(1) Omuyizi ajja kuba asobola okunnyonnyola:

• Omulimu omjukulu ogw’eggulu.

• Ebisaanyizo bye ggulu ebiragibwa mu byawandiikibwa.

• Ebisaanyizo eby’ekibonerezo eky’olubeerera ebiragibwa mu byawandiikibwa.

• Ebimu ku by’okulabirako eby’eddiini ezitakkiriza ekibonerezo eky’olubeerwra nti gye kiri.

• Obw’enkanya obw’ekibonerezo eky’olubeerera.

• Ekiwandiiko ky’ebikkiririzibwamu mu Bukristaayo ku magenda ag’olubeerera.

(2) Omuyizi ajja kujjukira nti ebikolwa ebimu ebibivaamu bya lubeerera ebitasobola kukyusibwa.

► Musomere wamu Okubikkulirwa 21. Ebyawandiikibwa bino bitugamba ki ku by’omu maaso ebya bakkiriza?

Ebitonde byonna bibeerawo olw’ekitiibwa kya Katonda, naye Eggulu yentabiro y’ensi zonna, Katonda mwasiinzizibwa ku mutendera ogwa waggulu ennyo ebitonde bye yatonda mu kifaananyi kye. (Soma Okubikkulirwa 5:11-14.) Ekitiibwa kya Katonda kijja kubikkulirwa mu ggulu mukutuukirira okwenkanidde awookuba kye kigenda okubeera omusana gwe kibuga (Okubikkulirwa 21:23). Kye kifo kye tugenda okumanyiramu Katonda okumulaba maaso namaaso (Okubikkulirwa 22:4).

Mu ggulu, abakkiriza bafuna ookumatira mu bujuvu n’okkunyumirwa okusinza Katonda. Zabbuli 16: 11 agamba “Gy'oli waliyo essanyu erijjuvu. Mu Mukono gwo ogwaddyo mwemuli ebisanyusa emirembe n'emirembe.” Kisaanidde nti okusanyuka n’okusinza. Katonda yatutonda mu kifaananyi kye, tusobole okutegeera ekikula kye ekimala tubeere nga tumusinza olw’ekyo kyali. Ebirowoozo byaffe, obusobozi obw’okwagala, namagezi bituweebwa okusobola okusinza Katonda.

Yesu yakola Okwogera kuno eri abayigirizwa be:

Omutima gwammwe tegweraliikiriranga: mukkirize Katonda, era nange munzikirize. Mu nnyumba ya Kitange mulimu ebifo bingi eby'okubeeramu. Singa tekiri bwe kityo, nandibagambye; kubanga ŋŋenda okubateekerateekera ekifo. Era oba nga ŋŋenda okubateekerateekera ekifo, ndikomawo nate ne mbatwala gye ndi; nze gye ndi, nammwe mubeere eyo (Yokaana 14:1-3).

Ebigambo bya Yesu bitulaga ebimu kibikwata ku ggulu. Ekintu ekisinga obukulu kiri nti eggulu ge maka ga Katonda. Yesu yagayita ennyumba ya Kitange. Ekintu ekiralala ekikulu kiri nti tusobola olunaku olumu okubeera naye eyo.

Ekisuubizo kye ggulu kirina okuluŋŋamya engeri gyetubeeramu ku nsi. Omuntu abeerawo ku by’omuwendo ebitaggwawo be bejja okusinga okukola obulungi ku nsi. Omuntu asuubira okufuna empeera ey’eggulu alina ekimusikiriza okugumira ebizibu n’okufuba okukola okwagala kwa Katonda. Yesu agamba oyo ayigganyizibwa nti, “Musanyuke, mujaguze nnyo: kubanga empeera yammwe nnene mu ggulu” (Matayo 5:12).

Ebisaanyizo Ebyeggulu

► Biki ebimu ku bye tumanyi ebikwata ku ggulu?

[1]Ebiseera ebimu abantu tebasobola kugula maka ge baagala, oba basobola okulemw okufuula amaka ekyo kye baagala gabeere. Naye Katonda alina amaanyi agatakoma ne bintu, awo tumanya nti amaka ge gali ekyo kyayagalira ddala gabeere. Olw’ekyo, Eggulu lituukiridde ddala nekikula kya Katoda.

Mu ggulu tejja kubeerayo kibi. Abali mu ggulu bonna, bamalayika oba ebitonde ebirala, bijja kubeera bitukuvu ddala. (Soma Okubikkulirwa 21:8, 27.)

