Lesson 7: Залбирал ба мацаг барих нь

Өнөөгийн чуулганд сайн бүтэц зохион байгуулалт, барилга байгууламж, шилдэг арга барил бус харин Ариун Сүнсээр удирдуулдаг хүчирхэг залбиралтай хүмүүс хамгийн чухал байна. Ариун Сүнс сайн арга барил, бүтэц зохион байгуулалтаар бус хүнээр дамжуулан ажилладаг. Тэр төхөөрөмжөөр бус хүнээр ажилладаг. Тэрбээр төлөвлөгөөг бус хүмүүсийг, тэр дундаа залбирлын хүмүүсийг тослон ерөөдөг.[1]

► И. М. Баундс дээрх мэдэгдлээр ямар алдааг залруулахыг хичээж байна вэ?

Залбирах үйл нь Бурханаас хамааралтай байгааг харуулдаг. Залбирах завгүй хүмүүс өөрсдийнхөө ажлыг залбиралд нь хариулдаг Бурханы ажлаас илүү чухал гэж боддог.

Харин бид Ариун Сүнснээс хамааралтай учраас бидний хувьд залбирал чухал. Тиймдээ ч Паул Эзэний Үгийг тараахын төлөө залбир гэж хэлсэн (2 Тесалоник 3:1, Колоссай 4:3, Ефес 6:19).

► Итгэгчдийн хувьд залбирал чухал гэдгийг бид мэднэ. Сайнмэдээг тунхаглагч хүний хувьд энэ нь онцгой чухалд тооцогдох зарим шалтгаануудыг нэрлэнэ үү?

Сайнмэдээг тунхаглагч хүний хувьд залбирал чухал. Учир нь:

[1]1. Сайнмэдээг тунхаглагч нь сүнслэг байдлын хувьд амьд байх ёстой. Залбирал бол сүнсний амьсгал юм. Сайнмэдээг тунхаглагч өөрийнхөө туршлагаас Есүсийн тухай гэрчлэн хүмүүсийг Бурхантай уулзахад гүүр болдог.

2. Сайнмэдээг тунхаглагч нь Бурхантай хамт залбиралд цаг өнгөрүүлэхгүй бол үйлчлэлийн төлөөх зөв хүсэл тэмүүлэлтэй байж чадахгүй. Залбиралгүйгээр сайнмэдээ тараах нь (хувийн ашиг сонирхлыг хайх, дэмий хоосон мэтгэлцээнд цаг барах г.м) буруу сэдэлтэй болгох эрсдэлтэй.

3. Үл итгэгч хүнд нүглийн уучлалыг авах хүсэл төрүүлэхийн тулд сайнмэдээг тунхаглагч хүн Ариун Сүнснээс хамааралтай байж, ятган сэнхрүүлэх ёстой. Сайнмэдээ тараах нь дан хүний хичээл зүтгэлээс хамаардаггүй. Сайнмэдээг тунхаглагч нь Ариун Сүнсний хүчинд найдах хэрэгтэй. Хүний хүчээр нүгэлт хүн нүглээ улайх юм уу, Бурханыг хайх хүсэлтэй болно гэж байхгүй (Иохан 16:8, Иохан 6:24).

4. Сайнмэдээг тунхаглагч нь Бичвэрийн тосолгоог авахын тулд Бурханд түшиглэх ёстой (Ром 1:16, Исаиа 55:11).

5. Сайнмэдээг тунхаглагчийн үйлчлэлд Бурханы удирдамж чухал (Үйлс 11:12).

Хувийн залбирлын амьдрал

Бүх итгэгчид өдөр бүрийн залбиралд итгэмжтэй байх хэрэгтэй. Үүний ач холбогдол нь амжилттай сайнмэдээ тараахаас ч илүү агуу үр нөлөөтэй.

Өдөр бүр Бурхан руу хандсан онцгой цагийг гаргах учиртай. Хэрэв боломжтой бол зөвхөн Бурхан та хоёр уулзах хувийн орон зайг гарга. Завгүй өдрийнхөө өмнө аливаа зүйлд сатааралгүй Бурхан руу хандан залбирахын тулд өглөө эртлэн босоорой. Хэрвээ өглөө эрт босоод залбирах боломжгүй бол шинэ өдрийн эхний цагаа Бурхан руу хандан залбирч эхлээрэй.

