(1) Omuyizi ajja kuba asobola okunnyonnyola:

• Ebisaanyizo ebiraga nti OmwoyoOmutukuvu muntu.

• Obukakafu bwa Baibuli ku Bw’omuntu n’obwa Katonda bw’Omwoyo Omutukuvu.

• Lwaki obw’omuntu n’obwa Katonda bw’OmwoyoOmuntukuvu njigiriiza za mugaso.

• Ebyafaayo ne bikolebwa Omwoyo Omutukuvu mu kiseera kino.

• Ebintu ebirabikira mu nkolagana y’omukkiriza n’Omwoyo Omutukuvu.

• Ekiwandiiko ky’ebikkiririzibwamu mu Bukristaayo ku Mwoyo Omutukuvu.

(2) Omuyizi ajja kunteeka mu nkola ezimu ku nnonoku birabo eby’Omwoyo.

► Musomere wamu Zabbuli139. Ebyawandiikibwa bino bitugamba ki ku Mwoyo Omutukuvu?

Abantu abamu balowooza ku Mwoyo Omutukuvu nga ekintu ekikyankalana ebirowoozo byabwe, amaanyi ge bagezaako okukozesa, amaanyi agatali ga buntu, oba ekibeerawo obubeezi. Okugeza, owa Yakuwa ajja ekintu ekifaananako bwe kityi: “Omwoyo Omutukuvu si muntu, era si omu ku Busatu. Omwoyo Omutukuvu ge maanyi ga Katonda agakola gaakozesa okutuukiriza okwagala kwe.... Mu kugeraageranya, gefaananyiriza amasannyalaze.”[1]

► Kiki ekikyamu ku ndowooza yaba Yakuwa ku Mwoyo Omutukuvu.

[2]Aba Yakuwa balaba Omwoyo Omutukuvu nga amaanyi so si muntu. Olwobutabeera nakutegeera Katonda nga Baibuli bwe mwogerako, tebasobola kubeera na nkolagana ntuufu naye.

Tetulina kusuubira kutegeera byonna ebikwata ku Mwoyo Omutukuvu. Yesu yagamba nti omulimu gw’Omwoyo gulinga empewo; ogiwulira, bnaye tomanya gyeva oba wa gyegenda (Yokaana 3:8). Naye waliwo ebintu ebimu bye tusobola okumanya ku Mwoyo, era byamugaso olw’enkolagana yaffe ne Katonda.

Ekitundu kye byawandiikibwa ekituwa okunnyonnyola okusinga okwenkolagana wakati w’Omwoyo Omutukuvu ne Kkanisa kye kitabo Ebikolwa by’Abatume. Mu kyo tulaba engeri ekkanisa, mu ntandikwa yaayo, bwe yayanukula Omwoyo Omutukuvu.

[3]1. Bassaammu Omwoyo Omutukuvu ekitiibwa mu bwa Katonda bwe. (Soma Ebikolwa by’Abatume 5:3-4.)

2. Baali bategeera okubeerawo, okuluŋŋamya, n’okukola kw’Omwoyo Omutukuvu. (Soma Ebikolwa by’Abatume 15:28.)

3. Bamanyi okwesigama kwabwe ku Mwoyo Omutukuvu n’obuvunaanyizibwa bwabwe okumwanukula. (Soma Ebikolwa by’Abatume 4:24, 31.) Okubeera ne nkolagana bwetyo n’Omwoyo Omutukuvu, tuteekwa okutegeera nti muntu ate era Katonda.

Omwoyo Omutukuvu talina mubiri nga Yesu gwali nagwo, naye okuba muntu. Omuntu ddala abeera nebyo ebibeera n’omuntu, omuli okulowooza, okusalawo, ne birowoozo. Omwoyo Omutukuvu alina okusalawo? Agaba ebirabo eby’omwoyo eri Abakristaayo nga bwayagala (1 Abakkolinso 12:11). Omwoyo Omutukuvu alina okulowooza? “Kubanga Omwoyo anoonya byonna era n'ebitategeerekeka ebya Katonda” (1 Abakkolinso 2:10). Omwoyo Omutukuvu alina ebirowoozo? Tugambibwa nti temunakuwazanga Mwoyo Mutukuvu owa Katonda (Abaefeso 4:30). Bwaba nga Omwoyo Omutukuvu asobola okunakuwala, awo aba alina ebirowoozo. Olw’okuba nga Omwoyo Omutukuvu alina okulowooza, okusalawo, ne birowoozo, tumanyi nti muntu.