Egulu terijja kubeeramu kintu kyonna ekireetebwa mu ekibi, nga mwotwalidde obulumi, ennaku, entalo, n’akabi. (Soma Okubikkulirwa 21:4.) Tewajja kubeerawo kikolimo nate ku bitonde, endwadde, okukaddiwa, n’okufa. (Soma Okubikkulirwa 22:3.)

Obulungi bwe ggulu busukka ku kye tusobola okunnyonnyola. Ebituweereddwa ku ggulu mulimu bugwe owamayinja ga yasepi, emiryango egya luulu, emisinga gyakolebwa amayinja ag’omuwendo omungi, ne nguudo eza zaabu. (Soma Okubikkulirwa 21:18-21.)

Ani era Ddi?

Eggulu litegekeddwa abo abeenenya ebibi ne bakkiriza mu Yesu Kristo nga Omulokozi era Mukama (Yokaana 3:16). Baibuli etugamaba nti bwe tutambulira mu bintu eby’omuwendo ogubeerera, tusobola okutereka mu ky’obugagga ekibeerera era eky’omu ggulu. (Soma Matayo 6:20.) Eggulu lijjuddemu obukadde n’obukadde bwa bantu abanunule ne bamalayika (Okubikkulirwa 5:8-11).

Omuntu agenda ddi mu ggulu? Yesu yagamba omubbi eyali ku musalaba nti bajja kubeera bonna mu lusuku olunaku olwo (Lukka 23:43). Pawulo yagamaba nti obutabaawo mu mubiri kwe kubeera ne Katonda (2 Abakkolinso 5:8). Olw’ekyo, tumanyi nti omukkiriza agenda mu ggulu ekiseera mwafiira. Abakkiriza abaliba abalamu mu kudda kwa Yesu bajja kugenda mu ggulu nga tebayise mu kufa. (Soma 1 Abakkolinso 15:51-52; 1 Abasessaloniika 4:13-18.)

Ebibonerezo ku nsi bitera okukoma mu kiseera kyabyo, wadde mu kiseera eky’okufa eky’oyo abonerezebwa. Naye Yesu yannnyonnyola ekibonerezo eky’olubeerera. Yagamba nti,

Muveewo we ndi, mmwe abaakolimirwa, mugende mu muliro ogutaggwaawo ogwateekerwateekerwa Setaani ne bamalayika be.…Olwo abo baligenda ne baweebwa ekibonerezo ekitaggwaawo; naye abatuukirivu baligenda mu bulamu obutaggwaawo (Matayo 25:41, 46).

Yesu nabatume baakakasa nti geyeena, ennyanja ey’omuliro, era ekibonerezo eky’olubeerera weri. Yesu byatulabula okwewala ekifo kino eky’entiisa ennyo. Bino bye bigambo Yesu nabatume bye baayogera.

Bwe kityo bwe kiriba ku nkomerero y'ensi, bamalayika balijja, balyawulamu abantu ababi mu batuukirivu, balibasuula mu kikoomi eky'omuliro; mwe muliba okukaaba amaziga n'okulumwa obujiji (Matayo 13:49-50).

Nga ayogera eri Abafalisaayo, Yesu yagamba nti “Mmwe emisota, abaana b'embalasaasa, mulidduka mutya omusango ogwa Ggeyeena?” (Matayo 23:33).

Omulundi omulala Yesu bwe yali ayogera eri Abafalisaayo, yannyonnyola nti okubonyaabonyezebwa kw’omuntu eyafa nagenda emagombe:

Ng'ali mu kulumizibwa kungi emagombe, n'ayimusa amaaso ge n'alengera Ibulayimu ng'ali wala, ne Laazaalo ng'ali mu kifuba kye. N'ayogerera waggulu n'agamba nti, “Kitange Ibulayimu, nsaasira, otume Laazaalo, annyike ensonda y'olunwe lwe mu mazzi, awozeewoze olulimi lwange; kubanga ndi mu bulumi bungi mu muliro guno” (Lukka 16:23-24).

Omutume yawandiika nti Yesu ajja kubeera

…mu kubikkulibwa kwa Mukama waffe Yesu okuva mu ggulu awamu ne bamalayika be ab'obuyinza mu muliro ogwaka. Aliwalana eggwanga ku abo abatamanyi Katonda, n'abo abatagondera njiri ya Mukama waffe Yesu. Balibonerezebwa, n'okuzikirira okw'emirembe n'emirembe, n'okugobebwa okuva mu maaso ga Mukama waffe ne mu kitiibwa ky'amaanyi ge (2 Abasessaloniika 1:7-9).

Peetero awandiika nti

Kuba oba nga Katonda teyasonyiwa bamalayika bwe baayonoona, naye n'abasuula mu lukonko n'abawaayo eri obunnya obw'ekizikiza, okubategekera omusango… (2 Peetero 2:4).

