਧਤਾ ਕਰ ਸਕਿਆ ਅਤੇ ਸਾਡੇ ਸਥਾਨ ਤੇ ਮਰਿਆ।

ਯਿਸੂ ਦਾ ਲਹੂ ਉਸਦੀ ਬਲੀਦਾਨੀ ਮੌਤ ਦੀ ਪ੍ਰਤੀਨਿਧਤਾ

ਪਰਮੇਸ਼ੁਰ ਨੇ ਲੋਕਾਂ ਨੂੰ ਬਲੀਦਾਨ ਪ੍ਰਣਾਲੀ ਦੇ ਦੁਆਰਾ ਪ੍ਰਾਸਚਿਤ ਦੇ ਬਾਰੇ ਸਿਖਾਇਆ। ਜਾਜਕ ਜਾਨਵਰਾਂ ਨੂੰ ਮਾਰਦੇ ਸਨ ਅਤੇ ਉਨ੍ਹਾਂ ਦੇ ਲਹੂ ਨੂੰ ਦੇ ਕੇ ਉਨ੍ਹਾਂ ਦੀ ਮੌਤ ਦੀ ਪ੍ਰਤੀਨਿਧਤਾ ਕਰਦੇ ਸਨ। ਇਬਰਾਨੀਆਂ ਦੀ ਪੁਸਤਕ ਦੱਸਦੀ ਹੈ ਕਿ ਬਿਨਾ ਲਹੂ ਵਹਾਏ ਮਾਫ਼ੀ ਹੁੰਦੀ ਹੀ ਨਹੀਂ (ਇਬਰਾਨੀਆਂ ਨੂੰ 9:18-22)।

ਪਰਮੇਸ਼ੁਰ ਨੇ ਲੋਕਾਂ ਨੂੰ ਹੁਕਮ ਦਿੱਤਾ ਕਿ ਉਹ ਲਹੂ ਨੂੰ ਖਾਸ ਮੰਨਣ ਕਿਉਂਕਿ ਇਹ ਕਿਸੇ ਪ੍ਰਾਣੀ ਦੇ ਜੀਵਨ ਦੀ ਪ੍ਰਤੀਨਿਧਤਾ ਕਰਦਾ ਹੈ। (ਲੇਵੀਆਂ ਦੀ ਪੋਥੀ 17:11, 14)। ਲਹੂ ਵਹਾਉਣ ਤੋਂ ਭਾਵ ਸੀ ਮਾਰਨਾ (ਉਤਪਤ 9:5-6)। ਹੈਕਲ ਦੇ ਵਿੱਚ ਲਹੂ ਦੇ ਵਰਤੇ ਜਾਣ ਦਾ ਅਰਥ ਸੀ ਕਿ ਜਾਨਵਰ ਨੂੰ ਮਾਰਿਆ ਗਿਆ ਹੈ।

ਮਸੀਹ ਦੀ ਮੌਤ ਅਜਿਹਾ ਸਿੱਧ ਬਲੀਦਾਨ ਸੀ ਜਿਸਨੇ ਸਾਰੇ ਸਮੇਂ ਦੇ ਲਈ ਮੁਕਤੀ ਨੂੰ ਉਪਲੱਭਧ ਕਰਵਾਇਆ। (ਪੜ੍ਹੋ ਇਬਰਾਨੀਆਂ ਨੂੰ 10:4, 12।) ਉਸਨੇ ਆਪਣੀ ਬਲੀਦਾਨੀ ਮੌਤ ਦੇ ਦੁਆਰਾ ਸਵਰਗ ਦੇ ਵਿੱਚ ਆਪਣੇ ਲਹੂ ਨੂੰ ਪ੍ਰਸਤੁਤ ਕੀਤਾ। (ਪੜ੍ਹੋ ਇਬਰਾਨੀਆਂ ਨੂੰ 9:12, 24।) ਯਿਸੂ ਦਾ ਲਹੂ, ਜੋ ਉਸਦੀ ਮੌਤ ਦੀ ਪ੍ਰਤੀਨਿਧਤਾ ਕਰਦਾ ਹੈ, ਸਾਨੂੰ ਮੁਕਤੀ ਪ੍ਰਦਾਨ ਕਰਦਾ ਹੈ ਕਿਉਂਕਿ ਉਹ ਇੱਕ ਬਲੀਦਾਨ ਦੇ ਰੂਪ ਵਿੱਚ ਮਰਿਆ ਇਸ ਲਈ ਅਸੀਂ ਬਚਾਏ ਜਾ ਸਕੀਏ।

ਯਿਸੂ ਮਸੀਹ ਕਿਸੇ ਹੋਰ ਤਰੀਕੇ ਦੇ ਨਾਲ ਮਰਨ ਦੀ ਬਜਾਏ ਸਲੀਬ ਤੇ ਹੀ ਕਿਉਂ ਮਰਿਆ? ਪੁਰਾਣੇ ਨੇਮ ਦੇ ਵਿੱਚ, ਕਿਸੇ ਵਿਅਕਤੀ ਨੂੰ ਰੁੱਖ ਤੇ ਟੰਗਿਆ ਜਾਣਾ ਇਸ ਗੱਲ ਨੂੰ ਦਰਸਾਉਂਦਾ ਕਿ ਉਹ ਵਿਅਕਤੀ ਪਰਮੇਸ਼ੁਰ ਦੁਆਰਾ ਸ਼ਰਾਪੀ ਕੀਤਾ ਹੋਇਆ ਹੈ (ਬਿਵਸਥਾਸਾਰ 21:23)। ਪੌਲੁਸ ਰਸੂਲਾ ਸਾਨੂੰ ਦੱਸਦਾ ਹੈ ਕਿ ਯਿਸੂ ਨੇ ਰੁੱਖ ਤੇ ਸਲੀਬੀਕਰਨ ਹੋਣ ਦੇ ਦੁਆਰਾ ਪਰਮੇਸ਼ੁਰ ਦੇ ਸ਼ਰਾਪ ਨੂੰ ਆਪਣੇ ਤੇ ਲੈ ਲਿਆ (ਗਲਾਤੀਆਂ ਨੂੰ 3:13)।

