(1) Omuyizi ajja kuba asobola okunnyonnyola:

• Baibuli engeri gyekozesaamu ekigambo obutukuvu.

• Obutukuvu bwa Katonda nga ensibuko y’obutukuvu obwa Bakristaayo.

• Omugaso gw’obutukuvu mu kusinza n’okubeera ne nkolagana ne Katonda.

• Eby’okulabirako bya Baibuli mu bisisinkanibwa mu kutukuzibwa mu kukkiriza.

• Ebikolebwa okukula mu Mwoyo.

• Ekiwandiiko ky’ebikkiririzibwamu mu Bukristaayo ku butukuvu.

(2) Omuyizi ajja kubeera n’okukkiriza nti ekisa kya Katonda kijja kumufuula mutukuvu mu nsi eno.

Ekigambo eky’Olwebbulaniya ekyakyusibwa obutukuvu oba okutukuzibwa kirabikira mu Ndagaano Enkadde emirundi egisoba mu 600. Ekigambo Obutukuvu, mu nnimi zombi olw’Ebbulaniya n’Oluyonaani bitegeeza okwawulibwa olw’ekigendererwa. Ekintu ekitukuziddwa kiba kyawuliddwakungeri gyekibadde kikozesebwamu olw’ekigendererwa ekiggya. Wetegereze ebbintuebiwerakoebyali biweereddwayo nga bitwalibwa okubeera ebitukuvu mu Ndagaano Enkadde:

• Ettaka ettukuvu. Katonda yayawula ekifo aw’okusisinkana Musa (Okuva 3:5).

• Weema entukuvu ne Yeekaalu. Ebintu bingi ebitukuvu byali byekuusa ku Weemane Yeekaalu, nga mwotwalidde ne ngoye za kabona (Eby’Abaleevi 16:32), omugaati (Okuva 29:34), ebikozesebwa mu Yeekaalu ne Weema (Okuva 40:9). Bino byayawulibwanga olw’okusinza Katonda.

• Ennaku Entukuvu. Olunaku lwa Ssabiiti lwa yawulibwa nga lutukuvu (Olubereberye 2:3; Okuva 20:8). Ennaku endala eza Bayudaaya ez’okuwummula nga Olunaku Olw’okutangiririrako nazo zaali za njawulo (Eby’Abaleevi 23:26-29). Ennaku zino zayawulibwanga okuwummulirako n’okwebuulirira n’okusinza.

• Katonda Omutukuvu. Eky’okulabirako ekisingira ddala mu Baibuli eky’obutukuvu ye Katonda yennyini. Buli kintu ekikwata ku Katonda kitukuvu. Erinnya lye ttukuvu (Eby’Abaleevi 22:2); ebigambo bye bitukuvu (Yeremiya 23:9); amakubo ge matukuvu (Zabbuli 77:13). Obutukuvu kitegeeza nti Katonda ayawuliddwa ddala ku kintu kyonna ekibi, ekitali kirongoofu, ekyawamu, ekyabulijjo oba ekitasaanidde ekitali kirungi nga Katonda omuntu ne kifo kye.

Mu Ndagaano Empya Yesu ayogerwako nga omutukuvu (Yokaana 17:19; Ebikolwa by’Abatume 4:27, 30) atalina kibi (2 Abakkolinso 5:21). Bamalayika (Makko 8:38) n’Abatume ne bannabbi (Abaefeso 3:5) bannyonnyolwako nga abatukuvu. Bano bonna baayawulibwa olw’ekigendererwa eky’enjawulo.

Baibuli eyita abantu ba Katonda okubeera abatukuvu (Eby’Abaleevi 11:44-45; 1 Abakkolinso 1:2; 1 Peetero 1:15-16). Essomo lino lijja kunnyonnyola obutukuvu Katonda bwatusuubiramu.

► Musomere wamu Zabbuli 119:33-40. Ebyawandiikibwa bino bitugamba ki ku bikwata ku ngeri Katonda gyakyusaamu omukkiriza?

Katonda bwatandika okweraga abantu, ekigendererwa kye ekisooka kyali kulaga yali Katonda wa ngeri ki. Katonda yeyogerako nga omutukuvu. Isaaya yateranga okwogera ku Katonda nga “Omutukuvu wa Isiraeri.”

