ჯონ მაქსველი ესაუბრა ბიზნესმენს, რომლის კომპანიაც ყიდულობდა წარუმატებელ სასტუმროებს, რათა მოახდინა მათი რეორგანიზაცია და მათ მოგებაზე მუშაობა დაეწყოთ. მაქსველმა ჰკითხა, თუ იყო რაიმე ერთი მოქმედება, რომელსაც კომპანია ყოველთვის მიმართავდა, როდესაც ისინი განადგურების პირას მყოფ სასტუმროს ყიდულობდნენ. ბიზნესმენმა თქვა: ”მენეჯერს ყოველთვის ვანთავისუფლებთ თანამდებობიდან. ჩვენ არ ველოდებით იმის გასარკვევად, არის თუ არა ის კარგი მენეჯერი. ჩვენ უკვე ვიცით, რომ ის არ არის კარგი მენეჯერი, რადგან სასტუმრო ვერ ფუნქციონირებს.”

თუ პროფესიონალური სპორტული გუნდი სრულიად წარუმეტებელია, მეპატრონე არ ეძებს მხოლოდ ახალ მოთამაშეს; ამ დროს ახალ მწვრთნელს ეძებენ. ორგანიზაციას ვერ მიაღწევს წარმატებას, თუ მას ცუდი ლიდერი მართავს.

ნამდვილი ლიდერი არ ეძებს საბაბს და თავს არ იმართლებს თავის ორგანიზაციის წარუმატებლობის გამო. თუ ის წარუმეტებელია, ეს ლიდერის ჩავარდნაზე მეტყველებს.

► რატომ არის ლიდერობა მნიშვნელოვანი?

ყელი იყო ისრაელის მღვდელმთავარი. რადგან მეფე არ ყავდათ, ტომები არ იყვნენ ცენტრალური მთავრობის ქვეშ გაერთიანებულნი. მღვდელმთავარი პოტენციურად ყველაზე გავლენიანი ლიდერი იყო ხალხში.

სამწუხაროდ, ყელი სუსტი ლიდერი იყო. მას ჰქონდა კარგი პიროვნული თვისებები, მაგრამ ვერ შეძლო საკუთარი ვაჟების სწორად დამოძღვრაც კი. მისი ვაჟები სექსუალურად უზნეონი, ღვთისმსახურების ფორმებში უყურადღებონი და და მომხვეჭელნი იყვნენ. მათ გამო ბევრმა შეიძულა ტაძარში მსახურება (1 მეფეთა 2:12-17, 22, 29).

ყელის უნდა ჩამოეცილებინა თავისი ვაჟები მათი საეკლესიო თანამდებობებიდან, მაგრამ მისთვის მათი სურვილები უფრო მნიშვნელოვანი იყო, ვიდრე თავისი პასუხისმგებლობა, რომელზეც ის იყო დადგენილი.

ყელი უნდა გაძღოლოდა ერს სულიერ თაყვანისმცემლობასა და წმინდა ცხოვრებაში; მაგრამ მისი გავლენა შვილებზე შეჩერდა, არა თუ მისი ვაჟების მეშვეობით ერზე გავრცელებულიყო.

(1) მათ არ იციან რა აკეთონ.

ეს ინფორმაციის ნაკლებობაა. ლიდერმა უნდა მიაწოდოს ინფორმაცია. თუ მას არ აქვს საჭირო ცოდნა სრულად, უნდა მოძებნოს ვინმე, ვინც მას დაეხმარება.

(2) მათ არ იციან როგორ აკეთონ ეს.

ეს არის განსწავლის ნაკლებობა. ლიდერს შეიძლება არ ჰქონდეს ორგანიზაციაში საჭირო სრული ცოდნა, მაგრამ მან უნდა უზრუნველყოს სწავლება.

(3) მათ არ იციან რატომ უნდა გააკეთონ ეს.