► Lwaki kikulu ffe okumanya nti Omwoyo Omutukuvu muntu?

Omuntu alina obusobozi okukolagana nabalala. Singa Omwoyo Omutukuvu yali maanyi nga si muntu, tetwandisobodde kubeera nankolagana naye. Naye okusinziira ku Abafiripi 2:1 ne 2 Abakkolinso 13:14 Omwoyo asobola okukuŋŋaana naffe, olwekyo ateekwa okubeera omuntu.

Omukulembeze w’ekibiina wetegereze: Obukakafu obwa Baibuli obulaga nti obw’omuntu bw’Omwoyo Omutukuvu, laba ekitundu kumpi ku nkomerero y’essomo lino ekiyitibwa “Obukakafu bwa Baibuli obulaga obw’omuntu bw’Omwoyo Omutukuvu.”

Omwoyo Omutukuvu Katonda amanyi byonna, alaba byonna, ali buli wantu wonna. Ojjukira ebyali ku Ananiya ne Safira? Nga Ananiya tannaba kuttibwa, Peetero yamugamba nti, “Lwaki Setaani ajjudde mu mutima gwo, okulimba Omwoyo Omutukuvu? …Tolimbye bantu, wabula Katonda” (Ebikolwa by’Abatume 5:3-4). Okuva mu bino, Okulimba Omwoyo Omutukuvu kye kimu n’okulimba Katonda; olwekyo, Omwoyo Omutukuvu Katonda.

Omwoyo Omutukuvu amanyi ebintu byonna. Tulaba mu 1 Abakkolinso 2:10-11 nti amanyi ebintu byonna ebya Katonda. Ekyo kisobolwa okulowooza okutakoma. Yaluŋŋamya ebyawandiikibwa eby’Endagaano Enkadde, nga mwotwalidde n’obunnabbi, ebyetaagisa okumaya kwonna. (Soma 2 Peetero 1:21.) Tugambibwa nti ebyawandiikibwa byaluŋŋamizibwa Katonda (2 Timoseewo 3:16), bwe kityo Omwoyo Omutukuvu Katonda.

Omwoyo Omutukuvu ali buli wantu. Zabbuli 139:7-10 atugamba nti tewali wantu wonna omuntu gyasobola okugenda okudduka okubeerawo kw’Omyoyo wa Katonda. Abeera awali buli mukkiriza, kubanga Baibuli egamba nti singa omuntu aba talina Mwoyo wa Kristo, oyo tabeera wa Kristo (Abaruumi 8:9). Ekinyusi kiraga ntiOmwoyo wa Kristo ye Mwoyo Omutukuvu.

Omwoyo Omutukuvu yenannyini buyinza bwonna. Akola ebintu ebikolebwa Katonda yekka. Alumiriza ensi olw'ekibi, n'olw'obutuukirivu, n'olw'omusango (Yokaana 16:8). Okukola ekyo, alina okubeera ngasobola okutuuka ku kutegeera kwa buli muntu okubeera nga asobola okubamatiza ebirowoozo byabwe namazima agamu. Era alina obusobozi okuwa buli mukkiriza amaanyi ag’omunda. (Soma Abaefeso 3:16.) Omwoyo aleeta ebibala eby’omwoyo mu bulamu bwa buli mukkiriza, buli wantu mu nsi yonna. (Soma Abaggalatiya 5:22-23.) Tewali kyonna okujjako amaanyi ga Katonda ge gasobola okukola kino.

Tugambibwa mu Lukka 12:10 nti Omwoyo Omutukuvu asobola okuvvoolebwa. Katonda yekka yasobola okuvvoolebwa, kale Omwoyo Omutukuvu ateekwa okubeera Katonda.

Omwoyo Omutukuvu taggwawo (Abaebbulaniya 9:14).

Emibiri gyaffe giyitibwa Yeekaalu ya Katonda kubanga Omwoyo Omutukuvu mwabeera (1 Abakkolinso 3:16).

