ଏହି ପାଠର ଶେଷ ସୁଦ୍ଧା ଛାତ୍ର ଛାତ୍ରୀମାନେ ଯେପରି :

(୧) ବୁଝିପାରିବେ ଯେ, ଈଶ୍ୱର ସରକାରଙ୍କ ଉପରେ କେଉଁ ଦାୟିତ୍ୱ ଏବଂ ସୀମାବଦ୍ଧତା ରଖିଛନ୍ତି ।

(୨) ସରକାରଙ୍କ ସହିତ ସମ୍ପର୍କିତ ଶାସ୍ତ୍ରୀୟ ନିର୍ଦ୍ଦେଶ ଏବଂ ନୀତିଗୁଡ଼ିକୁ ପାଳନ କରିପାରିବେ ।

(୩) ସମାଜରେ ଧାର୍ମିକତାର ପ୍ରଭାବଶାଳୀ ହେବାକୁ ପ୍ରତିବଦ୍ଧ ହେବେ ।

(୧୭୫୯ - ୧୮୩୩)ରେ ୱଲିୟମ ୱିଲବରଫୋର୍ସ ବ୍ରିଟିଶ୍‌ ପାର୍ଲାମେଣ୍ଟରେ ଜଣେ ସଦସ୍ୟ ଥିଲେ, ଯିଏ ପରବର୍ତ୍ତି ସମୟରେ ଜଣେ ବିଶ୍ୱାସୀ ହେଲେ ଓ ଦାସତ୍ୱ ପ୍ରଥା, ଶିଶୁ ଶ୍ରମିକ ଏବଂ ଗରୀବମାନଙ୍କ ପ୍ରତି ଦୁର୍ବ୍ୟବହାରକୁ ବିରୋଧ କରିବା ଆରମ୍ଭ କରିଥିଲେ । ସେ ୨୦ ବର୍ଷ ଧରି ଏକ ଆଇନ୍‌ ପ୍ରଣୟନ କରିବା ପାଇଁ କାର୍ଯ୍ୟ କରିଥିଲେ ଯାହା ଆଫ୍ରିକାରୁ ବନ୍ଦୀମାନଙ୍କୁ ଆଣି ବ୍ରିଟଶ୍‌ ସାମ୍ରାଜ୍ୟରେ ବିକ୍ରୀ କରିବା ପାଇଁ କ୍ରୀତଦାସ ବାଣିଜ୍ୟକୁ ସମାପ୍ତ କରିବ । ଏହି ସମସ୍ୟା ବିଷୟରେ କେହି ଧ୍ୟାନ ଦେଉ ନ ଥିବାରୁ ସେ ନିରାଶ ହେଉଥିଲେ । ଥରେ ସେ ସଂସଦର ଅଧିକାଂଶ ସଦସ୍ୟଙ୍କୁ ଆଇନ୍‌କୁ ସମର୍ଥନ କରିବାକୁ ରାଜି କରାଇଥିଲେ, କିନ୍ତୁ ବିରୋଧିମାନେ କେତେଜଣ ସଦସ୍ୟଙ୍କୁ ଅନୁପସ୍ଥିତ ରହିବା ପାଇଁ ସେମାନଙ୍କ ପାଇଁ ସିନେମା ଟିକଟ କିଣି ଦେଲେ ଏବଂ ଆଇନ୍‌ ପାସ୍‌ ହୋଇପାରିଲା ନାହିଁ । ୧୮୦୭ ମସିହାରେ ଏହି ଆଇନ୍‌ କ୍ରୀତଦାସ ବାଣିଜ୍ୟକୁ ସମାପ୍ତ କରିଥିଲା, କିନ୍ତୁ ଦାସତ୍ୱ ଏପର୍ଯ୍ୟନ୍ତ ବେଆଇନ୍‌ ହୋଇ ନ ଥିଲା । ସେ ଦାସତ୍ୱର ସମ୍ପୂର୍ଣ୍ଣ ଉଚ୍ଛେଦ ପାଇଁ ଅଭିଯାନ ଜାରି ରଖିଥିଲେ । ୧୮୩୩ ମସିହାରେ ବ୍ରିଟିଶ ସାମ୍ରାଜ୍ୟର ଅଧିକାଂଶ ସ୍ଥାନରେ ଦାସତ୍ୱ ପ୍ରଥା ସମାପ୍ତ ହେଲା ବୋଲି ଆଇନ୍‌ ପ୍ରଣୟନ ହେବା ଖବର ପାଇବାର ତିନି ଦିନ ପରେ ୱଲିୟମ ୱିଲବରଫୋର୍ସଙ୍କର ମୃତ୍ୟୁ ହୋଇଥିଲା ।

ବିଶ୍ୱାସୀମାନେ ସେମାନଙ୍କ ସରକାରଙ୍କ ସହିତ ଯେଉଁ ସମ୍ପର୍କରେ ରହିଥିଲେ, ସେଥିରେ ବହୁତ ବିବଧତା ରହିଛି । ଇତିହାସରେ କିଛି ସମୟରେ ଏବଂ ସ୍ଥାନଗୁଡ଼ିକରେ ଏକ ଜାତୀୟ ଚର୍ଚ୍ଚ ଥିଲା, ଯାହା ସରକାରଙ୍କ ସହିତ ମିଳିତ ଥିଲା । ଅନ୍ୟ ସମୟରେ ଏବଂ ସ୍ଥାନଗୁଡ଼ିକରେ, ସରକାର ଚର୍ଚ୍ଚକୁ ଅବୈଧ କରିଛନ୍ତି ଏବଂ ତାଡ଼ାନ କରିଛନ୍ତି । କିଛି ଦେଶ ଅଛି ଯେଉଁମାନେ ଲୋକମାନଙ୍କୁ ସ୍ୱାଧୀନ ଭାବରେ ଯେକୌଣସି ଧର୍ମ ପାଳନ କରିବାକୁ ଅନୁମତି ଦିଅନ୍ତି ଏବଂ ସେଠାରେ ସରକାରମାନେ କୌଣସି ନିର୍ଦ୍ଦିଷ୍ଟ ଧର୍ମକୁ ସମର୍ଥନ କରନ୍ତି ନାହିଁ ବୋଲି ଦାବି କରନ୍ତି ।

ବିଶ୍ୱାସୀ ଏବଂ ସରକାରଙ୍କ ମଧ୍ୟରେ ସମ୍ପର୍କ ଅନେକ କଷ୍ଟକର ପ୍ରଶ୍ନ ସୃଷ୍ଟି କରେ । କେତେକ ସମୟରେ କେତେକ ସ୍ଥାନରେ ମଣ୍ଡଳୀ ସରକାରଙ୍କ ସହିତ ଏପରି ସମ୍ପର୍କ ବିକଶିତ କରେ ଯାହା ବିଶ୍ୱର ଅନ୍ୟ ସ୍ଥାନରେ ହୋଇପାରେ ନାହିଁ, ଯେଉଁଠାରେ ସରକାର ବହୁତ ଭିନ୍ନ ।

