Lesson 12: Қауым

(1) Сабақтың соңында студент түсінуі және түсіндіре білуі қажет:

• Қауымның пайда болуы.

• Қауым тірі мекеме ретінде.

• Қауым жергілікті, тірі дене ретінде.

• Дүниежүзілік қауым бірлігінің негіздері.

• Жергілікті қауым бірлігінің негіздері.

• Қауымның қасиетті рәсімдері.

• Қауымның мақсаттары.

• Қауым туралы сенім ұстанымы.

(2) Осы сабақтың тәжірибелік мақсаттарының бірі – студенттің өзін жергілікті қауымға арнау жауапкершілігін түсінуі.

► Ефест. хат, 3:3-10 бірге оқыңыздар. Бұл үзінді қауым туралы не айтады?

Жаңа Келісімге дейін ғасырлар бойы қауым толығымен ашылмаған құпия болды[1]. Құдайдың рақымын қабылдап, Онымен қарым-қатынаста болған адамдар болды[2], бірақ Құдай жоспарлаған қауым әлі орнатылмаған еді.

► Қауым қашан пайда болды?

Исаның өмірі мен қызметі қауымның бастауы болды және ол Өзі қамтамасыз еткен құтқарылуға негізделді[3].

Қауымның дәуірі Елуінші күн мейрамында басталды. Сол күннен бастап қауым – Мәсіхтің жердегі физикалық және көрінетін жетекшілігінсіз Киелі Рухтың күшінмен жұмыс істей бастады[4].

Иса шәкірттеріне Өзінің ілімдерін орнатуға және оларды бүкіл әлемге таратуға билік берді[5]. Ол Киелі Рух оларды шындыққа жетелейді деп уәде берді[6]. Қауымды «елшілік» деп атауға болады, өйткені елшілердің ілімдері қауымның негізгі ілімдері болып табылады. Осы негізгі ілімдерге қайшы келетін кез-келген сенім негіздері мәсіхшілік деп аталмауы тиіс.

Сондықтан қауымның пайда болуы:

1. Исаның қызметіне

2. Мәсіх берген құтқаруға

3. Елуінші күн мейрамының оқиғасы мен

4. Елшілік ілімнің дамуыны негізделген.

Қауым – Құдай – Әке, ал қауымның мүшелері бауырластар болып табылатын отбасымен салыстырылады[1]. Қауым – ұлты, нәсілі және табиғи шығу тегі жоқ, біртұтас халық деп аталады[2]. Қауым Мәсіх – Басы, ал мүшелері бір-бірмен байланыста болып, бір-бірін қамқорлайтын денемен салыстырылады[3].

Мәсіхші – қауымның мүшесі. Киелі кітапта қауым – Мәсіхтің денесі, ал мәсіхшілер – Оның тәні мен сүйегінен жасалған мүшелері делінген[4]. Қауымның мүшесі болмау дегеніміз – Мәсіхтің жер бетінде жасайтын істерінің бір бөлігі болмау дегенді білдіреді. Қауымды құрметтемеу мен жақсы көрмеу, Мәсіхті де құрметтемеу мен жақсы көрмеуді білдіреді.

Қауымның дене мүшесі ретінде мәсіхші қауымнан тәуелсіз болмауы керек. Оның басқа мүшелерге қажет екеніндей, Оған да басқа мүшелер қажет[5]. Мәсіхші үшін қауымсыз өзін-өзі рухани қамтамасыз ететіндей өмір сүру дұрыс емес.

Бір бүкіләлемдік қауым бар, бірақ қауым жергілікті жерде де болуы керек. Дене мүшелері бір жерде жиналмаса, жұмыс істей алмайды. Пауыл Қорынттықтағы сенушілерге олардың Мәсіхтің денесі екенін жазды [1], бұл жергілікті қауымның – орналасқан жерінде Мәсіхтің денесі екенін білдіреді.

Құдай жергілікті қауымды – сенімнің отбасы болу үшін, рухани дарындарды қолдана отырып, адам ресурстарын арнау арқылы дене сияқты жұмыс істеуі үшін құрды. Ол әлемге өмірдің әр саласында Құдайдың даналығын көрсете отырып, осы қауымның барлық қажеттіліктерін қанағаттандыру үшін, Құдайдың ресурстарын іздеу үшін құрылған. Оның міндеті – сенімге келмеген адамдарды құтқарылуға және қауым отбасының бір мүшесі болуға шақыру.

