(1) ተማሪው የሚከተሉትን ማስረዳት ይችላል

• ስለ መጨረሻ ሑነቶች በሚመለከቱ ርዕሰ ጉዳዮች ውስጥ ያሉ የአስፈላጊነት ደረጃዎች

• የክርስቶስ መምጣትና ለአማኝ ያለው ጠቀሜታ

• የሰው ልጆች ሁሉ ከሞት መነሳትና የሥጋዊ አካል ዋጋ

• የመጨረሻው የፍጥረታት ሁሉ የህሊና ፍርድ

• ዘላለማዊቷ የእግዚአብሔር መንግስት

• ስለ መጨረሻ ሑነቶች ክርስቲያናዊ የእምነት መግለጫ

(2) ተማሪዎች ምድራዊ ህይወትን በዘላለማዊ ህይወት መነፅር የማየትን ጥቅም ይረዳሉ።

► ዳንኤል 7፥9-14 አብራችሁ አንብቡ። ይህ ክፍል ስለ ወደፊቱ ምን ይነግረናል?

በመፅሃፍ ቅዱስ ውስጥ ያሉ የትንቢት ምልክቶች፤ የአውሬው ምልክት፥ ቀንደ መለከት፥ ታላቁ መከራ፥ ፀረ ክርስቶስ፥ ሰባቱ አመት፥ 1000 አመት፥ ነጩ ዙፋን፥ የምትመጣዋ አዲሲቷ ከተማ፥ የእሳት ሀይቅ ያጠቃልላሉ።

► ስለመፅሃፍ ቅዱስ የትንቢት ጉዳዮች ምን ታስባላችው?

በትንቢት ላይ ያሉ ውይይቶች ከመሠረታዊ እውነቶች ይልቅ ብዙ ጊዜ ትንንሽ ሀሳቦች ላይ ያተኩራሉ። በትንቢት ላይ ያሉ ሀሳቦች ሁሉም እኩል ጠቀሜታ የለውም። ስለዚህ በዚህ ትምህርት ሁሉንም ርእስ አንሸፍንም።

የአውሬው መልክ ምን ሊመስል እንደሚችል እንዳንድ ሰዎች በመደነቅ ያስባሉ። ሀሰተኛው ክርስቶስ ከየት ይነሳል? እነዚህን ጥያቄዎቸወ መፅሃፍ ቅዱስ በሙላት አይመልስም ስለዚህ እነዚህ ጥያቄዎች ላይ ጊዜ መፍጀት ትርጉም የለዉም።

መፅሃፍ ቅዱስ ይበልጥ የሚያብራራቸው ሀሳቦች አሉ። ለምሳሌ እየሱስ ከመከራ በፊት፥ በመከራው ጊዜ ወይም ከመከራው ቦሃላ ነው የሚመጣው? የሚሊኒየም ዘመኑ እንደተባለው 1000 አመት ብቻ ነው? ነገር ግን እነዚህ ሀሳቦች ለወንጌል ወሳኝ አይደሉም። በነዚህ ጉዳዮች ላይ ባለመስማማት ህብረትን ማበላሸት ልክ አይደለም።

ከመፅሃፍ ቅዱስ ትንቢቶች ይበልጥ የሚጠቅሙና ማንም ሊርዳቸው የሚችል አሉ። እነዚህ ትንቢቶች አኗኗራችንንና አጠቃላይ የክርስትና አስተምሮአችንን ይነካሉ። 4 ይበልጥ የሚጠቅሙንን የመፅሃፍ ቅዱስ ትንቢቶች ስለመጨረሻው ፍርድ እንመለከታለን።

ምንም እንኳን በመንፈስ ከአማኞች ጋር ቢሆንም እየሱስ በአካል ወደ ምድር ይመጣል። ለሁሉም እየታየ በክብር ይመጣል። (ራእይ 1፥7ን አንብብ)።

► እየሱስ ሲመጣ ምን ይፈጠራል?

