(1) ተማሪው የሚከተሉትን ማስረዳት ይችላል

• በሰዎች ውስጥ ያለው የእግዚአብሔር መልክ አካላዊ መመሰል እንዳልሆነ እንዴት እንደሚያውቁ

• በሰዎች ውስጥ ያለው የእግዚአብሔር መልክነት ስምንት ባህሪያት

• ሰዎች ከእግዚአብሔር ጋር ግንኙነት እንዲኖራቸው በልዪነት መሰራታቸው

• ሰዎች ነፃ ፈቃድ በምን መንገድ እንደሆነ

• ሰዎች ከምድራዊ ህይወታቸው ውስጥ ያለ ተግባራዊ ዋጋ በላይ ጥልቅ ዋጋ እንዳላቸው

ስለ ሰው ልጅ ክርስቲያናዊ የእምነት መግለጫ

(2) ተማሪዎች ከእግዚአብሔር ጋር ግንኙነት ከሌለቸው እንደ ሰው በምንም መርካት እንደማይችሉ ይረዳሉ።

► መዝሙር 8 አብራችሁ አንብቡ። ይህ ክፍል ስለ ሰው ልጅ ምን ይነግረናል?

► በምድር ላይ ያለ ሰው በሙሉ የሚመሳሰልባቸው ነገሮች ምንድን ናቸው?

ማንነትን ስለሚሰጡን ነገሮች አስቡ፤ ሰው መሆን ማለት በእውነት ምን ማለት ነው?

► ዘፍጥረት 1፥26-27 አብራችሁ አንብቡ።

በማንነታችን እግዚአብሔርን የሚመስል ነገር አለን፥ እግዚአብሔርን አይደለንም ነገር ግን ከእንስሳት የሚለየን እና ልዩ የሚያደርገን ነገር አለ። በመዝሙር 8፥5 ላይ ፀሐፊው ከመላዕክት በትንሹ አንሰን እና የክብር እና የምስጋና ዘውድን ተሸልመን ስለተፈጠርን ይደሰታል።

እግዚአብሔር ሰዎች አለምን እና በውስጧየሚኖሩ ፍጥረትን የሚያስተዳድሩበትን ልዩ ኃላፊነት ሰጥቷቸዋል (መዝሙር 8፥6)። ሰዎች ምድርን በጥንቃቄ ማስተዳደር አለባቸው፥ ህያው የሆኑ ፍጥረታት እንዳይጠፉ መከላከል፥ ሃብትን በጥበብ መጠቀም እና ለሚቀጠለው ትውልድ ምድሪቱን በጥሩ ሁኔታ ትተው ማለፍ አለባቸው።

ይህ ለሰው ልጅ ያለው ትልቅ እሳቤ ለራስ ላለን አክብሮት ከዝግመተ ለውጥ በእርግጥ የተሻለ ነው። በዝግመተ ለውጥ ውስጥ የሰው ህይወት ከሌላው የተለየ ምንም አስፈላጊነት፥ አላማ፥ ትርጉም ሆነ ምንም ሰው በመሆኑ ልዩ የሆነ ነገር የለውም።

አንዳንድ የጥንት አፈ ታሪኮች ሰዎች በድንገት ያለ ምንም አላማ ሆነ በፈጠራቸው የሚወደዱ ሳይሆኑ ተፈጥረዋል ይላሉ። ነገር ግን መጽሐፍ ቅዱስ በእግዚዓብሔር አምሳል የተፈጠርን ልዩ ፍጥረት መሆናችን ይነግረናል። ይህ ምን ምን ማለት ነው?

ሰዎች በእግዚአብሔር አምሳል ተፈትረዋል ማለት ግን ከእርሱ ጋር አካላዊ መመሳሰል አለን ማለት አይደለም

► ሰዎች በእግዚአብሔር አምሳል ተፈጥረዋል ስልን አካላዊ መመሳሰልን አለመሆኑ በምን ይታወቃል?

