(1) ተማሪው የሚከተሉትን ማስረዳት ይችላል

• የመንግስተ ሰማይ ተቀዳሚ ተግባር

• በቅዱስ መፅሃፍት የተገለጠችው መንግስተ ሰማይ ባህሪ

• በቅዱስ መፅሃፍት የተገለጠው ዘላለማዊ ቅጣት ባሀሪ

• ዘላለማዊ ቅጣትን የካዱ ሀይማኖቶች መሳሌ

• የዘላለማዊ ቅጣት ፍትሃዊነት

• ስለ ዘላለማዊ እጣ ክርስቲያናዊ የእምነት መግለጫ

(2) ተማሪዎች አንዳንድ ድርጊቶች የማይመለስ ዘላለማዊ መዘዝ እንደሚያመጣባቸው ይረዳሉ።

► ራእይ 21 አብራችሁ አንብቡ። ይህ ክፍል ስለ አማኞች እጣፈንታ ምን ይነግረናል?

ሁሉም ፍጥረት ለእግዚአብሔር ክብር ተፈጥሯል፥ ነገር ግን መንግስተ ሰማይ እግዚአብሔር በአምሳሉ በፈጠራቸው ፍጥረታቶች በሙላት የሚመለክበት ማእከላዊ ስፍራ ናት (ራእይ 5፥11-14 አንብቡ)። የእግዚአብሔር ክብር በሙላት ብርሃን በመሆን በከተማው ላይ ይገለጣል (ራእይ 21፥23)። እግዚአብሔር ፊቱን የምናይበትም ቦታ ነው (ራእይ 22፥4)።

በመንግስተ ሰማይ አማኞች እግዚአብሔርን በማምለክ ፍስሃና ሙላትን የሚያገኙበት ነው። መዝሙር 16፥11 “በአንተ ዘንድ የደስታ ሙላት፣ በቀኝህም የዘላለም ፍሥሓ አለ። ” ይላል። ፍስሀና እና አምልኮ ይስማማሉ። እግዚአብሔር ማንነቱን ተረድተን ማንነቱ በሚገባው መጠን እንድናመልከው በመልኩ ፈጥሮናል። እንድናመልከው ስሜት፥ የማፍቀር አቅምና ብልሀት ተሰጥቶናል።

እየሱስ ለሐዋርያት ይህን ብሎ ነበር፥

ልባችሁ አይጨነቅ፤ በእግዚአብሔር እመኑ፤ በእኔም ደግሞ እመኑ። በአባቴ ቤት ብዙ መኖሪያ አለ፤ ይህ ባይሆንማ ኖሮ እነግራችሁ ነበር፤ የምሄደውም ስፍራ ላዘጋጅላችሁ ነው። ሄጄም ስፍራ ካዘጋጀሁላችሁ በኋላ፣ እኔ ባለሁበት እናንተም ከእኔ ጋራ እንድትሆኑ ልወስዳችሁ ዳግመኛ እመጣለሁ (ዮሐንስ 14፥1-3)።

የእየሱስ ስለ መንግስተ ሰማያት የሚነግረን አለ። ዋናው ነገር መንግስተ ሰማያት የእግዚአብሔር ቤት እንደሆነ፥ እሱስም የአባቴ ቤት በሎታል። ሌላው ዋና ነገር አንድ ቀን በዛ እንደምንኖር ነው።

የመንግስተ ሰማያት ተስፋ በምድር እንዴት መኖር እንዳለብን ይመራናል። በመንግስተ ሰማያት እሳቤ የሚኖር ሰው በምድር መልካምን ያረጋል። ሰማያዊ በረከትን የሚጠብቅ ሰው በፈተናዎች የፀናል የእግዚአብሔርንም ፍቃድ ይፈፅማል። እየሱስም ዋጋ ስለሚከፍሉ ሰዎች ይህንን በሏል “በሰማይ የምትቀበሉት ዋጋ ታላቅ ስለ ሆነ ደስ ይበላችሁ፤ ሐሤት አድርጉ” (ማቴዎስ 5፥12)።

የመንግስተ ሰማያት ባህርያት

► ስለ መንግስተ ሰማያት ምን ምን እናውቃል?