Obutukuvu bwa Katonda gwe gwali omulamwa gw’okusinza:

Batendereze erinnya lyo ekkulu era ery'entiisa. Ye ye mutukuvu. Mumugulumizenga Mukama Katonda waffe, Era musinzizenga ku ntebe ye w'ateeka ebigere bye! Ye yemutukuvu! (Zabbuli 99:3, 5).

Obutukuvu bwa Katonda kwasinziira okwagala omuntu okubeera omutukuvu. Olw’okuba nga ye mutukuvu, ayita abamusinza okubeera abatukuvu. yagamba, “Munaabanga batukuvu; kubanga nze ndi mutukuvu” (Eby’Abaleevi 11:44-45, Eby’Abaleevi 19:2, Eby’Abaleevi 20:26, Eby’Abaleevi 21:8).

Katonda wa Isiraeri yali wa njawulo ku ba katonda ab’obulimba aba bamawanga era yali ayagala okusinzibwa mu ngeri ey’enjawulo.

Ani alirinnya ku lusozi lwa Mukama? Era ani aliyimirira mu kifo kye ekitukuvu? Oyo akola ebirungi, era ow'omutima omulongoofu. Atayimusanga mmeeme ye eri ebitaliimu, So teyalayiranga bya bulimba (Zabbuli 24:3-4).

Ekibuuzo wano kiri nti, “Kusinza kwani Katonda kwa kkiriza?” Si buli omu nti akkirizibwa okusinza Katonda. Abasinza Katonda bateekwa kubeera batukuvu.

Okusinza Katonda kwasuubira si kwa mikolo bukolo oba okwefaananyiriza; kubeera kwa butukuvu ddala. Omutindo gw’obutuukirivu ogwabo abasinza Katonda guddiŋŋanibwa mu Ndagaano Empya:

Naye ng'oyo eyabayita bw'ali omutukuvu era nammwe mubeerenga batukuvu mu mpisa zonna. Kubanga kyawandiikibwa nti, “Munaabanga batukuvu; kubanga nze ndi mutukuvu” (1 Peetero 1:15-16).

Enneeyisa kyogera ku mpisa n’omuntu bwe yeyisaamu mu bulamu bwe bwonna. Katonda tagamba nti abamusinza babeere batukuvu ba mikolo bukolo, oba nti bayitibwe batukuvu nga ddala si batukuvu. Asuubira abamusinza okutambulira mu bulamu obutukuvu.

► Nsonga ki ezimu ezireetera obutukuvu okukwatagana n’okusinza?

Obutukuvu bukulu eri okusinza kubanga

1. Twagala Katonda era twagala okubeera nga ye. Okusinza Katonda kwe kulaba nti ye muntu asinga okubeera nga wa kitalo eyakabeerawo n’okumugulumiza nga bwali. Okusinza kwe ikusiima ebisaanyizo bye kikula kye. Ekikula kya Katonda kiri nti mutukuvu, kati bwetuba tugulumiriza ddala ekikula kya Katonda, tujja kukyawa ekibi n’obutali bulongoofu, ne bwetuba nga tubwerabamu.

2. Twagala Katonda era twagala okumusanyusa. Katonda kyatwagaza tekitwewuunyisa bwe tuba tutegeera okusinza ddala kye kuli. Tetumusinza lwakumutya. Tetumusinza lwakuba nti atuwa omukisa. Tumusinza lwa kumwagala.

Baibuli ekozesa ekigambo okutukuzibwa okwogera ku kiki ekyatuukawo mu bulamu bw’omukkiriza. Pawulo yawandiika “Eri ekkanisa ya Katonda eri mu Kkolinso, eri abo abaatukuzibwa mu Kristo Yesu, abaayitibwa okuba abatukuvu” (1 Abakkolinso 1:2). Pawulo yawandiika, “…era mwanaazibwa, era mwatukuzibwa, era mwaweebwa obutuukirivu olw'erinnya lya Mukama waffe Yesu Kristo, n'olw'Omwoyo gwa Katonda waffe” (1 Abakkolinso 6:11). Abakkolinso baali baamala okutukuzibwa wadde nga baali tebannakula mu mwoyo era baali bakyali bantu bamubiri, nga abato mu Kristo (1 Abakkolinso 3:1).