Okusinziira ku bukakafu bwa Baibuli, tumanyi nti Omwoyo Omutukuvu Katonda yennyini, omuntu ow’okusatu mu Busatu bwa Katonda.

► Lwaki kikulu gye tuli okukkiriza mu bwa Katonda bw’Omwoyo Omutukuvu?

Kikulu okukkiriza mu bwa Katonda bw’Omwoyo Omutukuvu okumuyimusa n’okumussaamu ekitiibwa ekimusaana. Kyandibadde kintu kibi nnyo okulemwa okusinza Omwoyo Omutukuvu.

Okugamba nti Omwoyo Omutukuvu wanjawulo ku Kitaffe n’Omwana tekitegeeza nti banjawulo nga abantu bwe bali. Bamemba b’Obusatu buli omu ali mu munne era bali Katonda omu, naye banjawulo ekimala buli omu okwogera ne munne, baagalana, era balina enkolagana eyamazima buli omu ne munne era naffe.

Ebyawandiikibwa bituyigiriza enjawulo wakati wa bantu abali mu Busatu. Eky’okulabirako, emirundi mingi mu Yokaana14-16, Yesu yayogera ku mubeezi gwe yali ow’okusindika nga azzeeyo eri Kataawe. (Soma Yokaana 14:16-17, 26; Yokaana 15:26; Yokaana 16:7, 13-15.) Omubeezi ono yali wakuluŋamya bayigirizwa n’okubayigiriza. Bwe kiba nga Yesu n’Omwoyo Omutukuvu baali muntu omu, Yesu okwogera ku Mwoyo Omutukuvu nga omubeezi omulala. Tekyandikoze makulu. Yesu ateekwa okuba nga yali ayogera ku muntu omulala atali ye.

Yesu yagamba nti Omwoyo Omutukuvu tajja kwogera mu buyinza bwe naye Yalina okubikkula ebya Kristo, nti Kristo eyakkirizibwa Kitaawe (Yokaana 16:13-15). Singa Yesu ne Kitaawe baali omuntu omu nga Omwoyo Omutukuvu, Ekiwandiiko ekyo tekyandikoze makulu.

Yesu bwe yabatizibewa, eddoboozi okuva mu ggulu lyayogera nti, “Ggwe Mwana wange gwe njagala,” era Omwoyo Omutukuvu, nga ejjiba, lyagwa ku Yesu (Makko 1:10-11). Bamemba bonna abasatu ab’obusatuwano baaliwo mu iseera kye kimu, nga banjawulo buli omu ku munne.

Nga omuntu ow’enjawulo, Omwoyo Omutukuvu abaddewoo mu nkolagana ey’okukwagalana ne Kitaffe n’Omwana emirembe gyonna. Katonda yatutonda naffe tubeere mu nkolagana bwetyo. Katonda ayagala tunyumirwe okubeera naye (1 Yokaana 1:3-4), nga buli memba ow’Obusatu bwanyumirwa okubeera awamu nabalala okuva mu ntandikwa ye biseera. (Soma Yokaana 17:22-23.)

OKuva mu kiseera eky’obutonzi, Omwoyo Omutukuvu abadde akola mu nsi. Yaliwo era ne yeenyigira mu kutonda ensi (Olubereberye 1:2, 26). Yagabira obusobozi obw’enjawulo eri abantu abaayitirwa okukola omulimu ogw’enjawulo (Okuva 35:30-31; Ekyabalamuzi 3:9-10; Ekyabalamuzi 15:14-15). Yawa bannabbi obubaka (Isaaya 61:1). Yaluŋŋamya ebyawandiikibwa (2 Peetero 1:21). Bulijjo akola mu mitima gya bantu, nga agezaako okubazza eri Katonda (Ebikolwa by’Abatume 7:51).

Ayitibwa Omwoyo ow’obulamu. (Soma Abaruumi 8:2.) Ye Mwoyo eyatutonda era n’atuwa obulamu. Singa yali wakuva mu nsi, obulamu bwonna bwandikomye, omuntu yandizzeeyo mu ttaka (Yobu 33:4, Yobu 34:14-15.)