ਯਿਸੂ ਨੇ ਪਰਮੇਸ਼ੁਰ ਅਤੇ ਮਨੁੱਖ ਨੂੰ ਇਕੱਠਿਆਂ ਕੀਤਾ

ਯਿਸੂ ਵੱਖ ਹੋਈਆਂ ਪਾਰਟੀਆਂ ਦਾ ਮੇਲ-ਮਿਲਾਪ ਕਰਾਉਣ ਦੇ ਲਈ ਆਇਆ- ਅਰਥਾਤ ਪਰਮੇਸ਼ੁਰ ਅਤੇ ਮਨੁੱਖਾਂ ਦਾ। ਇੱਕ ਵਿਚੌਲੇ ਦੇ ਰੂਪ ਵਿੱਚ ਯਿਸੂ ਇੱਕ ਹੀ ਸਮੇਂ ਦੋਵਾਂ ਪਾਰਟੀਆਂ ਦੀ ਪ੍ਰਤੀਨਿਧਤਾ ਕਰ ਰਿਹਾ ਸੀ। ਪਰਮੇਸ਼ੁਰ ਦੇ ਵੱਜੋਂ, ਉਸਨੇ ਮਨੁੱਖਾਂ ਦੇ ਅੱਗੇ ਪਰਮੇਸ਼ੁਰ ਦੀ ਪ੍ਰਤੀਨਿਧਤਾ ਕੀਤੀ। ਇੱਕ ਮਨੁੱਖ ਦੇ ਵੱਜੋਂ ਉਸਨੇ ਪਰਮੇਸ਼ੁਰ ਦੇ ਅੱਗੇ ਮਨੁੱਖਾਂ ਦੀ ਪ੍ਰਤੀਨਿਧਤਾ ਕੀਤੀ। ਦੋਵਾਂ ਪੱਖਾਂ ਦੀ ਸੰਪੂਰਨ ਪ੍ਰਤੀਨਿਧਤਾ ਕਰਕੇ, ਯਿਸੂ ਨੇ ਮਨੁੱਖਾਂ ਅਤੇ ਪਰਮੇਸ਼ੁਰ ਦਾ ਮੇਲ-ਮਿਲਾਪ ਕਰਵਾਇਆ। ਉਸਨੇ ਦੋਵਾਂ ਪੱਖਾਂ ਦਾ ਕੰਮ ਕਰਕੇ ਮੇਲ ਮਿਲਾਪ ਵਰਵਾਇਆ।

ਈਸਟਰ ਨੂੰ ਮਨਾਉਣ ਦੇ ਬਹੁਤ ਸਾਰੇ ਰਿਵਾਇਤੀ ਤਰੀਕੇ ਹਨ, ਪਰ ਬਹੁਤ ਸਾਰੇ ਲੋਕ ਉਨ੍ਹਾਂ ਗੱਲਾਂ ਦੇ ਅਰਥ ਨੂੰ ਨਹੀਂ ਸਮਝਦੇ ਜੋ ਉਹ ਕਰ ਰਹੇ ਹਨ, ਅਤੇ ਉਹ ਸ਼ਾਇਦ ਇਹ ਜਾਣਦੇ ਹੀ ਨਹੀਂ ਕੀ ਯਿਸੂ ਦਾ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਣਾ ਕਿੰਨਾ ਮਹੱਤਵਪੂਰਨ ਹੈ। ਈਸਟਰ ਦੀ ਸਵੇਰ ਨੂੰ ਯਿਸੂ ਉਸਦੇ ਸਲੀਬ ਤੇ ਚੜ੍ਹਾਏ ਜਾਣ ਦੇ ਤਿੰਨ ਦਿਨਾਂ ਦੇ ਬਾਅਦ ਕਬ਼ਰ ਦੇ ਵਿੱਚੋਂ ਜੀ ਉੱਠਿਆ। ਉਸਨੇ ਵਿਖਾਇਆ ਕਿ ਉਸਦੇ ਕੋਲ ਪਾਪ, ਮੌਤ ਅਤੇ ਸ਼ੈਤਾਨ ਦੇ ਉੱਤੇ ਸ਼ਕਤੀ ਹੈ। ਉਸਨੇ ਸਿਰਫ਼ ਸਾਡੀ ਮੌਤ ਨੂੰ ਹੀ ਨਹੀਂ ਲਿਆ, ਬਲਕਿ ਉਸਨੇ ਜੀਵਨ ਦੇ ਨਾਲ ਇਸਨੂੰ ਜਿੱਤ ਲਿਆ। ਕਿਉਂਕਿ ਉਹ ਜੇਤੂ ਸੀ, ਇਸ ਲਈ ਅਸੀਂ ਵੀ ਜੇਤੂ ਹੋ ਸਕਦੇ ਹਾਂ!

ਯਿਸੂ ਸਰੀਰਕ ਰੂਪ ਦੇ ਵਿੱਚ ਜੀ ਉੱਠਿਆ

ਇੱਕ ਵਾਰ ਯਿਸੂ ਨੇ ਯਹੂਦੀਆਂ ਨੂੰ ਕਿਹਾ, “ਇਸ ਹੈਕਲ ਨੂੰ ਢਾਹ ਸੁੱਟੋ ਤਾਂ ਮੈਂ ਤਿੰਨਾਂ ਦਿਨਾਂ ਵਿੱਚ ਇਹ ਨੂੰ ਖੜਾ ਕਰ ਦਿਆਂਗਾ”। ਭਾਵੇਂਕਿ ਯਹੂਦੀ ਸੋਚ ਰਹੇ ਸਨ ਕਿ ਉਹ ਹੇਰੋਦੇਸ ਦੇ ਦੁਆਰਾ ਬਣਾਈ ਹੈਕਲ ਦਾ ਹਵਾਲਾ ਦੇ ਰਿਹਾ ਹੈ, ਪਰ ਯਹੂੰਨਾ ਦਾ ਸ਼ੁਭਸਮਾਚਾਰ ਇਸ ਗੱਲ ਦੀ ਵਿਆਖਿਆ ਕਰਦਾ ਹੈ ਕਿ ਯਿਸੂ ਅਸਲ ਦੇ ਵਿੱਚ ਆਪਣੇ ਸਰੀਰ ਦਾ ਹਵਾਲਾ ਦੇ ਰਿਹਾ ਸੀ (ਯੂਹੰਨਾ 2:19-21)। ਸਾਰੇ ਸ਼ੁਭਸਮਾਚਾਰ ਇਸ ਗੱਲ ਨੂੰ ਦਰਜ ਕਰਦੇ ਹਨ ਕਿ ਯਿਸੂ ਦੇ ਦਫਨਾਏ ਜਾਣ ਦੇ ਤਿੰਨ ਦਿਨਾਂ ਦੇ ਬਾਅਦ ਉਸਦੀ ਕਬ਼ਰ ਖਾਲੀ ਸੀ। ਯਿਸੂ ਨੇ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਣ ਦੇ ਬਾਅਦ ਆਪਣੇ ਆਪ ਨੂੰ ਆਪਣੇ ਚੇਲ੍ਹਿਆਂ ਨੂੰ ਵਿਖਾਇਆ ਅਤੇ ਕਿਹਾ, “ਮੈਨੂੰ ਟੋਹੋ ਅਤੇ ਵੇਖੋ ਕਿਉਂਕਿ ਭੂਤ ਦੇ ਮਾਸ ਅਰ ਹੱਡੀਆਂ ਨਹੀਂ ਹੁੰਦੀਆਂ ਜਿਵੇਂ ਮੇਰੇ ਵਿੱਚ ਵੇਖਦੇ ਹੋ” (ਲੂਕਾ 24:39)। ਉਹ ਇਸ ਗੱਲ ਨੂੰ ਸਾਬਿਤ ਕਰ ਰਿਹਾ ਸੀ ਕਿ ਉਹ ਸਰੀਰਕ ਤੌਰ ਤੇ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਿਆ ਹੈ।