Ekigambo kutukuza, bwe kiba kikwata ku Abakkolinso bano, kikozesebwa mu makulu agasinga okuba agawamu. Baali bayitiddwa okuva mu kibi mu nsi era baali baawuliddwa eri Katonda. Ddala baali si bakulu mu kutukuzibwa, naye baali baawuliddwa ku bulamu obukadde era kati baali bamu maka ga Katonda.

Bwe tusisinkana Katonda omulundi ogusooka, ekibi kye kiziyiza eri enkolagana yaffe naye. Eyo yensonga lwaki enkolagana yaffe ne Katonda tesobola kubeerawo okutuusa nga twenenyezza, ne tusonyiyibwa, tuweebwa omutima omuggya.

[1]Mu kiseera kye kimu kye tutabanganamu ne Katonda, tukyusibwa (Tito 3:5). Mu Mwoyo, tufuulibwa bitonde biggya. Tununulibwa okuva mu maanyi ge kibi era twagala okusanyusa Katonda. Obutukuvu bw’Obukristaayo butandika omuntu bwalokoka.

Baibuli etuyigiriza nti obulokozi amangu ddala butusindika mu bulamu obutukuvu. Ekisa kya Katonda ekireeta obulokozi kituyigiriza tulyoke tubeerenga abateefu, abatuukirivu, era abatya Katonda mu nsi eno (Tito 2:11-12). Ekigendererwa ky’obulokozi kwe kutujja mu kibi okutufuula abatukuvu, tusobole okubeera mu nkolagana ne Katonda (Lukka 1:74-75, Abaruumi 6:2, 11-16).

Nga tuli mu nkolagana ne Katonda, tweyongera okukula mu butukuvu nga bwe tweyongera okutegera mazima. Okutambuliramu musana kitegeeza okugenda mu maaso n’okugondera Katonda nga bwe tweyongera okuyiga amazima ge (1 Yokaana 1:7). Bwe tugenda tweyongera okutegeera okusingawo ekisanyusa Katonda ne kitamusanyusa, tukyusibwa namazima ge namaanyi ag’Omwoyo Omutukuvu.

Omuntu ayagala Katonda ajja kwagala okubeera omutukuvu ddala. Tayagala kukyusa bikolwa bye byokka. Ayagala ebirowoozo bye okubeerera ddala ebirongoofu. Dawudi yasaba asobole okubeera mu bulamu obw’obuwanguzi ku kibi, ate n’asaba nti ebigambo bye n’okufuumitiriza kw’omutima gwe kubeere nga kusanyusa Katonda. (Zabbuli 19:12-14. laba ne Zabbuli 119:7, 34, 36, 69, 80, ne 112.)

Entambula yonna ey’okukula mu mwoyo eyitibwa kutukuzibwa. Okutukuzibwa kubeerawo mu bulamu bw’omuntu bwonna okugenda nga weyongera okweyawula ku kibi ne nsi, n’okweyongera okwewaayo eri Katonda. Kino kiragibwa Pawulo nga alabula obuteefaananyiriza ngemirembe gino n’okuwagira kwe “mukyusibwenga [kugenda mu maaso] olw'okufuula amagezi gammwe amaggya” (Abaruumi 12:2). Okweyawula ku nsi n’okukyusa endowooza si tubiyitamu ne bimalirizibwa mu biseera ebyenkalakkalira mu bulamu Obukristaayo. Omukkiriza asisinkana bulijjo okukulanga atambula ne Mukama waffe. Bino byonna mwe biri mu kigambo okutukuzibwa.

Obugwenyufu Obusikire kwe kwonooneka kw’empisa z’omuntu mu butonde ekimuleetera okwewunzikira ekibi ouva mu kuzaalibwa. Abayize ennyo ku bikwata ku Katonda bakiyita “ekibi ekisikire,” kubanga bwe bubi bwaffe mu butonde bwe tuzaalibwa nabwo olw’ekibi kya Adamu.

Buli muntu azaalibwa n’okusalawo nga yerowoozaako nga yewunzikidde ekibi. Okwagalasi kwaddembe kusalawo kituufu okujjako Katonda nga atuwadde okwagala namaanyi (Abaruumi 6:16-17). Obugwenyufu obusikire kireeta ebibi eby’omunda nga amalala, obuggya, obukyayi, n’obutasonyiwa. Era kireeta ne bikolwa eby’ekibi.