ଏହି ପାଠ ପ୍ରତ୍ୟେକ ପ୍ରଶ୍ନର ଉତ୍ତର ଦେବ ନାହିଁ କିମ୍ବା ଖ୍ରୀଷ୍ଟଙ୍କ ଜଣେ ଅନୁଗାମୀ ପ୍ରତ୍ୟେକ କ୍ଷେତ୍ରରେ କ’ଣ କରିବା ଉଚିତ, ତାହା ବ୍ୟାଖ୍ୟା କରିବ ନାହିଁ, କିନ୍ତୁ ବାଇବଲ ଦୃଷ୍ଟିକୋଣରୁ ଜଣେ ବିଶ୍ୱାସୀ ସହିତ ସରକାରଙ୍କର କ’ଣ ସମ୍ପର୍କ ତାହା ଆମେ ଦେଖିବା ।

► ଜଣେ ଛାତ୍ର ରୋମୀୟ ୧୩:୧-୭ ଦଳ ପାଇଁ ପାଠ କରିବେ । ଏହି ପଦରେ ସରକାର ବିଷୟରେ ଉଲ୍ଲେଖ କେଉଁ ବିଷୟ ତୁମେ ଦେଖ?

ବାଇବଲ ଆମକୁ କହେ ଯେ, ଈଶ୍ୱର ମାନବ ସରକାର ସ୍ଥାପନ କରିଛନ୍ତି । ସରକାର ରହୁ ଏହା ଈଶ୍ୱରଙ୍କର ଇଚ୍ଛା ଅଟେ ଏବଂ ଯେକେହି ମାନବ ସରକାରକୁ ପ୍ରତ୍ୟାଖ୍ୟାନ କରେ ସେ ଈଶ୍ୱରଙ୍କ ବିରୁଦ୍ଧ ଅଟେ (ରୋମୀୟ ୧୩:୧-୨) ।

► ଏହି ପଦ ଅନୁଯାଇ ସରକାରର ଉଦ୍ଦେଶ୍ୟ କ’ଣ ଅଟେ?

ସରକାରଙ୍କର ଗୋଟିଏ ଉଦ୍ଦେଶ୍ୟ ହେଉଛି ଆଇନ ପ୍ରବର୍ତ୍ତନ କରି ଖରାପ ଆଚରଣକୁ ଦଣ୍ଡ ଦେବା (ରୋମୀୟ ୧୩:୩) । ଶାସକ ଈଶ୍ବରଙ୍କ ସେବା କରନ୍ତି ଏବଂ ଯେତେବେଳେ ନିୟମ ଭଙ୍ଗକାରୀଙ୍କୁ ଦଣ୍ଡ ଦିଅନ୍ତି ସେତେବେଳେ ସେ ଈଶ୍ୱରଙ୍କ ଉଦ୍ଦେଶ୍ୟ ପୂରଣ କରନ୍ତି (ରୋମୀୟ ୧୩:୪) ।

► ଜଣେ ଛାତ୍ର ୧ ତୀମଥି ୨:୧-୨ ଦଳ ପାଇଁ ପାଠ କରିବେ ।

ଆମେ ସରକାରଙ୍କ ନିମନ୍ତେ ପ୍ରାର୍ଥନା କରିବା ଉଚିତ ଯେପରି ଆମେ ଶାନ୍ତିରେ ବସବାସ କରିପାରିବା । ଏହା କହେ ଯେ, ଯେତେବେଳେ ସରକାର ଯେପରି କାମ କରିବା ଉଚିତ୍‌ ସେପରି କାମ କରେ, ଏହା ସମାଜରେ ଶାନ୍ତି ରକ୍ଷା କରେ ।

► ମାଥିଉ ୫:୧୩-୧୬ ପାଠ କର । ଯେତେବେଳେ ଯୀଶୁ ଆମକୁ ଲବଣ ଏବଂ ଜ୍ୟୋତିଃ ସଦୃଶ ହେବାକୁ କୁହନ୍ତି, ତା’ର ଅର୍ଥ କ’ଣ?

କେତେ ଲୋକ ବିଶ୍ୱାସ କରନ୍ତି ଯେ, ଯୀଶୁଙ୍କର ଅନୁଗାମୀମାନେ ଭୋଟ୍‌ ଦେବା ଉଚିତ ନୁହେଁ କିମ୍ବା ସରକାରର ପଦବୀରେ ରହିବା ଉଚିତ ନୁହେଁ, କାରଣ ଜଗତର ସରକାର ଖ୍ରୀଷ୍ଟିୟାନ ନୀତି ନିୟମ ଦ୍ୱାରା ଶାସିତ ହୁଏ ନାହିଁ । କିଛି ଖ୍ରୀଷ୍ଟିୟାନ ବିଶ୍ୱାସ କରନ୍ତି ଯେ, ମଣ୍ଡଳୀ ଏକ ପୃଥକ ସମ୍ପ୍ରଦାୟ ହେବା ଉଚିତ, ଯାହା ସମାଜରେ ସାମିଲ୍‌ ହୁଏ ନାହିଁ, କାରଣ ସେମାଜ ଅତ୍ୟଧିକ ଦୁର୍ନିତିଗ୍ରସ୍ତ ଅଟେ ।

ଭବିଷ୍ୟଦ୍‌ବକ୍ତା ଯିରିମିୟ ସେହି ଯିହୁଦୀମାନଙ୍କୁ ଲେଖିଥିଲେ, ଯେଉଁମାନେ ନିଜ ଦେଶରୁ ମୂର୍ତ୍ତିପୂଜକ ସମାଜରେ ରହିବା ପାଇଁ ନିଆ ଯାଇଥିଲେ । ସେମାନେ ସେଠାରେ ଇଚ୍ଛୁକ ନ ଥିଲେ । ଯଦି ଈଶ୍ୱରଙ୍କଠାରେ ବିଶ୍ୱାସୀମାନଙ୍କର ସମାଜରେ ଅଂଶଗ୍ରହଣରୁ ନିବୃତ୍ତ ରହିବାର କାରଣ କେବେ ଥିଲା, ତେବେ ନିଶ୍ଚିତ ଭାବରେ ଏହି ଯିହୁଦୀମାନଙ୍କର ଥିଲା। ସେମାନେ ସେଠାରେ ନିଜର ଇଚ୍ଛା ବିରୁଦ୍ଧରେ ଥିଲେ, ସମାଜର ଧର୍ମ ମୂର୍ତ୍ତିପୂଜା ଥିଲା, ସରକାର ଅତ୍ୟାଚାରୀ ଥିଲେ ଏବଂ ସେମାନଙ୍କ ଜାତିକୁ ଧ୍ୱଂସ କରିଥିଲା ଓ ଯିହୁଦୀମାନେ ସେହି ଦିନକୁ ଅପେକ୍ଷା କରିଥିଲେ, କେତେବେଳେ ସେମାନେ ସେଠାରୁ ବାହାରି ଯିବେ ।

