Lesson 17: Жеке мәселелер: ақша, уақыт және киім

Есеп беру қағидасы

► Студент топ үшін Матай 25:14-30 үзіндісін оқып шықсын. Бұл үзінді ақшаны басқару туралы не айтады?

Ақша –қызмет үшін маңызды ресурс. Ең жақсы нәтижеге жету үшін көшбасшылар ақшаны басқаруы керек. Біз Құдайдың бізге берген ресурстары үшін есеп береміз.

Зардап шеккен саяхатшыға көмектескен самариялықтың оқиғасы есіңізде ме (Лұқа 10:30-35)? Әңгіменің мақсаты маңайыңдағы адамдарды сүю деген нені білдіретінін көрсету болды. Дегенмен, бұл міндетті түрде жазушының ойлағанындай болмаса да, біз белгілі бір нәрселерді бақылай отырып, тағы бір ойды шығара аламыз.

Самариялықтың есегі және ол кісінің күтіміне төлейтін ақшасы бар еді. Егер ол жарақаттанған адамды кездестірмес бұрын ресурстарын ысырап еткен болса ше? Оған көмектесе алмас еді. Басқалардың қайғы-қасіретіне және Ізгі хабардың қажеттілігіне жанашырлықпен қарайтынын айтатын көптеген адамдар бар, бірақ олар қажеттіліктерге жауап беру үшін өз ресурстарын басқара алмайды. Олар ешқашан басқаларға көмектесе алмайды.

Ақшаны қажет емес уақытша нәрселерге жұмсауға болады немесе оны осы дүниеде және мәңгілікте де құнды болатын заттарға жұмсауға болады. Біз өз қажеттіліктерімізге ақша жұмсауымыз керек; бірақ мүмкіндігінше болашаққа инвестиция салуымыз керек.

Көптеген адамдар ешқашан инвестиция салмайды, өйткені олар өздерінде ақша жеткіліксіз деп ойлайды. Бірақ егер адам шағын, тұрақты түрде үнемдеп, инвестицияласа, ақырында үлкен нәтижелер көретін еді. Диқан қанша кедей болса да, қайтадан егін егу үшін жеткілікті үнемдеу керек екенін түсінеді. Біз ресурстарды үнемдеудің және инвестициялаудың жолдарын табуымыз керек.

► Шағын сомаларды үнемдеудің және инвестициялаудың қандай жолдары бар?

Сенім қағидасы

Елші Пауыл Філіпідегі қауымға үлкен уәде берді. Олар қызметті қолдау үшін құрбандық етті. Пауыл оларға Құдайдың мұқтаждықтарды қамтамасыз ететінін уәде етті (Філіпіліктерге 4:19).

Иса шәкірттеріне уайымдамай өмір сүру керектігін, бірақ Құдайдың оларды қамтамасыз ететініне сену керектігін айтты (Матай 6:25-34). Құдай Патшалығы олардың негізгі қажеттіліктерінен де бірінші орында тұруы керек еді.

Сенім өзімізді және бізге тәуелді адамдарды қамтамасыз ету жауапкершілігін алмайтынымызды білдірмейді. Біз қажеттіліктерді қанағаттандыру үшін жұмыс істеуіміз керек (Ефестіктерге 4:28). Егер адам отбасын асырамаса, ол шынайы сенушінің үлгісіне сай емес (Тімотеге 1-хат 5:8).

Адам ешқашан Құдайдың бергенін күтіп, бос отырмауы керек. Құдай біздің еңбек арқылы және құнды нәрсе өндіру арқылы пайда алуымызды ойластырған.

Сенім Құдайдың батасынсыз өмір сүре алмайтынымызды түсінетіндігімізді білдіреді. Біздің күшіміз бен жұмыс істеу мүмкіндігіміз Құдайдан келеді, сонымен қатар Ол біздің жұмысымыздан басқа нәрселерде де батасын береді. Біз Құдайға тәуелді болғандықтан, Иса айтқандай: «Бізге күнделікті нанымызды бүгін беріңіз», - деп дұға етуіміз керек.

