პავლე აპირებდა რომში გამგზავრებას. მას სურდა იქ ექადაგა სახარება, (რომაელთა 1:15). გაეძლიერებინა მორწმუნეები, (რომაელთა 1:11-12). და მიეღო რომის ეკლესიის მხარდაჭერა ესპანეთში მისიონერული მოგზაურობისთვის (რომაელთა 15:24).
რომაელთა მიმართ წერილის მიზანი იყო რომაელ მორწმუნეებს პავლესა და მისი ხსნის თეოლოგიის გაცნობა. წერილში ნაჩვენებია მსოფლიო მისიონერული მოღვაწეობის საფუძველი ხსნის თეოლოგიის ახსნით.
პავლე გეგმავდა რომის ეკლესიის გამოყენებას მისიონერული საქმიანობის დასაყრდენად ესპანეთში, რომელიც იყო უძველესი რომაული კოლონია დასავლეთში და რომაული ცივილიზაციის ცენტრი მსოფლიოს ამ ნაწილში.
პავლეს ვიზიტი რომში არ განხორციელებულა ისე, როგორც მან დაგეგმა. ის იერუსალიმში დააპატიმრეს. როდესაც მიხვდა, რომ სამართლიანობას ვერ მიაღწევდა, კეისრის სამსჯავრო მოითხოვა. სახიფათო მგზავრობის შემდეგ, რომლის დროსაც მოხდა გემის მსხვრევა, ის ახ.წ. 60 წელს რომში ჩავიდა როგორც პატიმარი. მიუხედავად იმისა, რომ ის შეზღუდული იყო, მას თავისუფლად შეეძლო სტუმრების მიღება; ასევე მას ჰქონდა მსახურება, რომელიც მთელ ქალაქში ვრცელდებოდა (საქმეების 28:30-31). პავლემ თქვა, რომ მოვლენები მიზნად ისახავდა „სახარების გავრცელებას” (ფილიპელთა 1:12). კეისრის ოჯახშიც კი იყვნენ მოქცეულნი. ორი წლის შემდეგ მოხდა მისი გათავისუფლება. გაემგზავრა თუ არა ის ესპანეთში, უცნობია.
არსებობს რამდენიმე კითხვა, რომელიც ბუნებრივად წარმოიქმნებოდა პავლეს თხოვნის საპასუხოდ, რომ დახმარებოდნენ მისიონერული მოგზაურობის დაწყებაში. ზოგიერთს შეიძლება ეკითხა: „რატომ უნდა წახვიდე შენ?” პავლემ თავისი წერილი დაიწყო მახარებლობის საქმისადმი მისი ერთგულების ხსენებით (რომაელთა 1:1). მოგვიანებით მან განმარტა თავისი განსაკუთრებული მოწოდება და წარმატება, როგორც წარმართთა მოციქულის (რომაელთა 15:15-20).
კიდევ ერთი შესაძლო კითხვაა: „რატომ სჭირდება ყველას სახარების მოსმენა? შეიძლება არ არის საჭირო ამ გზავნილის ყველგან გავრცელება." პავლემ ახსნა სახარების პოტენციალი კაცობრიობისთვის მთელ მსოფლიოში (რომაელთა 1:14, 16; რომაელთა 10:12). და მისიონერული სამუშაოს გადაუდებელი აუცილებლობა (რომაელთა 10:14-15). მან აჩვენა, რომ გზავნილი ეხება ყველა ადამიანს მსოფლიოში და რომ ყველა ადამიანს უკიდურესად სჭირდება მისი მოსმენა.
რომაელთა მიმართ წერილი იმ დროიდან დღემდე
წერილი ჯერ კიდევ ემსახურება თავის თავდაპირველ მიზანს - საფუძვლად დასდებოდა მისიონერულ მოღვაწეობას. თუმცა, ის უფრო მეტს აკეთებს. როგორც პავლემ განმარტა, რატომ სჭირდება ყველას კეთილი უწყების მოსმენა, მან განმარტა რა გზავნილია ეს და რატომ არის შესაძლებელი ადამიანების გადარჩენა მხოლოდ ამ გზით. მან უპასუხა ზოგიერთ გავრცელებულ წინააღმდეგობას. მის მიერ ნაქადაგები გზავნილის ეს განმარტება და დაცვა იკავებს წიგნის უმეტეს ნაწილს და უზრუნველყოფს მის სტრუქტურას.