► Oluvannyuma lw’omuntu okulokoka, aba akyalina obugwenyufu obusikire?

Omuntu omulokole aba takyali mu bufuge bwa obugwenyufu obusikire. Singa yali akyali mu bufuge bwakyo, yandibadde akyabeera mu kibi era nga si mulokole. Baibuli etugamba nti omuntu afugibwa endowooza ey’omubiri yasalirwa dda omusango (Abaruumi 8:6-8, 13). Omuntu eyalokoka tali wansi w’obufuge bwa obugwenyufu obusikire era asobola okubeerawo mu buwanguzi ku kibi mu maanyi og’Omwoyo Omutukuvu (Abaruumi 8:1, 9, 13).

Wabula, omuntu eyalokoka akyakolebwako obugwenyufu obusikire mu ye okutuusa nga anaaziddwa. Pawulo yagamba abakkiriza abe Kkolinso nti baali bakyali ba mubiri era baalina endowooza nga eyabantu b’ensi, wadde nga baali baalokoka. (Soma 1 Abakkolinso 3:1-3.) Era yategeeza nti nti kyali bulijjo eri Omukristaayo omuggya okusigala mu mbeera eyo. Yagamba nti okubeera mu mubiri kwe kubeera omuwere mu Kristo.

Omukkiriza mu mbeera eno ayagala Katonda, naye tasobola kwagala Katonda na mutima gwe gwonna, emmeeme ye, namagezi ge, namaanyi (Matayo 22:37v). Tasobola kugamba, nga Pawulo, nti alina endowooza emu ya kugoberera okuyitibwa kwa Katonda (Abafiripi 3:13-15). Amanyi nti ebimu omutima gwe bye gwogerako tebikkirizibwa Katonda (Zabbuli 19:14).

Katonda tatuleka mu mbeera eno. Ne mu biseera ebyedda Katonda yasuubiza Isiraeri nti ajja kukola omulimu ogw’ekisa ogujja okubasobozesa okumwagala n’omutima gwabwe gwonna. (Soma Ekyamateeka Olwokubiri 30:6.)

[1]Dawudi yasaba omulimu ogw’ekisa ogwali gusukka ku kusonyiyibwa. Yali agudde mu kibi era nga ategedde nti kino kyabaawo olw’ekizibu ekyali mu mutimma gwe. Yamanya nti ekibi kyali mu butonde bwe, naye nakkiriza nti Katonda yamwagala kubeerera ddala mutukuvu. Yasaba anaazibwe mu bujjuvu. (Soma Zabbuli 51:5-10.)

Abakkiriza mu Ndagaano Empya bayitibwa ku mukolo ogw’enjawulo oluvannyuma lw’okukyuka. Abakkiriza abe Ssessaloniika baali kyakulabirako kirungi nnyo ekya Bakkiriza abaali bakkirizza enjiri, ne baleka okusiinza ebifaananyi, ne bagumira okuyigganyizibwa, nga balina essanyu mu Mwoyo Omutuku, nga balindirira okudda kwa Yesu (1 Abasessaloniika 1:6-10). Kyokka waliwo ekyali kikyababulako mu kukkiriza kwabwe. Tekyali kintu ekisobola okuweebwa mu kiseera ekiwanvu oba mu kufa, kubanga Pawulo yagamba nti kisobola okubatuukako nga bakyalidde. (Soma 1 Abasessaloniika 3:10.) Yasaba bwati:

Era Katonda ow'emirembe yennyini abatukulize ddala; era omwoyo gwammwe n'obulamu n'omubiri byonna awamu bikuumibwenga awatali kunenyezebwa mu kujja kwa Mukama waffe Yesu Kristo. Abayita mwesigwa, n'okukola ye alikola (1 Abasessaloniika 5:23-24).

Pawulo yasaba nti Abakkiriza bano batukuzibwa era batukuzibwe. Ekiva mu ekyo kyandibadde nti abakkiriza bajja kuba nga tebaliiko kya kunenyezebwa mu mubiri, Emmeeme, ne mu mwoyo Mukama waffe bwalidda.