Біз басқаларға жомарт болуымыз керек, өйткені

• Біз Құдайдың бізге қамқор екенін білеміз.

• Қолымыздағы барды тек жұмыс арқылы алған жоқпыз.

• Біз Құдайдың батасына лайық емеспіз.

• Біз Құдайдың сүйіспеншілігін беру арқылы көрсетеміз.

Біз торттың ең үлкен бөлігін алатын немесе кәмпитін жасыратын өзімшіл балаға ұқсамауымыз керек, өйткені ол оған көп берілмейтінін біледі. Құдайда молшылық, сондықтан ол бізге ешқашан артығымен бермегендей сараң және жасырын болу дұрыс емес.

Қызмет басшысы өз ақшасын ғана емес, қызмет ресурстарын да басқарады. Құдай Оның еркін орындайтын қызметті қамтамасыз етеді. Дегенмен, Оның еркі бізге әрқашан анық көрінбейді. Кейде адамдар мекемені ұстауға көңіл бөледі және Құдайдың нұсқауын елемейді. Кейде адамдар жақсылық жасауға тырысады, бірақ оны Құдай қалағандай істемейді. Бізде бұл нәрселерді білуге жеткілікті көрегендік бола бермейді, бірақ қызмет үшін қаржының жетіспеушілігі бізді Құдайдың еркін жақсырақ түсінуге талпындыруы керек.

Адалдық қағидасы

Сенім қағидасы адалдық қағидасына жетелейді. Біз ешқашан Құдайға ұнамайтын нәрсені жасамауымыз керек, өйткені біз Оның разылығын қалаймыз және Оның батасын алғымыз келеді.

Егер сіз Құдайға тәуелді болсаңыз және оған сенім артсаңыз, сіз арамдық жасау арқылы пайда табу мүмкіндігінен бас тартасыз. Мүмкіндік келгенде, «Құдай осылай береді ме?» деген сұрақты қарастыру керек. Егер мүмкіндік арамдық арқылы бір нәрсе алу болса, біз бұл Құдайдың берген жолы емес екенін білеміз. Пайда табу үшін жамандық жасайтын адам өз қажеттіліктерін Құдайға артпайды.

Қызметтегі адам әдетте өзіне тиесілі емес ресурстарды басқарады. Ол үшін қызметтің ақшасын өз ақшасынан ажырата білу маңызды. Кейбір мәдениеттерде адамдарға бұл ережені түсіну қиын. Дегенмен, қызметте, үкіметте немесе бизнесте болсын, адамдар бұл нәрсені ажырата алмайынша, адамды лауазымға тағайындамайды. Егер адам мекеменің ақшасын өз ақшасындай пайдаланса, ол оған деген сенімге нұқсан келтіреді (Қорынттықтарға 1-хат 4:2).

Қызмет басшысы мекеменің ақшасына мұқият есеп беретін саясатты құруы керек. Ол ақшаны жалғыз өзі жинап, жұмсамауы керек. Есептерді жүргізуге және жұмсауға бірнеше адам қатысуы керек.

Қызметті қолдау қағидасы

Құдай қызметке қаржылай қолдау көрсету керек деп жобалады. Дегенмен, қызмет басшысы көбінесе қызметі қолдау алмайтын жағдайларда болады.

Мәсіхші көшбасшы үшін ақша ешқашан оның көшбасшылыққа тағайындалуының немесе оның бар күш-жігерін салу/салмауының себебі болмауы керек. Қызметтегі мотивация - Құдайға ұнамды болуды қалау және қызмет ететін адамдарға деген сүйіспеншілік (1 Петір 5:2, 1 Қорынттықтарға 9:16, Жохан 21:15-17).

Иса шәкірттерін қызметке жібергенде: “Тегін алдыңдар, тегін беріңдер”,— деді (Матай 10:8). Қызметтің бағасын белгілеу дұрыс емес. Киелі кітаптағы ең қатты сөгістердің бірі рухани күштен пайда табу үшін ақша ұсынған адамға айтылды (Елшілердің істері 8:18-23).