Yokaana ye awandiika

Ne Setaani eyabalimbanga n'asuulibwa mu nnyanja ey'omuliro ne salufa, era omuli ensolo ne nnabbi ow'obulimba; era banaabonyaabonyezebwanga emisana n'ekiro emirembe n'emirembe… Era omuntu yenna eyasangibwa ng'erinnya lye teriwandiikiddwa mu kitabo eky'obulamu, n'asuulibwa mu nnyanja ey'omuliro (Okubikkulirwa 20:10, 15).

Wetegereze bigambo bya ngeri ki ebikozesebwa okunnyonnyola ekifo kino: Omuliro, Okubonyaabonya, okuwoolera eggwanga, okuzikiriza, ekizikiza, enjegere, okusala omusango, okukaaba, n’okuluma obugigi.

Yesu yagamba nti

Singa eriiso lyo eryaddyo likwesittaza, liggyeemu, olisuule wala; kubanga kye kisinga obulungi ekitundu kyo ekimu kizikirire, okusinga omubirigwo gwonna lwegulisuulibwa mu muliro gwa Ggeyeena. Era singa omukono gwo ogwaddyo gukwesittaza, gutemeko, ogusuulewala; kubanga kye kisinga obulungi ekitundu kyo ekimu kizikirire, okusinga omubiri gwo gwonna lwe gulisuulibwa mu muliro gwa Ggeyeena (Matayo 5:29-30).

Yesu ygamba nti kyandibadde kirungi okujjamu eriiso lyo eryaddyo n’okutemako omukono gwo ogwaddyo okusinga okusuulibwa mu ggeyeena namaaso gombi oba emikono gyombi. Yesu yali takubiriza bantu kusalako bitundu bya mibiri gyabwe, naye okukomya ekikolwa kyonna ekisobola okututwala okukola ekibi oba okugenda mu ggeyeena, si nsonga oba kirabika nga kya muwendo nnyo ku nsi.

► Ddiini ki ezimu eziyigiriza mu bukyamu ku geyeena?

Baibyuli etuyigiriza nti okufa kukomya ekiseera ky’omuntu eky’ekisa, era ggeyeena (1) yalubeerera, (2) tesobola kuvaawo, era (3) etulugunya. Amazima ga Baibuli gano abatakkiririza mu Katonda bagagaana bagamba nti tewali kibeerawo oluvannyuma lw’okufa, era aba Yakuwa, aba Momoni, n’aba Yunivaso abagamba nti tewali ggeyeena. Okuba nti okufa kukomya ekisa kya Katonda eri omuntu kigaanibwa Abakatoloki abakkiriza nti embeera y’omuntu esobola okuterezebwa oluvannyuma lw’okufa.

Waliwo abo abagaana okubeerawo kwa ggeyeena kubanga bakitwala obutabeera kya bwenkanya. Bagamba n ti oba nga ekibi kyaliwo mu kiseera ekigere, si kya bwenkanya ekibonerezo okubeera eky’olubeerera. Omutuukirivu Augustine ku kino yayanukula ne ky’okulabirako ekyamateeka. Singa obubbi bubeerawo mu ddakiika ntono, omubbi yandiweereddwa ekibonerezo kya ddakiika ntono? Obutemu obubeerawo mu kaseera katono bukola ekitasoboka kuzzibwawo. Mu byawandiikibwa, tulaba nti ekibi ekikolebwa ku Katonda ataggwawo ow’olubeerera kivaamu ekibonerezo ekitaggwawo, wadde nga kyakolebwa mu kaseera katono mu bulamu.

► Lwaki ggeyeena yalubeerera?

Ggeyeena yalubeera kubanga

1. Ekibi kikolebwa ku Katonda atakoma.

2. Abonoonyi abateenenya balemesa Katonda okuweereza okw’olubeerera kwe bamubanja.

3. Tuli bantu ab’olubeerera abatalina kifo kirala wakulaga bwe tusalawo okwawukana ku Katonda.

Ku nsi, twagala okuba nga tusobola okukyusa okusalawo kwaffe. Kirabika nga ekiruma ennyookusalawo kwaffe okuvaamu eby’olubeerera. Twagala okulowooza nti wabeewo omukisa omulala gye buggya, wadde nga tukola okusalawo okwa ddala. Naye si kugamba nti tekisoboka Katonda okufuula ekiseera eky’okugezesebwa eky’obulamu bwaffe bwonna.

