(1) ਵਿਦਿਆਰਥੀ ਹੇਠਾਂ ਦੱਸੀਆਂ ਗੱਲਾਂ ਦੀ ਵਿਆਖਿਆ ਕਰ ਪਾਉਣਗੇ:

• ਅੰਤਿਮ ਘਟਨਾਵਾਂ ਦੇ ਵਿਸ਼ਿਆਂ ਦੇ ਮਹੱਤਵ ਦਾ ਪੱਧਰ।

• ਮਸੀਹ ਦਾ ਦੁਬਾਰਾ ਵਾਪਿਸ ਆਉਣਾ ਅਤੇ ਮਸੀਹੀ ਜੀਵਨ ਦੇ ਵਿੱਚ ਇਸਦਾ ਮਹੱਤਵ।

• ਸਾਰੇ ਲੋਕਾਂ ਨੂੰ ਮੁਰਦਿਆਂ ਵਿੱਚੋਂ ਜੀ ਉੱਠਣਾ ਅਤੇ ਸਰੀਰ ਦਾ ਮਹੱਤਵ।

• ਸਾਰੇ ਨੈਤਿਕ ਪ੍ਰਾਣੀਆਂ ਦਾ ਅੰਤਿਮ ਨਿਆਂ।

• ਪਰਮੇਸ਼ੁਰ ਦਾ ਸਦੀਪਕ ਰਾਜ।

• ਅੰਤਿਮ ਘਟਨਾਵਾਂ ਬਾਰੇ ਮਸੀਹੀ ਵਿਸ਼ਵਾਸਾਂ ਦਾ ਇੱਕ ਬਿਆਨ।

(2) ਵਿਦਿਆਰਥੀ ਧਰਤੀ ਦੇ ਜੀਵਨ ਨੂੰ ਸਦੀਪਕਤਾ ਦੇ ਨਜ਼ਰੀਏ ਤੋਂ ਵੇਖਣ ਦੇ ਮਹੱਤਵ ਨੂੰ ਜਾਣਨਗੇ।

► ਦਾਨੀਏਲ 7:9-14 ਨੂੰ ਮਿਲ ਕੇ ਪੜ੍ਹੋ। ਵਚਨ ਦਾ ਇਹ ਭਾਗ ਸਾਨੂੰ ਭਵਿੱਖ ਦੇ ਬਾਰੇ ਕੀ ਕਹਿੰਦਾ ਹੈ?

ਬਾਈਬਲ ਦੀ ਭਵਿੱਖਬਾਣੀ ਵਿੱਚ ਅੱਗੇ ਦੱਸੇ ਵਿਸ਼ੇ ਸ਼ਾਮਿਲ ਹਨ: ਦਰਿੰਦੇ ਦਾ ਨਿਸ਼ਾਨ, ਤੁਰ੍ਹੀਆਂ, ਮਹਾਂ ਕਸ਼ਟ, ਮਸੀਹ ਵਿਰੋਧੀ, ਸੱਤ ਸਾਲ, 1,000 ਸਾਲ, ਮਹਾਨ ਸਫ਼ੇਦ ਸਿੰਘਾਸਣ, ਨਗਰੀ ਦਾ ਹੇਠਾਂ ਆਉਣਾ, ਅੱਗ ਦੀ ਝੀਲ।

► ਤੁਸੀਂ ਬਾਈਬਲ ਦੇ ਭਵਿੱਖਬਾਣੀਆਂ ਦੇ ਕਿਹੜੇ ਵਿਸ਼ਿਆਂ ਬਾਰੇ ਸੋਚਦੇ ਹੋ?

ਅਕਸਰ ਭਵਿੱਖਬਾਣੀ ਤੇ ਕੀਤੀ ਜਾਣ ਵਾਲੀ ਚਰਚਾ ਵਿੱਚ ਮੁੱਖ ਸਚਿਆਈਆਂ ਦੀ ਬਜਾਏ ਛੋਟੇ ਪ੍ਰਸ਼ਨਾਂ ਤੇ ਜਿਆਦਾ ਧਿਆਨ ਦਿੱਤਾ ਜਾਂਦਾ ਹੈ। ਭਵਿੱਖਬਾਣੀ ਵਿੱਚ ਪਾਏ ਜਾਣ ਵਾਲੇ ਸਾਰੇ ਵਿਸ਼ੇ ਵੀ ਇੱਕ ਬਰਾਬਰ ਮਹੱਤਵਪੂਰਨ ਨਹੀਂ ਹਨ। ਇਸ ਕੋਰਸ ਦੇ ਵਿੱਚ ਅਸੀਂ ਭਵਿੱਖਬਾਣੀ ਦੇ ਬਾਰੇ ਹਰੇਕ ਗੱਲ ਬਾਰੇ ਚਰਚਾ ਨਹੀਂ ਕਰਾਂਗੇ।

ਕਈ ਵਾਰ ਲੋਕ ਸੋਚਦੇ ਹਨ ਕਿ ਦਰਿੰਦੇ ਦਾ ਚਿੰਨ੍ਹ ਕਿਸ ਪ੍ਰਕਾਰ ਦਾ ਵਿਖੇਗਾ, ਮਸੀਹ ਵਿਰੋਧੀ ਕਿਸ ਦੇਸ਼ ਤੋਂ ਆਏਗਾ, ਅਤੇ ਦੋ ਗਵਾਹ ਕੌਣ ਹੋਣਗੇ। ਕੁਝ ਪ੍ਰਸ਼ਨ ਅਜਿਹੇ ਹਨ ਜਿੰਨ੍ਹਾਂ ਦੇ ਬਾਰੇ ਬਾਈਬਲ ਸਪੱਸ਼ਟਤਾ ਦੇ ਨਾਲ ਉੱਤਰ ਨਹੀਂ ਦਿੰਦੀ, ਅਤੇ ਉਨ੍ਹਾਂ ਦੇ ਬਾਰੇ ਬਹਿਸ ਕਰਨ ਦਾ ਕੋਈ ਫਾਇਦਾ ਨਹੀਂ ਹੈ।

ਕੁਝ ਵਿਸ਼ੇ ਅਜਿਹੇ ਹਨ ਜਿੰਨ੍ਹਾਂ ਦੇ ਬਾਰੇ ਬਾਈਬਲ ਕਾਫੀ ਜਿਆਦਾ ਵਿਆਖਿਆ ਕਰਦੀ ਹੈ। ਕੁਝ ਉਦਾਹਰਨਾਂ ਇਹ ਹਨ ਕਿ ਕੀ ਯਿਸੂ ਮਹਾਂ ਕਲੇਸ਼ ਦੀ ਸ਼ੁਰੂਆਤ, ਵਿੱਚਕਾਰ ਜਾਂ ਇਸਦੇ ਅੰਤ ਵਿੱਚ ਆਵੇਗਾ; ਅਤੇ ਇੱਕ ਹਜ਼ਾਰ ਸਾਲ ਦੇ ਰਾਜ ਵਿੱਚ ਅਸਲ 1,000 ਸਾਲ ਹੋਣਗੇ ਜਾਂ ਨਹੀਂ। ਪਰ ਇਹ ਸਿੱਖਿਆਵਾਂ ਸ਼ੁਭਸਮਾਚਾਰ ਦੇ ਲਈ ਜਰੂਰੀ ਨਹੀਂ ਹਨ। ਤੁਹਾਨੂੰ ਕਿਸੇ ਅਜਿਹੇ ਵਿਅਕਤੀ ਦੇ ਨਾਲ ਕਦੇ ਵੀ ਸੰਗਤੀ ਨਹੀਂ ਤੋੜਣੀ ਚਾਹੀਦੀ ਜੋ ਇੰਨ੍ਹਾਂ ਪ੍ਰਸ਼ਨਾਂ ਵਿੱਚੋਂ ਇੱਕ ਦੇ ਬਾਰੇ ਤੁਹਾਡੀ ਰਾਏ ਦੇ ਨਾਲ ਸਹਿਮਤ ਨਹੀਂ ਹੁੰਦੇ।