Endagaano Empya yayanjula engeri empya Omwoyo Omutukuvu gyakolamu omulimu gwe. Yokaana omubatiza yagamba nti Yesu yali wa kubatiza na Mwoyo Omutukuvu (Matayo 3:11). Yesu yagamba abayigirizwa be okusuubira ekisuubizo kya Kitaffe, okubatiza okw’Omwoyo Omutukuvu okwaliwo ku Pentekooti (Ebikolwaby’Abatume 1:4-5, 8)

Yesu yasuubiza abayigirizwa nti Omwoyo Omutukuvu ajja kubeera nabo, okubajjukiza byonna Yesu bye yabayigriza n’okubakulembera mu mazima (Yokaana 14:26, Yokaana 16:13). Yesu yagamba nti Omwoyo ajja kubeera Omubeezi omulala (Yokaana 14:16, 26; Yokaana 15:26; Yokaana 16:7). Ekigambo ky’OluyonaaniYesu kye yakozesa kyogera ku oyo ali naffe, oyo atuzaamu amaanyi n’okutuyamba. Kisobola n’okwogera ku oyo ali mu kifo ky’omulala. Omwoyo Omutukuvu aliwo mu kifo kya Yesu era atujjukiza ebigambo bye. [1]

► Bintu ki ebimu Omwoyo Omutukuvu byakola?

Omulimu ogw’Omwoyo Omutukuvu mu nsi tegusobola kunnyonnyolerwa ddala mu bujjuvu, naye luno lwelukalal olulaga egimu ku mirimu gye.

1. Alumiriza ekibi (Yokaana 16:8; 1 Abakkolinso 2:4; 1 Abasessaloniika 1:5). Singa si bwekityo kyandibadde tekisoboka omuntu okutegeera obwetaavu bwe okwenenya asobole okusonyiyibwa.

2. Azza obuggya, nga awa obulamu omuntu eyafa ku kibi (Tito 3:5; Abaefeso 2:1; Yokaana 3:5).

3. Awa omukirizza obukakafu nti yalokoka (Abaruumi 8:16).

4. Abeera mu buli mukkiriza (buli muntu omulokole alina Omwoyo Omutukuvu) (Abaruumi 8:9; 1 Abakkolinso 6:19).

5. Awa okutegeera amazima ga Katonda (1 Abakkolinso 2:9-10, 13-14; 2 Abakkolinso 3:14-17; Abaefeso 6:17).

6. Ayita abantu eri obuweereza obw’enjawulo aluŋŋamya okusalawo mu buweereza (Ebikolwa by’Abatume 13:2-4, Ebikolwa by’Abatume 15:28, Ebikolwa by’Abatume 16:6-10).

7. Atukuza omukkiriza, nalongoosa omutima gwe okumufuula omutukuvu (Ebikolwa by’Abatume 15:8-9; 1 Peetero 1:2).

8. Awa amaanyi okubeera mu bulamu obuwanguzi ku kibi (Abaruumi 8:1, 5, 13; Abaggalatiya 5:16).

9. Abaza ebibala eby’omwoyo mu bulamu bw’omukkiriza (Abaggalatiya 5:22-23).

10. Agaba ebirabo eby’obuweereza (1 Abakkolinso 12:4-10, 28-30; Abaruumi 12:6-8; 1 Peetero 4:10-11).

11. Afukako amafuta ag’enjawulo agamaanyi mu kuweereza (Ebikolwa by’Abatume 1:8, Ebikolwa by’Abatume 13:9; Abaggalatiya 3:5; 1 Peetero 1:12).

12. Ayamba omukkiriza okusaba okusinziira ku kwagala kwa Katonda (Abaruumi 8:26-27; Abaefeso 6:18).

13. He creates the unity Atondawo obumun’okussa ekimu okw’ekkanisa Abaefeso 4:3; Abafiripi 2:1).

Omukulembeze w’ekibiina wetegereze: memba w’ekibiina kino asobola okunnyonnyola ekitundu kino.

1. Omwoyo okola okuyita mu birabo eby’enjawulo, ebikolebwa, ne biddukanyizibwa (1 Abakkolinso 12:4-6).

2. Ebirabo eby’Omwoyo bigabibwa okusinziira ku kwagala kwa Katonda, si kusinziira ku kukubeera nga wamwoyo nnyo (1 Abakkolinso 12:11, 1 Abakkolinso 4:7).

