დღეს ეკლესიას სჭირდება არა მეტი მექანიზმი ან გაუმჯობესება, არა ახალი ორგანიზაციები ან ახალი მეთოდები, არამედ ადამიანები, რომელთა გამოყენებაც სულიწმიდას შეუძლია, მლოცველები და ძლიერი ლოცვები. სულიწმიდა არა მეთოდების, არამედ ადამიანების მეშვეობით მოედინება. ის მექანიზმების გამოყენებაზე კი არ რეაგირებს, არამედ მამაკაცებზე მოდის. მისი ცხებულება არა გეგმებზე, არამედ ადამიანებზეა - მლოცველებზე.[1]

► რა შეცდომის გამოსწორებას ცდილობდა ი. ემ. ბოონდსი ზემოთ მოყვანილი განცხადებებით?

ლოცვის აქტი აკეთებს განცხადებას ღმერთზე დამოკიდებულების შესახებ. ადამიანი, რომელიც ზედმეტად დაკავებულია ლოცვისთვის, ფიქრობს, რომ მისი საქმე უფრო მნიშვნელოვანია, ვიდრე ის საქმე, რასაც ღმერთი მოიმოქმედებს მისი ლოცვების საპასუხოდ.

რადგან ჩვენ სულიწმიდაზე ვართ დამოკიდებულნი, ლოცვა მნიშვნელოვანია ჩვენთვის. პავლემ ხალხს მოუწოდა ელოცათ სახარების გავრცელებისთვის (2 თესალონიკელთა 3:1, კოლასელთა 4:3, ეფესელთა 6:19).

► ჩვენ ვიცით, რომ ლოცვა მნიშვნელოვანია მორწმუნეთათვის. რატომ არის ეს განსაკუთრებით მნიშვნელოვანი მახარებელი ადამიანისთვის?

ლოცვა მნიშვნელოვანია მახარებლისთვის:

[1]1. მახარებელი სულიერად ცოცხალი უნდა იყოს. ლოცვა სულის სუნთქვაა. მახარებელს სხვები მიყავს ღმერთთან იმ ურთიერთობაში, რომლის გამოცდილებაც მას უკვე აქვს.

2. მახარებელს არ შეუძლია შეინარჩუნოს მსახურების სწორი მგზნებარება, ღმერთთან ლოცვაში დროის გატარების გარეშე. ლოცვის გარეშე, ადამიანს, რომელიც ცდილობს მახარებლობას, ექნება არასწორი მოტივაცია (ეს შეიძლება იყოს პირადი წარმატების სურვილი, ან პაექრობის სიამოვნება).

3. მახარებელი, სულიწმიდაზე უნდა იყოს დამოკიდებული, რათა ცოდვილი ამხილოს და მას გადარჩენის სურვილი გაუჩნდეს. მახარებლობა არ არის მხოლოდ ადამიანის ძალისხმევა. მახარებელი ეყრდნობა სულიწმიდის ძალას. მხოლოდ ადამიანური მსჯელობა ვერ აიძულებს ცოდვილს აღიაროს თავისი დანაშაული და დაებადოს ღმერთის ძიების სურვილი (იოანეს 16:8, იოანეს 6:24).

4. მახარებელი დამოკიდებულია ღმერთზე, რათა მან სცხოს ის, წმიდა წერილების სწორად გამოყენებისთვის (რომაელთა 1:16, ესაიას 55:11).

5. მახარებელს სჭირდება ღვთის ხელმძღვანელობა თავის მსახურებაში (საქმეების 11:12).

პირადი ლოცვითი ცხოვრება

ყოველი ქრისტიანი უნდა იყოს ერთგული ყოველდღიური ლოცვისას და ეს კიდევ უფრო მნიშვნელოვანია იმ ადამიანისთვის, ვისაც სურს ეფექტური იყოს მახარებლობაში.

მას განსაკუთრებული დრო უნდა ჰქონდეს ყოველდღე, ღმერთთან განმარტოებით გასატარებლად. თუ ეს შესაძლებელია, ის უნდა იყოს იზოლირებულ ადგილას. მას შეიძლება მოუწიოს ადრე ადგომა, რათა ილოცოს ყურადღების გაფანტვის გარეშე, დღის საქმეების დაწყებამდე. თუ მას არ შეუძლია ლოცვისთვის დრო განსაკუთრებულად გამოყოს, მან მაინც უნდა გამოყოს დრო რამდენიმე წუთი, დღის დასაწყისში ღმერთთან სასაუბროდ.