[1]Қызмет басқа жұмыс түрлері сияқты кіріс әкелмейді, өйткені ол пайда алып келетін өнім немесе қызмет түрлерін ұсынбайды. Басқа кәсібі бар адамдар оны қолдау керек деп шешкен кезде ғана қызметке қолдау көрсетіледі.

Қызмет басшысы қызметтің құндылығы және оған деген адалдығы туралы айтып, адамдарды қолдауға шақыра алады. Әдетте ол қызметке кіріспей жатып қолдауды күте алмайды. Оның қызметі туралы есептер тұрақты, шынайы және толығымен әділ болуы керек.

Көбінесе адамдар қызметке қолдау қажет деп емес, қызметтің құндылығын көргендіктен демеуші болады. Қызмет басшысы өз қажеттіліктері туралы айту арқылы емес, қызметтің нәтижелерін көрсету және қызметтің мақсат-аянын түсіндіру арқылы қолдау алуға тырысуы керек. Сондай-ақ оның қызмет ететін адамдарымен жақсы қарым-қатынас орнатуы маңызды, сонда олар оның берілгендігін көріп, оларға көрсеткен қызметін бағалайды.

Кейбір адамдар ұйымға берудің орнына көшбасшыға жеке қолдау көрсеткісі келуі мүмкін. Басшы ұйымды құрудың орнына өзіне қолдау іздеп кетуден сақ болуы керек. Оның жұмысы ұйым құру.

Басшы қарыздан аулақ болуы керек. Ақшаны қарызға алу - болашақтағы ақша жұмсау. Қарыз болашақта шешім қабылдау еркіндігін алып тастайды. Қарыз болашақ туралы шешімді сіз бармай тұрып қабылдайтыныңызды білдіреді. Қарыз болашақтың ресурстарын жұмсайды, ал болашақтың қажеттіліктері әлі белгісіз.

Басшы жеке қарыздан аулақ болуы керек, өйткені бұл болашақта оның қызметтегі шешімдерін шектейді. Басшы ұйымды қарызға батырудан аулақ болуы керек. Құдайдың берген ақшасын ғана пайдаланыңыз. Құдай қарызды өтеуге мүмкіндік береді деп ойлап, қарыз алмаңыз. Егер Құдай белгілі бір мұқтаждықты қамтамасыз етуді қаласа, оны кейін емес, сіз қарыз алғанға дейін жасай алады. Қарыз алу Құдайдың еркін түсінудің бір әдісін алып тастайды, өйткені бұл Құдайдың не беретінін күтпейтіндігіңізді білдіреді.

Кейбір студенттерге ақшаға қатысты қағидаларға байланысты өз мақсаттарын немесе әрекеттерін қалай өзгертуге болатынын бөлісуге мүмкіндік беріңіз.

Уақыттың Киелі Кітаптағы құндылығы

► Студент топқа Забур 90:9—12 үзіндісін оқып шықсын. Бұл үзіндіде өмір туралы қандай мәлімдемелер айтылған?

Киелі кітап уақыттың құнды екенін айтады, өйткені өмір уақытпен өлшенеді. Бұл үзінді бізге күндерімізді бағалау керек екенін айтады, өйткені өмір тез өтеді. Уақыт құнды, өйткені өмір құнды.

Киелі кітапта уақыт шектеулі ресурс ретінде айтылады. Иса уақытты босқа өткізбей жұмыс істегенін айтты, өйткені жұмыс уақыты шектеулі (Жохан 9:4).

Иса қызметті егін жинау жұмысымен салыстырды (Матай 9:37-38). Егін жинау әрқашан жедел түрде істелінеді, өйткені оны егін құрығанға дейін жасау керек. Жұмысшылардың жетіспеушілігі дағдарысты тудырады, өйткені уақыт шектеулі. Иса қызметтің шұғыл екенін және ол жұмысшылардың тапшылығына байланысты одан да шұғыл екенін айтты.

Егінші отбасы орақ кезінде уақытты босқа өткізген ұлы үшін ұялатын еді (Нақыл сөздер 10:5). Уақыт барда қауымның қызметін орындау үшін қолынан келгеннің бәрін істеудің орнына уақытты босқа өткізген мәсіхші одан да бетер ұялуы керек.