რაც გვაქვს რომაელთა მიმართ მიწერილ წერილში, არის ხსნის თეოლოგიის ახსნა. პავლეს ხსნის თეოლოგია, რომელსაც ის იცავდა წერილში, უზრუნველყოფს იუდეველებისგან უშუალო დაცვას; და ის ასევე ემსახურება სოტერიოლოგიაში (ხსნის მოძღვრებებში) თანამედროვე შეცდომების გამოსწორებას.
უილიამ ტინდეილმა, რომაელთა წერილის, მის მიერ დაწერილ შესავალში თქვა: „პავლეს განზრახვა იყო ამ ეპისტოლეში მოკლედ გადმოეცა ქრისტეს სახარების მთელი ცოდნა და მოემზადებინა შესავალი მთელი ძველი აღთქმისთვის."[1]
ისტორიის მანძილზე ღმერთი იყენებდა რომაელთა მიმართ წერილს, რათა აღედგინა ყველაზე მნიშვნელოვანი ჭეშმარიტებები, როდესაც ისინი დავიწყებული იყო.
386 წელს ავგუსტინემ გადაწყვიტა შეეცვალა თავისი ცოდვილი ცხოვრება, რომაელთა 13:13-14 წაკითხვის შემდეგ.
1515 წელს მარტინ ლუთერმა გააცნობიერა რომაელთა 1:17-ის მნიშვნელობა. მან დაინახა, რომ ვისაც აქვს გადამრჩენელი რწმენა, განთავისუფლდება ღვთის სამსჯავროდან. ამან მას საფუძველი მისცა გადარჩენის გარანტიისთვის, რომელსაც ის დიდი ხნის განმავლობაში ეძებდა. ეს გახდა მისი გზავნილის საფუძველი, რომ მხოლოდ რწმენა არის ჩვენი გადარჩენის გზა.
1738 წელს ჯონ უესლიმ იპოვა პირადი ხსნის გარანტია, რომელსაც წლების განმავლობაში ეძებდა. ეს მოხდა მაშინ, როდესაც ის იმყოფებოდა შეხვედრაზე სხვა ახალგაზრდებთან, რომლებიც რეგულარულად იკრიბებოდნენ, რათა შეესწავლათ, როგორ მიჰყოლოდნენ ბიბლიურ ქრისტიანობას. სანამ ვიღაც კითხულობდა ლუთერის წინასიტყვაობას რომაელთა წერილისადმი, უესლიმ იგრძნო, რომ გული „უცნაურად გაუთბა." „ვგრძნობდი, რომ ვენდობოდი ქრისტეს, მხოლოდ ქრისტეს, ჩემი გადარჩენისთვის: და დამარწმუნა, რომ მან განმაშორა ჩემი ცოდვები, საკუთრივ ჩემი და მიხსნა ცოდვისა და სიკვდილის რჯულისგან."[2]
[3]ამ სამივე პიროვნებისთვის რომაელთა წერილის გზავნილის გაგება იყო გულმოდგინე მახარებლობის მოტივაცია. წერილი ჯერ კიდევ ასრულებს თავის დანიშნულებას, რათა უზრუნველყოს მისიების საფუძველი ხსნის თეოლოგიის ახსნით.
მთელი რომაელთა წერილი არის რომაელთა 1:16-18 - ში მოყვანილი მოწმობების ახსნა.