მან ყოველდღე უნდა წაიკითხოს წმიდა წერილები და ჩაუკვირდეს მას, ილოცოს ღმერთის წინაშე, რათა აღსრულდეს მისი ჭეშმარიტება მის ცხოვრებაში.

ლოცვების სია

კარგია გვქონდეს იმის ჩამონათვალი, თუ რაზე უნდა ვილოცოთ. წინააღმდეგ შემთხვევაში, ჩვენ შესაძლოა არ გაგვახსენდეს რამდენიმე მნიშვნელოვანი საკითხი. ჩვენ უნდა ვილოცოთ სახარების მთელ მსოფლიოში გავრცელებისთვის, განსაკუთრებით იმ ქვეყნებში, სადაც ქრისტიანები იდევნებიან. ჩვენ უნდა ვილოცოთ სახარების წარმატებისთვის ჩვენს ქვეყანაში. [1]ჩვენ უნდა ვილოცოთ, რომ ჩვენმა ადგილობრივმა ეკლესიამ შეასრულოს ღვთის მისია ჩვენს გარშემო მყოფ საზოგადოებისთვის. ჩვენ უნდა ვილოცოთ, რომ ღმერთი პირადად ჩვენ დაგვეხმაროს სახარების ეფექტურად გაზიარებაში.

სია ასევე ეხმარება ადამიანს ილოცოს იმ დროს, როდესაც მას უჭირს კონცენტრირება.

არ არის აუცილებელი ლოცვების სიის გამოყენება ყოველი ლოცვის დროს. ზოგჯერ გრძნობთ საჭიროებას, რომ ილოცოთ გარკვეული საკითხების შესახებ და თქვენ შეგიძლიათ მათი დამახსოვრება სიის გარეშეც.

► კიდევ რა უნდა იყოს ლოცვების სიაში?

სახელების სია ლოცვისთვის

შეადგინეთ ათი ადამიანის სია, რომლებსაც პირადად იცნობთ და რომლებსაც გადარჩენა სჭირდებათ. ესენი უნდა იყვნენ ადამიანები, ვისთანაც ხშირად გაქვთ შეხება. აიღეთ ვალდებულება, ილოცოთ მათთვის ყოველდღე. ესაუბრეთ მათ, თუ ღმერთი გახსნის შესაძლებლობას; თუ მათთან საუბრის შესაძლებლობა არ გაქვთ, განაგრძეთ ლოცვა. იმ ადამიანების მოწმობით, ვინც ასე იქცეოდა, თუ ამას გააკეთებთ, ერთი წლის გასვლამდე ზოგიერთი მათგანი მიიღებს გადარჩენას.

ლოცვითი პარტნიორები

ქრისტიანისთვის კარგია ყავდეს მეგობარი, ვისთანაც ერთად რეგულარულად ილოცებს. მათ ერთად უნდა გაიზიარონ საჭიროებები და გამარჯვებები. ისინი შესაძლოა შეხვდნენ ყოველ კვირას, ან უფრო ხშირადაც.

ცოლ-ქმარს შეუძლიათ ასე ერთად ილოცონ; მაგრამ კარგია, თუ ქმარს ჰყავს მეგობარი კაცი, ხოლო ცოლს მეგობარი ქალი, რომელთან ერთადაც ლოცულობენ, ლოცვითი პარტნიორები.

► რა გამოცდილება აქვთ უკვე, კლასის წევრებს ლოცვით პარტნიორებთან?

ლოცვითი გასეირნება

ლოცვით გასეირნება შეიძლება განხორციელდეს, რადგან მსახურება პასუხისმგებლობას გრძნობს მეზობლად მცხოვრებ ხალხზე. ჯგუფი ან პიროვნება დადის ტერიტორიაზე და ლოცულობს მასზე მყოფთა საჭიროებებისთვის. ლოცვა შეიძლება იყოს ჩუმი. მათ შეუძლიათ ისაუბრონ იმ ადამიანებთან, რომლებსაც ხვდებიან, მაგრამ სიარულის მთავარი მიზანი ლოცვაა. ლოცვითი გასეირნება შეიძლება გაკეთდეს ამ მხარეში მსახურების დასაწყისში ან მოგვიანებით.

ლოცვითი სადგური

ზოგიერთი ეკლესია აწყობს დროებით ლოცვით სადგურს საჯარო ადგილას, სადაც ბევრი ადამიანი მოძრაობს. ისინი აკრავენ აბრას, რომელზეც წერია „ლოცვითი სადგური“ და სთავაზობენ გამვლელებს მათთან ერთად ლოცვას. ისინი ეკითხებიან: „გაქვთ რაიმე საჭიროება, რომლის შესახებაც გსურთ რომ ვილოცოთ?” ისინი ავლენენ ზრუნვას საჭიროებების მიმართ და არ ყვებიან კამათს. ხშირად მათ აქვთ სახარების გაზიარების შესაძლებლობაც.