ਬਾਈਬਲ ਦੀ ਭਵਿੱਖਬਾਣੀ ਦੇ ਵਿੱਚ ਕੁਝ ਜਰੂਰੀ ਸਚਿਆਈਆਂ ਹਨ। ਇਹ ਸਚਿਆਈਆਂ ਇੰਨੀਆਂ ਸਪੱਸ਼ਟ ਹਨ ਕਿ ਬਾਈਬਲ ਤੇ ਵਿਸ਼ਵਾਸ ਕਰਨ ਵਾਲਾ ਹਰੇਕ ਵਿਅਕਤੀ ਇਸਨੂੰ ਸਵੀਕਾਰ ਕਰਦਾ ਹੈ। ਇਹ ਸਿੱਖਿਆਵਾਂ ਮਸੀਹੀ ਜੀਵਨਸ਼ੈਲੀ ਅਤੇ ਮਸੀਹੀ ਸਿੱਖਿਆ ਦੀ ਸੰਪੂਰਨ ਪ੍ਰਣਾਲੀ ਨੂੰ ਪ੍ਰਭਾਵਿਤ ਕਰਦਾ ਹੈ। ਆਉ ਅਸੀਂ ਬਾਈਬਲ ਦੇ ਭਵਿੱਖਬਾਣੀ ਦੇ ਵਿੱਚ ਅੰਤਿਮ ਘਟਨਾਵਾਂ ਦੇ ਬਾਰੇ ਚਾਰ ਜਰੂਰੀ ਸਚਿਆਈਆਂ ਦੇ ਬਾਰੇ ਵੇਖੀਏ।

ਯਿਸੂ ਵਿਖਣ ਵਾਲੇ ਰੂਪ ਵਿੱਚ ਧਰਤੀ ਤੇ ਵਾਪਿਸ ਆਏਗਾ। ਭਾਵੇਂ ਕਿ ਉਹ ਹੁਣ ਧਰਤੀ ਤੇ ਵਿਸ਼ਵਾਸੀਆਂ ਦੇ ਨਾਲ ਆਤਮਿਕ ਤੌਰ ਤੇ ਮੌਜੂਦ ਹੈ, ਪਰ ਉਹ ਸਾਰੀ ਧਰਤੀ ਦੇ ਵੇਖਦਿਆਂ ਆਪਣੇ ਮਹਿਮਾਮਈ, ਅਤੇ ਮੁਰਦਿਆਂ ਵਿੱਚੋਂ ਜੀ ਉੱਠੇ ਰੂਪ ਵਿੱਚ ਵਾਪਿਸ ਆਵੇਗਾ। (ਪੜ੍ਹੋ ਪਰਕਾਸ਼ ਦੀ ਪੋਥੀ 1:7।)

► ਯਿਸੂ ਦੀ ਵਾਪਸੀ ਦੇ ਸਮੇਂ ਹੋਣ ਵਾਲੀਆਂ ਕੁਝ ਘਟਨਾਵਾਂ ਕਿਹੜੀਆਂ ਹੋਣਗੀਆਂ?

ਮਸੀਹ ਦੀ ਆਮਦ ਧਰਤੀ ਦੇ ਇਤਿਹਾਸ ਦਾ ਸ਼ਿਖਰ ਹੋਵੇਗਾ। ਸੰਸਾਰ ਦੇ ਰਾਜ ਮਸੀਹ ਦੇ ਰਾਜ ਬਣ ਜਾਣਗੇ। ਜੋ ਉਸਦੇ ਨਾਲ ਵਫ਼ਾਦਾਰ ਹਨ ਉਨ੍ਹਾਂ ਨੂੰ ਪ੍ਰਤੀਫ਼ਲ ਅਤੇ ਆਦਰ ਦਿੱਤਾ ਜਾਵੇਗਾ। ਜੋ ਉਸਦੇ ਵਿਰੁੱਧ ਬਗ਼ਾਵਤ ਕਰਦੇ ਹਨ ਉਨ੍ਹਾਂ ਨੂੰ ਹਰਾ ਦਿੱਤਾ ਜਾਵੇਗਾ, ਅਤੇ ਉਸਦੇ ਕੋਲ ਅਜਿਹੀ ਸਮਰੱਥਾ ਹੋਵੇਗੀ ਜੋ ਹਰੇਕ ਵਿਰੋਧ ਤੇ ਜਿੱਤ ਹਾਸਿਲ ਕਰੇਗੀ। (ਪੜ੍ਹੋ ਮੱਤੀ 26:64।) ਹਰੇਕ ਗੋਡਾ ਨਿਵਾਇਆ ਜਾਵੇਗਾ, ਅਤੇ ਹਰੇਕ ਜੁਬਾਨ ਮੰਨ ਲਵੇਗੀ ਕਿ ਯਿਸੂ ਹੀ ਪ੍ਰਭੂ ਹੈ (ਫ਼ਿਲਿੱਪੀਆਂ ਨੂੰ 2:10-11)।

ਜੋ ਮਸੀਹੀ ਮਰ ਗਏ ਹਨ ਉਹ ਮਸੀਹ ਦੇ ਨਾਲ ਰਾਜ ਕਰਨ ਦੇ ਲਈ ਜੀ ਉੱਠਣਗੇ (ਤਿਮੋਥਿਉਸ ਨੂੰ ਦੂਜੀ ਪੱਤ੍ਰੀ 2:12)। ਉਹ ਅਤੇ ਜਿਉਂਦੇ ਮਸੀਹੀ ਪ੍ਰਭੂ ਦੇ ਵਿਖਾਈ ਦੇਣ ਸਮੇਂ ਉਠਾਏ ਜਾਣਗੇ (1 ਥੱਸਲੁਨੀਕੀਆਂ ਨੂੰ 4:16-17)।

[1]ਯਿਸੂ ਦੀ ਆਮਦ ਸਾਰੇ ਮਸੀਹੀਆਂ ਦੇ ਲਈ ਮੁਬਾਰਕ ਉਮੀਦ ਹੈ (ਪੜ੍ਹੋ ਤੀਤੁਸ ਨੂੰ 2:13।)। ਉਨ੍ਹਾਂ ਸਭਨਾਂ ਗੱਲਾਂ ਦੇ ਬਾਰੇ ਸੋਚੋ ਜੋ ਉਸਦੀ ਆਮਦ ਦੇ ਸਮੇਂ ਸਾਡੇ ਨਾਲ ਹੋਣਗੀਆਂ: ਸਤਾਅ, ਦੁੱਖਾਂ ਅਤੇ ਕਸ਼ਟਾਂ ਦਾ ਅੰਤ; ਮਸੀਹੀ ਸੰਤਾਂ ਅਤੇ ਪਿਆਰੇ ਮਸੀਹੀਆਂ ਦੇ ਨਾਲ ਦੁਬਾਰਾ ਮਿਲਾਪ; ਇਹ ਸਬੂਤ ਕਿ ਸਾਡਾ ਵਿਸ਼ਵਾਸ ਵਿਅਰਥ ਦੇ ਵਿੱਚ ਨਹੀਂ ਰਿਹਾ; ਯਿਸੂ ਨੂੰ ਵੇਖ ਸਕਾਂਗੇ; ਜੀਵਨ ਦੀ ਸਦੀਪਕਤਾ ਦੀ ਭਰਪੂਰੀ ਦੇ ਨਾਲ ਸਵਰਗ ਦੇ ਵਿੱਚ ਦਾਖਲਾ। ਇੰਨਾਂ ਵਿੱਚੋਂ ਕੋਈ ਵੀ ਗੱਲ ਉਸਦੀ ਆਮਦ ਦੇ ਸਮੇਂ ਤੇ ਨਿਰਭਰ ਨਹੀਂ ਹਨ, ਪਰ ਉਹ ਇਸ ਤੱਥ ਤੇ ਨਿਰਭਰ ਹਨ ਕਿ ਉਹ ਆਪਣੇ ਵਾਇਦੇ ਦੇ ਅਨੁਸਾਰ ਵਾਪਿਸ ਆਵੇਗਾ।