Нағыз қауымдастықтың қаржылық қажеттіліктері болады, өйткені ол мүшелерінің қажеттіліктерін ойлайды[2]. Егер қауымның мүшесі қауымның өміріне қатысып, жауапкершіліктер алып жүрсе, Мәсіхтің бауыры, не қарындасының қажеттілігіне – қауым жауапкершілік алады.

Құдай жергілікті қауымды құру және нығайту үшін рухани дарындар мен қызметке арнайы шақырулар береді[3].

Жергілікті қауым өз қауымдастығына қызмет етеді. Бірінші мақсат –рухани, Ізгі хабарды уағыздау және шындықты қорғау. Сондай-ақ, қауым қауымдастықтың материалдық қажеттіліктерін ескереді, бірақ қауымның үнемі рухани байланысына қатысатын адамдарға басымдық береді.

Иса қауымды қасиетті және мінсіз ету үшін жанын құрбан етті[1]. Қауым ешқашан күнәға жол бермеуі керек, бірақ кешіруге дайын болуы керек. Қауым басқарушылары қасиетті өмірдің үлгісі болулары керек[2]. Егер қауым мүшесі күнә жасап, тәубеге келмейтін болса, әшкереленіп, қауымнан аластатылуы керек[3].

► Неліктен қауым жетілмеген?

Қауымдағы адамдар толығымен кемелді болмайды. Қауым Ізгі хабарды уағыздайтындықтан, онда әлі күнәларына өкінбейтін адамдар болады. Құтқарылғандардың өмірінде де қайшылықтар мен орынсыздықтар болады, өйткені олар әлі шындықты қалай өмірлерінің барлық салаларында қолдану керектігін білмейді. Тіпті жетілген мәсіхшілер де дұрыс емес қарым-қатынаста болуы мүмкін, өйткені оларда рухани өсу процесінде болады.

Қауымның міндеттерінің бір бөлігі – Құдай Сөзін үнемі үйрету және оны өмірде қолданып, адамдарды рухани жетілуге жетелеу[4].

Бұл бөлімде біз бүкіләлемдік және жергілікті қауым анықтамаларын қарастырамыз.

Бүкіләлемдік қауымның қысқаша анықтамасы: Бүкіләлемдік қауым – бұл барлық уақытта, барлық жерде және барлық мәсіхшілерді қамтитын мекеме. Кейде оны «көрінбейтін» қауым деп атайды, өйткені бұл барлық мүшелердің тізімі бар, бүкіләлемдік қауымды басқаратын, жердегі ұйым емес.

Жергілікті қауымның қысқаша анықтамасы: жергілікті қауым – бұл қауымның барлық мақсаттарын орындау үшін жиналған мәсіхшілер тобы. Егер адамдар шектелген мақсатпен жиналатын болса, бұл топ – қауым емес.

Жергілікті қауымның, оны басқа топтардан ажыратуға көмектесетін кеңейтілген анықтамасы: «қызмет ету, тәрбиелеу, ғибадат ету, қарым-қатынас жасау, Ізгі хабарды тарату үшін жиналған, шомылдыру рәсімінен өткен сенушілер тобы. Ол рухани жетекшілікті қабылдайды, қауымдастықтың барлық топтарына дененің түрлі дарындары арқылы қызмет етуге дайын және үнемі қасиетті рәсімдерді өткізеді»[1].

[1]Барлық уақытта және барлық жерде – бір қауым бар. Иса қауымдар емес, «қауым тұрғызамын» деді. Елші Пауыл бір дене, бір рух, бір үміт, бір Иеміз, бір сенім және бір шомылдыру рәсімі бар деп жазды[2].

Ертедегі мәсіхшілердің сенім белгілері «Католик қауымына» сілтеме жасады. «Католик» сөзі Рим-католиктік емес, барлық шынайы мәсіхшілерді қамтитын дүниежүзілік қауымға қатысты болды.

Бүкіләлемдік қауымның бірлігі – оның біртұтас басқарылатын бір ұйым болуында емес. Бұл Мәсіхтің оралуына дейін ешқашан болмайды. Кейбіреулер біртұтас басқарылатын, бір ұйым болғанын қалайды. Бірақ бұл Құдайдың еркі емес сияқты, өйткені Иса шәкірттерді «адам өз ұйымынан тыс жерде қызмет етпеуі керек» деп санаған кезде түзеткен[3]. Егер Иса бүкіләлемдік қауымды орталықтандырып басқаруды қаласа, Ол жерде қалып, оны физикалық түрде басқара алар еді. Алайда, Иса біртұтас ұйым болған жағдайда, бүкіл әлемде Киелі Рухтың әр түрлі жұмысы жүзеге асырылмайтынын көрді.