(1) እግዚአብሔር መንፈስ ነው (ዩሐንስ 4፥24)-ሰለሞን እግዚአብሔርን ሰማይ እና ምድር ሊይዙት እንደማይችሉ ተገንዝቧል (1 ነገስት 8፥27)። እግዚአብሔር ራሱን በወደደው መልክ ሊገልፅ ይችላል፥ ነገር ግን በእግዚአብሔር መልክ ሆኖ እርሱን የሚመስል ማንም የለም። ይህን በእርሱ አምሳል ለማምለክ ምንም ምስል ማስቀመጥ ሆነ መቅረፅ የሌለብን ለዚህ ነው።

(2) በሰው አምሳል የሆነ የትኛውንም ምስል/ ቅርፅ በእግዚአብሔር መልክ መስራት ጣኦት አምልኮ ነው (ሮሜ 1፥23 ይነበብ)።

(3) ለመራመድ እግሮች፥ ነገሮችን ለማንቀሳቀስ እጆች፥ ለመገንዘብ ማየት እና መስማት ኖሮት ሰው የተሰራው በምድር ላይ ላለ ህይወት ነው። እግዚአብሔር በምድር ላይ ላለ ህይወት ነው የሰራን፥ ነገር ግን አግዚአብሔር በህዋ ውስጥ ሁሉ አለ። ነገሮች የፈጠረው እና የሚያንቀሳቅሰው በቃሉ ነው። ምንም የሚገድበው ነገር የለውም። በሰው አይነት አካላዊ በሆነ ቅርፅ እንደሚኖር የሚነግረን ምንም ምክንያት የለም።

► የእግዚአብሔርን መልክ የሚያመላክቱ የሰው ልክ ባህሪያት ምንድን ናቸው?

የስነመለኮት ምሁራን ከብዙ ጥናት በኃላ ሰዎች እግዚአብሔርን መልክ ነው የሚለው ሃሳብ ላይ የተመስማሙባቸው የሚከተሉት ማንነቶች ላይ ነው

የፈጠራ ልብ

በእኛ ውስጥ ካለው የእግዚአብሔር መልክ የተነሳ ሰዎች የፈጠራ ልብ ያለን ነን። ፈጣሪያችን የፈጠራ ችሎታ ያላቸው አድርጎ ሰርቶናል። አንዳንድ ግዜ እንስሳት ሰዎች የጥበብ ስራ ብለው የሚያምኑትን ምልክቶችን አስቀምጠዋል፤ ነገር ግን ይህ ሰዎች ሃሳባቸውን ለመግለጥ ከሰሩት የጥበብ ስራ የተለየ ነው። ጥንታዊ የሆኑ ስዕሎች በዋሻዎች ውስጥ ይገኛሉ፥ ስለሳሉት ሰዎች ብዙ እውቀት የለምን ነገር ግን የስዕል ስራዎች በሰዎች እንጂ በእንስሳት እንዳልተሰሩ ምንም ጥርጥር የለም።

የፈጠራ ስራ ሙዚቃን ጭምር ይገልጣል። ሙዚቃ ስሜታችንን እና ሃሳብችን በሚያስገርም መንገድ የመግለጥ አቅም አለው። ሃሳባችን በሙዚቃ መግለጥ የእግዚአብሔር መልክ በእኛ ውስጥ ስላለ ያለን አቅም ነው።

የማሰብ ችሎታ

የማሰብ ችሎታችን ሌላ እንደ እግዚአብሔር አይነት የሆነ ችሎታ ነው። እንስሳት እውቀት አላቸው፥ ነገር ግን የእንስሳት የእውቀት ስራ ከደመነፍስ እና በስሜት መነዳት ያለፈ አይደለም። ሰዎች ብቻ ናቸው የማስተዋል፥ የመመዘን፥ እና የምልከታ እንዲሁም ይህንን ከሌሎች ጋር የመግባባት ችሎታ ያላቸው።

ማሰብ ብቻ ሳይሆን የምንችለው፤ ስለማሰባችን እንኳን ማሰብ የምንችል ነን። የምናሰባቸውን ሃሳብ መንገዶች ማሰላሰል የምንችል እና ምክንያታዊ በመሆን ስለምክናታዊነት ማሰብ እንችላለን።

የተግባቦት ችሎታ

ሰዎች የተግባቦት ችሎታ አላቸው። ቋንቋን የመጠቀም ችሎታን ያመላክታል፥ ይህም ሃሳባችንን በምልክቶችን እና በድምፅ በመጠቀም ሃሳባችንን ለሌሎች ሰዎች የምናስረዳበት መንገድ ነው። እንደ ውሻ እና አዕዋፋት ያሉ እንስሳት ድምፅን በመጠቀም ይግባባሉ ነገር ግን በምንም መንገድ የሰዎች ንግግር ያዕል ውስብስብ የሆነ የእንስሳት መግባቢያ የለም። እንስሳት ሌሎችን የሚያስፈራሩበት መንገድ አለ፥ የራሳችን ወሰን የሚወስኑበት፥ ምግብ የሚጋሩበት ነገር ግን ስለ ህይወት ትርጉም እርስ በእርሳቸው አይነጋገሩም።

