(1) ተማሪው የሚከተሉትን ማስረዳት ይችላል

• የሰዎች ስለ እግዚአብሔር ያላቸው እሳቤ አስፈላኒነት

• እግዚአብሔር ፈጣሪ አምላክ መሆኑ ከሁሉም ነገር እንዴት የሚለይ እንደሚያደርገው

• የእግዚአብሔር ባህሪያት፤ እግዚአብሔር ሕላዌ፥ መንፈስ፥ ዘላለማዊ፥ ሥላሴ፥ ሁሉን ቻይ፥ በሁሉ ቦታ ይገኛል፥ የማይለወጥ፥ ሁሉን አዋቂ፥ ቅዱስ፥ ጻድቅ እና አፍቃሪ

• እያንዳንዱ የእግዚአብሔር ባህሪ ከእርሱ ጋር ለሚኖረን ግንኙነት አስፈላጊ እንደሆነ

• የእግዚአብሔር ሉዋላዊነት መጽሐፍ ቅዱሳዉ እይታ

• ስለ እግዚአብሔር ክርስቲያናዊ የእምነት መግለጫ

(2) ተማሪው ስለ ተለያዩ የአምልኮ ቅርፆች ያሉ የተሳሳቱ መረዳቶችን ያስወድጋል።

► ኢሳይያስ 40 አብራችሁ አንብቡ። ይህ ክፍል ስለ እግዚአብሔር የሚነግረንን ተወያዩ።

► ሰው ስለ እግዚአብሔር ትክክለኛ ሆነ እሳቤ መኖሩ ወይም አለመኖሩ ለምን አስፈለገ?

እግዚአብሔር ማን ነው? ኤ ደብልዩ ቶዘር የዚህ ጥያቄ አስፈላጊነት እንዲህ በማለት ያሳየናል “የትኛውም የአስተምሮ ስዕተት ሆነ ክርስቲያናዊ ስነ-ምግባርን የመተግበር ችግር ሁሉ ከጎዶሎ ወይም የማይገባ/ ስዕተተኛ የሆነ ስለ እግዚአብሔር ያለ እሳቤ ጋር አለመገናኘቱ በጣም ጠባብ ነው ብዬ አምናለው። ”[1] የሳምራውያን የተሳሳተ የአምልኮ ችግር የሚመነጨው የሚያመልኩትን ስለማያውቁነት እንደሆነ እየሱስ ሳምራዊቷን ሴት በውሃው ጉድጓድ ጋር ነግሯታል። የማንኛውም ሰው በጣም አስፈላጊው ማንነቱ/ ባህሪው ስለ እግዚአብሔር ያለው እሳቤ ነው። የሰው ስለ እግዚአብሔር ያለው አስተሳሰብ የሃይማኖቱ መሰረት ነው። ስለ እግዚአብሔር ከመሳሳት የባሰ የከፋ ስዕተት የለም።

እግዚአብሔር ከእኛ በላይ እጅግ የሚበልጥ እና የሚያይል ስለሆነ እግዚአብሔርን ለመግለጥ የሚሆን የትኛውም የሚመሳሰል የለም። መጽሐፍ ቅዱስ እንኳን እግዚአብሔርን የሚያስረዳ ትርጉም አይሰጠንም፥ ነገር ግን ማንነቱን እና ኃይሉን ሁሉም ቦታ ያስረዳል። ዘፍጥረት እግዚአብሔርን ሰማይ እና ምድርን፥ እፅዋትን፥ ፀሐይን፥ ጨረቃን እና ከዋክብትን እንዲሁም እንስሳትን በሙሉ በመጨረሻም የሰው ልጅን እንደፈጠረ ይነግረናል። የመጀመርያው የመጽሐፍ ቅዱስ ትምህርት እግዚአብሔር ያለውን ሁሉ ነገር ፈጣሪ እንደሆነ ነው። ነገር ግን ካለው ነገር ሁሉ የተለየ ነው ፥ የፍጥረት አካል አይደለም።