አንዳንድ ጊዜ ሰዎች የሚፈልጉትን አይነት ቤት በምድር ላይ መግዛት አይችሉም ወይም ያላቸውን እንደሚፈልጉት ማርግ ላይችሉ ይችላሉ፥ ነገር ግን እግዚአብሔር ገደብ የሌለው ሀይልና ሀብት አለው። ስለዚህ የሱ ቤት እንደሚፈልገው እንደሆነ እናወቃለን። ይህ ድሞ መንግስተ ሰማያት ከእግዚአብሔር ተፈጥሮ ጋር የማይጣረስ መልክ እንዳለው ያረጋግጥልናል።

[1]በመንግስተ ሰማያት ሀጥያት የለም። በመንግስተ ሰማያት ያሉ ፍጡራን ሰው፥ መላአክ ወይም ሌላ ሁሉም ቅዱስ ናቸው። (ራእይ 21፥8፣27 ይነበብ።)

መንግስተ ሰማያት ከሀዘን፥ ህመም፥ ግጭት ወይም አደጋ ከመሳሰሉ የሀጢአት ፍሬዎች ነፃ ነች (ራእይ 21፥4 ይነበብ)። ማርጀት፥ ሞትን የመሳሰሉ እርግማኖች አይኖሩም (ራእይ 22፥3 ይነበብ)።

የመንግስተ ሰማያት ውበት በቃላት ከሚገልፀው በላይ ነው። በመፅሀፉ ስለ ኢያስጲድ ቅጥር፥ የእንቁ ደጅ፥ ከከበረ ድንጋይ የተሰራ መሰረት እና የወርቅ ጎዳና በዝርዝር ተፅፏል (ራእይ 21፥18-21 ይነበብ)።

ማን እና መቼ?

መንግስተ ሰማያት ንስሃ ለገቡና እየሱስን እንደ አዳኝ ላመኑ ናት (ዮሐንስ 3፥16)። መጽሐፍ በዘላለማዊ እሴቶች የምንኖር ከሆነ በሰማይ የማይጠፋና አስተማማኝ የሆነ ዘላለማዊ መዝገብ ማከማቸት እንደምንችል ይነግረናል (ማቴዎስ 6፥20 ይነበብ)። መንግስተ ሰማያት በሚሊዮን የሚቆጠሩ በተቤዡ ሰዎችና መላአክት የተሞላች ነች (ራእይ 5፥8-11)።

መች ነው ወደ መንግስተ ሰማያት የምንገባው? እየሱስ አብሮት የተሰቀለውን ወንበዴ በገነት በዛው ቀን አበረው እንደሚሆኑ ነግሮታል (ሉቃስ 23፥43)። ጳውሎስም ከስጋ መለየት ከጌታ ጋር መሆን መሆኑን ነግሮናል (2 ቆሮንቶስ 5፥8)፤ ስለዚህ አማኝ በስጋ እንደሞተ ወደ መንግስተ ሰማያት እንደሚገባ እናውቃለን። በጌታ ምፅአት በስጋ ያልሞቱ ሞትን ሳያዩ ወደ መንግስተ ሰማያት ይገባሉ (1 ቆሮንቶስ 15፥51-52፤ 1 ተሰሎንቄ 4፥13-18 ይነበብ)።

ምድራዊ ቅጣት የሆነ ቀን ማበቃቱ አይቀርም፤ ምንም እንኳን ተቀጪው ሲሞት ቢሆንም። ነገርግን እየሱስ ዘላለማዊ ቅጣትን እንደዚህ ገልፆታል፥

እናንተ የተረገማችሁ፤ ለዲያብሎስና ለመላእክቱ ወደ ተዘጋጀው የዘላለም እሳት ከእኔ ተለይታችሁ ሂዱ… እነዚህም ወደ ዘላለም ፍርድ፣ ጻድቃን ግን ወደ ዘላለም ሕይወት ይሄዳሉ (ማቴዎስ 25፥41፣ 46)።

እየሱስና ሀዋርያት ዘላለማዊ ቅጣት፥ የእሳት ባህርና ሲኦል መኖራቸውን አረጋግጠውልናል። እየሱስ ከዚህ ጥፋት እንድንተርፍ አስጠንቅቆናል። የእየሱስ እና ሀዋርያት ቃል የሚከተለው ነው፥

በዓለም መጨረሻም ልክ እንደዚሁ ይሆናል፤ መላእክት መጥተው ኀጢአተኞችን ከጻድቃን በመለየት፣ ልቅሶና ጥርስ ማፋጨት ወዳለበት ወደ እቶን እሳት ይጥሏቸዋል (ማቴዎስ 13፥49-50)።