Abayigirizwa ba Yesu baafuna omulimu ogw’ekisa ogw’enjawulo ku Pentekooti. Tumanyi nti ekiseera ekyo baali baamala okulokoka, kubanga Yesu yagamba nti tebaali bansi, nti baali babe ne Kitaawe, era nti amannya gaabwe gaali gawandiikiddwa mu ggulu (Yokaana 15:3, Yokaana 17:14, 9-10; Lukka 10:20). Naye baali berowoozaako bokka ne bya Katonda si bye baaliko. Yesu yaddiŋananga okubatereeza olw’ebirowoozo byabwe ebibi. (Soma Makko 9:33-34; Makko 10:35-41; Lukka 9:54-55.)

Oluvannyuma lwa Yesu Okuzuukira, nga tannaba kuddayo mu ggulu, yagamba abayigirizwa be nti baali ba kubeera bajulirwa be okutuusa ensi okuggwawo. Naye nabagamba nti bateekwa okusooka oku batizibwa n'Omwoyo Omutukuvu. (Soma Lukka 24:49; Yokaana 20:22; Ebikolwa by’Abatume 1:2-5, 8.) Yali amaze okubabuulira bingi ku mulimu ogw’Omwoyo Omutukuvu, okusingira ddala mu Yokaana 14-16.

[2]Abayigirizwa bajjuzibwa Omwoyo Omutukuvu ku lunaku lwa Pentekooti (Ebikolwa by’Abatume 2:4). Okujjuzibwa kunno kwa kyusa bye baagala, bye bakulembeza, ne bikolwa. Mu byonna ebyatuukawo mu Ndagaano Empya, Abayigirizwa baalaga endowooza nga eya Yesu ne bye bakulembeza, wadde nga baali bakyalina obutakkaanya era nga bakola ensobi. Ebbaluwa ezawandiikibwa Peetero ne Yokaana ziraga obubaka bwa Kristo ne n’omutima gwe. Okujjuzibwa Omwoyo Omutukuvu kwabasobozesa okwagala Mukama Katonda waabwe ne mitima gyabwe gyonna, ne mmeeme zaabwe mmeeme zaabwe, namagezi gaabwe, namaayi gaabwe n’okwagala baliraanwa nga bwe beeyagala bokka (Matayo 22:37-39). Olw’okuba nga baali beweereddeyo ddala eri Omwoyo Omutukuvu, yabeerawo mu bo, nga bwe yabeerawo mu Kristo (Lukka 4:1, 14, 18; Ebikolwa by’Abatume 2:22).

Abasomesa Abakristaayo batera okutunuulira entambula y’okutukuzibwa, ate abalala batunuulira ekizibu ekibeerawo. Ekyaliwo ku Pentekooti n’okubatizibwa okw’Omwoyo Omutukuvu kye ky’okulabirako kya bantu abafuna mu ngeri ey’enjawulo okutukuzibwa. Okuba nti ekintu kisobola okumalirizibwa oba okutuukibwako okuyita mu kiseera kyonna kiraga nti kikolebwa buli kiseera ekigere. Kikulu okuba nti tetukugira ekyo enjiri kyesobola okukola, wadde mu kiseera akimu bwe kiti eky’okukkiriza n’okweweerayo ddala (Abaruumi 12:1-2). Ebyo byonna Yesu bye yateekawo okuyita mu kufakwe n’okuzuukira webiri eri bonna aba:

1. Abakitwala nti baafa ku kibi wamu ne Yesu (Abaruumi 6:11)

2. Abatakkiriza kibi kufugira mu mibiri gyabwe (Abaruumi 6:12)

3. Abawaayo emibiri gyabwe nga eky’okukozesa eky’obutuukirivu (Abaruumi 6:13)

Okuyita mu byafaayo byonna, Abakristaayo abamaanyi bajulira ekiseera lwe baayingira mu bulamu obw’okujjuzibwa Omwoyo ne nkolagana egenda ewala ne Katonda, nga mwotwalidde abasajja nabakazi nga John Bunyan, Hudson Taylor, Dwight L. Moody, Sammy Morris, Oswald Chambers, Frances Ridley Havergal, ne Amy Carmichael.[3]

Nga bwe kiri ekikulu nti obutakugira ekyo Katonda kyasobola okukola mu kiseera, era kikulu obuteerabira mulimu ogw’Omwoyo Omutukuvu okuyita mu mitendera. Wadde nga okutukuzibwa bwe kuti ebiseera ebimu kunnyonnyolwa nga okutuukiridde, omutendera guno tegutegeeza nti tewasobola kubeerayo kikolebwa kiralala. Okugeza, bwomala okuyiga Olufalansa tekitegeeza nti tosobola kweyongera kuyiga kwogera Lufalansa mu ngeri esingako. Abo abatukuziddwa okuyita mu kiseera kyonna baatuuka ekiseera ne bafuna okutukuzibwa kwe batafunangako. Wabula, eno si ye mbeera eyenkomeredde ey’okutuukirira. Bwe bulamu obutukuvu omukkiriza mwagenda nga yeyongera okutukuzibwa.