► Бүкіләлемдік қауымның бірлігі неге негізделген?

Бүкіләлемдік қауымның бірлігі

1. Елшілік ілімдерге және

2. Мәсіхпен қарым-қатынасты өзгертуге негізделген.

Ілімдік бірлік сенушілер барлық жағдайда, тіпті маңызды ілімдік мәселелерде де келіседі дегенді білдірмейді. Бұл олардың Құдай мен Мәсіхтің болмысы туралы негізгі ілімдермен, сондай-ақ Ізгі хабардың негіздерімен бөлісетінін білдіреді. Онсыз олар бір Құдайға сиына алмайды немесе Оның рақымын сезінбейді.

Ілім – мәсіхшілік бірлік үшін қажет жалғыз нәрсе емес. Мәсіхшілер Мәсіхпен өзара өзгертетін қарым-қатынастарының арқасында бір-бірімен тығыз қарым-қатынаста болады. Олар тәубеге келіп, Мәсіхке сенім артып, Киелі Рухқа ие болғандықтан, олардың ерекше қарым-қатынасы бар. Барлық айырмашылықтарға қарамастан, мәсіхшілер бүкіл әлемде бір-бірін біліп жатады.

[1]Біз негізгі мәсіхшілік ілімдерді ұстанатын және Мәсіхпен өзгертетін қарым-қатынасы бар кез-келген адамды мәсіхші деп санасақ болады. Бірақ жергілікті қауымның ілімдік бірлігі егжей-тегжейлі болуы керек.

Жергілікті қауым – бұл бірлескен ғибадатқа, Ізгі хабардың таралуына, сенімге жаңадан келгендер мен жастардың шәкірттілігіне, мәсіхшілік өмірдің тәжірибелік сәттерін үйретуге арналған адамдар тобы. Адамдар осы мақсаттарға жету үшін көптеген ілімдік мәліметтерді түсінуде бірлікке қол жеткізуі керек.

Мысалы, жергілікті қауымдағы бір адам, әр жаңадан сенімге келген сенушіні бөтен тілдерде сөйлеу дарыны үшін дұға етуге шақыруы мүмкін. Бірақ сол қауымның басқа жетекшілері бөтен тілдерде сөйлеу дарының, әр сенушіге Құдай уәде еткен нәрсе деп сенбейді. Егер олар Құдайдың еркі жоқ нәрсені бастан кешіруге тырысса, адамдар рухани адасуға түседі деп қорқады. Бұл адамдардың жергілікті қауымда ынтымақтаса алмайтындары анық. Жетекшілер адамды мәсіхші деп санаса да, олар оған бұзушы ілімдерді үйретуге мүмкіндік бермеуі керек.

Жергілікті қауым олардың өмірі мен қызметіне әсер ететін ілімдермен келісуі керек. Сондықтан қауымның ұстанатын ілімдерін жазып қойғаны дұрыс болады. Бұл олардың «бұл ілімдермен келіспейтіндердің бәрі мәсіхші емес» деп санайды дегенді білдірмейді. Бірақ жазылған ілімдік ұстанымдардың мақсаты – сенушілердің ынтымақтастығы үшін қажетті ілімдерді көрсету болып табылады.

Иса қауымға екі рәсім берді.

Шомылдыру рәсімі – Мәсіхтің өлімі мен қайта тірілуінің белгісі[1]. Шомылдыру рәсімі – бұл сенушінің Мәсіхпен бірге екенін және күнә үшін өлімді және Мәсіхте жаңа өмірді бастан өткергендігінің дәлелі. Шомылдыру рәсімі – адамды мәсіхші ететін сәт емес. Шомылдыру рәсімі – бұл сенімге келгендікті көпшілік алдында куәлік ету[2].

Иеміздің Кешкі ас рәсімін[3] – Иса айқышқа шегеленгенге дейін шәкірттерімен соңғы кешкі ас кезінде орнатқан[4]. Нан мен тостаған – бұл біздің құтқарылуымыз үшін Өзін құрбандыққа берген Исаның денесі мен қаны. Физикалық түрде өмір сүруіміз үшін тамақ жейтініміз сияқты, біз Оның рухани өмірдегі құрбандығына тәуелдіміз[5].

Екі рәсімді де «рақым алудың құралы» деп атауға болады. Егер сенім мен мойынсұнушылықсыз орындалса, олар автоматты түрде әрекет етпейді. Бұл Құдай бізге берген практикалық іс-әрекеттер және егер олар сеніммен орындалса, онда олар Құдайдың рақымын алудың құралы болып табылады.