ለፈሪሳውያን እየሱስ አላቸው “እናንተ እባቦች፤ የእፉኝት ልጆች! ከገሃነም ፍርድ እንዴት ልታመልጡ ትችላላችሁ?” (ማቴዎስ 23፥33)።

በሌላ ጊዜ እየሱስ ከፈሪሳውያን ጋር ሲያወራ ሞቶ ወደ ሲኦል የገባን አንድ ሰው ሥቃይ እንዲህ ሲል ገልጾታል፥

በሲኦልም እየተሠቃየ ሳለ ቀና ብሎ ከሩቅ አብርሃምን አየ፤ አልዓዛርንም በዕቅፉ ይዞት አየ። እርሱም፣ ‘አብርሃም አባት ሆይ፤ ራራልኝ፤ በዚህ ነበልባል እየተሠቃየሁ ስለ ሆነ፣ አልዓዛር የጣቱን ጫፍ ውሃ ነክሮ ምላሴን እንዲያቀዘቅዝልኝ እባክህ ላክልኝ’ እያለ ጮኸ (ሉቃስ 16፥23-24)።

ሀዋርያው ጳውሎስ እንደዚህ ፅፉአል

ይህም የሚሆነው ጌታ እየሱስ በሚንበለበል እሳት ከኀያላን መላእክት ጋራ ከሰማይ በሚገለጥበት ጊዜ ነው። በዚያ ጊዜ እግዚአብሔርን የማያውቁትንና ለጌታችንም ለእየሱስ ወንጌል የማይታዘዙትን ይበቀላል። እነርሱም ከጌታ ፊትና ከኀይሉ ክብር ተወግደው በዘላለም ጥፋት ይቀጣሉ (2 ተሰሎንቄ 1፥7-9)።

ጴጥሮስም ፃፈ

እግዚአብሔር ኀጢአት የሠሩትን መላእክት ሳይራራላቸው ወደ ገሃነም ከጣላቸውና በጨለማ ጕድጓድ ለፍርድ ካስቀመጣቸው (2 ጴጥሮስ 2፥4)።

ዮሀንስም ፃፈ

ያሳታቸው ዲያብሎስም፣ አውሬውና ሐሰተኛው ነቢይ ወዳሉበት ወደ እሳቱና ወደ ዲኑ ባሕር ተጣለ፤ እነርሱም ቀንና ሌሊት ከዘላለም እስከ ዘላለም ይሠቃያሉ… ስሙ በሕይወት መጽሐፍ ተጽፎ ያልተገኘ ሁሉ ወደ እሳት ባሕር ተጣለ (ራእይ 20፥10፣ 15)።

ስፍራው የተገለፀበትን ቃላት አስተውሉ፤ እሳት፥ የስቃይ ስፍራ፥ ጥፋት፥ ጨለማ፥ ጕድጓድ፥ ፍርድ፥ ለቅሶና ጥርስ ማፉአጨት።

እየሱስ አለ፥

ቀኝ ዐይንህ የኀጢአት ሰበብ ቢሆንብህ፣ አውጥተህ ወዲያ ጣለው፤ ሰውነትህ በሙሉ ወደ ገሃነም ከሚጣል ከሰውነትህ አንዱን ክፍል ብታጣ ይሻልሃል። ቀኝ እጅህ ቢያሰናክልህ ቈርጠህ ወዲያ ጣለው፤ ሰውነትህ በሙሉ ወደ ገሃነም ከሚጣል ከሰውነትህ አንዱን ክፍል ብታጣ ይሻልሃል (ማቴዎስ 5፥29-30)።

እየሱስ ይህን ሲናገር አካል መቆረጥን እያበርታታ አይደለም ነገር ግን ወደ ሲኦል የሚያስገባንን ማንኛውንም ድርጊት ምንም ያህልም ቢያጓጓንም መተው እንዳለብን ለማስገንዘብ ነው።

► ስለ ሲኦል የተሳሳተ አስተምህሮ ያላቸው ሀይማኖቶች የትኞቹ ናቸው?