► ਜੇਕਰ ਯਿਸੂ ਮੁਰਦਿਆਂ ਦੇ ਵਿੱਚੋਂ ਜਿਉਂਦਾ ਨਾ ਹੁੰਦਾ ਤਾਂ ਇਸ ਨਾਲ ਕੀ ਫ਼ਰਕ ਪੈਂਦਾ?

1. ਯਿਸੂ ਦਾ ਮੁਰਦਿਆਂ ਦੇ ਵਿੱਚੋਂ ਜਿਉਂਦੇ ਹੋਣਾ ਉਸਦੀ ਪਾਪ ਅਤੇ ਮੌਤ ਤੇ ਸੰਪੂਰਨ ਜਿੱਤ ਨੂੰ ਦਰਸਾਉਂਦਾ ਹੈ। (ਪੜ੍ਹੋ ਕੁਲੁੱਸੀਆਂ ਨੂੰ 2:12-15; ਪਰਕਾਸ਼ ਦੀ ਪੋਥੀ 1:17-18।)

2. ਯਿਸੂ ਦਾ ਸਰੀਰਕ ਤੌਰ ਤੇ ਮੁਰਦਿਆਂ ਦੇ ਵਿੱਚੋਂ ਜਿਉਂਦੇ ਹੋਣਾ ਇਸ ਗੱਲ ਨੂੰ ਸਾਬਿਤ ਹੈ ਕਿ ਉਹ ਉਹੀ ਸੀ ਜੋ ਹੋਣ ਦਾ ਉਸਨੇ ਦਾਅਵਾ ਕੀਤਾ ਸੀ (ਮੱਤੀ 17:22-23, ਯੂਹੰਨਾ 2:16-22)। ਇਸ ਪ੍ਰਕਾਰ ਇਸਨੇ ਸ਼ੁਭਸਮਾਚਾਰ ਨੂੰ ਵੀ ਸਾਬਿਤ ਕੀਤਾ। ਜੋ ਲੋਕ ਯਿਸੂ ਦਾ ਮੁਰਦਿਆਂ ਦੇ ਵਿੱਚ ਯਿਸੂ ਉੱਠਣ ਦਾ ਇਨਕਾਰ ਕਰਦੇ ਹਨ ਉਹ ਸ਼ੁਭਸਮਾਚਾਰ ਦਾ ਵੀ ਇਨਕਾਰ ਕਰਦੇ ਹਨ। (ਪੜ੍ਹੋ 1 ਕੁਰਿੰਥੀਆਂ ਨੂੰ 15:17।)

3. ਯਿਸੂ ਦਾ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਣਾ ਇਸ ਗੱਲ ਨੂੰ ਪੱਕਿਆਂ ਕਰਦਾ ਹੈ ਕਿ ਅਸੀਂ ਵੀ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਾਂਗੇ। ਯਿਸੂ ਨੇ ਵਾਅਦਾ ਕੀਤਾ ਕਿ ਉਹ ਮੁਰਦਿਆਂ ਨੂੰ ਜਿਉਂਦਾ ਕਰੇਗਾ। ਜਦੋਂ ਤੱਕ ਉਹ ਆਪ ਮੁਰਦਿਆਂ ਦੇ ਵਿੱਚੋਂ ਜਿਉਂਦਾ ਨਾ ਹੁੰਦਾ ਤਾਂ ਇਸ ਵਾਇਦੇ ਤੇ ਵਿਸ਼ਵਾਸ ਕਰਨਾ ਕਠਿਨ ਹੁੰਦਾ (ਯੂਹੰਨਾ 5:28-29)। ਅਸੀਂ ਯਿਸੂ ਦੇ ਮਹਿਮਾਮਈ ਸਰੀਰ ਦੇ ਸਮਾਨ ਸਰੀਰਾਂ ਦੇ ਨਾਲ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਾਂਗੇ। (ਪੜ੍ਹੋ ਯੂਹੰਨਾ ਦੀ ਪਹਿਲੀ ਪੱਤ੍ਰੀ 3:2।) ਯਿਸੂ ਹੁਣ ਵੀ ਮਨੁੱਖ ਹੈ।

ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਣਾ ਵਿਖਾਉਂਦਾ ਹੈ ਕਿ ਦੇਹ ਧਾਰੀ ਹੋਣਾ ਸਥਾਈ ਹੈ। ਯਿਸੂ ਸਦਾ ਦੇ ਲਈ ਪਰਮੇਸ਼ੁਰ ਅਤੇ ਮਨੁੱਖ ਹੋਵੇਗਾ। ਯਿਸੂ, ਜੋ ਹੁਣ ਵੀ ਪਰਮੇਸ਼ੁਰ ਅਤੇ ਮਨੁੱਖ ਹੈ ਉਹ ਸਾਡੇ ਲਈ ਪਿਤਾ ਦੇ ਅੱਗੇ ਵਿਚੌਲਗੀ ਕਰਦਾ ਹੈ (ਰੋਮੀਆਂ ਨੂੰ 8:34), ਅਤੇ ਇੱਕ ਦਿਨ ਉਹ ਸਾਨੂੰ ਸਵਰਗ ਤੇ ਲੈ ਕੇ ਜਾਣ ਦੇ ਲਈ ਵਾਪਿਸ ਆਵੇਗਾ (1 ਥੱਸਲੁਨੀਕੀਆਂ ਨੂੰ 4:16-17)।