Бичвэрээс өдөр бүр уншиж, тунгаан бясалгаж, үнэнийг хэрэгжүүлэхийн төлөө Бурханд хандан залбираарай.

[1]Залбирлын жагсаалт

Залбирлын сэдвээ бичиж тэмдэглэх нь сайн талтай. Эс бөгөөс бид зарим нэг чухал зүйлээ мартдаг. Бид дэлхий даяар сайнмэдээ тараагдахын төлөө, Христийн дагалдагчдыг хавчдаг улс үндэстнүүдийн төлөө, эх орны минь өнцөг булан бүрт Эзэний сайнмэдээ тунхаглагдахын төлөө залбирах хэрэгтэй. Нутгийн чуулган маань байгаа газартаа Бурханы хүслийг биелүүлж, сайнмэдээг үр дүнтэй хуваалцахын төлөө залбирах ёстой. Түүнчлэн сайнмэдээ тарааж байхад Бурханд бидэнд хувьчлан туслаасай гэж залбирах ёстой.

Төвлөрөхөд хэцүү үед бичсэн жагсаалт бидэнд тусалдаг.

Залбирах бүртээ жагсаалтын дагуу залбирах албагүй. Заримдаа та ямар нэг зүйлийн төлөө залбирах хэрэгтэй гэж мэдэрвэл заавал жагсаалт харахгүйгээр тэдгээрийг санах боломжтой.

► Залбирлын жагсаалтанд өөр юу байх хэрэгтэй вэ?

Залбирах хүмүүсийн нэрс

Таны сайн мэддэг, тантай байнга холбоотой байдаг, сайнмэдээ сонсож аврагдах хэрэгтэй арван хүний нэрийг бичээрэй. Эдгээр хүмүүсийн төлөө байнга залбираарай. Хэрвээ сайнмэдээ ярих боломжийг Бурхан өгвөл яриарай. Хэрвээ тэдэнтэй сайнмэдээ хуваалцах боломжгүй бол үргэжлүүлэн залбираарай. Залбирлын дэвтэрт нэр нь бичигдсэн хүмүүс хэдэн жилийн дараа аврагдсан тухай олон хүн гэрчлэн ярьдаг.

Залбирлын хамтрагч

Та тогтмол хамт залбирдаг залбирлын хамтрагч найзтай болбол сайн. Та нар долоо хоногт нэг удаа эсвэл түүнээс ч олон удаа уулзаж тулгарч буй бэрхшээл болон амжилтаа хуваалцаарай.

Эхнэр нөхөр хоёр залбирлын хамтрагчид байж болох ч нөхрийн хувьд эрэгтэй, эхнэрийн хувьд эмэгтэй залбирлын хамтрагчтай байх нь илүү сайн.

►Бүлгийн гишүүдээс залбирлын хамтрагчтай хүн байвал туршлагыг нь асуугаарай.

Залбирлын алхаа

Хөршүүдийнхээ авралын төлөө хайр ба хариуцлагатай сэтгэлээр залбирлын алхаа хийж болно. Хувь хүн, бүлгээрээ тухайн газраа тойрон хэрэгцээнийх нь төлөө чимээгүй залбирч алхдаг. Ингэхдээ тэд тухайн газрын хүмүүстэй ярилцаж болох боловч залбирлын алхаа хийх гол зорилго бол залбирал юм. Залбирлын алхааг тухайн газраа сайнмэдээ тараахын өмнө болон дараа хийдэг.

Залбирлын цэг

Зарим чуулганууд олон нийтийн газар түр залбирах цэг гаргасан байдаг. Тэд “Залбирлын цэг” гэсэн самбар тавиад хүмүүсээс тэдний хэрэгцээний төлөө хамтдаа залбирах хүсэлтэй байгаагаа илэрхийлдэг. Тэд ямар нэг маргаан өрнүүлэхээс зайлсхийж, ихэвчлэн сайнмэдээг хүмүүст хуваалцдаг байна.

► Таны амьдарч байгаа бүсэд залбирлын цэг болгож болох тохиромжтой газар байгаа юу?