በመጽሐፍ ቅዱስ ውስጥ ስለ እግዚአብሔር የተለያዩ መግለጫዎች አሉት፥ የስነመለኮት ምሁራንም በመጽሐፍ ቅዱስ ውስጥ ያሉ ሃሳቦች በመለየት በጥንቃቄ የእግዚአብሔርን ባህሪያት ዘርዝረዋል። እነዚህን እውነቶችን ግን በእኛ ጎዶሎ/ ሙሉ ያልሆነ መረዳት መለየት አንችልም። ነገር ግን በአክብሮት እና በፈሪሐ የሆነ የእግዚአብሔርን ማንነት ጥናት ለመንፈሳዊ ልምምድ ታላቅ ዋጋ ያለው ነው። ስለዚህ እግዚአብሔር በመጽሐፍ ቅዱስ ውስጥ ስለ ራሱ የገለጠው እውነት ስለሆነ እውነት እንደሆነ እናውቃለን ስለዚህን የሚከተሉትን ስለ እግዚአብሔር ያሉትን መግለጫዎች እንመለከታለን።

ሑሉንም የእግዚአብሔርን ባህሪያት ዘርዝረን መጨረስ መጨረስ ስለማንችል፥ ለማወቅ የሚያስፈልጉንን ባህሪያት ከዚህ በታች እንመለከታለን።

► የትኞቹን የእግዚአብሔር ባህሪያት መዘርዘር ትችላላችሁ?

እግዚአብሔር ሕላዌ ነው

እግዚአብሔር እውነተኛ፥ ያለ ስሜት፥ ፈቃድ እና እውቀት ያለው ህያው እና እውን የሆነ አካል ነው። [1] የተፈጥሮ እውነታዎች ድምር ሆነ እንደ ኤሌክትሪክ ሆነ የመሬት ስበት አካል የሌለው ኃይል አይደለም። ይፈጥራል፥ ያደርጋል፥ ያውቃል፥ ፈቃድ አለው፥ ያቅዳል እንዲሁም ይናገራል።

► እግዚአብሔር አካል ባይሆን ምን ልዩነት ያመጣል?

እግዚአብሔር አንድ አካል መሆኑ ከእርሱ ጋር ግንኙነት እንዲኖረን ያስችለናል። እርሱ አካል ባይሆን ኖሮ ወደ እርሱ መፀለይ አንችንልም። እርሱ አካል ባይሆን ኖሮ እርሱን ደስ ማሰኘት ሆነ ማሳዘን አይቻለንም።

እግዚአብሔር መንፈስ ነው

“እግዚአብሔር መንፈስ ነው፤ የሚሰግዱለትም በመንፈስና በእውነት ሊሰግዱለት ይገባል” (ዮሐንስ 4፥24)።

እግዚአብሔር መንፈስ መሆኑ ከእርሱ ጋር መንፈሳዊ የሆነ ህብረት እንዲኖረን እና እርሱን እንድናመልከው መሰረት ይሰጠናል። ፀሎት እና አምልኮ ቁሳዊ የሆኑ ነገሮች ላይ፥ የተወሰኑ አካላዊ አቀማመጦች፥ የቀጠሮ ግዜ ሆነ ህንፃ ላይ ጥገኛ አይደሉም። እነዚህ ነገሮች ሃሳባችን ወደ አምልኮ እንዲሰበሰብ እረዱን ይሆናል እንጂ አምልኮ እነዚህ ላይ ጥገና አይደለም።

እግዚአብሔር መንፈስ መሆኑ ራሱ ለእርሱ ቁሳዊ የሆነ ምስል እንዳንሰራ ያዘዘው ለዚህ ነው። (ዘፀ 20፥ 4-6 ይነበብ)። እግዚአብሔር መንፈስ ስለሆነ ራሱን በቁሳዊ መንገድ ለመግለጥ ካልፈለገ በስተቀር ለእኛ አይታየንም (1 ጢሞቴዎስ 1፥17)። (ዘፍጥረት 18፥1፤ ኢሳይያስ 6፥1 ይነበብ)። ስለ እግዚአብሔር ያለን እሳቤ/ እውቀት የተወሰነ ስለሆነ፥ በሚታይ መንገድ እንኳን ቢገለጥም ግን ማንም እግዚአብሔር በሙሉ አይቶት አያውቅም (ዘፀአት 33፥20፤ ዮሐንስ 1፥18፤ ዮሐንስ 6፥46)።