3. Buli muntu alina ekigera ky’obusobozi obumuweeebwa Omwoyo (1 Abakkolinso 12:7).

4. Tewali kirabo kyankalakkalira ekisuubirwa okubeera nna buli mukkiriza (1 Abakkolinso 12:8-11, 14-30).

5. Ebirabo bulijjo birina kukozesebwa lwa kuweereza balala olw’ekitiiba kya Katonda (1 Abakkolinso 12:21-22, 25;1 Peetero 4:10-11).

Abakristaayo si bonna nti bakkaanya ku ngeri y’okukozesaamu ekirabo eky’ennimi. Abakkiriza abamu bakkiriza nti buli mukkiriza ajja kwogera mu nnimi bwamala okufuna Omwoyo Omutukuvu.

Abakristaayo abalala bakkiriza nti ekirabo eky’ennimi kiweebwa abakkiriza abamu olw’okwogera n’abantu aboogera olulimi olulala. Kino bakikkiriza kubanga ku Pentekooti aboogezi bategeerwa mu nnimi nnyingi ez’enjawulo (Ebikolwa by’Abatume 2:6). Bakkiriza nti Katonda yagaba ekirabo kino, ne kirabo ekiralala kyonna neri buli muntu gwasalawo okukiwa (1 Abakkolinso 12:4-11). Bakkiriza nti tewali kirabo kyonna nti omukkiriza alina okubeerqa nakyo (1 Abakkolinso 12:29-30), n’olwekyo ekirabo tekikakasa kintu kyonna eri omukkiriza (1 Abakkolinso 14:22), wadde nga buli mukkiriza alina Omwoyo Omutukuvu (Abaruumi 8:9).

Endowooza ez’enjawulo ezikwata ku kirabo eky’ennimi kisobola okugziyiza abakkiriza okukolera awamu mu engeri ezimu ez’obuweereza, naye abakkiriza balina okuba nga tebasaliragana musango olw’endowooza zaabwe ku nsonga eno.

Singa obeera mu nkolagana ne Katonda, oba oli mu nkolagana n’Omwoyo Omutukuvu. Tekisobola kumanya muntu omu ku Busatu ate abalala nga tobamanyi. (Soma Abaefeso 2:18; Yokaana 6:44.)

Omuntu Talina kuba nga ategeera enjigiriza ey’Omwoyo Omutukuvu nga tannaba kulokoka. Abayigirizwa tebaamanya bingi ebikwata ku Mwoyo, naye Yesu yabagamba nti bamanyi Omewoyo Omutukuvu era yali amaze okubeera nabo. (Soma Yokaana 14:17.)

Okumanya enjigiriza entuufu ekwata ku Mwoyo Omutukuvu kituyambako okjukolagana naye mu ngeri entuufu era ne kimusoboozesa okukola ebisingawo mu bulamu bwaffe. Okumanya nti muntu kituwa okumanya nti tusobola okukolagana naye. Tusobola okwogera naye, era naye ajja kwogera naffe. Tatera kwogera naffe mu ddoboozi eriwulikika, naye atuyamba okutegeera okwagala kwa Katonda ne Katonda engeri gyayagalamu. Bwe tuba ddala nga twagala okukola okwagala kwa Katonda, Omwoyo Omutukuvu ajja kutuluŋŋamya wade nga tusobola bulijjo obutakiwulira.

Okumanya nti muntu kitegeeza nti tetukola ngalinga amaanyi obwanyi oba kye tuwulira mu ffe. Bwe tusinza Katonda, tuba tulowooza ku kiki kyali, si kunyumirwa bunyumirwa engeri gye tuwuliramu etalina nnyo makulu. Bwe tusaba, twogera namagezi ne tugezaako okutegeera ekyo kyasobola okutulaga okusinga okukozesa ebigambo mu ngeri etali yabuntu, mu ngeri eyekyewuunyo, nga abantu ab’eddiini endala bwe bakola.

Okumanya nti Omwoyo Omutukuvu Katonda kirina okutuwa endowooza ey’okusinza nga tumussaamu ekitiibwa. Bwe tuba tusaba nga tulaba okuluŋŋamya kwa Katonda, twetaaga okujjukira nti ye Katonda atwagala, atumanyidde ddala, era amanyi eby’omumaaso byaffe. Yalina obuyinza bwonna, gwe tuteekwa okugondera.

