ეს კურსი ასწავლის ახალი აღთქმის 27 წიგნის არსებით შინაარსსა და სწავლებებს.

მიზნები ჩამოთვლილია თითოეული გაკვეთილის დასაწყისში.

(1) გაკვეთილების უმეტესობა იწყება დავალებით: წაიკითხეთ წიგნი ან წიგნები ბიბლიიდან, რომლებიც ისწავლება გაკვეთილზე. ეს უნდა გაკეთდეს წინასწარ, გაკვეთილის ჯგუფში შესწავლამდე. ყოველი გაკვეთილის ბოლოს, გთხოვთ შეახსენოთ სტუდენტებს, რომ წაიკითხონ დავალება შემდეგი გაკვეთილისთვის. ეს უზრუნველყოფს, რომ სტუდენტებმა სწავლის დაწყებამდე იცოდნენ წიგნის ძირითადი შინაარსი.

(2) თითოეული გაკვეთილი დაიწყება მოკლე დავალებით: მუხლების დაზეპირება წმინდა წერილიდან. ეს დავალება შეიცავს ძირითად საზეპირო მუხლებს, კონკრეტულ გაკვეთილზე შესასწავლი წიგნებიდან.

(3) თუ სწავლა ხდება ჯგუფურად, შესაძლოა მასალის რიგრიგობით წაიკითხვა. თქვენ დროდადრო უნდა შეჩერდეთ, კლასთან განხილვისთვის. როგორც კლასის ხელმძღვანელი, თქვენ ხართ პასუხისმგებელი, რომ დისკუსიის დროს არ მოხდეს გადახვევა შესასწავლი მასალიდან. უმჯობესია, თუ დროის ლიმიტს დააწესებთ განხილვისთვის.

(4) როდესაც ასეთ ნიშანს ► დაინახავთ, დასვით კითხვა და მიეცით სტუდენტებს საშუალება, იმსჯელონ პასუხის შესახებ.

(5) ბევრი შენიშვნა (სქოლიო), ანუ ქვემოთ მიწერილი კომენტარები, საღვთო წერილის მუხლებს ეხება. სთხოვეთ სტუდენტებს, იპოვონ ეს მუხლები და წაუკითხონ ჯგუფს.

(6) ყოველი გაკვეთილი მოიცავს დავალებას. ჯგუფური პრეზენტაციების შემთხვევაში, გამოყავით დრო შემდეგი გაკვეთილის დაწყებამდე, პრეზენტაციის ჩასატარებლად.

(7) თითოეული გაკვეთილი მოიცავს ტესტის კითხვებს. ყოველი გაკვეთილის ბოლოს ლიდერს (ჯგუფის ხელმძღვანელს) შეუძლია ამ საკითხების განხილვა სტუდენტებთან. შემდეგი საკლასო სესია უნდა დაიწყოს ამ კითხვების შემცველი მოკლე ტესტით. ამ ტესტის ჩატარება შესაძლებელია როგორც ზეპირად, ასევე წერილობით.