Киелі кітап уақытымызды тиімді пайдалануымыз керектігін айтады (Ефестіктерге 5:16, Қолостықтарға 4:5). Көптеген мүмкіндіктерде уақыт шектеулері бар. Жалқау адам көп жұмыс істемейтіндіктен мүмкіндіктерді жібереді.

Студент топқа Нақыл сөздер 6:6—11 үзіндісін оқып берсін.

► Бұл үзінді уақыт пен мүмкіндік туралы не айтады?

Елші Пауыл қызметке қаржылай қолдау көрсету керектігін үйретті (1 Қорынттықтарға 9:4-14, Тімотеге 1-хат 5:17-18). Алайда ол өзін-өзі қамтамасыз ету үшін жиі жұмыс істеді, өйткені ол ешнәрсе сұрамай Ізгі хабарды уағыздауды қалады (1 Қорынттықтарға 9:18). Бір жерде ол күндіз-түні жұмыс істеді (1 Салониқалықтарға 2:9). Кейде ол өзін және миссионерлік топтың қалған бөлігін қолдады (Елшілердің істері 20:33-34).

Пауылдың қызметі қолдауға лайық болса да, ол қызметке кіріспес бұрын қолдау күтпеді. Ол қажеттінің бәрін жасай алауы үшін уақытын дұрыс пайдалануға дайын болды.

Уақытты дұрыс пайдалану

Кейбір адамдардың ұзақ мерзімді мақсаттары жоқ. Олар болашақ туралы көп ойланбастан бүгінгі тапсырмаларды ғана орындайды. Олар әр күн үшін қажетті тапсырмаларды орындағаннан кейін, олар күннің қалған бөлігін маңызды ештеңе істеместен өткізеді.

Мақсаты бар адам уақытты босқа өткізбейді, өйткені ол болашаққа ұмтылады. Ол бірнеше жылдар ішінде нені орындағысы келетінін біледі. Ол бүгін істеу керек жай нәрсені ғана емес, ұзақ мерзімді мақсатқа жетуге көмектесетін істермен айналысады. Ол әрқашан уақытынан гөрі көп жұмыс істейді. Қажетті жұмысты аяқтағаннан кейін ода қосымша уақыт қалса, ол қалған уақытты дұрыс пайдаланады.

Жоғары кәсіби деңгейде жұмыс істегісі келетін адам уақытты босқа өткізбейді, өйткені ол өзін үнемі жетілдіріп отырады. Ол өз жұмысын жақсырақ орындаудың жолдарын табады. Ол басқа адамдардан пайдалы нәрсе үйренуге уақыт бөледі. Ол оқиды және оның әрқашан айналысатын ісі бар.

Жақсы дамып келе жатқан басшы біреудің тапсырмасын күтіп, отыруға уақыт жоғалтпайды. Ол оған істеуге тапсырма бермеген кезде, ол істейтн ештеңе жоқ деп ойламайды. Ол жұмысты ілгерілету үшін не істей алатынын біледі – ол адамдармен маңызды нәрселер туралы сөйлеседі немесе бір нәрсе ұйымдастырады, керек нәрселерді бақылайды немесе тексереді. Жұмыс талаптарын орындадым деп ол уақытты босқа өткізбейді.

Көптеген адамдар ештеңе істемей көп уақыт жұмсайды, өйткені олар ештеңе істей алмайды деп ойлайды. Бос отыруға көп уақыты бар адам ұзақ мерзімді мақсаттары бар адам, жоғары кәсіби деңгейде жұмыс істегісі келетін адам немесе жақсы дамып келе жатқан басшы емес.

Біреу сізге ерекше ұсыныс жасады деп елестетіп көріңіз. Отыз күн ішінде сіз күніне 1000 доллар аласыз. Сіз оны қалаған нәрсеге жұмсай аласыз. Әр күннің соңында сіз сатып алған нәрсені сақтай аласыз, бірақ қалған ақшаны қайтаруыңыз керек.