► Қауымның мақсаттары қандай?

1. Ізгі хабар айту (Матай, 28:18-20).

2. Қауымдастық ретінде ғибадат ету (Қорынтт. 1-хат, 3:16).

3. Ілімдерді қорғау (Тімотеге 1-хат, 3:15; Яһуданың хаты, 3).

4. Бағышуларды қаржылай қорғау (Тімотеге 1-хат, 5:17-18).

5. Қызметкерлерді жіберу және қолдау (Елшіл. істері, 13:2-4; Римд. хат, 15:24).

6. Мұқтаждарға көмектесу (Тімотеге 1-хат, 5:3).

7. Күнәға батқан мүшелерге тәлім беру (Қорынтт. 1-хат, 5:9-13).

8. Шомылдыру рәсімі мен Кешкі ас рәсімін қолдану (Матай, 28:19; Қорынтт. 1-хат, 11:23-26).

9. Сенушілерді жетілуге жетелеу (Ефест. хат, 4:12-13).

Бұлардың көпшілігін адам жеке өзі жасай алмайды. Оларды орындау үшін сенушілер тобына және басқару құрылымына тәуелді болу керек.

Құдай әр сенушіні өзінің әлемдегі қызметін орындайтын, жергілікті қауымға арнауға шақырады. Егер адам қауымда қызмет етпесе, ол Мәсіхтің денесінің бөлігі ретінде өз мақсатын орындамайды.

Студенттер келесі ақпаратты түсіндіре алады.

Кейбір адамдар ешқашан өздерін жергілікті қауымға арнамайды. Олар жексенбі күні қауымға еркін барып-қайтқылары келеді. Олар осы сабақта көрсетілген қауымның мақсаттарына жетуге көмектесе алмайды, өйткені қауым оларға сенім арта алмайды. Олардың біреуге рухани есеп беретін қарым-қатынастары жоқ және олар біреудің оларға есеп беруіне көмектесе алмайды. Егер барлық сенушілер осындай болса, онда қауым болмас еді.

Студенттер сенім ұстанымын кем дегенде екі рет бірге оқулары керек.

Мәсіх жергілікті қауымдастықтарда Мәсіхтің денесі ретінде көрінетін бір қасиетті дүниежүзілік қауымды құрды. Қауым елшілік ілімдерді ұстанады және шындықты қорғайды. Қауым – Құдайдың отбасы және барлық қажеттіліктерді қанағаттандырып, қызмет етеді. Қауым Құдайға ғибадат етеді, әлемге Ізгі хабарды уағыздайды және сенушілерге тәлім береді.

(1) Оқу және жазу tапсырма: Әрбір студентке төменде көрсетілген үзінділердің бірі тағайындалады. Келесі сабақтың алдында үзіндіні оқып, осы сабақтың тақырыбы туралы не айтылғаны туралы абзац жазу керек.

• Қорынтт. 1-хат, 12:14-31;

• Жақыптың хаты, 2:1-9;

• Ефест. хат, 4:11-16;

• Қорынтт. 1-хат, 6:1-8;

• Қорынтт. 1-хат, 5:1-13.

(2) Тест: Келесі сабақты 12-сабақ бойынша тесттен бастайсыз. Дайындық кезінде тест сұрақтарын мұқият зерттеңіз.

(3) Оқыту тапсырмасы: Студент осы курсты өту кезінде кем дегенде жеті рет, курсқа қатыспайтын адамдарға осы сабақты немесе сабақтың бір бөлігін үйретуі керек. Бұл сабақ қауым тобында, үй тобының кездесуінде немесе басқа ортада өтілуі мүмкін. Сіз бұл мүмкіндіктерді жасауға және сынып жетекшіңізге есеп беруге жауаптысыз.

(4) Келесі сабаққа дайындалу үшін әрқашан келесі сабақты оқуды ұмытпаңыз.

(1) Қауымның дәуірі қашан басталды?

(2) Неліктен қауымды «елшілік» деп атауға болады?

(3) Қауымның пайда болуының төрт аспектісін атаңыз.

(4) Бүкіләлемдік қауымға қысқаша анықтама беріңіз.

(5) Жергілікті қауымға қысқаша анықтама беріңіз.

(6) Бастапқыда «Католик қауымы» деген термин нені білдірді?

(7) Бүкіләлемдік қауымның бірлігі үшін негіз болатын екі нәрсені атаңыз.

(8) Қауымның жазылған ілімдік ұстанымдарының мақсаты неде?

(9) Жергілікті қауымның алты мақсатын атап шығыңыз.