ਵਿਸ਼ਵਾਸੀਆਂ ਦੇ ਤੌਰ ਤੇ, ਅਸੀਂ ਮਸੀਹ ਦੇ ਨਾਲ ਪ੍ਰਤੀਦਿਨ ਦੀ ਸੰਗਤੀ ਦੇ ਵਿੱਚ ਰਹਿੰਦੇ ਹਾਂ। ਉਹ ਸਿਰਫ਼ ਇਤਿਹਾਸ ਦਾ ਹੀ ਵਿਅਕਤੀਤਵ ਨਹੀਂ ਹੈ, ਅਤੇ ਉਹ ਸਿਰਫ਼ ਸਵਰਗ ਦੇ ਵਿੱਚ ਰਹਿਣ ਵਾਲਾ ਪਰਮੇਸ਼ੁਰ ਨਹੀਂ ਹੈ, ਪਰ ਉਹ ਸਾਡੇ ਨਾਲ ਮੌਜੂਦ ਹੈ। ਉਸਨੇ ਆਪਣੇ ਚੇਲ੍ਹਿਆਂ ਦੇ ਨਾਲ ਹਮੇਸ਼ਾਂ ਹੋਣ ਦਾ ਵਾਇਦਾ ਕੀਤਾ (ਮੱਤੀ 28:20)।

ਉਹ ਕਲੀਸਿਆ ਦੇ ਵਿੱਚ ਇੱਕ ਖਾਸ ਤੌਰ ਤੇ ਮੌਜੂਦ ਹੈ। ਉਹ ਕਲੀਸਿਆ ਦਾ ਸਿਰ ਹੈ, ਅਤੇ ਕਲੀਸਿਆ ਨੂੰ ਉਸਦੀ ਦੇਹ ਕਿਹਾ ਜਾਂਦਾ ਹੈ (ਅਫ਼ਸੀਆਂ ਨੂੰ 1:22-23)। ਉਹ ਕਲੀਸਿਆ ਦੀ ਅਗਵਾਈ ਕਰਦਾ ਹੈ, ਇਸਨੂੰ ਸੰਭਾਲਦਾ ਹੈ, ਅਤੇ ਇਸ ਦੇ ਲਈ ਪ੍ਰਦਾਨ ਕਰਦਾ ਹੈ (ਪੜ੍ਹੋ ਕੁਲੁੱਸੀਆਂ ਨੂੰ 2:19।)

ਜੋ ਵਿਅਕਤੀ ਯਿਸੂ ਦੇ ਬਾਰੇ ਸਚਿਆਈ ਨੂੰ ਸਵੀਕਾਰ ਕਰਦਾ ਹੈ ਉਸਨੂੰ ਵਿਸ਼ਵਾਸ ਅਤੇ ਆਗਿਆਕਾਰੀ ਦੇ ਦੁਆਰਾ ਪ੍ਰਤੀਕਿਰਿਆ ਕਰਨੀ ਚਾਹੀਦੀ ਹੈ। ਹੇਠਾਂ ਦਿੱਤੀ ਪ੍ਰਾਰਥਨਾ ਦੇ ਦੁਆਰਾ ਤੁਸੀਂ ਦੂਸਰਿਆਂ ਦੀ ਵਿਸ਼ਵਾਸੀ ਬਣਨ ਦੇ ਵਿੱਚ ਸਹਾਇਤਾ ਕਰ ਸਕਦੇ ਹੋ।

ਪਿਤਾ, ਮੈਂ ਤੁਹਾਡਾ ਧੰਨਵਾਦ ਕਰਦਾ ਹਾਂ ਕਿ ਤੁਸੀਂ ਮੈਨੂੰ ਇੰਨਾ ਪਿਆਰ ਕੀਤਾ ਕਿ ਤੁਸੀਂ ਮੇਰੇ ਲਈ ਆਪਣੇ ਪੁੱਤਰ ਯਿਸੂ ਨੂੰ ਇਸ ਸੰਸਾਰ ਦੇ ਵਿੱਚ ਘੱਲਿਆ। ਮੈਂ ਵਿਸ਼ਵਾਸ ਕਰਦਾ ਹਾਂ ਕਿ ਯਿਸੂ ਪਾਪ ਰਹਿਤ ਈਸ਼ਵਰ ਮਨੁੱਖ ਹੈ ਜੋ ਮਰਿਆ ਅਤੇ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਿਆ ਤਾਂ ਕਿ ਮੈਨੂੰ ਮੇਰੇ ਪਾਪਾਂ ਤੋਂ ਮਾਫੀ ਮਿਲ ਸਕੇ ਅਤੇ ਤੁਹਾਡੇ ਨਾਲ ਸੰਬੰਧ ਦੇ ਵਿੱਚ ਆ ਸਕਾਂ। ਮੇਰੇ ਦੁਆਰਾ ਕੀਤੇ ਸਾਰੇ ਪਾਪਾਂ ਦੇ ਲਈ ਮੈਂ ਮਾਫੀ ਮੰਗਦਾ ਹਾਂ। ਮੈਂ ਜਾਣਦਾ ਹਾਂ ਕਿ ਮੇਰੇ ਪਾਪਾਂ ਨੇ ਯਿਸੂ ਨੂੰ ਸਲੀਬ ਤੇ ਚੜ੍ਹਾਇਆ। ਮੈਂ ਹੁਣੇ ਹੀ ਸਭਨਾਂ ਬੁਰਿਆਈਆਂ ਤੋਂ ਵਾਪਿਸ ਮੁੜਦਾ ਹਾਂ, ਅਤੇ ਮੈਂ ਯਿਸੂ ਨੂੰ ਆਪਣੇ ਪ੍ਰਭੂ ਅਤੇ ਮੁਕਤੀਦਾਤਾ ਵੱਜੋਂ ਸਵੀਕਾਰ ਕਰਦਾ ਹਾਂ। ਅੱਗੇ ਤੋਂ ਮੇਰੀ ਅਗਵਾਈ ਕਰੋ। ਮੈਂ ਸਦਾ ਦੇ ਲਈ ਤੁਹਾਡੇ ਲਈ ਜਿਉਣ ਜਾ ਰਿਹਾ ਹਾਂ! ਮੈਨੂੰ ਮਾਫ਼ ਕਰਨ ਦੇ ਲਈ ਤੁਹਾਡਾ ਧੰਨਵਾਦ। ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ। ਆਮੀਨ।