የተግባቦት ችሎታ በማሰብ እና በማስተዋል ክህሎት ላይ የተመሰረተ ነው። እንስሳት ቃላትን መናገር አይችሉን፤ ቢችሉ ኖሮ እንኳን ብዙ የሚናገሩት አይኖርም።

የማህበራዊ የሆነ ፍጥረት

ሰዎች ማዕበራዊ የሆነ ተፈጥሮ አለው። እኛ ከሌሎች ሰዎች ጋር መስተጋብር እንዲኖረነው ተደርገን ተሰርተናል፤ ይህም ሌሎች ሰዎች መሰጠት እንዲኖረን እና እኛም ሌሎች ላይ በመደገፍ የምንኖር ነን። ህይወትን የምንጀምረውን ሙሉ በሙሉ ሌሎች ላይ ተደግፈን ነው፥ ከዚያም በኃላ ከልጅነት ወደ አዋቂነት ለመድረግ ብዙ ዘመን ይፈጅብናል። ይህ የሆነው ግንኙነት ለእግዚአብሔር አስፈላጊ ስለሆነ ነው።

እግዚአብሔር የሰዎችን ህይወት የነደፈው አብረው የሚሰሩ እና ለዕለታዊ የሆነ ፍላጎቶቻቸው መሳካት የእርስ በእርስ ግንኙነታቸው ላይ የተመሰረተ እንዲሆነ ሆኖ ነው። አንድ ሰው ምግብ እና መኖርያን ያለ ሌላ ሰው እርዳታ ማግኘት ቢችል እንኳን ከሌሎች ጋር ግንኙነት በማድረግ ብቻ የሚሟሉ አስፈላጊ ፍላጎቶች አሉት። የሰው ማዕበራዊ የሆነ ማንነት የእግዚአብሔር ማንነት ያሳየናል፤ እግዚአብሔር ሥላሴ በመሆን ለዘላለም በግንኙነት ውስጥ ይኖራል።

በሰዎች መካከል ያለው ግንኙነት ብዙ ችግሮች አሉበት፤ በእነዚህ ችግሮች ምክንያት አንዳንድ ሰዎች ግለኛ እና ብቻቸው ሆነው መኖር እንደሚችሉ ይመስላቸዋል። ሌሎች ላይ መደገፍ የማያስፈልጋቸው ይመስላቸዋል። ብቻችን መኖር መፍትሔም ሆነ እግዚአብሔር ህይወትን የቀየሰልን መንገድ አይደለም። ነገር ግን በግንኙነት ውስጥ የምንኖርበትን መርህ ሰጥቶታል፤ ችግሩ የእግዚአብሔር ሃሳብ መከተል ሲያቅተን ነው።

ስነ ምግባራዊ እይታ

በተፈጠሯችን ስነ ምግባራዊ እይታ ያካተተ ነው። ነገሮች ትክክል ወይም ስዕተት እንደሆኑ የሚነግረን በእኛ ውስጥ ያለ አንድ ነገር አለ። (ሮሜ 1፥20፣ ሮሜ 2፥15 ይነበብ)። ይህን ስሜታችን መከተል መች ትክክል እንደሆነ እና [1]መች መከተል እንደሌለብን ይነግረናል። አዳም እና ሔዋን ቅዱስ እና ፍፁም በሆነ መንገድ የእግዚአብሔር ፈቃድ እንዲፈፅሙ ተደርገው ተፈጥረዋል።

ሰው በኃጥያት ስለወደቀ እና መሰረታዊ የሆነ የስነምግባር እሳቤውን ስለተበላሸበት፤ ይህ የስነምግባር እይታ አሁን ሙሉ በሙሉ ትክክል አይደለም ነገር ግን በእያንዳንዳችን ውስጥ ትክክል እና ስዕተትን በሚገባ የሚረዳ ችሎታ አለ።

ይህ የስነ ምግባር እይታ ስላለን ትክክል የሆነው የማድረግ ግዴታ እንዳለንብ ይሰማናል እንዲሁም ለምንሰራው ኃጥያት ጥፋተኛ እንሆናለን። በደመ ነፍስ ተመርተው ያለ ጥፋተኝነት ስሜት እንደሚኖሩ እንስሳት አይደለንም።