Baibuli ennyonnyola obulamu obw’omukkiriza akuze. Omwoyo Omutukuvu akola mu bulamu bw’omukkiriza okutumbula ebisaanyizo by’Obukristaayo. Omulimu gw’Omwoyo mulimu ekiseera eky’enjawulo eky’okunaaza oba okufukako amafuta ne mitendera emirala egigenda gibeerawo mpolampola. Omukkiriza teteekwa kumatira na bulamu obw’omwoyo obutakwatagana na kunnyonnyola kwa Baibuli okw’omukkiriza akuze mu kukkiriza.

Omuwandiisi eri Abaebbulaniya yagamba nti abamu basomi be baali bakyali nga abaana (Abaebbulaniya 5:12). Yabakuutira nti, “N'olwekyo katuleke ebyo ebisookerwako okuyigiriza Kristo, tweyongere mu kukula mu kukkiriza” (Abaebbulaniya 6:1).

Essaala zabatume eza bakkiriza zitulaga okwagala kwa Katonda gye tuli.

Okwagala

Pawuolo yasaba, “Nammwe Mukama waffe abongerengako era abasukkirizenga okwagalananga mwekka na mwekka, n'okwagalanga abantu bonna…” (1 Abasessaloniika 3:12-13). Yasabira n’Abaefeso:

Kristo atuulenga mu mitima gyammwe olw'okukkiriza; mubeerenga n'emmizi, munywezebwenga mu kwagala, mulyoke muweebwe amaanyi okukwatanga n'amagezi awamu n'abatukuvu bonna obugazi n'obuwanvu n'obugulumivu n'okugenda wansi bwe biri, n'okutegeera okwagala kwa Kristo okusinga okutegeerwa, mulyoke mujjulire ddala n'okutuukirira kwonna okwa Katonda (Abaefeso 3:17-19).

Pawulo yali asaba nti abakkiriza bano beyongere n’okunywezebwa mu kwagala. Mu 1 Abakkolinso 13, Pawulo yannyonnyola okwagala okwo bwe Kulina okufaanana mu mukkiriza akuze. Obulamu obw’okutukuzibwa kuba kwagala bwagazi Katonda n’omutima gwo gwonna, ne mmeeme yo, namagezi go, namaanyi go n’okwagala muliraanwa wo ngabwe weyagala wekka (Lukka 10:27). Eyo y’enkolagana abantu abatukuvu gye babeera nayo ne Katonda ne bantu bannaabwe.

Obutabaako kyakunenyezebwa

Pawulo yasabira Abasessaloniika, nti Katonda akuume emitima gyabwe awatali kunenyezebwa mu butukuvu (1 Abasessaloniika 3:12-13). Essuula bbiri mu maaso, yasaba, "era omwoyo gwammwe n'obulamu n'omubiri byonna awamu bikuumibwenga awatali kunenyezebwa mu kujja kwa Mukama waffe Yesu Kristo" (1 Abasessaloniika 5:23). Awatali kunenyezebwa tekitegeeza kutuukirira mu buli kintu. Omuntu ataliko kya kunenyezebwa akola ensobi naye nga alina embala ne nneeyisa byateekeddwa okuba nabyo.

Amaanyi Ag’omunda

Pawulo yasabira abakkiriza Abaefeso okunywezebwa n'amaanyi mu Mwoyo gwe mu muntu ow'omunda (Abaefeso 3:15-16). Embala ey’omunda yeyongera okuba eyamaanyi buli muntu lwe yeeyongera mu kukkiriza. Amaanyi ag’omunda bwe busobozi okukola okusalawo okutuufu n’okugaana okusalawo okukyamu.