ეს არის მოტივაციის ნაკლებობა. ზოგჯერ ორგანიზაციაში მყოფ ადამიანებს არ ესმით ორგანიზაციის მიზნები. ან შესაძლოა ესმით, მაგრამ არ აინტერესებთ. ლიდერი უნდა დაეხმაროს ხალხს, რომ მიზნები გაზიარონ.

(4) არსებობს პრობლემები, რომლებიც ხელს უშლით ამის კეთებაში.

ეს არის აღჭურვისა და ორგანიზებულობის ნაკლებობა. ლიდერი უნდა დაეხმაროს ხალხს პრობლემების გადაჭრაში, რომელიც მათ წარმატების მიღწევაში უშლის ხელს.

ამ ჩამონათვალში მოცემულია ოთხი საერთო მიზეზი, რატომ არ აკეთებენ ადამიანები ორგანიზაციაში იმას, რაც უნდა აკეთონ. ჩვენ ვხედავთ, რომ ეს ოთხივე მიზეზი ლიდერის წარუმატებლობას ააშკარავებს.

როდესაც ლიდერი ჩივის, რომ მისი ხალხი არ აკეთებს იმას, რასაც უნდა აკეთებდეს, ის აცხადებს, რომ ვერ ახერხებს ლიდერობას.

მაგალითად, პასტორმა, რომელიც ჩივის, რომ მისი ეკლესია არ მახარობლობს, უნდა გაიაზროს შემდეგი კითხვები:

• ავუხსენი, რომ მათ უნდა იმახარობლონ?

• ვასწავლე მათ როგორ უნდა ჩაატარონ ევანგელიზაცია (იდეალურ შემთხვევაში - პირადი მაგალითით)?

• მოვახდინე მათი მოტივირება?

• დავეხმარე მათ პრობლემების გამკლავებაში, რაც ხელს უშლის ამის კეთებაში?

თუ ორ ჯარს ერთნაირი რაოდენობის მებრძოლები ყავს და ერთნაირი აღჭურვილობა და ტექნიკა აქვს, რომელი გაიმარჯვებს? იგებს ჯარი, რომელსაც საუკეთესო გენერალი ყავს.

ორ სპორტულ გუნდს ჰყავს თანაბრად ნიჭიერი მოთამაშეები. რომელი გუნდი გაიმარჯვებს? გაიმარჯვებს გუნდი საუკეთესო მწვრთნელით.

მოტივაციის გამოწვევა

► არსებობს ძველი ანდაზა, რომელიც ამბობს: ”კალამი ხმალზე ძლიერია”. თქვენი აზრით რას ნიშნავს ეს ?

დაწერილს, უფრო დიდი გავლენა აქვს, ვიდრე იარაღს. ეს ნიშნავს, რომ არის ძალა იდეაში, ადარწმუნებაში და კომუნიკაციაში. "კალამი" გულისხმობს წერილობით კომუნიკაციას, მაგრამ ნებისმიერი სახის დამაჯერებელი კომუნიკაცია უფრო ძლიერია, ვიდრე ხალხის იძულება მათი ნების საწინააღმდეგოდ.

თუ ცდილობთ აიძულოთ ხალხი, ძნელია თქვენი გავლენის გავრცელება იქ, სადაც პირადად არ იმყოფებით. ხალხი, რომელსაც აიძულებენ, არ აკეთებენ თავის მაქსიმუმს. ისინი თავიანთ ენერგიას და იდეებს არ უძღვნიან საქმეს. უფრო მეტის მიღწევა შეგიძლიათ ადამიანების მოტივირებით, ვიდრე იძულებით. იდეა - კონცეფცია - შეიძლება გავრცელდეს და გავლენა იქონიოს მილიონობით ადამიანზე.

სიტყვების ძალის მაგალითია მეორე მსოფლიო ომი. მეორე მსოფლიო ომი იყო სიტყვების და იდეების ომი. ზოგჯერ ადამიანები ფიქრობენ, რომ სიტყვებს ზიანი არ მოაქვს, მაგრამ ეს იყო სიტყვების ომი, რომელმაც მილიონობით ადამიანი იმსხვერპლა.