የመምረጥ ችሎታ

ሰው የመሆን ባህሪ ነፃ ፈቃድ ወይም የመምረጥ ችሎታ ያካትታል። በተቃራኒው የእንስሳት ምርጫ በግዜያዊ ስሜታዊነት እና ደመ ነፍስ ላይ የተመሰረተ ነው። እንስሳት ተግባሮቻቸው ጥንቃቄ የተሞላ፥ ግዜ በመውሰድ የታሰበበት ሆነ ስነ ምግባራዊ ሆነ ተግባራዊ የሆነ ውጤቱን በማስተዋል የተመራ ውሳኔ ላይ አይመሰረትም። ሰዎች ግን ትርጉም ያለው እና ህይወት ቀያሪ የሆነ ምርጫዎችን የማድረግ ችሎታ አላቸው (ኢያሱ 24፥15 ይነበብ)።

► ነፃ ፈቃድ በሰውነት ውስጥ አስፈላጊ የሆነው ለምንድን ነው?

ምክንያቱም እውን የሆኑ ምርጫዎችን ስለምንመርጥ ነው፥ ለእግዚአብሔርም ተጠያቂነት አለብን። እርሱን ኃጥያትን ይቀጣል እንዲሁም ጵድቅን ይሸልማል (ራእይ 20፥12-13)።

ስንወለድ ጀምሮ ኃጥያተኛ የሆነ ማንነት ስላለን፤ እግዚአብሔርን በሚያከብር መንገድ አሁን እንዲሁ ማድረግ አንችልም፤ የሰው ፍጥረት አሁን ለኃጥዓት ባርያ ነው (ሮሜ 6፥16-17፣ ኤፌሶን 2፥1-3 ይነበብ)፥ ትክክል የሆነውን ማድረግ ለማይችል ሰው እግዚአብሔር በፀጋው ወደእያንዳንዱ ሰው ይደርሳል፤ ይህን ለወንጌል ምላሽ የሚሰጥን ፍላጎት እና ችሎታን ይሰጠናል። ለዚህም ነው ሰዎች ንሰሃን የመግባት እና ወንጌልን ማመን የሚችሉት (ማርቆስ 1፥15 ይነበብ)።

ህያውነት - የማይሞት ማንነት/ ተፈጥሮ

ህያውነት የእግዚአብሔር መልክ የመሆን አስፈላጊ ክፍል ነው። በህይወት ያልኖርበትን ዘመን ነበር፥ ነገር ግን ከተፀነሰበት ግዜ ጀምሮ ግን ሰው ለዘላለም እንኖራለን። ቁሳዊ የሆነው አካል ብቻ ሳንሆን ነገር ግን ለዘላለም የምንኖር መንፈሶች እንዲሁም በአዲስ አካላት በትንሳኤ ለዘላለም የምንኖር ነን (1 ቆሮንቶስ 15፥16-22፣ 52-54 ይነበብ)። እግዚአብሔር እያንዳንዳችንን በዘላለማዊ የሆነ አላማ ፈጥሮናል። ህያውነት እያንዳንዱን ውሳኔዎቻችንን ዘላለማዊ የሆነ ተፅዕኖ እንዲኖራቸው ያደርጋል ምክንያቱን ዘላለምን ወይ በገነት አለበለዚያ በሲኦል እናሳልፋለን።

የመውደድ ችሎታ

የሰዎች የመውደድ ችሎታ የእግዚአብሔር መልክ መሆን አካል ነው። በእንስሳት መካከል ግንኙነቶች በደመነፍስ የተገደቡ እና ደመነፍስ የሚቆጣጠራቸው ናቸው።

ሌሎቹ የሰው ባህሪያት ለዚህ አስፈላጊ ናቸው። የተግባቦት፥ የመምረጥ እና ለምንወዳቸው የመሰጠት እና ከሌሎች ፍቅርን ስንቀበል በሚገባ በመረዳት የምንመልስበት ችሎታ ከሌለን እንወዳቸዋለን ለምንላቸው መውደድ የምንለው ምንድ ትርጉም አይኖረውም።

የሰዎች ፍቅር በግንኙነት ውስጥ ባለ ደስታ፥ ቃልን የመስጠት እና በመጠበቅ፥ መስዋትነት ያለበት መስጠት እና ሌሎችን ማገልገል እና በይቅርታ ይገለጣል። ይህም የእግዚአብሔር ፍቅር መገለጫም ናቸው።