ਯਿਸੂ ਨੇ ਕਿਹਾ ਕਿ ਉਹ ਮਹਿਮਾ ਅਤੇ ਸਮਰੱਥ ਦੇ ਨਾਲ ਵਾਪਿਸ ਆਵੇਗਾ (ਮੱਤੀ 24:30)। ਉਸਨੇ ਵਾਇਦਾ ਕੀਤਾ ਕਿ ਉਹ ਆਵੇਗਾ ਅਤੇ ਆਪਣੇ ਲੋਕਾਂ ਨੂੰ ਨਾਲ ਲੈ ਕੇ ਜਾਵੇਗਾ ਤਾਂ ਕਿ ਉਹ ਉਸਦੇ ਨਾਲ ਰਹਿ ਸਕਣ (ਯੂਹੰਨਾ 14:3)। ਸਵਰਗਦੂਤਾਂ ਨੇ ਕਿਹਾ ਕਿ ਜਿਵੇਂ ਉਹ ਸਵਰਗ ਤੇ ਗਿਆ ਹੈ ਉਸੇ ਪ੍ਰਕਾਰ ਉਹ ਵਾਪਿਸ ਆਵੇਗਾ (ਰਸੂਲਾਂ ਦੇ ਕਰਤੱਬ 1:11)। ਰਸੂਲਾਂ ਨੇ ਮਸੀਹ ਦੇ ਇਸ ਧਰਤੀ ਤੇ ਵਾਪਿਸ ਆ ਕੇ ਪਰਮੇਸ਼ੁਰ ਦੀ ਅੰਤਿਮ ਯੋਜਨਾ ਨੂੰ ਪੂਰਾ ਕਰਨ ਦੀ ਉਡੀਕ ਕਰਦੇ ਹੋਏ ਤੌਬਾ ਦਾ ਪ੍ਰਚਾਰ ਕੀਤਾ (ਪੜ੍ਹੋ ਰਸੂਲਾਂ ਦੇ ਕਰਤੱਬ 3:19-21)। ਨਵੇਂ ਨੇਮ ਦੇ ਵਿੱਚ ਇਹ ਬਹੁਤ ਵਾਰ ਦੁਹਰਾਇਆ ਗਿਆ ਹੈ ਕਿ ਯਿਸੂ ਮਹਿਮਾ ਅਤੇ ਸਮਰੱਥਾ ਦੇ ਵਿੱਚ ਧਰਤੀ ਤੇ ਵਾਪਿਸ ਆਵੇਗਾ।[2]

ਭਾਵੇਂਕਿ ਯਿਸੂ ਦੀ ਆਮਦ ਦੇ ਬਾਰੇ ਕੁਝ ਨਿਸ਼ਾਨ ਦੱਸੇ ਗਏ ਹਨ, ਪਰ ਅਸੀਂ ਬਿਲਕੁਲ ਸਹੀ ਸਮੇਂ ਨੂੰ ਜਾਣ ਨਹੀਂ ਸਕਦੇ ਕਿ ਉਹ ਕਦੋਂ ਆਵੇਗਾ। ਵਿਸ਼ਵਾਸੀਆਂ ਦੇ ਲਈ ਇਹ ਚੰਗਾ ਹੈ ਕਿ ਉਹ ਸਦਾ ਯਿਸੂ ਦੇ ਆਉਣ ਦੀ ਉਡੀਕ ਵਿੱਚ ਰਹਿਣ ਅਤੇ ਇਸਦੇ ਅਨੁਸਾਰ ਜੀਵਨ ਬਤੀਤ ਕਰਨ (ਪੜ੍ਹੋ ਮਰਕੁਸ 13:33-37)।

► ਯਿਸੂ ਵਾਪਿਸ ਕਿਉਂ ਆ ਰਿਹਾ ਹੈ?

ਅਸੀਂ ਇੱਕ ਅਜਿਹੇ ਸੰਸਾਰ ਦੇ ਵਿੱਚ ਰਹਿੰਦੇ ਹਾਂ ਜਿੱਥੇ ਜਿਆਦਾਤਰ ਲੋਕ ਪਰਮੇਸ਼ੁਰ ਦੇ ਵਿਰੁੱਧ ਬਗ਼ਾਵਤ ਕਰਦੇ ਹਨ। ਸਾਰੀ ਰਚਨਾ ਪਾਪ ਦੇ ਸ਼ਰਾਪ ਕਾਰਨ ਦੁੱਖ ਉਠਾਉਂਦੀ ਹੈ। ਸੰਸਾਰ ਕਦੇ ਵੀ ਕਿਸੇ ਰਾਜਨੀਤਿਕ ਕਿਰਿਆ, ਸਮਾਜਿਕ ਸੁਧਾਰ, ਵਿਕਸਿਤ ਸਿੱਖਿਆ ਜਾਂ ਸੰਪੰਨ ਆਰਥਿਕਤਾ ਦੇ ਨਾਲ ਸੰਪੂਰਨ ਨਹੀਂ ਕੀਤਾ ਜਾਵੇਗਾ। ਯਿਸੂ ਇੱਕ ਦਮ ਇੱਕ ਵਾਪਿਸ ਆਉਣ ਵਾਲੇ ਰਾਜੇ ਦੀ ਤਰ੍ਹਾਂ ਆਪਣੀ ਰਚਨਾ ਦੇ ਵਿੱਚ ਦਾਖਿਲ ਹੋਵੇਗਾ ਅਤੇ ਇਸਨੂੰ ਸਹੀ ਕਰ ਦੇਵੇਗਾ।

ਸਾਰੇ ਲੋਕ ਪਾਪੀ ਹਨ, ਪਰ ਜੇਕਰ ਉਹ ਵਰਤਮਾਨ ਦੇ ਵਿੱਚ ਆਪਣੀ ਇੱਛਾ ਦੇ ਨਾਲ ਪਰਮੇਸ਼ੁਰ ਦੇ ਰਾਜ ਨਾਲ ਜੁੜ ਜਾਂਦੇ ਹਨ, ਤਾਂ ਉਹ ਆਉਣ ਵਾਲੀ ਸਜ਼ਾ ਤੋਂ ਬਚ ਸਕਦੇ ਹਨ। ਪਰਮੇਸ਼ੁਰ ਦਾ ਰਾਜ ਪਹਿਲਾਂ ਤੋਂ ਹੀ ਤੌਬਾ ਅਤੇ ਵਿਸ਼ਵਾਸ ਕਰਨ ਵਾਲਿਆਂ ਦੇ ਵਿੱਚ ਕੰਮ ਕਰ ਰਿਹਾ ਹੈ (ਮਰਕੁਸ 1:14-15, ਮਰਕੁਸ 9:1)। ਇਹ ਰਾਜ ਯਿਸੂ ਦੀ ਆਮਦ ਦੇ ਸਮੇਂ ਪੂਰੀ ਤਰ੍ਹਾਂ ਅਤੇ ਖੁੱਲ੍ਹ ਕੇ ਆਵੇਗਾ।

► ਕਿਉਂਕਿ ਯਿਸੂ ਵਾਪਿਸ ਆ ਰਿਹਾ ਹੈ ਤਾਂ ਸਾਨੂੰ ਕਿਵੇਂ ਜਿਉਣਾ ਚਾਹੀਦਾ ਹੈ?

ਸਾਨੂੰ ਅਰੰਭਿਕ ਮਸੀਹੀਆਂ ਦੀਆਂ ਪ੍ਰਾਥਮਿਕਤਾਵਾਂ ਨੂੰ ਯਾਦ ਰੱਖਣਾ ਚਾਹੀਦਾ ਹੈ। ਸਾਨੂੰ ਆਪਣੇ ਵਿਸ਼ਵਾਸ ਨੂੰ ਬਣਾਈ ਰੱਖਣ (1 ਕੁਰਿੰਥੀਆਂ ਨੂੰ 16:13) ਅਤੇ ਅੰਤ ਤੱਕ ਸਹਿਣ ਦੇ ਲਈ ਬੁਲਾਇਆ ਗਿਆ ਹੈ (ਮੱਤੀ 24:13)। ਸਾਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕਿ ਅਸੀਂ ਸੰਸਾਰ ਦੀਆਂ ਵਸਤਾਂ ਅਤੇ ਭੋਗ ਵਿਲਾਸ ਦੇ ਵਿੱਚ ਪੈ ਕੇ ਮਸੀਹ ਦੇ ਆਉਣ ਨੂੰ ਭੁਲਾ ਨਾ ਦਈਏ (ਲੂਕਾ 21:34-36)। ਕਿਉਂਕਿ ਸੰਸਾਰ ਦੀਆਂ ਗੱਲਾਂ ਜਾਂਦੀਆਂ ਰਹਿਣਗੀਆਂ ਇਸ ਲਈ ਸਾਨੂੰ ਸਦੀਪਕ ਕਦਰਾਂ ਕੀਮਤਾਂ ਦੇ ਨਾਲ ਜਿਉਣਾ ਚਾਹੀਦਾ ਹੈ (ਪਤਰਸ ਦੀ ਦੂਜੀ ਪੱਤ੍ਰੀ 3:11-13)। ਸਾਨੂੰ ਜਾਗਦੇ ਰਹਿਣ ਲਈ ਕਿਹਾ ਗਿਆ ਹੈ ਆਕਾਸ਼ ਦੇ ਵੱਲ ਵੇਖਦੇ ਹੋਏ ਨਹੀਂ, ਪਰ ਆਤਮਿਕ ਤੌਰ ਤੇ ਸੁਚੇਤ ਰਹਿਣ ਦੇ ਲਈ ਤਾਂ ਕਿ ਅਸੀਂ ਉਸਦੇ ਆਉਣ ਦੇ ਸਮੇਂ ਬਿਨਾਂ ਤਿਆਰੀ ਦੇ ਨਾ ਹੋਈਏ (ਮਰਕੁਸ 13:33-37)। ਅਸੀਂ ਪਵਿੱਤਰਤਾਈ ਦੇ ਲਈ ਪ੍ਰਾਰਥਨਾ ਕਰਦੇ ਹਾਂ ਅਤੇ ਇੱਕ ਪਵਿੱਤਰ ਜੀਵਨ ਜਿਉਂਦੇ ਹਾਂ ਕਿਉਂਕਿ ਅਸੀਂ ਉਸਦੇ ਵਰਗੇ ਬਣਨਾ ਚਾਹੁੰਦੇ ਹਾਂ (ਯੂਹੰਨਾ ਦੀ ਪਹਿਲੀ ਪੱਤ੍ਰੀ 3:3)।