እግዚአብሔር ዘላለማዊ ነው

እግዚአብሔር ያልነበረበት ግዜ የለም ሆነ የማይኖርበት ግዜም አይኖረም፤ እግዚአብሔር መጀመርያ እና መጨረሻ የለውም። እግዚአብሔር ራሱን እኔ፣ ያለሁና የምኖር ነኝ (ዘፀአት 3፥14) በሚል ስም ገልጧል። በዩሐንስም እንዲህ ገልጦታል ያለውና የነበረው፣ የሚመጣውም፣ ሁሉን ቻይ ጌታ አምላክ (ራእይ 1፥8)። ከዘላለም እስከ ዘላለም እርሱ እግዚአብሔር ነው (መዝሙር 90፥2)። አንዳንድ ሃይማኖቶች አምላኮቻቸው ስለተወለዱበት ግዜ አፈታሪኮች አሏቸው ፥ እውነተኛው አምላክ ግን ዘላለማዊ ነው።

እግዚአብሔር ሥላሴ ነው

መጽሐፍ ቅዱስ ስለ አንድ አምላክ እንዲሁም ስለሶስት የተለያዩ መለኮታዊ አካላትን ይናገራል። አንድ አምላክ ብቻ ነው ያለው ነገር ግን ሶስት አካላት አሉ። ሥላሴን በሙላት መረዳት ባንችልም ኢ-አመክኖአዊ አይደለም ምክንያቱን በአንድ ተመሳሳይ ሶስት እና አንድ የሆነ ነገር አለ እያልን ስላልሆነ። አንድ አምላክ አለ፥ ሶስት አካል ሆኖ ይኖራል። እግዚአብሔር አብ፥ ወልድ እና መንፈስ ቅዱስ ሁላቸውም የመለኮትን ባህሪ ያላቸው ሲሆነ፥ ሁላቸውን እግዚአብሔር ይባላሉ እንዲሁም እንደ አምላክ ይመለካሉ። (ስለ ሥላሴ በሚቀጥለው ትምህርት ላይ በጥልቅ ይባላል)

እግዚአብሔር ሁሉን ቻይ ነው

ማድረግ የሚፈልገውን ሁሉ ማድረግ ይችላል። “አምላካችንስ በሰማይ ነው፤ እርሱ ደስ የሚለውን ያደርጋል” (መዝሙር 115፥3)። ከራሱ መለኮታዊ ማንነት የማይፃረርን ነገር ሁሉ ያለመከልከል በሙሉ ኃይል የሚያደርግ እና ቃል የገባውን ሁሉ የሚፈፅም ነው። ምንም ነገር ለእርሱ ከባድ እና አስቸጋሪ አይደለም “ሁሉን ቻይ ጌታ አምላካችን ነግሧልና” (ራእይ 19፥6)።

► እግዚአብሔር ሁሉን ቻይ አምላክ መሆኑን ማወቅ ምን ልዩነት ያመጣል?

ይህ ሃሳብ ያበረታታናል፥ ምክንያቱን በትግላችን ውስጥ “እንግዲህ በእኛ ውስጥ እንደሚሠራው እንደ ኀይሉ መጠን፣ ከምንለምነው ወይም ከምናስበው ሁሉ በላይ እጅግ አብልጦ ማድረግ ለሚቻለው፣” (ኤፌ 3፥20)። ነገሮች ከቁጥጥር ውጪ የሆኑ ቢመስለን እንኳ የእግዚአብሔር ታላቅ ዕቅድ ግን ሁልግዜ ወደ ፍፃሜ ይመጣል። እኛም እግዚአብሔር በነገሮቻችን ላይ ጣልቃ መግባት እንደሚችል በማመን በድፍረት እንፀልያለን።