କିନ୍ତୁ ଏହି ଲୋକମାନଙ୍କ ନିମନ୍ତେ ଭାବବାଦୀଙ୍କୁ ଈଶ୍ୱରଙ୍କ ଦ୍ୱାରା ପ୍ରଦତ୍ତ ବାକ୍ୟ ଶୁଣନ୍ତୁ :

“ପୁଣି, ଆମ୍ଭେ ଯେଉଁ ନଗରରେ ତୁମ୍ଭମାନଙ୍କୁ ନିର୍ବାସିତ କରାଇଅଛୁ, ତହିଁର ଶାନ୍ତି ଚେଷ୍ଟା କର ଓ ତହିଁ ନିମନ୍ତେ ସଦାପ୍ରଭୁଙ୍କ ନିକଟରେ ପ୍ରାର୍ଥନା କର, କାରଣ ତହିଁର ଶାନ୍ତିରେ ତୁମ୍ଭମାନଙ୍କର ଶାନ୍ତି ହେବ’’ (ଯିରିମିୟ ୨୯:୭) ।

“ଶାଲୋମ୍‌’’, ଏହି ପଦରେ ବ୍ୟବହୃତ ହିବ୍ରୁ ଶବ୍ଦ କେବଳ ଶାନ୍ତିକୁ ନୁହେଁ, ବରଂ ଶାନ୍ତି ସହିତ ଆସୁଥିବା ଆଶୀର୍ବାଦକୁ ମଧ୍ୟ ବୁଝାଏ । ଏହା ଈଶ୍ୱରଙ୍କ ଆଶୀର୍ବାଦକୁ ବୁଝାଏ । ପରମେଶ୍ୱରଙ୍କ ଏହି ଉପାସକମାନେ ପରମେଶ୍ୱରଙ୍କ ଆଶୀର୍ବାଦ ପାଇପାରିବେ ଯେତେବେଳେ ସେମାନେ ସେହି ଆଶୀର୍ବାଦଗୁଡ଼ିକୁ ଏକ ପାପୀ ସମାଜରେ ଆଣିବାକୁ ଚେଷ୍ଟା କରିବେ, ଯେଉଁମାନେ ତାଙ୍କୁ ଜାରି ନ ଥିଲେ ଏବଂ ତାଙ୍କ ଲୋକମାନଙ୍କୁ ତାଡ଼ନା କରିଥିଲେ ।

ପରମେଶ୍ୱରଙ୍କ ସେବା କରୁଥିବା ଲୋକମାନେ ସେମାନଙ୍କ ସମାଜକୁ ପରମେଶ୍ୱରଙ୍କ ଇଚ୍ଛାକୁ ସମ୍ମାନ ଦେବା ପାଇଁ ପ୍ରଭାବିତ କରିବା ଉଚିତ, ଯାହା ଦ୍ୱାରା ସେମାନଙ୍କର ସମାଜ ଆଶୀର୍ବାଦ ପ୍ରାପ୍ତ ହୋଇପାରିବ । ସେମାନେ କେବଳ ସୁସମାଚାର ବାଣ୍ଟିବା ଉଚିତ ନୁହେଁ, ବରଂ ଈଶ୍ୱରଙ୍କ ନୀତିକୁ ପ୍ରତ୍ୟେକ ପରିସ୍ଥିତିରେ ଏବଂ ପ୍ରତ୍ୟେକ ନିଷ୍ପତ୍ତିରେ ମଧ୍ୟ ପ୍ରୟୋଗ କରିବା ଉଚିତ ।

ସରକାର ଏବଂ ସମାଜ ପରମେଶ୍ୱରଙ୍କ ବାକ୍ୟ ଦ୍ୱାରା ଗଢ଼ି ଉଠିବା ଉଚିତ । ଈଶ୍ୱରଙ୍କ ପ୍ରକାଶିତ ସତ୍ୟରୁ ନୀତିଶାସ୍ତ୍ର (ସଠିକ୍‌ କାର୍ଯ୍ୟ ପାଇଁ ନିୟମ) ଆସିବା ଉଚିତ, ନୀତିଶାସ୍ତ୍ରରୁ ରାଜାନୀତି ଆସିବା ଉଚିତ (ନ୍ୟାୟ ଏବଂ ସ୍ୱାଧୀନତା ନିମନ୍ତେ ସରକାର), ଏବଂ ତା’ପରେ ଅର୍ଥ ନୀତି (ଉତ୍ସକୁ ପରିଚାଳନା) । ତେଣୁ ସଠିକ୍‌ କ୍ରମ ହେଉଛି ସତ୍ୟ, ତା’ପରେ ନୀତି ଶାସ୍ତ୍ର, ତା’ପରେ ରାଜନୀତି ଏବଂ ତା’ପରେ ଅର୍ଥ ନୀତି ।

୧) ଶାସ୍ତ୍ର

୨) ନୀତି ଶାସ୍ତ୍ର

୩) ରାଜନୀତି

୪) ଅର୍ଥ ନୀତି

ମାନବ ସମାଜର ପ୍ରାକୃତିକ ପ୍ରବୃତ୍ତି ହେଉଛି କ୍ରମକୁ ଓଲଟା କରିବା । ଲୋକମାନେ ସେମାନଙ୍କର ବ୍ୟକ୍ତିଗତ ଅର୍ଥନୀତିକୁ ପ୍ରାଥମିକତା ଦିଅନ୍ତି, ତା’ପରେ ନେତା ଏବଂ ଆଇନ୍‌କୁ ସମର୍ଥନ କରନ୍ତି ଯାହା ସେମାନଙ୍କୁ ନ୍ୟାୟ ଏବଂ ସ୍ୱାଧୀନତା ହରାଇବାକୁ ପଡ଼ିଲେ ମଧ୍ୟ ସେମାନେ ଯାହା ଚାହୁଁଛନ୍ତି ତାହା ଦେବେ, ତା’ପରେ ସେମାନଙ୍କର ନୀତିଶାସ୍ତ୍ରରୁ ସେମାନେ ଯାହା କରନ୍ତି ତାହା ସହିତ ମେଳଖାଏ, ତା’ ପରେ ସେମାନଙ୍କର ଆଚରଣକୁ ଅନୁମୋଦନ କରିବା ପାଇଁ ଧର୍ମକୁ ଡିଜାଇନ୍‌ କରେ । ତେଣୁ ସ୍ୱାଭାବିକ ଭାବରେ ଯାହା ସ୍ୱାଭାବିକ କ୍ରମରେ ଆସେ ତାହା ହେଉଛି ଅର୍ଥନୀତି, ତା'ପରେ ରାଜନୀତି, ତା'ପରେ ନୀତିଶାସ୍ତ୍ର, ତା'ପରେ ଧର୍ମ।