► Сіз бұл ақшаны қалай жұмсар едіңіз?

Егер сіз ақылды болсаңыз, сіз отыз күн біткеннен кейін сіз үшін құнды болатын нәрселерді сатып алуға тырысар едіңіз. Оның көп бөлігін ойын-сауыққа немесе қымбат тағамға жұмсамай, қайтарылуы керек ақшаны көп мөлшерде қылып қайтармайтындай етіп жұмсар едіңіз.

Уақыт осындай. Уақытыңызды болмайтын нәрселерге жұмсай аласыз немесе құнды нәрселерге инвестициялай аласыз. Әр күннің соңында пайдаланбаған уақыт жоғалады. Сіз оны кейінге қалдыра алмайсыз.

Сондай-ақ бұл мысалды өмір мен мәңгілікке қолдануға болады. Өмір бойы сіз мәңгілікке инвестиция жасай аласыз. Сіздің өміріңіздің соңында мәңгілікке салынбаған нәрсе жоғалады.

[1]Уақытты инвестициялау

Басымдықтар туралы сабақта біз маңыздыдан маңызды емеске және шұғылдан шұғыл емеске дейін болатын әрекеттер диаграммасын көрдік. Әрекет шұғыл болмауы, бірақ болашақ үшін өте маңызды болуы мүмкін. Мысалы, жеке зерттеу және басқаларды оқыту әдетте маңызды, бірақ шұғыл емес.

Қазір қажет нәрсеге уақыт жұмсамаңыз. Болашаққа уақытты инвестициялаңыз. Болашақта көптеген жылдар бойы құнды болатын нәрселерге күнделікті уақытты жұмсауға тырысыңыз.

Ағаш отырғызатын адам сияқты болыңыз. Ол ағаш жылдар бойы өспейінше, оның құны жоқ екенін біледі. Ол мұны қазір қажет нәрсеге байланысты жасамайды. Ол мұны болашақ үшін жасайды.

Үзілістер мен кешігулер

Біздің жоспарларымызға Құдайдың билігі бар екенін есте ұстауымыз керек (Жақып 4:13-17). Кейде жағдай өзгеріп, жоспарымыз кейінге қалады.

Кейде Құдай басқа мақсатқа жету үшін біздің жоспарымызды бұзады. Біз өз жоспарымыздан бас тартып, басқалардың шұғыл жағдайлары мен қажеттіліктеріне жауап беруге дайын болуымыз керек. Біз уақытты босқа өткізіп жатқандай сезінбеуіміз керек, өйткені Құдай бақылауда және Ол ненің жақсырақ екенін біледі.

Кейде жұмысымыз кейінге қалдырылады, өйткені біз біреудің бір нәрсені аяқтауын күтеміз. Күтуге сағаттар мен күндер жұмсамаңыз; күту кезінде де құнды нәрсе тауып, жұмыс істеңіз.

Көптеген елдерде саяхатта немесе кезекте тұруға көп уақыт кетеді. Сол уақытты пайдалануды жоспарлаңыз. Уақыт текке кетпеу үшін оқу мен жазуға арналған материал әрқашан болуы керек. Көптеген адамдар уақыт тапшылығынан сабақ оқымайтынын айтады, бірақ автобустарда немесе күту залдарында көп сағаттарын өткізеді және олар күтіп отырғанда ештеңе істемейді.

Ави есімді бала отбасына көмектесу үшін көп жұмыс істеуге мәжбүр болды. Ол балтамен кескен ағаштардан қоршаулар жасады. Ол жер жыртумен ұзақ күн өткізді. Кейде ол кітапты соқаның тұтқасында ұстап оқитын. Кейде түнде оттың жарығында оқитын. Ол кәмелетке толған соң оқып, заңгер болды. Ақырында ол үкіметтік лауазымдарға сайланды және соңында Америка Құрама Штаттарының президенті болды. (Бұл Авраам Линкольн болатын.)

