კომუნიკაციის პრინციპები

ეს კურსი ასწავლის ურთიერთობების თეოლოგიას, ეფექტური მეტყველების მეთოდებს და ბიბლიური ქადაგების მომზადების და წარდგენის მეთოდებს.

ჯგუფურად სწავლის შემთხვევაში, შესაძლებელია მონაცვლეობით წააკითხოთ მასალა. პერიოდულად უნდა შეჩერდეთ მასალის კლასში განსახილველად. როგორც კლასის ხელმძღვანელი, თქვენ ხართ პასუხისმგებელი, რომ დისკუსიის დროს არ მოხდეს შესასწავლი მასალიდან გადახვევა. უმჯობესია თითოეული განხილვისთვის განსაზღვრული დრო დააწესოთ.

განსახილველი საკითხები აღნიშნულია ასეთი სიმბოლოთი ►. ყოველთვის, როცა ასეთს წააწყდებით, დაუსვით მომდევნო კითხვა და სტუდენტებმა განიხილონ პასუხი(ები). შეეცადეთ დარწმუნდეთ, რომ კლასში ყველა სტუდენტი ჩართული იყოს დისკუსიაში. საჭიროების შემთხვევაში, შეგიძლიათ თვითონ გამოიძახოთ სტუდენტები.

ამ კურსში გამოყენებულია ბევრი ადგილი წმიდა წერილიდან. ზოგიერთი მუხლი დაბეჭდილია ტექსტში. სხვა ადგილები წმიდა წერილებიდან მითითებულია სქოლიოებში. სთხოვეთ სტუდენტებს მოძებნონ მუხლები, რომლებიც მხოლოდ სქოლიოებშია მოცემული და მონაცვლეობით წაუკითხონ ისინი ჯგუფს.

თითოეული გაკვეთილი მთავრდება დავალებებით. სტუდენტებმა უნდა შეასრულონ დავალებები და გაცნობონ მომდევნო გაკვეთილის დაწყებამდე.

ზოგიერთი გაკვეთილის ბოლოს, კლასის თითოეულმა წევრმა უნდა მოამზადოს ქადაგება ან ბიბლიური გაკვეთილი დანარჩენი სტუდენტებისთვის. პრეზენტაციების შემთხვევაში, მათ წარსადგენად დაუთმეთ დრო შემდეგი საკლასო შეხვედრის დასაწყისში. გამოიყენეთ ამ წიგნის ბოლოში მოცემული შეფასების ფორმა, რათა შეაფასოთ ეს ქადაგებები და დაეხმაროთ სტუდენტებს მათი მეტყველების უნარის გაუმჯობესებაში (ყოველთვის მივესალმებით, თუ გააკეთებთ ამ შეფასების ფორმის ასლებს, გაკვეთილზე გამოსაყენებლად.)

გაკვეთილების უმეტესობა მოიცავს ტესტის საკითხებს. თითოეული საკლასო მეცადინეობის ბოლოს, ლიდერს შეუძლია განიხილოს ეს საკითხები სტუდენტებთან ერთად. შემდეგი საკლასო მეცადინეობა უნდა დაიწყოს ტესტით ამ საკითხებზე. ეს შეიძლება გაკეთდეს ზეპირად ან წერილობითი ფორმით. ტესტების ჩაბარებისას სტუდენტებმა არ უნდა მიმართონ სახელმძღვანელოს, ჩანაწერებს, ბიბლიას ან თანაკლასელების დახმარებას. ტესტის პასუხების ჩამოტვირთვა შესაძლებელია ShepherdsGlobal.org- ზე.

თქვენი კლასის სტილიდან გამომდინარე, თქვენ შეგიძლიათ აირჩიოთ მხოლოდ დავალებების შესრულება და გამოტოვოთ ტესტის საკითხები. შეგიძლიათ კურსის ეს ნაწილი მოარგოთ თქვენი სტუდენტების სწავლის სტილს.

თუ სტუდენტს სურს მიიღოს სერთიფიკატი Shepherds Global Classroom– ისგან, ის უნდა დაესწროს საკლასო მეცადინეობებს და შეასრულოს დავალებები. კურსის სახელმძღვანელოს ბოლოს მოცემულია ფორმა შესრულებული დავალებების ჩასაწერად.