Есүсийн залбирсан залбирлууд, элч нарын залбирлуудаар бид залбирч болно. Учир нь тэдгээр нь Бурханы хүслийн дагуух гэдгийг бид мэднэ. Энд гурван жишээ авъя.

Эзэний заасан залбирал: Матай 6:9-13-д Есүс дагалдагч нартаа хэрхэн залбирах жишээг үзүүлсэн. Бид Есүсийн заасны дагуу залбирахдаа Есүсийн нэн тэргүүнд юуг чухалчлан залбирч байгааг анхааран залбиралдаа хэрэгжүүлэх хэрэгтэй.

Ефес дэх итгэгчдийн төлөө Паулын залбирал: Ефес 3:14-19-д Паул тэдний сүнслэг төлөвшлийн төлөө залбирсан. Бид өөрсдийн болон бусдын сүнслэг төлөвшлийн төлөө залбирах хэрэгтэй.

Ургацын залбирал: Матай 9:36-38-д Есүс дагалдагч нартаа алдагдсан хүмүүс болон сүнслэг ургацын ажилчдын төлөө залбирахыг заасан байдаг.

Мацаг барих нь махбодын болон материаллаг зүйлсээс татгалзан, сүнслэг, мөнхийн зүйл дээр анхаарлаа хандуулах гэсэн утгатай. Энэ нь сүнслэг мөнхийн зүйл нь махбодын болон материаллаг зүйлсээс илүү чухал гэдгийг илтгэдэг ба мацаг барилтаар дамжуулан хүн итгэлээ батжуулдаг.

► Мацаг барилт Бурханаар ямар нэг зүйл хийлгэхээр хүчээр өлсөж байгаа оролдлогоос юугаараа ялгаатай бэ?

Эдгээр жишээ нь Бурханыг амьдралд нь ажиллаасай хэмээн туйлаас хүсэн мацаг барьсан Библийн жишээнүүд юм. Эдгээр жишээг Бичвэрийн олон жишээнээс сонгож авсан бөгөөд Библид мацаг барихыг үр дүнтэй сайн арга гэж үзсэн төдийгүй, үүнд Бурхан яагаад хөндлөнгөөс оролцдог талаар тайлбаруудыг олонтоо дурдсан байдаг.

► Нэг суралцагч мацаг барих тухай Библийн жишээнүүдээс нэгийг уншаад дараа нь бүлгээрээ ярилцана уу.

“Би та нартай үргэлж хамт байхгүй (Матай 9:15, Лук 5:33-35). Тиймээс мацаг барин залбир” гэж Есүс дагалдагч нартаа заасан төдийгүй хэрхэн зөв мацаг барих талаар айлдахдаа хүмүүст харуулахын тулд мацаг барьж болохгүй гэж заажээ.

Чи мацаг барихдаа хоёр нүүртнүүд шиг бүү баргар царайл. Учир нь тэд мацаг барьж байгаагаа бусдад харуулахын тулд царайгаа барайлгадаг. Үнэнээр Би та нарт хэлье, тэд шагналаа бүрэн авсан. Харин та нар мацаг барихдаа толгойгоо тослоод, нүүрээ угаа. Ингэснээр та нар мацаг барьж байгаагаа хүмүүст бус, харин нууц оршигч Эцэгтээ харуулна. Тэгээд нууц хардаг Эцэг чинь чамд буцааж төлнө (Матай 6:16-18).

Эртний чуулганы зарим итгэгчид Лхагва, Баасан гарагуудад мацаг барихын сацуу жил бүрийн мацаг барилтын өдрүүдээр мацаг барьдаг байсан байна. Мартин Лютер, Жон Калвин, Жон Нокс, Жонатан Эдвардс, Чарльс Финни, Д. Л. Мүүди нар ч гэсэн маш олон хоногоор мацаг барьдаг байжээ. Жон Веслей болон эртний методистууд мацаг их барьдаг байснаараа алдартай. Ач холбогдол бүхий урт хугацаанд үргэлжилсэн сэргэлтүүд нь залбирал болон мацаг барилтаас эхлэлтэй байдаг.