ყველაფერს 1-14 მუხლებში მივყავართ მე-15 მუხლში მოცემულ განცხადებასთან, სადაც პავლემ თქვა: „მზად ვარ სახარების საქადაგებლად.” 16-18 მუხლები მოკლედ განმარტავს რა არის სახარება და რატომ სჭირდება ის ყველას. სახარება არის გზავნილი, რომ ცოდვილები შეიძლება გამართლდნენ რწმენით. მიზეზი, რის გამოც ყველას სჭირდება ეს გზავნილი, არის ის, რომ ისინი ღვთის რისხვის ქვეშ იმყოფებიან.
რომაელთა წერილის უპირველესი მიზნის განმარტების კიდევ ერთი გზა ის არის, რომ ეს სახარების ახსნაა, რომელიც დაფუძნებულია ღვთის განკარგულებაზე, რომ ვინც ირწმუნებს გადარჩება და ვინც არ ირწმუნებს, მსჯავრდადებული იქნება.
წიგნის კულმინაცია მოდის რომაელთა 10:13-15-ში, სადაც პავლე განმარტავს, თუ რატომ სჭირდებათ მაცნეებს სასწრაფოდ მიიღონ სახარება. ადამიანები რწმენით გადარჩებიან, მაგრამ ვერ ირწმუნებენ, სანამ არ მოისმენენ.
[1]William Tyndale, “Prologue to Romans,” English New Testament, 1534.
[2]John Wesley, The Works of John Wesley, (Kansas City: Nazarene Publishing House, n.d.), 103.
„ამ ეპისტოლეს ზოგადი მიზანია გამოაქვეყნოს ღვთის მარადიული, უცვლელი განზრახვა ან განკარგულება, რომელიც წარმოდგება: „ვინც ირწმუნებს გადარჩება; ვინც არ ირწმუნებს, მსჯავრდადებული იქნება.’"
- ჯონ უესლი
სახარების წარდგენა რომაელთა მიმართ წერილიდან
სახარების ახსნა შესაძლებელია მხოლოდ რომაელთა წერილის მუხლების გამოყენებით. სახარების ამ წარდგენას ზოგჯერ უწოდებენ „რომაულ გზას.”
თითოეული მითითების ახსნა-განმარტების პირველი წინადადება ყველაზე მნიშვნელოვანია დასამახსოვრებლად.
რომაელთა 3:23
„ყველამ შესცოდა და მოკლებულნი არიან ღვთის დიდებას.”
ყველა ადამიანმა შესცოდა, ჩაიდინა რა ისეთი რამ, რაც იცის, რომ არასწორია.
ეს მუხლი გვიჩვენებს რეალურ პრობლემას, რომელიც ადამიანებს აქვთ. ისინი არ დაემორჩილნენ ღმერთს; ისინი განზრახ არ დაემორჩილნენ ღმერთს. არც ერთი ადამიანი არ არის გამონაკლისი. არც ერთი ადამიანი არ შეიძლება იყოს მიღებული ღმერთის მიერ იმის საფუძველზე, რომ ის ყოველთვის სწორად იქცეოდა.
ამ მომენტის შემდგომი ხაზგასმისთვის შეგიძლიათ გამოიყენოთ რომაელთა 3:10 („არავინ არის მართალი“) და რომაელთა 5:12 („სიკვდილი გადავიდა ყველა ადამიანში, რადგან ყველამ შესცოდა”).
რომაელთა 6:23
„ვინაიდან ცოდვის საზღაური სიკვდილია, ხოლო ღვთის საჩუქარი - მარადიული სიცოცხლე ჩვენს უფალში, ქრისტე იესოში.”
ცოდვილებმა მარადიული სიკვდილი დაიმსახურეს, მაგრამ ღმერთი მარადიულ სიცოცხლეს ჩუქნის იესოს მეშვეობით.
ეს მუხლი გვიჩვენებს, რატომ არის ცოდვა ასე სერიოზული. ცოდვის გამო სიკვდილით დასჯა ყველა ადამიანს ეკისრება. ეს არის მარადიული სიკვდილი, ღვთის განაჩენი, რომელსაც ყველა ცოდვილი იმსახურებს.