የእየሱስ መምጣት በምድር ታሪክ ትልቅ ጡዘት ነው። የአለም መንግስት የክርስቶስ መንግስት ይሆናል። ለሱ የታመኑ ክብርና ሞገስን ያገኛሉ። ከእርሱ ያልሆኑት ይጣላሉ። በተቃዋሚዎቹ ሁሉ ላይ ስልጣን ይኖረዋል። (ማቴዎስ 26፥64ን አንብብ)። ጉልበት ሁሉ ለርሱ ይሰግዳል፤ ምላስ ሁሉ ምስጋናን ያመጣል (ፊልጵስዩስ 2፥10-11)።

የሞቱ ክርስትያኖች ከክርስቶስ ጋር ለመምራት ይነሳሉ (2 ጢሞቴዎስ 2፥12)። የተነሱት እና በጊዜው በህይወት ያሉት አማኞች ክርስቶስን ለማግኘት ይነሳሉ (1 ተሰሎንቄ 4፥16-17)።

[1]የእየሱስ መምጣት የተባረከ የክርስትያኖች ሁሉ ተስፋ ነው (ቲቶ 2፥13 ይነበብ)። ይህ ለኛ ምን ማለት እንደሆነ አስቡት። የመከራ፥ የስቃይና የሀዘን ማብቂያ ነው። ከተወደዱና ከቅዱሳን ጋር የምንገናኝበት፥ እምነታችን ባዶ እንዳለሆነ የምናረጋግጥበት ነው። የክርስቶስ መልክ፥ የመንግስተ ሰማያት መግቢያና የዘላለማዊ የእግዚአብሔር መንግስት ሙላት ነው። እነዚህ ሁሉ ነገሮች መምጣቱ ላይ እነጂ የመምጫው ጊዜ ላይ የተደገፉ አይደሉም።

እየሱስ በክብርና በስልጣን እንደሚምጣ ተናግሮአል (ማቴዎስ 24፥30)። መጥቶ የራሱን ሰዎች እንደሚወስድ ቃል ገብቷል (ዮሐንስ 14፥3)። መልአክትም ወደ ሰማእ ሲወጣ እንዳያችሁት እንዲሁ ይመጣል ብለዋል (ሐዋርያት ሥራ 1፥11)። ሐዋርያት ለዚህ ዓለም ያለውን የእግዚአብሔርን የመጨረሻ ዕቅድ እስኪመሰርት ድረስ መምጣቱን በንስሃ መጠበቅ እንዳለብን ሰብከዋል። (ሐዋርያት ሥራ 3፥19-21ን አንብብ)። እየሱስ በክብርና በስልጣን እንደሚመጣ በአዲስ ኪዳን ትምህርቶች ዉሰጥ ተደጋግሞ አለ።[2]

የእየሱስን መምጣት የሚጠቁሙ ምልክቶች ቢኖሩም ትክክለኛወ ጊዜን ማውቅ አይቻልም። ይህ ለአማኞች ነቅተው እንዲጠብቁ ይረዳል (ማርቆስ 13፥33-37)።

► እየሱስ ለምን ይመጣል?

ብዙ ሰዎች ከእግዚአበሄር በተቃራኒ ያሉበት አለም ላይ ነው የምንኖረው። ፍጥረታት ሁሉ በሀጢያት እርግማን ይሰቃያሉ። አለም ፖለቲካ ተግባር፥ በማህበረሰብ ተሀድሶ፥ በትምህርት ወይም በኢኮኖሚ የሚስተካከል አይደለም። እየሱስ ሲመጣ ሁሉን ያሰተካክለዋል።

ሁሊም ሃጢአተኛ ነው ወደ እግዚአብሔር መንግስት ለመምጣት ፍቃደኛ ለሆነ ሁሉ ግን ከጥፋት ይድናል። የእግዚአብሔር መንግሥት ንስሐ በሚገቡና በሚያምኑ ሰዎች መካከል አሁን እየሠራች ትገኛለች (ማርቆስ 1፥14-15፣ ማርቆስ 9፥1)። መንግስቱም በእየሱስ መምጣት ሙሉ ይሆናል።

► እየሱስ እንደሚመጣ እያወቅን እንዴት እንኑር?