୧) ଅର୍ଥ ନୀତି

୨) ରାଜନୀତି

୩) ନୀତି ଶାସ୍ତ୍ର

୪) ଧର୍ମ

ସେହି ପ୍ରକାରର ଧର୍ମ ଭୁଲ୍‌ ନୀତି ଦ୍ୱାରା ଏତେ ରୂପ ପାଇଛି ଯେ, ଏଥିରେ ସତ୍ୟର ଅଭାବ ଅଛି ।

ମଣ୍ଡଳୀ ବାଇବଲ ସତ୍ୟ ନିମନ୍ତେ ପକ୍ଷ ନେବା ଉଚିତ, କେବଳ ସମାଜର ପାପକୁ ପ୍ରତ୍ୟାଖ୍ୟାନ କରିବା ଦ୍ୱାରା ନୁହେଁ ବରଂ ସମାଜ କିପରି ହେବା ଉଚିତ୍‌ ତାହା ବ୍ୟାଖ୍ୟା କରି ଏବଂ ପ୍ରଦର୍ଶନ କରି । ଯଦି ବିଶ୍ୱାସୀମାନେ ସମାଜ କିପରି ହେବା ଉଚିତ୍‌ ତାହା ବ୍ୟାଖ୍ୟା କରିପାରେ ନାହିଁ ଏବଂ ପ୍ରଦର୍ଶନ କରିପାରେ ନାହିଁ, ଆମେ ଆଶା କରିବା ଉଚିତ୍‌ ଯେ, ଯେଉଁମାନେ ବାଇବଲ୍‌ର ସତ୍ୟ ବିଷୟରେ ଅଜ୍ଞ, ସେମାନେ ଏହାକୁ ପ୍ରୟୋଗ କରିବାରେ ବିଫଳ ହେବେ ।

ବିଶ୍ୱାସୀମାନେ କେବଳ ସେମାନଙ୍କ ସମାଜକୁ ସମାଲୋଚନା କରିବା ଉଚିତ ନୁହେଁ । ବିଶ୍ୱାସୀମାନେ ସେମାନଙ୍କର ସମାଜର ଏକ ଅଂଶ ହେବା ଆବଶ୍ୟକ । ବିଶ୍ୱାସୀମାନେ ସେମାନଙ୍କ ସମାଜରେ ନିଜକୁ ସକ୍ରୀୟ କରିବା ଉଚିତ ଏବଂ ନ୍ୟାୟ ପାଇଁ ଓକିଲାତି କରିବା ଉଚିତ । ବିଶ୍ୱାସୀମାନେ ସର୍ବଦା ସେମାନଙ୍କର ସମସ୍ତ କାର୍ଯ୍ୟରେ ନୀତିବାଦୀ ହେବା ଉଚିତ ଏବଂ ଏହିପରି ଅନ୍ୟମାନଙ୍କୁ ଧାର୍ମିକତା ପାଇଁ ପ୍ରଭାବିତ କରିବା ଉଚିତ । ସେମାନେ ଖ୍ରୀଷ୍ଟିଆନ ନୀତିଗୁଡ଼ିକୁ ଉଲ୍ଲଂଘନ ନକରି ସମାଜକୁ ପ୍ରଭାବିତ କରୁଥିବା ସରକାର ଏବଂ ସଂଗଠନଗୁଡ଼ିକରେ ଅଂଶଗ୍ରହଣ କରିବା ଉଚିତ, ଯେପର୍ଯ୍ୟନ୍ତ ସେମାନେ ଏହା କରିପାରିବେ। ଯଦି ଅନୁମତି ଦିଆଯାଏ, ତେବେ ସେମାନେ ଖ୍ରୀଷ୍ଟିୟାନ ଚରିତ୍ରର ନିକଟତମ ପ୍ରାର୍ଥୀଙ୍କୁ ଭୋଟ ଦେବା ଏବଂ ସମର୍ଥନ କରିବା ଉଚିତ୍‌ ।

► ଶାସ୍ତ୍ରୀୟ ସତ୍ୟ ଉପରେ ଆଧାରିତ ନିଷ୍ପତ୍ତି ନେବା ଅପେକ୍ଷା ଆର୍ଥିକ ମଙ୍ଗଳ ପାଇଁ ନିଷ୍ପତ୍ତି ନେବାକୁ ମଣ୍ଡଳୀ ଉପରେ ସମାଜର ଚାପର ଏକ ଉଦାହରଣ କ’ଣ?

ସାରା ଇତିହାସରେ ବିଶ୍ୱାସୀମାନେ ଯେତେବେଳେ ସେମାନଙ୍କର ସରକାର ଭିନ୍ନ ନୀତି ଅନୁସରଣ କରନ୍ତି, ସେତେବେଳେ ଖ୍ରୀଷ୍ଟିୟାନ ନୀତିଗୁଡ଼ିକୁ କିପରି ଅନୁସରଣ କରିବେ ତାହା ଜାଣିବା ପାଇଁ ସଂଘର୍ଷ କରନ୍ତି । ବେଳେବେଳେ ସେମାନଙ୍କର ସଂଘର୍ଷ ଗମ୍ଭୀର ହୋଇଥାଏ ଏବଂ ବିଶ୍ୱାସୀମାନେ ସେମାନଙ୍କର ବିଶ୍ୱାସ ପାଇଁ ଦୁଃଖଭୋଗ କରନ୍ତି, କାରଣ ସେମାନେ ସରକାରଙ୍କ ଆବଶ୍ୟକ କରୁଥିବା କାମ କରିପାରନ୍ତି ନାହିଁ ।

ବାଇବଲ କହେ ଯାହା ସରକାରଙ୍କର ଆବଶ୍ୟକ କର ତାହା ସରକାରଙ୍କୁ ଦିଅ (ରୋମୀୟ ୧୩:୬, ମାଥିଉ ୨୨:୨୧) ।

ଆମ ଦେଶର ନିୟମ ପାଳନ କରିବାକୁ ବାଇବଲ ଆମକୁ କହେ (ତୀତସ ୩:୧) । ତଥାପି, ବାଇବଲ ଆମକୁ ଏହା ମଧ୍ୟ କୁହେ ଯେ, ଯେତେବେଳେ ପରମେଶ୍ୱରଙ୍କ ଆଜ୍ଞା ମନୁଷ୍ୟର ବ୍ୟବସ୍ଥାର ବିରୁଦ୍ଧାଚରଣ କରେ, ସେତେବେଳେ ଆମକୁ ପରମେଶ୍ୱରଙ୍କ ଆଜ୍ଞା ପାଳନ କରିବାକୁ ପଡ଼ିବ (ପ୍ରେରିତ ୫:୨୯) ।