► რომელ ადგილზე შეიძლება განთავსდეს თქვენს მხარეში ლოცვითი სადგური საუკეთესოდ?

იესოსა და მოციქულთა ლოცვები გვაჩვენებს იმას, თუ რაზე უნდა ვილოცოთ, რადგან ვიცით, რომ ისინი ღვთის ნებით ლოცულობდნენ. აქ მოყვანილია სამი მაგალითი.

უფლის ლოცვა: მათეს 6:9-13-ში იესომ თავის მოწაფეებს ლოცვის ნიმუში მისცა. ამ სიტყვებით და ზოგადად ამ პრიორიტეტებით უნდა ვილოცოთ.

პავლეს ლოცვა ეფესელებისთვის: ეფესელთა 3:14-19-ში პავლე ლოცულობდა მორწმუნეთა სულიერი დამკვიდრებისთვის. ჩვენც იგივეზე უნდა ვილოცოთ საკუთარი თავისთვის და სხვებისთვისაც.

ლოცვა მკაზე: მათეს 9:36-38-ში იესოს სურდა, რომ მის მოწაფეებს გაეზიარებინათ მისი თანაგრძნობა ცოდვილთა მიმართ და ელოცათ, რომ ღმერთს გამოეგზავნა მუშები სულიერ სამკალში.

მარხვა არის საშუალება, რომ ჩვენი ყურადღება გავამახვილოთ სულიერსა და მარადიულზე და მოვაცილოთ ის ფიზიკურისა და მატერიალურისგან. ის ცხადყოფს, რომ სულიერი და მარადიული რამ ჩვენთვის უფრო მნიშვნელოვანია, ვიდრე ფიზიკური და მიწიერი. ეს არის ჩვენი რწმენის განმტკიცების საშუალება.

► რით განსხვავდება მარხვა იმისგან, ვინც შიმშილობს, რათა ღმერთზე მანიპულირება მოახდინონ, რომ მან რაღაც გააკეთოს?

ეს არის წმიდა წერილში ჩაწერილი მაგალითები, როდესაც ვინმე იმდენად სერიოზულად ფიქრობდა ღვთის ჩარევაზე მის ცხოვრებაში, რომ მარხულობდა. ეს მაგალითები არჩეულია წმიდა წერილში არსებული მრავალი ცნობიდან, უბრალოდ იმის საჩვენებლად, რომ ბიბლია ჩვეულებრივ დადებითად საუბრობს მარხვაზე. წმიდა წერილში ის ხშირად მოიხსენიება, როგორც ახსნა იმისა, თუ რატომ ჩაერია ღმერთი.

► კლასმა უნდა წაიკითხოს წმიდა წერილის ერთ-ერთი ისტორია მარხვის შესახებ და განიხილოს ამ მონაკვეთში აღწერილი სიტუაცია.

იესომ თქვა, რომ მოწაფეები იმარხულებდნენ, როდესაც ის ფიზიკურად მათთან აღარ იქნებოდა (მათეს 9:15, ლუკას 20.). მან მარხვისადმი სათანადო მიდგომა დაავალა მათ. მან თქვა, რომ მარხვა არ უნდა იყოს სხვებისთვის საჩვენებლად.

როცა მარხულობთ, ნუ იქნებით მწუხარენი, როგორც თვალთმაქცნი, დამწუხრებულ სახეებს რომ ღებულობენ, რათა ადამიანებს მარხულად აჩვენონ თავი. ჭეშმარიტად გეუბნებით თქვენ: მათ უკვე მიიღეს თავიანთი საზღაური. ხოლო შენ, მარხვისას ზეთი იცხე თავზე და პირი დაიბანე, რათა ადამიანებს კი არ ეჩვენო მარხულად, არამედ შენს მამას დაფარულში; და მამაშენი, რომელიც ხედავს დაფარულში, მოგაგებს შენ ცხადად (მათეს 6:16-18).

ადრეული ეკლესიის ზოგიერთი მორწმუნე მარხულობდა ყოველ ოთხშაბათს და პარასკევს, ყოველწლიურად დაგეგმილ მარხვის დღეებთან ერთად. მარტინ ლუთერი, ჯონ კალვინი, ჯონ ნოქსი, ჯონათან ედვარდსი, ჩარლზ ფინი და დი.ელ. მუდი ბევრს მარხულობდნენ. ჯონ უესლი და ადრეული მეთოდისტები მარხვით იყვნენ ცნობილნი. მარადიული მნიშვნელობის ყოველი გამოღვიძება ლოცვითა და მარხვით იწყებოდა.

