Lesson 7: Ang Aklat ni Daniel (Ikalawang Bahagi)

Maglaan ng ilang minuto upang pagbalik-aralan ang kahalagahan ng aklat ni Daniel. Hilingan ang ilang mag-aaral upang ipaliwanag kung ano ang kanilang natutuhan sa nakaraang sesyon sa klase.

Ang kabanatang ito ay naglalaman ng pangitain ng apat na dambuhalang mga hayop at iba pang detalye. Ang mga hayop ay kumakatawan sa serye ng mga dakilang kaharian.

Tandaan, ang talatang ito ay naglalarawan sa parehong mga kaharian sa pangitain sa Kabanata 2, nguni’t may ibang detalye.

Unang halimaw: Leon na May Pakpak

Inalis ang mga pakpak, tumayo ang leon na tulad ng isang tao at tumanggap ng puso ng isang tao. Kung ito ang kaharian ng Babilonia, ang pagbabagong nangyari sa leon ay maaaring tumukoy sa pagbabago ni Nebucodonosor.

Ikalawang Halimaw: Oso

Nilupig ng taga-Medes at mga Persyano ang imperyo ng Babilonia noong 538 B.C. Si Darius ay isang taga-Mede. Siya ay naitatag bilang gobernador ng Chaldea sa ilalim ng haring Persiyano na si Cyrus, na siyang tunay na emperador. Si Cyrus ay itinuring na tagapag-ligtas ng marami sa mga taga Babilonia, subali’t hindi siya natutuwa sa pagpapabaya ni Nabonido sa relihiyon ni Marduk. Nagbigay ng kautusan si Cyrus na ang mga Judio ay pinapayagang bumalik sa kanilang tinubuang lupa (Ezra 1), bilang katuparan sa propesiyang sinabi ni Isaias (41:2, 25, 46:11, 48:15) 150 taon na ang nakalilipas.

Ikatlong Halimaw: Leopardo na May Apat na Ulo, at Apat na Pakpak

Nalupig ng imperyong Griego ang imperyong Medo-Persiano noong 330 B.C. Ito ay itinatag ni Alexander. Ang imperyo ay nahati-hati sa kanyang apat na heneral nang siya’y mamatay noong 323 B.C.

Ikaapat na Halimaw: Isang Halimaw na may 10 Sungay

Ang halimaw na ito ay may bakal na ngipin, na katumbas ng bakal na bahagi ng rebulto. Ang Roma ang imperyo pagkatapos ng Greece. Mayroon din itong mga kukong tanso (19), na pinagsama ang katangian ng naunang imperyong Greece. Nilupig ng Roma ang Macedonia, isang natitirang kapangyarihan ng Greece, noong 196 B.C.

Mayroong ikalimang halimaw na kumakatawan sa ikalimang seksiyon ng rebulto, subali’t mula sa sampung sungay ng ikaapat na halimaw ay lumitaw ang isa pang sungay na naging isang dakilang hari. Kung ihahambing ang 10 sungay sa Pahayag 17:12, ang haring ito ay tila nagmula sa sinaunang kaharian ng Roma.

Ang Terminong Antichrist

Ang salitang ito ay ginamit sa 1 Juan 2:18, na tumutukoy sa mga propesiya sa isang taong tinatawag na Antichrist. Nagpatuloy si Juan na nagsasabing marami nang tao ang lumalaban kay Kristo, subali’t hindi ito sumasalungat sa paghula na may isang partikular na Anticrist na darating sa hinaharap. May mga iskolar na naniniwala na ang taong iyon ang lalaki sa 2 Tesalonica 2:3-4 na humihingi ng pagsamba sa templo, ang taong maglalagay ng “kasuklam-suklam na nakasisira” na binanggit ni Hesus sa Mateo 24:15, ang taong ihinula sa Daniel 8:25 na lalaban sa Mesiyas, at ang halimaw sa Pahayag 13:4-8 na maghahari sa loob ng 3 ½ taon at humihingi ng pagsamba mula sa buong mundo.

► Dapat basahin ng isang mag-aaral ang Daniel 7:9-14, 22, at 27 para sa grupo.

Ilang obserbasyon:

• Verse 9: Ang pangitain ng Diyos ay katulad ng pangitain ni Kristo sa Pahayag 1, na tumutukoy sa puting buhok at apoy.

• Verse 10: Ang napakalaking bilang ng mga lingkod ay isang tanda ng pagiging maharlika at kapangyarihan .