[2]እግዚአብሔር በሁሉ ቦታ ይገኛል

እግዚአብሔር የሌለበት ቦታ የለም፥ እርሱም ሳያየው የሚሆን አንዳች የለም። “ሰማይ ዙፋኔ ነው፤ ምድርም የእግሬ ማሳረፊያ ናት” (ኢሳይያስ 66፥1)። እርሱ የፍጥረተ አለሙ አምላክ ነው፥ እንዲሁም በቦታ የማይወሰን ሃይል አለው። “እኔ እንዳላየው፣ በስውር ቦታ ሊሸሸግ የሚችል አለን?” ይላል እግዚአብሔር። 'ሰማይንና ምድርንስ የሞላሁ እኔ አይደለሁምን' ይላል እግዚአብሔር” (ኤርምያስ 23፥24)። ይህም እግዚአብሔር ሁኔታችንን እና ችግሮቻችንነ ሁሉ እንደሚያውቅ ያስገነዝበናል። እንዲሁም ማንም ሰው ሆነ ኃጥያት ከእግዚአብሔር ሊደበቅ እንደማይችል ያስገነዝበናል። ሁሉን ነገር ለእርሱ እይታ የተገለጠ እና እርቃኑን ነው። (ዕብራውያን 4፥13 ይነበብ)።

እግዚአብሔር አይለወጥም

እግዚአብሔር አምላክ ካለመሆን ወደ መለኮትነት የመጣበት የትኛውም ግዜ አልነበረም እንዲሁም መለኮት ያልነበረበት ግዜ የለም። (ያዕቆብ 1፥17 ይነበብ)። አንዳንድ ሃይማኖቶች መለኮት በመለወጥ/ በማደግ ሂደት ውስጥ እንደሆነ ያምናሉ። ነገር ግን መጽሐፍ ቅዱስ እርሱ በማንነቱ፥ በስብዕናው፥ በባህሪው፥ እንዲሁም በአላማው የማይለወጥ አምላክ እንደሆነ ይነግረናል። (ሚልክያስ 3፥6 ይነበብ)። እርሱ ሁልግዜ ትክክል የሆነውን ይወዳል፥ እንዲሁም ትክክል ያልሆነውን ሁል ግዜ የሚጠላ አምላክ ነው። ራሱን ‘እኔ ነኝ’ ብሎ ለሙሴ የገለጠው ዘላለማዊው አምላክ ለዛሬም ‘እኔ ነኝ’ የሆነ አምላክ ነው። እርሱ በስብዕናው፥ በጥበቡ፥ በእውቀቱ፥ በቅድስናው፥ በፍትህ አሰጣጡ፥ በመልካምነቱ እና በእውነቱ ወሰን አልባ፥ ዘላለማዊ፥ እና የማይለወጥ ነው። እርሱ ሁል ግዜ ያው ነው፥ አመታቶቹም አያረጁም (መዝሙር 102፥27)።

እግዚአብሔር ሁሉን አዋቂ ነው

“ለጥበቡም ወሰን የለውም” (መዝሙር 147፥5)። እግዚአብሔር ነገሮችን በመማር ሂደት ውስጥ የሚያልፍ አይደለም፥ እርሱ ሁሉን ያውቃል። እግዚአብሔር ምንም ነገር ከማንም ተምሮ አያውቅም፥ ማንምም ሊመክረው አይችልም። (ኢሳይያስ 40፥ 13-14 ይነበብ)። እግዚአብሔር ነገ የሚሆነውን ስለሚያውቅ በምንም አይደነቅም ወይም ሳይዘጋጅ አይገኝም (መዝሙር 139፥ 4)።

► እግዚአብሔር ሁሉን አዋቂ መሆኑን ማወቅ ለእኛ ምን ልዩነት ያመጣልናል?

ከእግዚአብሔር እውቀት ጋር በፍጥረት እና በድነት ዕቅድ ውስጥ የታየው የእግዚአብሔር ጥበብ ይተሳሰራል። (መዝሙር 104፥24፤ ሮሜ 11፥33 ይነበብ)። እግዚአብሔር ሁሉን የሚያውቅ እና የሚረዳ ስለሆነ ሁል ግዜ መደረግ ያለበትን ትክክለኛ ነገር ያውቃል። የእግዚአብሔር ፈቃድ ሁል ግዜ ለእኛ የተሻለ የሆነው እርሱ ሁሉንም ሁኔታ እና የተግባሮችን ውጤቱን በሚገባ ስለሚያውቅ ነው።