[1]Abamu bagaana okukkiriza kubanga bewuunya engeri Katonda ow’okwagala gyasobola okusindika omuntu mu kifo eky’obulumi bwe kityo nga ennyiriri zino bwe zinnyonnyola. We must keep in mind that God does not want Tuteekwa okukiteeka mu ndowooza yaffe nti Katonda tayagala muntu yenna kubula naye ayagala buli omu okwenenya olw’obulokozi. Baibuli kinon ekyogerako mu bifo eby’enjawulo. (Soma 2 Peetero 3:9; 1 Timoseewo 2:4; Ebikolwa by’Abatume 17:30.) Abo abagenda mu ggeyeena baakola okusalawo okubateeka mu kifo kino eky’entiisa. Tewali muntu yenna agenda mu ggeyeena mu butanwa. Abo abagendayo baasalawo ekifo kino nga bagaana Katonda, obutuukirivu, n’obulokozi.

Okuva ng abwe kiri nti ebirungi byonna biva wa Katonda, okugaana Katonda kiba kugaana byona ebirungi. Akasirise, obukuumi eri okutya n’obulumi, ne kifo ekirungi byonna bintu birungi ebituweebwa Katonda yekka. Okwawukanira ddala ku Katonda kitegeeza okubulwa buli kintu kyonna ekirungi, era ekyo ye ggeyeena.

Katonda yebale olw’okuyita mu mulimu gwa Yesu Kristo ogw’okutangirira, okwagala kwe kutusobozesa okudduka obusungu obugenda okujja (1 Abasessaloniika 1:10). Mu kifo ky’okulumwa okwa ggeyeena, tusobola okugabana essanyu ery’obulokozi ne byewuunyisa eby’omu ggulu. Tulondawo eggulu okuba amagenda gaffe bwe tulondawo okwenenyeza Katonda n’okukkiriza mu Mukama waffe Yesu Kristo (Abafiripi 3:20, Ebikolwaby’Abatume 20:21).

Mu bulamu obw’ensi, okusalawo okusinga kubeera nga okutali kwa nkomeredde. Bwe wabeerawo ebiseera ebimala, ensobi nnyingi zisobola okutereezebwa. Tuteekwa okujjukira nti okusalawo okusinga obungi kulina ebivaamu nga bya lubeerera. Tetumanyi ddi lwe tulifa, ekiseera kyaffe eky’ekisa okuba nga kiggwako. Oluva lw’okufa tetujja kusobola kukyusa bikolwa ebyakosa amagenda gaffe ag’olubeerera oba ebikolwa ebyaleetera abalala okukola okusalawo ng abwe baasalawo.

► Musomere wamu Ekiwandiiko ky’ebikkiririzibwamu wakiri emirundi ebiri.

Buli muntu ajja kubeerawo lubeerera oba mu ggulu oba mu ggeyeena. Eggulu Katonda gyabeera abakkiriza gye balibeera naye, nga bamiusinza mu ssanyu. Mu ggulu teri kibi, wadde okubonaabona kwonna okuva mu kibi. Ggeyeena yalubeerera, tesobola kuvaawo, era kifo kyakubonaabona eri abo bonna abataalokolebwa Kristo okuva mu bibi byabwe. Ggeyeena kye kifo eky’ekibonerezo eky’obwenkanya eky’ekibi ekigenderere ku Katonda ataggwawo.

(1) Ebyawandiikibwa Ebiweereddwa Okusoma: Buli muyizi ajja kuweebwa ekimu ku byawandiikibwa bino wammanga. Nga okuyiga okuddako tekunnabaawo, oteekwa okusoma ebyawandiikibwa era owaandiike ku kyebyogera ku ky’okuyiga ku ssomo lino.

• Isaaya 5:11-16

• Matayo 5:27-30

• Lukka 16:19-31

• Okubikkulirwa 22:1-5

• Okubikkulirwa 22:10-17

(2) Ekigezo: Ojja kutandika okusoma okuddako n’okugezesebwa kussomo 13. Yiga n’obwegendereza ebibuuzo eby’ekigezo nga weteekateeka.

(3) Ebiweereddwa Okuyigiriza: Jjukira okutegeka n’okuwa lipoota ku byoyigiriza wabweru w’ekibiina.

(1) Kintu ki ekikolebwa mu ggulu ekikulu?

(2) Kola olukalala lwa bintu bina ebitajja kubeerayo mu ggulu.

(3) Ani aligenda mu ggulu?

(4) Abakkiriza bagenda ddi mu ggulu?

(5) Bintu ki ebisatu Baibuli bye tubuulira ku geyeena?

(6) Yesu yategeeza ki bwe yagamba nti omuntu alina okutemako omukono gwe? (Matayo 5:30).

(7) Kola olukalala lwa nsonga ssatu lwaki ggeyeena yalubeerera.