• Verse 12: Ang mga sinaunang kaharian ay nagpapatuloy sa pag-iral, bagaman nawala na ang kanilang kapangyarihan.

• Verse 13: Ang pagtukoy na ito sa “Anak ng Tao” ang maaaring pinagkunan ni Hesus ng kanyang sinabi.

• Verse 14: Ang tema ng Daniel ay inulit dito: Ang kaharian ng Diyos ay ganap, pangwakas, at pangwalang hanggan.

• Verse 25: Isang partikular na hari ang magsisikap na baligtarin ang lahat ng nakatatag na awtoridad upang ilagay ito sa ilalim niya. Lalapastanganin niya ang Diyos, tulad ng inilarawan sa Pahayag. Ang kanyang kontrol ay tatagal ng 3 ½ taon. Ihambing ang paggamit ng salitang panahon sa Daniel 4:16, kung saan ito ay nangahulugan ng “taon”

Ang kabanatang ito ay nagbibigay ng dagdag na detalye tungkol sa paglilipat ng kapangyarihan mula sa isang imperyo patungo sa ibang imperyo, at pagkatapos ay inilalarawan ang mga pagkilos ng isang espesipikong hari sa hinaharap.

Ang lalaking tupa ay may dalawang sungay, at nagapi ng isang kambing na may isang sungay. Nang maging dakila na ang kambing , naputol ang sungay, at napalitan ito ng apat na sungay. Ang lalaking tupa ay ang imperyo ng Medo-Persian (20), at ang kambing ay ang Griegong imperyo (21). Ang apat na sungay ay ang apat na heneral na naghati-hati sa imperyo (22).

Mula sa isa sa apat na sungay, lumabas ang isang maliit na sungay (9). Itinaas ng taong kinakatawan ng maliit na sungay ang kanyang sarili sa langit at ipinatigil ang mga paghahandog sa templo. Lumipas ang 3 ½ taon bago nalinis ang templo at magsimulang muli nang paghahandog.

Si Antiochus ay isang hari na nagmula sa isa sa apat na heneral ni Alexander. Itinuring niya ang kanyang sarili na dios at nag-utos na siya ay sambahin. Naghandog siya ng isang baboy sa altar sa Jerusalem upang lapastanganin ito at itigil ang pagsamba doon. Lumaban sa kanya ang mga Judio, simula noong 168 B.C. Namatay sa labanan si Antiochus, at ang mga Judio ay muling naging isang independiyenteng bansa. Nagtagal ang labanan ng 3 ½ taon, pagkatapos dinalisay nila ang templo at nagsimulang magsagawa uli ng mga paghahandog.

Isang Prinsipyo ng Pagbibigay Kahulugan sa Biblia: Ang mga propesiya ay maaaring matupad ng higit sa isang beses lamang, at ang mga sumunod na katuparan ay mas kumpleto kaysa sa mga naunang katuparan. Halimbawa, tinupad ni Antiochus ang marami sa mga prediksiyon sa Daniel 7, gayunman sinabi ni Hesus na ang katuparan ay sa hinaharap pa (Mateo 24:15).

Ang propesiya ni Daniel ay malinaw na natupad ni Antiochus, subali’t hindi ang lahat ng detalye. Sinabi ni Hesus na ang propesiyang ito ay sa hinaharap pa (Mateo 24:15). Tila tinutukoy rin ni Apostol Pablo ang parehong propesiya sa 2 Tesalonica 2:3-4. Sinabi ni Daniel na lalabanan ng taong ito ang Mesiyas (8:25). Malinaw, si Antiochus ay isang katuparan, subali’t magkakaroon ng mas dakilang katuparan sa katapusan ng panahon.

Natagpuan ni Daniel sa pag-aaral na ang pagiging bihag ay dapat tumagal lamang ng 70 taon. Lumipas na ang panahong iyon, kaya’t siya’y nanalangin para sa pagpapanumbalik ng Jerusalem.

Ang panalangin ni Daniel ay isang panalangin ng pagsisisi bilang isang kinatawan ng kanyang bayan. Ito ay isang kahanga-hangang modelo ng tunay na pagsisisi.

► Dapat basahin ng isang mag-aaral ang Daniel 9:4-19 para sa grupo.