► ਵਿਸ਼ਵਾਸ ਕਥਨਾਂ ਨੂੰ ਘੱਟੋ-ਘੱਟ ਦੋ ਵਾਰ ਮਿਲ ਕੇ ਪੜ੍ਹੋ।

ਯਿਸੂ ਮਸੀਹ ਅਤੇ ਸਭਨਾਂ ਦਾ ਪ੍ਰਭੂ ਹੈ, ਪਰਮੇਸ਼ੁਰ ਦਾ ਪੁੱਤਰ ਜੋ ਕੁਆਰੀ ਤੋਂ ਪੈਦਾ ਹੋਇਆ, ਜਿਸਦੇ ਇੱਕ ਵਿਅਕਤੀਤਵ ਦੇ ਵਿੱਚ ਮਨੁੱਖੀ ਅਤੇ ਈਸ਼ਵਰੀ ਦੋਵੇਂ ਸੁਭਾਅ ਸਨ। ਉਹ ਇੱਕ ਪਾਪ ਰਹਿਤ ਜੀਵਨ ਜੀਵਿਆ, ਅਤੇ ਇੱਕ ਬਲੀਦਾਨ ਦੇ ਤੌਰ ਤੇ ਮਰਿਆ ਤਾਂ ਕਿ ਸਾਡੇ ਸਾਡੇ ਪਾਪ ਮਾਫ਼ ਕੀਤੇ ਜਾ ਸਕਣ। ਉਹ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਿਆ ਅਤੇ ਆਪਣੀ ਵਾਪਸੀ ਦੇ ਸਮੇਂ ਸਾਰੇ ਵਿਸ਼ਵਾਸੀਆਂ ਨੂੰ ਮੁਰਦਿਆਂ ਦੇ ਵਿੱਚੋਂ ਜਿਉਂਦਾ ਕਰੇਗਾ। ਉਸਦਾ ਰਾਜ ਵਿਸ਼ਵਵਿਆਪੀ ਅਤੇ ਬਿਨਾਂ ਕਿਸੇ ਅੰਤ ਦੇ ਹੈ।

ਕਲਾਸ ਦੇ ਆਗੂ ਲਈ ਸੂਚਨਾ: ਇਹ ਭਾਗ ਅਤੇ ਅੱਗਲਾ ਭਾਗ ਦੋਵੇਂ ਵਿਕਲਪ ਦੇ ਵੱਜੋਂ ਹਨ। ਜੇਕਰ ਉਹ ਇੰਨ੍ਹਾਂ ਬਿੰਦੂਆਂ ਦੇ ਬਾਰੇ ਬਾਈਬਲ ਦੇ ਵਿੱਚੋਂ ਵਧੇਰੇ ਪ੍ਰਮਾਣ ਚਾਹੁੰਦੇ ਹਨ ਤਾਂ ਇਹ ਕਲਾਸ ਦੇ ਵਿੱਚ ਦੱਸੇ ਜਾ ਸਕਦੇ ਹਨ।

ਯਿਸੂ ਹਵਾ ਦੀ ਸੰਤਾਨ ਸੀ (ਉਤਪਤ 3:15), ਅਬਰਾਹਾਮ ਦਾ ਅੰਸ (ਉਤਪਤ 22:18 – ਤੁਲਨਾ ਕਰੋ ਰਸੂਲਾਂ ਦੇ ਕਰਤੱਬ 3:25), ਔਰਤ ਤੋਂ ਪੈਦਾ ਹੋਇਆ (ਗਲਾਤੀਆਂ ਨੂੰ 4:4), ਮਰੀਅਮ ਤੋਂ ਪੈਦਾ ਹੋਇਆ (ਮੱਤੀ 1:21-25), ਉਸਨੂੰ ਮਨੁੱਖ ਦਾ ਪੁੱਤਰ ਕਿਹਾ ਗਿਆ (ਮੱਤੀ 13:37), ਅਤੇ ਉਹ ਵੱਡਾ ਹੋਣ ਦੀ ਆਮ ਪ੍ਰਕਿਰਿਆ ਦੇ ਵਿੱਚੋਂ ਗੁਜ਼ਰਿਆ (ਲੂਕਾ 2:40, 52)।

ਜਦੋਂ ਉਹ ਫੇਰੀ ਦੇ ਲਈ ਆਪਣੇ ਨਗਰ ਆਇਆ, ਤਾਂ ਲੋਕਾਂ ਦੀ ਪ੍ਰਤੀਕਿਰਿਆ ਵਿਖਾਉਂਦੀ ਹੈ ਕਿ ਉਸਦਾ ਬਚਪਨ ਆਮ ਸੀ (ਮੱਤੀ 13:54-56)।

ਇੱਕ ਮਨੁੱਖ ਦੀ ਤਰ੍ਹਾਂ ਆਗਿਆਕਾਰੀ ਕਰਨ ਦੇ ਲਈ ਉਸਦੇ ਕੋਲ ਇੱਕ ਸਰੀਰ ਸੀ (ਇਬਰਾਨੀਆਂ ਨੂੰ 10:5-9); ਉਹ ਲਹੂ ਅਤੇ ਮਾਸ ਬਣਿਆ (ਇਬਰਾਨੀਆਂ ਨੂੰ 2:14); ਉਹ ਸਾਡੇ ਸਮਾਨ ਬਣਿਆ ਤਾਂ ਕਿ ਉਹ ਸਾਡੀ ਤਰ੍ਹਾਂ ਦੁੱਖ ਝੱਲ ਸਕੇ (ਇਬਰਾਨੀਆਂ ਨੂੰ 2:10-18); ਉਹ ਦੁੱਖਾਂ ਦੇ ਦੁਆਰਾ ਸਿੱਧ ਕੀਤਾ ਗਿਆ (ਇਬਰਾਨੀਆਂ ਨੂੰ 2:9-10); ਅਤੇ ਮਨੁੱਖੀ ਪਰਤਾਵਿਆਂ ਦੇ ਦੁਆਰਾ ਪਰਖਿਆ ਗਿਆ (ਇਬਰਾਨੀਆਂ ਨੂੰ 4:15)।