Қарым-қатынастар

Қарым-қатынастар уақытты талап етеді, ал қарым-қатынас мәсіхші үшін маңызды. Оның Құдаймен қарым-қатынасы уақытты қажет етеді – Құдайға қызмет ету үшін ғана емес, Онымен дұғада жалғыз уақыт өткізу үшін де. Әр адам отбасымен және достарымен қарым-қатынаста міндеттемелерді орындауға ғана емес, адамдардың құндылығын көрсетуге де уақыт бөледі.

Біз уақытты өлшенетін нәтижелерге ғана емес, сонымен бірге қарым-қатынасқа да жұмсауымыз керек. Біз қарым-қатынастардан көмек пен ресурстар аламыз, бірақ сонымен қатар қарым-қатынастар құнды, өйткені адамдар құнды.

► Достармен сөйлесуге кететін сағаттар ше? Уақыттың қашан жақсы жұмсалғанын және қашан босқа кеткенін қалай білуге болады?

Әңгімелесуге жұмсалған уақыт көптеген жолдармен құнды болуы мүмкін: ол пікірлер мен құндылықтарды қалыптастыруы, хабарлауы, сүйіспеншілікті көрсетуі, ынталандыруы, жұбатуы, адамды рухани сергітуі және қалыптастыруы мүмкін. Алайда, көптеген адамдар уақыттарын ешқандай мақсатқа жеткізбейтін бос әңгімеге жұмсайды.

Кейбір студенттерге уақыт туралы қағидаларға байланысты өз мақсаттарын немесе әрекеттерін қалай өзгертуге болатынын бөлісуге мүмкіндік беріңіз.

Киім адам өмірінің маңызды бөлігі екені анық. Әрбір адам негізгі қажеттіліктерден басқа нұсқалары болса, өзінің киіміне қатысты таңдау жасайды.

Киім - адамның өзін бірінші рет көрсетуі. Демек, адамның киімі оның өзі туралы не ойлайтынын және басқалардың ол туралы не ойлағанын қалайтынын көрсетеді. Киім адамның мінезіне байланысты, бұл мінездің қандай екенін көрсетеді.

Киелі кітаптық көзқарас

Киелі кітап мәсіхшінің киіміне қатысты бірнеше нұсқаулар береді.

Тімотеге 1-хат 5:2-де көшбасшылардың қарама-қарсы жыныстағы адамдармен толық тазалықпен қарым-қатынас жасауы керектігі айтылған. Толық тазалыққа еркек не әйелдің басқа адамдарды азғырмайтындай етіп киіну де жатады.

Петірдің 1-хаты 5:5-те сыпайы киіну керектігін айтылған. Елші арнайы киімге сілтеме жасамайды, бірақ бейнелі түрде кішіпейілділік біздің киіміміз болуы керек екенін айтады. Дегенмен, бұл сыпайылыққа/кішіпейілділікке қайшы келетін нәрсені киюге болмайды дегенді білдіреді.

Кейбір адамдар басқалардан өзін жоғары етіп көрсететін киімдер кигенді ұнатады. Сағаттар, әшекей бұйымдары сияқты нәрселер адамды ерекше етіп көрісету мақсатында жасалады. Кейбіреулер өздерінің керемет жетістікке жеткендіктерін басқаларға жариялап, олардан ерекше болып көрінгісі келеді. Мұндай қылық қызметшіге жараспайды. Мәсіхші басқалардан өзін жоғары көрсеткісі келетін осы дүниелік қалаудан аулақ болғаны жөн.

Көшбасшы немесе бағушы өзі басқаратын адамдарға қарағанда ресми түрде киінуі мүмкін. Бұл өзін жоғары көрсету үшін емес, ол қызмет ететін адамдарға құрмет көрсету үшін. Ол жақсы қызмет еткісі келетінін көрсету үшін жақсы киінуде. Мысалы, қымбат мейрамханада даяшылар келушілерге қарағанда жақсы киінуі мүмкін. Бұл оларды келушілерден жоғары етіп көрсету емес, келушілерге қызметтері арқылы құрмет көрсету. Жақсы киіну керек іс-шарада жақсы киінуден бас тартқан адам басқа адамдарға құрметсіздік көрсетеді.