რატომ იყო ეს სიტყვების ომი? იყო ადამიანი, სახელად ადოლფ ჰიტლერი. ის ძლიერი მოსაუბრე იყო. მან გააცნო თავისი ხედვა გერმანიის შესახებ და გერმანელებმა ის თავიანთ ლიდერად აქცია. მან დაარწმუნა ისინი, რომ ისინი იყვნენ ის რჩეული რასა, რომელიც უნდა მართავდეს მსოფლიოს. ეკლესიებმა დაიწყეს მასზე საუბარი, როგორც მესია და თქვეს, რომ მისი ქვეყანა იყო ღვთის სამეფო. გერმანიამ შექმნა არმია მისი მიზნების მისაღწევად, მაგრამ მან ისინი დიდებამდე არ მიიყვანა, არამედ აიძულა ისინი ჩაედინა ისტორიაში ყველაზე უარესი სისასტიკე. მან ეს გააკეთა თავისი სიტყვის ძალით.

სანამ ჰიტლერი ძალაუფლებას ზრდიდა, ინგლისში ზოგი ფიქრობდა, რომ მათ საშიშროება არ შეექმნებოდა. როდესაც ქვეყნის ახალი პრემიერ-მინისტრის არჩევის დრო მოვიდა, ზოგიერთი კანდიდატი ხალხს ჰპირდებოდა, რომ მათ მშვიდობა ექნებოდათ. მაგრამ ინგლისის მოსახლეობამ გააცნობიერა, რომ ადვილი გამოსავალი არ იქნებოდა. ერთი კანდიდატი იყო უინსტონ ჩერჩილი. როდესაც მან სიტყვით გამოსვლისას ხალხს უთხრა, რას მოუტანს მათ მისი ხელმძღვანელობა, მან თქვა: "მე გთავაზობთ სისხლს, ოფლს და ცრემლებს". ის აირჩიეს, რადგან მან პრობლემებს თვალი გაუსწორა.

ჩერჩილი ყველასთვის პოპულარული არ იყო. ერთმა ქალმა, რომელიც მისი პოლიტიკური მტერი გახდა, ერთხელ უთხრა მას: "მე რომ შენი ცოლი ვიყო, შენს ყავაში შხამს გავურევდი". ჩერჩილმა უთხრა: ”ჩემი ცოლი რომ იყო, თვითონ დავლევდი შხამს."

ჩერჩილის გამოსვლებმა ინგლისი გააერთიანა გერმანიის წინააღმდეგ. ერთ სიტყვაში მან თქვა: "ჩვენ ვიბრძოლებთ ზღვაზე და ჰაერში. ჩვენ ვიბრძოლებთ პლაჟებზე, თუ ისინი ჩვენს ნაპირებზე გადმოსხამენ ძალებს. ჩვენ მათ შევებრძოლებით ყველა ქალაქის ყველა ქუჩაზე. ჩვენ არასდროს დავიხევთ უკან. არასოდეს დავნებდებით."

ჰიტლერისა და ჩერჩილის გამოსვლების ეფექტის მაგალითზე, ჩვენ ვხედავთ სიტყვების ძალას. რაღაც კუთხით, ყოველი ომი - სიტყვების ომია.

► განმარტეთ გამოთქმა, რომ ყოველი ომი - სიტყვების ომია. რას გვეუბნება ეს ხელმძღვანელობის შესახებ?

ზოგჯერ ხელმძღვანელი ფიქრობს, რომ დახმარების მისაღებად ერთადერთი გზა, არის ამისათვის ფულის გადახდა. ის ფიქრობს, რომ მისი ხალხი მეტს გააკეთებს, თუ უფრო მეტს გადაუხდის. ეს, როგორც წესი, არ არის სიმართლე. ადამიანები ორგანიზაციას ეხმარებიან, რადგან სჯერათ მისი. ისინი ბევრს მუშაობენ, რადგან მიზნებს იზიარებენ.