Yesu Okutuula mu Ffe

Pawulo yagenda mu maaso nessaala ya Abaefeso ngasaba nti Yesu atuule mu mitima gyabwe (Abaefeso 3:17). Ekigambo ekyakyusibwa “okutuula” mu lunyiriri luno kitegeeza okutuulira ddala lubeerera si kaseera katono kubaako wabeera. Ekifaananyi kye kigambo kino kiraga nti Yesu ayagala okubeera naffe si kutukyalira bukyalizi. Kristo awulira bulungi n’okuba omumativu abo abagenda mu maaso n’okutambulira mu bulamu obw’omwoyo.

Okutuukirira kwa Katonda

Pawulo afundikira okusabira Abaefeso essaala nga asaba nti, “mulyoke mujjulire ddala n'okutuukirira kwonna okwa Katonda” (Abaefeso 3:14-19). Kuno kukozsa eky’okulabirako ekirabika okunnyonnyola eky’omwoyo. Kitegeeza nti Katonda ayagala okufuga mu bujjuvu ebitundu byaffe byonna, amagezi gaffe, okusalawo kwaffe, ebirowoozo byaffe, bye tukola, endowooza zetulina, bye twagala, and nengeri gye tweyisaamu mu mbeera ezibeerawo. Ku kunnyonnyola kwonna okw’obulamu obutukuvu okusangibwa mu Baibuli, kuno kuyinza okuba nga kwe kusingira ddala—okujjulira ddala okutya Katonda okuba nga tewaliwo butatya Katonda bwonna.

Ennyiriri ebbiri eziddirira zifundikira okusaba kuno:

Kale oyo ayinza okukola ennyo okusingira ddala byonna bye tusaba oba bye tulowooza, ng'amaanyi bwegali agakolera mu ffe, aweebwenga ekitiibwa mu kkanisa ne mu Kristo Yesu okutuusa emirembe n'emirembe egitaggwaawo. Amiina (Abaefeso 3:20-21).

Okumaliriza kuno kugamba nti Katonda asobola okukola okusinga okusaba kwaffe oba kye tulowooza. Pawulo tayogera ku kubera na ssente nnyingi naye obulamu obw’omwoyo. Tetuteekwa kunyooma emtendera gy’obutukuvu n’obukulu amaanyi agakolera mu ffe bye gasobola okutuyamba okutuukako.

Endagaano Empya etuwa ebikolebwa okutueri obutukuvu n’okukulatwala mu maaso eri obutukuvu n’okukula mu mwoyo.

[1]Weekuumire mu kutegeera okulungi. Pawulo agamba Timoseewo nti engeri y’okulwanamu olutalo obulungi okulaga ookubeeera mu bulamu Obukristaayo obuwanguzi), ye ng’onyweza okukkiriza n'omwoyo omulungi (1 Timoseewo1:18-19).[2]Pawulo yagamba nti, “Era nnyiikira mu kigambo ekyo okubeeranga n'omwoyo ogutalina musango eri Katonda n'eri abantu ennaku zonna” (Ebikolwa by’Abatume 24:16). Okuwuliriza okulowooza kwaffe kisobola okutuleetera okwenenya, okuliwa, okutabagana n’omuntu omulala, oba okukyusa empisa zaffe. Okubeera n’okulowooza kitegeeza nti abantu ssekinnoomu bajja kwatula ebibi era babyenenye buli lwe bategeeera nti bakoze ekibi.

Mwemalire eri Katonda. Mu kukubiriza okwamaanyi mu Abaruumi 12:1, Pawulo awandiika “Kyenvudde mbeegayirira, ab'oluganda, olw'okusaasira kwa Katonda, okuwangayo emibiri gyammwe, ssaddaaka ennamu, entukuvu, esanyusa Katonda, kwe kuweereza kwammwe okw'amagezi.” Abakkiriza Abaruumi baali bamaze okwewaayo eri Katonda bwe bakyuka. Wabula, wano Pawulo akubiriza okwewaayo eri Katonda mu bujjuvu.