ਉਸਨੇ ਮਨੁੱਖ ਦਾ ਰੂਪ ਧਾਰਿਆ (ਫ਼ਿਲਿੱਪੀਆਂ ਨੂੰ 2:6-8)।

ਉਹ ਪਰਮੇਸ਼ੁਰ ਦਾ ਸਦੀਪਕ ਸ਼ਬਦ ਸੀ ਅਤੇ ਉਹ ਦੇਹ ਧਾਰੀ ਹੋਇਆ ਅਤੇ ਉਸਨੇ ਧਰਤੀ ਤੇ ਵਾਸ ਕੀਤਾ (ਯੂਹੰਨਾ 1:14)।

ਯਿਸੂ ਦੀ ਮਨੁੱਖਤਾਈ ਮਸੀਹੀ ਵਿਸ਼ਵਾਸ ਦਾ ਇੱਕ ਮਹੱਤਵਪੂਰਨ ਬਿਆਨ ਹੈ (ਯੂਹੰਨਾ 1:14; ਯੂਹੰਨਾ ਦੀ ਪਹਿਲੀ ਪੱਤ੍ਰੀ 4:2-3)।

ਤਿੰਨ ਤਰੀਕਿਆਂ ਦੇ ਨਾਲ ਯਿਸੂ ਨੂੰ ਪਰਮੇਸ਼ੁਰ ਸਾਬਿਤ ਕੀਤਾ ਜਾਂਦਾ ਹੈ:

1. ਉਸਨੂੰ ਪਰਮੇਸ਼ੁਰ ਕਿਹਾ ਗਿਆ ਹੈ।

2. ਉਸਦੇ ਵਿੱਚ ਪਰਮੇਸ਼ੁਰ ਦੇ ਗੁਣ ਹਨ।

3. ਉਸਨੂੰ ਪਰਮੇਸ਼ੁਰ ਦੀਆਂ ਭੂਮਿਕਾਵਾਂ ਦੇ ਵਿੱਚ ਵਿਖਾਇਆ ਗਿਆ ਹੈ।

ਯਿਸੂ ਨੂੰ ਪਰਮੇਸ਼ੁਰ ਕਿਹਾ ਗਿਆ ਹੈ

• ਯੂਹੰਨਾ 1:1, 14, ਦੱਸਦਾ ਹੈ ਕਿ ਸ਼ਬਦ ਪਰਮੇਸ਼ੁਰ ਸੀ।

• ਯੂਹੰਨਾ 12:41 ਸਾਨੂੰ ਦੱਸਦਾ ਹੈ ਕਿ ਯਸਾਯਾਹ ਨੇ ਉਸਨੂੰ ਵੇਖਿਆ।

• ਰਸੂਲਾਂ ਦੇ ਕਰਤੱਬ 20:28 ਦੱਸਦਾ ਹੈ ਕਿ ਪਰਮੇਸ਼ੁਰ ਦੀ ਕਲੀਸਿਆ ਉਸਦੇ ਲਹੂ ਦੇ ਦੁਆਰਾ ਖਰੀਦੀ ਗਈ।

• ਰੋਮੀਆਂ ਨੂੰ 9:5 ਨੇ ਦੱਸਿਆ ਕਿ ਮਸੀਹ ਆਇਆ, ਜੋ ਸਦਾ ਦੇ ਲਈ ਪਰਮੇਸ਼ੁਰ ਦਾ ਮੁਬਾਰਕ ਹੈ।

• ਤੀਤੁਸ ਨੂੰ 2:13 ਉਸਨੂੰ ਸਾਡੇ ਪਰਮੇਸ਼ੁਰ ਅਤੇ ਮੁਕਤੀ ਦਾਤਾ ਯਿਸੂ ਮਸੀਹ ਵੱਜੋਂ ਦੱਸਦਾ ਹੈ।

• ਮੱਤੀ 1:23 ( ਯਸਾਯਾਹ 7:14 ਦਾ ਹਵਾਲਾ ਦਿੰਦੇ ਹੋਏ) ਕਿ ਉਸਦੇ ਨਾਮ ਦਾ ਅਰਥ ਹੈ “ਪਰਮੇਸ਼ੁਰ ਅਸਾਡੇ ਸੰਗ” ।

• ਯਸਾਯਾਹ 9:6 ਦੱਸਦਾ ਹੈ ਕਿ ਉਸਦਾ ਨਾਮ ਸ਼ਕਤੀਮਾਨ ਪਰਮੇਸ਼ੁਰ ਪੁਕਾਰਿਆ ਜਾਵੇਗਾ।

• ਤਿਮੋਥਿਉਸ ਨੂੰ ਪਹਿਲੀ ਪੱਤ੍ਰੀ 3:16 ਦੱਸਦਾ ਹੈ ਕਿ ਪਰਮੇਸ਼ੁਰ ਸਰੀਰ ਦੇ ਵਿੱਚ ਪ੍ਰਗਟ ਹੋਇਆ, ਕੌਮਾਂ ਵਿੱਚ ਉਸਦਾ ਪ੍ਰਚਾਰ ਕੀਤਾ ਗਿਆ, ਮਹਿਮਾ ਵਿੱਚ ਉੱਪਰ ਉਠਾ ਲਿਆ ਗਿਆ।

• ਯੂਹੰਨਾ 10:30, 33, ਦੇ ਵਿੱਚ, ਯਿਸੂ ਨੇ ਕਿਹਾ ਕਿ ਉਹ ਅਤੇ ਪਿਤਾ ਇੱਕ ਹਨ।

• ਯੂਹੰਨਾ 5:17-18, ਦੇ ਵਿੱਚ, ਯਹੂਦੀ ਜਾਣਦੇ ਸਨ ਕਿ ਉਸਨੇ ਕਿਹਾ ਕਿ ਉਹ ਪਰਮੇਸ਼ੁਰ ਦੇ ਸਮਾਨ ਹੈ।

• ਯੂਹੰਨਾ 14:9 ਦੇ ਵਿੱਚ, ਉਸਨੇ ਕਿਹਾ, “ਜਿਨ ਮੈਨੂੰ ਵੇਖਿਆ ਓਨ ਪਿਤਾ ਨੂੰ ਵੇਖਿਆ ਹੈ”।

• ਯੂਹੰਨਾ 20:28-29 ਦੇ ਵਿੱਚ, ਥੋਮਾ ਨੇ ਉਸਦੇ ਜਖ਼ਮਾਂ ਨੂੰ ਵੇਖਿਆ ਅਤੇ ਕਿਹਾ, “ਹੇ ਮੇਰੇ ਪ੍ਰਭੁ ਅਤੇ ਮੇਰੇ ਪਰਮੇਸ਼ੁਰ,” ਅਤੇ ਯਿਸੂ ਨੇ ਵਿਸ਼ਵਾਸ ਕਰਨ ਵਾਲਿਆਂ ਨੂੰ ਬਰਕਤ ਦਿੱਤੀ।