► ვის იცნობთ, ვინც მარხვით კარგ შედეგს მიაღწია?

იესომ უსაყვედურა მოწაფეებს, რომ ისინი ურწმუნოების გამო ვერ დაეხმარნენ დემონით შეპყრობილ ადამიანს. შემდეგ მან თქვა: „ეს მოდგმა განიდევნება, თუ არა ლოცვითა და მარხვით” (მათეს 17:21). ის გულისხმობდა, რომ ლოცვა და მარხვა არის რწმენის მიღწევის საშუალება; და, მაშასადამე, ურწმუნოების წამალი. ის არ გულისხმობდა იმას, რომ მოწაფეებს მარხვა მხოლოდ კრიზისის დროს უნდა დაეწყოთ; ის გულისხმობდა, რომ რეგულარული ლოცვა და მარხვა მათი ცხოვრების ნაწილი უნდა ყოფილიყო, რათა მათ ჰქონოდათ საჭირო რწმენა კრიზისებთან გასამკლავებლად.

იესოს სიტყვებიდან და მარხვის უამრავი ბიბლიური და ისტორიული მაგალითიდან გამომდინარე, ჩვენ შეგვიძლია გამოვსახოთ კურთხევები, რომლებიც ჩვენთვის ხელმისაწვდომია პირამიდის სახით, რომელიც იყოფა რამდენიმე დონეზე. კურთხევის ქვედა დონე შეიძლება მივიღოთ რწმენით, რომელსაც მხოლოდ ლოცვით მივაღწევთ. კურთხევის უმაღლესი დონე შეიძლება მივიღოთ მხოლოდ რწმენით, რომელიც მიიღწევა ერთობლივი ლოცვითა და მარხვით.

• შეუთავსეთ ლოცვა და მარხვა ისე, რომ მარხვა იყოს არა მხოლოდ გარეგნული მოქმედება, არამედ სულიერების განახლება და თქვენი რწმენის გაფართოება.

• იმარხულეთ ღმერთის განსადიდებლად და არა სიამაყისთვის და თავის წარმოსაჩენად.

• როდესაც ლოცულობთ და მარხულობთ, ეძიეთ ღვთის ნება თქვენს თხოვნასთან მიმართებაში.

• ნუ ჩაანაცვლებთ მარხვას მორჩილებით.

• ნუ დააზიანებთ საკუთარ ორგანიზმს.

► კლასმა უნდა განიხილოს ერთობლივი ლოცვისა და მარხვის აქტივობა.

მარხვა არ არის საზიანო ჯანმრთელობისთვის, თუ ის სწორად არის წარმართული. სინამდვილეში, რეგულარულ მარხვას ბევრი სარგებელი მოაქვს ჯანმრთელობისთვის.

• დალიეთ წყალი მარხვის დროს. ნუ იმარხულებთ წყლის მიღების გარეშე.

• დაიწყეთ ერთდღიანი მარხვით. თანდათან გაზარდეთ უფრო ხანგრძლივ პერიოდებამდე. ერთი კვირა ნორმალურად იკვებეთ ერთ ან მეტ დღიან მარხვებს შორის.

გულისრევის ან თავის ტკივილის შემთხვევები ხშირია მათთვის, ვინც არ არის მიჩვეული მარხვას. თუ კარგი ჯანმრთელობის მქონე ადამიანი რეგულარულად მარხულობს, მას ეს სიმპტომები, როგორც წესი, არ ექნება. პირის ღრუში ცუდი გემო და უსიამოვნო სუნი გამოწვეულია იმით, რომ სხეული თავისუფლდება ტოქსიკური ნარჩენებისგან.

ხანგრძლივი მარხვის დროს, ბევრი არასასიამოვნო სიმპტომი წყდება რამდენიმე დღის შემდეგ.

• ხანგრძლივი მარხვა დაარღვიეთ წვენით, შემდეგ მსუბუქი საკვებით .

1. დაფიქრდით, რას გააკეთებთ თქვენი ლოცვითი პრაქტიკის განსავითარებლად. შეარჩიეთ დრო და მისი ხანგრძლივობა ყოველდღიური ლოცვისთვის. იფიქრეთ რეგულარული მარხვის დაგეგმვის შესახებ.

2. წაიკითხეთ ორი მონაკვეთი მარხვის შესახებ. თითოეულის შესახებ დაწერეთ მოზრდილი აბზაცი, სადაც ახსნით სიტუაციას და მარხვის შედეგს.