ସରକାର ଦାବି କରିପାରନ୍ତି ଯେ, ଲୋକମାନେ ଏକ ଅନ୍ୟାୟ କାରଣ ପାଇଁ ସୈନିକ ଭାବରେ ଲଢ଼ନ୍ତୁ । ସରକାର ଅତ୍ୟଧିକ ଜନସଂଖ୍ୟାକୁ ହ୍ରାସ କରିବା ପାଇଁ ଶିଶୁଙ୍କ ମୃତ୍ୟୁ ଦାବି କରିପାରନ୍ତି । ସରକାର ଏକ ଜାତିଗତ ଗୋଷ୍ଠୀର ଦାସତ୍ୱ ପାଇଁ ସହଯୋଗ ଦାବି କରିପାରନ୍ତି ।

ବେଳେବେଳେ ଉପାସନା ବିଷୟରେ ସମସ୍ୟା ହୁଏ । ଖ୍ରୀଷ୍ଟଙ୍କ ଅନୁଗାମୀମାନେ ତାଡ଼ନାପ୍ରାପ୍ତ ହୋଇପାରନ୍ତି, ଯେତେବେଳେ ସେମାନେ ସେମାନଙ୍କର ପରିବାରର କିମ୍ବା ଜାତିର ଦେବତାମାନଙ୍କୁ ପୂଜା କରନ୍ତି ନାହିଁ । ବିଶ୍ୱାସୀମାନେ ତାଡ଼ନା ପ୍ରାପ୍ତ ହେଇପାରନ୍ତି, ଯେତେବେଳେ ଏକ ନିର୍ଦ୍ଦିଷ୍ଟ ଧର୍ମକୁ ତାଙ୍କଜ୍ଞର ସରକାର ପ୍ରିୟ ମନେ କରନ୍ତି ।

କେତେକ ଦେଶମାନଙ୍କରେ ସୁସମାଚାର ଏବଂ ବାଇବଲ ଶିକ୍ଷା ବିରୁଦ୍ଧରେ ଆଇନ୍‌ ଅଛି । ଯେତେବେଳେ ବିଶ୍ୱାସୀମାନେ ସୁସମାଚାର ପ୍ରଚାର କରନ୍ତି ସେମାନେ ତାଡ଼ନା ପାଆନ୍ତି । କେତେକ ଦେଶରେ ପିତାମାତାମାନେ ଦଣ୍ଡ ପାଆନ୍ତି, ଯେତେବେଳେ ସେମାନେ ପିଲାମାନଙ୍କୁ ଈଶ୍ୱରଙ୍କ ବିଷୟରେ ଶିକ୍ଷା ଦିଅନ୍ତି ।

ଶାସକମାନଙ୍କର ଦ୍ୱାରା ଅନ୍ୟାୟ ଆଦେଶ ଅମାନ୍ୟ କରିଥିବା ଲୋକଙ୍କର ବାଇବଲ ଉଦାହରଣ ଆମ ପାଖରେ ଅଛି । ପ୍ରାର୍ଥନା ଅବୈଧ ହୋଇଥିଲେ ମଧ୍ୟ ଦାନିଏଲ ପ୍ରାର୍ଥନା କରିଚାଲିଥିଲେ (ଦାନିଏଲ ୬:୧୦) । ରାଜାଙ୍କର ମୂର୍ତ୍ତିକୁ ପୂଜା କରିବା ପାଇଁ ଦାନିଏଲଙ୍କର ତିନି ବନ୍ଧୁ ଅସ୍ୱୀକାର କଲେ (ଦାନିଏଲ ୩:୧୬-୧୮) । ଇସ୍ରାଏଲୀୟ ଶିଶୁମାନଙ୍କୁ ହତ୍ୟା କରିବାକୁ ଫାରୋ ଆଦେଶ ଦେବା ସମୟରେ ଇସ୍ରାଏଲୀୟ ଧାତ୍ରୀମାନେ ତାଙ୍କ କଥା ମାନି ନ ଥିଲେ (ଯାତ୍ରା ପୁସ୍ତକ ୧:୧୭) ।

ସାରା ଇତିହାସରେ ସୁସମାଚାର ଅବୈଧ ହେଲେ ମଧ୍ୟ ବିଶ୍ୱାସୀମାନେ ପ୍ରଚାର କରୁଥିଲେ । ବିଶ୍ୱାସୀମାନେ ସୀମା ପାର ହୋଇ ଅବୈଧ ଭାବରେ ବାଇବଲ ନେଇ ଯାଉଥିଲେ । ଗୁପ୍ତ ଭାବରେ ଉପାସନା କରିବାକୁ ବିଶ୍ୱାସୀମାନେ ଏକାଠି ହେଉଥିଲେ । ବିଶ୍ୱାସୀମାନେ - ବିନା ହିଂସାରେ - ଗର୍ଭପାତ କରୁଥିବା କ୍ଲିନିକ୍ ଗୁଡ଼ିକୁ ଅବରୋଧ କଲେ। ରକ୍ଷା କରାଯାଇଥିବା ଦାସମାନଙ୍କୁ ବିଶ୍ୱାସୀମାନେ ସାହାଯ୍ୟ କଲେ ।

ଅଧିକାଂଶ ବିଶ୍ୱାସୀମାନେ ଶାନ୍ତିରେ ଜୀବନଯାପନ କରିବାକୁ ପସନ୍ଦ କରିବେ ଏବଂ ଏପରି ନିଷ୍ପତ୍ତିର ସମ୍ମୁଖିନ ହେବେ ନାହିଁ । ତଥାପି, ଯଦି ବିଶ୍ୱାସୀମାନେ ଏକ ନୈତିକ ଦ୍ୱନ୍ଦର ସମ୍ମୁଖିନ ହୁଅନ୍ତି, ତେବେ ସେମାନଙ୍କୁ ଯାହା ଠିକ୍‌ ତାହା କରିବାକୁ ପଡ଼ିବ, ଯଦିଓ ଏଥିପାଇଁ ବଳିଦାନର ଆବଶ୍ୟକ ହୁଏ । ଯଦି ସେମାନଙ୍କ ପାଖରେ ଅନ୍ୟାୟକୁ ରୋକିବା କିମ୍ବା ସୁସମାଚାର ବାଣ୍ଟିବାର ସୁଯୋଗ ଥାଏ, ତେବେ ସେମାନେ କାର୍ଯ୍ୟ କରିବେ କି ନାହିଁ ତାହା ନିଷ୍ପତ୍ତି ନେବା ସମୟରେ ଏକ ଗମ୍ଭୀର ନିଷ୍ପତ୍ତି ନିଅନ୍ତି ।

► ଆପଣଙ୍କ ଦେଶରେ ଜଣେ ବିଶ୍ୱାସୀ ପାଇଁ ଘଟୁଥିବା ଆଇନଗତ ଦ୍ୱନ୍ଦକୁ ଆପଣ ବର୍ଣ୍ଣନା କରିପାରିବେ କି?