እግዚአብሔር ቅዱስ ነው

እግዚአብሔር ራሱን በዋናነት ቅዱስ በማለት ነው የገለፀው። ነብዩ ኢሳይያስ በተደጋጋሚ እግዚአብሔርን “የእስራኤልን ቅዱስ። ” በማለት ይገልፀዋል። መላዕክትም በፊቱ ያለማቋረጥ “ቅዱስ፣ ቅዱስ፣ ቅዱስ” እያሉ ይጮሃሉ (ራእይ 4፥8፣ ኢሳይያስ 6፥3)። የእግዚአብሔር ቅድስና የአምልኮ መሰረታዊ ሃሳብ ነው “ታላቁንና አስፈሪውን ስምህን ይወድሱ፤ እርሱ ቅዱስ ነው” (መዝሙር 99፥3)። እርሱ የሞራላዊ ፍፅምና ሁሉ መለኪያ ነው። ተግባሮቹም በመልካምነት ሁሉ የታወቁ እና ክፋት ምንም የሌለባቸው ናቸው፤ እንዲሁም ከዚህ የተለዩ ሊሆኑ አይችሉም። የእግዚዓብሔር ቅድስና የሰው ልጅ ለማገልገል ሆነ ለማምለክ በመጀመሪያ በጸጋ ሳይለወጥ ብቁ አለመሆኑን ያሳየናል። (ኢሳይያስ 6፥5ን ይነበብ።) እግዚአብሔር እንደ እርሱ ቅዱሳን እንድንሆን ይፈልጋል። “ነገር ግን የጠራችሁ እርሱ ቅዱስ እንደ ሆነ እናንተም በኑሯችሁ ሁሉ ቅዱሳን ሁኑ፤ ምክንያቱም 'እኔ ቅዱስ ነኝና እናንተም ቅዱሳን ሁኑ' ተብሎ ተጽፏል” (1 ጴጥሮስ 1፥15-16)።

እግዚአብሔር ጻድቅ ነው

እግዚአብሔር ስራዎች ሁል ግዜ ትክክል ናቸው። ተግባሮቹም ሁሉ ከቅዱስ ማንነቱ የሚፈሱ ናቸው (ዘዳግም 32፥4 ይነበብ)። እርሱ በማንነቱ የትክክለኝነት ሁሉ መለኪያ ነው። ቃሉን ሁል ግዜ የሚጠብቅ እና የማይዋሽም ነው (ዘኍልቍ 23፥19፤ 2 ሳሙኤል 7፥28)።

► እግዚአብሔር ጻድቅ መሆን ለእኛ ምን ልዩነት ያመጣል?

ፅድቁ የህጉ መሰረት ነው፥ ህጉም ለእርሱ እና ለሌሎች ያለን ሃላፊነቶቻችን ሁሉ ፍፁም የሆነ መለኪያ ነው። ህጉን በፅድቅ ያስተዳድራል፥ የሚታዘዙትን ይባርካል፥ ህጉን የሚተላለፉትን ይቀጣል። ይህ የሚሰቃዩትን እና ለተጨቆኑት መፅናናትን ሲሰጥ፤ ማንም ስዕተትን በመፈፀም ከእርሱ ቅጣት እንደማያመልጥ ያስጠነቅቃል “የ እግዚአብሔር ፍርድ የታመነ፣ ሁለንተናውም ጻድቅ ነው” (መዝሙር 19፥9)። እያንዳንዱን ሰው እንደ ስራው ይከፍለዋል። (ሮሜ 2፥6)። “ሁላችንም በእግዚአብሔር የፍርድ ወንበር ፊት እንቀርባለንና” (ሮሜ 14፥10)።