Ang panalangin ni Daniel ay naglalaman ng mga sumusunod na elemento:

1. Tayo ay nagkasala (nagkasala, nakagawa ng kawalang-katarungan, gumawa ng kabuktutan, nagrebelde, hindi nakinig, lumabag, sumuway, humiwalay). Tingnan ang mga talata 5-11.

2. Alam namin ang mas mabuti. Tingnan ang mga talata 5, 6, 10, 11, 12, at 13. Samakatuwid – lubos na nararapat lamang ang kaparusahan. Hindi gumawa ng anumang pagdadahilan si Daniel para sa kasalanan sa kanyang panalangin.

3. Makatarungan ang Diyos sa lahat ng kanyang mga ginagawa. Tingnan ang mga talata 7 at 14.

4. Nagliligtas ang Diyos. Tumutukoy ang talata 15 sa dakilang pagliligtas mula sa Egipto at sinasabi na maaaring gawin uli iyon ng Diyos.

5. Ang pagsamo ay hindi batay sa merito ng tao kundi sa biyaya ng Diyos (18).

6. Ang layunin ay hindi lamang ang biyaya ng Diyos kundi ang kaluwalhatian ng Diyos. (16-19)

Ang isang tunay na panalangin ng pagsisisi ay dapat maglaman ng mga elementong ito. Ang isang taong itinatanggi ang kanyang mga kasalanan, nagbibigay ng mga dahilan o nag-iisip na may karapatan siyang tumanggap ng anumang bagay mula sa Diyos ay hindi nakauunawa sa pagiging seryoso ng kanyang kasalanan at hindi pa lubusang nagsisisi.

Ang panalangin ay nagbibigay din sa atin ng tuntunin para sa pangangaral ng ebanghelyo. Kapag nangangaral tayo tungkol sa pagsisisi, dapat nating ipaliwanag ang tunay na pagsisisi upang maayos na hanapin ng ating mga tagapakinig ang Diyos.

► Ano ang mga karaniwang maling pagkaunawa tungkol sa pagsisisi ang inyong naobserbahan?

Isinugo si Gabriel upang higit na ipaliwanag ang plano ng Diyos ng pagpapanumbalik (talata 24-27). Ang buong proseso ay nangangailangan ng 70 “pito-pito”. Inilista sa talata 24 ang mga dapat matupad. Hindi lamang ito para sa pag-uulit ng pagsubok ng Israel, na hindi maiwasan na matalo sa katapusan tulad ng mga ulit-ulit na nangyari sa Mga Hukom. Ito ang magiging katapusan ng kasalanan, lubos na pagbabayad-sala para sa muling pakikipagkasundo ng makasalanan sa Diyos, at pagtatanghal sa Mesiyas para sa kanyang walang hanggang kaharian.

Ang 70 pito-pito ay hindi lahat naganap nang walang pagitan. Mayroong 7, pagkatapos ay 62. Sa puntong ito naganap ang kamatayan ng Mesiyas. Pagkatapos, mayroong mahabang paghihintay hanggang sa huling 7.

Mayroong dalawang magkaibang pagbibigay-kahulugan sa talata 26-27.

(1) Pagbibigay-kahulugan 1: Ang “prinsipeng darating” ay ang AntiChrist, na wawasak sa Jerusalem at sa templo. Makikipagtipan siya sa Jerusalem subali’t sisira siya dito sa kalahatian ng panahon ng pitong taon. Gagawa siya ng karumaldumal na siyang magpapahinto sa pagsamba sa templo. Mauunawaan natin na ang “7” ay pitong taon, dahil sinasabi ng talata 27 na ang paghahandog ay magtatapos sa gitna ng 7. Alam natin mula sa 8:4 na ang paghahandog ay nagtapos ng 3 ½ taon.

(2) Pagbibigay-kahulugan 2: Ang “prinsipeng darating” ay ang Mesiyas na binanggit sa talata 25-26. Gagawing hindi mahalaga ang Jerusulem at ang templo ng mga Kristiyano sa pamamagitan ng paglaganap ng ebanghelyo. Ang ministeryo ni Hesus ay 3 ½ taon. Ang krus ni Hesus ang karumaldumal (ayon sa mga Judio) na nagtatapos sa pagsamba sa templo. Ang ikalawang 3 ½ taon ay hindi literal na pagsukat kundi ang mga siglo ng ministeryo ng iglesya.

Note sa tagapanguna sa klase: Maaaring maikling paghambingin at talakayin ng grupo ang dalawang pagbibigay kahulugan. Mas maraming impormasyon tungkol sa paksang ito ang tatalakayin sa leksiyon tungkol sa tribulation.