ਜੋ ਅੱਜ ਇੰਝ ਜਿਉਂਦੇ ਹਨ ਜਿਵੇਂ ਕਿ ਯਿਸੂ ਨਹੀਂ ਆ ਰਿਹਾ ਹੈ ਉਹ ਉਸਦੀ ਆਮਦ ਦੇ ਸਮੇਂ ਤਿਆਰ ਨਹੀਂ ਹੋਣਗੇ। ਯਿਸੂ ਦਾ ਆਉਣਾ ਬਿਜ਼ਲੀ ਦੇ ਚਮਕਣ ਜਿਹਾ ਹੋਵੇਗਾ (ਮੱਤੀ 24:27; 1 ਕੁਰਿੰਥੀਆਂ ਨੂੰ 15:52), ਇਹ ਇੰਨਾਂ ਅਚਾਨਕ ਹੋਵੇਗਾ ਕਿ ਜਦੋਂ ਉਹ ਵਿਖਾਈ ਦੇਵੇਗਾ ਤਾਂ ਕਿਸੇ ਦੇ ਵੀ ਕੋਲ ਕੁਝ ਬਦਲਣ ਦਾ ਸਮਾਂ ਨਹੀਂ ਹੋਵੇਗਾ। 1 ਥੱਸਲੁਨੀਕੀਆਂ ਨੂੰ 5:1-6 ਵਿਖਾਉਂਦਾ ਹੈ ਕਿ ਜੋ ਲੋਕ ਅੰਧਕਾਰ ਦੇ ਵਿੱਚ ਹਨ, ਜੋ ਇਸ ਸੰਸਾਰ ਦੇ ਜੀ ਰਹੇ ਹਨ, ਉਹ ਯਿਸੂ ਦੀ ਆਮਦ ਦੇ ਸਮੇਂ ਅਚੰਭਿਤ ਹੋ ਜਾਣਗੇ। ਉਨ੍ਹਾਂ ਦੇ ਲਈ ਉਸਦਾ ਆਉਣਾ ਇੱਕ ਚੋਰ ਦੀ ਤਰ੍ਹਾਂ ਹੋਵੇਗਾ। ਵਿਸ਼ਵਾਸੀਆਂ ਦੇ ਲਈ ਉਸਦਾ ਆਉਣਾ ਡਰਾਉਣਾ ਨਹੀਂ ਹੋਵੇਗਾ, ਇਹ ਉਨ੍ਹਾਂ ਲਈ ਵੱਡੇ ਅਨੰਦ ਦੀ ਗੱਲ ਹੋਵੇਗੀ, ਜਿਵੇਂ ਇੱਕ ਲਾੜਾ ਆਪਣੀ ਲਾੜੀ ਦੇ ਲਈ ਆਉਂਦਾ ਹੈ (ਯੂਹੰਨਾ 14:2-3)।

ਅਸੀਂ ਹੇਠਾਂ ਦੱਸੇ ਕੰਮਾਂ ਨੂੰ ਕਰਦੇ ਹੋਏ ਯਿਸੂ ਦੇ ਆਉਣ ਦੀ ਉਡੀਕ ਕਰਦੇ ਹਾਂ

1. ਸਦੀਪਕ ਪ੍ਰਾਥਮਿਕਤਾਵਾਂ ਨੂੰ ਰੱਖਦੇ ਹੋਏ

2. ਪਵਿੱਤਰਤਾਈ ਦੇ ਵਿੱਚ ਜਿਉਂਦੇ ਹੋਏ

3. ਪ੍ਰਾਰਥਨਾ ਦੇ ਦੁਆਰਾ ਆਪਣੇ ਆਪ ਦੀ ਰਖਵਾਲੀ ਕਰਦੇ ਹੋਏ

ਅਸੀਂ ਜਾਣਦੇ ਹਾਂ ਕਿ ਸਰੀਰ ਦੀ ਸਦੀਪਕ ਕੀਮਤ ਹੈ ਕਿਉਂਕਿ ਬਾਈਬਲ ਸਾਨੂੰ ਸਾਰੇ ਲੋਕਾਂ ਦਾ ਮੁਰਦਿਆਂ ਵਿੱਚੋਂ ਜੀ ਉੱਠਣ ਦੇ ਬਾਰੇ ਸਿਖਾਉਂਦੀ ਹੈ। ਮੁਰਦਿਆਂ ਵਿੱਚੋਂ ਜੀ ਉੱਠਣ ਦੀ ਸਿੱਖਿਆ ਜਰੂਰੀ ਹੈ। ਅਸੀਂ ਇਸਨੂੰ ਜਾਣਦੇ ਹਾਂ ਕਿਉਂਕਿ ਪੌਲੁਸ 1 ਕੁਰਿੰਥੀਆਂ ਨੂੰ 15 ਦੇ ਪੂਰੇ ਅਧਿਆਏ ਵਿੱਚ ਇਸ ਸਿੱਖਿਆ ਦਾ ਬਚਾਅ ਕੀਤਾ ਹੈ। ਉਸਨੇ ਵਿਆਖਿਆ ਕੀਤੀ ਕਿ ਮੁਰਦਿਆਂ ਦੇ ਜੀ ਉੱਠਣ ਦਾ ਇਨਕਾਰ ਕਰਨਾ ਸ਼ੁਭਸਮਾਚਾਰ ਦਾ ਇਨਕਾਰ ਕਰਨਾ ਹੈ। ਜੇਕਰ ਮੁਰਦਿਆਂ ਦਾ ਜੀ ਉੱਠਣਾ ਨਹੀਂ ਹੈ ਤਾਂ ਯਿਸੂ ਮੁਰਦਿਆਂ ਦੇ ਵਿੱਚੋਂ ਜਿਉਂਦਾ ਨਹੀਂ ਹੋਇਆ ਹੋਵੇਗਾ (1 ਕੁਰਿੰਥੀਆਂ ਨੂੰ 15:13)। ਜੇਕਰ ਯਿਸੂ ਮੁਰਦਿਆਂ ਦੇ ਵਿੱਚੋਂ ਜਿਉਂਦਾ ਨਹੀਂ ਹੋਇਆ ਤਾਂ ਸ਼ੁਭਸਮਾਚਾਰ ਸੱਚਾ ਨਹੀਂ ਹੋ ਸਕਦਾ, ਅਤੇ ਕੋਈ ਵੀ ਅਸਲ ਦੇ ਵਿੱਚ ਬਚਾਇਆ ਨਹੀਂ ਗਿਆ ਹੈ (1 ਕੁਰਿੰਥੀਆਂ ਨੂੰ 15:17)।

[1]ਹਰੇਕ ਵਿਅਕਤੀ ਜੀ ਉੱਠੇਗਾ, ਪਰ ਸਾਰੇ ਇੱਕ ਹੀ ਸਮੇਂ ਨਹੀ। ਯਿਸੂ ਦੀ ਆਮਦ ਦੇ ਸਮੇਂ ਉਹ ਮਸੀਹੀਆਂ ਨੂੰ ਲੈ ਕੇ ਜਾਵੇਗਾ, ਉਨ੍ਹਾਂ ਨੂੰ ਜਿਉਂਦਾ ਕਰਕੇ ਜੋ ਮਰ ਗਏ ਹਨ (1 ਥੱਸਲੁਨੀਕੀਆਂ ਨੂੰ 4:16-17; ਪਰਕਾਸ਼ ਦੀ ਪੋਥੀ 20:6)। ਜੋ ਆਪਣੇ ਪਾਪਾਂ ਦੇ ਵਿੱਚ ਮਰੇ ਉਨ੍ਹਾਂ ਨੂੰ ਪਹਿਲੀ ਕਿਆਮਤ ਵਿੱਚ ਸਵੀਕਾਰ ਨਹੀਂ ਕੀਤਾ ਜਾਵੇਗਾ। ਉਨ੍ਹਾਂ ਬਾਅਦ ਦੇ ਵਿੱਚ ਨਿਆਂ ਦੇ ਸਮੇਂ ਜਿਉਂਦੇ ਕੀਤੇ ਜਾਣਗੇ (ਪਰਕਾਸ਼ ਦੀ ਪੋਥੀ 20:13)।