Тойға лас жұмыс киімін киіп келген адам туралы не ойлайсыз? Сол сияқты маңызды қызметті сыртқы келбетін дайындамай басқарған басшы туралы не ойлайсыз? Оның сырт келбеті құрметсіздік танытады.

► Адамды жоғары көрсету үшін жасалған нәрселер мен қызмет көрсетуге берілгендікті көрсететін киімдерді қалай ажыратуға болады? Адамның ниеті және мақсаттың бір не екінші түріне байланысты қалай киінуге болады?

Римдіктерге 12:10 өзімізді басқалардан жоғары қоюға тырыспай, басқаларды құрметтеуіміз керек екенін айтады. Аятта арнайы киім туралы айтылмаған, бірақ киімімізбен өзімізді басқа адамдардан жоғары көрсетуге тырыспау керектігін меңзейді.

Мәсіхшінің киімі оның Құдай қалайтын мінезге ие екенін көрсетуі керек. Адамның сыртқы келбетінен гөрі ішкі болмысы маңыздырақ, бірақ оның сыртқы келбеті оның мінезінің көрінісі болуы керек.

Әлеуметтік және практикалық жағынан ойлар

Көшбасшының сыртқы келбеті ұқыпты және таза болуы керек. Оның сырт келбеті ешқашан достарын және өзі басқаратын адамдарды ұятқа қалдыратындай болмауы керек.

► Жеке тазалық пен ұқыпты киінуге не жатады?

Көшбасшы өзі айналысатын іс-әрекетке сәйкес киінуі керек. Мысалы, құрылыс жобасына көмектесу кезінде оған қауымдағыдай киінудің қажеті жоқ.

Кәсіби ойлар

Кейбір кәсіптердің арнайы киімдері бар. Олар арнайы форма киеді, мысалы сарбаздар мен полицейлер сияқты мамандықтағы адамдар. Полиция қызметкері формада болғанда, оған жұмыс істеу оңай, өйткені адамдар бірден онымен жұмыс істеп кете алады. Полиция қызметкері формада болмаса, оның жұмысы қиынырақ болар еді, өйткені ол әрқашан өзінің полицей екенін дәлелдеп отыруы керек болар еді.

Дәрігер ауруханада жұмыс істегенде арнайы киім киеді. Ол дәрігер екендігін көрсеткісі келеді.

Сіз ауруханаға бардым деп елестетіңіз. Жұмысшылар сізді қаралу үшін күту бөлмесіне отырғызды. Рок стиліндегі жейде және лас, жыртық шалбар киген ер адам кіріп келді. Оның шашы ұзын, ал мойнында татуировкасы бар. Басында жұмысшылар басқа науқасты бөлмеге жіберді деп ойлауыңыз мүмкін. Сосын ер адам сөйлеп: «Сәлеметсіз бе, мен дәрігермін» дейді. Сіз қалай әрекет етер едіңіз?

► Жоғарыдағы әңгімеде науқас ол адамның шынымен дәрігер екеніне неге күмәнданады?

Адамдар белгілі бір кәсіптерден арнайы киім үлгісін күтеді. Егер адам күткенінен әлдеқайда басқаша киінсе, оның сеніміне ие болу қиынырақ болады. Бұл көптеген лауазымдарға, соның ішінде бағушы мен мұғалімге қатысты.

Киім - бұл істеп жатқан ісіңізге байыпты екеніңізді көрсету тәсілі. Егер сіз көшбасшы болып тұрып, спортпен айналысу, үйде демалу немесе физикалық еңбекпен айналысу үшін киінгендей киінсеңіз, адамдар сізді көшбасшылықты маңызды деп санамайды деп ойлауы мүмкін.

Көшбасшылық – әсер ету. Егер адам сіздің сыртқы келбетіңізге байланысты сіздің қабілетіңізге күмәнданса, сіздің әсеріңіз аз болады. Бұл өте қарапайым қағида: адам қандай болса, солай киіну қажет. Сіз күн сайын кейбір адамдармен бірінші рет кездесесіз. Олардың көпшілігі сіздің әсер етуіңізді қалап/қаламайтындарын бірден шешеді. Сіздің киіміңіз олардың бірінші көретін нәрсесі болғандықтан, әсеріңізді азайтатындай киінбеуіңіз керек.