የቀድሞ ክርስትያኖች ቅድሚያ የሚሰጡትን ነገር መርሳት የለብንም። እምነታችንን እንድንጠብቅና እስከ መጨረሻው እንድንፀና ተጠርተናልና (1 ቆሮንቶስ 16፥13) (ማቴዎስ 24፥13)። የአለም ጉዳይና ሀሴት የክርስቶስ መምጣትን ሊያሰረሳን አይገባም (ሉቃስ 21፥34-36)። አላፊውን የምድርን ነገር ትተን የዘላለሙን ማስቀደም አለብን (2 ጴጥሮስ 3፥11-13)። ወደ ሰማይ እያየን ሳይሆን በመንፈስ ነቅተን እንድንጠብቅ ተነግሮናል (ማርቆስ 13፥33-37)። እሱን እንድንመስል ለንፅህናና ለንፁህ ሂይወት መፀለይ ይገባናል (1 ዮሐንስ 3፥3)።

ክርስቶስ እንደማይመጣ አስበው የዛሬን ብቻ የሚኖሩ ነቅተው ሊጠብቁ አይችሉም። የእየሱስ መምጣት እንደ መብረቅ ያለ ነው (ማቴዎስ 24፥27፤ 1 ቆሮንቶስ 15፥52)፥ ስለዚህ ከመጣ ቦሃላ ማንም ነገሮችን ለመቀየር ጊዜ አይኖረውም። 1 ተሰሎንቄ 5፥1-6 የሚነግርን በጨለማ በዚህ አለም የሚመላለሱ ሰዎች በመምጣቱ የደነግጣሉ። ለነሱ መማጣቱ እንደሌባ ነው። ላመኑት ግን ሙሽራዋን እንደምትጠብቅ ሙሸሪት ደስታን የሚያመጣ እንጂ ፍርሀት የሚፈትር አይደለም (ዮሐንስ 14፥2-3)።

እየሱስን የምንጠብቀው፤

1. የሰማዩን በማስቀደም

2. በንፅህና በመኖር

3. በፀሎት በመትጋት

ሁሉም ሰው በአካል በትንሳኤ እንደሚነሳ መጽሐፍ ይነግረናል ስለዚህ አካላችን ዘላለማዊ እንደሆነ እናወቃለን። የትንሳኤ አስተምህሮ አስፈላጊ ነው። ሐዋርያው ፓውሎስ በ1 ቆሮንቶስ 15 ስለዚህ ጉዳይ ነግሮናል። ይህንንም ሲያበራራ ትንሳኤን መካድ ወንጌልን መካድ ነው ብሎናል። ትንሳኤ ከሌለ እየሱስ ባልተነሳ ነበር (1 ቆሮንቶስ 15፥13)። እየሱስ ደሞ ከሞት ካልተነሳ ወንጌል ዉሸት ይሆናል ማንም ሰው መዳን አይችልም (1 ቆሮንቶስ 15፥17)።

ሁሉም ሰው በትንሳኤ ይነሳል ግን ባንድ ጊዜ አይደለም፥ በምፅአት ቀን ክርስቲያኖችን ሁሉ ወደ ራሱ ይወስዳቸዋል በስጋ የሞቱም ይነሳሉ (1 ተሰሎንቄ 4፥16-17፤ ራእይ 20፥6)። በመጀመሪያው ትንሳኤ በሀጥያት የሞቱት አይነሱም። ከጊዜ በኋላም ለፍርድ ሰአት ይነሳሉ (ራእይ 20፥13)።

ክርስትያኖች በክብር ከእየሱስ ጋር ይነሳሉ (1 ዮሐንስ 3፥2)። ከዛ በሃጢያት የወደቁት ውደ ዘላለም ጥፋት ይገባሉ (ዮሐንስ 5፥28-29)።

[1]► በትንሳኤ አካል አለማመን ምን ለውጥ ያመጣል?