ჩვენ მიერ დამსახურებული სიკვდილისგან განსხვავებით, ღმერთი გვთავაზობს სიცოცხლეს, რასაც ჩვენ არ დაგვიმსახურებია.
რომაელთა 5:8
„ღმერთი კი იმით გვიჩვენებს თავის სიყვარულს ჩვენდამი, რომ ჯერ კიდევ ცოდვილნი ვიყავით, როცა ქრისტე მოკვდა ჩვენთვის.”
ღვთის საჩუქარი მოცემულ იქნა ქრისტეს სიკვდილით, ჩვენთვის.
ღმერთს არ სურდა, რომ ჩვენ მიგვეღო სასჯელი, რომელსაც ვიმსახურებდით. იმის გამო, რომ მას ვუყვარვართ, მან მოგვცა საშუალება, მიგვეღო წყალობა. იესო მოკვდა მსხვერპლად, რათა ჩვენ მოგვტევებოდა. ღმერთი არ დაელოდა ჩვენგან რაიმე მოქმედებას, რათა დაგვემსახურებინა ხსნა - ის ჩვენთან მოვიდა, მაშინ როდესაც "ჩვენ ჯერ კიდევ ცოდვილნი ვიყავით.” ხსნა შეთავაზებულია არა კეთილი ადამიანებისთვის, არამედ ცოდვილებისთვის.
რომაელთა 10:9
„თუ აღიარებ... და ირწმუნებ... გადარჩები.”
გადარჩენისთვის ერთადერთი მოთხოვნაა, რომ ცოდვილმა აღიაროს, რომ ცოდვილია და ირწმუნოს ღვთის დაპირება პატიების შესახებ იესოს სიკვდილისა და აღდგომის მეშვეობით.
რაც შეეხება მონანიებას. თუ ადამიანი აღიარებს, რომ არასწორად მოიქცა და პატიება უნდა, ის გულისხმობს, რომ მზადაა ცოდვების მისატოვებლად.
რომაელთა 10:13
„ვინც მოუხმობს უფლის სახელს, გადარჩება.”
ხსნის შეთავაზება თითოეული ადამიანისთვის არის.
არავინ არის გამორიცხული. სხვა კვალიფიკაცია არ არსებობს.
რომაელთა 5:1
„რაკი რწმენით გავმართლდით, მშვიდობა გვაქვს ღმერთთან.”
ღვთის აღთქმის რწმენა გვაქცევს ღმერთის მეგობრებად და აღარ ჩავითვლებით დამნაშავედ.
ღმერთთან მშვიდობა ნიშნავს იმას, რომ ჩვენ აღარ ვართ მისი მტრები; ჩვენ შევრიგდით. ცოდვა, რომელმაც დაგვაშორა ღმერთს, ჩამოშორებულია. გამართლება ნიშნავს უდანაშაულოდ ჩათვლას. რწმენით გამართლება ნიშნავს, რომ ღვთის აღთქმის რწმენაა, ის რაც აუცილებელია ჩვენი პატიებისთვის.
რომაელთა 8:1
„ამიტომ ახლა არავითარი მსჯავრი არ არის მათზე, ვინც ქრისტე იესოშია.”
რადგან ჩვენ ვართ დაკავშირებული ქრისტესთან, ჩვენ აღარ ვართ დადანაშაულებულნი ჩადენილ ცოდვებისთვის.
ქრისტე უცოდველი ცხოვრებით ცხოვრობდა და ჯვარზე სიკვდილით სამართლიანობის მოთხოვნა აღასრულა. რწმენით ვაღიარებთ მას და მიღებულნი ვართ მამა ღმერთის მიერ. ღმერთი ისე გვეპყრობა, როგორც, თითქოს ცოდვა არასდროს ჩაგვიდენია.
დასკვნა
აუხსენით, რომ ცოდვილი შეიძლება გადარჩეს ღვთისადმი ლოცვით, იმის აღიარებით, რომ ცოდვილია და პატიების თხოვნით, იესოს მსხვერპლიანი სიკვდილისა და აღდგომის საფუძველზე.