• ਯੂਹੰਨਾ 8:58 ਦੇ ਵਿੱਚ, ਉਸਨੇ ਆਪਣੇ ਆਪ ਨੂੰ ਮੈਂ ਹਾਂ ਕਿਹਾ, ਅਤੇ ਯਹੂਦੀ ਜਾਣਦੇ ਸਨ ਕਿ ਇਹ ਪਰਮੇਸ਼ੁਰ ਹੋਣ ਦਾ ਦਾਅਵਾ ਸੀ।

• ਪਰਕਾਸ਼ ਦੀ ਪੋਥੀ 1:17, ਪਰਕਾਸ਼ ਦੀ ਪੋਥੀ 2:8, ਅਤੇ ਪਰਕਾਸ਼ ਦੀ ਪੋਥੀ 22:13, ਦੇ ਵਿੱਚ, ਉਸਨੇ ਪਹਿਲਾ ਅਤੇ ਪਿੱਛਲਾ ਹੋਣ ਦਾ ਦਾਅਵਾ ਕੀਤਾ, ਅਤੇ ਯਸਾਯਾਹ 44:6 ਵਿਖਾਉਂਦਾ ਹੈ ਕਿ ਇਹ ਸ਼ਬਦ ਪਰਮੇਸ਼ੁਰ ਦੇ ਲਈ ਹੈ।

• ਇਬਰਾਨੀਆਂ ਨੂੰ 1:2-3 ਸਾਨੂੰ ਦੱਸਦਾ ਹੈ ਕਿ ਉਹ ਪਰਮੇਸ਼ੁਰ ਦਾ ਸੰਪੂਰਨ ਰੂਪ ਹੈ।

• ਇਬਰਾਨੀਆਂ ਨੂੰ 1:8 ਦੇ ਵਿੱਚ, ਉਸਨੂੰ ਪਰਮੇਸ਼ੁਰ ਦੇ ਤੌਰ ਤੇ ਸੰਬੋਧਿਤ ਕੀਤਾ ਗਿਆ ਹੈ।

ਯਿਸੂ ਦੇ ਵਿੱਚ ਪਰਮੇਸ਼ੁਰ ਦੇ ਗੁਣ ਹਨ

ਹਰ ਸਥਾਨ ਤੇ ਮੌਜੂਦ। ਮੱਤੀ 18:20 ਦੇ ਵਿੱਚ, ਯਿਸੂ ਨੇ ਕਿਹਾ ਕਿ ਦੋ ਜਾਂ ਤਿੰਨ ਵਿਸ਼ਵਾਸੀ ਇਕੱਠੇ ਹੋਣਗੇ ਉਹ ਉਨ੍ਹਾਂ ਦੇ ਵਿੱਚ ਮੌਜੂਦ ਹੋਵੇਗਾ। ਮੱਤੀ 28:20 ਦੇ ਵਿੱਚ, ਉਸਨੇ ਸਦਾ ਵਿਸ਼ਵਾਸੀਆਂ ਦੇ ਨਾਲ ਹੋਣ ਵਾਇਦਾ ਕੀਤਾ।

ਸਬਰ-ਸ਼ਕਤੀਮਾਨ। ਇਬਰਾਨੀਆਂ ਨੂੰ 1:3 ਕਹਿੰਦਾ ਹੈ ਕਿ ਉਹ ਆਪਣੀ ਸ਼ਕਤੀ ਦੇ ਦੁਆਰਾ ਸਭਨਾਂ ਵਸਤਾਂ ਨੂੰ ਕਾਇਮ ਰੱਖਦਾ ਹੈ। ਫ਼ਿਲਿੱਪੀਆਂ ਨੂੰ 3:21 ਦੱਸਦਾ ਹੈ ਕਿ ਉਹ ਹਰੇਕ ਵਸਤ ਨੂੰ ਆਪਣੇ ਅਧੀਨ ਕਰਦਾ ਹੈ।

ਸਦੀਪਕ। ਇਬਰਾਨੀਆਂ ਨੂੰ 13:8 ਸਾਨੂੰ ਦੱਸਦਾ ਹੈ ਕਿ ਉਹ ਸਦੀਪਕ ਤੌਰ ਤੇ ਇੱਕ ਸਮਾਨ ਹੈ। ਇਬਰਾਨੀਆਂ ਨੂੰ 1:12 ਦੱਸਦਾ ਹੈ ਕਿ ਉਹ ਸਦਾ ਇੱਕੋ ਜਿਹਾ ਰਹਿੰਦਾ ਹੈ। ਇਹ ਵਚਨ ਜ਼ਬੂਰਾਂ ਦੀ ਪੋਥੀ 102:25-27 ਦਾ ਹਵਾਲਾ ਹੈ ਜੋ ਪਰਮੇਸ਼ੁਰ ਦੇ ਬਾਰੇ ਗੱਲ ਕਰਦਾ ਹੈ।

ਸਭ ਕੁਝ ਜਾਣਨ ਵਾਲਾ। ਯੂਹੰਨਾ 2:24-25 ਸਾਨੂੰ ਦੱਸਦਾ ਹੈ ਕਿ ਉਹ ਸਭਨਾਂ ਲੋਕਾਂ ਨੂੰ ਜਾਣਦਾ ਸੀ, ਅਤੇ ਉਹ ਜਾਣਦਾ ਸੀ ਕਿ ਉਨ੍ਹਾਂ ਦੇ ਮਨਾਂ ਦੇ ਦੇ ਵਿੱਚ ਕੀ ਹੈ। ਯੂਹੰਨਾ 10:15 ਦੇ ਵਿੱਚ, ਦੇ ਵਿੱਚ ਉਸਨੇ ਦਾਅਵਾ ਕੀਤਾ ਕਿ ਉਹ ਪਿਤਾ ਨੂੰ ਉਸੇ ਪ੍ਰਕਾਰ ਜਾਣਦਾ ਹੈ ਜਿਵੇਂ ਪਿਤਾ ਉਸਨੂੰ ਜਾਣਦਾ ਹੈ।