ଜଣେ ପାଳକ ବିଦେଶ ମଧ୍ୟ ଦେଇ ଯାତ୍ରା କରୁଥିଲେ । ତାଙ୍କ ପାଖରେ ସଠିକ୍‌ ଡକ୍ୟୁମେଣ୍ଟ ଥିଲା, କିନ୍ତୁ ପ୍ରାୟ ପ୍ରତ୍ୟେକ ଥର ପରି ତାଙ୍କୁ ଅଟକାଇ ଅଳ୍ପ ଟଙ୍କା ମାଗୁଥିଲେ । ଯଦି ସେ ଟଙ୍କା ନ ଦିଅନ୍ତି, ତେବେ ତାଙ୍କ ଯାତ୍ରା ବିଳମ୍ବ ହେବ ଏବଂ ତାଙ୍କୁ ସେମାନେ ହଇରାଣ କରିବେ ।

► ଜଣେ ପାଳକ ଏହିପରି ପରିସ୍ଥିତିରେ କ’ଣ କରିବେ?

ଲାଞ୍ଚ ହେଉଛି ଜଣେ କ୍ଷମତା ପ୍ରାପ୍ତ ବ୍ୟକ୍ତିଙ୍କୁ କିଛି ଅନୁମତି ଦେବା ପାଇଁ ପ୍ରଭାବିତ କରିବା ନିମନ୍ତେ ଦିଆଯାଇଥିବା ଟଙ୍କା । ଜଣେ ବ୍ୟକ୍ତିଙ୍କୁ ଏପରି କାମ କରିବା ପାଇଁ ଲାଞ୍ଚ ଦେବା ଭୁଲ ଯାହା ସେ କରିବା ଉଚିତ୍ ନୁହେଁ (ଦ୍ୱିତୀୟ ବିବରଣ ୧୬:୧୯) । ଉଦାହରଣ ସ୍ୱରୂପ ଯଦି ଏକ ଘର କିମ୍ବା ଗାଡ଼ି ସେମାନଙ୍କର ସଠିକ୍‌ ଆବଶ୍ୟକ ମେଣ୍ଟାଇ ନାହାନ୍ତି, ଜଣେ ଅଧିକାରୀଙ୍କୁ ଲାଞ୍ଚ ଦେଇ ଯାହା ସତ୍ୟ ନୁହେଁ ସେଥହିରେ ଦସ୍ତଖତ ନେବା ଭୁଲ୍‌ ଅଟେ । ଅନ୍ୟାୟ ବିଚାର କରିବାକୁ ଜଣେ ବିଚାରପତି କିମ୍ବା ପୋଲିସ୍‌କୁ ଲାଞ୍ଚ ଦେବା ଭୁଲ୍‌ ଅଟେ ।

ବେଳେବେଳେ ଜଣେ ଅଧିକାରୀ ସେ ଯାହା କରିବା କଥା ତାହା କରିବା ପାଇଁ ଲାଞ୍ଚ ମାଗେ। ସେହି କ୍ଷେତ୍ରରେ, ଯିଏ ଦେଉଛି ସେ ତାକୁ କିଛି ଭୁଲ କରିବା ପାଇଁ ଦେଉ ନାହିଁ । ଅଧିକାରୀଙ୍କ ଦ୍ୱାରା ଏହା ଦାବି କରିବା ଭୁଲ୍‌ (ଲୂକ ୩:୧୪), କିନ୍ତୁ ଯେଉଁ ବ୍ୟକ୍ତି ଦେଉଛି ତା’ର ଅନ୍ୟ କୌଣସି ବିକଳ୍ପ ନାହିଁ ଉଦାହରଣ ସ୍ୱରୂପ ଏପରି କିଛି ପାଇଁ ଅନୁମତି ପାଇବା ଯାହାକୁ ଅନୁମତି ଦିଆଯିବା ଉଚିତ କିମ୍ବା ଜଣେ ନିର୍ଦ୍ଦୋଷ ବ୍ୟକ୍ତିଙ୍କ ସ୍ୱାଧୀନତା ପାଇବା। ଚୋରି ଭୁଲ୍‌ ଅଟେ, କିନ୍ତୁ ଆମେ ପୀଡ଼ିତଙ୍କୁ ଦୋଷ ଦେଉ ନାହୁଁ ।

ଶାସ୍ତ୍ରକୁ ସତର୍କତାର ସହିତ ଦେଖିବା ଦ୍ୱାରା ଜଣା ପଡ଼େ ଯେ, ଯେଉଁମାନେ ଲାଞ୍ଚ ନିଅନ୍ତି, ପରମେଶ୍ୱର ସେମାନଙ୍କୁ ନିନ୍ଦା କରନ୍ତି କିନ୍ତୁ ଯେଉଁମାନେ ଲାଞ୍ଚ ଦେବାକୁ ବାଧ୍ୟ ହୁଅନ୍ତି, ସେମାନଙ୍କ ପ୍ରତି ସେ ଦୟାଳୁ ହୁଅନ୍ତି (ଯାତ୍ରା ପୁସ୍ତକ ୧୮:୨୧, ଯାତ୍ରା ପୁସ୍ତକ ୨୩:୮, ଦ୍ୱିତୀୟ ବିବରଣ ୧୦:୧୭, ଦ୍ୱିତୀୟ ବିବରଣ ୧୬:୧୯, ଦ୍ୱିତୀୟ ବିବରଣ ୨୭:୨୫) । ବିଶ୍ୱାସୀମାନେ ସୁବିଧା ପାଇଁ କଦାପି ଲାଞ୍ଚ ଦେବା ଉଚିତ ନୁହେଁ, କିନ୍ତୁ ଯେତେବେଳେ ସେମାନେ ଦୁର୍ନୀତିଗ୍ରସ୍ତ ଅଧିକାରୀଙ୍କ ଦ୍ୱାରା ବାଧ୍ୟ ହୁଅନ୍ତି, ସେତେବେଳେ ସେମାନେ ଦୋଷୀ ନୁହଁନ୍ତି ।

► ଏକ ଭୁଲ୍‌ ଲାଞ୍ଚର ଦୃଷ୍ଟାନ୍ତ କ’ଣ ଅଟେ?