መጽሐፍ ቅዱስ ሞት የሰውን ልጅ በግዜ የተገደበ ዕድልን መጨረሻ ሲሆን እና ሲኦልም (1) ዘላለማዊ፥ (2) መመለስ የማይቻልበት እና (3) ጣር እንደሆነ። ይህ መጽሐፍ ቅዱሳዊ ቃል በኢ-አማንያን (ኤቲስት) ተቀባይነት የለውም። ከሞት ቦሃላ ህይወት የለም ይላሉ በተጨማሪም በጆሆቫ ዊትነስ፥ ሞረሞኖች፥ እና ዩኒቨርሳሊስትስ ሁሉም ሲኦል የለም ብለው ያመናሉ። ሞት የሰውን ልጅ ከክብሩ እስከመጨረሻው እንዳወረደው የሮማን ካቶሊክ አትቀበልም፤ እጣ ፈንታ ከሞት ቦሃላ መለወጥ ይችላል ብላ ታምናለች።

ፍትሀዊ አይደለም በሚል ሲኦል የሚባል ነገር የለም ብለው የሚክዱ ሰዎች አሉ። በውስን ጊዜ ለሚፈጠር የሀጢአት ስህተት ዘላለማዊ ቅጣት ፍትሀዊ አይደለም ብለው ይከራከራሉ። ቅዱስ ኦገስቲን የወንጀልኛ ህግን ተመርኩዞ ምላሽ ሰቷል፤ ዝርፊያ በጥቂት ደቂቃ ውስጥ ከተከወነ ቅጣቱም ደቂቃ ብቻ መፍጀት አለበት ማለት ነው? ብሎ ይጠይቃል። በቅጽበት የሚፈጸም ግድያ ዳግም መመለስ የማይችል ጥፋትን ያስከትላል።በመፅሃፍ ቅዱስ ዘላለማዊና ኤልሻዳይ እግዚብሄር ላይ ለተሰራ ሀጢአት ዘላለማዊ ቅጣት እንደሚጠብቀን ይናገራል።

► ሲኦል ለምን ዘላለማዊ ሆነ?

ሲኦል ዘላለማዊ የሆነበት ምክንያት፥

1. ሀጢአት ኤልሻዳይ እግዚአብሔር የተሰራ ወነጀል ነው

2. ንስሃ ያልገቡ ሀጢአተኞች ለእግዚአብሔር ሊያቀርቡ የሚገባቸውን ዘላለማዊ አገልግሎት ክደዋል

3. እኛ ዘላለማዊ ፍጡሮች ነን ከእግዚአብሔር ከተለየን ሌላ የምንሄድበት ስፍራ የለም

በምድር ሳለን በምድር ላይ ውሳኔዎቻችንን መለወጥ በመቻላችን ደስ ይለናል። ምርጫውም ዘላለማዊ ቆይታችንን መወስን መቻሉ በጣም ከባድ ይመስላል። አሁን ሆን ብለን ምርጫ ብናደርግ እንኳ፤ ከምድራዊ ህይወት በኋላ ድጋሚ እድል እንዲሚሰጠን እናስብ ይሆናል። ሆኖም እግዚአብሔር የመፈተኛ ጊዜያችንን በአንድ የሕይወት ዘመን ብቻ ቢገድበው ምክንያታዊነት የጎደለው አይደለም።

አንዳንዶች እግዚዓብሔር የፍቅር አምላክ ስለሆነ የመጽሐፍ ቅዱስ ክፍሎች ወደሚነግሩን አሰቃቂ ወደሆነ ወደዚህ ቦታ ሰዎቸን ይልካል ብለው ማመን ይከብዳቸዋል። ማወቅ ያለብን ነገር እግዚአብሔር ወደ ጥፋት እንድንገባ አይፈልግም ነገር ግን ንስሃ እና ድህነትን እንድናገኝ ይፈልጋል። ይህም ነገር በመፅሃፍ ቅዱስ በብዙ ስፍራ ተጠቅሶ ይገኛል (2 ጴጥሮስ 3፥9፤ 1 ጢሞቴዎስ 2፥4፤ ሐዋርያት ሥራ 17፥30 ይነበብ)። ወደ ሲኦል የሚሄዱት እነዚያ [1]ወደዚያ አስፈሪ ስፍራ የሚያደርሷቸውን ምርጫዎች ያደረጉ ናቸው። ማንም በድንገት ወደ ሲኦል አይገባም የእግዚአብሔርን ቅድስናና ድህነት የካዱ ሰዎች ወደዚህ አስፈሪ ቦታ ይገባሉ።

መልካም የሆነ ነገር ሁሉ ከእግዚአብሔር ከሆነ፤ እግዚአብሔርን መተው መልካም ነገሮችን ሁሉ መተው ነው። ሰላም፣ ከፍርሃትና ከሥቃይ ነፃ መሆን፣ እንዲሁም ምቾት ያለው ስፍራ መልካም ነገሮች ናቸው ይህን ደሞ በሙላት ማቅረብ የሚችለው እግዚአብሔር ነው። ከእግዚአብሄር መለየት መልካም ነገሮችን ሁሉ ያሳጣናል ሲኦል ማለት ደሞ ይህ ነው።