ਮਸੀਹੀ ਲੋਕ ਯਿਸੂ ਦੀ ਤਰ੍ਹਾਂ ਮਹਿਮਾਮਈ ਸਰੀਰਾਂ ਦੇ ਨਾਲ ਜੀ ਉੱਠਣਗੇ (ਯੂਹੰਨਾ ਦੀ ਪਹਿਲੀ ਪੱਤ੍ਰੀ 3:2)। ਬਿਨਾਂ ਤੌਬਾ ਕੀਤੇ ਪਾਪੀ ਸਦੀਪਕ ਸਜ਼ਾ ਦੇ ਲਈ ਕਿਸੇ ਤਰ੍ਹਾਂ ਦੇ ਸਰੀਰ ਦੇ ਨਾਲ ਜੀ ਉੱਠਣਗੇ(ਯੂਹੰਨਾ 5:28-29)।

► ਜੇਕਰ ਤੁਸੀਂ ਇਹ ਵਿਸ਼ਵਾਸ ਨਹੀਂ ਕੀਤਾ ਕਿ ਤੁਹਾਡਾ ਸਰੀਰ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠੇਗਾ, ਤਾਂ ਇਸਦੇ ਨਾਲ ਤੁਹਾਨੂੰ ਕੀ ਫ਼ਰਕ ਪਵੇਗਾ?

ਇਹ ਵਿਸ਼ਵਾਸ ਕਿ ਇੱਕ ਦਿਨ ਅਸੀਂ ਜੀ ਉੱਠਾਂਗੇ ਸਾਡੀ ਜੀਵਨਸ਼ੈਲੀ ਨੂੰ ਪ੍ਰਭਾਵਿਤ ਕਰਦਾ ਹੈ। ਜੋ ਲੋਕ ਇਸ ਸਿੱਖਿਆ ਦਾ ਇਨਕਾਰ ਕਰਦੇ ਹਨ ਅਸੀਂ ਉਨ੍ਹਾਂ ਦੇ ਜੀਵਨ ਤੇ ਇਸਦੇ ਅਭਿਆਸਿਕ ਪ੍ਰਭਾਵ ਨੂੰ ਵੇਖ ਸਕਦੇ ਹਾਂ। ਕੁਰਿਥੁਸ ਦੀ ਕਲੀਸਿਆ ਦੇ ਵਿੱਚ ਕੁਝ ਲੋਕਾਂ ਨੇ ਇਸ ਗੱਲ ਦਾ ਇਨਕਾਰ ਕਰ ਦਿੱਤਾ ਸੀ ਕਿ ਮਨੁੱਖੀ ਸਰੀਰ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠੇਗਾ। ਜਿੰਨ੍ਹਾਂ ਨੇ ਇਸ ਗ਼ਲਤ ਸਿੱਖਿਆ ਤੇ ਵਿਸ਼ਵਾਸ ਕੀਤਾ ਉਹ ਸਥਿਤੀਆਂ ਦੇ ਵਿੱਚ ਵੰਡੇ ਗਏ।

ਕੁਝ ਲੋਕਾਂ ਨੇ ਕਿਹਾ, “ਜੇਕਰ ਸਰੀਰ ਜਿਉਂਦਾ ਨਹੀਂ ਹੋਵੇਗਾ ਤਾਂ ਫਿਰ ਸਿਰਫ਼ ਆਤਮਾ ਦਾ ਹੀ ਮਹੱਤਵ ਹੈ। ਇਸਦਾ ਮਤਲਬ ਕਿ ਜੋ ਪਾਪ ਅਸੀਂ ਸਰੀਰ ਦੇ ਨਾਲ ਕਰਦੇ ਹਾਂ ਉਹ ਗੰਭੀਰ ਨਹੀਂ ਹਨ। ਇੱਥੋਂ ਤੱਕ ਕਿ ਅਸੀਂ ਹਰਾਮਕਾਰੀ ਕਰ ਸਕਦੇ ਹਾਂ ਕਿਉਂਕਿ ਸਰੀਰ ਨੇ ਤਾਂ ਨਾਸ਼ ਹੀ ਹੋਣਾ ਹੈ।”

ਸ਼ਾਇਦ ਕੁਝ ਕੁਰਿੰਥੀਆਂ ਦੀ ਇਹ ਕਹਾਵਤ ਬਣ ਗਈ “ਭੋਜਨ ਪੇਟ ਦੇ ਲਈ ਅਤੇ ਪੇਟ ਭੋਜਨਾਂ ਦੇ ਲਈ,” ਭਾਵ ਸਰੀਰ ਇੱਛਾਵਾਂ ਦੇ ਭੋਗ ਤੋਂ ਇਲਾਵਾ ਹੋਰ ਕਿਸੇ ਚੀਜ਼ ਲਈ ਨਹੀਂ ਹੈ। ਪੌਲੁਸ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਲੋਕਾਂ ਨੂੰ ਉਨ੍ਹਾਂ ਦੇ ਸਰੀਰਾਂ ਨੂੰ ਦੁਰਉਪਯੋਗ ਕਰਨ ਦੇ ਕਾਰਨ ਸਜ਼ਾ ਦਿੱਤੀ ਜਾਵੇਗੀ (1 ਕੁਰਿੰਥੀਆਂ ਨੂੰ 6:13)। ਉਸਨੇ ਕਿਹਾ ਕਿ ਸਰੀਰ ਪ੍ਰਭੂ ਦੇ ਲਈ ਹੈ, ਅਤੇ ਪਰਮੇਸ਼ੁਰ ਨੇ ਨਾਲੇ ਪ੍ਰਭੁ ਨੂੰ ਜਿਵਾ ਕੇ ਉਠਾਇਆ, ਨਾਲੇ ਸਾਨੂੰ ਆਪਣੀ ਸਮਰੱਥਾ ਨਾਲ ਜਿਵਾ ਕੇ ਉਠਾਏਗਾ (1 ਕੁਰਿੰਥੀਆਂ ਨੂੰ 6:14)।

ਹੋਰਾਂ ਨੇ ਕਿਹਾ, “ਕਿਉਂਕਿ ਸਰੀਰ ਨੂੰ ਜਿਉਂਦਾ ਨਹੀਂ ਕੀਤਾ ਜਾਵੇਗਾ, ਇਸ ਲਈ ਇਹ ਬੇਕਾਰ ਅਤੇ ਦੁਸ਼ਟ ਹੈ। ਸਾਨੂੰ ਸਰੀਰ ਦੀਆਂ ਸਾਰੀਆਂ ਇੱਛਾਵਾਂ ਨੂੰ ਦਬਾ ਦੇਣਾ ਚਾਹੀਦਾ ਹੈ, ਸਾਨੂੰ ਕੁਝ ਵੀ ਸਵਾਦੀ ਨਹੀਂ ਖਾਣਾ ਚਾਹੀਦਾ ਜਾਂ ਵਿਆਹ ਦਾ ਅਨੰਦ ਨਹੀਂ ਮਾਣਨਾ ਚਾਹੀਦਾ।”

ਇਹ ਦੋਵੇਂ ਗ਼ਲਤ ਸਿੱਖਿਆਵਾਂ ਮੁਰਦਿਆਂ ਦੇ ਜੀ ਉੱਠਣ ਦਾ ਇਨਕਾਰ ਕਰਨ ਦੇ ਕਾਰਨ ਆਉਂਦੀਆਂ ਹਨ। ਮੁਰਦਿਆਂ ਵਿੱਚੋਂ ਜੀ ਉੱਠਣ ਦਾ ਇਨਕਾਰ ਸਰੀਰ ਦੀ ਕੀਮਤ ਨੂੰ ਘਟਾਉਂਦਾ ਹੈ। ਪਰ ਮੁਰਦਿਆਂ ਵਿੱਚੋਂ ਜੀ ਉੱਠਣ ਦਾ ਮਸੀਹੀ ਸਿਧਾਂਤ ਸਰੀਰ ਨੂੰ ਮਹੱਤਵ ਦਿੰਦਾ ਹੈ।