Temwefaananyiriza nsi (Abaruumi 12:2). Okwefaananyiriza ensi kwe kuba nga okyusibwa nendowoooza zabantu abatakkiriza, okutuuka ku kuba nga ogabana bye batwala nga eby’omugaso n’okweyisa nga abatakkiriza bwe beeyisa. Abantu bensi bafuna okwewolereza olw’okwelowoozaako bokka n’obutabeera benkanya nga batuukiriza okwegomba kw’omubiri mu ngeri ey’okutambulira mu bibi. Omukkiriza ye wanjawulo (2 Abakkolinso 10:3-4).

Za buggya amagezi go. Pawulo agend mu maaso okukubiriza Abaruumi nga agamba nti,

…naye mukyusibwenga olw'okufuula amagezi gammwe amaggya, mulyoke mutegeere ebyo Katonda by'ayagala, ebirungi, ebisanyusa era ebituufu (Abaruumi 12:2).

Omuntu gyakomya okugaana engeri ensi gyerowoozaamu nakkiriza okulowooza okwa Katonda, gyagenda okukomya okukyusibwa.

Tambulira mu musana. Yokaana yawandiika, “Naye bwe tutambulira mu musana, nga ye bw'ali mu musana, tussa kimu fekka na fekka, n'omusaayi gwa Yesu Omwana we gutunaazaako ekibi kyonna” (1 Yokaana 1:7). Omusana kyekyogerwa okutegeeza amazima. Bwe kityo, okutambulira mu musana kitegeeza okweyongera okuyiga amazima n’okugagoberera.

Gumira okubonaabona olw’okukkiriza. Okusaba kwa Peetero mu 1 Peetero 5:10 kwogera ku kigenderwa eky’ekitiibwa eky’okuzzibwa obuggya, mu maanyi, n’okubeera omukkiriza ateredde, naye nannyonnyola engeri etasanyusa ey’okutuukayo. “Era Katondaow'ekisakyonna... bwe mulimala okubonyaabonyezebwako akaseera akatono, ye yennyini alibatuukiriza, alibanyweza, alibawa amaanyi” (1 Peetero 5:10). Okubonaabona Kulina engeri gye kulongoosaamu endowooza zaffe n’okutereeza enneeyisa yaffe. Katonda akkiriza okubonaabona okututukako okutuzimba. Tuteekwa okukukkiriza n’okugezaako okuyiga kiki Katonda kyayagala okutuyigiriza (2 Abakkolinso 12:7-10).

► Musomere wamu Ekiwandiiko ky’ebikkiririzibwamu wakiri emirundi ebiri.

Obutukuvu mu Bukristaayo butandika omwonoonyi bwe yeenenya nakyusibwa ekisa kya Katonda. Omukkiriza akulamu mwoyo nga bwe yeyongera mu kutegeera okwagala kwa Katonda n’okwongera okugonda. Okutukuzibwa mulimu gwa Katonda mwnaaliza omukkiriza namuleeta eri embala n’obulamu obutukuvu.

(1) Ebyawandiikibwa Ebiweereddwa Okusoma: Buli muyizi ajja kuweebwa ekimu ku byawandiikibwa bino wammanga. Nga okuyiga okuddako tekunnabaawo, oteekwa okusoma ebyawandiikibwa era owaandiike ku kyebyogera ku ky’okuyiga ku ssomo lino.

• Isaaya 6:1-8

• Ebikolwa by’Abatume 2:1-18

• 1 Abakkolinso 10:1-13

• 1 Abasessaloniika 5:14-24

• Tito 2:11-14

(2) Ekigezo: Ojja kutandika okusoma okuddako n’okugezesebwa kussomo 11. Yiga n’obwegendereza ebibuuzo eby’ekigezo nga weteekateeka.

(3) Ebiweereddwa Okuyigiriza: Jjukira okutegeka n’okuwa lipoota ku byoyigiriza wabweru w’ekibiina.

(1) Makulu ki ddala agali mu kigambo butukuvu?

(2) Kitegeeza ki Katonda okubeera Omutukuvu?

(3) Lwaki obutukuvu bukulu mu kusinza?

(4) Obutukuvu bw’Omukristaayo butandika ddi?

(5) Kitegeeza ki okutambulira mu musana?

(6) Kiki ekituuka ku mukkiriza mu kiseera ekiwanvu eky’okutukuzibwa?

(7) Obwonoonefu obusikire kye ki?

(8) Omuntu asobola kubeera atya nga taliiko kya kunenyezebwa mu mubiri, emmeeme, ne mu mwoyo Mukama waffe bwalidda?