“შეუძლებელია ღირებული სამუშაო გქონდეთ, თუ ყველა კარგად გააზრებული და საერთო მიზნის მისაღწევად არ მუშაობს. მაგრამ არც ეს არის საკმარისი. მნიშვნელოვანია როგორ მიაღწევთ მიზანს. თქვენ უნდა იხელმძღვანელოთ ღირებულებებით. თქვენ უნდა იამაყოთ როგორც მიზნით, ასევე მისი მიღწევის გზებით.”[1]

► რას ნიშნავსუნდა იამაყოთ როგორც მიზნით, ასევე მისი მიღწევის გზებით?

ბიზნესმენი ვერ ააშენებს დიდ კომპანიას მხოლოდ საკუთარი თანამშრომლებისთვის ანაზღაურების გადახდით. მან უნდა წარმართოს ისინი მიზნებითა და ღირებულებებით. თუ მხოლოდ ფულს აქვს მნიშვნელობა, ხალხი არ მუშაობს ბიზნესის მიზნებისთვის. მათ არ აინტერესებთ ხარისხი და არ ამაყობენ თავიანთი მუშაობით.

ყველაზე მნიშვნელოვანი რამეები ფულისთვის არ კეთდება. გაიხსენეთ ის, რასაც ადამიანები აკეთებენ თავიანთი ოჯახისთვის და ბავშვებისთვის. ისინი საქმეს აკეთებენ არა ფულის, არამედ უფრო მნიშვნელოვანი ღირებულებების გამო. ხალხი მოტივირებულია მათი ღირებულებებით.

[2]მსახურებაში ხელმძღვანელობის უნარი კიდევ უფრო მნიშვნელოვანია და აშკარაა, ვიდრე ბიზნესის სამყაროში, რადგან ეკლესიის მუშაკები ძირითადად მოხალისეები არიან. ლიდერი ვერ სთავაზობს წახალისებას ანაზღაურებადი სამუშაოს სახით, მათი უმეტესობისთვის. ადამიანები, რომლებიც ეკლესიას ეხმარებიან, ამას იმიტომ აკეთებენ, რომ ეკლესიის სჯერათ. თუ ეკლესია ადგილობრივად არ არის მხარდაჭერილი ფულითა და ენერგიით, ლიდერმა მარცხი განნიცადა .

► ვინ არიან ის ხალხი, ვინც თქვენს ეკლესიაში შრომობენ და მას ეხმარებიან? რატომ აკეთებენ ამას?

ლიდერის შრომის შეჯამება ამგვარად ხდება:

აცნობეთ ხალხს, თუ რატომ ღირს მუშაობა. გადაწყვიტეთ საით მიდიხართ. დარწმუნდით, რომ გუნდი იზიარებს მიზანს. დაეხმარეთ ღირებულებების დადგენაში. მოიპოვეთ რესურსები ადგილზე. თვალყური ადევნეთ წესების შემქმნელებს. დარწმუნდით, რომ გაქვთ თქვენთვის საჭირო მხარდაჭერა, როგორც ორგანიზაციის შიგნით, ისე გარედან. თვალი ადევნეთ მომავალს პრობლემების თავიდან ასაცილებლად და მზად იყავით მიმართულების შეცვლისთვის.[3]

თუ ადამიანს აქვს რაიმე სახის სამუშაოს შესრულების უნარი, მაგრამ არ აქვს ლიდერის უნარ-ჩვევები, ის ან მარტო იმუშავებს, ან ვინმეს მითითებით. მაგრამ ადამიანი, რომელიც ფლობს ხელმძღვანელობისთვის საჭირო მაღალი დონის უნარ-ჩვევებს, შეძლებს სხვების წინამძღოლობასა და მეტის მიღწევას.