► ਪੜ੍ਹੋ 1 ਕੁਰਿੰਥੀਆਂ ਨੂੰ 6:14, 15, 19-20 ।

ਇਹ ਵਚਨ ਸਿਖਾਉਂਦੇ ਹਨ ਕਿ ਮਸੀਹੀ ਸਰੀਰ ਕੀਮਤੀ ਹਨ ਕਿਉਂਕਿ ਉਹ

• ਛੁਡਾਏ ਹੋਏ ਹਨ

• ਇਹ ਪਵਿੱਤਰ ਆਤਮਾ ਦੀ ਹੈਕਲ ਹਨ

• ਮਸੀਹ ਦੇ ਮੈਂਬਰ ਹਨ

• ਇਹ ਮੁਰਦਿਆਂ ਵਿੱਚੋਂ ਜੀ ਉੱਠਣਗੇ ਅਤੇ ਮਹਿਮਾ ਪ੍ਰਾਪਤ ਕਰਨਗੇ

ਮੁਰਦਿਆਂ ਵਿੱਚੋਂ ਜੀ ਉੱਠਣ ਦੀ ਸਿੱਖਿਆ ਜਰੂਰੀ ਹੈ ਕਿਉਂਕਿ ਇਸਦਾ ਅਰਥ ਹੈ ਕਿ

• ਯਿਸੂ ਮੁਰਦਿਆਂ ਦੇ ਵਿੱਚੋਂ ਜੀ ਉੱਠਿਆ।

• ਸਾਰੇ ਲੋਕ ਜਿਉਂਦੇ ਕੀਤੇ ਜਾਣਗੇ।

• ਸਰੀਰ ਦੀ ਕੀਮਤ ਸਦੀਪਕ ਹੈ।

• ਸ਼ੁਭਸਮਾਚਾਰ ਸੱਚਾ ਹੈ।

ਨਿਆਂ ਦਾ ਦਿਨ ਉਨ੍ਹਾਂ ਲੋਕਾਂ ਦੇ ਲਈ ਸੱਚਮੁੱਚ ਅੰਤ ਦਾ ਦਿਨ ਹੈ ਜਿੰਨ੍ਹਾਂ ਦੇ ਨਾਮ ਜੀਵਨ ਦੀ ਕਿਤਾਬ ਵਿੱਚ ਨਹੀਂ ਲਿਖੇ ਹੋਏ ਹਨ। ਇਹ ਉਨ੍ਹਾਂ ਦੀ ਹੋਂਦ ਦਾ ਅੰਤ ਨਹੀਂ ਹੈ, ਇਹ ਉਨ੍ਹਾਂ ਦੇ ਲਈ ਚੋਣ ਕਰਨ ਦੇ ਮੌਕੇ ਦਾ ਅੰਤ ਹੈ। ਇਸ ਤੋਂ ਬਾਅਦ ਆਉਣ ਵਾਲੀ ਸਦੀਪਕਤਾ ਦੇ ਵਿੱਚ, ਲੋਕ ਆਪਣੇ ਫੈਸਲਿਆਂ ਦੇ ਅੰਤਮ ਨਤੀਜਿਆਂ ਦਾ ਅਨੁਭਵ ਕਰਨਗੇ, ਜਿੰਨ੍ਹਾਂ ਨੂੰ ਕਦੇ ਵੀ ਮੋੜਿਆ ਨਹੀਂ ਜਾ ਸਕਦਾ।

ਨਿਆਂ ਸਾਡੀਆਂ ਚੋਣਾਂ ਨੂੰ ਜਲਦੀ ਨਾਲ ਮਿਲਣ ਵਾਲੇ ਨਤੀਜਿਆਂ ਤੋਂ ਕਿਤੇ ਪਰੇ ਦਾ ਮਹੱਤਵ ਦਿੰਦਾ ਹੈ। ਕੁਝ ਲੋਕ ਸੋਚਦੇ ਹਨ ਕਿ ਜਿੰਨੀ ਦੇਰ ਤੱਕ ਉਹ ਆਪਣੇ ਕੰਮਾਂ ਦੇ ਨਤੀਜਿਆਂ ਤੇ ਕਾਬੂ ਰੱਖ ਸਕਦੇ ਹਨ, ਉਦੋਂ ਤੱਕ ਉਨ੍ਹਾਂ ਨੂੰ ਚਿੰਤਾ ਕਰਨ ਦੀ ਜਰੂਰਤ ਨਹੀਂ ਹੈ। ਉਹ ਸੋਚਦੇ ਹਨ ਕਿ ਜੇਕਰ ਉਨ੍ਹਾਂ ਦਾ ਪਾਪ ਕਿਸੇ ਦਾ ਨੁਕਸਾਨ ਨਹੀਂ ਕਰਦਾ ਤਾਂ ਇਹ ਦੁਸ਼ਟਤਾ ਨਹੀਂ ਹੈ। ਅਸਲ ਦੇ ਵਿੱਚ, ਹਰ ਪਾਪ ਨੁਕਸਾਨ ਕਰਦਾ ਹੈ। ਪਰ ਜੇਕਰ ਇਹ ਇਸ ਜੀਵਨ ਵਿੱਚ ਨੁਕਸਾਨ ਨਹੀਂ ਵੀ ਕਰਦਾ, ਪਾਪ ਨਿਆਂ ਦੇ ਕਾਰਨ ਗੰਭੀਰ ਹੈ। ਪਰਮੇਸ਼ੁਰ ਦਾ ਵਚਨ ਕਹਿੰਦਾ ਹੈ ਕਿ ਲੋਕਾਂ ਦਾ ਨਿਆਂ ਉਨ੍ਹਾਂ ਦੇ ਕੰਮਾਂ ਦੇ ਆਧਾਰ ਤੇ ਕੀਤਾ ਜਾਵੇਗਾ (ਪੜ੍ਹੋ 2 ਕੁਰਿੰਥੀਆਂ ਨੂੰ 5:10; ਰੋਮੀਆਂ ਨੂੰ 2:6-11)।

ਨਿਆਂ ਦੇ ਸਮੇਂ, ਕੁਝ ਲੋਕਾਂ ਨੂੰ ਸਦੀਪਕ ਸਜ਼ਾ ਦੇ ਵਿੱਚ ਘੱਲ ਦਿੱਤਾ ਜਾਵੇਗਾ ਅਤੇ ਹੋਰਾਂ ਨੂੰ ਸਦੀਪਕ ਪ੍ਰਤੀਫ਼ਲ ਦੇ ਲਈ। ਪਵਿੱਤਰ ਵਚਨ ਤੌਬਾ ਨਾ ਕਰਨ ਵਾਲੇ ਪਾਪੀਆਂ ਦੇ ਬਾਰੇ ਇੱਕ ਦ੍ਰਿਸ਼ ਨੂੰ ਦਰਸਾਉਂਦਾ ਹੈ ਜੋ ਉਨ੍ਹਾਂ ਦੇ ਪਾਪੀ ਕੰਮਾਂ ਦੇ ਕਾਰਨ ਸਜ਼ਾ ਦੇ ਲਈ ਜਿਉਂਦੇ ਕੀਤੇ ਗਏ (ਵੇਖੋ ਪਰਕਾਸ਼ ਦੀ ਪੋਥੀ 20:11-15)। ਮਸੀਹੀਆਂ ਦੇ ਲਈ ਇੱਕ ਹੋਰ ਨਿਆਂ ਹੈ, ਜਿੱਥੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਕੰਮਾਂ ਦਾ ਪ੍ਰਤੀਫ਼ਲ ਮਿਲੇਗਾ ਜੋ ਬਹੁਤ ਕੀਮਤੀ ਅਤੇ ਲੰਬੇ ਨਤੀਜਿਆਂ ਵਾਲਾ ਹੋਵੇਗਾ (ਪੜ੍ਹੋ 1 ਕੁਰਿੰਥੀਆਂ ਨੂੰ 3:14-15)।

ਨਿਆਂ ਦਾ ਅਰਥ ਹੈ ਕਿ ਇੱਕ ਦਿਨ ਪਾਪ ਖ਼ਤਮ ਹੋ ਜਾਵੇਗਾ। ਪਾਪ ਤੋਂ ਬਿਨਾਂ ਵਾਲੇ ਸੰਸਾਰ ਦੀ ਕਲਪਨਾ ਕਰਨਾ ਮੁਸ਼ਕਿਲ ਹੈ, ਪਰ ਇੱਕ ਦਿਨ ਪਰਮੇਸ਼ੁਰ ਦੇ ਵਿਰੁੱਧ ਹੋਣ ਵਾਲੀ ਸਾਰੀ ਬਗ਼ਾਵਤ ਸਮਾਪਤ ਹੋ ਜਾਵੇਗੀ।