Ang prediksiyon sa kabanatang ito ay para sa malayong hinaharap pa (1).

Ipinaliwanag ng anghel na ang sagot mula sa Diyos ay naaantala dahil sa paglaban ng mga masasamang espiritu.

Mayroong mga buktot na anghel na tinatawag na Prinsipe ng Persia (13) at ang Prinsipe ng Grecia (20). Si Michael ang anghel na nagtatanggol sa Israel (13, 12:1)

► Dapat basahin ng isang mag-aaral ang Daniel 11:1-4 para sa grupo.

Ang talata 2 ay tinupad ni Xerxes, ang ikaapat na haring Persiano ng kanyang dinastiya. Siya ay isang lubhang mayamang hari na pinagkaisa ang mga pwersa laban sa Greece noong 480 B.C. subali’t natalo sa digmaan. Siya ang hari na tinawag na Ahasuerus sa aklat ni Ester.

[1]Maaaring tumukoy ang talata 3-4 kay Alexander the Great ng Greece. Hindi niya nilabanan si Xerxes subali’t tinalo niya ang mga sumunod na haring Persiano. Ang kaharian ay hinati sa kanyang apat na heneral pagkatapos ng kanyang kamatayan, sa halip na ibigay sa kanyang kamag-anak.

Inilalarawan ng kabanata ang iba’t-ibang di pagkakasundo sa mga hari. Marami sa mga propesiyang iyon ay natupad sa sinaunang panahon. Hindi natin kinakailangang bigyang kahulugan ang lahat ng detalye sa kabanata.

► Sama-samang tingnan ang talata 31.

Binabanggit ng talata 31 ang karumal-dumal na ilalagay sa templo, marahil ay isang dios-diosan. Ang talata 21-45 ay tungkol sa hari na maglalagay ng karumal-dumal. Karamihan sa talatang ito ay tinupad ni Antiochus Epiphanes, subali’t ang Antichrist ay maaaring ang ultimong katuparan ng mga detalye sa talata 31 at 36-39 (Mateo 24:15). Hindi susunod ang haring ito sa anumang nakatatag na relihiyon subalit itataas ang kanyang sarili na mas mataas sa lahat ng dios. Hindi siya magkakaroon ng mga babae, dahil tila mas mataas pa siya sa sangkatauhan. Sasamba siya sa isang dios ng kapangyarihan na hindi pinaglingkuran ng kanyang mga ninuno.

► Dapat basahin ng isang mag-aaral ang Daniel 12 para sa grupo.

Tiyak na tumutukoy ang mga propesiyang ito sa mga huling araw. Binabanggit ng talata 2 ang muling pagkabuhay ng mga patay. Binabanggit ng talata 3 ang walang hanggang kaluwalhatian.

Ang mga paghahati sa panahon na tinataya sa 3 ½ taon ay binanggit na may kaugnayan sa karumaldumal na pagkawasak (7 at 11).

Sinasabing nakaselyo hanggang sa wakas ang mga propesiya sa aklat ni Daniel (4, 9) na nagpapahiwatig na ang mga ito ay hindi lubusang mauunawaan hanggang sa maging malapit na ang mga pangyayari sa predisyon. Maging si Daniel mismo ay nagsabi na hindi niya nauunawaan ang lahat (8).

Sa panahon ng mga pangyayaring ito maraming tao ang susubukin at dadalisayin, habang ang mga buktot ay magpapatuloy sa kabuktutan (10).

Naghahayag ang talata 10 ng layunin ng eschatology: hindi mauunawaan ng mga buktot ang nangyayari, subali’t mauunawaan ng matatalino. Makikita ng mga nakaaalam sa Salita ng Diyos ang katuparan ng mga propesiya at magpalalakas sa kanilang pananampalataya.

► Kung ikaw ay nabubuhay sa panahon na natutupad ang mga propesiyang ito, ano ang pagkakaiba na magagawa nito sa iyo na malaman ang tungkol sa mga propesiyang ito?

(1) Mga Isusulat na Takdang-aralin: Maikling isulat kung ano ang kinakatawan ng mga sumusunod sa aklat ni Daniel: leon, oso, leopardo, lalaking tupa, kambing at ang halimaw na may sampung sungay.

(2) Takdang Araling Babasahin: Bago ang susunod na sesyon sa klase, maingat na basahin ang Pahayag 1-5.