እግዚአብሔር ፍቅር ነው

ይህ የእግዚአብሔር ባህሪ እጅግ አስፈላጊ ነው፤ እስቲ አስቡት ሁሉን ቻይ እና ሁሉን አዋቂ የሆነ እግዚአብሔር ባይወደን ምን ያህል አስፈሪ እንደሆነ! ምን ይመስል ነበር ቅዱስ እና ጻድቅ ሆኖ ባይወደን ኖሮ? ከፍፁም ከሆነ ሃይሉ እና ቅድስናው ጋር እግዚአብሔር ይወደናል። (ሮሜ 5፥8 ይነበብ)። እግዚአብሔር የፈጠረውን ሁሉ ይባርካል (ዘፍጥረት 1፥22፥28)፥ የሰውን ልጅ ደግሞ በተለየ በህይወት ባሉ መልካም ነገሮች ሁሉ እባርካል፥ ይህንን አለም ሰዎች በደስታ የሚኖሩበት አድርጎ ለይቶለታል። [3] ለሚወዱት እና ለሚያገለግሉ ደግሞ ህይወትን በሙሉ በረከት ያደርግላቸዋል (ሮሜ 8፥28)። ፀጋው፥ ምዕረቱ፥ ትዕግስቲ እና ሰላሙ ከፍቅሩ የተነሳ በረከታችን ናቸው። (ዘፀአት 34፥6፣ ኤፌሶን 1፥7፣ ኤፌሶን 2፥4-5ን አንብብ።)

[4]“በርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስከ መስጠት ድረስ ዓለምን እንዲሁ ወድዷልና” (ዮሐንስ 3፥16)። ሃጥያታችንን እና አመፃችንን ሳይቆጥርብን ሁልግዜ በምዕረት ስለ ሀጥኣታችን ማስተሰረያ ባደረገው በልጁ በኩል ወደ እኛ ይቀርባል። (1 ዩሐ 2፤2)። በመስቀል ላይ እግዚአብሔር በእኛ በልቡ የሚፈሰውን ጥልቅ ፍቅር እና ሃዘኔታ ማየት ችለናል “ፍቅር ይህ ነው፤ እኛ እግዚአብሔርን እንደ ወደድነው ሳይሆን እርሱ እንደ ወደደንና ስለ ኀጢአታችን ማስተስረያ ይሆን ዘንድ ልጁን መላኩ ነው” (1 ዮሐንስ 4፥10)። እግዚአብሔር ሁሉንም ሰው ያለ ዘራቸው፥ ያላቸው ተፈጥሮአዊ ተሰጥኦ፥ ወይም ምድራዊ ቦታ ተፅዕኖ ይወዳል እንዲሁም ለሁሉ ይቅርታን አቅርቧል (ሮሜ 2፥11፤ ያዕቆብ 2፥1-5 ይነበብ)። ስለዚህም እግዚአብሔር ሁሉም ሰው እንድንወድድ እና የበደሉንን ሁሉ ይቅር እንድልን ይፈልግብናል። ፍቅር እና ይቅርታ የእግዚአብሔር ልጆች መገለጫዎች ናቸው (ማቴዎስ 5፥43-45 ይነበብ)።

[5]እግዚአብሔር በራሱ መልስ ነው የሰራን፤ እኛ ውስን ሆነን እርሱ ግን ወሰን የሌለው/ማለቂያ የሌለው ቢሆንም ከፍጥረት ሁሉ እርሱን የምንመሰለው እኛ ነን። እርሱን እናውቀው፣ እንናመልከውና እንወደው ዘንድ በዚህ መንገድ ሰርቶናል። እርሱ ለራሱ ፈጥሮናል ኦገስቲን እንደሚያስታውሰን፥ በእርሱ እስክናርፍ ድረስ እረፍት የለንም። ከእግዚአብሔር ጋር ሲስተያይ በምድር ያለ ሁሉ አላስፈላጊ የሆነ እና ያልንን ሁሉ መሰጠት መውሰድ ያለበት እግዚአብሔር ብቻ ነው። ዘለቄታዊ የሆነ እርካታን ከእግዚአብሔር ውጪ የትም ማግኘት አይቻልም። በእርሱ ምዕረት የዳንን እና ከሁሉ በላይ አድርገን እንድናመልከው እና እንደ ሰማያዊ አባታችን እንድናምነው እና በሁሉን የህይወት መንገድ ላይ የእርሱን ፈቃድ እንድናደርግ ተደርገናል።

ለክፍሉ መሪ ማስታወሻ- የክፍሉ አባል ይህንን ክፍል ማስረዳት ይችላል።

እግዚአብሔር ፍፁም ስልጣን እና ፍፁም ሃይል አለው። እንደ ፍጥረተ አለሙ ገዢ የፈለገውን ማድረግ ይችላል (መዝሙር 115፥3፣ መዝሙር 135፥5-6)