ଯୀଶୁଙ୍କର ଅନେକ ଅନୁଗାମୀ ବିଶ୍ୱାସ କରନ୍ତି ଯେ, ସେମାନଙ୍କ ଦେଶ ନିମନ୍ତେ ସୈନ୍ୟ ଭାବରେ ସେବା କରିବା ଭୁଲ୍‌ ଅଟେ । ଶାସ୍ତ୍ରର ନିର୍ଦ୍ଦିଷ୍ଟ ଉକ୍ତି ଉପରେ ସେମାନଙ୍କର ବିଶ୍ୱାସକୁ ସ୍ଥାପନ କରନ୍ତି । ଯୀଶୁ କହିଲେ, ଯିଏ ଗୋଟେ ଗାଲରେ ଚାପୁଡ଼ା ମାରେ ତାକୁ ଅନ୍ୟ ଗାଲ ଦେଖାଇ ଦିଅ (ମାଥିଉ ୫:୩୯) । ଯୀଶୁ କହିଲେ, ଯେ, ତାଙ୍କ ଦାସମାନେ ଯୁଦ୍ଧ କରନ୍ତି ନାହିଁ କାରଣ ତାଙ୍କ ରାଜ୍ୟ ଏହି ଜଗତର ନୁହେଁ (ଯୋହନ ୧୮:୩୬) । ପ୍ରେରିତ ପାଉଲ କହିଲେ ଆମର ଅସ୍ତ୍ରଶସ୍ତ୍ର ଶାରୀରିକ ନୁହେଁ (୨ କରିନ୍ଥୀୟ ୧୦:୪) । ଏହି ଖ୍ରୀଷ୍ଟିୟାନମାନେ ବିଶ୍ୱାସ କରନ୍ତି ଯେ, ଅନ୍ୟ ଲୋକଙ୍କ ବିରୁଦ୍ଧରେ ଯେକୌଣସି ହିଂସା ଭୁଲ୍‌ ଅଟେ । ସେମାନଙ୍କ ମଧ୍ୟରୁ ଅନେକେ ଏପରି ଦେଶରେ ବାସ କରନ୍ତି ଯେଉଁଠାରେ ସରକାର ସ୍ୱାଧୀନତା ଅନୁମତି ଦିଅନ୍ତି ନାହିଁ ଏବଂ ବିଶ୍ୱାସୀମାନଙ୍କୁ ତାଡ଼ନା କରିଛନ୍ତି ।

ଅନ୍ୟ ଖ୍ରୀଷ୍ଟିୟାନମାନେ ବିଶ୍ୱାସ କରନ୍ତି ଯେ, ସୈନିକ ଭାବରେ ଆମେ ଦେଶକୁ ରକ୍ଷା କରିବାର ଇଚ୍ଛା ରଖିବା ଉଚିତ । ଶାସ୍ତ୍ର କହେ, ଯେ ଈଶ୍ୱର ସରକାର ସ୍ଥାପନ କରିଛନ୍ତି ଏବଂ ସରକାର ଭୁଲ୍‌ କାମ କରୁଥିବା ଲୋକଙ୍କୁ ଦଣ୍ଡ ଦେବା ପାଇଁ ଅସ୍ତ୍ର ବ୍ୟବହାର କରିପାରିବେ (ରୋମୀୟ ୧୩:୪) । ଏହା ସ୍ପଷ୍ଟ ମନେହୁଏ ଯେ, ପରମେଶ୍ୱର ଜଣେ ପୁରୁଷଙ୍କୁ ତାଙ୍କ ପରିବାରକୁ ସୁରକ୍ଷା ଦେବା ପାଇଁ ସୃଷ୍ଟି କରିଥିଲେ, ଏବଂ ତେଣୁ ପୁରୁଷମାନେ ସେମାନଙ୍କ ପରିବାରକୁ ଏକ ସେନା ରୂପରେ ଆକ୍ରମଣରୁ ରକ୍ଷାକରିବା ପାଇଁ ସଂଗଠିତ ହେବା ସ୍ୱାଭାବିକ ମନେହୁଏ । ଯେତେବେଳେ ଜଣେ ସୈନ୍ୟ ବାପ୍ତିଜକ ଯୋହନଙ୍କୁ ପଚାରିଲେ, କିପରି ଅନୁତାପ କରିବେ, ଯୋହନ ତାଙ୍କୁ ଲାଞ୍ଚ ନ ନେବାକୁ କିମ୍ବା ବ୍ୟକ୍ତିଗତ ହିଂସା ନ କରିବାକୁ କହିଥିଲେ କିନ୍ତୁ ସେନା ଛାଡିବାକୁ କହି ନଥିଲେ। (ଲୂକ ୩:୧୪) । ଯେତେବେଳେ ଯୀଶୁ କହିଲେ, ଅନ୍ୟଗାଲ ଦେଖାଇବାକୁ ତାଙ୍କର କହିବାର ଅର୍ଥ ନ ଥିଲା ଯେ, ଆମେ ନିଜକୁ ଆକ୍ରମଣରୁ ରକ୍ଷା ନ କରୁ କିନ୍ତୁ ଆମେ ଆମର ଆକ୍ରମଣାତ୍ମକ କାର୍ଯ୍ୟର ପ୍ରତିଶୋଧ ନେବା ଉଚିତ ନୁହେଁ ଯେପରି ମୁହଁରେ ଚାପୁଡ଼ା ମାରିବା । ସେ କହିଲେ ଯେ, ତାଙ୍କ ସେବକମାନେ ତାଙ୍କ ପାଇଁ ଏକ ପାର୍ଥିବ ରାଜ୍ୟ ସ୍ଥାପନ କରିବା ପାଇଁ ଯୁଦ୍ଧ କରନ୍ତି ନାହିଁ କାରଣ ସେ ଏପରି ଭାବରେ ରାଜ୍ୟ ସ୍ଥାପନ କରିବେ ନାହିଁ । ଯଦି ଏକ ସରକାର ପରମେଶ୍ୱରଙ୍କ ଧାରଣା, ଏବଂ ଯଦି ଏକ ସରକାର ତା’ର ଲୋକଙ୍କୁ ରକ୍ଷା କରିବା ଉଚିତ, ତେବେ ବିଶ୍ୱାସୀମାନେ ତା’ର ଦାୟୀତ୍ୱ ପୂରଣ କରିବାରେ ସାହାଯ୍ୟ କରିବା ପାଇଁ ତା’ର ସରକାରର ସେବା କରିବା ସଠିକ୍‌ ହେବ ।

ମଣ୍ଡଳୀ ଇତିହାସର ଶତାବ୍ଦୀ ଧରି, ଅନେକ ଦେଶର ଅନେକ ବିଶ୍ୱାସୀ ସାମରୀକ ବାହିନୀରେ, ଯୁଦ୍ଧରେ ମଧ୍ୟ ସେବା କରିଛନ୍ତି, କାରଣ ସେମାନେ ବିଶ୍ୱାସ କରନ୍ତି ଯେ, ମନ୍ଦ ଆକ୍ରମଣରୁ ନିଜ ଜାତିକୁ ରକ୍ଷା କରିବା ପାଇଁ ସେମାନଙ୍କୁ ନିଜର ଭୂମିକା ଗ୍ରହଣ କରିବାକୁ ପଡ଼ିବ ।

ସାରା ବିଶ୍ୱରେ ଖ୍ରୀଷ୍ଟିୟାନମାନେ ସାମରିକ ସେବା ପ୍ରସଙ୍ଗରେ ସହମତ ନୁହଁନ୍ତି । ଜଣେ ବ୍ୟକ୍ତି ପାଇଁ ପ୍ରାର୍ଥନା ପୂର୍ବକ ଶାସ୍ତ୍ର ଏବଂ ଯୁକ୍ତି ଉପରେ ବିଚାର କରିବା, ତା’ପରେ ବିଶ୍ୱସ୍ତ ଭାବରେ ତାଙ୍କ ବିଶ୍ୱାସକୁ ଅନୁସରଣ କରିବା ଗୁରୁତ୍ୱପୂର୍ଣ୍ଣ ।

► ଆପଣଙ୍କ ଦେଶର ମଣ୍ଡଳୀଗୁଡ଼ିକ ସାମରିକ ସେବାର ପ୍ରଶ୍ନର ଉତ୍ତର କିପରି ଦିଅନ୍ତି?