ስለ ትንሳኤ ማመናችን አኗኗራችን ላይ ተፅእኖ ይፈጥራል። የአስተምህሮቱን ተፅእኖ በማያመኑት ላይ በተግባር ማየት እንችላለን።በቆሮንቶስ ጉባኤ ውስጥ የነበሩ አንዳንድ ሰዎች የሰው አካል ከሞት እንደሚነሳ ይክዱ ነበር። በዚህ ጉዳይ ለሁለት ወገን ተከፍለው ነበር።

አንዳንዶች ‘’ስጋ ሰለማይነሳ ዋናው መንፈስ ነው’’ ይላሉ። ይህ ማለት የምንሰራው ሀጢያት ያን ያክል ችግር አይፈጥርም በለው ያስባሉ። የሚጣል ሰውነት ሰላለን ዝሙት ብንፈፅም ችግር የለውም ይላሉ።

አንዳንድ ቆሮንቶሳውያን “ምግብ ለሆድ ነው፤ ሆድም ለምግብ ነው፤” የሚል መፈክር ነበራቸው ይህም ማለት ሰውነት ከሥጋዊ ፍላጎቶች ማርኪያነት ውጭ ሌላ ፋይዳ የለውም ማለት ነው። ጳውሎስም ለሰውነታቸው ክብር ስላልሰጡ እንደሚጠየቁ ነግሯቸዋል (1 ቆሮንቶስ 6፥13)። እርሱም ሰውነታችን የጌታ ነው በትንሳኤ ቀን ከክርስቶስ ጋር እንደሚነሳ ነግሯአዋል (1 ቆሮንቶስ 6፥14)።

ሌሎች ደሞ “ሰውነታችን ትንሳኤ ስለሌለው የረከሰና ጥቅም አልባ ነው ስጋዊ ፍላጎታችንን መገደብ አለብን በተጨማሪም ደስታ ከሚሰጥ ነገር መቆጠብ አለብን በለው ያምናሉ፤ ጣፋጭ የሆኑ ምግቦችን አለመብላት ወይም በትዳር ሕይወት አለመደሰት ይኖርብናል ይሉ ነበር።

እነዚህ ሁሉ ስህተቶች የሚመጡት ትንሳኤን ከመካድ ነው። ትንሳኤን መካድ ለሰውነታችን ያለንን ከብር ያሳጣናል። በክርስትና አስተምህሮ ግን ትነሳኤ ለሰውነታችን የምንሰጠውን ክብር ይጨምራል።

► 1 ቆሮንቶስ 6፥14፣ 15፣ 19-20ን አንብብ

እነዚህ ጥቅሶች የክርስትያን አካል/ሰውነት ዋጋ እንዳለው የሚነግሩን ናቸው። ምክንያቱም፤

• የተቤዠን ነን

• የመንፈስ ቅዱስ ማደረያ ነን

• የክርስቶስ አካል ነን

• በክብር በትንሳኤ እንነሳለን

የትንሳኤ ትምህርት ለምን አስፈለገ

• እየሱስ ከሞት ተነስቷል

• ሁሉም ሰው ከስጋ ሞት ይነሳል

• ሰውነት ዘላለማዊ ዋጋ አለው

• ወንጌል እውነት ነው

የመጨረሻ ሑነቶች ስማቸው በሕይወት መዝገብ ለሌለ የመጨረሻ ነው። የህልውና ሳይሆን የመምረጥ አድል መጨረሻ። ከዚያ በኋላ በሚቀጥለው የዘላለም ሕይወት ውስጥ በፍጹም የማይመለስ ውሳኔአቸውን ይኖራሉ።