ਯਿਸੂ ਦੇ ਕੋਲ ਪਰਮੇਸ਼ੁਰ ਦੀਆਂ ਭੂਮਿਕਾਵਾਂ ਹਨ

• ਯਿਸੂ ਰਚਨਹਾਰਾ ਹੈ (ਕੁਲੁੱਸੀਆਂ ਨੂੰ 1:16; ਇਬਰਾਨੀਆਂ ਨੂੰ 1:10)।

• ਯਿਸੂ ਨੇ ਪਾਪ ਮਾਫ਼ ਕੀਤੇ (ਲੂਕਾ 5:20-24, ਲੂਕਾ 7:48)।

• ਯਿਸੂ ਅੰਤਿਮ ਨਿਆਂ ਦੇ ਸਮੇਂ ਨਿਆਂਈ ਹੋਵੇਗਾ (ਮੱਤੀ 25:31-46; 2 ਕੁਰਿੰਥੀਆਂ ਨੂੰ 5:10)।

• ਯਿਸੂ ਦੀ ਪਿਤਾ ਦੀ ਤਰ੍ਹਾਂ ਅਰਾਧਨਾ ਕੀਤੀ ਜਾਂਦੀ ਹੈ (ਯੂਹੰਨਾ 5:22-23; ਇਬਰਾਨੀਆਂ ਨੂੰ 1:6; ਪਰਕਾਸ਼ ਦੀ ਪੋਥੀ 5:12-13)।

(1) ਵਚਨਾਂ ਦੇ ਅਸਾਇਨਮੈਂਟ: ਹਰੇਕ ਵਿਦਿਆਰਥੀ ਨੂੰ ਹੇਠਾਂ ਦਿੱਤੇ ਵਚਨਾਂ ਦੀ ਸੂਚੀ ਵਿੱਚੋਂ ਇੱਕ ਸੌਂਪਿਆ ਜਾਵੇਗਾ। ਅੱਗਲੀ ਕਲਾਸ ਦੇ ਸ਼ੈਸ਼ਨ ਤੋਂ ਪਹਿਲਾਂ, ਤੁਹਾਨੂੰ ਵਚਨ ਨੂੰ ਪੜਣਾ ਚਾਹੀਦਾ ਹੈ ਅਤੇ ਇੱਕ ਪੈਰਾਗ੍ਰਾਫ ਦੇ ਵਿੱਚ ਲਿਖਣਾ ਹੋਵੇਗਾ ਕਿ ਇਹ ਪਾਠ ਦੇ ਵਿਸ਼ੇ ਬਾਰੇ ਕੀ ਕਹਿੰਦਾ ਹੈ।

• ਮਰਕੁਸ 1:1-12

• ਯੂਹੰਨਾ 5:19-26

• ਯੂਹੰਨਾ 6:44-51

• ਯੂਹੰਨਾ 8:51-59

• ਰਸੂਲਾਂ ਦੇ ਕਰਤੱਬ 2:22-36

• ਪਰਕਾਸ਼ ਦੀ ਪੋਥੀ 1:12-18

(2) ਪ੍ਰੀਖਿਆ: ਤੁਸੀਂ ਅੱਗਲੀ ਕਲਾਸ ਦੀ ਸ਼ੁਰੂਆਤ ਪਾਠ 7 ਦੀ ਪ੍ਰੀਖਿਆ ਦੇ ਨਾਲ ਕਰੋਗੇ। ਤਿਆਰੀ ਦੇ ਲਈ ਪ੍ਰੀਖਿਆ ਦੇ ਪ੍ਰਸ਼ਨਾਂ ਦਾ ਧਿਆਨਪੂਰਵਕ ਅਧਿਐਨ ਕਰੋ।

(3) ਸਿਖਾਉਣ ਦਾ ਅਸਾਇਨਮੈਂਟ: ਆਪਣੀ ਕਲਾਸ ਤੋਂ ਬਾਹਰ ਸਿਖਾਉਣ ਦੀ ਸਮੇਂ ਸਾਰਨੀ ਨੂੰ ਬਣਾਉਣ ਅਤੇ ਇਸਦੇ ਬਾਰੇ ਰਿਪੋਰਟ ਦੇਣ ਨੂੰ ਯਾਦ ਰੱਖੋ।

(1) ਮਸੀਹ ਦੀ ਪ੍ਰਾਥਮਿਕਤਾ ਕੀ ਸੀ?

(2) ਪ੍ਰਾਰੰਭਿਕ ਕਲੀਸਿਆ ਦਾ ਕੀ ਅਰਥ ਸੀ ਜਦੋਂ ਉਹ ਕਹਿੰਦੇ ਸਨ, “ਯਿਸੂ ਪ੍ਰਭੁ ਹੈ”?

(3) ਯਿਸੂ ਕਿਹੜੇ ਤਰੀਕੇ ਨਾਲ ਅਨੋਖੇ ਢੰਗ ਨਾਲ ਪਰਮੇਸ਼ੁਰ ਦਾ ਪੁੱਤਰ ਹੈ?

(4) ਦੇਹਧਾਰੀ ਹੋਣਾ ਕੀ ਹੈ?

(5) ਤਿੰਨ ਕਾਰਨ ਲਿਖੋ ਕਿ ਇਹ ਕਿਉਂ ਮਹੱਤਵਪੂਰਨ ਹੈ ਕਿ ਯਿਸੂ ਇੱਕ ਮਨੁੱਖ ਹੈ।

(6) ਤਿੰਨ ਕਾਰਨ ਲਿਖੋ ਕਿ ਇਹ ਜਾਣਨਾ ਕਿਉਂ ਜਰੂਰੀ ਹੈ ਕਿ ਯਿਸੂ ਪਰਮੇਸ਼ੁਰ ਹੈ।

(7) ਦੋ ਕਾਰਨ ਲਿਖੋ ਕਿ ਬਲੀਦਾਨ ਕਰਨਾ ਕਿਉਂ ਜਰੂਰੀ ਸੀ।

(8) ਯਿਸੂ ਕਿਸੇ ਹੋਰ ਤਰੀਕੇ ਦੀ ਬਜਾਏ ਸਲੀਬ ਤੇ ਹੀ ਕਿਉਂ ਮਰਿਆ?

(9) ਯਿਸੂ ਦੇ ਸਰੀਰਕ ਤੌਰ ਤੇ ਮੁਰਦਿਆਂ ਵਿੱਚੋਂ ਜੀ ਉੱਠਣ ਦੇ ਤਿੰਨ ਮਹੱਤਵਪੂਰਨ ਕਾਰਨ ਲਿਖੋ।