Ali naffe ekiseera kyonna. Ebyawandiikibwa bigamba nti tubeera mu Mwoyo era tulina okutambulira mu Mwoyo (Abaggalatiya 5:25). Tulina okubeerawo nga abali mu kubeerawo, obutalowooza nti tujja ne tubeerawo mukubeerawo kwe mu kkanisa mwokka. Tali naffe kyokka, naye atuula munda mu ffe. Eyo yensonga lwaki tuteekwa okubeera mu bulamu obulongoofu ate obutukuvu. (Soma 1 Abakkolinso 6:19.)

Tuteekwa okujjukira nti Omwoyo kyasinga okwagala kwe kutuwa obuwanguzi ku kibi n’okulongoosa emitima gyaffe (Abaruumi 8:13; Abaggalatiya 5:16; Ebikolwa by’Abatume 15:8-9). Tetuteekwa kuba nga tusaba ebintu ebirala bwe tuba nga tetumukkiriza kutuukiriza ekyo kyasinga okwagala okutuukiriza. Tulina okusaba mu kukkiriza, nga tukkiriza nti ajja kutufuulira ddala batukuvu. (Soma 1 Abasessaloniika 5:23.)

Mukulafuubana kw’obulamu, atuwa amaanyi ag’omunda (Abaefeso 3:16). Atutegeera, ategeera embeera zaffe, era asobola okutuweera ddala ekyo kyetwetaaga.

Mu kuweereza, tuteekwa okwesigama ku ye okutuluŋŋamya, okuwama amaanyi Ekigambo kye, n’okutuukiriza ebiva mu mwoyo mu mitima gya bantu abalala. Kino tukiraba mu kitabo kya Ebikolwa by’Abatume. Tewali busobozi bwa muntu busobola kukyusibwamu okukola kw’Omwoyo.

Wadde nga wamala dda okujjuzibwa Omwoyo, toteekeddwa kwerabira kukuuma nkolaganayo naye. Ekiragiro mujjulenga Omwoyo kye kiragira okugenda mu maaso n’okujjuzibwa. (Soma Abaefeso 5:18.) Twetaaga okujjuzibwa buli kiseera, era kino kibeerawo okuyita mu nkolagana yaffe naye.

► Musomere wamu Ekiwandiiko ky’ebikkiririzibwamu wakiri emirundi ebiri.

Omwoyo Omutukuvu ye muntu ow’okusatu ku Busatu bwa Katonda, Katonda mu bujjuvu wamu ne Kitaffe n’Omwana. Alumiriza ekibi, azza buggya era n’okubeera mu buli mukkiriza, okuwa obuwanguzi ku kibi n’okunaaza omutima. Ye bwe bulamu obugatta awamu ekkanisa, gyawa omukisa ne bibala eby’Omwoyo ne birabo eby’omwoyo eby’obuweereza.

Omukulembeze w’ekibiina wetegereze: Ekitundu kino si kyabuwaze era kisobola okusomebwa singa ekibiina kiraba obwetaavu obw’okufuna obukakafu bwa Baibuli obulala ku nsonga eno.

Abantu abamu bagaana obw’omuntu bw’Omwoyo ne bagamba nti maanyi bwanyi nga amasannyalaze oba ago agasuula ebintu okuva waggulu ne bigwa wansi. Wabula, tekisoboka amaanyi agatali ga muntu gandinnyonnyoddwa nga Baibuli bwe nnyonnyola Omwwoyo Omutukuvu. Amasanyalaze tegogera wadde okukubaganya ebirowoozo; amaaanyi agasuula ebintu wansi okuva waggulu tegasobola kulimbibwa. Amaanyi agataliimu tegasobola kutegeera kwagala kwa Katonda.