ፍርድ ምርጫችንን ከአፋጣኝ ውጤቶቻቸው በላይ ትርጉም ይሰጠዋል። አንዳንድ ሰዎች ለነጠላ ድርጊታቸው ውጤት ሀላፊነት ከቻሉ ለሌላው ነገር መጨነቅ እንደሌለባቸው ያስባሉ። ኃጢአታቸው ጉዳት እስካላደረሰ ድረስ ክፉ እንዳልሆነ አድርገው ማመን ይፈልጋሉ። እንደ እውነቱ ከሆነ ኃጢአት ሁሉ ጎጂ ነው። ነገር ግን በምድር ከባድ መዘዝ ባያመጣም በመጨረሻ ሑነቶች ግን ዋጋ ያስከፍለናል። የእግዚአብሔር ቃል ሰዎች ለስራቸው ፍርድን እንደሚቀበሉ ይነግረናል። (2 ቆሮንቶስ 5፥10፤ ሮሜ 2፥6-11ን አንብብ)።

በፍርድ ጊዜ የተወሰኑት ለዘላለማዊ ቅጣት የተወሰኑት ደግሞ ለዘላለማዊ ሽልማት ይመረጣሉ። መጽሐፍ ንስሐ ያልገቡ ኃጢአተኞች ለሠሩት የኃጢአት ሥራ የኩነኔ ፍርድን ለመቀበል ከሙታን ተለይተው የሚነሱበትን አንድን የፍርድ ትዕይንት ይገልጻል። (ራእይ 20፥11-15 ይመልክቱ)። ለክርስትያኖች ደግሞ ሌላ እንደ ትጋታቸው ለዘለቀ ውጤቶቻቸው የሚሸለሙበት ፍርድ አለ። (1 ቆሮንቶስ 3፥14-15ን አንብብ)።

ከፍርድ ቦሃላ ሀጢያት አይኖረም። አለምን ያለ ሀጢያት ማሰብ ቢከብድም አንድ ቀን በእግዚአብሔር ላይ ያመፁ ሁሉ የጠፋሉ።

እግዚአብሔር በፍርሃት እንድንኖር ወይም ፍርሃት ቅን ሕይወትን ለመኖር ምክንያታችን እንዲሆን አይፈልግም። ነገር ግን ስለ ፍርድ ነቅቶ መጠበቅ ሕይወታችንን የሚመራ ትልቅ የሀላፊነት ስሜት ነው።

እነዚህን አራት ነገሮች ለመረዳት ስለ ፍርድ ማወቅ ይኖርብናል፤

1. የሀጢያት ተፅእኖ

2. ለእግዚአብሔር ያለን ሀላፊነት

3. የምርጫችን ጠቀሜታ

4. የሀጢያቶች ሁሉ ማብቂያ

በአንዳነድ ፍልስፍና እና እምነቶች ጊዜ የሚሄደው መጀመሪያና መጨረሻ በሌለው በዘላለም ሁደት ነው። በመጽሐፍ ቅዱስ ግን ጊዜ መጀመሪያ አለው ክስተቶችም በጊዜ የሚመጣ መደምደሚያ አላቸው። መጽሐፍ ቅዱስ ከፍጥረት ጀምሮ፥ ስለ ሰው ልጅ ውድቀት፥ከዚያም እግዚአብሔር በሰው ልጅ የታሪክ ዘመናት ውስጥ እየሠራ ስላለው የማዳን እቅድ ይነግረናል።

በዘፍጥረት 3 የሀጢያት ጅማሮን እናያለን። በራእይ ደግሞ ሀጢያት ከእግዚአብሔር ዘላለማዊ ከተማ እንደማይኖር ይነግረናል (ራእይ 21፥27)። በዘፍጥረት የህይወት ዛፍ ውድቀትን የሞት ፍርድን ሲነግረን (ዘፍጥረት 3፥22-24)። በራእይ ደግሞ የህይወት ዛፍን መመለስ፥ የህይወት መዝገብንና የህይወት ውሃ የምታፈሰውን ወንዝ ይነግረናል (ራእይ 22፥1-2፣ 19)።