სწავლისა და პრაქტიკისთვის
ამ მეთოდის სწავლისა და პრაქტიკის საუკეთესო გზაა პირველ რიგში მონიშნოთ ყოველი მუხლი, რომელიც გამოიყენება რომაელებში, შემოხაზვით ან ხაზგასმით. შემდეგ თითოეულს გვერდით დაუსვით რიცხვი, რომელიც აჩვენებს მისი გამოყენების თანმიმდევრობას. მაგალითად: მუხლს, რომელიც უნდა გამოიყენოთ პირველი, დაუსვით რიცხვი 1.
ივარჯიშეთ სახარების წარდგენაში. წაიკითხეთ თითოეული მუხლი და მოაყოლეთ ახსნა, რაც მას თან ახლავს. დარწმუნდით, რომ შეიტანეთ ცნებები, რომლებიც მოცემულია პირველ წინადადებაში ყოველი მუხლის შემდეგ. დაამატეთ ნებისმიერი ახსნა, რომელიც საჭიროა, გამოიყენეთ სხვა წინადადებები, თუ ისინი სასარგებლოა. არ არის აუცილებელი ამ გაკვეთილში მოცემული ზუსტი სიტყვების გამოყენება.
ივარჯიშეთ მანამ, სანამ ამის გაკეთებას არ შეძლებთ, მხოლოდ ბიბლიაზე დაყრდნობით, სხვა ყველაფრის გარეშე.
მინიშნება კლასის ლიდერისთვის: ორმა ან სამმა სტუდენტმა უნდა წარმოადგინოს რომაული გზის გამოყენება ჯგუფისთვის. ჯგუფმა უნდა განიხილოს წარდგენის გაუმჯობესების გზები. შემდეგ სტუდენტები უნდა დაიყონ წყვილებად სავარჯიშოდ. თითოეულმა სტუდენტმა უნდა გააკეთოს წარდგენა ორჯერ, სხვადასხვა მსმენელისთვის.
დავალებები
1. რომაული გზის გამოყენებით, წარუდგინეთ სახარება მინიმუმ სამ ადამიანს. დაწერეთ აბზაცი თითოეული საუბრის შესახებ და მოემზადეთ მოსაყოლად ამის შესახებ, როდესაც მიხვალთ მომდევნო გაკვეთილზე.
2. მზად იყავით დაწეროთ დამახსოვრებულიდან (მხოლოდ თქვენი ბიბლიის გამოყენებით) რომაული გზის შესახებ მონაკვეთები წმიდა წერილიდან და მინიმუმ ერთი წინადადება თითოეულის ახსნა-განმარტებით, მომდევნო გაკვეთილისთვის.
3. შემდეგი გაკვეთილი ეხება მახარებლურ ქადაგებას. ამ გაკვეთილისთვის მოსამზადებლად ჩაწერეთ მახარებლური ქადაგების მონახაზი ან შეჯამება, რომელიც თქვენ გიქადაგიათ, გსმენიათ ან გსურთ განავითაროთ. წაიღეთ ის შემდეგ გაკვეთილზე.
ტესტი
დაწერეთ მინიშნებები წმიდა წერილებისთვის, რომლებიც გამოიყენება რომაული გზით სახარების ქადაგებაში. მითითების ქვემოთ დაწერეთ ახსნა-განმარტების მინიმუმ ერთი წინადადება. მუხლები არ გადმოიწეროთ.
SGC exists to equip rising Christian leaders around the world by providing free, high-quality theological resources. We gladly grant permission for you to print and distribute our courses under these simple guidelines:
No Changes – Course content must not be altered in any way.
No Profit Sales – Printed copies may not be sold for profit.
Free Use for Ministry – Churches, schools, and other training ministries may freely print and distribute copies—even if they charge tuition.
No Unauthorized Translations – Please contact us before translating any course into another language.
All materials remain the copyrighted property of Shepherds Global Classroom. We simply ask that you honor the integrity of the content and mission.