პავლე მოციქულმა ეკლესიების ქსელი დანერგა დიდ ქალაქებში. მან დანიშნა ხელმძღვანელები ყველგან, რადგან იცოდა, რომ მრავალი წინამძღოლი იყო საჭირო, რათა ეკლესია ყველგან გაზრდილიყო.

პავლემ საგანგებოდ გაწვრთნა ზოგიერთი მამაკაცი, მათი თან წაყვანით მისიონერულ მოგზაურობებში. (საქმეების 16:3, 19:22). პავლე ყურადღებას უმახვილებს ტიმოთეს ლიდერების მუდმივი განვითარების აუცილებლობაზე. მან ტიმოთეს უთხრა, მოეძებნა ერთგული ადამიანები, რომლებიც შეძლებდნენ სხვების განსწავლას (2 ტიმოთეს 2:2).

მაგალითად, ავტომექანიკოსს, რომელსაც ხელმძღვანელობის უნარი აქვს, შეიძლება ჰქონდეს ბიზნესი სხვა მექანიკოსებთან, რომლებიც მასზე იმუშავებენ. თუ ის ლიდერი არ არის, ის მარტო, ან სხვაზე იმუშავებს.

ალექსს შეუძლია ყველა სახის სამშენებლო-სარემონტო სამუშაოების შესრულება. ის შესანიშნავად ასრულებს საქმეს და კეთილსინდისიერია. მისი საქმიანობის მომხმარებლები სხვებსაც უწევენ რეკომენდაციას და მას მუდმივად უფრო და უფრო მეტი სამუშაო ელოდება. ალექსს არ ჰყავს დაქირავებული თანამშრომლები, რადგან მან თვითონ იცის ყველაფრის კეთება და არ სურს გამოიყენოს ადამიანი, ვინც შეიძლება ისეთივე ხარისხით არ გააკეთოს საქმე. იმის გამო, რომ ალექსი არ არის ლიდერი, მისი ბიზნესი არასოდეს გახდება იმ საქმეზე დიდი, რომლის გაკეთებაც მას მარტოს შეუძლია.

ლიდერობის უნარი ღირებულებას მატებს ადამიანის სხვა უნარებს. ადამიანს, რომელსაც აქვს მაღალი კომპეტენცია ნებისმიერ სფეროში, შეუძლია გაზარდოს მისი მნიშვნელობა ლიდერობის უნარის გაზრდით.

საიმედო ლიდერი ხალხს უზრუნველჰყოფს იმით, რაც მათ წარმატების მისაღწევად სჭირდებათ. ლიდერი ქმნის გარემოს მათი წარმატებისთვის. მათ უნდა იცოდნენ, რომ ის შეასრულებს თავის წილ მოვალეობებს, რათა მათ შეასრულონ თავიანთი.

თუ ლიდერი არ არის სანდო, ხალხი ვერ მიაღწევს ორგანიზაციის მიზნებს; ასე რომ, ისინი პასუხობენ მიზნების უგულებელყოფით. ლიდერი, რომელიც არ არის სანდო, ხშირად უხსნის ხალხს, თუ რატომ არ გააკეთა ის, რასაც მისგან ელოდნენ.

ლიდერი არ უნდა იყოს მოუმზადებელი იმ პრობლემებისთვის, რაც მოსალოდნელია. მას გათვლილი უნდა ჰქონდეს შეფერხებები და დაბრკოლებები და მზად იყოს მათთვის. ლიდერმა იცის, რომ ყველაფერი ყოველთვის იცვლება. ის აცნობიერებს, რომ ცვლილებებმა შეიძლება ახალი პრობლემები მოიტანოს, ამიტომ ემზადება. სხვა ადამიანებმა შეიძლება მიიღონ სიტუაცია ისე, როგორც ის განვითარდება და დროზე ადრე არ ინერვიულონ, მაგრამ ლიდერს არ შეუძლია ამის გაკეთება, რადგან ის არის პასუხისმგებელი. ის უნდა იყოს მზად წინამძღოლობა გაუწიოს სხვებს.