► Мацаг барьснаар сайн үр дүнд хүрсэн таны мэдэх ямар хүмүүс байна вэ?

Чөтгөрт эзэмдүүлсэн хүнд туслах гэсэн дагалдагч нарын оролдлого тэдний итгэлгүй байдлаас болж бүтэлгүйтсэн гэдгийг Есүс дагалдагч нартаа “Энэ төрөл нь зөвхөн залбирлаар л гарч чадна гэв” (Марк 9:29) хэмээн сануулжээ. Мацаг барих болон залбирал нь итгэлд хүргэх арга хэрэгсэл төдийгүй мөн үл итгэлд зориулагдсан эмчилгээ ч болдог. Есүс дагалдагч нартаа зөвхөн зовлонгийн үед мацаг барин залбирах хэрэгтэй гэж хэлээгүй, харин зовлон туулах хангалттай итгэлтэй байхын тулд тогтмол мацаг барин залбирах хэрэгтэй бөгөөд мацгийг амьдралынхаа чухал хэсэг болгох хэрэгтэй гэсэн юм.

Есүсийн үг, мацаг барих тухай Библи дээрх жишээнүүдэд үндэслэн бид өөрсдөдөө байгаа ивээл ерөөлийг хэд хэдэн түвшинд хуваагдсан пирамидын зургаар илэрхийлж болно. Доод түвшний ерөөлүүдийг итгэлээр дамжуулан олж авах боломжтой бөгөөд зөвхөн залбирлаар ийм итгэлд хүрдэг. Харин дээд түвшний ерөөлүүдийг зөвхөн итгэлээр олж авдаг бөгөөд залбирал ба мацаг барилт хамтдаа ийм итгэлд хүргэдэг.

• Залбирал болон мацаг барилтыг хослуулснаар мацаг барих нь зөвхөн гадаад үйлдэл бус, харин сүнслэг шинэ түвшинд хүрч, итгэлээр өсөх үйлдэл болдог.

• Мацаг нь бардамнал бус Бурханыг алдаршуулах зорилготой.

• Мацаг барин залбирахдаа өөрийн хүслийг бус Бурханы хүслийг хайдаг.

• Дуулгавартай байдлыг мацаг барилтаар орлуулж болохгүй.

• Биедээ хохирол учруулан мацаг барьж болохгүй.

► Мацаг барин залбирах талаар хамтдаа ярилцаарай.

Хэрэв зөв мацаг баривал, эрүүл мэндэд хор нөлөөгүй. Тогтмол мацаг баривал эрүүл мэндэд олон талын ашиг тустай.

• Харин мацаг барихдаа ус уух хэрэгтэй. Ус уухгүй байж болохгүй.

• Нэг өдөр мацаг барихаас эхэл. Аажмаар мацаг барих хугацаагаа сунга. Хэвийн хооллосон долоо хоногийн дараа нэг хоног эсвэл дээш хугацаагаар мацаг барьж, буцаад хэвийн хооллох маягаар явна.

Мацаг барьж хэвшээгүй хүмүүст огиудас хүрэх дотор муухайрах, толгой өвдөх нь нийтлэг тохиолддог. Гэхдээ эрүүл хүмүүс тогтмол мацаг барихад эдгээр шинж тэмдгүүд эхний хэдэн хоногт ч илэрдэггүй. Муу бодисууд биеэс гадагшилж байгаа учраас аманд эвгүй амт амтагдах, амьсгал эвгүй үнэртэх нь бий. Удаан хугацаагаар мацаг барихад хэдэн өдрийн дараа тааламжгүй шинж тэмдгүүд арилдаг.

• Урт хугацааны мацаг барилтыг жимсний шүүс, хөнгөн хоолоор тайлна.

(1) Хувийн залбиралдаа ахиц гаргахын тулд юу хийх талаар бодож үзээрэй. Өдөр бүр залбирлын цаг гаргаж тодорхой цагаа залбиралд зориулаарай. Тогтмол мацаг барих хугацааг өөрийн цагийн хуваарьт оруулаарай.

(2) Библиэс мацаг барих талаар хоёр жишээг уншаад, мацаг барилт тус бүрийн нөхцөл байдал болон үр дүнгийн тухай бичээрэй.