የማምለክ አቅም

በጣም አስፈላጊ የሆነው ባህሪያችን የማምለክ አቅማችን ነው። በጣም የምትወዱትን የአምልኮ መዝሙር አስቡ፤ ‘አምላካችን ድንቅ አምላክ ነው’ ‘ እንዴት ድንቅ አምላክ ነው’ የሚሉ ግዜ የማይሽራቸው ጥልቅ አምልኮ ያላቸው ዝማሬዎችን እንዘምራለን። የመጽሐፍ ቅዱስ ዘማሪው “ነፍሴ ሆይ፤ እግዚአብሔርን ባርኪ፤ የውስጥ ሰውነቴም ሁሉ ቅዱስ ስሙን ባርኪ” (መዝሙር 103፥1) በማለት ይዘምራል። ይህም እውን የሆነው በእኛ ውስጥ ያለው የእግዚአብሔር መልክ በእርሱ መልክ የተሰራነውን እግዚአብሔርን ስለሚያውቅ እና ምላሽ መስጠት ስለሚችል ነው።

እግዚአብሔር በራሱ መልክ ለምን እንደፈጠረን ቆም ብሎ ማሰብ አስፈላጊ ነው። ከሌለው ፍጥረት በጣም የምንለየው ለምንድን ነው? መልሱም ከእግዚአብሔር ጋር ግንኙነት እንዲኖረን እና እንድናመልከው ስለተሰራን ነው።

መጽሐፍ ቅዱስ ፍጥረት በሙሉ ለእግዚአብሔር እንደሚያከብር ይናገራል። የእግዚአብሔርን ትልቅነት በፈጠረው አለም ውስጥ መመልከት እንችላለን። ሌሎች ፍጥረታት ግን እግዚያብሔርን ያለማስተዋል ያከብሩታል፤ እግዚአብሔር ማን እንደሆነ ለማወቅ የሚረዳቸው ማንነት/ ፍጥረት ስለሌላቸው እግዚአብሔር መረዳት አይችሉም።

በእኛ ውስጥ የፈጠራ ችሎታ ስላለን የእግዚአብሔርን ወደር የሌለውን ፈጣሪነት ማድነቅ እንችላለን። ትክክሉን ከስዕተት መለየት ስለምንችል ቅዱስነቱን እና ፅድቁን እናመልካለን። የመውደድ አቅም ስላለን ወደር በሌለው ፍቅሩ እንደነቃለን።

በእውቀት ብቻ ሳይሆን ነገር ግን እርሱን በግንኙነት ውስጥ እግዚአብሔእን በተሻለ ባወቅነው መጠን፥ በበለጠ እንወደዋለን እና እናመልከዋለን። እግዚአብሔር ከእርሱ ጋር ለሆነ ግንኙነት ስለሰራን፤ ከእርሱ ጋር በሆነ ግንኙነት ውስጥ ደስታን እና እርካታን እናገኛለን።

(1) ሁሉም ሰዎች በእግዚአብሔር መልክ የተፈጠሩ ናቸው (ዘፍጥረት 1፥27) - አንዳንድ ሰዎች በእውቀት ውስንነት ምክንያት ራሳቸውን በፈጠራ መግለጥ ሆነ ነፃ ፈቃዳቸውን ከመጠቀም የተወሰኑ ይሆናሉ። የእግዚአብሔር መልክ በውስጣቸው ቢኖርም ግን በዚህ ምድራዊ ህይወታቸው ውስጥ ግን በሙላት መኖር አይችሉም።

(2) የሑሉም ሰው ህይወት ዘላለማዊ እና ትልቅ ዋጋ አለው - አንዳንድ ግዜ የሰዎችን ተግባራዊ ዋጋ እንመለከታለን- ከእውቀታቸውን፥ ከትምህርታቸውን፥ ከችሎታቸውን እና ከጥንካሬያቸውን ጋር የተገናኘ ዋጋቸውን እንመለከታለን። ነገር ግን ሁሉም ሰው ከተግባራዊው ዋጋ ያለፈ አስፈላጊ ዋጋ አለው ምክንያቱም በእግዚአብሔር አምሳል ስለተፈጠሩ። ለዚህም ነው ሁሉም ሰው፤ ምናልባትም ተግባረዊ የሆነ ዋጋ የሚያሰጠው ምክንያት ባይኖረውም ሆነ ክፉ ሰው ቢሆንም ግን ሰው በመሆኑ አክብሮት የሚገባው። የእግዚአብሔር መለክ መሆን ሁሉም ልጅ በእግዚአብሔር ዘንድ ዋጋ የሚያሰጣቸው ሲሆን፤ ለዚህም ነው ውርጃ ክፉ ሃጥያት የሆነው (ዘፍጥረት 9፥6፣ መዝሙር 139፥13-14፣ ኢሳይያስ 44፥24)።