ალანი იყო სამშენებლო ბრიგადის ხელმძღვანელი. მისმა მმართველმა უთხრა, რომ დღის ბოლომდე უნდა აეშენებინათ გარკვეული კედლები, ასე რომ ალანმაც განუცხადა ეს თავის ბრიგადას. თუმცა, მასალები არ მიეწოდათ, რადგან მმართველს მათი გაგზავნა დაავიწყდა. ალანმა ეკიპაჟს განუმარტა, რომ მიზნის მიღწევა შეუძლებელი იყო. მას შემდეგ, რაც ეს რამდენჯერმე განმეორდა, ალანს გაუჭირდა ბრიგადისთვის მოეთხოვა, რომ მათ სწრაფად უნდა შეესრულებინათ დავალება.

ჯოანი სკოლის მასწავლებელი იყო. ერთ დღეს, როდესაც სკოლაში მივიდა, დირექტორმა უთხრა, რომ იმ დღეს, მის საკლასო ოთახს სხვა ჯგუფი გამოიყენებდა. ის მზად არ იყო სხვა ადგილას სწავლებისთვის და დროც არ ჰქონდა, რომ საჭირო ნივთები გაეტანა თავისი კლასიდან.

ბიბლია გვეუბნება, რომ ღმერთმა მოუწოდა მოციქულებად, წინასწარმეტყველებად, მახარებელებად, პასტორებად და მასწავლებლებად (ეფესელთა 4:11-12). ღმერთი ასევე იძლევა საჭირო უნარებს.

ღვთის მოწოდება ადამიანს აძლევს ლიდერობის შესაძლებლობას, მაგრამ არ იძლევა წარმატების გარანტიას. თუ ადამიანის ქცევა ამცირებს მის გავლენას, ნაცვლად იმისა, რომ გაზარდოს ის, ის წარმატებას ვერ მიაღწევს.

იხილეთ მსახურების ფუნქციები, რომლებიც ჩამოთვლილია ეფესელთა 4:11-ში. როგორ უნდა მიეღწია წარმატებისთვის მახარებელს, თუ ხალხი ჩათვლიდა, რომ მისთვის არ უნდა დაეჯერებინათ? როგორ შეძლებდა მასწავლებელი წარმატების მიღწევას, თუ ხალხი დაინახავდა, რომ ის მცდარ რაღაცეებს ასწავლიდა? როგორ შეეძლო პასტორს წარმატების მიღწევა, თუ ხალხი გააცნობიერებდა, რომ მას მხოლოდ საკუთარი სარგებლის მიღება სურდა მათგან?

გავლენის გარეშე ადამიანს არ შეუძლია წარმატების მიღწევა მსახურებაში. მსახურების ეს ფუნქციები ხელმძღვანელობის ფუნქციებია, რადგან ისინი გავლენაზეა დამოკიდებული.

თითოეული პუნქტის წაკითხვის შემდეგ, განმარტების მიცემამდე, დასვით კითხვა: „რა არის ცუდი ამ იდეაში?”

(1) ლიდერი არის ის, ვისაც სხვები ემსახურებიან.

ლიდერი არის ადამიანი, რომელიც პოულობს ჯგუფის მოთხოვნილებების დაკმაყოფილების გზას. ამიტომაც ღებულობენ მას თავიანთ ლიდერად. იესო ამბობს, რომ ლიდერი არის ის, ვინც ემსახურება. მან თქვა, რომ ყველაზე დიდი ისაა, ვინც ყველას მსახურია. ლიდერი საკუთარ ინტერესებს მსხვერპლად იღებს სხვებისთვის.

(2) მსახურების ლიდერი უფრო სულიერი და ღვთისმოსავია, ვიდრე მისი მიმდევრები.

ფაქტია, რომ ბევრ ეკლესიას ჰყავს წევრები, რომლებიც უფრო ღვთისმოსავი არიან, ვიდრე პასტორი. ლიდერობის უნარი არ ამტკიცებს სულიერებას.