የምትመጣው ምሉዕና ዘላለማዊ የእግዚአብሔር መንግስት የእግዚአብሔርን እቅድ የምታሟላ ናት። እግዚአብሔር ሁልጊዜም የአጽናፈ ዓለሙ ንጉስና ባለቤት ነው። ነገር ግን የሰው ልጅ ከወደቀበት ጊዜ ጀምሮ በእግዚአብሔር መንግስት ላይ እያመፅ ይገኛል። ያ ዓመፅ በድንገት ያበቃል። እግዚአብሔርም ያለ ተቀናቃኝ ፍጥረቱን ይገዛል። ልክ እንደ ሰማይ ምድር እግዚአብሔር እንደሚፈልጋት ፍጹም ትሆናለች።

በሰዎች መሀል መድራዊ ህይወትን ለዘላለም ማስቀጠል የመፈለግ እሳቤ አለ። ሁኔታዎችን በማመቻቸትና ችግሮችን በመፍታት እና እርካታ የሚሰጠንን አካባቢ በመፍጠር ሙከራ ብዙ መቆየት የምንችል ነው የሚመስለን ነገር ግን እንደ አብርሀም ነው እንድንሆን ነው የሚፈለገው በድንኳን እየኖርን ዘላለማዊ ህይወትን መናፈቅበ (ዕብራውያን 11፥8-10፣ 14-16)። የምንገነባቸው ነገሮች፣ ያሉን ንብረቶችና የምንፈጥራቸው ሁኔታዎች ሁሉ ጊዜያዊ መሆናቸውን ማስታወስ ይኖርብናል ይህንንም አስበን ለማይጠፋው የዘላለም ቤት መትጋት ይኖርብናል።

► የእምነት መግለጫውን ቢያንስ ሁለት ግዜ አብራችሁ አንብቡ።

እየሱስ እንደ ቃሉ ይመጣል የሞቱትን ሊያስነሳ፥ ያመኑትን ወደ መንግስቱ ሊወስድ። የሰው ልጅ ሁሉ ካንቀላፋበት ነቅቶ ስለስራው ለፍርድ ይቀርባል የዘላለም ክብር ወይም የዘላለም ቅጣት ይፈረድበታል። የእግዚአብሔር መንግሥት በሙላት ትመጣለች እግዚአብሔርም ለዘላለም ይነግሣል።

(1) የመጽሐፍ ቅዱስ ክፍል የቤት ስራ፦ ከታች ከተዘረዘሩት ዘርፎች መካከል እያንዳንዱን ተማሪ አንድ ይመደብ። ከሚቀጥለው ክፍለ ግዜ በፊት ክፍሉን አንብባችሁ በትምህርቱ ውስጥ ካለው ሃሳብ ላይ ምን እንደሚናገር በአንድ አንቀፅ ፃፉ።

• ዳንኤል 2፥31-45

• ማቴዎስ 25፥31-46

• 1 ቆሮንቶስ 15፥51-58

• 2 ጴጥሮስ 3፥1-14

• ራእይ 20፥11-15

(2) ፈተና፦ የሚቀጥለው ክፍለ ግዜ የምትጀምሩት በትምህርት 14 ፈተና ነው። ለፈተና ዝግጅት እንዲሆን የፈተና ጥያቄዎችን አጥኑ።

(3) የማስተማር የቤት ስራ፦ ከክፍል ውጪ የማስተማርያ ግዜን ቀጠሮ መያዝ እና ማስተማራችሁን ሪፖርት ማድረግ አስታውሱ።

(1) ስለ መጨረሻ ሑነቶችን ያሉ አራት አስፈላጊ መጽሐፍ ቅዱሳዊ እውነቶች ምንድን ናቸው?

(2) በእየሱስ ዳግም ምጽዓት በሆነ ግዜ አማኞች ምን ይሆናሉ?

(3) የእየሱስን መመለስ በምን መንገድ መጠበቅ አለብን?

(4) ስለትንሳኤ ያለን አስተምሮ ለምን አስፈላጊ ሆነ?

(5) ስለፍርድ በሚገባ በማወቃችን አራት የምንረዳቸው ነገሮች ምንድን ናቸው?