Кейбір студенттерге киімге қатысты қағидаларға байланысты өз мақсаттарын немесе әрекеттерін қалай өзгертуге болатынын бөлісуге мүмкіндік беріңіз.

Соңғы сабақты жігерлендірумен және студенттердің дамуын жалғастыру және үйренген қағидаларды қалай қолдану керектігін зерттеуді жалғастыруға шақыру арқылы аяқтаңыз. Оларға ең алдымен Құдайдың ісін кеңейту және Құдайдың ұлылығы мен мәңгілік сый үшін жұмыс істеу керек екенін ескертіңіз.

Төмендегі дәйексөздерді студенттерді үнемі қолдарынан келгеннің бәрін жасауға ынталандыру үшін пайдалануға болады.

Сын емес, адамның қалай сүрінетінін немесе істі жасаушының қай жерде жақсырақ жасауға болатынын көрсететін адам да маңызды емес. Еңбегі шын мәнінде көрініп тұрған, беті шаң, тер мен қанға боялған, ерлікпен алға ұмтылған, қателескен, қайта-қайта сүрінген, шын мәнінде амалдарды жасауға ұмтылған, ынта-жігер және берілгендігі бар, өзін лайықты іске арнаған маңызды. Соңында сәтсіздікке ұшыраса да, ол батылдықпен сәтсіздікке ұшырайды, сондықтан ол ешқашан жеңісті де, жеңілісті де білмейтін суық және қорқақ жандармен бірге болмайды.[1]

Келесі дәйексөз Зимбабведегі бағушының сенімі үшін өлтірілуінен кейін табылған қағаздардан алынған деп есептеледі.

Мен ұятсыз қоғамдастықтың бір бөлігімін. Жеребе тасталды. Мен сызықтан аттап кеттім. Шешім қабылданды. Мен Оның шәкіртімін және артыма қарамаймын, артқа шегінбеймін, тоқтамаймын, баяулатпаймын.

Менің өткенім өтелді. Менің қазіргім мағыналы. Менің болашағым сенімді. Мен төмен өмір, кішігірім жоспарлау, тегіс жолдар, түссіз армандар, бағындырылған көріністер, қарапайым әңгімелер, арзан өмір және мағынасыз мақсаттарды аяқтадым.

Маған енді артықшылық, өркендеу, лауазым, жоғарылау, мақтау немесе танымалдылық қажет емес. Мен дұрыс болуға, бірінші болуға, жоғары болуға, мойындалуға, мақтауға немесе марапатталуға міндетті емеспін. Мен сеніммен өмір сүремін, Оның қатысуына сүйенемін, шыдамдылықпен жүремін, дұға арқылы көтерілемін және Киелі Рухтың күшімен еңбек етемін.

Менің мақсатым орнатылған. Менің жүрісім жылдам. Менің мақсатым – жұмақ. Менің жолым тар, қиын, серіктерім аз болуы мүмкін, бірақ менің Жетекшім сенімді және менің міндетім айқын.

Мен өзімді сатып алуға, ымыраға келуге, айналып өтуге, азғыруға, артқа бұруға, адастыруға немесе кешіктіруге жол бермеймін.

Мен жәбірленушінің алдында дірілдемеймін және жаудың қатысуында селт етпеймін. Мен жау дастарханында келіссөз жүргізбеймін, танымалдылық туралы ойланбаймын, нышанасыздық лабиринтінде жүрмеймін.

Мен берілмеймін, үндемей қалмаймын, әлсіремеймін, мен өзімді сақтап, дұға етіп, Құдайды жариялай беремін. 

Мен Исаның шәкіртімін. Мен соңына дейін, Ол қайтып келгенше, барлығы Ол туралы білгенше Ізгі хабар айта беремін. Ол қайтып келгенде, мені бірден таниды. Менің түстерім анық болады!