(3) მსახურების ლიდერობაში დაწინაურება დამოკიდებულია პირად ძალისხმევაზე.

ადამიანური მცდელობები დაწინაურების მოსაპოვებლად, როგორც წესი, არ მუშაობს. ჩვენ ყველაფერი უნდა გავაკეთოთ ჩვენი პასუხისმგებლობის ფარგლებში და უნდა ვიცოდეთ რას აკეთებს ღმერთი, რომ სწორ ადგილას დაგვაყენოს. ლიდერის პოზიციის მოპოვების მცდელობისას, არასოდეს გააკეთოთ ისეთი რამ, რაც პატივს არ მიაგებს ღმერთს. თუ ღმერთისთვის პატივის მიგების გზით ვერ მოხვდებით ამ პოზიციაზე, თქვენი ადგილი იქ არ არის.

ხშირად, ღვთის მიერ არჩეული ლიდერები არიან ადამიანები, რომლებიც არ ეძებდნენ თანამდებობებს. იოანე ოქროპირი არჩეულ იქნა კონსტანტინოპოლის მთავარეპისკოპოსად 397 წელს. თავიდან მან უარი თქვა ამ თანამდებობაზე, რადგან მიაჩნდა, რომ ის არ იყო მზად ამისთვის. მოგვიანებით მან დაწერა მსახურებრივი თანამდებების მიმართ სწორი დამოკიდებულების შესახებ. მისი თქმით, თუ ადამიანი უარს ამბობს ხარების ჯოგის მწყემსვაზე, ეს გასაკვირი არ იქნება, რადგან ეს დაბალი პოზიციაა. ხოლო, თუ ადამიანი უარს ამბობს გამეფებაზე, ის ალბათ ფიქრობს, რომ თანამდებობა მისთვის ძალიან მაღალია. თუ ადამიანი უარს ამბობს მსახურებრივ თანამდებობაზე, ეს შეიძლება იყოს ნებისმიერი მიზეზის გამო, იმის მიხედვით, რას ფიქრობს ის, რომ ეს მსახურება მაღალი თანამდებობაა მისთვის, თუ პირიქით, დაბალი.[1]

მიეცით საშუალება რამდენიმე სტუდენტს, გაგიზიარონ, თუ როგორ აპირებენ ამ გაკვეთილის შედეგად, მიზნების ან მოქმედების შეცვლას.

1. თუ ორგანიზაცია წარუმატებელია, ლიდერიც წარუმატებელია.

2. განსწავლა და მოტივირება ლიდერების ამოცანაა.

3. ხალხს სურს იამაყოს მიზნებით და მათი მიღწევის გზებით.

4. ლიდერობის უნარი ამაღლებს ადამიანის სხვა შესაძლებლობების ღირებულებას.

5. ლიდერის საიმედოობა განსაზღვრავს ორგანიზაციის საიმედოობას.

1.    დაწერეთ ამ გაკვეთილში ნასწავლი კონცეფციის შემაჯამებელი აბზაცი, რომელსაც თქვენი ცხოვრების შეცვლა შეუძლია. ახსენით, რატომ არის ის მნიშვნელოვანი. რა სარგებელი მოაქვს ამის ცოდნას? რა ზიანი შეიძლება მოჰყვეს ამის არცოდნას?

2.    განმარტეთ, როგორ გამოიყენებთ ამ გაკვეთილის პრინციპებს თქვენს ცხოვრებაში როგორ ცვლის ეს გაკვეთილი თქვენს მიზნებს? როგორ აპირებთ თქვენი მოქმედებების შეცვლას?

3.    დაწერე გაკვეთილი 3-ის ხუთი შემაჯამებელი დებულება მეხსიერებით.

4.    შემდეგი გაკვეთილის დაწყებამდე წაიკითხეთ 3 მეფეთა 19:19-21 და 4 მეფეთა 2:1-15 და დაწერეთ ლიდერობის ახალ, წამყვან წინასწარმეტყველზე გადასვლის შესახებ.