(3) መላዕክት በፍጥረታቸው ልዩ ናቸው - ጥለቅ የሆነ እውቀት ያላቸው፥ የአመክኖ ችሎታ፥ የተግባቦት ክህሎት፥ እና የማምለክ አቅም አላቸው። በመሆኑም እነሱም በሆነ በኩል የእግዚአብሔር መልክ በእነሱ ውስጥ አለ። አሁን መላዕክት በኃይል ከእኛ ይበልጣሉ (መዝሙር 8፥5) ነገር ግን እኛን ያገለግሉናል (ዕብራውያን 1፥14)። በዘላለም ውስጥ ግን እኛ ከመላዕክት በስልጣን በልጠን ከክርስቶስ ጋር እንመራለን (1 ቆሮንቶስ 6፥3 ይነበብ)። ይህም ሰዎች ከመላዕክት በላይ በእግዚአብሔር መልክ መፈጠራቸውን አመላካች ነው።

(4) አለም በተፈጠረበት ቅርፅ/ሁኔታ ውስጥ አይደለም- በጎበዝ ሰዓሊ የተሳለ ውብ የሆነ ስዕል አስቡ፥ ይህ ስዕል ግን በመሬት ላይ ተጥሎ ሰዎች በጨቀየ ጫማቸው የተረማመዱበት ቢሆን ብላችሁ አስቡ። አሁን ስዕሉን ስትመለከቱት የሰዓሊውን ትልቅ ችሎታ መታየት ቢችልም ስዕሉ ግን በመጀመርያ ሰዓሊው እንደሳለው አይደለም። ፍጥረት እንደዚህ ነው - እግዚአብሔር መጀመርያ እንደፈለገው ሆነ አንደፈጠረው አይደለም ነገር ግን የእርሱ ክብር ግን አሁምን ይታያል።

(5) ኃጥያት ‘የእግዚአብሔር አይነት’ የሆነ በሰዎች ውስጥ ያለውን አቅም አበላሽቷል - ለምሳሌ ስነ-ፈጠራዊ የሆኑ ስራዎች ከእግዚአብሔር ስጦታ ከክፉ ልብን የሚገልጡ እና ለሰይጣን መሳርያ መሆን ይችላል። ነገር ግን በፀጋ ጣልቃ በመግባቱ ኃጥያት ከእኛ ውስጥ የእግዚአብሔር መልክ ከእኛ ውስጥ ሙሉ በሙሉ አላጠፋውም። በፀጋ የእግዚአብሔር መልክ በእኛ ውስጥ ይታደሳል፥ ይጎለብታል፥ እንዲሁም ለፈጣሪያችን ክብር መገለጥ ይሆናል (ቈላስይስ 3፥10፤ ኤፌሶን 4፥22-24፤ 2 ቆሮንቶስ 3፥18ን አንብብ)።

(6) እኛ ውስጥ ያለው የእግዚአብሔር መልክ በእኛ ውስጥ ያለው እጅግ አስፈላጊው ነገር ነው- በእኛ ውስጥ ያለው የእግዚአብሔር መልክ ለወንጌል ምላሽ እንድንሰጥ ያደርገናል። በውስጣችን ያለውን ሞራላዊ አስተሳሰብ በፀጋ በኩል ህሊናችንን እንዲነቃ እና ለኃጥያት ጥፋተኝነት እንዲሰማን ያደርገናል። በፀጋ ምክንያት በነፃ የመምረት አቅማችንን በማደስ የምናገለግለውን የመምረጥ ችሎታችንን መልሶልናል፤ በፈጠራ ክህሎታችምን ለእግዚአብሔር ክብር እና አምልኮ እናቀርብበታለን። አመክንዮን በመጠቀም የተደበቀውን እውነት መፈለግ እንችላለን፥ እንዲሁም ስለ እግዚአብሔር እና መንገዱ በሚገባ እንረዳለን። እግዚአብሔርን ለመረዳት የምናደርገው ፍለጋ በክብር የሸለመንን የፈጠሪያችንን አስደናቂነት ስናውቅ ወደ አምልኮ ይመራናል።