ଅନେକ ବିଶ୍ୱାସୀମାନଙ୍କର ଏହି ବିଷୟଗୁଡ଼ିକ ଉପରେ ଦୃଢ଼ ମତ ଅଛି ।

ଏହା ବୁଝିବା ଗୁରୁତ୍ୱପୂର୍ଣ୍ଣ ଯେ, ବିଭିନ୍ନ ସମୟରେ ଏବଂ ସ୍ଥାନଗୁଡ଼ିକରେ ଖ୍ରୀଷ୍ଟଙ୍କ ଅନୁଗାମୀମାନେ ଏହି ପ୍ରଶ୍ନଗୁଡ଼ିକ ବିଷୟରେ ସମସ୍ତେ ଏକମତ ହୋଇନାହାନ୍ତି । ଅନ୍ୟମାନଙ୍କ ମତାମତ ଦେଖି ସେମାନଙ୍କ ଉଦ୍ଦେଶ୍ୟକୁ ବିଚାର କରିବାଠାରୁ ଦୂରେଇ ରହିବା ଉଚିତ ।

► ଆମ ଦେଶରେ ମଣ୍ଡଳୀ ଏବଂ ସରକାରଙ୍କ ମଧ୍ୟରେ ସାଧାରଣ ସମ୍ପର୍କକୁ ଆମେ କିପରି ମୂଲ୍ୟାଙ୍କନ କରିବା ଉଚିତ? କିଛି ପରିବତ୍ତ’ର୍ନ ହେବା ଉଚିତ କି ?

ସ୍ୱର୍ଗସ୍ଥ ପିତା,

ସୁରକ୍ଷା ଏବଂ ସ୍ୱାଧୀନତା ପ୍ରଦାନ କରିବା ପାଇଁ ସରକାର ଗଠନ କରିବା ନିମନ୍ତେ ଆପଣଙ୍କୁ ଧନ୍ୟବାଦ ଦେଉଛୁ । ମାନବ ସରକାରଙ୍କ ଅସମ୍ପୂର୍ଣ୍ଣତା ସତ୍ତ୍ୱେ ତୁମ ପ୍ରତି ବିଶ୍ୱସ୍ତ ରହିବାରେ ମୋତେ ସାହାଯ୍ୟ କର ।

ଅନ୍ୟମାନଙ୍କୁ ସୁରକ୍ଷା ଦେବା ଏବଂ ସେମାନଙ୍କୁ ପ୍ରଭାବିତ କରିବାର ମୋର ଦାୟିତ୍ୱ ପୂରଣ କରିବାରେ ମୋତେ ସାହାଯ୍ୟ କର ।

ଆମେ ତୁମର ରାଜ୍ୟର ପୂର୍ଣ୍ଣତାରେ ଆସିବାକୁ ଅପେକ୍ଷା କରୁଛୁ ।

ଆମେନ୍‌ !

(୧) ବାଇବଲରେ ପରମେଶ୍ୱରଙ୍କ ଲୋକଙ୍କ ଜୀବନରେ ତାଙ୍କର ଉଦ୍ଦେଶ୍ୟ ପୂରଣ କରିବା ପାଇଁ ସରକାରୀ ଅଧିକାରୀମାନଙ୍କ ମାଧ୍ୟମରେ କାର୍ଯ୍ୟ କରିବାର ଅନେକ ଘଟଣା ରହିଛି । ହିତୋପଦେଶ ୨୧:୧ କୁହେ, “ରାଜାର ଅନ୍ତଃକରଣ ସଦାପ୍ରଭୁଙ୍କ ହସ୍ତରେ ଜଳପ୍ରଣାଳୀ ତୁଲ୍ୟ ଥାଏ; ସେ ଯେଉଁ ଆଡ଼େ ଇଚ୍ଛା, ସେ ଆଡ଼େ ତାହା ଫେରାନ୍ତି।’’ ଏହି ପଦମାନଙ୍କ ମଧ୍ୟରୁ ପାଠ କରିବା ପାଇଁ ଗୋଟିଏ ମନୋନୀତ କର :

• ଆଦିପୁସ୍ତକ ୪୧:୧୪-୪୯, ଆଦିପୁସ୍ତକ, ୪୨:୧-୩, ଆଦିପୁସ୍ତକ ୪୫:୪-୭

• ଏଷ୍ଟର ୪:୭-୮

• ନିହିମିୟା ୧-୨

ତୁମର ପର୍ଯ୍ୟବେକ୍ଷଣ ବିଷୟରେ ଲେଖ

• ଈଶ୍ୱରଙ୍କ ଲୋକମାନଙ୍କ ଜୀବନରେ କ’ଣ ଘଟିବା ଆବଶ୍ୟକ ଥିଲା?

• ଈଶ୍ୱର ତାଙ୍କର ଉଦ୍ଦେଶ୍ୟ ସଫଳ କରିବା ପାଇଁ କିପରି ଜଣେ ଅଧାର୍ମିକ ଶାସକଙ୍କୁ ବ୍ୟବହାର କଲେ?

• ଈଶ୍ୱର ତାଙ୍କର ଉଦ୍ଦେଶ୍ୟ ସଫଳ କରିବା ପାଇଁ କିପରି ଜଣେ ଧାର୍ମିକ ବ୍ୟକ୍ତିଙ୍କୁ ବ୍ୟବହାର କଲେ?

(୨) ଏହି ବିଷୟମାନଙ୍କରୁ ଗୋଟିଏ ବାଛ :

• ଖ୍ରୀଷ୍ଟିୟାନ ପ୍ରଭାବ

• ଖ୍ରୀଷ୍ଟିଆନମାନେ ଏବଂ ମାନବୀୟ ନିୟମ

• ଲାଞ୍ଚ

• ସାମରୀକ ସେବା

ଆପଣଙ୍କ ବିଷୟ ସହିତ ଜଡ଼ିତ ଏହି ପାଠରେ ମିଳିଥିବା ଶାସ୍ତ୍ରକୁ ଦେଖନ୍ତୁ । ଏହି ବିଷୟ ପ୍ରତି ଶାସ୍ତ୍ରୀୟ ଦୃଷ୍ଟିକୋଣ କ’ଣ ବୋଲି ଆପଣ ଭାବୁଛନ୍ତି ତାହା ବ୍ୟାଖ୍ୟା କରି ଏକ ପୃଷ୍ଠା ଲେଖନ୍ତୁ ।