ਪਰਮੇਸ਼ੁਰ ਨਹੀਂ ਚਾਹੁੰਦਾ ਕਿ ਅਸੀਂ ਲਗਾਤਾਰ ਡਰ ਦੇ ਅਧੀਨ ਰਹੀਏ, ਜਾਂ ਸਾਡੇ ਸਹੀ ਜੀਵਨ ਦੀ ਪ੍ਰੇਰਨਾ ਡਰ ਹੋਵੇ। ਹਾਲਾਂਕਿ, ਅੱਗੇ ਆਉਣ ਵਾਲੇ ਫੈਸਲੇ ਦੀ ਚੇਤਨਾ ਸਾਨੂੰ ਜਵਾਬਦੇਹੀ ਦੀ ਭਾਵਨਾ ਪ੍ਰਦਾਨ ਕਰਦੀ ਹੈ ਜੋ ਸਾਡੇ ਜੀਵਨ ਨੂੰ ਸੇਧ ਦਿੰਦੀ ਹੈ।

ਸਾਨੂੰ ਅੱਗੇ ਦੱਸੀਆਂ ਗੱਲਾਂ ਨੂੰ ਸਮਝਣ ਦੇ ਲਈ ਸਾਨੂੰ ਨਿਆਂ ਦੇ ਬਾਰੇ ਜਾਣਨਾ ਚਾਹੀਦਾ ਹੈ

1. ਪਾਪ ਦਾ ਮਹੱਤਵ

2. ਪਰਮੇਸ਼ੁਰ ਦੇ ਅੱਗੇ ਸਾਡੀ ਜੁਆਬਦੇਹੀ

3. ਸਾਡੀਆਂ ਚੋਣਾਂ ਦਾ ਮਹੱਤਵ

4. ਸਾਰੇ ਪਾਪ ਦਾ ਅੰਤ

ਕੁਝ ਫਲਸਫਿਆਂ ਅਤੇ ਧਰਮਾਂ ਦੇ ਅਨੁਸਾਰ, ਸਮਾਂ ਸਦਾ ਇੱਕ ਚੱਕਰ ਦੀ ਤਰ੍ਹਾਂ ਚੱਲਦਾ ਹੈ, ਜਿਸਦੀ ਕੋਈ ਸ਼ੁਰੂਆਤ ਜਾਂ ਅੰਤ ਨਹੀਂ ਹੁੰਦਾ, ਅਜਿਹੀਆਂ ਕੋਈ ਘਟਨਾਵਾਂ ਨਹੀਂ ਜੋ ਚੀਜ਼ਾਂ ਨੂੰ ਹਮੇਸ਼ਾਂ ਦੇ ਲਈ ਬਦਲ ਦੇਣ। ਪਰ ਬਾਈਬਲ ਦੇ ਅਨੁਸਾਰ ਸਮੇਂ ਦੀ ਇੱਕ ਸ਼ੁਰੂਆਤ ਹੈ ਅਤੇ ਘਟਨਾਵਾਂ ਦੀਆਂ ਕੁਝ ਲੜੀਆਂ ਵੱਧਦੇ ਹੋਏ ਅੰਤ ਦੇ ਵੱਲ ਜਾ ਰਹੀਆਂ ਹਨ। ਬਾਈਬਲ ਰਚਨਾ, ਫਿਰ ਮਨੁੱਖ ਦੀ ਦੁੱਖਦਾਇਕ ਗਿਰਾਵਟ ਦਾ ਵਰਣਨ ਕਰਦੀ ਹੈ ਅਤੇ ਫਿਰ ਮੁਕਤੀ ਦੀ ਉਸ ਯੋਜਨਾ ਦੇ ਬਾਰੇ ਦੱਸਦੀ ਹੈ ਜਿਸਨੂੰ ਪਰਮੇਸ਼ੁਰ ਮਨੁੱਖੀ ਇਤਿਹਾਸ ਦੇ ਵਿੱਚ ਸਦੀਆਂ ਤੋਂ ਪੂਰਾ ਕਰਦਾ ਆ ਰਿਹਾ ਹੈ।

ਉਤਪਤ 3 ਦੇ ਵਿੱਚ ਅਸੀਂ ਪਾਪ ਦੀ ਸ਼ੁਰੂਆਤ ਦੇ ਬਾਰੇ ਵੇਖਦੇ ਹਾਂ। ਪਰਕਾਸ਼ ਦੀ ਪੋਥੀ ਦੇ ਵਿੱਚ ਪਾਪ ਪਰਮੇਸ਼ੁਰ ਦੀ ਨਗਰੀ ਤੋਂ ਬਾਹਰ ਕੱਢ ਦਿੱਤਾ ਜਾਂਦਾ ਹੈ (ਪਰਕਾਸ਼ ਦੀ ਪੋਥੀ 21:27)। ਉਤਪਤ ਦੇ ਵਿੱਚ ਅਸੀਂ ਜੀਵਨ ਦੇ ਰੁੱਖ ਦੇ ਗੁਆਚਣ ਅਤੇ ਮੌਤ ਦੀ ਸਜ਼ਾ ਦੇ ਬਾਰੇ ਵੇਖਦੇ ਹਾਂ (ਉਤਪਤ 3:22-24)। ਪਰਕਾਸ਼ ਦੀ ਪੋਥੀ ਦੇ ਵਿੱਚ ਅਸੀਂ ਜੀਵਨ ਦੇ ਰੁੱਖ ਦੀ ਮੁੜ ਬਹਾਲੀ ਦੇ ਬਾਰੇ, ਜੀਵਨ ਦੀ ਕਿਤਾਬ ਵਿੱਚ ਨਾਮ, ਅਤੇ ਜੀਵਨ ਦੇ ਪਾਣੀ ਦੀ ਨਦੀ ਦੇ ਵੱਲ ਦਿੱਤੇ ਸੱਦੇ ਨੂੰ ਵੇਖਦੇ ਹਾਂ (ਪਰਕਾਸ਼ ਦੀ ਪੋਥੀ 22:1-2, 19)।

ਪਰਮੇਸ਼ੁਰ ਦੇ ਸੰਪੂਰਨ ਅਤੇ ਸਦੀਪਕ ਰਾਜ ਦੇ ਆਉਣ ਦੁਆਰਾ ਪਰਮੇਸ਼ੁਰ ਦੀ ਯੋਜਨਾ ਪੂਰੀ ਹੋਵੇਗੀ। ਪਰਮੇਸ਼ੁਰ ਸਦਾ ਤੋਂ ਹੀ ਬ੍ਰਹਿਮੰਡ ਦਾ ਰਾਜਾ ਰਿਹਾ ਹੈ, ਪਰ ਮਨੁੱਖ ਦੇ ਆਤਮਿਕ ਡਿੱਗਣ ਤੋਂ ਬਾਅਦ, ਜਿਆਦਾਤਰ ਮਨੁੱਖਤਾ ਪਰਮੇਸ਼ੁਰ ਦੇ ਰਾਜ ਦੇ ਵਿਰੁੱਧ ਬਗ਼ਾਵਤ ਦੇ ਵਿੱਚ ਰਹੀ ਹੈ। ਇਹ ਬਗ਼ਾਵਤ ਦਾ ਇੱਕ ਦਮ ਅੰਤ ਹੋ ਜਾਵੇਗਾ, ਅਤੇ ਪਰਮੇਸ਼ੁਰ ਬਿਨਾਂ ਕਿਸੇ ਵਿਰੋਧੀ ਦੇ ਸਦਾ ਦੇ ਲਈ ਰਾਜ ਕਰੇਗਾ। ਸੰਸਾਰ ਸੰਪੂਰਨ ਤੌਰ ਤੇ ਉਸੇ ਪ੍ਰਕਾਰ ਹੋਵੇਗਾ ਜਿਵੇਂ ਪਰਮੇਸ਼ੁਰ ਚਾਹੁੰਦਾ ਹੈ, ਬਿਲਕੁਲ ਸਵਰਗ ਦੀ ਤਰ੍ਹਾਂ।