አንዳንድ ሰዎች ከእግዚአብሔር ጋር ያላቸው ግንኙነት የሚያስፈልገው ከሞት በኃላ ላለው ህይወት ብቻ ነው ብለው ያስባሉ፥ አንድ ሰው በምድር ላይ መልካምን ህይወት ከኖረ ክርስቲያን መሆን ሆነ አለመሆኑ ምንም ልዩነት የለውም። ነገር ግን የሰውን በተፈጥሮ ከእግዚአብሔር ጋር ህብረት እንዲኖረው ሆኖ እንደተሰራን ስናስብ ህይወታችን እግዚአብሔርን ካላወቅን ብኩን ነው። እንዲመራን፥ ያልንን አቅምን ሙሉ በሙሉ እንድንጠቀም እና ዘላለማዊ የሆነ ህይታን እንዲሰጠን የእግዚአብሔር መንፈስ ያስፈልገናል።

► የእምነት መግለጫውን ቢያንስ ሁለት ግዜ አብራችሁ አንብቡ።

ሰዎች በእግዚአብሔር አምሳል እግዚአብሔር ለመውደድ እና ለማምለክ ተፈጥረዋል፥ እግዚአብሔርም ሰዎችን የማሰብ፥ የተግባቦት እና የማፍቀር ችሎታን በመስጠት ፈጥሯቸዋል። ሰው ሞራላዊ እሳቤ፥ የግል ነፃ ፈቃድ እና ዘላለማዊ መንፈስ ተሰጥቶታል። የእግዚአብሔር ፀጋ ለሰዎች በፈቃዳቸው ውሳኔ የማድረግን ኃይል ይሰጣል። እያንዳንዱ የሰው ህይወት ዘላላማዊ እና ታላቅ የሆነ ዋጋ አለው።

(1) የመጽሐፍ ቅዱስ ክፍል የቤት ስራ፦ ከታች ከተዘረዘሩት ዘርፎች መካከል እያንዳንዱን ተማሪ አንድ ይመደብ። ከሚቀጥለው ክፍለ ግዜ በፊት ክፍሉን አንብባችሁ በትምህርቱ ውስጥ ካለው ሃሳብ ላይ ምን እንደሚናገር በአንድ አንቀፅ ፃፉ።

• ዘፍጥረት 3፥1-6

• ኢያሱ 24፥14-18

• ሮሜ 6፥12-23

• ሮሜ 8፥22-26

• ኤፌሶን 2፥1-9

• 1 ተሰሎንቄ 5፥23

• ያዕቆብ 1፥12-15

(2) ፈተና፦ የሚቀጥለው ክፍለ ግዜ የምትጀምሩት በትምህርት 4 ፈተና ነው። ለፈተና ዝግጅት እንዲሆን የፈተና ጥያቄዎችን አጥኑ።

(3) የማስተማር የቤት ስራ፦ ከክፍል ውጪ የማስተማርያ ግዜን ቀጠሮ መያዝ እና ማስተማራችሁን ሪፖርት ማድረግ አስታውሱ።

(1) በዘፍጥረት 1፥26-27 መሰረት የሰው ልጅ ከተቀረው ፍጥረት ሑሉ ልዩ የሚያደርገው ምንድን ነው?

(2) ሰዎች በእግዚአብሔር አምሳል መፈጠራቸው ቁሳዊ/ አካላዊ መመሳሰል ስለአለመሆኑ ሦስት ምክንያቶችን ዘርዝሩ።

(3) የሰው ልጅ በእግዚአብሔር አምሳል በመፈጠሩ ያሉትን ሰባት ክፍሎችን ዘርዝሩ።

(4) በእግዚአብሔር አምሳል የተፈጠርንበት ሑለት ምክንያቶች ምንድን ናቸው?

(5) ከስነ ምግባራዊ እይታ ውስጥ የሚገኝ ችሎታ ምንድን ነው?

(6) ሰዎች ትክክለኛ/እውነተኛ ምርጫን የማድረግ ችሎታ መኖሩ በሰዎች ሕይወት ውስጥ ያለው አስፈላጊነት ምንድን ነው?