Abantu abamu bagamaba nti ebyawandiikibwa bino biragabulazi obw’omuntu nga byogera ku kintu nga omuntu ekitali muntu naye nga si kitegeereza ddala ekyo. Wabula, ebyawandiikibwa byogera ku Mwoyo nga bikozesa ebigambo ebiraga omuntu, era abantu bamwanukulanga nga omuntu. Mu bifo ebitono, Omwoyo ayogerwako mu kifaananyi nga alinga ekintu, nga Baibuli bwe gamba nti ndifuka Omwwoyo gwange (Ebikolwa by’Abatume 2:17). Ebyo birina okutwalibwa nga ebiraga ekifaananyi okuva Baibuli nga byeyogera oobulungi ku Mwoyo nga omuntu.

Obukakafu bwa Baibuli ku bw’omuntu bw’Omwoyo Omutukuvu:

• Mu Matayo 28:19, tugambibwa okubatiza mu linnya lya Kitaffe, Omwana, n’Omwoyo Omutukuvu, ekiraga nti bonna abasatu balina obuyinza.

• 2 Abakkolinso 13:14 wogera ku kussa ekimu n’Omwoyo Omutukuvu, ekiraga okwogera okwamagezi.

• Mu Makko 13:11, abakkiriza baasuubizibwa nti Omwoyo Omutukuvu ajja kwogera okuyita mu bo mu biseera eby’okuyigganyizibwa.

• Mu Yokaana 14:17, 26, omwoyo Omutukuvu ayitibwa Omwoyo owamazima owokuyigiriza n’okujjukiza.

• Mu Yokaana 16:7-11, Yesu yasuubiza nti Omwoyo Omutukuvu yali wakulumiriza ensi olw’ekibi, obutuukirivu, n’omusango, ekyetaagisa okwogera okwamagezi.

• Yokaana 16:13-15 wagamaba nti Omwoyo Omutukuvu tajja kwogera mu buyinza bwe, naye ajja kwogera ebya Kristo.

• Okusinziira ku 1 Abakkolinso 12:11, Omwoyo Omutukuvu alondawo engeri ebirabo eby’omwoyo gye bigabibwamu.

• Omwoyo yennyini wamu n'Omwoyo gwaffe ategeeza nga tuli baana ba Katonda (Abaruumi 8:16).

• Atuwolereza eri Kitaaweera alina endowooza etegeera okwagala kwa Katonda (Abaruumi 8:26-27).

• Okusinziira ku Abaefeso 4:30, asobola okunakuwala, ekitegeeza nti ategeera okwanukula kwaffe gyali era alina ebirowoozo.

• Asobola okulimbibwa, ekitegeeza nti ategeera okwogera (Ebikolwa by’Abatume 5:3).

• Ayogera, awa okulagirira, alina ne kyayagala abantu kye balina okugoberera (Ebikolwa by’Abatume 13:2-4).

• Yalagiriranga Abatume mu ŋŋendo z’obutume era ebiseera ebimu nga abagamba obutagenda mu kifo ekimu (Ebikolwa by’Abatume 16:6).

(1) Ebyawandiikibwa Ebiweereddwa Okusoma: Buli muyizi ajja kuweebwa ekimu ku byawandiikibwa bino wammanga. Nga okuyiga okuddako tekunnabaawo, oteekwa okusoma ebyawandiikibwa era owaandiike ku kyebyogera ku ky’okuyiga ku ssomo lino.

• Ebikolwa by’Abatume 1:4-8

• Abaruumi 8:1-14

• 1 Abakkolinso 2:9-16

• 1 Abakkolinso 12:1-13

• Abaggalatiya 5:22-26

(2) Ekigezo: Ojja kutandika okusoma okuddako n’okugezesebwa kussomo 10. Yiga n’obwegendereza ebibuuzo eby’ekigezo nga weteekateeka.

(3) Ebiweereddwa Okuyigiriza: Jjukira okutegeka n’okuwa lipoota ku byoyigiriza wabweru w’ekibiina.

(1) Kola olukalala lwabisaanyizo bisatu ekkanisa eyasooka nga bwe yayanukulangamu Omwoyo Omutukuvu.

(2) Tumanya tutya nti Omwoyo Omutukuvu muntu?

(3) Kola olukalala lwa bintu bitaano mwe tumanyira nti Omwoyo Omutukuvu Katonda.

(4) Kola olukalala lwa bintu Mwenda ebikolebwa Omwoyo omutukvu.

(5) Kiki Omwoyo Omutukuvu kyasinga okukulembeza olw’omulimu gwe mu bulamu bwaffe?