ਮਨੁੱਖ ਦੀ ਇਸ ਜੀਵਨ ਬਿਤਾਉਣ ਦੀ ਪ੍ਰਵਿਰਤੀ ਹੈ ਜਿਵੇਂ ਧਰਤੀ ਦਾ ਜੀਵਨ ਸਦਾ ਦੇ ਲਈ ਚੱਲਦਾ ਰਹੇਆ। ਅਸੀਂ ਆਪਣੇ ਹਲਾਤਾਂ ਨੂੰ ਸੁਧਾਰਨ, ਆਪਣੀਆਂ ਸਮੱਸਿਆਵਾਂ ਦਾ ਹੱਲ ਕਰਨ ਅਤੇ ਅਜਿਹੇ ਮਾਹੌਲ ਨੂੰ ਬਣਾਉਣ ਦਾ ਯਤਨ ਕਰਦੇ ਹਾਂ ਜੋ ਸਾਨੂੰ ਸੰਤੁਸ਼ਟ ਕਰਦਾ ਹੈ। ਸਾਨੂੰ ਅਬਰਾਹਾਮ ਦੀ ਬਣਨ ਦੀ ਜਰੂਰਤ ਹੈ ਜੋ ਤੰਬੂਆਂ ਦੇ ਵਿੱਚ ਰਹਿੰਦਾ ਹੋਇਆ ਅਤੇ ਇੱਕ ਤੋਂ ਦੂਜੇ ਸਥਾਨ ਤੇ ਜਾਂਦਾ ਹੋਇਆ ਵੀ ਇੱਕ ਸਦੀਪਕ ਘਰ ਦੀ ਉਮੀਦ ਕਰ ਰਿਹਾ ਸੀ (ਇਬਰਾਨੀਆਂ ਨੂੰ 11:8-10, 14-16)। ਸਾਨੂੰ ਇਹ ਯਾਦ ਰੱਖਣ ਦੀ ਲੋੜ ਹੈ ਕਿ ਜਿੰਨ੍ਹਾਂ ਇਮਾਰਤਾਂ ਨੂੰ ਅਸੀਂ ਉਸਾਰਦੇ ਹਾਂ, ਜੋ ਵਸਤਾਂ ਸਾਡੇ ਕੋਲ ਹਨ, ਅਤੇ ਜੋ ਹਾਲਾਤ ਅਸੀਂ ਬਣਾਉਂਦੇ ਹਾਂ ਉਹ ਸਭ ਅਸਥਾਈ ਹਨ। ਸਾਨੂੰ ਉਨ੍ਹਾਂ ਵਸਤਾਂ ਤੇ ਕੰਮ ਕਰਨਾ ਚਾਹੀਦਾ ਹੈ ਜਿੰਨ੍ਹਾਂ ਦੀ ਕੀਮਤ ਸਦੀਪਕ ਹੈ।

► ਵਿਸ਼ਵਾਸ ਕਥਨਾਂ ਨੂੰ ਘੱਟੋ-ਘੱਟ ਦੋ ਵਾਰ ਮਿਲ ਕੇ ਪੜ੍ਹੋ।

ਯਿਸੂ ਵਾਇਦੇ ਦੇ ਅਨੁਸਾਰ ਵਾਪਿਸ ਆਵੇਗਾ, ਉਹ ਅਤੀਤ ਦੇ ਵਿਸ਼ਵਾਸੀਆਂ ਨੂੰ ਜਿਉਂਦਾ ਕਰੇਗਾ, ਅਤੇ ਸਾਰੇ ਵਿਸ਼ਵਾਸੀਆਂ ਨੂੰ ਆਪਣੇ ਨਾਲ ਰਾਜ ਕਰਨ ਦੇ ਲਈ ਲੈ ਜਾਏਗਾ। ਹਰੇਕ ਵਿਅਕਤੀ ਆਪਣੇ ਕੀਤੇ ਕੰਮਾਂ ਦੇ ਨਿਆਂ ਦੇ ਲਈ ਮੁਰਦਿਆਂ ਵਿੱਚੋਂ ਜੀ ਉੱਠੇਗਾ। ਉਸਨੂੰ ਜਾਂ ਤਾਂ ਸਦੀਪਕ ਪ੍ਰਤੀਫ਼ਲ ਮਿਲੇਗਾ ਜਾਂ ਫਿਰ ਸਦੀਪਕ ਸਜ਼ਾ। ਪਰਮੇਸ਼ੁਰ ਦਾ ਰਾਜ ਪੂਰੀ ਤਰ੍ਹਾਂ ਦੇ ਨਾਲ ਆਵੇਗਾ, ਅਤੇ ਪਰਮੇਸ਼ੁਰ ਸਦਾ ਦੇ ਲਈ ਰਾਜ ਕਰੇ।

(1) ਵਚਨਾਂ ਦੇ ਅਸਾਇਨਮੈਂਟ: ਹਰੇਕ ਵਿਦਿਆਰਥੀ ਨੂੰ ਹੇਠਾਂ ਦਿੱਤੇ ਵਚਨਾਂ ਦੀ ਸੂਚੀ ਵਿੱਚੋਂ ਇੱਕ ਸੌਂਪਿਆ ਜਾਵੇਗਾ। ਅੱਗਲੀ ਕਲਾਸ ਦੇ ਸ਼ੈਸ਼ਨ ਤੋਂ ਪਹਿਲਾਂ, ਤੁਹਾਨੂੰ ਵਚਨ ਨੂੰ ਪੜਣਾ ਚਾਹੀਦਾ ਹੈ ਅਤੇ ਇੱਕ ਪੈਰਾਗ੍ਰਾਫ ਦੇ ਵਿੱਚ ਲਿਖਣਾ ਹੋਵੇਗਾ ਕਿ ਇਹ ਪਾਠ ਦੇ ਵਿਸ਼ੇ ਬਾਰੇ ਕੀ ਕਹਿੰਦਾ ਹੈ।

• ਦਾਨੀਏਲ 2:31-45

• ਮੱਤੀ 25:31-46

• 1 ਕੁਰਿੰਥੀਆਂ ਨੂੰ 15:51-58

• ਪਤਰਸ ਦੀ ਦੂਜੀ ਪੱਤ੍ਰੀ 3:1-14

• ਪਰਕਾਸ਼ ਦੀ ਪੋਥੀ 20:11-15

(2) ਪ੍ਰੀਖਿਆ: ਤੁਸੀਂ ਅੱਗਲੀ ਕਲਾਸ ਦੀ ਸ਼ੁਰੂਆਤ ਪਾਠ 14 ਦੀ ਪ੍ਰੀਖਿਆ ਦੇ ਨਾਲ ਕਰੋਗੇ। ਤਿਆਰੀ ਦੇ ਲਈ ਪ੍ਰੀਖਿਆ ਦੇ ਪ੍ਰਸ਼ਨਾਂ ਦਾ ਧਿਆਨਪੂਰਵਕ ਅਧਿਐਨ ਕਰੋ।

(3) ਸਿਖਾਉਣ ਦਾ ਅਸਾਇਨਮੈਂਟ: ਆਪਣੀ ਕਲਾਸ ਤੋਂ ਬਾਹਰ ਸਿਖਾਉਣ ਦੀ ਸਮੇਂ ਸਾਰਨੀ ਨੂੰ ਬਣਾਉਣ ਅਤੇ ਇਸਦੇ ਬਾਰੇ ਰਿਪੋਰਟ ਦੇਣ ਨੂੰ ਯਾਦ ਰੱਖੋ।

(1) ਬਾਈਬਲ ਦੀ ਭਵਿੱਖਬਾਣੀ ਦੇ ਅਨੁਸਾਰ ਅੰਤਿਮ ਘਟਨਾਵਾਂ ਬਾਰੇ ਚਾਰ ਜਰੂਰੀ ਸਚਿਆਈਆਂ ਕਿਹੜੀਆਂ ਹਨ?

(2) ਜਦੋਂ ਯਿਸੂ ਵਾਪਿਸ ਆਵੇਗਾ ਤਾਂ ਮਸੀਹੀਆਂ ਦੇ ਨਾਲ ਕੀ ਹੋਵੇਗਾ?

(3) ਸਾਨੂੰ ਯਿਸੂ ਦੇ ਆਉਣ ਦੀ ਉਡੀਕ ਕਿਵੇਂ ਕਰਨੀ ਚਾਹੀਦੀ ਹੈ?

(4) ਮੁਰਦਿਆਂ ਵਿੱਚੋਂ ਜੀ ਉੱਠਣ ਦੀ ਸਿੱਖਿਆ ਕਿਉਂ ਜਰੂਰੀ ਹੈ?

(5) ਨਿਆਂ ਦੇ ਬਾਰੇ ਜਾਣਨਾ ਸਾਨੂੰ ਕਿਹੜੀਆਂ ਚਾਰ ਗੱਲਾਂ ਨੂੰ ਸਮਝਣ ਵਿੱਚ ਮਦਦ ਕਰਦਾ ਹੈ?