ሁሉን ነገር እንደ ፈቃዱ ለማንም መገዛት ሳያስፈልገው ያደርጋል (ኤፌሶን 1፥11)። እንዲሆን የወሰነው ሁሉ ይሆናል ማንን ሊያስቆመው ሆነ የትኛውም ሁኔታ ለእርሱ የማይቻል ሊያደርገው አይችልም (ኢሳይያስ 46፥9-11 ይነበብ)። እርሱ በፈለገ ግዜ የምድር መሪዎችን ተግባራትን ሁሉ ይቆጣጠራል ( ዘፍጥረት 50፥20፥ ሐዋርያት ሥራ 4፥27-28)።

እግዚአብሔር ግን ለሰዎች የሚመርጡበትን አቅም ሰጥቷቸዋል፤ መልካም ከሆኑ ነገሮች መካከል መምረጥ ይችላሉ እንዲሁም ከመልካም እና ክፉ መካከል መምረጥ ይችላሉ። እግዚአብሔር መታዘዝ ሆነ አለመታዘዝ መምረጥ ይችላሉ። ከሰው ሁሉ መጀመርያ የፈጠራቸው ሰዎች ኀጥያትን መስራት መርጠዋል። ከእነሱ በኃላ የተፈጠረው ሰው ሁሉ ምርጫ መርጧል፥ አንዳንዶች መልካምን ቢመርጡም ሁሉም ግን ኀጥያተኞች ናቸው።

እግዘአብሔር የሁሉ ጌታ ከሆነ- በቢሊየን የሚቆጠሩ ፍጥረታት የራሳውን ምርጫ በሚመርጡበት ምድር ላይ ፈቃዱን እንዴት ይከውናል?

ፍጥረት የራሳቸውን ምርጫ እንዲመርጡ የእግዚአብሔር ፈቃድ ነው፥ ይህም ማለት ሁሉንም ምርጫቸውን እርሱ አይወስልናቸውም ማለት ነው። ይህም ለሚያደርጉት ነገር እውን የሆነ ውጤት አለው ማለት ነው፤ ካልሆነማ እውነተኛ ምርጫ እያደረጉ አይደለም ማለት ነው። እግዚአብሔር በሆነ መንገድ ክፋት እንዳይከሰት የሰዎችን ተግባር የሚቆጣጠር ከሆነ ከሰዎች ክፈትን የመምረጥን ዕድል ይወስድባቸዋል ማለት ነው።

የእግዚአብሔር ፍትሕ እውነተና ፍትሕ ነው ምክንያቱም ሰዎች በፈቃዳቸው ለወሰኑት እና ላደረጉት ተግባር እየፈረደባቸው ስለሆነ (ራእይ 20፥12-13 ይነበብ)። እግዚአብሔር ሁሉንም ተግባር ከተቆጣጠረ እንግዲያው ለመቅጣት ሆነ ለመሸለሙ ትርጉም የለሽ ይሆናል።

እግዚአብሔር ሰዎች መልካም የሆነውን እንዲመርጡ ይሻል፤ ከሁሉ በበለጠ ግን ምርጫቸው የእውነት/ እውን እንዲሆን ይፈልጋል። ለዚህ ነው አሁን ያለችን አለም እንዲህ የሆነችው። ምድር ከእግዚአብሔር የሆኑ መልካም ነገሮች ፥ ከሰው መልካም ተግባር ውጤቶች፥ የሰው ክፉ ተግባር ውጤቶች እንዲሁም እግዚአብሔር ከሰው ክፉ ተግባው የሚያመጣው መልካም ውጤት ስብስብ ነች።