ለእግዚአበሄር ክብር ይሁንና በእየሱስ የማዳን ስራ ከሚመጣው ቁጣ ድነናል (1 ተሰሎንቄ 1፥10)። ከአስፈሪዊ ሲኦል ተላቀን በደኅንነታችን ደስታና በሰማይ ድንቅ ነገሮች ተካፋዮች ሆነናል። በክርስቶስ አምነን የንስሃን መንገድ ስንመርጥ ዘላለማዊ መዳረሻችን መንግስተ ሰማያት ይሆናል (ፊልጵስዩስ 3፥20፣ ሐዋርያት ሥራ 20፥21)

በምድር ህይወት ውሳኔዎቻችን የሚዘልቁ አይመስለንም። በቂ ጊዜ እያለን ብዙ ጥፋቶችን ማርም እንችላለን። ብዙ ውሳኔዎች ዘላለማዊ መዘዝ እንዳላቸው መርሳት የለብንም። መቼ እንደምንሞትና የምህረት ጊዜያችን መቼ እንደሚያበቃ አናውቅም። ከሞት በኋላ የራሳችንን ዘላለማዊ ዕጣ ፈንታ የወሰኑም ሆነ ሌሎች በውሳኔያቸው ላይ ተጽዕኖ እንዲያሳርፉ ያደረግናቸውን ድርጊቶቻችንን መለወጥ አንችልም።

► የእምነት መግለጫውን ቢያንስ ሁለት ግዜ አብራችሁ አንብቡ።

ሲኦልም ሆነ ገነት ሁሉም ሰው ዘላለማዊ መዳረሻ አለው። መንግስተ ሰማይ አማኞች በደስታ እግዚአብሔርን እያመለኩ የሚኖሩበት የእግዚአብሔር ቤት ነው። በመንግስተ ሰማይ ሀጢያትም ሆነ የሀጢያት ፍሬ የለም። ሲኦል በክርስቶስ አማካኝነት ከኃጢአታቸው ላልዳኑ ሁሉ የተዘጋጀ ዘላለማዊ፥ ሊወጣበት የማይችል እጅግ ሥቃይ የበዛበት የቅጣት ስፍራ ነው። ሲኦል ወሰን በሌለው አምላክ ላይ በፈቃድ ለሚፈጸም ኃጢአት የሚሰጥ ፍትሃዊ ቅጣት ነው።

(1) የመጽሐፍ ቅዱስ ክፍል የቤት ስራ፦ ከታች ከተዘረዘሩት ዘርፎች መካከል እያንዳንዱን ተማሪ አንድ ይመደብ። ከሚቀጥለው ክፍለ ግዜ በፊት ክፍሉን አንብባችሁ በትምህርቱ ውስጥ ካለው ሃሳብ ላይ ምን እንደሚናገር በአንድ አንቀፅ ፃፉ።

• ኢሳይያስ 5፥11-16

• ማቴዎስ 5፥27-30

• ሉቃስ 16፥19-31

• ራእይ 22፥1-5

• ራእይ 22፥10-17

(2) ፈተና፦ የሚቀጥለው ክፍለ ግዜ የምትጀምሩት በትምህርት 13 ፈተና ነው። ለፈተና ዝግጅት እንዲሆን የፈተና ጥያቄዎችን አጥኑ።

(3) የማስተማር የቤት ስራ፦ ከክፍል ውጪ የማስተማርያ ግዜን ቀጠሮ መያዝ እና ማስተማራችሁን ሪፖርት ማድረግ አስታውሱ።

(1) የመንግስት ሠማያት ዋና ተግባር ምንድን ነው?

(2) በመንግስ ሠማያት የማይኖሩ አራት ነገሮችን ዘርዝሩ።

(3) መንግስተ ሠማያት የሚገባው ማን ነው?

(4) አማንያን መች ነው መንግስተ ሠማያት የሚገቡት?

(5) በመጽሐፍ ቅዱስ ስለሲኦል የሚነግረን ሦስት ነገሮች ምንድን ናቸው?

(6) እየሱስ አንድ ሰው እጁን መቁረጥ አለበት ሲል ምን ማለቱ ነው?

(7) ሲኦል ዘላለማዊ የሆነበትን ሦስት ምክንያቶች ዘርዝሩ?