እግዚአብሔር ቅድሚ የሚሰጠውን ነገር በመዳን ዕቅድ ውስጥ እንመለከተዋለን፥ እርሱ ለሰዎች ሁሉ መዳንን ያቀርባል፤ ሁሉም እንዲድኑም ይፈልጋል (1 ጢሞትዎስ 2፥3-4)። ለእያንዳንዱ ሰው ለወንጌል ምላሽ የመስጠትን አቅም ይሰጣል እንጂ ማንንም አያስገድድም። ለዚህ ነው በመጽሐፍ ቅዱስ ውስጥ ጥሪ እና ማሳመኛ ቃላት ጥቅም ላይ የዋሉት፥[1] እግዚአብሔር ለሰዎች ምርጫን እና ውጤታቸውን ገልጦላቸዋል።

ወንጌል በሙሉ ድፍረት የምንሰብከው ሁሉም ሰው እንዲድን ነው። አላማችን ከመንፈስ ቅዱስ ጋር በመሆን ሰዎች ለእግዚአብሔር አንዲገዙ ማሳመን ነው (2 ቆሮንቶስ 5፥11 ይነበብ)።

► የእምነት መግለጫውን ቢያንስ ሁለት ግዜ አብራችሁ አንብቡ።

ፍጥረተ-አለምን ሁሉ የፈጠረ እና የሁሉ ጌታ የሆነ አንድ አምላክ አለ። እርሱን ዘላለማዊ፥ የማይለወጥ፥ መንፈስ ነው። እርሱ ሁሉን ቻይ፥ ሁሉን አዋቂ፥ በሁሉም በሆታ የሚገኝ ነው። እርሱ በባህሪው እና በፅድቅ በሚያደርጋቸው ነገሮች ሁሉ ፍኡም ቅዱስ ነው። ፍጥረቱን የሚባርክ እና ሁሉንም ሰዎች የሚወድድ፥ ይቅርታን የሚሰጥ እና ከእርሱ ጋር ግንኙነት እንዲኖራቸው የሚጋብዝ ነው።

(1) የመጽሐፍ ቅዱስ ክፍል የቤት ስራ፦ ከታች ከተዘረዘሩት ዘርፎች መካከል እያንዳንዱን ተማሪ አንድ ይመደብ። ከሚቀጥለው ክፍለ ግዜ በፊት ክፍሉን አንብባችሁ በትምህርቱ ውስጥ ካለው ሃሳብ ላይ ምን እንደሚናገር በአንድ አንቀፅ ፃፉ።

• መዝሙር 139፥ 1-4

• ምሳሌ 9፥10

• ኢሳይያስ 46

• ራእይ 4፥9-11

(2) ፈተና፦ የሚቀጥለው ክፍለ ግዜ የምትጀምሩት በትምህርት 2 ፈተና ነው። ለፈተና ዝግጅት እንዲሆን የፈተና ጥያቄዎችን አጥኑ።

(3) የማስተማር የቤት ስራ፦ ከክፍል ውጪ የማስተማርያ ግዜን ቀጠሮ መያዝ እና ማስተማራችሁን ሪፖርት ማድረግ አስታውሱ።

(1) የአንድ ሰው በጣም አስፈላጊ የሆነውን ማንነቱ/ባህሪው ምንድን ነው?

(2) በመጽሐፍ ቅዱስ ውስጥ ያለው የመጀመርያው ትምህርት ምንድን ነው?

(3) ከእያንዳንዱ አርፍተ ነገር ጋር የሚዛመደውን የእግዚአብሔርን ባህሪ/ማንነት ጻፉ።

• እግዚአብሔር ምን አይነት ገጽታ እንዳለው መግለጽ አንችልም

• እግዚአብሔር ሑል ግዜ ያለ እና የነበረ ነው

• እግዚአብሔር እውቀት፥ ስሜት እና ፈቃድ አለው

• እግዚአብሔር አይቀያየርም

• የፈቀደውን/የመረጠውን ሑሉ ማድረግ የሚችል ነው

• ሑሉም መመልከት የሚችል ነው

• እግዚአብሔር ምዕረትን እንድናገኝ ልጁን ላከልን

• እግዚአብሔር በሦስት አካል በአንድ ሕላዌ አለው

• እግዚአብሔር ሙሉ በሙሉ የሆነ ሞላዊ ፍጽምና አለው

• እግዚአብሔር ምንም የሚማረው ነገር የለም

• የእግዚአብሔር ተግባራት ሑሉ ግዜ ፍትሓዊ እና ስርዓት የጠበቀ ነው